الأخبار
أخبار إقليمية
إنت وين ناس سائحون ديل ..؟ هم بس دايرين يحكموا طوالى ..؟ ما ينزلوا يشوفو معاناة الشعب دا..!!
إنت وين ناس سائحون ديل ..؟ هم بس دايرين يحكموا طوالى ..؟ ما ينزلوا يشوفو معاناة الشعب دا..!!
 إنت وين ناس سائحون ديل ..؟ هم بس دايرين يحكموا طوالى ..؟ ما ينزلوا يشوفو معاناة الشعب دا..!!


سائحون غياب الحس التاريخى - شاهد الصور -
08-15-2013 09:50 AM
محمد لطيف

(الغريبة هم فطروا)... كانت هذه إجابة عفوية صدرت عن وزير الدفاع حين سأله ذاك الصحفى حول تفاصيل ما تردد عن أن (السائحون )قد قاطعوا الإفطار السنوى الذى نظمه فى مطلع رمضان الأخير .. وبغض النظر عن حقيقة ماجرى .. فقد كان المطلوب قد تحقق .. زخم إعلامى .. ضجة كبرى .. أقرب الى الإنفجار .. إنفجار لا يميت .. ولكنه يخلف مزيدا من الهالة الإعلامية حول الإسم ( سائحون).. ويصبح الإسم لدى البعض لغزا .. بل يمثل لدى بعض هذا البعض رعبا .. والمراقب يحار .. وهو لايدرى .. ولا يجزم .. ما إذا كان ثمة ممسك بهذه اللعبة يدرى ما يفعل .. وفق خطة مدروسة .. أم هى الظروف والملابسات .. وتعقيدات المشهد هنا وهناك تساعد فى .. تكبير .. كرة ثلج .. إسمها سائحون .. وواقعة منزل وزير الدفاع التى صورت المشهد .. أو أريد لها أن تقرأ أن .. سائحون تواجه وزير الدفاع .. لم تكن مشهدا معزولا .. ولم يكن منزل وزير الدفاع اول بيت يرتاده السائحون .. أو ممثلين لهم .. فأيما موقع يصلح أن يصنع ضجة إعلامية .. أو منصة يمكن أن تطلق فرقعة .. إرتاده السائحون .. بدءا بمنزل غازى صلاح الدين ..أيام مؤتمر الحركة الإسلامية .. مرورا بمنزل ودابراهيم أيام الحركة الإنقلابية .. وإنتهاء بمنزل صلاح قوش فى خاتمة التصحيحية .. !

ثم إحتل السائحون .. إختاروا هم .. أم وضعتهم إجتهادات المراقبين ..لا أحد يجزم .. موقعا متقدما قى قاطرة إسمها .. الإصلاح .. وهى الأخرى أقرب الى حالة ذهنية إفتراضية متصورة .. منها الى واقع ملموس .. يمشى بين الناس .. فالكل يتحدث عن الإصلاح .. والكل ينشد الإصلاح .. والكل يلوح بالإصلاح داخل الحزب الكبير .. ولكن .. لا أحد يقدم تصورا قابلا للتعاطى .. أو حتى للنقاش .. أو للتنفيذ .. وانتهى الأمر فى نهايته الى .. إنتظار الجميع .. بمن فيهم .. السائحون .. تصورا يعكف على إعداده .. من يفترض أن رايات الإصلاح مرفوعة فى وجهه ..!

والذى دفع بكل هذا الى هنا .. وحتى لا تذهب التأويلات بعيدا .. حدثان وقعا بالأمس .. وكنت طرفا فى كليهما .. الأول بالإستماع .. والثانى بالمشاهدة .. فصباحا إتصل بى صديق .. معلقا على تناولنا لدور شباب نفير فى مؤازرة منكوبى الأمطار والسيول ..ثم سألنى بغتة .. إنت وين ناس سائحون ديل ..؟ ثم أضاف .. هم بس دايرين يحكموا طوالى ..؟ ما ينزلوا يشوفو معاناة الشعب دا .. ولم أعلق فلم يكن لدى ما أقوله .. وإن كنت افكر فى حضور الحس التاريخى هنا .. وغيابه هناك .. وأن الإستثمار الصحيح للفرص المتاحة على وجهها الصحيح .. وفى إتجاهها الصحيح .. ليس عيبا فى العمل العام .. حتى جاءت الواقعة الثانية .. فقد إنطلقت عصر الأمس مسيرة فى الخرطوم .. ويبدو أنها تزامنت مع إنتهاء مهمة الجيش المصرى بإخلاء ميدان رابعة العدوية ..عليه .. لم تكن لها صلة بدعم متضررى السيول والفيضانات فى السودان .. كما لم تكن ذات صلة بالتنديد بغياب دور الدولة .. أو ضعف الأداء الحكومى فى مواجهة الأزمة .. بل فى الواقع كانت المسيرة لدعم إخوان مصر .. وكانت مفاجأتى عظيمة وأنا أتمعن لوحة تصدرت مشهد الموكب .. وقد تزينت بصورة الرئيس المصرى المخلوع محمد مرسى وكتبت عليها .. بسم الله الرحمن الرحيم – مبادرة السائحون – من أجل إستعادة الديمقراطية والشرعية ..

أما المفارقة المذهلة فهى أنه وفى ذات اللحظة التى كان فيها السائحون يغبرون أقدامهم دفاعا عن الشرعية فى مصر كان رجال من الجيش المصرى .. ذات المتهم بتقويض الشرعية .. يغبرون أرجلهم بتراب السودان حاملين مساهمتهم فى تخفيف آثار الكارثة على الشعب السودانى .. !!!

[email protected]

image

image

image

image
شباب حملة نفير لاغاثة المنكوبين جراء الكارثة
image
شباب حملة نفير لاغاثة المنكوبين جراء الكارثة
image
شباب حملة نفير لاغاثة المنكوبين جراء الكارثة
image
شباب حملة نفير لاغاثة المنكوبين جراء الكارثة
image
شباب حملة نفير لاغاثة المنكوبين جراء الكارثة
image
الصوارمي يستقبل اغاثة مصر للمتضررين من الكارثة
image
اغاثة مصر للمتضررين من الكارثة
image
اغاثة مصر للمتضررين من الكارثة
image
السائحون يحتجون أمام السفارة المصرية أمس
image
السائحون يحتجون أمام السفارة المصرية أمس
image
السائحون يحتجون أمام السفارة المصرية أمس
image

image


تعليقات 53 | إهداء 0 | زيارات 13424

التعليقات
#745715 [AburishA]
0.00/5 (0 صوت)

08-17-2013 12:29 AM
السائحون ديل شكلهم كدا مؤتمر وطني (بدل فاقد) !!!!!


#745573 [أب دفسه]
0.00/5 (0 صوت)

08-16-2013 07:31 PM
لحقوها أماااات طه
بمساعدة من أمن المطار ، مسؤولون حكوميون ينهبون الاغاثة القطرية
August 15, 2013

7777777(حريات)

كشف مصدر موثوق لـ (حريات) عن سرقات قام بها مسؤولون حكوميون للإغاثة القطرية لمتضرري السيول والفيضانات بالبلاد ، من داخل مطار الخرطوم .

وأكد المصدر ان السرقات شملت المولدات الكهربائية و مضخات سحب المياه والاغطية والبطاطين والخيام ، بمساعدة وتغطية من أمن المطار .

وكانت جولة قامت بها ( حريات) أمس الأول في مناطق شرق النيل وسوبا وأمبدة والفتح بان منسوبي اللجان الشعبية المنتمين للمؤتمر الوطني لم يتوانوا عن نهب مواد الاغاثة وأخذ معظمها لهم ولأسرهم ومن ثم بقية منسوبي الحزب وتابعيه واصدقائه وحرمان بقية المواطنين بأساليب مختلفة.

وقالت احدي المواطنات لـ (حريات) ( لو المنظمات داير تعمل العمل دا لوجه الله ما تدوا المساعدات لناس اللجان الحرامية ديل) .

وكشف عدد كبير من المواطنين عن انعدام الثقة بينهم وقيادات اللجان الشعبية ، ووقعت مشادات في عدد من المناطق بين منسوبي اللجان الشعبية والمواطنين المتضررين اثناء توزيع المساعدات.

وقال متطوع ان منطقة الفتح 2 كادت أن تشهد كارثة كبيرة عقب منع المحلية توزيع مواد غذائية ، ويضيف ان المواطنين قاموا بمحاصرة المكتب الاداري التابع للمحلية بالمنطقة طالبين الحصول علي الاغذية ، فما كان من الضابط الاداري الا ان قام باستدعاء الشرطة بأعداد كبيرة لتفريق المتضررين المحتجين .

وروت مواطنة لـ ( حريات ) ان أحد قيادات اللجنة الشعبية الذي يسكن جارا لها عرض عليها رشوتها وشراء سكوتها ببعض المواد الاغاثية عندما اكتشفت انه يخزن مواد الاغاثة في منزله.

وسبق واعترف مسؤولون حكوميون بان اعضاء اللجان الشعبية ينهبون الزكاة والمواد التموينية المخصصة للتوزيع باسعار مخفضة .


#745407 [سهر الجداد]
4.50/5 (3 صوت)

08-16-2013 02:50 PM
لافتة الحركة الاسلامية امانة الطلاب تقول (لا للانقلاب نعم للديمقراطية) .....هههههههههههه بالله الناس دي مفتكره الشعب ده نسي انتو حكمتوا كيف وسطوتم ليلا علي السلطة كيف ؟؟؟؟؟؟؟ما بتخجلوا جايين بانقلاب بحق وحقيقة يا حرامية ولو بعد 3000 سنه لن ننسي ولن ينسي العالم .....انتم ابعد الناس عن الديمقراطية ......اتحداكم اسمحوا بتظاهرة ضد المغفل مرسي....اتحداااااكم ......قال ديمقراطية ......ما حدث في مصر ليس انقلاب بل جيش طاهر عفيف انحاز ل33 مليون مصري ضد من اراد ان يأخون الدوله كما فلعتم ايها اللصوص......قاتلكم الله في السودان وفي مصر وتونس وليبيا واي مكان والدور جاييكم بلوا رؤوسكم ......


#745279 [lwlawa]
4.50/5 (5 صوت)

08-16-2013 11:28 AM
الصورة الاولى او صورة الغلاف هي اكثر صورة مثيرة للشفقة على تلك الام والطفلة ، يعني الام دي لو انزلقت ساكت، ولا عترت..؟؟!!.. الطفلة دي مصيرا يكون شنوووووووو..؟؟..لا حول ولا قوة الا بالله ..؟؟..
ورئيسنا الاهبل مؤجر طيارة بي 280 الف دولار..؟؟.. عشان يحصّل ليه (ربَّة) في طهران..؟؟..والهبل التانين ديل شايفين اهلهم غرقانين ويخرجو مظاهرات دعما لهبل امثالهم في مصر ..؟؟ حكمة والله وحكاية..؟؟


ردود على lwlawa
[معدن نفيس] 08-16-2013 05:32 PM
والله يا لولوا الا يكون البت يومها تم لكن كان الام انزلقت ولا عترت ليها حاجه ما حتفكها لو تغرغ معها كيف ياخ الضنه غالي وحسبنا الله ونعم الوكيل


#745218 [عبدالله البروف]
4.63/5 (6 صوت)

08-16-2013 08:29 AM
هؤلاء السائحون هم مجموعة من السفهاء والمنافقين الغارقون في النفاق والضلال
والحكومة السفيهة هي الاخرى كيف سمحت لهم بالخروج وقد قالت ان ما حدث في مصر
شأن داخلي . رئيسهم عمر البشير علمهم السفاهة فقد ترك الناس في محنة الامطار
والي ايران قد طار. والسائحون ذهبوا الى سفارة مصر يتظاهرون واهلهم في الاوحال
يغوصون .
يا ايها السائحون امشوا مصر سياحة وصياعة وما ترجعوا لاننا ما عاوزنكم .


#745094 [بادي أبوشلوخ]
5.00/5 (2 صوت)

08-16-2013 01:04 AM
في الصورة قبل الأخيرة وراء لافتة المرأة أرى أشباه نساء تمترسوا خلف لافتة ما سمي باتحادالمرأة واللافتة تحملها مسترجلتان، وفي الجانب الأيسر أشباه رجال.


ردود على بادي أبوشلوخ
United States [ود المك] 08-16-2013 11:23 AM
ديل اسمهم التائهون بين الترابي والبشير , والفي السودان كان شنو , انقلاب على الديمقراطية وانقلاب على الشيخ الاب الروحي ,


#745023 [ود النوبة]
3.88/5 (4 صوت)

08-15-2013 10:22 PM
دى الناس المرتاحة اصلا ....


#744970 [abdo]
4.19/5 (7 صوت)

08-15-2013 08:51 PM
شعب جعجاع انصرافى قصير النظر اللهم اﻻ من رحم ربى ياالله ارحمنا برحمتك وتب عليناوافرغ
علينا صبرا وثبتنا على دينك حتى نلقاك


#744961 [ابوزول]
4.38/5 (4 صوت)

08-15-2013 08:25 PM
عمنا حسب الرسول لمن شاف الصورة ببتاعت الاتحاد العام لللمرائة السودانية انتابته نوبة من الهيستريا وقال كان من الواجب ان يكتبوا بين قوسين المختونة ام غير المختونة ....وونحن لا نلومه علي ذلك


#744938 [ابو محمد]
4.38/5 (6 صوت)

08-15-2013 07:28 PM
ياناس حقو تعرفو الناس ديل مافيهم خير للسودان ولذلك كما قال الاخوة ان هؤلاء لم يخرجوا عندما ابادت الحكومة شعب دارفور والنيل الازرق وجنوب كردفان بالطائرات وهم بيقولوا الشرعية والديمقراطية اطاح بها الجيش المصري هل عمر البشير عام 89 جاء بديمقراطية؟ والله ياناس السودان لو ما تتحركوا السودان ابدا ما حايكون بلد في ظل تجار الدين قال سائحون قال وهم كلهم عفن من الترابي لاصغر واحد.


#744907 [الدماكي]
4.38/5 (7 صوت)

08-15-2013 06:24 PM
اهلي بموتو في دارفور و في جبل النوبة ولا احد يخرج ، تقاعست الحكومة عند دورها في درء الكوارث ولا احد يتحرك ، نحن مالنا و مال مصر، نحن بهمنا السودان وما يجري في السودان. مع تحياتي
الجعلي الحر


#744897 [johny]
4.25/5 (6 صوت)

08-15-2013 06:09 PM
والله قروش اللافتات والدعايات لو كنتو قدمتو مساعده كان احسن وتنالو الاجر ,,, واعوز بالله من هذا النفاق قالوا شرعيه قال والله كرهتوناحاجه اسمها مصر


#744841 [السري العلني]
4.44/5 (7 صوت)

08-15-2013 04:47 PM
مئات الالوف يموتون في دارفور وجنوب كردفان والنيل الازرق والخرطوم تغرق وعدد من الولايات وحكومه الاسلام المزيف تنظر باستهتار ولا احد خرج يحتج علي الحكومه
لكنهم خرجوا يطالبون بالشرعيه في مصر شعب منافق
الايام اثبت ان الشعب السوداني يستحق ان يحكمها الانقاذ لان الغالبيه مثل الانقاذ


#744825 [مبادرة السائحون]
0.00/5 (0 صوت)

08-15-2013 04:27 PM
الي محمد لطيف
سائحون كانت حاضرة في مشهد السيول والامطار التي اجتاحت ولاية الخرطوم وعدد من ولايات السودان وافرادها وقيادتها كانوا حضوراً منذ اول الفاجعة والمأساة وقاموا بمجهود كبير في نصرة اهلهم واخوانهم المنكوبين وعندما كنت انت نائماً في بيتك او في الملاهي مع اسرتك وحينما كانت اغلب الصحافة السودانية في سبات عميق في اجازة العيد واليقظ منها ذهب محلقاً مع طائرة الرئيس الي ايران ،كان هؤلا يخوضون الوحل والامطار وكانوا هم من يحملون ادوات الحفر وهم من يحملون الاغاثة الي اهلهم وهم من يسعون مع جهات الخير والاختصاص في توفير كل معينات الانقاذ ،، لو كان السائحون يريدون اعلاماً او شهرة لسودوا صفحات شبكات التواصل الاجتماعي بالالاف من الصور والتعليقات علي جهودهم في نصرة اهلهم ولكن تأبي نفوسهم ذلك وليس من الشهامة والرجالة ان يقولوا انهم اعانوا اهلهم ،،اتمني ان لا يعميك الانتماء الضيق عن النظر العميق في مبادرة السائحون


ردود على مبادرة السائحون
United States [بت حبوبتها] 08-16-2013 02:55 AM
يا أيها السائح, كذبتك بااااااايخة لا تنطلي حتى على الطفل الرضيع,

حسبنا الله ونعم الوكيل فيكم فردآ فردآ وفي كل من يتاجر بالدين.

United States [عصمتووف] 08-15-2013 08:45 PM
ايها التائهون القضية ليس الشهرة كنتم تبحثونها في برامج ساحات هلاكم الفداء وهطرقاتكم وعواليكم واناشيدكم السارقين الحانها من الاغاني ماذا كانت تلك ويا ساقطين القول والفعل والله لا نعرف لكم شئيا غير الضجيج الاعلاني الاعلامي واللهث وراء افطارات ودابراهيم وعبد الرحيم الاعشي لا تملكون مالا ولا اصدقاء بل معارف حتي ولن تستطيعوا توفير ثمن تذكرة حافلة انتم فاضين كل واحد فيكم يرنوا لوظيفة تركتم اعمالكم ودراستكم وذهبتم لارتكاب المجازر في ربوع البلاد لا تاريخ لكم يشرف ولا ثقة فيكم لنكم لصوص اخرجوكم من قاع المدينه وخرابتها ووعودكم بالجنة ولم يوفوا لكم جلستم علي اللهب يشوي مؤخراتكم العمل الدعائي مهم حتي نحكم عليكم وكان المواطنون انضموا لكم لكن كذابون كما عهدناكم وعهدنا كباركم انتم خليط بين اللصوصية والكذب والسفاح روحوا مافيش حد منتظر مساعداتكم دعوا الامراض والحشرات تقتلنا والسيول تجرف جثثنا لا نريكم ارحلوا من سماؤنا لعنكم الله دنيا واخرة

[Fato] 08-15-2013 08:26 PM
دعوا كذبكم المنكوبين لم يروا ولا سائحا يزورهم ولا يغيثهم فلا تركبوا أمواج السيول كذبا ونفاقا ولم يعد لكم أثر فالموجودون هؤلا شباب(نفير) وبأذن الله سوف يكونون(شباب تغيير)لأن الشعب المسحوق ألتف حولهم وسوف تكنسوا جميعا مع حكومتكم عما قريب بأذن الله.

[الترابى] 08-15-2013 07:10 PM
والله لم نراكم فى إى موقع لكارثة السيول ,, لانكم مش فاضين من تأييد محمد مرسى ,, أهو غار في داهيه ,, الله يصرفكم وإنتوا كمان يا تجار الدين ومحبى الكراسى

United States [مدني الحبيبة] 08-15-2013 06:33 PM
مايحصل في مصر شان داخلي ليس لكم به دخل ، وذي مابقولوا الفينا مكفينا ، الكيزان باشكالهم المختلفة سائحون ودبابون وغيرهم من الاسماء يحبون الظهور لان هذا هو سلوكهم المعروف ، اما ادعائك بانكم كنتم تعملون في صمت والله العظيم اشك في ذلك ، لاننا لانعرفكم غير الخروج في مسيرات التايد والتدليس الجكومية المصطنعة. والخلافات الحالية مع قيادة المؤتمر الوطني كلها خلافات مصالح داخلية وليست خلافات افكار لان اصل فكرتكم مبنية على العاطفة والحماسة الدينية في معادات الاخرين ومن هم الاخرين ابناء جلدتنا ، فمنذ مجئ الانقاذ وانتم جزء ااساسي من هذا النظام كسرتم كل القيم الجميلة المتمثلة في التعاضد والترابط وتماسك المجتمع ولكن هذه القيم تلاشت بسبب المؤتمر الوطني الاول اي منذ العام 1989 اي ان الخراب ليس بدايته في السنين الاخيرة التي تدعون بانكم تعملون مبادرات بهدف اصلاح ،اي اصلاح تتحدثون عنه بعد ان خربتم كل شئى ، مايحصل حاليا هو ترتيب اوضاع داخلية خاصة بكم وليس السودان لانكم بعيدين كل البعد عن معاناة الشعب السوداني ، واليوم مايحصل في مصر كنا نتمناه ان يكون هنا في السودان وانشا الله عما قريب سوف يتم كنسكم نهائيا من ارض السودان ، لي صديق معي في العمل قال لي اعذركم تماما لانكم لاتتعاطفون نهائيا مع مايحدث للاخوان في مصر بفعل السلوكيات المشينة لاخوان السودان


#744823 [الرشيد عكاشه]
5.00/5 (1 صوت)

08-15-2013 04:24 PM
رحم الله الشاعر اداريس جماع الذى قال اذا السماء بدأت لنا واستعصمت فى البعد عنا ماذا علينا اذا نظرنا


#744812 [الشاكوش]
4.88/5 (6 صوت)

08-15-2013 04:06 PM
الأخ محمد لطيف: مقالك هذا عبارة عن خنجر غرزته فى قلب ما يسمى بسائحون وفى الحقيقة هم مجموعة من الشباب التائه الحانق يسعون لإنتزاع قطعة من كيكة الحكم التى سطا عليها من سبقوهم فى حركتهم الإسلامية البائسة،،

ثم إنهم قد تم تحييدهم تماما وسلبهم من كل إرادة وقد كشف نافع ذلك بتصريحه قبل فترة بأنهم قد أدخلوا غواصات فى صفوف سائحون لتغيير إتجاه تفكيرهم وتوجيه ذلك لصالح المؤتمر الوطنى،،

ممارسات إبليسية إجرامية أشبه بتخطيط عصابات المافيا،،


#744805 [Anwar]
4.25/5 (5 صوت)

08-15-2013 03:56 PM
لا يوجد ضابط آخر في الجيش غير الناطق الرسمي يستقبل هذه المساعدات ، أصبح الصوارمي الكل في الكل ( بتاع كلو ) لا حول و لا قوة إلا بالله ، و ما بال هؤلاء الصعاليك المتجمهرين أمام السفارة يحتجون على ما فعلته السلطة بأخوان الضلال في مصر ؟ ألا يستحون مما فعله نظامهم الإنقلابي بالسودان من مصائب و كوارث يعجز الشيطان من فعلها؟ من المفترض أن يكونوا آخر من يتكلم عن الديمقراطية و الحرية و حقوق الإنسان ... روحوا جاتكم نيلة.


#744786 [عبيد الله]
0.00/5 (0 صوت)

08-15-2013 03:30 PM
والله اني لست من الاخوان ولكن ماحدث في رابعة العدوية والنهضة بمصر لم يعجبني ابدا ومازلت زعلان هل يعني ذلك اني من الاخوان المسلمين . افكار ضيقة وضعيفة ,


ردود على عبيد الله
European Union [عبد الله] 08-16-2013 08:26 AM
يا عبيد الله إنتظر دي الإعلانات الفلم لسع بعد الإستراحة ، هؤلاء تجار الدين الفاسدين يجب حرقهم جميعا في مصر ونهاية الفلم حاتكون حرق الكيزان الفزرين في السودان وبقيثة أنحاء العالم .


#744776 [الحقيقة]
3.50/5 (2 صوت)

08-15-2013 03:19 PM
وهل يا ترى أخذوا تصريحا من الأمن للخروج في مظاهرة الى السفارة المصرية أم أن الأمر لا يحتاج طالما مظاهرة شعبية باحساس حكومي ؟


#744750 [صالح]
4.63/5 (5 صوت)

08-15-2013 02:43 PM
تجربة الأخوان الفاشلة في السودان والتي اتسمت بالظلم والكذب والسرقة وأكل اموال الناس بالباطل و القتل والأبادة الجماعية وكل ماهو سيئ والتي قسمت البلاد و اوغرت صدور العباد بالغبن و الاحساس بالضيم اقول ان هذه التجربة الفاشلة و المريرة كشفت للعالم اجمع ان هؤلاء الناس ليس لهم عقيدة وليس لهم هدف سوى السلطة و المال اما الدين فهو غطاء لكل ما يفعلونه من موبقات ولذلك لن تسمح شعوب العالم بتكرار هذه التجربة القاسية و الفاشلة في أوطانهم... نسأل الله ان يخلص وطنناالغالي منهم و من اوساخهم وادرانهم,,, آآآآآآميييييييييييين


#744746 [المتجهجه بسبب الانفصال]
4.25/5 (3 صوت)

08-15-2013 02:39 PM
دول شوية عيال حرامية ( كما قال السادات عند المظارهات التي اندلعت في القاهرة بسبب زيادة الرغيفة ربع صاغ)


#744727 [محسن]
4.50/5 (2 صوت)

08-15-2013 02:07 PM
يا منو ما عارف شكلك ما عارف حاجة! غرابة الصور في شنو، وليه يهمك تشوف صور من وصلت إليهم المساعدات، لا تكون شخص صفصطائي


#744726 [عبد الله]
4.88/5 (4 صوت)

08-15-2013 02:03 PM
لا خير مرتجى من شخص استغل دينه من اجل وظيفة جكومية


#744707 [أبوديدى]
4.87/5 (11 صوت)

08-15-2013 01:44 PM
من هم سايحون ؟! إنهم أزلام السلطه أولاد العاهره(اﻹنقاذ) حفدة وأبناء بنى كيزان تربوا فى ملجأ المؤتمر الوطنى على البغى والعدوان مصاصى دم الشعب السودانى ..هولاء الحيوانات يحتاجون لحظيره توارى وتمنع خطرهم القادم فى ظل وكنف امهم المومس(اﻹنقاذ)
أو حين يتم القبض عليها!!


#744702 [Chiengan]
5.00/5 (3 صوت)

08-15-2013 01:38 PM
والله الواحد ما عارف يقول شنو بالله الكيزان ديل يطلعوا يتظاهروا علشان سيدهم مرسى وإن اﻷمن المصري عمل وفعل أشياء كثيرة لفض المتظاهرين السلميين من ميدان رابعة وميدان النهضة عليكم الله ركزوا في ورقكم ياخى البلد الفيضانات والسيول هدم نصفها وقتل قرابة ال50 نفس وربنا يتقبلهم فى الجنان.
والكيزان فرحانين بالعيد وكوزهم الكبير ماشى بالدس ﻹيران
وشوفهم بيقولوا دى إنقﻻب على الشرعية الدستورية وهم فى سنة 1989 إنقلبوا كان على شنو ياخى كل اﻷوصاف الكعبة كملتوها
ربنا يفك أسر الشعب السوداني منكم وتعود له كرامته وحقوقه المسلوبة.
أخيراً أتقدم لشباب نفير بالشكر الجزيل وأدعو الله لهم بالتوفيق والنجاح في خدمة الشعب السوداني


#744683 [سودانى شديد]
4.50/5 (2 صوت)

08-15-2013 01:21 PM
ما عارف لييه الواحد بيحس فى كتابات الأخ محمد لطيف بشئ من الخبث و الريبة!! يديك إحساس بإنه كاتب يلعب على حبلين!! لاحظ كتاباته فى موضوع طيارة (الأسد النتر) الجات راجعة و اليوم يبدو و كأنه يلمع (بصورة مبتكرة) جماعة (مخستكون)!!

آآآآآآآآآآآآآآآآآآآآآآآآآآه خلاااااااص هرمنا


ردود على سودانى شديد
United States [بلة ود رملي] 08-16-2013 11:23 AM
انت ياكوز كمان داير تتكلم في وطنية صحفي بقامة الاستاذ- محمد لطيف ده بس الفضل ؟!!!!!!!!!

United States [wad albalad] 08-15-2013 07:36 PM
انت يا وهم (سوداني شديد) لا سوداني ولا شديد بلا كذب معاكم
كلام تفوح منه عبارات الحقد
وكمان تسأل عن وطنية محمد لطيف
كما قال لك الاستاذ خالد ابواحمد كلام محمد لطيف وااااااااااااااضح جدا جدا وكلامك لم يفند كلام لطيف
هو ما اكد انك جدادة كبيرة ولو كنت فندت النقاط التي أثارها الاستاذ لطيف كان نقول انك حريص وانك قارئ جيد لكن زبالة وجدادة.

United States [سودانى شديد] 08-15-2013 05:50 PM
وانت ايضا يا اخ خالد اقرأ ما بين سطورى و تمعن النظر لتدرك المعنى المقصود بعد ان اختلط الأمر علينا. بعدين ياخى من قال لك انه قلم وطنى؟

ليس كل من حمل رأيا مغايرا كان (جدادا) أيها السادة.

United States [khalid abuahmed] 08-15-2013 02:00 PM
[سودانى شديد] انت لا تعرف الاستاذ محمد ويبدو انك من جماعة الجداد الالكتروني ومن الرائحون..
محمد لطيف قلم وطني عرف بالصدح بقول الحق وهذا المقال بالذات يعبر عن الغالبية العظمى من السودانيين، والغريبة انك لم تفند ما ذكره مما يدل على انك لا تقرأ وإن قرأت لا تفهم، كلام محمد لطيف واحضح وضوح الشمس.


#744661 [ود نفاش]
5.00/5 (4 صوت)

08-15-2013 01:00 PM
قلنا مرارا وتكرارا ان هذه الانقاذ فاشلة هى وبناتها مثل سائحون
فى حرب الخليج وقفوا ضد الكويت واضرب اضرب يا صدام فخسروا الكويت والسعودية
الان مصر في محنة داخلية كان عليهم من باب الكياسة الساسية ان يتمهلوا شوية لان مصر ليست هى الاخوان ولا حكومة السيسي بل مصر هي الشعب والشعب هو الباقى والانظمة تزول
هكذا حكومة الانقاذ لا تعرف الدبلماسية وكيف تعرفها و وزير خارجيتها لم يكن يوما حتى موظف صغير فى سفارة
وبعدين سائحون ديل منو السيحهم حتى يطلقوا المبادرات وهم زاتم منو ؟؟؟؟؟؟؟؟؟؟؟؟؟؟؟؟؟
يا جماعة احسن ننصب البشير ملك يمكن تنفع ولا شنو؟؟؟؟؟؟؟؟؟؟؟


#744654 [قرفاااااااااااان]
5.00/5 (2 صوت)

08-15-2013 12:48 PM
قررررررررررف الله يقرفكم


#744649 [طوفان]
4.75/5 (5 صوت)

08-15-2013 12:37 PM
اذا لم تستحي فاصنع ما شئت .هذا الحماس والنشاط كان اولي ان يكون في خدمة ومساعدة الذين تعرضوا لابتلاء السيول والامطار هل اديتم الواجب نحوهم هل خضتم الطين والاوحال مالي اري ملابسكم واحذيتكم نظيفة دعوا هذا الهراء وهبوا لنجدة الاهل والاوطان ولا تكونوا كما قال له صف لي السائحون قال مثل ذبدة علي مقلاة ساخنة .


#744638 [حبييب الشعب]
5.00/5 (2 صوت)

08-15-2013 12:29 PM
المشكلة عاينوا في الصورة بتعت سايفون(سائحون) فوق في واحد نوباوي ولافوراوي ببكي وسط المتظاهرين دي يقولو فوقو شنو .... الكلب بيعرف خناقو ولا مافطرو ناس سائحون جابوا من عربة النفايات طوالي الى حلبة السفار


#744635 [Rio]
4.00/5 (1 صوت)

08-15-2013 12:26 PM
بالله شوف الوقاحة وقلة الحياء !! حريقة فيكم يا اوغاد


#744627 [حمدان الجامعي]
4.82/5 (5 صوت)

08-15-2013 12:15 PM
منتهي قوة العين يا كيزان السجم والرماد
قال الصوارمي يستقبل اغاثة مصر للمتضررين من الكارثة أليس هذا هو الجيش المصري الذي يتهمه النظام بالانقلاب على ما يسمونه بالشرعية وتحمله الحركة الإسلامية بالمذبحة ويدينها النظام !!!!!!!!!!!.


#744621 [ادريس]
4.00/5 (1 صوت)

08-15-2013 12:06 PM
ههههههههههههههههههههههههها ربنا يحفظ مصر من اهل التمكين والتوظيف بالولاء وتوزيع السلاح علي القبائل خارج نطاق القوات النظاميه للدوله ربنا يحفظ مصر من دوله المليشيات وفقه الستره واشعال الفتن القبليه والدينيه - دعوات المسلمين سوف تحفظ مصر من تجار الدين لانها سند للاسلام والامه العربيه دوله القانون والدستور والمؤسسات وليست دوله المليشيات والقانون اللي تحت الجزم حفظ الله مصر وفك الله كربه السودان وحفظه من تصدر الدوله الفاسده في الاعوام القادمه دوله مهمه جهاز الامن فيها هي حمايه الفساد السياسه الرسميه للدوله تمكين وحروب وجوع وتدني خدمات صحيه وتعليميه بفضل التمكين والتوظيف بالولاء وفقه الستره لحمايه الفاسدين الفساد طال ديوان الذكاه والهيئه القضائيه وهيئه الحج والعمره حتي الاوقاف لم تسلم منه ولا محاسبه لان هؤلاء القوم غير محتاجين محاسبه فقط تحاسبهم ضمائرهم المخدره


#744610 [كوز ديمقراطى]
4.79/5 (6 صوت)

08-15-2013 11:58 AM
اللهم أجعلو خير !! الصورة الأخيرة(الحركة الإسلامية السودانية - أمانة الطلاب -لا للإنقلاب ,, نعم للديمقراطية ) !!! معناها أنا كوز !! أنا أؤمن بالديمقراطية ,, وأكفر بأى إنقلاب !! زيى زى الكيزان ديل !!! معناها أنا كوز !! لا حول الله ولا قوة !! والزمن دا كلو وأنا ما عارف نفسى !!! بالله شوف التمكين والفرص الطارت منى دى !!! لا إله إلا الله ,, أنا كنت قايل نفسى علمانى كافر ,, أتارينى كوز كامن متخفى !!! الخازوق كمان بكرة أكتشف إنى هلالابى بعد عمرى دا كلو !! ولا أكتشف إنى إشكنازى سفرديمى (يعنى ما سودانى زاتو )!!!!!!!!!!!!!!!!!!!!!!!!!!!!!!!!!!!


ردود على كوز ديمقراطى
[الكاهلي] 08-15-2013 03:20 PM
ههههههههههه
اضحكتني رغم هول المآساة اضحك الله سنك


#744606 [موسي صالح]
4.50/5 (3 صوت)

08-15-2013 11:55 AM
سائحون ستكون مسامير المؤتمر الوطني في ارض السودان...هم اشخاص عقولهم متحجره لايعرفون الا الحرب والقتل منساقين كالانعام مع سحرتهم مخدوعون مخادعين لا يعررفون لغه الحوار مغيبين تماما عن كل ماهو وطني لانهم ببساطه بنفذون اجنده اخرين وهؤلا الاخرين معروفين بخيانتهم للوطن ....السؤال هنا هل ستقوي شوكتهم وتنفذ مخططاتهم ام ان هناك من سيترصدهم ...,المخطط الذي صنع من اجله السائحون لم يحن وقته بعد ,,وما زالوا خلايا نائمه ولا اشك علي انهم قادرين علي تحويل السودان الي عراق وافغانستان,,,فيا شعب اصحي,


ردود على موسي صالح
[sahar] 08-15-2013 02:08 PM
لا حوله ولا قوه إلا بالله العلي العظيم


#744570 [خسأ الأرزقية]
4.75/5 (4 صوت)

08-15-2013 11:30 AM
داروا سؤآتكم أولاً ايهاالضالون المضلون المضللون مالكم وسوءآت مصر


#744568 [ابو مبارك]
5.00/5 (2 صوت)

08-15-2013 11:30 AM
يا امة ضحكت من جهلها الامم


#744567 [احمد ابراهيم]
0.00/5 (0 صوت)

08-15-2013 11:29 AM
ياجماعة بنات نفير ديل مش لابسات نفس لبس البت الصحفية القالوا لبسها كان فاضح وجلدوها وهربت بره البلد ..... سبحان الله ...


#744566 [سيف الله عمر فرح]
3.50/5 (2 صوت)

08-15-2013 11:28 AM
نعتقد أن قيادات الإخوان فى مصر والسودان وفى العالم أجمع مرشدهم واحد ، وهم منظمون بتنظيم عالمى ، ومقيدون بأوامر المرشد وتعليماته المقدسة . أفلم تروا كيف دافع القرضاوى والترابى والطيب زين العابدين ، و .... الخ ، عن تطرف وتعنت إخوان مصر لتنزيل رؤاهم على أرض مصر بالعناد وبالقوة . دافعوا عن إخوان مصر بمنطق عاجز وكأنهم طلبة مدارس ثانوية لم يبحروا فى عالم السياسة يومآ واحدا .


#744559 [عصمتووف]
4.82/5 (5 صوت)

08-15-2013 11:20 AM
هل هؤلاء الملاقيط لم يشاهدوا مواطنون لهم بدارفور والنيل الازرق لو نسينا الدماء القديمه التي سالت من مواطني الشمال والجنوب والشرق هؤلاء الحشرات لا مبدأ ودين لهم ما دخلهم والشأن المصري الداخلي بدلا من الادانات والشجب والتظاهر كان تطلبوا منهم الصلح بفعلتكم الرعناء وبتوجية حكومي صريح واذن منها سوف تسيئون للعلاقة وحكومتكم اولي بها هل تسمح الحكومة بتصديق مظاهرة ضد مدير مياة الخرطوم من بضعة افراد لا اظن انه تخطيط حكومي وسوف يتم ارجاع طائرة البشير في الزيارات القادمة كما حصل من السعودية وعقبال غربا وجنوبا وتتركوه يستمتع بالطواف بالطوافة لمشاهدة المنكوبين يستمتع ويشمت فيهم


#744557 [gaidar]
4.25/5 (3 صوت)

08-15-2013 11:17 AM
السائحون ديل محتاجين يدخلوهم مستشفى الامراض النفسية والبتعالج ممنهم يتم دمجه في المجتمع


#744549 [عبدالله ادم محمد]
4.82/5 (5 صوت)

08-15-2013 11:13 AM
قال سائحون قال !! ديل بعيدين جدا عن هموم الشعب السوداني هم اولاد الانقاذ فولة ونتقسمت نصفين !!


#744523 [yoyo]
4.50/5 (3 صوت)

08-15-2013 10:52 AM
عووووووووووووووووووووووووووووووووووووووووووووووووووووووووووووووووووووووووووووووووووووووووع


#744512 [بت حبوبتها]
4.75/5 (12 صوت)

08-15-2013 10:46 AM
كيف يموت طفلك أمامك وأنت تحاول إنقاذ أطفال الجيران ؟

كيف سمحتم لأنفسكم أن تباركوا إستهتار الحكومة بأرواح الناس بأن جعلت السيول تقتلهم غرقآ أو كمدآ على ما انهار من بيوتهم, وتأتون منظمين بلافتاتكم تدافعون عن نظام أخوان مصر ؟


ردود على بت حبوبتها
United States [بحبك ياسودان] 08-15-2013 01:38 PM
اولا تحت تحت كده تحية لابناء وطنى ناس نفير تانيا بيان هام متوقع من المجلس التشريعى ولا الوطنى ما مهم بس معنون من التوم هجو صاحب القضايا الانصرافية كعادته يترك الحمار ويمسك فى البردعة وهو كالاتى : لقد تلاحظ لبس الفتيات فى منظمة نفير الارهابية للبنطلون تحت الاسكيرتى وهذا لا يجوز جملة وتفصيلا وهذا يجعلهم يخرجون عن الملة ونحن ندين هذا السلوك ونطالب شرطة النظام العام بضبط هذا السلوك وابراحهم ضربا قبل تقديمهم للقضاء لمحاكمتهم باللبس الفاضح وهو كما تعلمون الجلد بين 50 و 100 ونحن هنا من البرلمان نطالب بزيادة عدد الجلدات الى 500 ولا يجدىهم نفعا انهم يعملون لدرء السيول وانغاذ المتضررين وقولهم بان البنطلون يساعد على الزحف فى المياه العميقة لاستخراج المواطنين ( تحت تحت كده الحشرات )وبما انو لم يتضرر واحد من المؤتمر الوطنى فحريقة فى المواطنين ....
الامضاء
بهمنا الحكم ولا يهمنا من نحكمه

United States [الله جابو] 08-15-2013 11:45 AM
اقترح عليهم ان يكونوا مجموعة شبيه بمجوعة شباب نفير لكن يطلقوا علي انفسهم مجموعة شباب حمير لانهم عايشين في عالم تاني والناس غرقانه وتحتاج الي نفير حقا انهم شباب حمير


#744508 [محمدزين عبدالله]
5.00/5 (1 صوت)

08-15-2013 10:41 AM
هاك يااستاز محمد لطيف تعليق واحد من السائحين بعد فض الأعتصام علي زمة الصحفي بقناة العربيه خالد عويص :(
السائحــون

عشان بكرة ما يجينا علماني واطي يقول لينا السلمية والمشاركة في السلطة بين الاحزاب ووطن يسع الجميع .لا التقاء بين الحق والباطل في حكم البلاد ولن يجمعنا معكم الا ساحات الوغى وليس بيننا وبينكم الا صناديق الذخيرة .ولن يحكمنا علماني بن حرمة ونحن فينا النفس يطلع وينزل


#744506 [اب كريت]
4.94/5 (5 صوت)

08-15-2013 10:40 AM
السائحون هى نفسها الغلفاء وشايله موسها تتطهر
كلهم عملة لوجهة واحدة


ردود على اب كريت
United States [السنجاوي] 08-15-2013 11:40 AM
صدقت والله


#744503 [Osama]
4.50/5 (2 صوت)

08-15-2013 10:38 AM
نفس الشي الكلب اذا راح الغابه بنقلب بعشوم . سائحون هم خائفون ولا بتغيرون بل يتكلمون ويصرحون في محور شبكة العصابة مغردون . لا نرجي منهم اصلاح. كلهم يتشابهون في كل الملامح كذب نفاق عدم رجوله فعلية وجبانات ويعشقون المال اكتر من نسوانهم وحاقديين لبلدهم عمي طرش وصم بكم للفقير.


#744499 [احمد الطيب مصطفي]
4.94/5 (5 صوت)

08-15-2013 10:35 AM
تايهون تافهون


#744493 [تايسون]
5.00/5 (5 صوت)

08-15-2013 10:31 AM
ههههههههههههههههههه دى المصيبة و الله ياخ الكيزان ديل انا بحس بيهم ناس دراويش دروشة شديدة ما فاهمين اى حاجة و بعد دا كلو مكنكشين ليك فى اى شئ لمن ركبونا التونسية زاتو سائحون منو و كيزان شنو ياخ بلدنا دى عايشة حالة من التخلف لدرجة بقى من المستحيل انها تترفع تانى بسبب الكيزان ديل

الله غالب


#744490 [ابو نور]
3.63/5 (5 صوت)

08-15-2013 10:29 AM
كيزان تافهين انتو في شنو والحسانية في شنو يلا بلا سائحون بلا عفن والله سوف تسحلون مثل كيزان مصر والكوزات البايرات ديل اشوفن ليهم شغلة اما هولاء المشحنون والمرتشون والاذيال ديل ان شاء الله السودان ينضف منهم مع كبارهم البشير الدلاهة وابو العفين وبقية العفن من بن كوز


#744480 [الجن المصرم]
4.00/5 (4 صوت)

08-15-2013 10:21 AM
قاتلكم الله ايها الكيزان الفاسدين ؟؟؟ قال تعالى :( اولى لك فاولى ثم اولى لك فاولى ) ,, هل الاولوية لللخروج لدعم الشرعية في مصر ام الخروج لدعم المتضررين من السيول والامطار ؟؟؟ هل انتم تعيشون في دولة ديمقراطية ؟؟؟ هل اتيتم للحكم بالديمقراطية حتى تطالبوا بعودة الديمقراطية في مصر !!!!!!!!!!!!!!!!! قاتلكن الله ياتحاد (عائشة الغبشاوي) الذي ينتفض لاغتيال المتظاهرين في مصر ولا يثور للعذراوات اللئي اغتصبن في دار فور والنيل الازرق وجبال النوبة !!!! حبنا الله ونعم الوكيل ,,, حسبنا الله ونعم الوكيل ,, حسبنا الله ونعم الوكيل ,,,,,انعدم الضمير بكل اسف


#744472 [ابونصر]
3.97/5 (7 صوت)

08-15-2013 10:15 AM
انتم مالكم ومال الرئيس مرسي حلوا مشاكلكم البلد غرقانة والناس جعانة والعين مظاهرات للرئيس مرسي سبحان الله


#744462 [منو ماعارف]
0.00/5 (0 صوت)

08-15-2013 10:04 AM
الصور المصاحبة للخبر دي غريبة شوية و مافي رابط بيناتها كتير عايز عرفنا صور وصول المساعدات الانسانية واستلامها بس صور توزريعها الاهم بس نشوف توزيع بالجد للناس المحتاجين ليهو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة