الأخبار
أخبار إقليمية
منع (الكدمول) والدراجات البخارية بشمال دارفور
منع (الكدمول) والدراجات البخارية بشمال دارفور



08-18-2013 12:41 PM

الفاشر: أصدر والي شمال دارفور، عثمان محمد يوسف كبر، قرارات قضت بمنع التلثم واستخدام الدراجات النارية غير المرخصة داخل مدن الولاية، مؤكداً استقرار الأوضاع الأمنية بجميع المحليات.
وأوضح كبر في تصريح للمركز السوداني للخدمات الصحفية أن القرارات تشمل بجانب حظر لباس (الكدمول) ، إغلاق جميع أماكن الشيشة، مبيناً ان هذه القرارات ستعقبها إجراءات قانونية وأمنية لحسم المتفلتين والمحافظة على استدامة الاستقرار وسط المواطنين بالولاية.
وأشار إلى أن السلطات لن تتهاون مع كل من يخالف القرارات المذكورة، مؤكداً أن جميع محليات الولاية وقراها خاصة الحدودية منها تشهد استقراراً أمنياً غير مسبوق.

الصحافة


تعليقات 7 | إهداء 0 | زيارات 11910

التعليقات
#747016 [كدك]
0.00/5 (0 صوت)

08-19-2013 12:54 AM
طالما هذا الوالى منع لثام الوجه عند الرجال لاسباب امنية هل يمكن يمنع لثام الوجه عند النساء اى النقاب لاسباب امنية ايضآ ولا بكون من انصار المثل القائل المرة كان فاس ما بتشق الراس


#746959 [من تل ابيب]
0.00/5 (0 صوت)

08-18-2013 10:44 PM
يعني الواحد يلف شال او عمامة البخص سقافة البدعوا عربان ديل كده حلال ولمن الواحد يلف يلف او يعمعم الكدمول ثقافة قبيلة عريقة بتقولوا حرام ياخي احنا في الفاشر خلاص ما نلبس الجلابية كمان لانة رمزا من رموز التعريب المعترف بيهم دوانحنا ليوم الدين مر نغير هويتنا و ثقافتنا


#746906 [yassir]
0.00/5 (0 صوت)

08-18-2013 08:22 PM
الكادا موله هو ثقافه دخيله الى دارفور من دولة تشاد المجاوره ومع الاخذ فى الاعتبار تشاد و دارفور متداخلين حتى فى بعض القبائل و ثانيا الكادامول هو رمز للرجوله و الثوره و التمرد و المشقه اما وصفه فهو (شال) طويل يتلثم به الرجل ليغطى رأسه و جزء من منطقة الذقن واحيانا يستخدم ك (صلايه او مصلايه) و يستخدم ايضا ك غطاء خفيف و يحمى من الغبار و الشمس و المطر الخفيف كل الرأس ؟ فقط للمعلوميه اما الان يستخدم كثيرا عند الحركات المسلحه الدارفوريه رمزا للنضال و التمرد حتى متمردى مالى يلبسونه بأعتبار انه يقيهم غبار و حرارة الصحراء ؟ هذا كل ما اعرفه عن ( الكادامول) و اسم مركب من كلمتين كادا + مول ولكم الشكر.


#746887 [زول الله]
0.00/5 (0 صوت)

08-18-2013 07:51 PM
للتوضيح الكدمول هو الشال البلفوهوا حول الراس وهو مشهور عند القبائل الصحراوية منعا لدخول الاتربة الي العين والانف وااذن اظن الشرح كافي والسلام


#746803 [الحقيقة]
0.00/5 (0 صوت)

08-18-2013 05:41 PM
أنا أيضا لا أعرف معنى الكدمول ويرجى توضيح الشيء طالما الموقع يطلع عليه كل الناس من أرجاء السودان فمثلا اذا كتبت أنا كلمة ( جنجلسي ) فسوف لا يفهمها الجميع ...


#746725 [ود الفاشر]
0.00/5 (0 صوت)

08-18-2013 04:02 PM
تباٌ لك ايها المنافق عثمان كبر المجرمون معروفون امام الملاْ وهم الذين اطلقو النار على رجال المباحث وسط الفاشر وامام كل الاجهزة الامنية ولم يتصدى لهم احد لانهم جنجويد والكل يخاف من مواجتهم وانت تعرفهم بالاسم ولا تستطيع القبص عليهم لان بكرة يصدر قرار من فوق باطلاق صراهم مجرد القبض عليهم وهذا هدف الحكومة والوالى المنافق كبر ان يعيش هولاء فسادا فى الارض وقتلا وارهابا وسلبا ونهبا للمواطنى الفاشر بالامس القريب دخلو بثلاثة مواتر مستودع الجلود التابع لوزارة الثروة الحيوانية ومؤجرة لتاجر الجلود عبود وارهبو العمال بالمستودع تنكيلا وضربا ولكن لم يجدوا منهم شىئا وحتى الان لم تختفى ظاهرة الكدمول فما قرارات عثمان كبر الا بالونة فارغة وعنتريات على الفاضى ولا يستطيع فعل شىء كما فى السابق عندما اطلق الجنجويد النارامامة وفر هاربا فهذا الوالى لانرجو منه خيرا وانشاء الله تعطى الدائرةعليهم ويكفينا الله شره وشرهم وحسبنا الله ونعم الوكيل


#746648 [abdallah]
0.00/5 (0 صوت)

08-18-2013 02:22 PM
(الكدمول) ده شنو يا جماعه - غايتو يا كتاب الزمن ده حسبي الله عليكم


ردود على abdallah
United States [abdallah] 08-19-2013 02:46 PM
شكرا ليكم يا شباب الرديتو - وشكرا برضو للاتماسخو لكن اقسم بالله ماكنت عارفه لو ما الشباب وضحو لي معناهو - انا من الشمالية ماكنت بعرفه والله التحية لكم

United States [الكناني] 08-18-2013 07:04 PM
علي ما اعتقد الكدمول الشال البلفو بيه الوجهه والراس

United States [مراقب] 08-18-2013 07:01 PM
الكدمول هذا لبس شائع في دارفور وتشاد وافريقيا الوسطى ومالي وهو عبارة عن شال يُغطى به الراس والوجه معاً

United States [دكتوراه في المساخة وعدم الاسلوب] 08-18-2013 05:35 PM
بالله اللي اسمو ادم دا طيب انت وقت قدرت ترد،،، ما تشرح ليهو الكموندول دا شنو؟؟ شنو المساخة والظرافة بتاعتك دي،،، ما الناس كلها عارفة أنه ببخص ولاية دارفور،،،يعني هو قال ليك بيخص ولاية تكساس وعرفينا من تعليقك أنك من ناس دارفور ،،، ،،، لا بتعرف تقول خير لا بتصمت،،، وكمان مسمينك ادم على ابو البشر.. سبحان الله

ملوحظة: المساخة والرد المسيخ والأسلوب الزيي الدراب دا إن شاء الله ربنا يزيدك فيه لمان تقول بس كفاي

[AAAAAAAAA] 08-18-2013 05:26 PM
انت سوداني وما عارف الكدمول احترم نفسك واسكت ساي معاها خجله لاكن بخجل ليك انا ....ده العمه البلفوها في الراس وبتقطي جزء من الوجه وهنا مقصود بها الزغاوه

[Adam] 08-18-2013 04:15 PM
من أي كوكب أنت؟ هذة مفردات أدرى بها سكان دارفورز.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة