الأخبار
أخبار إقليمية
الملياردير السوداني مو ابراهيم ينتقد الرؤساء الأفارقة المسنين
الملياردير السوداني مو ابراهيم ينتقد الرؤساء الأفارقة المسنين
الملياردير السوداني مو ابراهيم ينتقد الرؤساء الأفارقة المسنين


08-19-2013 10:02 AM
انتقد الملياردير السوداني محمد ابراهيم (مو) الذي تقدم مؤسسته جائزة قيمتها خمسة ملايين دولار الى رؤساء الدول الافارقة المنتخبين ديموقراطيا والذي اثبتوا جدارتهم في الحكم، السبت القادة الافارقة للقارة المسنين الذين يحتكرون السلطة على حساب الشبان. وفي كلمة ترحيب بالرئيس نلسون مانديلا، قال مو ابراهيم الذي جمع ثروته من قطاع الاتصالات ان متوسط عمر الرؤساء الافارقة هو 60 عاما في قارة يشكل من هم دون ال19 نصف سكانها، ثم قارن افريقيا بالولايات المتحدة.

وقال ان الرئيس باراك "اوباما اصبح رئيسا في السابعة والاربعين من عمره وبيل كلينتون في السادسة والاربعين".

واضاف ان "هؤلاء الاشخاص المنتخبين في عقدهم الرابع يقودون بلدا لا يعتبر اكبر قوة في العالم فقط بل لديه ناتج داخلي يبلغ الف مليار دولار في السنة اي ما يفوق 15 مرة الانتاج الاقتصادي لأفريقيا بأكملها".

وذكر محمد ابراهيم "لدينا رئيس في بلد مجاور يستعد في التسعين من عمره للترشح لولاية جديدة. ما هو الخطأ لدينا؟" وكان يلمح الى رئيس زيمبابوي روبرت موغابي الذي اعيد انتخابه في يوليو في التاسعة والثمانين من عمره لولاية من خمس سنوات بعد 33 عاما في السلطة.

وقد أنشأ محمد ابراهيم جائزة سنوية في 2006 تحمل اسمه لمكافأة المسؤولين الافارقة الذين انتخبوا ديموقراطيا واثبتوا جدارة في الحكم من اجل المصلحة العامة.

وتمنح هذه الجائزة للفائز بها مكافأة اولى قيمتها خمسة ملايين دولار و200 الف دولار طوال عشر سنوات.

وحصل عليها ثلاثة رؤساء سابقين هم جواكيم شيسانو من موزامبيق في 2007 وفستوس موغاي من بوتسوانا في 2008 وبيدرو بيرس من الرأس الاخضر في 2011.

وكان مو ابراهيم قد حجب استثماراته عن السودان بلده الام بسبب الرشاوي التي تطلبها الحكومة السودانية و رجال الدين الا انه قد قدم الكثير من المساعدات الانسانية للسودان كما قام بتمويل عدد من المستشفيات اشهرها مركز السودان للقلب .

أ ف ب


تعليقات 28 | إهداء 0 | زيارات 8058

التعليقات
#748002 [observer]
0.00/5 (0 صوت)

08-20-2013 08:28 AM
pls before you say something you do not know about some one who may be a good check these links:

we are sudanese pls keep ethics and positive thinking as we are well known as good people and one of te best musilims

1/ http://ar.wikipedia.org/wiki/%D9%85%D8%AD%D9%85%D8%AF_%D8%A5%D8%A8%D8%B1%D8%A7%D9%87%D9%8A%D9%85_%28%D9%85%D9%87%D9%86%D8%AF%D8%B3%29
2/http://www.soas.ac.uk/about/fellows/ibrahim/
3/ http://www.upenn.edu/pennnews/news/academy-award-tony-award-winning-actor-denzel-washington-speak-penn-s-255th-commencement
4/ http://www.forbes.com/profile/mohammed-ibrahim/
5/http://news.bbc.co.uk/2/hi/africa/7056159.stm
6/ http://www.theguardian.com/lifeandstyle/2009/feb/01/mo-ibrahim
7/ http://www.newyorker.com/reporting/2011/03/07/110307fa_fact_auletta
8/ http://web.archive.org/web/20071108020816/http://www.moibrahimfoundation.org/the-board.asp
9/ http://web.archive.org/web/20071021221615/http://www.celtel.com/mobile/en/our-company/leadership/mo-ibrahim/index.html


#747886 [Ali]
0.00/5 (0 صوت)

08-20-2013 12:34 AM
الرجل ده من الديم في آخر لقا تلفزيوني معاه ... يا جماعه وظيفه الطباخه في الخليج وإلا غتراب ما بتعمل مليارات والرجل ما حلفاوي


#747876 [ودالباشا]
0.00/5 (0 صوت)

08-20-2013 12:08 AM
اية يعنى المهم عندنا سودانى


#747860 [سوداني سوداني سوداني سوداني]
0.00/5 (0 صوت)

08-19-2013 11:44 PM
بطل جعجعة وخلي منوالك الفاشل دا،،، الرئيس الافريقي النزيه والرئيس الافريقي التعيش،،، دا ما وقته.. الحق اهلك في السودان بيموتوا من الغرف وفقدان البيوت.. ولو داير تتبرع لاهلك النوبة بس برضو الحقهم بسرعة وخلي المتاجرة بالقضايا.. خليهم الرؤوساء ديل ليهم رب بيعالج امرهم.. انت برضو محتاج وانا وغيري وكل البشر لعلاقة مع رب العباد،، الحق اهلك النوبة وبطل جعجعتك الفارغة ومقدودة دي..


كرهتنا افريقيا وكرهت الافارقة الاصلييين في الدول التانية افريقيتهم،،، خلي المتاجرة بالوطن على حساب مصالح الشخصية وبطل المزايدات والامور بتاعت النصب دي.. الحق اهلك قبال تهلك يا ايها الملياردير.. الحق اهلك بالبطاطين والخيم ودا ما وقت امور فارغة،،

ما ترسلها للانقاذ ارسل اي مندوب بتعرف معرفة شخصية.. وخليهو يدي اهلك واهله في ايديهم عشان يبنوا بيوتهم ويصلحوا امورهم.. عارفين ناس الانقاذ حرامية.. اثبت لينا انت انك قلبك على السودان وعلى بنى السودان وبالذات اهلك النوبة..

يلا اهلك في انتظار خلي منوالك الفارغ دي..


#747827 [عصمتووف]
0.00/5 (0 صوت)

08-19-2013 10:46 PM
من المعلوم للقاصي والداني لراعي الدجاج في الخلاء بان كل قادة دول العالم ال3 خاصة العربية والافريقية فاسدون حتي اذنيهم لملم الملاين وحولها لمتصرري السيول والاهمال الحكومي ببلدك ارمي طوبة هؤلاء خلف وبلاش مظاهر وشهره خداعة ملاينك لتشجيع لص حاكم هذا اللص يخرجها في صفقة يومية وانا محتاج منها لشراء وبناء منزل انجب فيه عائلة تدعوا لك بالصحة والعافية والعمر المديد بدلا من تبديدها للصوص محترفين انظهر لهم خلقوا ليكموا من المهد الي اللحد لا تهدهم امراض او شيخوخة بدده في اعمال الخير ةتنفعك في القبر والاخرة
صدقات حارية هل سمعة بحاكم امين كلهم ملوثون


#747806 [saif]
0.00/5 (0 صوت)

08-19-2013 10:26 PM
اللة خلق للنعجة طنب والكوم بقرش والدقة يلاش واللا اية؟؟


#747776 [د/نادر]
0.00/5 (0 صوت)

08-19-2013 09:44 PM
انا بفتكر ده اغبي رجل اعمال اعرفه انت بتفتكرالقادة الافارقة محتاجين لخمسة مليون دولار وانت من زمن خمسة مليون حتة افندي من جماعة البشير حسبنا راتبه كان 300الف دولار في السنة والسيدة الفضلي ومنظماتها يمكن تحتاج الي صفر علي الخمسة بتاعك ده تنمية شنو يا عمي خليك فاهم اللعب كيف صفقة هنا وهنالك احفاد احفادهم ما يشم الفقر تاني في افريقيا الفقيرة


#747625 [hafiz]
0.00/5 (0 صوت)

08-19-2013 05:52 PM
خمسة مليون دولار لو تم توجيهها بشكل سنوى لفقراء السودان بشكل مباشر خلال عشرة سنوات هذا يعنى انك تقتل الزعماء الأفارقة المتسلطين فى اليوم خمسة مليون مرة، برفع الحرج والحاجة عن بعض أنواع الفقر عن فقراء السودان ، والزعماء الأفارقة من أسمى أهدافهم هى أن يبقى الشعب مريض وفقير ومتسول ، حتى يضمنوا بقاؤهم فى السلطة واحتكار الثروة ..

فلك الخيار سيد/ مو ، فى أن تحى وتعيد الأمل للملاين من فقراءالسودان وتضمن ثواب الآخرة ، أو أنك تمنحها بطراً لمن لا يستحقها مائة فى المائة ...


ردود على hafiz
United States [some one] 08-19-2013 10:54 PM
You are right brother..and what surprised me non of those big big people in Sudan think to visit the places of Disasters..i mean the Individuals and those who are famous


#747546 [ابو كريم]
5.00/5 (4 صوت)

08-19-2013 04:15 PM
ماتسيبك من دول القــارة الافريقية دي وابدأ ببلدك احســن وشوف الحــاصل شنو في السودان 24سنة من الدمار ونهب المؤتمــر الوثنــي ولواستمر الوضع كدا ممكن بعد خمســة سنة يكون مافي دولة اسمها السودان على الخريطة
ساهم في انشاء قناة المعارضة في بلدك السودان والتكلفة غير كبيرة ومقرها يكون لندن
اعمل حــاجة يذكرك فيها شعبك بالخير


#747515 [Ali]
0.00/5 (0 صوت)

08-19-2013 03:29 PM
ومن القاليكم هو حلفاوي هو من أولاد الديم ده كان آخر لقا تلفزيوني كان معاهوا


#747516 [منصور محمد صالح محمد صالح]
0.00/5 (0 صوت)

08-19-2013 03:29 PM
السودان في غني عنك وعن مالك؟؟؟لا يمكن لأي لأي شخص كان موظفا في شركة اتصالات ثم فجأة ان يصبح مليارديرا !!!هذ ا عجيب !!!هذا غريب!!!!ان رجلا بقامة عمر البشير ظل يحكم السودان أكثر من عشرين عاما لأي ملك من حطام الدنيا إلا دابته التي يركبها وبيته الذي يسكنه !!!!فمنراين لك هذا ؟؟؟؟؟؟؟؟وبعدين نعم المال عند الرجل الصالح يساعد أهله وبلده لا ان يساعد به الآخرون !!!انتررجل عجيب انت رجل غريب!!! يجب ان تحاكم محاكمة علنية ويرد مالك الي ببت مال المسلمين ،،،،


ردود على منصور محمد صالح محمد صالح
United States [عبود] 08-20-2013 03:18 PM
مرحب بالجداد الالكتروني - لعنة الله تغشاكم يا كيزان.

United States [osman] 08-20-2013 12:06 AM
بيت مال المسلميين ؟؟؟ هو وين المسلمين عشان يكون عندهم بيت مال ؟؟؟؟ علي العموم الراجل قروشو دي حلااااااااال وجابي عرق جبيييين وذكاء خااااارق واديك كعلومة الراااجل قروشو عملها برا في بريطانيا يعني بالمختصر هناك مافي احتيال ومافي رشاووي ومافي لحس زي هنا زالباقي انتي عارفووو

[ود الماحي] 08-19-2013 11:11 PM
السلام عليكم ورحمة الله
يا منصووووووووووور
منصووووووووور
هوووووووووييييييييييييييي
صحي النوم إنت قاعد ويييييييييييييييييييييييييييييين
ده البشير زآآآآآآآآآآآآآآآآآآآآآآآآآآتو الشئ القال إنو بيملكة أكتر مما قلت
والسودان لو غني عن أموال " مو" ما كان وزير خارجيتنا يبقي شحاد و وزارة المالية شغالة قروض يا خوي الشحدة خجلتنا واللــــه نحن في الغربة خجلانين من شحدت حكومتنا وأي زول يمشئ عشان يستثمر في السودان الرشاوي بترجعة.
مو ده أنا متأكد لو ضمن أن قروشة بتمشي لمحلها كان أرسلها للسودان

United States [ابو الغيث] 08-19-2013 07:58 PM
الي سوداني سوداني.....اؤيدك في ان الفلوس بتعمل هلوسة ودا ظاهر في هلوستك لانك سرقت قوت المساكين السودانيين يا كلب

United States [ابو الغيث] 08-19-2013 07:54 PM
هاك الدغمسة دي!!!طيب ايه رايك جبهجي في السودان الفقير يصبح ثري في زمن وجيز جدا !!!!ها ها ها قلت لي دابته دابته في.....ك يا كلب يا منتفع

European Union [اسامة] 08-19-2013 06:42 PM
يرد إلى بيت مال المسلمين والا جيب تجار الإسلام ، وبعدين بيت مال المسمين دا وين ؟ في القصر ام في كافوري . وكمان بتساله من اين لك هذا ؟
من عند الله ، هل لدين اعتراض ؟

United States [سوداني سوداني سوداني سوداني] 08-19-2013 05:44 PM
أؤيدك يا منصور محمد صالح!!! ليس لن البشير ما عنده غير دابته.. فالانقاذ فيه من السرقة والنهب خشم بيوت.. وما بحتاج لإثبات أو دليل..

ولكن دائما من يظهر علينا هذا النكرة كل ثلاث اشهر أو اربعة في السنة بفيلمه القديم بتاع جائزة الرئيس الافريقي النزيه.. وهكذا دواليك.. والشغلة كلها نظام لفت نظر وأثبات للبيض كره لافريقيا ولبلده حتى ينال الرضا والتسهيلات الاخرى.. الشغلة تجارية بحته.. قذارة في قذارة.. الان اهله الحلفاويين يمتون من الغرق اين تسهيلاتك تعال لو راجل شوف اهلك الحلفاوييين ما تدي الحكومة قروش تعال ادي اي واحد قروش في يده وخليه يبني بيته الذي انهار.. وبطل جعجعة وقلة ادب ودناءة ووساخة ومتاجرة ببلدك وبافريقيا.. الغريب ان الغرب فيه افارقة اعرق منك عرقا واتنماءاً لم ولن يمارسوا مثل عمايلك هذه يا إيها النكرة الذي يريد أن يصبح معرفة مع عالم البيض..

القروش دائما الزول اللي ما متعود عليها بتعمل ليهو هلوسة وزهايمر وخرف.. كأن يتخطبه الشيطان من المس... الله يشفيك يا ايها الذي تتاجر بقضايا افريقيا وسودان العزة والشموخ.

اللعنة عليك وعلى الانقاذ

United States [omer] 08-19-2013 04:54 PM
اتق الله يجعل لك ماخرجا البشير لايملك الابيته ومال كافوري دي بتاعت ابوك ولا عبدالله البشير دا كان جاب القروش والشركات دي من وظيفتو اللهم لا تاخذنا بما فعل السفهاء منا

United States [محمد سكر] 08-19-2013 04:52 PM
(رجلا بقامة عمر البشير ظل يحكم السودان أكثر من عشرين عاما لأي ملك من حطام الدنيا إلا دابته التي يركبها وبيته الذي يسكنه )
يازووول انتا ضارب ليك حاجة
زولك عمر بي نفسو قال عندو بيت في كوبر وفيلا في كافور وشقق ما عارف وين ومزرعة في السليت
دا القالو هو براهو داير تطلعو من ناس حطام الدنيا
اما بالنسبة لموضوع الدواب دا خليهو هسة لانو صحبك دا دوابو كتييييرة من خيرة مصانع العالم ولو باعوها ترفع اقتصاد البلد
ربنايهديك

United States [مجدون] 08-19-2013 04:30 PM
يساعد اهله البشير الحقير .. في حاجة عاوز أقول ليك الأحسن ما يساعد أهله يساعد السودان كله السودان في رقبته .. بعدين انا اؤيد بشدة موقف الملياردير من السودان بل وادعوا كل ملياردير يقاطع السودان في اللحظة دي .. الكزان المعفنيين يفرضون أتاوات لصالحهم وليس لصالح السودان وكذلك .. الذين يستوعون في وظائف ليس المواطنيين ضمن معايير الكفائةبل الكيزان ضمن معايير الولاء بالتالي تضرر الوطن

United States [مجدون] 08-19-2013 04:26 PM
كلامك دا إذا كنته مكذبهفي نفسك ومنافق بيه يا كوز دي مصيبة لكن إذا كنتا مصدقه حقيقة فالمصيبة أعظم لا يملك من حطام الدنيا شيء قال ..أخوانه إستفادوا من وراه وسرقوا بمساعدة منو يا كوز ؟كيف لجندي عسكري بمنزل في كافوري .. غذا كان نزيه أصلا


#747449 [abu sarah]
0.00/5 (0 صوت)

08-19-2013 02:19 PM
أيهما أولى بهذه الخمسة ملايين دولار على الأقل في الوقت الراهن ؟
- رؤساء أفريقيا ؟
- أم أهلنا (وأهلك) بوادي حلفا الذين داهمتهم السيول والأمطار ؟
أعوذ بالله من الشيطان الرجيم
{أولى لك فأولى * ثم أولى لك فأولى} صدق الله العظيم


ردود على abu sarah
United States [ابو الغيث] 08-19-2013 08:01 PM
اشتري ليك ابو يا سارة كان دا ابوك البهضرب دا!!!


#747362 [محمد علي]
5.00/5 (1 صوت)

08-19-2013 12:56 PM
اقترح أن تعطيها هذا العام للبشير لإصرار على الاستمرار في الحكم بالقوة والتشبث بالسلطة


#747341 [المشتهى السخينه]
5.00/5 (4 صوت)

08-19-2013 12:39 PM
طلبنا من السيد مو ابراهيم .ان يخصص الجائزة لاسقاط الحكام اللصوص فى افريقيا بدعم المعارضه اعلاميا وعسكريا . تحت .. تحت .. لان امثال المشير الاعرج الذى يحكمنا منذ ربع قرن . يخطط لان يحكم لربع قرن اخر ..اقامة قناة فضائيه للمعارضه ويطير النوم من عيون الكهنه ولصوص الاسلام السياسى ..


#747335 [ABODLY]
5.00/5 (1 صوت)

08-19-2013 12:33 PM
هكذا شيم العاقلين والكرماء من ابناء بلدي مهما ابعدتهم الظروف والمسؤليات لايتناسوا كلمة الحق


#747316 [كمال الدين الشيخ]
0.00/5 (0 صوت)

08-19-2013 12:15 PM
لو حلفاوى وشايقى ودنقلاوى وجعلى ومسيرى وكل قبائل دارفور ؟ هو سودانى ولاشنو ياحلوين.


ردود على كمال الدين الشيخ
European Union [ahmed] 08-19-2013 09:52 PM
هو كلامك صحيح بس كان علي المليادير ان يقدر ظروف اهلنا في السودان في ظروف الفيضانات وبجد هنالك اناس يحتاجون لمد يد العون؟الله يلعنك يانافع وحكومتك ...ولاينفعك اي قمة عيش سرقته من هذا الشعب المكلوم؟


#747312 [طاهر بدر]
4.75/5 (5 صوت)

08-19-2013 12:14 PM
اهدي له المثل النوبي
ANBI TAWO TANGA NOURAKEMO

أنبى توو تانقا نوراكيمو

شجرة الدوم لاتظلل ماتحتها
او ضل الدليب برمي بعيد

يقال لمن يكون خيره لاينتفع به أهله ! بل ينتفع به غيرهم ! .


#747292 [khalid]
0.00/5 (0 صوت)

08-19-2013 12:01 PM
يا حبة شنو ما تشوفوا لينا سكة في بلاد العم سام دي نحن خلاص قرفنننننننننننننننا خالص


#747281 [بابكر]
5.00/5 (1 صوت)

08-19-2013 11:54 AM
وما رأيك بديناصورات السودان مثل الصادق المهدي والترابي والمرغني وهلمجرا واللذين ما زالوا يتشيثون بحكم السودان بعقولهم الرجعية


#747269 [صادميم]
0.00/5 (0 صوت)

08-19-2013 11:42 AM
غايتو رئيسنا شاب و ما من الجماعة ديل شيبة واحده في رأسه و لا دقنو مافي


#747255 [سوداني]
0.00/5 (0 صوت)

08-19-2013 11:25 AM
كنا نتمى ان يخدم أهله في حلفا الجديدة بمايلحق بها من خراب اقتصادي وطرق غير معبدة ومستشفي من دخل فيها مريضا مات ومياة غير صالحة للبشر


#747243 [khalidal m Ali]
5.00/5 (1 صوت)

08-19-2013 11:08 AM
قناااااااة تلفزيونيه فضائية مستقله مش كتيره لوطن الجدود (فتحى ن تود)


#747233 [osman]
5.00/5 (5 صوت)

08-19-2013 10:57 AM
محمد ابراهيم للذين لايعرفونه مهندس اتصالات كان يعمل بالهيئة القوميه للاتصالات السلكية واللاسلكيه بحلفا الجديدة وهو احد ابناءها وتم احالته للصالح العام عند استيلاء حكومة المؤتمر الوطني علي السلطة عام 89 نسبة لتوجهه اليساري ... سافر مستر مو كما يطلق عليه في اوروبا هذا الاسم الي بريطانيا وحصل علي الجواز وكان له الفضل في اختراع SIM كارد الخاصة بالموبايل وحتي اليوم له حقوق الاختراع مما مكنه من جمع ثروة طاااائلة وضعته في مصااااف اغني اغنياء العالم وهذا الرجل اياديه ممتدة بالخير لاهله ولوطنه لكنه احجم عن كثير من المشاريع لاسباب كثييرة متعلقة بالاجراءات العقيمة لدي المؤسسات الحكومية اضافة للرشاوي ومستر مو لديه مشروعات ضخمة في تونس ومصر والمغرب اضعاف مالديه هنا في السودان وكلها خيريه وليست ربحيه .... لكن حكومتنا الرشيدة اذلها الله في الدنيا والاخرة عملت عي ابعاد امثال مستر مو وحرمت السودانيين من مشارريع كانت ستفيد الاجياال القادمة


ردود على osman
United States [المتجهجه بسبب الانفصال] 08-19-2013 09:01 PM
شكرا للمعلومة وربنا يزيد ويبارك ليهو وان شاء الله الاقيهو ولو بالصدفة وأكون اجمل صدفة انا يوم لاقيتو


#747221 [elffatih]
0.00/5 (0 صوت)

08-19-2013 10:45 AM
بارك الله فيك وفى مالك


#747195 [Abdaslam Ali]
0.00/5 (0 صوت)

08-19-2013 10:31 AM
Where are this gentl man leave


ردود على Abdaslam Ali
[سودانى متحيييييييييييير] 08-19-2013 11:22 AM
Where is this gentleman living?

United States [osman] 08-19-2013 11:15 AM
Great Bratin


#747187 [اسامه سليمان احمد عبد العال اختيار]
0.00/5 (0 صوت)

08-19-2013 10:23 AM
مو ابراهيم عنوان للنجاح والكفاح فى عالم البيزنس والاعمال ونموذج قوى لتخطى الصعاب وتجاوز المحن الاقتصادية ويعتبر من افذاذ القارة الافريقية فى مجال الاتصالات . مع العلم بانة اصلاً من ابناء حلفا الجديدة حيث موطنة الاصلى . (( قبيلتة حلفاوى)).


ردود على اسامه سليمان احمد عبد العال اختيار
United States [khalid] 08-19-2013 12:03 PM
قبيلتو حلفاوي؟؟؟؟؟؟؟؟؟ لو بفكر كده الزول ده كان بقي مؤتمر وطني ولسة متمرط هنا ؟ راي خليها سوداني وكفي

[انسان متحضر] 08-19-2013 11:51 AM
نحن مالنا ومال قبيلتو فى النهاية سودانى.خلونا من القبائل والكلام الفارغ دا.امة متخلفة فعلا.

[سودانى متحيييييييييييير] 08-19-2013 11:24 AM
وادى حلفا (حلفا القديمة) وليست حلفا الجديدة

United States [Alczeeky] 08-19-2013 11:17 AM
ياخ انت في واح سالك عن قبليته ما كفايه سوداني وبس ... ولا لازم تعميق القبليه الجهويه ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة