الأخبار
أخبار إقليمية
مندور المهدي يكشف عن تسرب مواد إغاثة للأسواق
مندور المهدي يكشف عن تسرب مواد إغاثة للأسواق
مندور المهدي يكشف عن تسرب مواد إغاثة للأسواق


08-17-2013 11:15 AM
كشف نائب رئيس المؤتمر الوطني بولاية الخرطوم،الدكتور محمد مندور المهدي عن تسرب بعض المواد الاغاثية للاسواق ،وعزا السبب لطريقة التوزيع، ولفت الي المواطنين القابعين بالشوارع بشرق النيل وقال « ليس كل المواطنين بالشارع من منطقة الكرياب او المرابيع « ولكنهم مواطنون من ولاية الخرطوم ،وبث تطمينات للمواطنين بان الولاية وضعت تحوطات ، واعلن عن اكتمال اعادة التيار الكهربائي والمياه للمناطق التى اجتاحتها السيول في منطقة المرابيع، وكشف أن كمية السيول والأمطار التى ضربت الولاية مؤخراً تقدر بـ 2 مليار متر مكعب وهي تعادل تُسع حصة السودان من مياه النيل .

الصحافة


تعليقات 22 | إهداء 0 | زيارات 7926

التعليقات
#746418 [ابو ابراهيم]
5.00/5 (2 صوت)

08-18-2013 08:44 AM
زي ما قال الطاهر ساتي الناس ديل ياكلو ناقة صالح وواحد علق قال ديل ياكلو صالح ذاتو حسبي الله ونعم الوكيل


#746351 [القعقاع]
5.00/5 (1 صوت)

08-18-2013 01:10 AM
حسبى الله ونعم الوكيل حسبى الله ونعم الوكيل


#746339 [الكلس ود البلد]
5.00/5 (3 صوت)

08-18-2013 12:33 AM
شر البلية ما تضحك !!! يعنى متوقعين شو من ناس نهبو فلوس الموتى اكرر الموتى (منظمة حسن الخاتمة) !! اكلو قروش الميتين دايرنهم يخلو ليكم حاجة يا الناس الاحياء !! ديل جبلوا على كدا حياتهم كها سرة واختلاس ونهب وهباب !!! ما بيقدوا يعيشو الا فى جو عفن !! الامانة والشرف والنزاهة دى سموم قااااتلة بالنسبة لهم !!!!


#746320 [مدحت الهادي]
4.50/5 (2 صوت)

08-17-2013 11:29 PM
هذا الكلام قلناه من قبل أن تصل الإغاثة وهذه هي صفاتكم يا أيها اللصوص ... وهي ليست بجديدة عليكم ... ومبروك مبروك عليكم ..... الإغاثة


ردود على مدحت الهادي
[47] 08-18-2013 08:24 AM
يا سيد مدحت دي مش صفتهم بس, دي بقت صفات أغلبية ناس السودان, لو بعد عشرين سنة وفي عهد حكومة تانية برضو الحال حيكون نفس الحال. حصلت في عهد نميري من قبل.والحال الانحنا فيهو دا غضب من الله. ولو أنحنا ما صلحنا حالنا مع الله, ما نلوم إلا أنفسنا.


#746282 [المهندس سلمان إسماعيل بخيت على]
4.88/5 (4 صوت)

08-17-2013 09:56 PM
يا محمد مندور المهدى الناس سرقت السودان كله وأنت مستكتر على بعض الفقراء سرقة بطانية ومشمع حلال عليهم تفتكر الزول ما محتاج بيمشى من بيته لشرق النيل ويبيت فى الزلط عشان تجى عربية إغاثة وتزوده بمشمع وبطانية ويمشى يبيعهم فى السوق ويشترى بيها ذره لأولاده - أسأل نفسك الوصلهم الدرجة دى منو ؟
اليوم السبت 17 أغسطس فى حملة إغاثة لمنطقة الفتح بأمدرمان مكتوب على الدفارات تحت رعاية السيدة رحاب عثمان زيدان حرم وزير المالية
أولا عاوزين نعرف ياتو وزير ماليه القومى أم الولائى ؟
الله يرحمك ياناصر زعيم لكل العرب لعقدين من الزمن ولم نعرف حتى إسم زوجتك ؟
ولو الريس حفظ حريمه فى بيوتهن لما تجرأ وزير الماليه أن يسمح لزوجته تقود حملة إغاثة لكن نحن نعرف أن أكثر من 95% من العاملين مع هذه الحكومة مابين منافق عديل وحرامى كسار تلج
بلد إنتهت نهاية إخوان مصر


ردود على المهندس سلمان إسماعيل بخيت على
[مواطن] 08-18-2013 03:49 AM
والله يا هندسة قلت المفيد والحقيقة .


#746259 [Nothing news]
4.00/5 (3 صوت)

08-17-2013 09:18 PM
قال السفير الياباني بعد تبرع بلاده للمتضريين من السيول والامطار " اعرب عن امله ان تنجح عمليات توزيع مواد الأغاثة اليابانية في الوصول لمن هم في أشد الحوجة لها" الراجل شاكي انو في دريبات تانيه


#746225 [جاكونى]
0.00/5 (0 صوت)

08-17-2013 08:09 PM
دى هى اخلاق الكيزان ليس فى الامر عجب
بعدين هل منطقة الكرياب و المرابيع هى الوحيدة المتأثرة بالامطار يا دكتور
زمااااااااااااااااااااااااااااان كان بقولو هى لله هى لله لا للسلطة ولا للجاه
طيب هسع ويييين كلمة هى لله هى نسوا يوم الحساب ام تناسوا ان الله موجود و حا يجى يوم


#746212 [سردو]
2.50/5 (2 صوت)

08-17-2013 07:41 PM
بنسبة للمؤتمر الوطني ده م الشي جديد
لهم لا عندهم الإنسانية ولا ضمائر
دئما لمن يحصل اي كارثة فى البلد
وجهات الخيرية تتبراع المواد الإغاثة للمتضررين
يتم ببيعها فى السواق وببنوعها الأبراج فى ماليزيا والخليج والخرطوم


#746185 [ادريس]
0.00/5 (0 صوت)

08-17-2013 06:26 PM
متوقع من حكومه مهمه جهاز الامن فيها هي حمايه الفساد بالمصادره قبل التوزيع مع فقه الستره وسياسه التمكين طبيعي ان لا تصل الاغاثع لمستحقيها اذا وصل 1 % منها للمستحقين يعتبر انجاز كبير لحكومه التمكين والتوظيف بالولاء ونشر الحروب الاهليه وتوزيع السلاح خارج نطاق القوات النظاميه تحت اشراف الحكومه المباشر للمليشيات القبليه


#746147 [دوالباشا]
4.00/5 (1 صوت)

08-17-2013 05:18 PM
بالضبط كلام الاخوى خالد حسن وجنقل هو الحاصل او حايحصل الناس ديل مفتكرين حتى الان وبعد ربع قرن من حكمهم ممكن يلعبوا ويتلاعبوا بالشعب وهذه مشكلة ولا ادرى غباء ام استهتار او استغلال طيبة البسطاء لا يكفيهم ما يملكون حيث اصبحوا من اثرياء العالم وعينهم على اغاثة المتضررين لهذه الدرجة ملهوفين وانفسهم دنيئة وقلوبهم بلا رحمة اعوذ بالله كما يقول عثمان شبونة


#746126 [القرفان شديد]
4.88/5 (4 صوت)

08-17-2013 04:34 PM
دائما محتقرين الشعب السوداني الكلام دا اتهام صريح انو في مواطنين حرامية طيب المانع شنو انو يكونوا ناسكم هم الباعوها لانو عندهم سجل حافل في السرقة من السيدالرئيس لي ادني تراتيب المؤتمر الوطني واكيد المعلومة دي من الجهاز عشان يبرر ظهور المواد في السوق


#746075 [ناصح]
4.50/5 (6 صوت)

08-17-2013 03:15 PM
يخسي عليكم


#746057 [ابوايمن]
4.94/5 (6 صوت)

08-17-2013 02:52 PM
هى متين وصلت


ردود على ابوايمن
[sahar] 08-17-2013 11:39 PM
صدقت والله


#746016 [Abu Areej]
2.75/5 (5 صوت)

08-17-2013 01:55 PM
قبل تصل الاغاثة كنا نتوقع الى اين تذهب وصدق توقعنا فليس في الامر جديد


#745986 [ابومونتي.]
3.88/5 (4 صوت)

08-17-2013 01:07 PM
نتوقع منكم كل شئ,ماجبتوا حاجه جديده.


#745983 [radona]
4.32/5 (5 صوت)

08-17-2013 01:02 PM
نداء عاجل الى كل مانحي الاغاثة لضحايا السيول الامطار
احرصوا سادتي ان تسلموا المواد الاغاثية يدا بيد الى المتضررين وان يتم التوزيع عن طريقكم شخصيا حتى لا تجد المواد الاغاثية طريقها للبيع بالسوق عن طريق ضعاف النفوس الدين فعلوا دلك في كل مناسبة يتم فيها تقديم اغاثات بالسودان
ارجو الحرص الشديد على دلك حتى لا تدهب حساناتكم الى من لا يستحقها ويتاجر فيها خصوصا وانتم تعلمون ان السودان من الدول المصنفة الاكثر فسادا في العالم


#745974 [سيد احمد الشايقي]
3.50/5 (3 صوت)

08-17-2013 12:55 PM
هههههههههههههههههههههههههههها معليش يا مندور ابو النزاهة سربتها انا وارجوك اتوسط لي يوم القيامه عشان ما اتحاسب


#745958 [ناصية فى ميدان مليان موية]
3.75/5 (5 صوت)

08-17-2013 12:38 PM
الناس ديل لو جات اغاثة شرابات وما قدرو يسرقوها حيدو كل واحد فردة فردة عشان ما يعرف يستفيد منها, شالو قروشنا وبقو اغنى مننا وبرضو حاقدين علينا


#745950 [داوودي]
2.69/5 (5 صوت)

08-17-2013 12:23 PM
طيب قول باعوها المتضررين لانهم محتاجين قروش ولو قلتا كده برضو بتطلع كضاب لانو الناس دي ما بياخدو كمية تجارية .. الله يقلعكم واحد ، واحد .


#745927 [مندهش]
3.38/5 (4 صوت)

08-17-2013 11:50 AM
نقول ل أمين أمانة العمل الطوعي بالمؤتمر الوطني عمار باشري خلال لقاء مع منظمات العمل الطوعي بالولاية امس،الذي قال ( ان معظم قيادات مجموعة«نفير » تتبع للمؤتمر الوطني وهي مجموعة ليست حزبية وليس لها علاقة باليسار ،والذي اردف ساخراً من اين للحزب الشيوعي هذا العدد من الشباب « وعضويته 13 شخصاً و لا تتجاوز ركاب حافلة ) ان هؤلاء ليس لهم بسارقي الاغاثات وتسريبها الى الاسواق التجارية بصلة على حسب تصريح نائب رئيس المؤتمر الوطني بولاية الخرطوم،الدكتور محمد مندور المهدي ( عن تسرب بعض المواد الاغاثية للاسواق )هذه هي عضوية المؤتمر الوطني تخصص في الفساد واستغلال الظروف وتسخيرها لمصلحتهم الشخصية ولقد شهد شاهد من اهلها


#745914 [ملوك السرقة]
3.69/5 (6 صوت)

08-17-2013 11:38 AM
يا دكتور مندور نحن ما منتظرينك تكلمنا نحن عارفين و كل العالم عارف انكم حرامية عشان كده امتنعوا عن ارسال المساعدات الى السودان لانوا مسبقا عارفين نيتكم انت يا دكتور فاكر نفسك اكتشفت الذرة؟؟؟ هل تعلم يا دكتور مندور ان ملوك نهب الاغاثة 1988 الان هم الحكام و الوزراء فى حكومتك هل تعلم ان المتعافى بداية ثروته كانت من نهب المساعدات الاغاثية فى عام 1988 ؟؟؟ هل تعلم ان المتعافى تعرض لمجلس محاسبة لسرقته مواد اغاثية؟؟؟؟؟ عشان كده يا دكتور لم تصريحتك دى عليك الشعب السودانى كل عارف انكم ليس الا سوى لصوص لا يهمكم التوحه الاسلامى و لا شى غير السرقة و النهب نتمنى ان تطبق الحدود بعد سقوط نظامكم لكى يعلم الشعب من هم اصحاب المشروع الحضارى الاسلامى و الله يا مندور عذبتنا


ردود على ملوك السرقة
[أوكامبو] 08-17-2013 08:54 PM
أتمنى من الإخوة من بحوزتهم صور من المستندات التى تدين أمثال هؤلاء اللصوص من عضوية المؤتمر البطنى عرضها فى منبر الراكوبة حتى تعم الفائدة.

United States [hf whl,gm] 08-17-2013 05:04 PM
طبعا قبلها كان ببيع الشخت (اللحمة الكرتة التي يلقى بها الجزار في الزبالة)والطايوق في جزارة الدويم أصله صنف واطي من يومو وديل أنواع حكامنا

[sabra150] 08-17-2013 12:37 PM
والله كلامك صحيح المتعافي حرامي عينو قوية وهو طبيب في مستشفى شبشه سرق برميل جاز حق المولد وباعو في السوق وله ملف تحقبق موجود بملفة


#745911 [خالد حسن]
4.52/5 (9 صوت)

08-17-2013 11:35 AM
داير يبرر لبع تماسيح تجار الدين للاغاثه وتبريره فطير
اولا المواطن البجي من منطقه اخري عشان يشيل ليه اغاثه حايكون فعلا ومحتاج وماجابته الاالعوزه
ثانيا المواطن ده زاته ماحايشيبل كميات تجاريه عشان تجعل ده مبرر بطهور مواد الاغاثه في الاسواق حايشيل حصة فرد وبالكثير اسره وانتو زاتو ماحاتدوه اكثر من كده
عشان تلبعوها براكم يالمابتخافوا الله حاربتوا ناس نفير
انتو اكلتو مال اليتيم وتاكلوا مال النبي زاتو فهتو البهود بغادي
لعنكم الاه احياءا وامواتا ياكيزان واخوان ونفعيه وتجار دين


ردود على خالد حسن
United States [جعلي طفشان] 08-18-2013 09:02 AM
يا أخ خالد حسن ، سبق لي أن ذهبت مرة الى مطار الخرطوم حيث لي صديق كان يعمل هنالك نظامي وأطلعني على عربات مجروس داخل المطار واقفه قرب طائرة إغاثة ، وقال لي كل مرة إجينا مجروس فيه عساكر يقول لينان نحن من طرف فلان الفلاني (دستوري) ، وعندما يتحقق من الأمر يجد ذلك صحيحاً ، ويعبيءالعساكر المجروس ويذهبوا ، هكذا هم يسرقون مباشرة من طائرات الاغاثة وبالمجروسات.وصاحبي دا لامن احتج كثير على هذه الممارسات شالوه للصالح العام .هؤلاء هم اشر خلق الله لا يرحموا ولا يخلو رحمة الله تصل الى المحتاجين ، لعنة الله تغشاهم جمعيا.ديل كلهم من اسر كانت فقيرة ومعدومة وعاشوا الهوان والذل عشان كدي لامن يلقوا فرصة بكنكشو فيها ذي ما هم عاملين حاليا.

European Union [Jungle] 08-17-2013 01:05 PM
(ليس كل المواطنين بالشارع من منطقة الكرياب او المرابيع)( تسرب بعض الموادالاغاثية للاسواق ) انت عارف قال الكلام دا ليه؟؟؟؟ ..اولا اشان يقولوا لبعض الناس انتوا ما من هنا او ما من التضررين وبالتالي يفرقوا المتضررين ذاتهم الماتابع للمؤتمر الوطني ما يلقي اي حاجة… ثانيا اشان يبرروا سرقاتهم واي كمية دخلت السوق يقولوا دخلوها المواطنين…. كلام الناس البقولوا فيه ان هؤلاء ياكلوا مال النبي والله صحيح 100% الناس ديل ليسوا بلاء للشعب السوداني فحسب بل لكل الامة الاسلامية وغير الاسلامية الحل شنوووووووووووو سبحان الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة