الأخبار
أخبار إقليمية
والي ولاية الخرطوم الخضر : «10» ملايين جنيه لتعويض كل من فقد المأوى
والي ولاية الخرطوم الخضر : «10» ملايين جنيه لتعويض كل من فقد المأوى
والي ولاية الخرطوم الخضر : «10» ملايين جنيه لتعويض كل من فقد المأوى


أقر بمسؤولية حكومته عن بعض الخلل الناجم عن السيول والأمطار
08-18-2013 12:53 PM


الخرطوم : بله علي عمر:ارباب: اٌقر والي ولاية الخرطوم، الدكتور عبدالرحمن احمد الخضر، بمسؤولية حكومته عن بعض الخلل الناجم عن السيول والامطار ،مبيناً انه كان يمكن تفادي الاضرار ،وكشف عن ضخ الولاية لـ (10) ملايين جنيه لصندوق دعم المتأثرين ،والمقدر عددهم بـ (18) الف اسرة في مناطق شرق النيل وام بدة وكرري وجبل اولياء .
وقال والي الخرطوم في مؤتمر صحفي عقده امس ان حكومته ستعمد الى تعويض المتأثرين الذي فقدوا المأوى موجها بعدم تشييد اي طريق جديد مالم ترافقه اعمال التصريف ،مؤكداً أن الولاية أعدّت مساعدات للمتضررين، تكفي الأسرة لمدة 35 يوماً، سيجري تسليمها بواسطة «كروت»، كما أقر الوالي بأن هناك اخطاء في مواصفات المواد المستخدمة في انشاء الطرق بالولاية، وقال (قناعتي دائما ان المواد التي نستخدمها في تشييد الطرق مافي محلها ).
وكشف الخضر عن تشكيل فريق فني، لوضع دراسة عاجلة يتم إعدادها خلال ثلاثة اشهر، لحماية الولاية من السيول وتصريف مياه الأمطار، مع تجميع القرى المتأثرة في مناطق آمنة، مع توفير خدمات متكاملة من المدارس والمستشفيات، واكد ان بدء الدراسة بالمدارس بالولاية سيكون في موعده.
وذكر والي الخرطوم، أن خطوة توزيع المعينات ستليها تهيئة المدارس وإعدادها، والمواقع الإيوائية وتمت تهيئتها منذ أول يوم للسيول، لكن طبيعة المجتمع السوداني هي رفْض المكوث في معسكرات.
وقال إن المرحلة الثالثة تتمثل في: صيانة المدارس، والمستشفيات، والمراكز الصحية، وتكثيف عمليات الرش بالطائرات، ومراقبة عمليات تصريف مياه الجسور وقنوات الصرف، وتكثيف مراقبة آليات النظافة.

الصحافة


تعليقات 24 | إهداء 0 | زيارات 12750

التعليقات
#747230 [الزول الكان سمح]
2.00/5 (1 صوت)

08-19-2013 10:54 AM
10 ملايين دى..بير سايفون ما تبنى..يا حرامية يا أولاد الكلب


#747122 [10 Million Cenario]
5.00/5 (1 صوت)

08-19-2013 09:00 AM
10 مليون لكل اسرة ---- المأكلة بدت---- احسب عدد الاسر 18 الف --- يعني لمن تضع صفرين علي يمين الرقم بيكون عدد الاسر 1800 الف اسرة--- يقوم المسئول يسوق معاهو المصورين و الصحافيين التبع---و ذلك لتسليم الاسر المتأثرة و طبعا لا يفوتنا هنا نشير انو عدد الاسر حسب تحديدهم في الاحصاءاتالرسمية هو 18 الف اسرة ---- و عددهم في الاحصاءات الكيزانية و الانقاذية هو 1800 لف سرة---- و لمن يمشوا عشن يسلمو الاسر ال 50 قصد ال 18 الف سرة يسوقو ماهم هيلمانا و جمهور من الارزقية و هاك يا تصور و هال ياتصريحات بانو الاسر ال 18 الف اقصد ال50 اسرة استلمت المبلغ المطلوب --- و يجيبو واحد من الاسرة الاستلمت المبلغ عشان يؤكد انو استلم المبلغ كامل ---- و دا صحيح--- ولكن بقية السيناريو انو بقية المبلغ و هو 1750 الف (اسرة) مضروب في 10 مليون (المبلغ المفترض ان يسلم لكل اسرة) ---- بالارقام 1750000 × 10000000= 17500000000000 -----------الرقم الناتج لم استطع ان اقرأه --- فأعذروني فقد استعنت بقوقل لمعرفته --- اها الرقم دا حيمشي جيوب اكلة مال الشعب و اليتامي و هكذا دواليك و كل خريف و اهلي السودانيون بخير و كل فيضان و التماسيح راجية ضربة زي دي و حتي لو تشرد السودان باكمله----- ربنا استر علي جميع المتأثرين بالفيضانات و السيول و الامطار فنحن لا نسألك رد القضاء و لكنا نسألك اللطف فيه--------- ربنا احرم الجنة كل من اكل مالا لايملكه و قد اخذه بالحرام ----ربنا اكويهم بمالهمو الحرام


#747035 [مزيكة دُقِّى . . ورقِّصيه]
0.00/5 (0 صوت)

08-19-2013 02:17 AM
كضـــــــــــــاب !!!

كضـــــــــــــاب !!!!

كضـــــــــــــاب !!!!

كضـــــــــــــاب ~~~!!!!


#747001 [ابومونتي.]
0.00/5 (0 صوت)

08-19-2013 12:13 AM
إخلخل,,,سنونك الكملت الجداد والسمك.


ردود على ابومونتي.
United States [معتصم] 08-19-2013 09:43 AM
هههههههه الله يجازى محنك


#746982 [بادي أبوشلوخ]
5.00/5 (2 صوت)

08-18-2013 11:34 PM
قالوا واحد ما مسلم جابو ليهو كفن بتاع ميت عشان يجهزوا لانو الترزي المسلم مقفل. بعد ما فهم التفاصيل قاليهم خلاص تعالو لي بعد ثلاثة يوم................. يعني بعد ثلاثة شهور نعفن؟؟؟؟ ولاحظو دي الدراسة بس...
بالمناسبة بيت أبو منو فيهم الوقع؟؟؟؟


#746965 [مجدون]
4.00/5 (1 صوت)

08-18-2013 10:54 PM
تعمل شنو العشرة ملايين جنيه كلام فاضي .. الله يلحقكم أخوانكم في مصرالى مزبلة التاريخ


#746930 [انصاري]
4.50/5 (2 صوت)

08-18-2013 09:10 PM
((أقر بمسؤولية حكومته عن بعض الخلل الناجم عن السيول والأمطار))
*بعض....!؟ الباقي علي عثمان زعيم شلة العصبة(حصة الكرفاب)


#746828 [هدندوي]
0.00/5 (0 صوت)

08-18-2013 06:22 PM
من المسؤل من متضري ولاية البحر الاحمر ياخصر بتاع ال ١٠ مليون ج ونحن في سنكات ودروديب متأسرين ما ادونا قرش كلم يا السيد خضر زملاءك يدونا شويت بروش وخيم قروش ماحتدونا نحن عارفين طمعكم


#746762 [Le visiteur]
5.00/5 (2 صوت)

08-18-2013 05:02 PM
لو فهمت كويس معناتو 10 ملاين بالجديد مقسمة على 18 ألف أسرة من غير حق العاملين عليها


#746745 [[email protected]]
5.00/5 (4 صوت)

08-18-2013 04:35 PM
تخديييييييييييييييييير من تخديرات ود الخضر...........


#746737 [علاء الياس]
5.00/5 (3 صوت)

08-18-2013 04:20 PM
السيد والي الخرطوم الما محترم ، كل يوم بسقط في نظر السودانيين ادني من اليوم الكان قبله ، الزول دا اترشح كيف اساسا لمنصب الوالي ، اكيد ما كان عبر برنامج واضح عشان يفلت من الحساب زي اليوم دا ، لكن الانتخاب تم على افتراض حسن النية وخلق السيد الما محترم ، وما غريبة يخيب ظن الناس فيها لانو لا يستقيم الظل والعود اعوح فكيف ننتظر من كوز يفي بالالتزامات ووعوده للجماهير ، يعني هسي من كلامو في السيول ، سقط سقطتين ، الاولى في وصفه للوضع القائم وقتها بالغير كارثي لان الكارثة وحسب تقديره اللاانساني وحسب ما تعلمه من عرابو الحزب تشترط فناء نصف السكان !!!!!! ولا نملك الا ان نتعجب فقط من هذا القول ، ليدهشنا للمرة الثانية بتصريحاته الصادمة لكل الاعراف والمنطق العقلي واسس التعامل بين الشعب والدولة ، حين ادلى باعتراف من سيادته بقصور جهاز الدولة وتقاعسها عن مجابهة الاخطار الناجمة عن السيول ، رغم اننا لم نطلب منه اعتراف اساسا ولا يعني هذا الاعتراف شيئا لمن فقدوا ارواح زويهم وبيوتهم وعانو بسبب السيول ، طيب يا السيد الوالي ، انت والي على ايه غور بلا يخمك انت وحزبك


ردود على علاء الياس
[شوشلرة] 08-18-2013 05:58 PM
دا كلو من علي عثمان الجاب الزول دا من ضمن كوتة رمز الشجرة ونزلهو لولاية الخرطوم التي لا تحتاج لقادم من سنكات ليكون عليها والياً, يا أخي دا في عدة مواقع كان فاشل يجئ ينجح في ولاية الخرطوم!!! بس من كترة الكلام تعلم الخطابة علي رؤوس اليتامة, يا ريتو لو كلام مفيد.


#746690 [الغاضبة]
5.00/5 (1 صوت)

08-18-2013 03:13 PM
لكن طبيعة المجتمع السوداني هي رفْض المكوث في معسكرات.

وهل تسكن انت في معسكر.... منطق غريب... بس ما غريب عليكم


ردود على الغاضبة
United States [تايسون] 08-18-2013 03:51 PM
الناس ديل عاوزين يسكنوا الناس فى معسكرات لاجئين جوه الخرطوم والا شنو


#746673 [المتجهجه بسبب الانفصال]
4.75/5 (4 صوت)

08-18-2013 02:56 PM
10 مليون دي وزير الدفاع بالنظر بياكلها سمك من الموردة في شهر ،، حيث تفيد المصادر أن عربة من القيادة العامة كانت مخصصة يوميا تأتي لأخذ السمك من الموردة خصوصا لوجبة الفطور وقد جاء الرقم المذكور مع حساب حق البنزين للسيارة لقطع هذه المسافة التي تبلغ حوالي 17 كيلو متر بالقديم و37 كيلو متر بالجديد نسبة للزحمة وزيادة الركشات ومحاورتها للسيارات الصالون،،، ولكن الغريب ان العلماء أكدوا بأن اكل السمك يقوي (النظر) ورغم ذلك لم نر لذلك أثر خصوصا بعد الضربات المتوالية التي انهالت بها اسرائيل علينا في شرق السودان وأكد بعدها في اللقاء التلفزيوني انهم سينتهجون الدفاع بالنظر ،،، ومن عناد الانقاذيين الذي ابتلينا به وهو عناد أشبه بعناد بني اسرائيل حينما امروا ان يذبحوا اي بقرة دون تحديد او تخصيص إلا أنهم حاولوا كعادتهم الزوقان وطفقوا يسألون موسى عن ماهي ولونها وحجمها مدعين ان البقر تشابه عليهم فهاهو عبدالرحمن الخضر لا يريد ان يعترف بتقصير الحكومة ويقول في حالة إنكارية أن حكومته مسئولة عن بعض الخلل بعض الخلل بعض الخلل بعض الخلل،، ما يدل على العناد وعدم الاعتراف بالخطأ ولما أكثر بنوا اسرائيل السؤال بغرض الجرجرة والزوغان من الانصياع لموسى حدد لهم موسى بقرة يصعب ايجادها في ذلك الوقت تفوق في ذلك الوقت مواصفات بقرة لافاش كيري الضاحكة ولاشية فيها ومبرأة من كل عيب فتعبوا تعبا شديدا في البحث عنها ووجدوها عند رجل باعها لهم بملء الارض ذهبا فقد أصبح الطلب غالي بعد أن كان رخيص وهذا حال الانقاذ اللف والدوران ووقوع الفاس في الرأس،،، وفي الحقيقة الانقاذ كلما دخلت نخرتا في موضوع كانت الخسائر فادحة ولا يعترفون فالطرق التي بنوها هاهو الخضر يقول ما فيها مصارف والاراضي غير مخططة والاحياء ليس فيها مصارف ومع ذلك فان امريكا التي تمشي في مجاريرها تحت الارض السيارات الكبيرة برضو دنا عذابها وضرابها وسيقدمون لها التوجه الحضاري لتتخلى عن الضمان الاجتماعي والمدن المخططة والاصحاح البيئي والعلاج والتعليم المجاني بالله ناس الانقاذ ديل فيهم زول عندو عقلا رشيد وهو السودان ده لو ما حافظو الله الناس باعوضة ساي كان البلد فضت وعدمت نفاخ النار ياخ في دول البجي خاشيها وعندو ملاريا بدخلوهو الكرنتينة الانقاذ عايزه تصدر للعالم الحديث توجهها القاصد ونحن لي حسع ما عرفناهو قاصد شنو ،، أما من ناحية السلوك فلا نحتاج للشرح ويكفي الكضب الكتير الذي اصاب البلاد بالساحق والماحق والبلا المتلاحق ،،،


#746668 [تينا]
4.00/5 (3 صوت)

08-18-2013 02:46 PM
اها ياسيادة الوالى بعد ال 35 يوم اقبلوا وين ؟


#746647 [راحت علينا]
5.00/5 (2 صوت)

08-18-2013 02:21 PM
ربنا يحفظ اهل السودان السودان في كل مكان


#746644 [tag]
5.00/5 (2 صوت)

08-18-2013 02:18 PM
اها الخريف الجاى انشاء الله حايحصل شنو؟


#746634 [مصطفى كونج]
3.25/5 (3 صوت)

08-18-2013 02:02 PM
اقر بمسؤوليته قبل الغيارات ولا بعد الغيارات


#746631 [محمد كرياب]
5.00/5 (2 صوت)

08-18-2013 02:01 PM
10 مليون انا تخيلتها للواحد فيم كلهم في 10مليون حيعملوا بيها شنوا يارب


#746608 [chinma]
4.50/5 (5 صوت)

08-18-2013 01:42 PM
وقال (قناعتي دائما ان المواد التي نستخدمها في تشييد الطرق مافي محلها ).
قناعتك أيها الفاسد اللص الحرامي هي أن تحاسب كل الشركات التي قامت بتشييد الطرق والموظفين الحكوميين الذين وضعوا الخطة الإسكانية في مجاري السيول وتضعهم في السجون وتحملهم مسئولية الخراب والخسائر في الأرواح والمال وأن تقوم بتعويض المتضررين تعويض مجزي يمكنهم من إعادة سكنهم وأمنهم ..( لعنة الله عليك حين تصبح وحين تمسي حين تنام وحين تصحو لعنة الله عليك إلي يوم الدين )


#746591 [ودالبلد]
5.00/5 (2 صوت)

08-18-2013 01:18 PM
بعض الخلل ؟؟؟؟؟؟؟؟؟؟؟؟؟؟؟؟؟؟؟؟؟ ياخ (الكيزان) بكل أنواعهم هم (الخلل الكبير) الذي أصاب جسد الوطن ، ولا يمكن أن يستعيد عافيته إلا (بإستئصال) هذا المرض !!!


#746590 [الكلس]
5.00/5 (1 صوت)

08-18-2013 01:16 PM
كضـــــــــــــاب ... استحي على وجهك


#746585 [Seattle]
5.00/5 (1 صوت)

08-18-2013 01:07 PM
الله لايبارك فيكم ولا في اهلكم ولا زريتكم ياانجاس ياحثاله البشر والله كلمة حيوانات كثيره فيكم لكن صبرا فسوف ننتقم ولو بعد حين والله معك ياشعبنا مع تحياتي لجند الله والوطن شباب نفير


#746584 [اسف يا سودان]
3.00/5 (3 صوت)

08-18-2013 01:06 PM
في حد مصدق حاجة هاهاها قال طبيعة المجتمع السوداني والفي معسكر كلمة وجنوب النيل الازرق ديل من وين ما سودانين قل خيرا او فاصمت يا هذا


#746583 [gaidar]
0.00/5 (0 صوت)

08-18-2013 01:05 PM
10 ملاين دي لكل فرد من المتأثرين ولا لكل فرد من المتأرين و10 ملاين دي بالقديم ولا بالجديد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة