الأخبار
أخبار إقليمية
الشرطة تعتدي على شاب بسبب حلاقة رأسه !!
الشرطة تعتدي على شاب بسبب حلاقة رأسه !!
الشرطة تعتدي على شاب بسبب حلاقة رأسه !!


08-13-2013 10:41 AM


الجزيرة / الأنصاري

قامت عناصر من شرطة الحاج عبد الله بمحلية جنوب الجزيرة بالإعتداء بالضرب المبرح على شاب بسبب حلاقة شعره على طريقة أحد لاعبي فريق برشلونة الاسباني وذلك في الشارع العام بقرية البيلاوي ثم تم ترحيله إلى قسم الحاج عبد الله ليتم ضربه مجدداً، واحتجز لمدة(7) ساعات وتمت حلاقة رأسه (صلعة) كعقوبة وأطلق سراحه بالضمان، وقال أنه سيفتح بلاغاً ضد الشرطة.

الميدان


تعليقات 32 | إهداء 0 | زيارات 9064

التعليقات
#743755 [غربة]
0.00/5 (0 صوت)

08-14-2013 12:22 PM
انا مستغرب جدا من رد المشاركين الذين يتحدثون عن الحرية الشخصية. ولد زى ده لو جاء للمدرسة كأستاذ او مدير اقول ليهوا اتفضل ياميسى اقعد. نحن مجتمع مسلم نحترم الأخرين بأحترامنا لأنفسنا فى المقام الأول. ماممكن بنت ماشة بلباس خادش للحياء اوشاب لابس لهوا بنطلون نص صلبه طالع ولا حلقة رأس عرفا اولا غير مناسبة للمنطقة. الحرية حدها احترام مشاعر الأخرين. واحد غربة طالت غربته فى الغرب.


#743635 [ياسر دكين]
5.00/5 (2 صوت)

08-14-2013 10:25 AM
لو عندكم فصاحة اعملوها في عصابات النقيرز الطلعت عين المواطنين


#743330 [Tarig]
0.00/5 (0 صوت)

08-13-2013 10:15 PM
يا جماعة المنطقة ما فيها جرائم يعني ما يشتغلوا ويصرفوا مرتب خلوا الجماعة يحللوا مرتباتهم


#743309 [مواطن]
5.00/5 (2 صوت)

08-13-2013 09:45 PM
هذا الشاب لم يقم بعمل اجرامى حتى تعتدى عليه ما يسمى بألشرطة بهذه الطريقة الوحشية الفاشية, الشباب فى كل العالم قد يقلدو من هم معجبون بهم من نجوم الكرة و غيرهم و هذه قد تكون فترة عابرة فى حياة كل شاب ولا تؤذى أو تضر أحد فأبواتنا أطلقوا شعرهم كألخنافس فى الستينات و السبعينات من القرن الماضى فهل كانت تلاحقهم الشرطة؟ كل من يؤيد مثل هذا الاعتداء المقرف ضد هذا الشاب المغلوب على أمره فهو شخص معقد و فاشى فى أفكاره, و هل ان كان هذا الشاب ابن لمسؤول كبير تتجرأ الشرطة بألاعتداء عليه بألطبع لا.


#743284 [عبد الله]
0.00/5 (0 صوت)

08-13-2013 08:34 PM
فى الخرطوم ما عندكم اولاد ممشطين . بعدين هو حر يخلق زى ما عايز ...وانا خايف بع شويه تقولوا للواحد طلع سروالك نشوف عينه حلاقتك ... بالله يا ناس البوليس شوفوا شغلكم خلو الكلام الفارغ ده . شوفوا الحراميه وين وحراميه الشرطه بالذات وشوفوا حل للجرائم الغامضه ما تخلوا شغلكم فى سفاسف الامور واشياء الما عندها معنى .


#743276 [Nuha]
0.00/5 (0 صوت)

08-13-2013 08:20 PM
الله يهون


#743273 [صح]
5.00/5 (1 صوت)

08-13-2013 08:11 PM
المفروض يقطع راسو مش يقصو شعرو..


ردود على صح
United States [عبده] 08-14-2013 08:11 AM
كلام فى محلو واحيك


#743244 [سعد]
0.00/5 (0 صوت)

08-13-2013 07:06 PM
ده آ خر الزمان الله يسترنا في الدنيا والآخرة


#743237 [أب دفسه]
5.00/5 (2 صوت)

08-13-2013 06:51 PM
هذا الشاب يستاهل الجلد والسجن كمان لان هؤلاءالشباب بلا مثل ولا أخلاق , مياعه وقله أدب .,وأشياء غريبه على مجتمعنا


ردود على أب دفسه
United States [فرعون] 08-14-2013 04:20 AM
(اشياء غريبه على مجتمعنا) ههههههههههههههههه يا حلاووووووووووة ،،،


#743222 [انصاري]
0.00/5 (0 صوت)

08-13-2013 06:21 PM
أطلق سراحه بالضمان، معناها فتح بلاغ بعد تكييف النيابه للبلاغ، والتهمة تصفيف الشعر ,, والشعر تمت حلاقته وتم ضرب الشاب، ويعني الشرطة بقت نيابة وقاضي، قبضت.. وأصدرت أمر القبض، وحكمت!!؟؟ تاني الباقي شنوا...!!


#743175 [الشاعر]
0.00/5 (0 صوت)

08-13-2013 05:24 PM
الشباب بتكوينه النفسى وخاصة المراهقين يحتاجون لاشياء تلفت النظر وانا كنت احب البس الاصفر لانو لو عايز تظهر البس اصفر وكلها حركات مؤقته بعدين الانسان بيرجع لاصلو وهسع لو شفتو سبحتى ما بصدقو بس اهم شىء الناس تبقى عشره على حكاية الانحراف للبنت او الولد وامثلة الانحراف كثيره (التدخين-الخمره-المخدرات-الفساد الاخلاقى) لو لاحظتو حاجه زى دى عليكم بالعين الحمره والتهديد بألموت الأحمر.


#743152 [بت حبوبتها]
5.00/5 (1 صوت)

08-13-2013 04:52 PM
حسبنا الله ونعم الوكيل في الحكومة وشرطتها الظالمتين !

لماذا استعبدتم الناس وقد ولدتهم أمهاتهم أحرارآ ؟


#743136 [مجودي]
0.00/5 (0 صوت)

08-13-2013 04:26 PM
الكلام دا قبل ولا بعد حرق المواطنين لمركز الشرطة ؟


#743130 [أجي يا أخواني]
4.50/5 (2 صوت)

08-13-2013 04:17 PM
مالكم ومالو يحلق شعره انشالله دواير ومثلثات هو حر والما عاجبو ما يعاين ليهو - يعني الحلاقة ما حاجة شاذة ذي اللبس الخليع ولا إستخدام زينة النساء -حرام عليكم خلو الوليد هسي يتشيطن ويعمل حركات بكرة يكبر يضحك على صوره - بس بالجلد والإساءة كسرتوا خاطرو


ردود على أجي يا أخواني
United States [الشرانى] 08-13-2013 09:45 PM
كانوا يحلقوا ليهو ميطى, لو ما عنده اب يساله فالشرع يساله


#743118 [تينا]
5.00/5 (2 صوت)

08-13-2013 04:03 PM
يا جماعه لنتكلم بصراحه صحيح ما من حق الشرطه تعاقبو وتحلق ليهو راسو لانه فى النهايه الشعر شعرو وهو حر فيه لكن يا اخوانى ما بتتفقوا معاى انو الحاجات البقوا بعملوها شباب الزمن دا غريبه شويه من بناطلين السيستيم الشبه واقعه وحلاقة الشعر الغريبه وعجيبه لما شكل الواحد بتغير وسبسيب الشعر بالجيل . فى صلاة العيد فى المملكه شاهدت لى واحد لونو اسمر ما عارفاهو بالضبط جنسيتو شنو المهم احترت فيهو حالق راسو بالجنبات من قدام ليوراء صلعه وتارك الفى النص من الشعرمن قدام ليوراء خط عريض شويه وشعروا خشن يعنى بصراحه شكلو كان ما محتمل وكان مصدر لنظرات الناس بشتنه بمعنى الكلمه لزومو شنو دا كلو الله يهديهم بس


ردود على تينا
[Freedom] 08-13-2013 10:10 PM
Judge Not..this is his time and this is young people style now days..who are you judge?


#743117 [عدو الشرطة]
5.00/5 (2 صوت)

08-13-2013 04:01 PM
الشرطة والجيش في كل العالم مهمتها الحفاظ على الامن ويكون لها دور في الكوارث والفياضانات الا الشرطة السودانية ليس لها دور وهي غير معنية بالمواطن , الشرطة السودانية مجموعة من العطالة ليس لهم دور ولايحافظون على الامن ومعظمهم جهلاء ليس لهم اي نصيب من التثقيف الشرطي , الشرطة السودانية منظومة ضخمة جدا يأكلون موارد البلد دون فائده الا حماية النظام , وكل رجال الشرطة في السودان يحفظون عباره واحده "نحن ننفذ التعليمات" والله جهل وغباء , نتمنى ان يحل هذا الجهاز ويستبدل يوما ما بشرطة وطنية تكون في خدمة الشعب , وانا اعني بكلامي كل اقسام الشرطة شرطة المرور , شرطة مكافحة الشغب (ابوطيره) , شرطة الجوازات , ونحن لانستثني حتي الدفاع المدني وحرس الصيد كلهم عباره عن مجموعة تشارك هذا النظام في الفساد والقمع لعنهم الله, في رأيي اللصوص الموجودين داخل السجون افضل من هذه الشرطة الفاسده.


#743080 [SESE]
5.00/5 (3 صوت)

08-13-2013 03:17 PM
فعلا هناك بعض من الشباب يستحق الجلد بسبب الحلاقة القبيحة مثل عرف الديك وكمان لبس البنطلون تحت الجعبات......

ماذا يجني الشباب من تلك التقليعات القبيحة التي تدل على عدم المثل والاخلاق. اقسم بالله العظيم اذا جاء ابني بمثل تلك الاشياء لحرمته من دخول البيت وتبرأت من ابوته حتى يتوب الى رشده....

اللهم لا تمحن ولا تبلي......


ردود على SESE
[زول نصيحه] 08-13-2013 07:03 PM
دا فعلا يستاهل الجلد لانو لو كان راجل كان طلع الشارع لكن مادام بيحلق كده دا ما منو رجاء الافضل ينجلد عشان يرجل شويه


#743060 [تجربتي]
2.50/5 (3 صوت)

08-13-2013 02:52 PM
زمان كان الاستايل هو أن تترك شعرك خنفس, ما كان شاذ وأهلنا الهدندوة بطبعهم مخنفسين شعرهم, لكن هسع الوضع أتغير تلقي الولد عامل شعره زي البنت, والا عامل كيف!!!
في السعودية كنت حتى منتصف التسعينات مخنفس شعري, كنت بلاحظ أنو الكبار مستعجبين والصغار فاكرنك جاي من عالم أخر ينظروا ليك بإعجاب, خاصة عندما تكون واقف في الشارع.
دا كلوطلع كلام فاضي ولا يفيد غير لفت النظر.
شفتو كيف؟
هسع الولد مجنني بشعره العاجبو والتسريحة القاطعة من رأسه تشبهاً بما كنا نتشبه بهم, لكن حيعرف حاجة بعدين.


#742985 [بدرالسماء]
3.00/5 (1 صوت)

08-13-2013 01:43 PM
البوليس دا جنّ ولا شنو ؟


#742910 [سايكو]
4.63/5 (6 صوت)

08-13-2013 12:48 PM
شرطه كلها صعاليق و مدمنين و قوادين و فاقد تربوي لازم تتصرف بالطريقه الهمجيه دي ،
لكن دا كله من الصعاليق الكبار بتاعين الانقاذ ، هسا في اي بلد في الدنيا في بجرم مواطن بسبب حلاقه شعر ؟؟؟؟؟
ما يحلق زي لعيبه برشلونه و لا زي ود امبعلو الشرطه دخل امها شنو ؟؟؟؟؟


#742893 [بالنية]
0.00/5 (0 صوت)

08-13-2013 12:38 PM
الفلاحة الا في الشباب فقط اتو عينيكم ديل ما بشوفن الجنس الاخر


#742874 [موسى محمد]
4.63/5 (7 صوت)

08-13-2013 12:28 PM
حاجة غريبة والله .... يا أخوانا الراجل رأسه وهو حر فيه يحلقو صلعة، يمشطو، يفردو ولا حتى يقطعه من الرقبة هم مالهم ومالو؟؟؟


#742853 [عصمتووف]
4.00/5 (4 صوت)

08-13-2013 12:17 PM
**** من يؤدب من رجال ابوخجيجة (الشرطة) في حوجة ماسة للتاديب والتقريع والتوبيخ والكفوف والشلاليت لصوص مرتشين و زناة يريدون ضبط الشارع وتاديب البشر فاقد الشئ لا يعطية


#742827 [الفجري داك]
3.00/5 (1 صوت)

08-13-2013 12:04 PM
تفتح بلاغ فى مين ،دي شرطة الهمباته في حرامي يشتكوه لحرامي ،نيابة وقضاء وعسكر وابوطيرة وووو
ديل مدعومين من اللأاسلاميين لأهانة البشر وإنتهاك الحقوق ،وبعدين تعال إنت أبوك وين شهيد ولامتغرب
ولامعرس ثاني ،مافاضي ليك وإمكن بنطلونك تحت صلبك ،انا أووايد ذلك من ناس الشرطة وإذعل لأهتماماتهم
بالفارغة ،في جلد البنات واللبس وحاجات تافة تفاهة ذي مسئوليهم ملعونه يابلد من 89م


#742824 [أب قرن]
3.50/5 (2 صوت)

08-13-2013 12:04 PM
لا تنه عن خلقٍ و تأتي مثله عـــارٌ عليك إذا فعلت عظيم
ابدأ بنفسك و انهها عن غيها فإذا انتهت عنه فأنت حكيم

العساكر الضربو الولد دا نفسهم يكونو حالقين حلاقة أبشع منو غايتو بلد الأعوج فيها عديل و نقول ربنا يصلح الحال و أولياء الأمور ياريت ينتبهو لأولادهم و صحبتهم عشان ناس أبو خجيجة ديل يشوفو شغلهم


#742816 [الارباب]
4.00/5 (2 صوت)

08-13-2013 11:59 AM
فى هذا المجتمع وفى كل المجتمعات العربية البدوية يستنكر كل خروج على المألوف وينبذ كل متمرد على التقاليد الموروثة والثقافة البدوية وينظر المجتمع إليه بنظرات الإزدراء والتحقير , يزدرى أي جديد سواء كان فى الملبس أو الغناء أو التفكير أو حلاقة الشعر أو أي شئ غير مألوف ,, لا مكان فى هذه المجتمعات للحرية الفردية ولا للإستقلال الذاتي والفرد فيها دائما تابع لا مستقل ,, هناك قهر شديد وقمع وقسوة تقوم به الأسرة والعائلة والمجتمع البدوي على أفراده وذلك لتحقيق الغايات التي تتحددها نظرة الأسرة والمجتمع من ذاك الفرد ,, وبسبب هذا القهر الدائم كثيرا ماتجد أفرادا فى هذه المجتمعات وقد أصيبوا بعطب نفسي وبعقد مستعــصية وبحالات إكتئابية"

د.مشعل الطيب الشيخ .


#742795 [عباس]
0.00/5 (0 صوت)

08-13-2013 11:50 AM
فى دى يستاهل ما يطلع واحد يقولى حرية شخصية لانه هو وين ولاعب برشلونه وين المفروض يحترم نفسه ويهذبها ثم يطالب بحقوقه .


#742775 [المتغرب الأبــدي]
0.00/5 (0 صوت)

08-13-2013 11:40 AM
ههههههههههه
ههههههههههههههه
الناص في شنو والشاب دا في شنو ؟


#742759 [هباش]
5.00/5 (1 صوت)

08-13-2013 11:33 AM
شفوووووووووووووووت


#742752 [Mohd]
3.50/5 (2 صوت)

08-13-2013 11:29 AM
تفتح بلاغ في منو


ديل ترفع يديك للسماء وتشكيهم لرب العزة


كلهم مجرمين

وهو البلد فيها قانون واللا فيها مسئول عشان تشتكي ؟


#742710 [حاتم]
0.00/5 (0 صوت)

08-13-2013 11:07 AM
فلننظر للنصف الآخراليست هذه الظواهر التغريبية سالبه الا تشكل استلاب لثقافتنا شبابنا تم السطو عليه والحكومة حصرت دورها في معالجة الظواهر السالبة فقط وكان من الاولى لها ان تقلل تاثيرات خطرالغزو الثقافي للشباب جعلت كل همها لعبة الكراسي واهملت الشباب وكل الشعب لذا نحن الآن نعاني من الشباب المائع اصحاب البنطلونات الناصلة


#742688 [عاكف]
4.50/5 (3 صوت)

08-13-2013 10:52 AM
ياهو دة الفالحين فيه ، الموية بتغرق في الناس وهم بيجلدوا في الشباب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة