الأخبار
أخبار إقليمية
«50» ألف دولار من السفارة الأمركية لدرء آثار السيول والأمطار
«50» ألف دولار من السفارة الأمركية لدرء آثار السيول والأمطار



08-13-2013 12:26 PM
أكدت سفارة الولايات المتحدة الأمريكية بالخرطوم أنها ستقدم مبلغ «50.000» دولار للتخفيف من المعاناة الناجمة عن السيول الأخيرة بالسودان، إضافة للمساعدات الإنسانية المنقذة لحياة المتضررين من السيول. وقالت في بيان أمس، إن هذه المساعدات الإضافية التي ستقدمها حكومة الولايات المتحدة الأمريكية، ستدعم جهود اتحاد جمعيات الصليب والهلال الأحمر الدوليين للوقوف على الاحتياجات الجارية، تنسيقاً مع شركاء محليين لتقديم الإغاثة الفورية للمجتمعات المحلية.

الإنتباهة


تعليقات 21 | إهداء 0 | زيارات 3103

التعليقات
#743504 [Adam Ibrahim]
5.00/5 (1 صوت)

08-14-2013 03:43 AM
حسب ما فهمت من الخبر خمسين الف دولار مقدمة من السفارة فى الخرطوم، إضافة للمساعدات المنقذة للحياة ستقدمها حكومة الولايات المتحدة.. يعنى ممكن يكون غذاء دواء خيم مشمعات وغيرها ما ذاكرين قيمتها..

ما دام هى بسيطة فى نظر البعض وانو اصغر تاجر ممكن يتبرع بيها واصغر جبهجى ممكن يسحبها من طرف جيبو طيب ليه ما دفعوها لاغاثة المتضررين المفترض هم اهلهم؟..


#743451 [بتاع البوفيه في القصر الجمهوري]
4.00/5 (1 صوت)

08-14-2013 01:33 AM
هنالك مشكلة الآن كبيرة بين كرتي والرئاسة حول امكانية اعلان طلب العون لاغاثة المنكوبين لغرض استقطاب عملة صعبة لدعم خزينة بنك السودان الخاوية


#743393 [ودالحسن]
0.00/5 (0 صوت)

08-14-2013 12:21 AM
علي قدر اهل العزم تاتي العزائم


#743343 [اشرف]
5.00/5 (1 صوت)

08-13-2013 10:35 PM
والله كلامك صاح ومعقول جدا والمسل بيقول شعره من جلد الخنزير فايده شحادين ومتشرطين


#743306 [سهر الجداد]
3.63/5 (6 صوت)

08-13-2013 09:31 PM
50 الف دولار يعني حوالي 160 الف ريال قمة الاهانة للشعب السوداني الفضل وهي اكيد مقصوده وحكومة العواليق ديل هي الجابت الاهانة للسودان وما عارف الشعب ده منتظر شنو ؟ يقلعوا ليه لباسو وهناااااي .....المانعكم تطلعوا الشارع في يوم واحد وتشيلوا الهم ده شنو ......؟؟؟؟؟؟؟؟؟؟


#743300 [Adrob2]
0.00/5 (0 صوت)

08-13-2013 09:14 PM
نطلب من حلف الناتو التدخل لحل هذه االكارثة والقبض علي المجرميين وتسليم السلطة للشعب .


#743285 [المجهجه بسبب الهوية]
0.00/5 (0 صوت)

08-13-2013 08:36 PM
يا بت حبوبتها

منو القال ليك القروش حتصل للمحتاجين باين عليك ركزتي على كلمة شركاء محليين , ديل ياربي منو؟


#743280 [طارق الباز]
4.00/5 (2 صوت)

08-13-2013 08:31 PM
المبلغ عبارة عن قيمة الحكومة السودانية فى نظر الامريكان.


#743269 [حداثة صالح]
4.00/5 (3 صوت)

08-13-2013 08:03 PM
لاحو ولا قوة الا بالله 50 الف دولار ياخ دي احسن يقولو لينا الله كريم وفعلا الله كريم لامن برجي التجارة انهار الامير الوليد بن طلال قدم تبرع للاميركان 10 مليون دولار لكن عمدة نيويورك في كبر وعزة نفس رجعا ليه قال ليه امريكا ما محتاجة دعم منكم ...!!!!و50 الف دي قروش والله اي واحد من قرية الفادنية ديل تلقاها عنده !!!لكن المشلكة ان امريكا ما مقيمة الانسان السوداني ..لكن بي فهم ما ساي !


#743213 [عمار]
5.00/5 (1 صوت)

08-13-2013 06:07 PM
الشعب السوداني ما بستاهل تخسرو فيهو دولار واحد بعد التبرع دا هيدعو عليكم في المساجد وينبوكم شعب جعان ومفتري


#743191 [Mohamed Banaga]
4.00/5 (3 صوت)

08-13-2013 05:40 PM
سلام عليكم ورحمة الله
فقط احب ان اعقب على بعض التعليقات بضعف المبلغ
هو ان هذا المبلغ من السفارة ( زي ماقال زهجان وغضبان )وده اقصى مبلغ من صلاحيات السفير الامريكي ولا يحق له التصرف في مبلغ اكثر .... وانا شخصيا اندهشت من المبلغ لانه اقصى حدود صلاحيات وعادة لا يصلونها..... ولكن اذا تم اعلانها منطقة كوارث فالتدخل سيكون مختلف تماما .... بس الحيكومة الكلام ده ما حلو ما دايراهو...
بالمناسبة
برامج المعونة الامريكية في السودان تتجاوز 190 مليون دولار للعام 2013...
طبعا زي مابيقولوا شكارتها دلاكتها
(واحد عميل شغال مع الامريكان زي مابيقولوا)


#743150 [بت حبوبتها]
5.00/5 (2 صوت)

08-13-2013 04:48 PM
المبلغ بسيط لكن برضو كتر خيركم

العاجبني إنكم طلعتوا مفتحين وما أديتوا المبلغ للحكومة أو الوالي, طوالي مشيتوا الهلال والصليب الأحمر عشان تضمنوا وصوله للمحتاجين


#743073 [Dr. Hatim Eltayeb]
5.00/5 (1 صوت)

08-13-2013 03:07 PM
يخس


#743043 [سوداني يغلي]
1.00/5 (1 صوت)

08-13-2013 02:36 PM
الهدف منها اهانة كرامة الانسان السوداني والبشير اولهما !


#743035 [الــســيــف الــبــتــار]
4.63/5 (4 صوت)

08-13-2013 02:27 PM
الدعم المالى من سفارة امريكا ليس بحجم المعاناة التى يعانيها مواطنى المناطق المتاثره بالسيول و الامطار ؟
ولكن قياسا بما ينفق فى رحلات رأس النظام من اموال طائله تساوى اضعاف ما يقدم من دعم و عون انسانى من دول عديده صفرا ؟
راس النظام و فى رحلته المشؤومه و التى لم يهنا بها و لم يتمكن من عبور اجواء السعودية ليصل الى مبنغاه مهنئا و مشاركا فى تنصيب احد رموز الرافضه بايران كانت قيمة التكلفه لاجار الطائرة الخاصه فقط 276 الف دولار امريكى دون المخصصات للوفد المرافق و راس النظام من مبالغ و بالدولار؟
صعد الى الطائرة و بمعيته وفده ومودعيه والامطار تنهمر بغذارة و السيول تجرف المساكن و ما تحتويه من اثاث بسيط على قدر حالهم و مواد غذائيه و اوانى منزليه و ملابس و لم تكتفى بذلك بل صبيا و اطفال و رجال و نساء كانوا فى جوف المياه الهادرة و لفظوا انفاسهم و انتشلت جثثهم و ورويا الثرى الرطب ف موكب حزين و رأس النظام يحاول العبور الى طهران و كان له العودة الى الخرطوم مجرجرا اذيال الخيبه و هذا الذى جنته براكش على نفسها ؟
من هو احق بهذا المبلغ الذى اهدر فى ايجار طائرة لتقلك الى مثواك الاخير ان شاء الله ؟
انه مال الشعب و من حق الشعب أن ينعم بما انعم الله عليه من خيرات هذه الارض من زرع و معادن نفيسه و بترول وانعام تساق الى الدول العربيه زرافات و وحدانا و المواطن عاجز عن شراء ربع وقه لحم لكى يطعم بها ابناؤه ويسد بها رمقه فاصبحت اليوم بالنسبه للمواطن البسيط حلم يراوده و امنيه يتمنى تحقيقها لكى يرم بها جسده و يشبع غريزته ويتذكر شىء من الماضى الجميل عندما كانت الصينيه تجد فيها اكثر من ثلاث اصناف و اللحوم تعوم فيها كعوم الغريق فى السيول ؟
لك الله يا وطنى المغتصب و الامل ما زال يحدونا فى الفرج القريب ان شاء الله ويتبدل الحال و عند الله ما فى شى مستحيل .


#743002 [كركاب]
5.00/5 (2 صوت)

08-13-2013 02:00 PM
ما قصرتوا يا اولاد جورج وان كانت شوية ما قدر الدمار الحاصل
لكن طلعتوا احسن من الحكومة الى الان لم تزر المتضريين خلى شغلة فيها دفع
بس القروش دى حا تمشى وين ومين المستلم ومين المستفيد وكيف الصرف
والدولار دا كيف مع التماسيح حا يتحول ببنك السودان ولا سوق اسود
انا خائف تمشى كافورى وشايف عبودى اخو بشبش عمل لية منظمة قال شنو نحن قلباً وقالباً مع الناس
بعدين يقول ليك نعمل بيها كبارى وتصليح شوارع وردم مستنقعات وشغل بنية تحيتة..دا شغل حكومة القروش دى للمتضريين.اسى الناس ما لاقيه حق الاكل ولا الشراب ولا حتى الملابس راحت مع السيل
يا ناس نفير فتحوا عينكم ........


#742992 [زهجان من الضبان]
3.50/5 (2 صوت)

08-13-2013 01:49 PM
راحت


#742991 [mohamed]
5.00/5 (1 صوت)

08-13-2013 01:49 PM
50 الف دولار رجعوها ليهم ما عايزنها برانا بنشيل الشيلة


#742987 [علي]
5.00/5 (3 صوت)

08-13-2013 01:46 PM
إها يا كيزان السجم دي أمريكا التي دنا عذابها الله يعذبكم في الدنيا و الآخرة


#742966 [عبد الله]
5.00/5 (3 صوت)

08-13-2013 01:27 PM
50 الف دى ممكن يتبرع بها اى تاجر فى سوق السجانة مو حكومة امريكا صاحبة التريليونات التى اهدرتها فى حرب العراق ؟؟!!!


#742900 [ابواحمد]
4.00/5 (3 صوت)

08-13-2013 12:40 PM
50000 والله شئ مضحك والبستلمها يكون واحد ما عندو كرامة وهذه اهانة لكل الشعب السودان


ردود على ابواحمد
United States [MAHMOUDJADEED] 08-13-2013 06:18 PM
الي [زهجان من الضبان]

حتى لو من السفارة المبلغ ده زهيد جداً جداً ( السفارة بتجيبها من وين يا ناصح )؟!!!.

European Union [عمار] 08-13-2013 06:12 PM
هسي دا كلام زول عندو كرامه يدوك وتقول دي اهانه دايرم يبنو ليك بلدك وفي النهايه تدعي عليهم شوفو اليابان بنو بلدهم كيف بعد قمبلة هوروشيما ونكازاكي ما قالو ضربزنا وسولينا وحاسدننا وحاقرين بينا ما قولو زي كلامك دا

United States [kakan] 08-13-2013 03:34 PM
حقارة شديدة من الامريكان والحل عند جمال الوالي والبرير عن طريق التخلص من المجنسين وتصديرهم للخارج ودفع مستحقاتهم لضحايا السيول اصل الكورة ماعندنا ليها حيل وبلاش فضائح 50 الف دولار دا مرتب الحارس درجة ثالثة في سفارة الامريكات

United States [زهجان من الضبان] 08-13-2013 02:46 PM
دا عيب السودانيين دائما متسرعين
دي منحة من السفارة و ليست من حكومة الولايات المتحدة
شعب وهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة