الأخبار
أخبار إقليمية
جريمة الفتاة التي جلدتها الشرطة السودانية بعنف وتشفي كانت ارتداء البنطلون..نافع على نافع : لا أعلم شيئاً عن أمرها..طالما تم جلدها فهذا يعني إنها إمرأة غير محترمة.- شاهد الملف الذي عرضته قناة الجزيرة -
جريمة الفتاة التي جلدتها الشرطة السودانية بعنف وتشفي كانت ارتداء البنطلون..نافع على نافع : لا أعلم شيئاً عن أمرها..طالما تم جلدها فهذا يعني إنها إمرأة غير محترمة.- شاهد الملف الذي عرضته قناة الجزيرة -
جريمة الفتاة التي جلدتها الشرطة السودانية بعنف وتشفي كانت ارتداء البنطلون..نافع على نافع : لا أعلم شيئاً عن أمرها..طالما تم جلدها فهذا يعني إنها إمرأة غير محترمة.- شاهد الملف الذي عرضته قناة الجزيرة -


12-09-2010 08:25 PM
بثت قناة (الجزيرة مباشر) الفضائية مساء الخميس ملف الفيديو الذي أصاب الشعب السوداني بالصدمة والذي احتوى تسجيلاً لتنفيذ عقوبة الجلد على فتاة سودانية بسبب ارتدائها البنطال.

- وكانت قناة الجزيرة مباشر قد عرضت لقاءً مع الدكتور نافع على نافع مساعد الرئيس البشير وعندما تم سؤاله حول هذا الفيديو أجاب بأنه لا يعلم شيئاً عن هذا الأمر واستطرد قائلاً أن المرأة المحترمة لا يمكن أن يتم جلدها، و طالما انه تم جلد هذه المرأة فهذا لأنها إمرأة غير محترمة.

شاهد الملف الذي عرضته قناة الجزيرة مباشر

[VIDEO=http://www.youtube.com//v/oOAsAC0mQ94]WIDTH=400 HEIGHT=350[/VIDEO]

رابط المشاهد أدناه

http://www.alrakoba.net/videos-action-show-id-425.htm


تعليقات 116 | إهداء 27 | زيارات 50658


صفحة 1 من 212>
التعليقات
#60419 [Mustafa Suliman]
0.00/5 (0 صوت)

12-18-2010 12:27 AM
Bookmark and Share

بأي ذنب جُلدت


د.مهران ماهر عثمان
خطيب مسجد السلام بالطائف

2010-12-13

الحمد لله رب العالمين، وأصلي وأسلم على المبعوث رحمة للعالمين، نبينا محمد وعلى آله وصحبه أجمعين، أما بعد؛

فقد بثت بعض الفضائيات في الخامس من شهر الله المحرم للعام 1432هـ مقطعاً لبعضِ أفراد الشرطة السودانية وهم يجلدون فتاة بتهمة تخل بالآداب، كما ورد في بعض صحف اليوم التالي، فأقول معلقاً:

أولاً:

التعزير عقوبة شرعية، وهو عقوبة غير مقدرة شرعاً، تجب حقاً لله، أو لآدمي، في كل معصية ليس فيها حد ولا كفارة غالبا.

ثانياً:

التعزير حق للحاكم، فليس من الظلم في شيء أن يُجلد إنسان إذا ما أتى بجرم يخل بالحياء أو أتى شيئا دون ذلك، وقد أجمع الفقهاء على أن ترك الواجب أو فعل المحرم معصية فيها التعزير إذا لم يكن هناك حد مقدر.

والتعزير يكون بالجلد وغيره كما سيمر معنا، وقد بين علماؤنا كيفية هذا الضرب وصفة السوط الذي يُضرب به في المصنفات الفقهية. بل تحدث الفقهاء عليهم رحمهم الله بما لو أدَّب حاكم جانياً فمات الجاني بالتعزير، فعند الحنفية والمالكية والحنابلة أن أمر التعزيز كأمر الحد، ولا خلاف بين الفقهاء أن من حدَّه الإمام فمات من ذلك فدمه هدر؛ لأن الإمام مأمور بإقامة الحد، وفعل المأمور لا يتقيد بشرط السلامة. والتعزير يختلف عن الحد والقصاص والكفارة في وجوه عديدة ليس هذا موضع ذكرها.

وقد أجاز إمامنا مالك رحمه الله أن يكون التعزير فوق الحدِّ للمصلحة.

والحكمة من التعزير: إصلاح المخطئين، وزجر غيرهم من المكلفين.

وقد يكون التعزير بالقتل، أو السجن، أو الجلد، أو الغرامة، أو النفي، أو التوبيخ، أو التشهير، أو الهجر.

ثالثاً:

غبنٌ فاحش أن يسمح بتصوير ونشر هذا الحدث في مثل هذه الأيام في هذه البلاد التي يتربص بها الأعداء الدوائر -عليهم دائرة السَّوء-.

وشهود إقامة التعزيرات والحدود مطلب ديني، وإنما أتحدث عن عدم بثها في وسائل الإعلام لداعٍ أمني.

رابعاً:

الخطأ وارد في حق الجميع، لا سيما في حقِّ من بيده السلطة والأمر.

خامساً:

معالجة الأخطاء التي تصاحب القيام بالتعزير وبغيره من أحكام الله لا تكون بتعطيلها، فقد ثبت في صحيح البخاري عن ابن عمر رضي الله عنهما قال: بعث النبي صلى الله عليه وسلم خالد بن الوليد إلى بني جَذِيمة، فدعاهم إلى الإسلام، فلم يحسنوا أن يقولوا: أسلمنا، فجعلوا يقولون: صبأنا صبأنا. فجعل خالد يقتل منهم ويأسر، ودفع إلى كل رجل منا أسيره، حتى إذا كان يوم أمر خالد أن يقتل كل رجل منا أسيره، فقلت: والله لا أقتل أسيري ولا يقتل رجل من أصحابي أسيره حتى قدمنا على النبي صلى الله عليه وسلم، فذكرناه، فرفع النبي صلى الله عليه وسلم يده فقال: «اللهم إني أبرأ إليك مما صنع خالد، اللهم إني أبرأ إليك مما صنع خالد». فخالد بن الوليد


#60005 [محمد أمين]
0.00/5 (0 صوت)

12-17-2010 01:24 AM
بسم الله الرحمن الرحيم
والصلاه والسلام على رسولنا الكريم
عقوبه الجلد هى حد من حدود الاسلام بما لا فيه شك ولكن الستره ...الستره البت دى لو جلدوها فى السر ماكان اوماكان لناس عرفت ........ما ياما بنجلدو ويتعذبو ونحنا ماجايبين خبر .
ثانيا كون انو القاضى يقول فى المقطع المنتشر والفضيحتو وفضيحت السودان سودت زياده بيقول\\\\\" بسرعه علشان احنا مافاضيين\\\\\"قمت الاستهتار والسخريه.....الحمد لله على ما اراد الله وانا لله وانا اليه راجعون


#59965 [NEWSDUANI]
0.00/5 (0 صوت)

12-16-2010 10:30 PM
البت بت ناس , بت جن ازرق

طبق القانون اذا افترضنا ان العصبة الحاكم مؤهلة ادارياً لتطبيق القانون

حاجة تاتنية شنو قصة شروع في الزنا


مش الدين الاسلام دة حدد 4 شهود و مرود في المكحل و العقوبة و كيفية تطبيقها


شروع في الزنا فات عليهم و لة شنو ؟ وله عشان تتطبق في الدايرين تطبيقوها عليهو والباقي البخصكم

اخيراً وليس اخراً

الزنا و البنطلون لها سلوك خاطئ طبيعي لا حرج به كخطاء يمكن التعامل معه
ولكن ......دة ما بنقدر علية

دة سلوك شاذ

و التبرير الخطاء بأخطاء غير منطقي

ربنا يرحم اوراحكم الطبية في أجسادكم النجسة


#59727 [ام المكاشفى]
0.00/5 (0 صوت)

12-16-2010 01:08 PM
ربنا ينتقم منك شر إنتقام يارب اياظلمة


#59622 [ام]
0.00/5 (0 صوت)

12-16-2010 10:22 AM
حسبى الله ونعم الوكيل إلهى اياديكم تنشل يااااااااااااااارب


#59502 [من غير اسم]
0.00/5 (0 صوت)

12-16-2010 03:03 AM
كفااااااااااااااااااار ويهووووود حسبي الله عليكم قدام الناس عااااد قلنا جلد مو مشكله اما امااااام الامه وخلق الله اجمعين حسبي الله ونعم الوكيل الا عشان تبووون الشهررره ياسودانيه يعيال ال.......؟؟


#59449 [ود الجرقندى]
0.00/5 (0 صوت)

12-15-2010 10:04 PM
طبعا يابشير انت حاتكون فى الدرك الاسفل من النار انت ومن شايعك يعنى ناس الانقاذ بشتى مواقعهم فى القصر فى الوزارات فى المحافظات فى المحليات فى اللجان الشعبية يعنى كل الهرم الادارى حقكم من القمة حتى القاع لا محال الى الجحيم ذاهبون مهما سولت لك نفسك ومشروعك الحضارى الذى يحتضر الآن انت يا عسكرى يا من استخدم البدلة العسكرية فى غير مكانها وبها جلت على كرسى لا تستحق ان تنظفه حتى . المرة دى ستذهب الانقاذ ومعها الجبهة الاسلامية مهما تلونت وتحربنت يعنى السودانيين بالتجربة اقتنعوا ان الاسلاميين حتى لو جاءوا من مكة فهم بأي حال من الاحوال طلاب سلطة ومفسدين ويكون فى معلومكم اذا اتلحست الانقاذ انتو شوقوا ليكم صرفة على الطلاق نقبضكم قبيض السمك الفاتتو الموية والمرة دى ما تقول لى محاكمات صورية يجى عبدالباسط سبدرات لاعق احذيتكم ان يدافع عنكم عبدالباسط ذاتو المرة دى حايكون بفتش لمحامى يدافع عنه على الطلاق المرة دى تنكسروا كسرة الفول وعلى الطلاق اي زول اتعاون مع الانقاذ حانفقع بيضتو فى رابعة النهار يعنى الناس المرة دى لا حاتنتظر محاكمات ولا حاجة يعنى مهما تحصنت وتجبرت نهايتك حاتكون بطالة دنيا وآخرة وكمان قال فاطمة خالد سيدة السودان الاولى آآآآآآآخخخخخخ يا مهاذل ياخى اديها كورس فى الدبلوماسية ياخ هى ما شافت جيهان السادات مع احمد منصور فى شاهد على العصر فى قناة الجزيرة ما سمعت بسوزان مبارك يعنى فضحتنا بجلاجل والقنوات تعجبك ناس الشروق والنيل الازرق آخر دهنسة كل يوم جايبنها فى مصيبة الله يعجل بفوتتكم آمين


#59275 [مصطفى ]
0.00/5 (0 صوت)

12-15-2010 02:13 PM
نقول شنو فى بلد مابحتر م القوانين الدولية وحقوق المراة بصورة عامة غايتو ليهو الله نسوان البلد اددد دي:o :o


#59241 [ابو عبدالله]
0.00/5 (0 صوت)

12-15-2010 01:29 PM
البت دي لو كانت بت نافع ولا واحد من الكيزان ديل ما كان دقوها وما في زول بقدر بفتح خشمو ووزير الداخليه ما بقدر بعمل ليها حاجه البلد مابقت حقت ابوهم


#58601 [عدو الظلم]
0.00/5 (0 صوت)

12-14-2010 02:07 PM
مــافـعــلـت أمـك؟
مــا جــرمـت أخــتـك؟
أتـــراءهـا فـى هـذى الــمــقـهـورة؟
أم هــن بـنـات الـعـمـة والـخــال؟


#58596 [mohammed Ali]
0.00/5 (0 صوت)

12-14-2010 01:59 PM
إذا كان الجميع يرى ان هذا جرم فكيف تسير الدولة الإسلامية برأيكم يا اخوة الإسلام ان مثل هؤلاء الفتيات يجب ان يعاقبوا ولكن على حسب ما تنص الشريعة الإسلامية وان هذا العرض يقصد به اشانة سمعة السودان الذي نحن فيه جميعا ان الشخص الذي فعل هذا ربما ليس مسلما لانه اراد الفتنة . ولكن هناك الكثير من الظلم على المسلمين في بلاد الكفر فلتذكروا قصة النقاب او الحجاب والشهيدة التي ماتت بسببه في بلاد الشرك ولو كنت لكم قلوب تعقلون بها فليشاهد احدكم مافعل المشركون بمن كانوا في غوانتنامو وبالتحديد على الجزيرة برنامج شاهد على العصر مع المعتقل السابق المؤمن التقي البار ابن محمد الحاج اللهم ارفع درجاته يوم تزلزل القلوب والله مانحن فيه اليوم هو ضعف الإيمان وهذه الكلمات عبارة عن تذكرة لي اولا ولكم فكونوا مع الصادقين


والسلام عليكم


#58588 [عدو الظلم]
0.00/5 (0 صوت)

12-14-2010 01:51 PM
قدو قدو وزميله الشرطي الآخر والقاضي الجاهل عندهم عقدة عاوزين ينتقموا وبتخيلوا البنت المسكينة ده رغم أن جريرتها لبس البنطلون هي زي امهاتهم واخواتهم لأنهم من اسر منحلة فهم ينتقمون من امهاتهم واخواتهم في هذه البنت المسكينة وغيرها من بنات الناس ضحية الحقد والعقد النفسية ،، الله يعلنكم ليوم الدين يا أبناء السفلة وعبيد الشواذ


#58584 [ود]
0.00/5 (0 صوت)

12-14-2010 01:49 PM
الأحكام الشرعية على عينا وفوق لى رأسنا بى فوق ..........................لكن أود أن أضيف الآتى:-

1/ أولا الفتاة تم جلدها بموجب المادتين 154 -155 من القانون الجنائى السودانى وهذه المواد تتعلق بالدعارة وادارة محل للدعارة وتم ادانة الفتاة بالجلد خمسين جلدة.
2/ عليه ووفقا لما ذكرنا فان جريمة الزنا لم تثبت على الوجه الشرعى.
3/ ان الشريعة الاسلامية قبل تطبيق الحدود وضعت الكثير الكثير من الضوابط والقيود لحفظ المجتمع حيث يمنع الاختلاط تماما ويمنع دخول البيوت دون استئذان وبغض البصر وعفة المجتمع بالكفاية وتوفير سبل العيش الكريم الخ..
4/ ان الشريعة الاسلامية الغراء ليست جامدة والهدف من تطبيق الحدود حفظ المجتمع وليس تدميره فقد عطل سيدنا عمر نطبيق الحدود فى عام الرمادة
5/ ان الشريعة الاسلامية الغراء لا يوجد فيها شروع فى الزنا ففيها زنا أو لا ولكن لصعوبة اثبات حد الزنا بشهادة الشهود فقد احتال القانون السودانى على هذا الأمر وتوسع فيه بمسميا مالها سلطان.
6/ اذا أردنا اسقاط مادة الدعارة وادارة محل لممارسة الدعارة ربما كان الكثير من المكاتب الحكومية والخاصة ينطبق عليها هذا الأمر حيث أنها مكاتب مغلقة يوجد فيها خلوة غير شرعية بين رجل وامرأة وتمارس في بعضها كثير من المنكرات
7/ أخيرا فان الداء الأساسى هو من السلطة التى لو كانت صادقة فى تطبيق الشريعة الغراء لما رأينا مثل هذا المنظر بدء بمنع الاختلاط فى العمل والدراسة والشارع العام ودعم الأسر الفقيرة ودعم السلع الهامة لكى تقى المواطن شر الفقر والعوز والله المستعان


#58528 [مواطن حرررر نفسه]
0.00/5 (0 صوت)

12-14-2010 12:31 PM
دولة السودان ناقصها أداره كامله ليس الا ولازم تعاد برمجة السودان من جديد


#58524 [قضبان]
0.00/5 (0 صوت)

12-14-2010 12:27 PM
ذكرني شريط الفتاة وهي تجلد بالشريط الذى صور اثناء اعدام البطل صدام حسين .

اولا : شريط إعدام صدام تم تصويره بعلم الحكومة العراقية بل بحضور أعضاء من الحكومة ، وبالمثل فإن تصوير جلد الفتاة بهذه الصورة تم بعلم القضاء والشرطة .

ثانياً : كان الغرض من بث شريط إعدام صدام حسين حتى تبين الحكومة للعالم بإنها قد طبقت العدالة فى حق البطل صدام حسين ، وبالمثل قامت الحكومة الانقاذ ببث هذا الشريط فى هذا الوقت لتثبت للشعب السوداني بأنها هى الحكومة الوحيدة التى مرت على السودان التى تتطبق الشريعة وخاصة على اخونا الجنوبيين ، و بالتالى لايهمكم إنفصال الجنوب فليذهب فى ستين داهيه حسب تصور الانقاذيين .

كانت الحكومة العراقية تتوقع أن يفرح ويهلل العالم كله بإعدام البطل صدام ، وبالمثل كانت تتوقع حكومة الانقاذ ان يلقى بث شريط الفتاة البطلة تأييد واستحسان منقطع النظير من الشعب السودانى و بالتالي تكسب تأيدهم فى قرار انفصال الجنوب .

رابعاً : واخيراً كان لبث شريط إعدام البطل صدام أن اصبح بطل سوف تتحدث عن فراسته وشجاعته الاجيال والتاريخ . وبالمثل فإن بث شريط الفتاة البطلة قد اثبت العكس حيث أن كل من شاهد منظر الفتاة وهي تجلد بالصورة البشعة تلك ، قد ازداد كره وعداوة لنظام الانقاذيين ، بل اصبح الغلبية يدون الله عز وجل ان يخلصم منهم ، ودعوة المظلوم ليس ينها وبين السماء حجاب .

يأهل الانقاذ اتقوا الله فى انفسكم اولاً ثم ادعوا رعيتكم بعد ذلك ، وحاسبوا انفسكم قبل ان تحاسبوا ، وإن الصبح لناظره قريب .
وعاشت ذكري صدام وعاشت اختنا المظلومة عزيزة مكرمة فى نظر أبناء هذا البلد الشرفاء ، ولا نامت أعين الجبناء .


#58418 [رشا]
0.00/5 (0 صوت)

12-14-2010 10:07 AM
والله يا جماعة انا الكلام ده كلام فتنة ساكت وكلام بتاع نسوان جبنة وبس ما كنت اتوقع ان الشباب السوداني الفاهم -كنت بفتكر كده- ح يكون بالمستوي ده لازم نتناول الموضوع بموضوعيه اكثر وما ناخد بالظاهر وانا شخصيا زولة كبيره وباولادي والله بلبس البنطلون عادي ما حصل زول سالني خالص
والله العظيم عشان اول واحدفيكم ح يقول تبع النظام وكده انا مابعرف في السياسة دي اي شي ومابعرف منهم غير البشير لانه اسمه بيتردد كتير وكده
خليكم ناس منطقيين وانتو بي كلامكم ده بتولعوا النيران شوفوا الحاجات الاهم من جلد البت دي .


#57622 [ودالحسين]
0.00/5 (0 صوت)

12-12-2010 09:01 PM
اعلمك البلاء الاخمك يانافع وانت اصلا مانافع لو انت وامثالك عالمين بمايجرى للشعب دا ماكان حصل وبعدين دى حرية شخصية تلبس بنطلون ولا غيرو ياجبهجية ياعواليق حرام عليكم ان شاء الله ادقو بتك ونشوفة هنا


#57340 [hala]
0.00/5 (0 صوت)

12-12-2010 01:42 PM
لا شرع وله دين يسمح بهذه الوحشيه فى العقاب
حرااااام


#57168 [بنت النيل ]
0.00/5 (0 صوت)

12-12-2010 08:45 AM


وووووب وووووب وووووووببب

الليلة وووووب

الليله يا توب غتانا البرد جانا

ويا شبعنا وروانا الجوع جانا

الليله يا ضل ضحانا الحر جانا

واااااامغيستي
وا سوادي يااا يمه سوادي سوادي

واااااا رمادي يا يمه

وااا كريبتي واشرري وااا مررري

أفتحوا لي الباب ده

خلوني النطش

وووب وووب

الليله ياحلييييلك

يا حليلك ياالحنان وياحليلك يالمنان

الليله يا حليلك يا السودان




مخيييييير الله يا ولاد امى


#57148 [moneeme]
0.00/5 (0 صوت)

12-12-2010 08:24 AM
بكل أسف الشرطة السودانية كانت أحق بالضرب من هذه الفتاة مع أن هذا الموضوع ليس للإتفاق أو الاختلاف لكن المؤتمر الوطني كرس لهذه المفاهيم وجعل من المجتمع السوداني تابع لكل ثقافة من أي المناطق كانت
تجلد هذه الفاتاة وبنات المؤتمر الوطني وحريمهم لا يتعرضن للمساءلة بكل أسف


#57079 [الغاضببببببببببببة]
0.00/5 (0 صوت)

12-12-2010 12:50 AM
فعلا كما قيل الما نافع....وكمان تقول ما عارف حاجة زي دي انت كمسئول مفروض تعرف اي حاجة تحصل لرعاياك..والا السلطة والمسئولية في حاجات تانية,,,,وكمان بتقول امراة غير محترمة علشان لبست بنطلون..خلاص انتم قضيتم علي كل الاشياء المشينة والسيئة في الشارع السوداني وغيره ولم يتبقي لكم غير التي تلبس بنطال لكي تجلد بهذا الشكل المشين والسادي والذي لا رحمة فيه من قبل حثالة غير محترمين من يسمون شرطة النطام العام ....هو فين النطام ديه,,]ياحليلك يا الشعب السوداني خلاص اتخرصت...لا اسمع -لا اري - لا اتكلم-لا افعل.....حسبي الله ونعم الوكيل.


#56732 [amal]
0.00/5 (0 صوت)

12-11-2010 12:31 PM
ياجماعة شنووو الحاصل في بلدنا ده معقولة صورت بلدنا يتهزا برة عن جد حراااام البيحصل تخيلو انا في الشغل بنات اجنبيات ما من بلدي يتصل علي ويقولولي لشوف الفيديو ويقولوا لينا نرجع بلدنا وينو البلد ده .........وقسما بالله ولا حفكر فيهووو مافي احترام مافي حشمة


#56607 [عدو الظلم]
0.00/5 (0 صوت)

12-11-2010 08:07 AM
بنت غير محترمة يا إبن ...... أنتم ظالمين والظالم لا يفرق بين محترمة وغير محترمة والشرطة بتاعتكم ده ممكن تمسك بنتك أو امك أو زوجتك وتساومها على شرفها لأنهم حماة الفضيلة الله يلعنك ويلعن الترابي العلا شأنك وشأن البشير العوير


#56550 [الحبوب]
0.00/5 (0 صوت)

12-11-2010 04:42 AM
واي يا امي
كلمه لاتنسي بس يا نافع الما نافع حتمشو وين من الله وبعدين دي اشرف من بناتك
ومن بنات الكيزان كلهم انتو سرقتو مال الشعب وسفرتو اولادكم وبناتكم يقرو بره
بس عارفينهم بلبسو شنو بره ولا بعملو شنو
اقسم بالذي رفع السماء بلا عمد انها لاشرف من بناتكم الصايعات واولادكم الخولات
الله يورينا فيكم


#56528 [hatim]
0.00/5 (0 صوت)

12-11-2010 12:16 AM
الحمد لله

انا لا كوز ولا اخو مسلم ولا جبهجي ولا مستفيد من هذا النظام
ولكن الحق يقال فلتضرب اي بنت او ولد يغلط كفايه البلد كلها اتملت مخدرات وفساد ودعاره فقر وجهل
فهذا الفيديو اظن في رمضان وهذه المخبوله الناس بتعطف عليها ليه؟؟؟؟؟
وهي اكيد كان لابسه اللبس الفاضح الشايفينو انحنا الايام دي في الخرطوم وفي وضح النهار الحكومه عامله امكنه للفساد فلتبحث عنها مش تجينا عماشه شبه عريانه في الشارع ولسع ياما حتشوفو
لله درك يا بلدي اصبحت ملطشه ومضحكه في العالم والفضائيات


#56525 [م س]
0.00/5 (0 صوت)

12-11-2010 12:07 AM
نعم قد لا يكون ان هذا الدكتور نافع سمع بهذه المواطنه المغلوب علي علي امرها ولكن اكيد انه راي او سمع بالفرقه الاثيوبيه وهي تلهب عقول ضباط الشعب المسلحه ولياليهم الصاخبه داخل نادي الضباط. او سمع باليالي الملاح في نادي الشرطه ببري والبناطلين واللبس المحزك وتحت ناظري العين الساهره(الشرطه).


#56507 [منو؟]
0.00/5 (0 صوت)

12-10-2010 10:49 PM
يا سبحان الله هم الجبهجيه الذين يرتكبون الفواحش فقريبا كان هناك برنامج في النيل الازرق يفضح الجبهجيه باربكابهم تحرش جنسي مع الموظفات . وبما ان الخدمه المدنيه يشغلها الجبهجيه فاذا الذى يقوم بالتحرش الجنسي هم الجبهجيه وليس غيرهم لانهم غير اسوياء ومريضيين جنسيا وعقليا ونفسيا لاسباب اسريه او اضهاديه


#56499 [maxinebriggs]
0.00/5 (0 صوت)

12-10-2010 10:20 PM
As an English person I find this sadistic practice unreligious, this poor woman is more than likely much more islamic kind and thoughtful than any of the barbaric individuals carrying out this act. Watching these men laughing , at this poor girl is beyond comprehension WHO ARE THEY ? did God give them the rights to treat other human beings in this way ? Sudan has a history going back much further than my country an ancient intelligence which is envied by academic scholers through out the knowledgeable world . These bullies are not even men . Real men stand up and fight for thier country work to better the lives of thier families and recognise thier proud history .I am a scientist with so many educated Sudanese friends in Britain. No wonder they are here and not in Sudan where thier fellow countrymen are going backwards to the dark ages What a shame for Sudan, the Sudanese people,and humanity. ,


#56497 [محمد ]
0.00/5 (0 صوت)

12-10-2010 10:08 PM
ياجماعة مستحيل البت دي جلدوها بسبب بنطلون - لأنه الشارع كله بناطلين - وبناطلين على اشكالها تقع وتقوم - اكيييد البت دي عملت مصيبه وبتكون استفزت شرطة النظام العام - ماساي جلدوها كده - وياناس الراكوبه ما بتقنعونا بالاسباب التافهه دي - ياريت تفتشوا الاسباب الحقيقيه وتجيبوها لينا ---- ولو عايزين تغيروا نظام الحكم شوفوا لينا اسباب غير دي وتكون قويه - وعلى فكرة لو كانت الشريعة مطبقه في السودان والله كان راكوبتكم دي اتملت اشرطة فيديو - انتو ما عارفين النسوان والبنات بقوا يعملوا شنوا متزوجات وغير متزوجات - والنساء كيدهن عظيم - انا قاعد هنا من على البعد عارف جنس بلاوي بتحصل في السودان من غير راكوبتكم واي وسيلة نت اخرى بعرف كيف اجيب الاخبار ----------- واتمنى انكم ما تحاولو تعرفوا حقيقه مشكله البت دي لأنه وقتها حتندموا على الفتنه العملتوها دي


#56493 [سليمان]
0.00/5 (0 صوت)

12-10-2010 09:59 PM
نحن فى دارفور لن نستغرب من هذا التصرف اللاخلاقى من هولاء الذين يحكمون باسم الدين لان فى دارفور حصلت اكثر من دا للمراة دارفورية ، ما داعى نقولها ولكن نسال الله ان ينتقم من هؤلاء المجرمين


#56491 [حمدي البارو]
0.00/5 (0 صوت)

12-10-2010 09:50 PM
الله يرينا فيكم يوم يا جماعة القطاس حرامية الدين بياعين الدين


#56488 [abusafarouq]
0.00/5 (0 صوت)

12-10-2010 09:48 PM
أصدقائى واحبائى فى الراكوبة السلام عليكم تحية الاسلام السمح أعود اليوم للتعليقات بعد حجب موقعى 60 يوما لم أدرى ما السبب بالأخص الصفحة السياسية أخبار السودان لحظة بلحظة وأنا اليوم سعيد جدا أشارك أخوتى .
يا أخوة الشيم السودانية قد ذهبت مع دولة الانقاذ وفاقد الشيى لايعطيه والمشهد جد مؤثر وموجع لكل من له أخت أو أم أو بنت تهان أمامه أيها القاضى الظالم الله يلعنك الى يوم الدين ورجال الامن الذين نفذو تلك الجريمة النكراء فى حق فتاة معصومة تصرخ بطول حسها للرائفة لكن للأسف لامجيب للنداء والنجدة هل عدم الرجال فى السودان إمراة تصرخ من الظلم وإنتهاك عرضها امام الملاء لم يوجد جندى شهم بإطلاق رصاصات على الجلادين أم جميعا ارتوى من كأس الانقاذ .
صبرا يا أختاه أن الفرج قريب سوف ترين جلادينك اليوم غدا بالسلاسل لسوء ما رتكبوه ضد هذه الامة الله الله عجل بزوال هؤلاء المجرمين . هناك دول أشرف منكم تطبق الشريعة لم نرى قط جلدت إمراة فى الشارع بهذه الطريقة القذرة . الذئ يجلد ويقطع يده حقا سارق المال العام وقوت الشعب لكن كل الامور بقت بالمقلوب زمن الانقاذ ونافع قاتل المواطن الشريف فى بيوت الاشباح هو المحترم يا للعجب لهؤلاء الفساق أمثال نافع وزبانيته الضالين المضلين


#56483 [المهدي]
0.00/5 (0 صوت)

12-10-2010 09:19 PM
جان الميعااااااااااااااااااااااااااااااااااااااااااااااااااااااااااااااااااااااااااااااااد!!!!!


#56481 [الصاردي]
0.00/5 (0 صوت)

12-10-2010 08:56 PM
بالله عليكم شوفو كيفية إقامة حد الجلد في السعودية للرجال

http://www.youtube.com/watch?v=aU8BmlJL828&feature=related


#56478 [المظلوم]
0.00/5 (0 صوت)

12-10-2010 08:50 PM
شوف بالله قول عسكر الشرطة عن الاية لا قال بسم الله ولا صدق الله العظيم و(كشف) يعنى الفاظ شوارع وحرامية وده من جهلهم يعنى انت داير تدخل الشرطة نفر اول شرط لازم تكون ما قارئ ولا بتعرف تكتب ولا تقراء ... الله ياخدكم فى ريح صرصار


#56474 [ ابويمن]
0.00/5 (0 صوت)

12-10-2010 08:24 PM
قال الرسول (ص):انما بعثت لاتمم مكارم الاخلاق. واالله الشوفنا دا منتهى الخسة والنزالة بنت يجلدا عسكرى بحكم قاضى عشان لابسه بنطلون امام الجميع والعساكر يتضحكوا بكل خسة ونزالة وشماته علي صراخها والم وين الاحساس بالرجولة وين النخوه انا بسال القاضى الحكم والعسكرى النفذ والشاهدوا وكل من ليه دور فى الفضيحة دى ترضوا ليه اخواتكم ولابناتكم يجلدنا كدا عشان لابست بنطلون.فضحتونا الله يفضحكم دنيا واخره.


#56457 [gafar elmubarak]
0.00/5 (0 صوت)

12-10-2010 07:29 PM
THE DAY WILL COME NAFI WHEN YOU AND THE REST OF YOUR INGAZI CRIMINALS, WILL BE LASHED, FLOGGED, BEATEN IN THE STREAT OF KHARTOUM ,HOW ENTERTAINING THAT WILL BE FOR THE PUBLIC TO WATCH


#56453 [محمد]
0.00/5 (0 صوت)

12-10-2010 07:07 PM
الزول ده بقول شنو
د نافع على نافع مساعد الرئيس بقول البت ما محترمه لو محترمه لا يمكن أن يتم جلدها .؟؟؟؟


#56447 [Eagle Eye]
0.00/5 (0 صوت)

12-10-2010 06:50 PM
عن رسول الله (صلى الله عليه وسلم ) قال:
- إنما أخاف على أمتي ثلاثا: شحا مطاعا، وهوى متبعا، وإماما ضالا.
- أشد ما يتخوف على أمتي ثلاثة: زلة عالم، أو جدال منافق بالقرآن، أو دنيا تقطع رقابكم فاتهموها على أنفسكم.
- إن أخوف ما أخاف على أمتي الأئمة المضلون.
- أخوف ما أخاف على أمتي: زلات العلماء، وميل الحكماء، وسوء التأويل.
- أكثر ما أتخوف على أمتي من بعدي: رجل يتأول القرآن يضعه على غير مواضعه، ورجل يرى أنه أحق بهذا الأمر من غيره.
أين المتنطعون والمهرطقون والمتمشدقون والمتسفسطون والمنافقون والخراصون وناس (قدوقدو) من قول سيد الأولين والآخرين يا علماء السلطان



#56446 [اسماعيل ]
0.00/5 (0 صوت)

12-10-2010 06:38 PM
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآَخِرَةِ عَذَابٌ عَظِيمٌ


#56440 [وحيد]
0.00/5 (0 صوت)

12-10-2010 06:19 PM
هذا النافخ الجاهل و عصابته الذين لا يتقون الله و جعلوا دينهم الدنيا و اذلال الناس و التنكيل بهم... بالله عليكم هل هذه كلمات شخص سليم العقل ناهيك عن ان يكون زعيما و قائدا و مستشارا لرئيس الجمهورية؟ بالله عليكم هل هذه الفاظ شخص يتمسح بمسوح الاسلام ناهيك عن ان يكون مسلما و ناهيك ان يكون \"شيخا\" و صاحب \" مشروع اسلامي\" يصف احدي افراد الشعب الذي يتحكم عليه هو و طغمته الباغية الظالمة الخارجة عن الدين و عن عرف اهل السودان! هل من رجل من اب سوداني و ام سودانية يصف انثي بانها غير محترمة؟ غير محترم انت و من والاك و من رباك يا جاهل يا فاسق... اما سمعت رسول الاسلام عليه افضل الصلاة و السلام حين اقام حد الرجم علي المراة الغامدية \"الزانية\" اما سمعت قوله لخالد بن الوليد حين سبها و هو يرميها بحجر و يتطاير دمها عليه يقول له الرسول \"مهلا يا خالد فوالذي نفسي بيده لقد تابت توبة لو تابها صاحب مكس لغفر له\" ... هل سمعت ان الرسول وصفها بانها غير محترمة ؟ مع انها زنت و اعترفت و اقيم عليها الحد؟
بالله من علم هؤلاء الاسلام الذين يتشدقون به؟


#56427 [Zingar]
0.00/5 (0 صوت)

12-10-2010 05:43 PM
وانتوا محترمين يا ........


#56417 [اوجي]
0.00/5 (0 صوت)

12-10-2010 05:12 PM
البيحصل للبنت دي حراااااااااااااااااااااااااااااااااااااااااااام;( ;( ;( ;( ;( ;( ;( ;( ;(


#56401 [ود العمده]
0.00/5 (0 صوت)

12-10-2010 04:19 PM
اتنين بلدياتنا ذهجو من \"اللهط\" وتريقة الناس عليهم ,فهاجروا الهند اول ما نزلوا من الطياره لقو الهنود بينحنوا عشان يحيوهم ,فواحد منهم قام سأل التاني هم بيحترمونا كده لييه؟ قال له اصلهم هنا بيعبدوا البقر


ردود على ود العمده
Austria [شمالى] 12-10-2010 05:24 PM
ود العمدة الله يديك العافية ضحكتنى لمن مصارينى وجعتنى.....


#56384 [هشومة الزبير]
0.00/5 (0 صوت)

12-10-2010 03:48 PM
تابع الصباح ستجد ما توده


#56379 [محمد]
0.00/5 (0 صوت)

12-10-2010 03:32 PM
اولا اقول حسبي الله ونعم الوكيل لم يدهشني المقطع بما ال اليه جهاز القضاء والشرطه
السودانيه التي ما تركت صعلوق الا وتم تعينه حامي لنظام لا يدري الي اين يسير
ولكن ما ادهشني حقا هذا الرد من رجل كنا نحسبه اكثر وعي وفهم للدين او حتي
النخوه السودانييه هل مثل هؤلاء ناتمنهم علي اهلنا وانفسنا ووطننا ضيعتم الوطن
واضعتم الاهل ولكم العزر فلعيب فينا ولكن ان الاوان للتغير وحتما سياتي


#56376 [ود العمده]
0.00/5 (0 صوت)

12-10-2010 03:20 PM
بمناسبة \\\\\"اليوم العالمي \\\\\" لمنظمات حقوق الانسان اللذي يصادف اليوم ,نرجو من كل الاخوان في الخارج خاصة في اوربا وامريكا واسيا ان يبعثوا رابط جلد هذه البنت الضحيه الي كل تلفزيونات هذه الدول ,دفاعا عن انسانية السودانين من هجمة الامن البربريه ضد ضعفاء السودان ونشرا لقيم التسامح وصفات ابناء السودان الاصيله واعلاء قيم حقوق الانسان السودانيه ودمتم للخير شباب السودان ,نرجو من الكل ان يساعد في كشف جرائم الانسانيه وتعريتها للراي العام المحلي والدولي حسب امكاناته .


#56372 [جار سيفو]
0.00/5 (0 صوت)

12-10-2010 03:05 PM
والله هذا عيب يندى له الجبين اين الشهامة واين المرؤة واين احترام اعراض الناس من منا يرضى ان ينتهك عرضه بهذه الطريقة البشعة التي لا يقبلها الذوق والوجدان السليم فاذا كانت هذه الفتاة لبست بنطلون ويعتبرونه فاضح فما افضح فعلتهم هذه امراة تنوح وتصرخ وحفنة من الصعاليك يجلدونها علي قارعة الطريق نحن رجال قانون عملنا في المحاكم في زمن القضاء السوداني الناصع غير المدنس والمسيس فكانت العقوبة للمراة اذا كانت الجلد يتم داخل القاعة وتكون جالسة علي كرسي ويشهد القاضي داخل قاعته تنفيذ العقوبه فكيف تجلد امراة بهذه الطريقة البشعة المهينة لكرامة امهاتنا واخواتنا وبناتنا وين مقنع الكاشفات وين عشى البايتات وين دراج الولية ما ابشعها من جريمة تنفذ باسم الدين والشريعة التي كرمة المراة وياتي هذا المخبول ويقول امراة غير محترمة انت محترم والله لو عندك مثقال ذرة من ضمير تستنكر هذا الفعل البشع مهما ارتكبت هذه المراة من جريمة والله ماعندكم ضمير والله الشنق والاعدام افضل من هذه الفضائح التي ترتكبونها باسم الدين ايها المنافقون هل تقبل ذلك التشهير لبنتك لزوجتك لاختك طبعا لا لانها الطبقة الشريفة والله ربنا ينتقم منكم يوم ياتي كل مظلوم ويوم تشخص الابصار ويوم لا تملك نفس لنفس شيى والله يجب علي اسرة هذه الفتاة الشريفة ان ترفع دعوى وكلنا متبرعين بالمتابعة والدفاع حتى ترد اليها مظلمتها من زمرة الصعاليك في انسان سوي اسمه قدو قدو والله مهزلة وفضيحة وعار عليكم يا رجال السودان ان تسكتوا علي هذا الظلم الواضح


#56370 [Eagle Eye]
0.00/5 (0 صوت)

12-10-2010 03:00 PM
أرى هناك من يستصغر فداحة الأمر وخايفين على مصادر رزقهم وما يُرمى لهم من عظام وفتات وجيَّف المُنخنقةُ و الموقوذة و المتردِّية والنطيحة و ما أكل السَّبعُ.


#56362 [قرفان خالص]
0.00/5 (0 صوت)

12-10-2010 02:43 PM

((طالما انه تم جلد هذه المرأة فهذا لأنها إمرأة غير محترمة.))

لم نتوقع منك صدق او انصافا ايها المسخ المشوه فالكذب والقبح والسباب واللعان

من الكلام والفاحش من القول والعمل هو الذي اعتدناه منك ايها التور النافخ للكير ...

فحينما جلدت هذه المرأة ايها التور النافخ للكير جلدت النخوة والشهامة والرجولة

والانسانية وجلد اخوان البنات بل جلد كل الشعب السوداني ...فكانت كل جلدة تقع

على اي جزء من جسد هذه العازة السودانية كطعنة خنجر مسموم في كل ارجاء قلب

الامة السودانية التي ابتليت بحكمكم البغيض ونظام عصابتكم المشوهة للدين الحنيف

وللتعايش السلمي بين ابناء الوطن الواحد ..وكانت كل صرخة استغاثة تطلقها هذه

العازة السودانية من شدة الالم ومن عظمة الاحساس بالظلم وفقدان النصير ،هي صرخة

وطن بلسانها.. صرخة وطن جريح منكسر منهزم توالت عليه الضربات المتتالية المؤلمة

بقبضة عصابة الضلال والتضليل علي جسد نحيل ،فقير ، مريض ،فاسد ، منهك ،

منهار !!

لم نتوقع ولن نتوقع منك صدق او انصاف ايها التور النافخ للكير ...وها انت تبرئ

قاضيك الجبان الذي يستظل بشجرة متناسيا يوما ليس فيه ظل الا ظله (المولى القدير )

يستظل بالشجرة التي منحته المنصب ويساوم المسكينة اما الجلد بهذه الطريقة المهينة

او السجن سنتان !!! افتونا يا اهل العلم والقانون عن قانونية وشرعية هذه المساومة !!

وقاضيك الجبان ايه التور النافخ للكير يطالب المسكينة بالثبات ليس رأفة وشفقة بها

وانهاء الامها وجزعها في اقل وقت !! بل لانه يريد سرعة الخلاص من الامر ربما للذهاب

لادارة استثماراته التي غنمها بالاستظلال بالشجرة ..او لانه اشتاق للزوجة الرابعة

الصغيرة الحسناء التي سبأها بالاستظلال بالشجرة ..

لم نتوقع ولن نتوقع منك صدق او انصاف ايها التور النافخ للكير ..وانت تبرئ قدوقدو

واعوانه المستهزئين بالدين والساخرين من صرخات المسكينة (وااي يا امي واااي )

قدو قدو واعوانه المستهزئين المشيهين ( للشماسة وناس الشمارات اللامين ) بطائقة من

المؤمنين !!

لم نتوقع ولن نتوقع منك صدق او انصاف ايها التور النافخ للكير وانت تبرئ افراد

عصابتك وتجرم وتشتم كل افراد الشعب السوداني نساء ورجال واطفال وكبار

وامهات واباء واخوات وزوجات حتى قبل ان تستبين الامر:

((... أجاب بأنه لا يعلم شيئاً عن هذا الأمر واستطرد قائلاً أن المرأة المحترمة لا يمكن أن يتم جلدها، و طالما انه تم جلد هذه المرأة فهذا لأنها إمرأة غير محترمة....))

أخخخخخخخخخخخخخخخخخخ


ردود على قرفان خالص
United Arab Emirates [Eagle Eye] 12-10-2010 03:42 PM
لله درك يا قرفان خالص وصح لسانك يا سليم القلب واليد واللسان واليراع وزادك الله فصاحة وآتاك من نواصي الكلم.


#56352 [rashed]
0.00/5 (0 صوت)

12-10-2010 02:10 PM
وااااااااههههههه يابشير .. هل سيستجيب الله اعلم؟؟؟؟؟

والله كرهتونا ياناس الانقاذ . ربنا ياخدكم يارب(؟)


#56344 [علي ]
0.00/5 (0 صوت)

12-10-2010 01:42 PM
كلام بايخ و ما عندو اي معنى


#56340 [wad_7aboba]
0.00/5 (0 صوت)

12-10-2010 01:35 PM
لكل ظالم نهاية.وبعدين يا الركابي البت دي تكون عملت حاجة اكبر من كده زي شنو يعني.جاسوسة.ما البلد كلها جواسيس من مسؤلينها الا من رحم ربي .اغتصبت طفل ههههههههههههههههههه.و الله ما قادر القي ليك مبرر نهائي لي جملتك دي الا انك واحد من النظام عملت حاجة اكبر من كده شنو يعني مثلا.وبعدين انا حدود الله ما معترض عليها بس ما بالمهزلة دي و الاستشفاء الجبان بتاع العساكر. وبعدين حدود الله دي بس بقت علي الناس المساكين بس.انا سمعت في بنات مسؤلين كتار بلبسوا اكعب من كده وكان من النظام انت بتكون شفت


#56338 [مواطن غيور]
0.00/5 (0 صوت)

12-10-2010 01:32 PM
اخوتى لا يكفى التأثر والعويل لهذه الممارسات اللاانسانية ولكن يجب الفعل اقترح نشر اسم القاضى والمحكمة التى اشرفت على هذا الفعل الجبان ونشر اسماء رجال الشرطة المنفذين لهذة الجريمة الشنعاء واقترح ان يقوم الشباب الحادب على البلد بردع هولاء جميعا بجلدهم وتصويرهم كما فعلوا بهذه المسكينة لابد من جلدهم وازلالهم..ولكن البكاء وحده لايكفى


#56336 [سيف الحق]
0.00/5 (0 صوت)

12-10-2010 01:28 PM
قبل أسابيع قليلة تم القبض على زير النساء .. إبن الوزير على كرتي .. مع مجموعة من الشباب والشابات يتعاطون المنكر في ليلة (حمراء) داخل شقو مشبوهة .. ولكنه خرج من القِـسم الذي سيق إليه مخفورا بضباط الأمن وكأنه من الفاتحين ..

أي إسلام هذا الذي يروج له هؤلاء الشواذ .. ومالكم كيف تحكمون ..لماذا يُجلد هذا الولد .. عشان عندو ضهر ؟؟

حسبنا الله ونعم الوكيل .


ردود على سيف الحق
Sudan [مواطن] 12-13-2010 04:23 PM
ياناس امشو مصر هنا بش اوشوف بنات ناس المنافع ده


#56334 [المهندس]
0.00/5 (0 صوت)

12-10-2010 01:24 PM
يارب العاملين بركة الجمعة المباركة وانا في المدينة لمنورة
اشوف يوم يا عمر البشير يجلدو فيها اختك وياعار السودان
فضحتنا الله يفضحك دنيا واخرة
حتمشي وين من عذاب رب العاملين حتمشي وين من ربنا


#56331 [Eagle Eye]
0.00/5 (0 صوت)

12-10-2010 01:19 PM
الى جميع السودانيين الأحرار
الى جميع السودانيين الشرفاء المنتشرين في كل بقاع الأرض
ماذا يضير الشاة سلخها بعد ذبحها؟؟؟؟
مالم لا تعقلون!!!
تأملوا كلام هذا المريض السادي الذي يعاني من عقدة عنف مورس عليه وهو طفل وهكذا يتحول البشر الأسوياء الى مجرمين وقتلة.ماذا أنتم قائلون في هذا الهامة النزَّافة ( جثة يعتقد أنها تفارق القبر لتمتص دماء البشر) أمير بيوت الأشباح الذي قام بتعذيب وقتل زملاءه الأساتذة من معارضي (ألا نظام) بيديه الملوثتين بدم بارد ودون أن يرتد له طرف.لا تكتفوا بالتعليق في موقع الراكوبة فقط ولكن يجب على الجاليات السودانية في جميع بقاع المعمورة في أوربا الغربية وأوربا الشرقية وآسيا والأمريكتين تصعيد الموضوع الى أعلى المستويات العدلية خارجيا والتظاهر ورفع المذكرات وعرض شريط الفيديو والتظاهر أمام مكاتب منظمات الأمم المتحدة ليسمعوا العالم أجمع آهات المعذبين والمنكل بهم . ما بالكم يا قوم ولكم في الحيوانات العاشبة مثل فهي لا تنفك تدافع عن صغارها عندما تهاجمها الضواري والسباع آكلة اللحوم فأين نحن منها بنو البشر!!!! ألا تشعرون بألآم اخوانكم وأبنائكم وبناتكم يبطش بهم هؤلا القتلة المأفونون ؟؟ ولا خير فينا وفيكم إن لم نحرك ساكنا.زلزلوا الأرض من تحت هؤلاء الجبناء الرعاديد والطالبانيين المجلوبين من سوق النخاسة الإفريقية مثل الذين قاموا بجلد المؤودة وهم يقهقون أمام ذلك الجاهل ذي ربطة العنق الذي كان يشرف على عملية التعذيب (هل المرجلة في تعذيب الحريم أيها المرضى؟؟).لاحظوا أن من قام بتصوير مشاهد جلد الفتاة لم يسترق التصوير بكاميرة موبايل كالذي فعل في انتخابات (ذات الخجة) ولكنه مصور محترف أرسلته البطانة المأجورة (هذا يعني أن قرار جلد الفتاة بهذه الطريقة أتخذ على أعلى\"أوطى\" المستويات)وما هذا الفيديو إلا رسالة لكم جميعا أيها السودانيون أأيقاظ أنتم أم نيام فانظروا لما يدور حولكم بعيون الصقور الفاحصة وليس بعيون الطيور الداجنة الغافلة وما ضاع حق وراءه مطالب.


#56319 [حامد ابواية]
0.00/5 (0 صوت)

12-10-2010 12:58 PM
ومن المؤسف جدا انو اتعاقبت من ارذل واحقر فئة موجود في السودان والكل يعرف من هم رجال البوليس والامن في السودان هم افسد مجتمع قام علي ارض السودان فيهم المرتشي والسكران وفيهم الذي يمارس الدعارة وفيهم النجس وفيهم اللص وفيهم قطاعين الطرق وفيهم الذي يهتك العرض وافيهم الجاهل اللامئ دة حال بوليسنا في السودان تف في اوجهكم ولو انو كلمة تف خسارة عليكم واقوله ليكم تف تف تففففففففففففف في وجهكم القذر


#56317 [حامدابوعبدالمجيد]
0.00/5 (0 صوت)

12-10-2010 12:52 PM
سلامات
يعنى يانافع ده لوقع تحت يدكم بتسوهو دكوه ياسلطة روب المقطع لايرانى تبول على قبر عمر بالحرم النبوي
http://www.youtube.com/watch?v=u1PmfmlvktA
امى عندها دعوه بى الرطانه مسلمى ويي منا جومنيكا والمعنى الحرفى مسلم واحد مايمشى هناك ومسلم واحد مايقع فى لسان نافع وايدين قدو قدو
...............زتصبحوا على وطن


#56309 [ابو مهند]
0.00/5 (0 صوت)

12-10-2010 12:44 PM
جيت السودان وشفت بي عيني انو الطالب لو ماشي مع زميلتة في الجامعه . يعني عمر 18-27 في شارع النيل تجي الشرطه وينزل شرطي من السياره (صعلوق) وين ماشين يا هي وناس ماشين يرفعهم زي الكاتل رقبه ويمشو النظام العام وبعد مايتأملو في البنت (الشمميس) ويخوفوها بشكلم يجي الضابط تعالي يابنت انتي ساكنه وين كم جوالك ؟خلاص معليش امشي . وين ياناس انحنا في زريبت موشي ؟ بعدين لو ما البنت اصلأ خربان كيد ياناس صدقوني انو حتكون جربت الشرطه ومشكست الشرطه ؟ وماتنسوا أنا عنده تلفون الضابط يعني (فلتت) بس نقول الله يعنا في ؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
7.32/10 (301 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة