الأخبار
منوعات سودانية
سائق (هايس) يهاجم عضو عصابة بـ (السيف)
سائق (هايس) يهاجم عضو عصابة بـ (السيف)



08-19-2013 09:21 AM
الحاج يوسف - منى ميرغني

أوقفت شرطة الحاج يوسف سائق (هايس) قيد التحقيق، لتسببه في قطع إصبع عضو بعصابة متفلتة.
وطبقاً لمصادر خاصة فإن سائق (الهايس) كانت قد اعترضته مجموعة متفلتة مسلحة بالسواطير، أقناء عودته من (مشوار)، فتناول سيفاً وتعارك معهم، مما تسبب في قطع إصبع أحد عناصر المجموعة المتفلتة، وفي تلك الأثناء صادفتهم دورية تابعة للشرطة قامت بإسعاف المصاب، ودونت بلاغاً في مواجهة سائق (الهايس) بلاغاً بالأذى الجسيم.

المجهر


تعليقات 43 | إهداء 0 | زيارات 6279

التعليقات
#765139 [الكلس ود البلد]
0.00/5 (0 صوت)

09-13-2013 01:43 PM
ايييييييه البيجصل دا ؟؟ اذى جسيييم قال !!!! ياشرطة السائق الشهم دا كان مفروض يعمل شنو يعنى ؟؟ زول برااااهو وجو مجموعة من المجرمين دايرين ينهبوه يعمل شنو ؟؟ وقطع الاصبع اقل حاجة فى مثل هذه المواقف !! لو كان زول تانى كان فرم التلاتة وشرحهم !! وبعدين الدفاع عن النفس فى موقف زى دا ما بيحتاج لدرس عصر قاضى ومحاميين وجلسات وتاجيل وقومة وقعدة وضياع وقت الحكاية واااضحة وما داير اثباتات مجرمين هاجموه بسواطير وهو بمفرده لازم يعمل كدا او يكون فى خبر كان !!
زى دا بيستاهل نوط الجدارة والشجاعة زى حقت اللمبى ولو ما عندكم غيرها مفروض تقعلوها من اللمبى وتدوها ليهو لانو ما بيستاهلها !!!


#761996 [ابواية]
5.00/5 (1 صوت)

09-09-2013 01:17 AM
#747263 [سوداني حر]
0.00/5 (0 صوت)

08-19-2013 10:34 AM
عصابات النقرس وما شابه ذلك كلها تحت حماية السلطات والشرطة وهم أفراد من جهاز الأمن تم اطلاقهم في شوارع العاصمة حتى يروعوا المواطنين الأمنين ويجعلنهم في حالة خوف دائم ويشغلونهم بما تفعله تلك العصابات وهم معروفين لكل أجهزة الدولة الأمنية كان شرطة ولا جيش ولا أمن وهي احدى بؤر الفساد التي انتشرت في وطني ،،،،،، عزيز أنت يا وطني رغم قساوة المحني ...............
داء الكلام الحاصل انتبهو ياخوتي


#760690 [زول جدا]
5.00/5 (1 صوت)

09-06-2013 11:58 PM
لا حول و لا قوة الا بالله ... الله يرحم الامن و الامان ..

الراجل دافع عن نفسه و ماله .. وجاء في شرح مسلم للإمام النووي: أن رجلا جاء إلى رسول الله صلى الله عليه وسلم فقال: يا رسول الله أرأيت ان جاء رجل يريد أخذ مالي؟ قال: فلا تعطه مالك. قال: أرأيت إن قاتلني؟ قال: قاتله. قال: أرأيت إن قتلني؟ قال: فأنت شهيد. قال: أرأيت إن قتلته؟ قال: هو في النار.

المشكلة انه طالع من البيت و شايل سيف في الهايس .. معناها انه عارف و متوقع احتمال يلاقي عصابة و تعدي عليه ... اذا مافي امان في البلد و ربنا يلطف بي اهلنا السودانيين الماعندهم سيوف و او ما بيقدرو يدافعو عن نفسهم


اسفي علي وطني


ردود على زول جدا
[ابو اسد الله محمد الشريف] 09-13-2013 02:00 AM
شكرا جزيلا علي ايراد الحديث


#757619 [بدون اسم]
0.00/5 (0 صوت)

09-02-2013 01:28 PM
انا قررت من هسي اتعلم المبارزة وشتري سيف دو الفقار شايف المهدية رجعت تاني


#748293 [ابو ابراهيم]
0.00/5 (0 صوت)

08-20-2013 02:20 PM
ردا على الاخ سعد كيف يكون الخبر مغلوط مع ذكر انه تم حجزه بان تسسب بالذى الجسيم للسيد الحرامى


#748099 [الأمين عبدالرحمن عيسى]
0.00/5 (0 صوت)

08-20-2013 10:47 AM
جاء رجل إلى رسول الله ( ص ) وسأله ( أ رأيت يا رسول الله إن قاتلني أحد في مالي أ أقاتله؟؟ ) رد عليه رسول الله ( نعم ). قال الرجل (أ رأيت إن قتلني ) قال رسول الله ( فأنت شهيد) . قال الرجل ( أ رأيت إن قتلته) قال رسول الله ( فهو في النار).


#747999 [omeira]
0.00/5 (0 صوت)

08-20-2013 08:24 AM
يا اخوتي لو كل واحد بياخذ حقه بالقوة لكان السودان دولة القانون فاسدة ولكن احسب ان الشرطة مازالت بخير لحماية المواطن ومحاربة قطاع الطرق واحسب ان سائق الهايس قد اخطأ في الاعتداء علي احد افراد العصابة ولذلك لا بد ان ينال جزاءه بالقانون ودفع الدية للمجني عليه


ردود على omeira
[السودانى الجد جد] 09-04-2013 12:08 AM
شكلك ياولدنا انت بره الشبكه شرطه شنو البتجيك على طول لمن تتصل انت بالشرطه ولمن تتحرك ولمن تجى تكون لحقت امات طه يا اخى انت متفائل تفاءول ما طبيعى هو لقى عصابه وقبض واحد وطبق الشريعه جزئيا يقوموا يقبضوه هى الشرطه فاضيه من ومن ومن ومن


#747833 [الصوت]
0.00/5 (0 صوت)

08-19-2013 10:53 PM
ذكرووووني يا شباب ... السنا دولة تحكم بشرع الله ؟؟؟؟


#747688 [أب دفسه]
5.00/5 (4 صوت)

08-19-2013 07:06 PM
وبتاع العصابه من ناس الشرطه ولاشنو؟؟؟؟؟


ردود على أب دفسه
[ود الماحي] 08-19-2013 10:53 PM
ههههههههههههههههههههههههه
يا أب دفسة أخوي إلا كدة!!!!!!!!!!!!!!!!!!
ده المفترض يدوهو وسام علي الأقل ممكن البقية يعملو يعتزلو الشغلة


#747623 [كلام صاح أنا متكيف منك يا بتاع الهايس]
5.00/5 (3 صوت)

08-19-2013 05:49 PM
احييييك يا سائق الهايس.. والله والله انا لو كنت مكانك لن اقطع اصبع واحد.. بل لكنت اسكنت ثلثهم بهذا السيف المقابر.. احيييييك وانت يا سائق الهايس قلب حجر.. أنا بعجنبي الزول اللي زيي دا.. بس تقاتل وانت على حق ما تقاتل وانت على باطل.. لو وقفت معك المحكمة وقفت معك الشرطة ما وقفت ما مهم.. المهم في الدنيا دي ما تعتدي على زول وما تبادر بالشينة.. إلا إذا دعتك الضوررة لذلك...


احيييك يا بتاع هايس انت رجل والرجال قليل... شدة وتزول وحمدا على السلامة طالما انت في اتم صحة وعافية..

واللي جاتو في اصبعه سامحته.. المفروض كان تجي في الرقبة عشان كان تشيلها برة


#747585 [شكوكو]
5.00/5 (1 صوت)

08-19-2013 05:10 PM
لانو العصابات هم زاتهم من الشرطة
بل الاكثر اجراما هم الشرطة
قتلة ،مغتصبين ،اكثر من ازل شعب بلادي
بل الشرطي هو زاتو مافاهم انه مهمته حماية وامن المواطن
بل العكس زلة وتخويف المواطن وقتله اذا لزم الامر


#747493 [تينا]
5.00/5 (3 صوت)

08-19-2013 02:58 PM
سبحان الله يا ناس اتقوا الله وانصفو يعنى عصابه كامله هجمت عليهو وهو لوحده اقيف اتفرج عليهم لما ينتهوا منو ام يدافع عن نفسو أكيد العصابه محميه من فوق . خساره بلد اصبح فيها الظالم مظلوم والمظلوم ظالم . حسبنا الله ونعم الوكيل


#747475 [بيكو]
5.00/5 (2 صوت)

08-19-2013 02:44 PM
ياناس، ده اجراء طبيعي من الشرطة التحفظ على المتهم وافراد العصابة!!

هل من الطبيعي اطلاق السائق وحبس افراد العصابة دون معرفة لملابسات القضائية والحيثيات؟؟!

الحبس ليس حكم والحكم الراجح اطلاق سراح السائق لانه في مرحلة دفاع عن النفس!


#747474 [سيكو تيكو]
5.00/5 (4 صوت)

08-19-2013 02:43 PM
دولة كينيا وجنوب أفريقيا من أكثر الدول في عدم الأمان من ناحية السطو والسرقات لكن أهالي هذه الدول عندما كفرو بالشرطة والبوليس صارو عندما يمسكون اي حرامي يدخلونه في في مجموعة إطارات سيارات وبعد ذالك تشعل فيه النيران وبذالك أصبحت اليوم أسواق كينيا وجنوب أفريقيا من أكثر المناطق أمان وحماية لعدم وجود الحرامية وياريت عندما تجد حرامي او كوز تدخله في لستك حتي نرتاح منهم


ردود على سيكو تيكو
United States [العبدلابي] 08-19-2013 05:35 PM
قد اصبت اخي سيكو عين الحقيقه من المفترض الكوز يحرق لان الكيزان هم اس المشكله بالسودان وانشاء الله سيحرقون في الفانية او الاخره وقريباً انشاء الله


#747466 [شوقي بدري]
0.00/5 (0 صوت)

08-19-2013 02:37 PM
التحية لكاتب المقال والمتداخلين .الشرطة لازم تفتح محضر وارنيك تمانية مادام في اذي جسيم . حتي اذا انقلب لوري اغرقت مركب وحدث موت او اذي . الادانة والبرائة ما شغل الشرطة المحكمة هي البتقرر . وقد تدين في حالة الافراط في الدفاع


ردود على شوقي بدري
[بدون اسم] 09-12-2013 03:39 PM
الشرطة لازم تفتح محضر اورنيك ثمانية..... كلمة اورنيك كلمة دمها تقيل وما اجتماعية واظنها كمان ماعربية ، رأيكم شنو نستبدلها بكلمة استمارة والكلمة يمكن استعمالها على نطاق واسع يعني ممكن تقول استمارة تحري استمارة تقل بيانات استمارة ايداع نقد استمارة طلب علاج (اورنيك مرضي) واللا انا فاضي ؟؟؟؟


#747438 [ثورة محمية بالسلاح ( كاودا وبس)]
0.00/5 (0 صوت)

08-19-2013 02:15 PM
أقترح تفعيل مشروع القناة السودانية - ويكون إسمها (قناة نفير للتغيير والتعمير)

وأقترح أن يكون الدعم من المغتربين أما اللذين بداخل الوطن يكفيهم صمودهم في وجه الطغيان

أين مولانا حمدنا الله وهو رأس الرمح في تنفيذ مشروع القناة ... هيا يا أبناء وبنات بلادي ...


ردود على ثورة محمية بالسلاح ( كاودا وبس)
United States [العبدلابي] 08-19-2013 05:37 PM
الثورة محمية يجب ان نفعل لقد تحدثنا وتحدث غيرنا ... حتى .....


#747419 [ابو ابراهيم]
0.00/5 (0 صوت)

08-19-2013 01:57 PM
والله اظن ان العصابة تابعة للمؤتمر الواطى والا ماكانت الشرط اوقفت هذا البطل


ردود على ابو ابراهيم
United States [سعد] 08-19-2013 03:00 PM
اعتقد ان الخبر مغلوط وبالمقلوب ز كيف يوقف هدا الرجل و علي الاقل مشروعية الدفاع عن النفس , من حقه الدفاع عن نفسه : او نخليها سايبة يقوم اللصوص با لسرقة والشرطة تحميهم


#747390 [دالي]
0.00/5 (0 صوت)

08-19-2013 01:30 PM
يبراء خنجر القاتل وتشنق جثة المقتول ...


#747351 [abdallah]
4.75/5 (6 صوت)

08-19-2013 12:48 PM
دي شرطة معفنه تحمي الحرامية انا غايتو لو نزلت السودان بشتري لي مسدس واي واحد يقل ادبه بدي طلقه في راسه واحتمال ابدأ بابو العفين وابو رياله لو لقيتهم مطرفين


ردود على abdallah
United States [ehsan salih] 09-15-2013 06:53 AM
يا زول ضحكتنا و قطعتا مصارينا رغم إنو كل البنقراهو بطمم بطنا.


#747338 [hatem]
5.00/5 (1 صوت)

08-19-2013 12:36 PM
الشرطة في خدمة الحرامية ,,,


ردود على hatem
[السودانى الجد جد] 09-04-2013 12:17 AM
مهمه الشرطه على ماظن منع الجريمه قبل وقوعها لكن عندنا الشرطه مراقبه الجريمه حتى تقع ويتم الضبط عشان تانى يوم يطلعوا بيان
ايها الشعب السودانى البطل لقد استطاعت قوات الشرطه فى ضبط متهم قام بكسر ومتهم قام بضرب ومتهم قام بسرقه ومتهم ضبط فى حاله سكر ومتهم ضبط فى وضع لا اخلاقى يعنى ما حصل يوم سمعنا ضبط الشرطه متهم قبل السرقه او السكر او الطعن افهموا معنى شرطة شنو بعدين اشتغلوا وبالمناسبه اول دفعه بتاعت شرطة شعبيه فى بحرى ناس الشرطة الامنيه مطلعين من طابور التخريج بتاعها قبل التخريج اكتر من 25 نشال مشهور تقول لى شرطه دى شر طه


#747327 [موسى محمد]
0.00/5 (0 صوت)

08-19-2013 12:26 PM
والله سائق الهايس راجل وود رجال ومفروض الشرطة تكافئه بدلاً من القبض عليه لمحاكمته، لأن من يستحق المحاكمة هم أفراد العصابة ومن بعدهم أفراد الشرطة التي أصبحت عبارة عن مجموعات من الفاقد التربوي والحرامية والمرتشين.


#747326 [أبو أحمد]
0.00/5 (0 صوت)

08-19-2013 12:25 PM
أنا لاأعتقد أن الخبر صحيح فيه خطأ الزول نامن يدافع عن نفسه أمام عصابه مسلحه بالسواطير يسجلو عليه بلاغ ده كلام فارغ وماصحيح .


#747318 [المتجهجه بسبب الانفصال]
0.00/5 (0 صوت)

08-19-2013 12:18 PM
يا جماعة حسب العرف الانقاذي والتشريعات والقوانين الانقاذية فان ما قامت به الشرطة هو الصحيح لأن الانقاذ منهجها وتشريعاتها تنص على وضع الامور بالقلبة فاذا سرق الضعيف قطعوه واذا سرق الشريف رقوه بالتالي لابد أن يكون الميزان التشريعي والقانوني الذي يسير الشرطة مقلوب والما عاجبو يقول الروب،،،


#747295 [السنجاوي]
0.00/5 (0 صوت)

08-19-2013 12:05 PM
نعم الرجل سائق الهايس راجل ود رجال لم يطلق ساقيه للريح ولم يفر بعربته ويا ليته دهسهم جميعاً بعربته بدل ضربهم بالسيف وياريت جميع المواطنين يحذون حذوه حتى ترتدع هذه العصابات المتفلتة التي انتشرت بكثرة لغياب العقوبات الرادعة ولذلك على المجتمع تفعيل العرف الأهليعلى الجناة في في ظل انعدام الأمن وغياب سيادة القانون


#747293 [بابكر عوض الشيخ]
0.00/5 (0 صوت)

08-19-2013 12:01 PM
هذا هو الرجل الشجاع المقدام ويبدو أن الشرطة فتحت ضده بلاغ لأنه لم يقطع رأس عضو العصابة أتمنى أن يكون تحليلي سليم


#747277 [kamaal]
0.00/5 (0 صوت)

08-19-2013 11:50 AM
هذا زمانك يامهازل فامرحي


#747276 [كيمو الضى]
5.00/5 (1 صوت)

08-19-2013 11:48 AM
الشرطة ليس في حماية اللصوص الاجراء صحيح مسالة دفاع عن النفس مسالة وقائع امام المحكمة لاتحددها الشرطة في مرحلة التحري


#747270 [زرياب]
0.00/5 (0 صوت)

08-19-2013 11:44 AM
واذا السائق قتل الرجل بدلاً من قطع اصبعه هل سيتم محاكمته علي أنه قتل عمد ؟؟؟؟؟؟؟
يا ناس مجرم وجاء للسائق واعترض طريقه ... كان يعمل ليهو شنو ؟؟.... يا ناس الشرطة السائق قام بما كان من واجبكم انتم ان تقوموا به إلا اذا كنتم من أفراد العصابة آو تتقاسمون معهم ما يحصلون عليه .... ولذلك تحمونهم وتقبضون علي السائق .... يا وزير الداخلية أنصف هذا السائق وإلا فإن الله سائلك عنه يوم القيامة...حسبنا الله ولا حول ولا قوة إلا بالله ..


#747263 [سوداني حر]
0.00/5 (0 صوت)

08-19-2013 11:34 AM
عصابات النقرس وما شابه ذلك كلها تحت حماية السلطات والشرطة وهم أفراد من جهاز الأمن تم اطلاقهم في شوارع العاصمة حتى يروعوا المواطنين الأمنين ويجعلنهم في حالة خوف دائم ويشغلونهم بما تفعله تلك العصابات وهم معروفين لكل أجهزة الدولة الأمنية كان شرطة ولا جيش ولا أمن وهي احدى بؤر الفساد التي انتشرت في وطني ،،،،،، عزيز أنت يا وطني رغم قساوة المحني ...............


#747229 [المتغرب الأبدي]
4.75/5 (4 صوت)

08-19-2013 10:52 AM
الشرطة تعالج زعيم العصابة وتقبض على المجني عليه ؟؟

هههههههههههه

فعلا الشرطة في حماية اللصوص


#747222 [ديامي قديم]
4.88/5 (4 صوت)

08-19-2013 10:46 AM
سائق الهايس غير مذنب لأنه كان يدافع عن نفسه ضد المجرمين المتفلتين الذين يجوبون العاصمة بلا حسيب ولا رقيب .. ولو حدث العكس بقطع صباع السائق لتم تدوين البلاغ ضد مجهول. يعني الشرطة كانت منتظرة السائق يقدم رقبته للصوص والمهاجمين بدون مقاومة ولا شنو؟


#747202 [meeedo]
0.00/5 (0 صوت)

08-19-2013 10:33 AM
... السى الجسيم ؟؟؟؟؟ المفروض يقطع ليه رأسه .. بلا أذى بلا بطيخ .


#747200 [samisuh]
0.00/5 (0 صوت)

08-19-2013 10:33 AM
يعنى نفهم من الكلام ده أنو العصابات تحت حماية القانون ولا شنو


#747184 [إبن السودان]
0.00/5 (0 صوت)

08-19-2013 10:22 AM
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! يعني خلو العصابة ومسكو السواق


#747178 [سوداني]
0.00/5 (0 صوت)

08-19-2013 10:12 AM
أين حق الدفاع عن النفس؟


#747173 [فتوح]
0.00/5 (0 صوت)

08-19-2013 10:07 AM
الزول دافع عن نفسه ... السلطات يوقفة ويعالج المصاب الهمباتى يا للعجب ... الى أين نحن ذاهبون الله يستر


#747160 [أوكامبو]
5.00/5 (2 صوت)

08-19-2013 09:52 AM
الشرطة فى خدمة العصابات المتفلتة.

يا شرطة دا إسمه دفاع شرعى عن النفس و حسنا فعل سائق الهايس.


#747159 [وحيد]
0.00/5 (0 صوت)

08-19-2013 09:52 AM
مواطن فشلت الشرطة في حمايته من العصابات المسلحة بالسواطير و التي انتشرت في كل مكان، ثم يقبض عليه و يدون ضده بلاغ اذى جسيم حين يدافع عن نفسه؟ يعني كان يستقبل السواطير بالورود؟


#747157 [كتكوت]
1.00/5 (1 صوت)

08-19-2013 09:50 AM
ههه الزول فى حالة دفاع عن النفس قانونيا يعنى كان يخليهم يعطعوا ليهو قلقاتو ولا شنو !!!!


#747155 [ود البحير]
0.00/5 (0 صوت)

08-19-2013 09:48 AM
مفروض يقطع رقبته لا اذى جسيم لا يحزنون العملية مجرد دفاع عن النفس - شكله عضو العصابه واحد من افراد الامن


#747133 [Nagi]
0.00/5 (0 صوت)

08-19-2013 09:25 AM
والله احييك لكن لو قتلتوا كان افضل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة