الأخبار
منوعات سودانية
فاطمة عمر :فرحانة بيك أنا يا عش العصفور
فاطمة عمر :فرحانة بيك أنا يا عش العصفور
فاطمة عمر :فرحانة بيك أنا يا عش العصفور


08-14-2013 09:08 AM
الخرطوم :خديجة عبد الرحيم
اعلنت الفنانة فاطمة عمر عدم رضائها عن مشاركتها الاخيرة في برنامج اغاني واغاني في شهر رمضان الماضي، وقالت انها لم تقدم كل ماعندها ووعدت بتقديم عرض أفضل في حال تمت استضافتها من جديد في اغاني واغاني في شهر رمضان القادم ، واكدت ان القائمين على امر البرنامج منحوا الفرصة الكاملة للفنانين المشاركين دون ظلم لاحد من القدامى او الجدد. وشكرت فطومة الجنرال حسن فضل المولي الذي منحها فرصة المشاركة في البرنامج عالي المشاهدة بعد ان استمع لها في برنامج رحيق الورد الخاص بتأبين الراحل حسن عطية.
واكدت فاطمة سعادتها باغنية يا حنين زي عش العصفور التي آلت اليها بعد اعتزال الفنانة عافية حسن، وقالت انها كانت معجبة بها وتحب ترديدها وشكرت الشاعر اسحق الحلنقي والملحن أحمد المك على ثقتهما بها وكشفت عن قصائد والحان جديدة تعكف على دراستها لتقديم الجديد الذي يرضي المستمع السوداني .
ورفضت فاطمة اتهامها بالغرور وقالت انها تتقبل النقد بصدر رحب لانها لازالت في بداياتها الفنية الاولي واكتسبت شهرتها من خلال تقديم الاعلانات واغنية فرحانة بيك انا ياجناي واكدت احترامها لكل المعجبين الذين يبحثون عن التواصل معها عبر الهاتف والفيسبوك .

الصحافة


تعليقات 9 | إهداء 0 | زيارات 8644

التعليقات
#744239 [ابومارتن]
0.00/5 (0 صوت)

08-14-2013 11:07 PM
والله لو جريتى مئه عام لن ولن تلحقنى ولن تكونى أبدا مثل عافيه حسن ,, عافيه إسطوره لن تتكرر قريبا , وأدائك للاغنيه نسبته 5% بالنسبه لاداء الاسطوره عافيه حسن ,, حفظها الله إينما كانت فقد كانت نعم الادب ولاخلاق والتربيه الفاضله , فهى جميلة خلقه وأخلاق ,,


ردود على ابومارتن
[محمد حسن] 08-15-2013 10:51 AM
عافية حسن يا خسارة قلنا خلاص حتكون عندنا فنانه سودانية بمعني الكلمة بعد إختفاء حنان النيل وخلوا لينا الهردبيس دا ينونو فينا الليل والنهار


#744192 [زول الله]
0.00/5 (0 صوت)

08-14-2013 09:24 PM
الله يستر بس


#744144 [أبو عمر]
0.00/5 (0 صوت)

08-14-2013 07:16 PM
ودالمك ناوى يلحقك أمات أفراح أعملى حسابك من هذا الذئب المكار


#744050 [أبوالكجص]
0.00/5 (0 صوت)

08-14-2013 04:46 PM
لو عايزه تنطلقي إلى الأمام خاصة وأن لك قدرات تطريبيه لا بأس بها أبعدي بعيد من ود المك.


#743976 [ديامي قديم]
4.50/5 (2 صوت)

08-14-2013 03:28 PM
كمان وعدت بتقديم عرض افضل لو تمت استضافتها في رمضان القادم ... هل انتي ضامنة تعيشي حتى رمضان القادم دا دليل على انك مبيتة النية بعدم التوبة الله يهديك يا بت عمر


#743801 [[JAMAL MOHAMMED]
5.00/5 (1 صوت)

08-14-2013 12:56 PM
البرنامج دة كان يسموهو : ( فرفور وأغانى ) .ياخى البرنامج طوال الشهر مستلمو على حسابو ومدى باقى الشباب الفتات . و على معدين البرنامج النظر بجدية لهذة الثغرة الكبيرة ومعالجتها لان من اهداف البرنامج اكتشاف وتقديم اصوات جديدة للجمهور . وكفاية فرفور


ردود على [JAMAL MOHAMMED
[جلباق] 08-15-2013 10:32 AM
أنا أوافقك انو البرنامج ما كانت فيه عدالة في توزيع فرص الغناء بين الفنانين , يعني 90% من الفرص لفرفور و بعده طه سليمان , بينما فاطمة عمر كانت مظلومة و ما غنت غير 5 مرات طول الشهر , ياخي الحكاية عملوها ظاهرة. فاطمة عمر دي بتوقع ليها مستقبل باهر

United States [ابوالمكارم] 08-14-2013 01:46 PM
بالله شوف حكمة ربك الفرفور طول الشهر وقبلو ما حصل نزل من زورى على قول المصارنة!!!وكمان طلع امنجى ؟؟؟؟؟؟؟؟؟؟؟؟؟!!!!!!!!!!!!!!!

United States [حسن محمد إبراهيم / الخرطوم بحري] 08-14-2013 01:41 PM
اي والله هذا الفرفور كرهنا . ظلموا بقية الفنانين على حساب ضابط الأمن فرفور


يكون عمك بيخاف منو . فنان عادي جدا , لم يتطور أبدالازال كما بداء و لايقدم سوى


أغنيات غيره وبذات الطريقة و لايضيف شيئا . الله يقرفوا ما بيخجل


#743689 [المشلعيب]
5.00/5 (1 صوت)

08-14-2013 11:15 AM
اولا ما كان عندك اى ظهور وانا مابعرفك بالرغم من انى شاهدت البرنامج والذى كان 57% منه لفرفور وفى حلقه واحده اذكر انو ادوهو فرصتين !!!! بالرغم من وجود 12 مشارك تقريبا


#743596 [هيثم]
5.00/5 (1 صوت)

08-14-2013 09:35 AM
اها والهاتف كم؟


#743587 [ابونصر]
0.00/5 (0 صوت)

08-14-2013 09:22 AM
انتي صوتك حلو بس عندك حركات وايمأءات غريبة عندما تغني وهذا يمكن يكون نوع من الغرور .
بعدين ما كان هناك اي نوع من العدل في توزيع الاغاني (هناك تركيز علي اناس بعينهم )وانتي لستي منهم


ردود على ابونصر
[حقاني] 08-14-2013 10:06 PM
حرام عليك ياشيخ!!!!!! الحركات دي تلقائيه وتقطر انوثه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة