الأخبار
أخبار إقليمية
والي الخرطوم يتسلم مساهمات لتشييد المنازل التي دمرتها السيول
والي الخرطوم يتسلم مساهمات لتشييد المنازل التي دمرتها السيول
والي الخرطوم يتسلم مساهمات لتشييد المنازل التي دمرتها السيول


مجموعة الراجحي تكفلت ببناء نحو «600» منزل
08-19-2013 01:14 PM
الخرطوم : كشف والي ولاية الخرطوم، الدكتور عبدالرحمن الخضر، عن تجاوب كبير مع الصندوق الذي انشأته الولاية لمساعدة المواطنين الذين انهارت منازلهم كلياً بسبب السيول والأمطار، وأعلنت مجموعة سليمان الراجحي التى تمتلك مصنع أسمنت عطبرة خلال اللقاء الذي تم مع والي الخرطوم أمس، بحضور وزير المالية المهندس صديق الشيخ عن تكفلها بإنشاء (500 ـ 650) منزلا موزعة بين منطقة الكرياب (400) منزل والبقية بالقرى التى تأثرت جراء السيول.
كما تسلم الوالي تبرعاً بمبلغ مائة ألف جنيه من مجموعة محمد أخوان وكلاء شركة اسكودا بالخرطوم ،وقال الوالي ان الولاية تدرس عدة خيارات للتعويض وستكون الاولوية لبناء المرافق العامة كالمدارس والمراكز الصحية وتمليك المواطنين مواد بناء يتم تحديدها من خلال النتائج التى برزت من تجربة السيول، حيث لم تتأثر المنازل التى شيدت بـ البلك والاسمنت،وكذلك تفادي البناء في المناطق التى تقع في مجرى السيول .

الصحافة


تعليقات 18 | إهداء 0 | زيارات 3040

التعليقات
#748041 [الكردفاني العدييييييييييييل]
0.00/5 (0 صوت)

08-20-2013 09:36 AM
لن تصل الى المستفيدين......... وان وصلت فهي للمحاسيب ........؟؟؟؟؟؟؟؟؟؟

الا ان الرقاص............ وعصابته لا محالة الى زوال...............
الا ان الرقاص............ وعصابته لا محالة الى زوال...............
الا ان الرقاص............ وعصابته لا محالة الى زوال...............
الا ان الرقاص............ وعصابته لا محالة الى زوال...............
الا ان الرقاص............ وعصابته لا محالة الى زوال...............
الا ان الرقاص............ وعصابته لا محالة الى زوال...............


#748020 [بكره احلى]
0.00/5 (0 صوت)

08-20-2013 09:13 AM
علي بالطلاق حيلحسو امها


#747870 [بت حبوبتها]
3.00/5 (1 صوت)

08-19-2013 11:59 PM
شكرآ يا الراجحي, أما ال 600 بيت دي نشوفها يوم 30 فبراير "يوم عمره ما حيجي" !!!!


#747815 [عصمتووف]
0.00/5 (0 صوت)

08-19-2013 10:36 PM
اين الراسمالية الوطنية ناس الوالي ودالجبل وصلاخ ادريس والكاردينال هذا غيض من فيض لو كانت تلك الاموال موجوده بينكم بدلا من شراء لعبية كرة مغمورين في بلادهم كانت تلك الاموال ظهرت اليوم في شكل طوب واسمنت ورمل وغيرها بدلا من الشحدة اريقتم ما وجوهنا اراق الله دماكم يا ورم ومعروف بانها لا تعطي المواطن من فضلها؛ بل تأخذ من فضله وتزيد على ذلك: وهاكم هذه النكتة (رباطابي لابس جزمة قديمة ومهتوكة من الامام وأصابعينو الخمسة مارقين برة، مشى لبتاع ورنيش مد ليهو كراعو، بتاع الورنيش قال ليهو أورنش ليك؟ الرباطابي قال ليهو لا، طق طق لي أصابعيني).
سائلين عنك

سائلين عنك يوماتي رحيل
طوريتك فى الطين مرمية
وكوريتك يابسة ومجدوعة
لا غيبتك كانت مرضية
ولا فوتك كانت مبلوعة


نفرق عن اارواحنا شوية شوي



أي سرب يتهادى.. بين أفياء الظلال
يتثني في جمال.. ويغــنّي في دلال
مثل عنقود تدلى.. بشغاف القلب مال
كطيور حالمات.. سابحات في العبير
وصلاة ودعاء.. وابتسام في سـرور
فتنة تمشي الهوينا.. بين منثور الزهور
يا ملاك الحسن مهلاً.. أنت في زهو الشباب
وأنا قد صرت كهلاً.. من جوى الوجد المذاب
لو هوانا كان عدلاً.. ما جفا ثغري الشراب
إن في عينيك سحراً.. ملأ عينيّ سراب
دمعة حرى هتون.. وكؤوس من عذاب
هذا ما نلتُ، فهاتو ما تبقى يا صحاب
اتركوها في ذراها.. ودعوني للجوى
شغل القلب هواها.. وهي لا تدري الهوى
كم تمنيت لقاها.. وتمناني النوى

*
بعــد سبعـين ســـنة وبَيَّضْ سَبيب عينىْ
ما بَحْســـِـــبْ بَسَاهِر من طوَارْقْ الغـىْ
شـــــوق زينب تَرَى خـــلاّنى مِنٍّى ولَىْ
أشكي على الغصون لَىْ مَنْ يَعَرْفْ البَىْ
*


لونِن من بعيد مِتْل البليبلي نْضاف
حُرْدْ ومَعَصَّرات من شَبَّةْ الأكتاف
للناس البِغَــــــنّولِن يجــــرّو القاف
ماليات الخَشُم من كامل الأوصاف


#747807 [ودالباشا]
0.00/5 (0 صوت)

08-19-2013 10:27 PM
مصائب فوم عند قوم فوائد


#747757 [الزول الكان سمح]
5.00/5 (2 صوت)

08-19-2013 09:16 PM
والي الخرطوم يتسلم مساهمات لتشييد المنازل التي دمرتها السيول...عييك إتلحست


ردود على الزول الكان سمح
United States [Magdi] 08-20-2013 11:04 AM
ههههههههههههههههههههههههههههه


#747748 [ود كنه]
4.50/5 (2 صوت)

08-19-2013 09:08 PM
المدارس والمرافق هي واجب الدولة ومسئوليتها تجاه شعبها ليه القروش تصرف في المرافق العامة ؟ اولى بها من لا سكن له وأولئك الذين يفترشون الارض ويلنحفون السماء ويمضغون الفراغ ، الدوله عليها توجيهها لهؤلاء المتضررين والمشردين لا ان تستحوذ عليها لانشاء مرافق من صميم واجبها كالمدارس والمستشفيات وغيرها يبقى دي سرقة مال حق ناس يؤخذ ويوجه لاشياء انت مفترض تقوم بها عيييييييب عليك يا والي ويا حكومه


#747728 [ابوقصي]
5.00/5 (1 صوت)

08-19-2013 08:36 PM
اككككككككككككككككككككككككككيد ملحوسه وبدت القسمه مع العوير واخوانه قبل استلامها حتي


ردود على ابوقصي
United States [عبيد الله] 08-20-2013 11:49 AM
ملحوسة ملحوسة ابنو لن براكم نحنا بندوسا والفينا مشهودة
كم وكم اقاثة نحنا بعناها خيم وبطاطين كتبرة نحنا شلناها والفينا مشهودة
واحد يكمل انا مشغول


#747719 [السودانى]
0.00/5 (0 صوت)

08-19-2013 08:19 PM
غايتو السيول جات فى دمار ناس وفى صالح ناس تانية


#747642 [فرويد]
5.00/5 (1 صوت)

08-19-2013 06:11 PM
حظك يا الوالي أبني لأهلك بيوت جديدة وشيل معاك كاميرة التلفزيون وأظهر فيه كأن القروش حقت أبوك


#747630 [الحقيقة]
4.00/5 (2 صوت)

08-19-2013 05:56 PM
مفروض أن تسلم هذه الأموال لمنظمة نفير بعيدا عن أعين الحكومة للاشراف على البناء من جديد ولا تلقوا بأيديكم الى التهلكة مرة اخرى .


#747624 [عمك ود عمك]
5.00/5 (1 صوت)

08-19-2013 05:51 PM
نداء لجميع أهلى وعشيرتي المتضررين من السيول والأمطار اعملوا اعتصامات امام رئاسة ولاية الخرطوم يومياً وذلك حتى يتم تشييد جميع المبانئ السكنية والوحدات الادارية ولو ما عملتوا الاعتصامات ده حقكم راح ما حتشوفوا حاجة من الدعم الجائ بأسمكم ده الأ هل بلغت فأشهد الاعتصامات الاعتصامات الاعتصامات وبس خلاف ذلك القروش حنلحق امات طه عارفين وله لا


#747535 [صديق]
1.00/5 (1 صوت)

08-19-2013 03:54 PM
جابوا الكلام قالوا الصروف انسَدَّن
وقالوا المدن صبحت خراب وانهدن
أكرب يانفير وكت المصايب شدن
وامسك يا شباب إيديناً إليك امتدَّن
* * *

في الزمن القديم كان الحُكٌم برجالو
راحوا الرجال ، وجونا الرجال المالو
كضب وسجم واحزاب عليها اتوالوا
يفلحوا في النَهِب وكُلاً يكَبِّر مالو
* * *
تكسرنا السيول والناس تسوء أحوالا
تشتكى للحكومة والحكومة مالا ومالا
باعت في الأراضى وكبرت راسمالا
ياهو الرزق ، من الله وسَّع وجالا
* * *
وآليكم غِلِبْ ما ترجو منُّو الفزعة
وآليكم هميم في بيع الأرِضْ بالقرعة
أقعُدوا للزكاه واحروها يوم الجمعة
وافرِشوا في الجوامع تلقوا الخَلِق مجتمعة
* * *
الناس في الخراب والسادة ترقص رمبة
سافين الإغاثة ما بين رغيف وطلمبة


عندما تكتمل أنزلها لكم إن شاء الله


#747486 [hilal0987]
5.00/5 (5 صوت)

08-19-2013 02:49 PM
بختك يا عبدالرحمن الخضر انت وعيالك اليومين دى مبسوطين لقيت ليك ضربه مانعه المساكين ما حيلقوا من كل هذه المساعدات الضخمه غير مشمع وكم ملوة فتريتا وتكونوا ماقصرتوا لو اديتوا الشفع كرتونه بسكويت .


#747461 [كوز كنافه]
5.00/5 (6 صوت)

08-19-2013 02:29 PM
دخل فيها الوالي وزمرته المال لحق أمات طه خلاص


#747414 [المحتار]
5.00/5 (6 صوت)

08-19-2013 01:53 PM
يناس الراجحي اوع تدو الوالي اي قروش حا ياكلها


#747413 [sara]
5.00/5 (5 صوت)

08-19-2013 01:52 PM
ماعندي اي ثقة في انو المبالغ دي حاتمشي مكانها الصحيح ...


#747401 [بدرالسماء]
5.00/5 (6 صوت)

08-19-2013 01:38 PM
الاولوية للمدارس ام للمأوى ؟؟؟؟ ماذا تعني المدرسة وانا لا املك مأوى ؟


ردود على بدرالسماء
European Union [قنقر] 08-19-2013 05:43 PM
الآولوية للبلع و النهب .ألحس كوعى لو واحد بنوا لية غرفة لو القروش او المواد و صلت لأى مسئول سودانى . نعمل شنو يا بدر السماء . نجيب ناس بتخاف الله من و ين .

United States [حلفاوي] 08-19-2013 02:34 PM
المدرسة تعني مال سائب ولصوص يتربصون . اما المساكن فلها اصحاب يتابعون وبكل تاكيد سوف يكشفون ويفضحون .
(حلوة كدة بقت زي بيت الشعر )

Hong Kong [الغاضبة] 08-19-2013 01:46 PM
يا بدر السماء، افهمها طايرة.... للمدارس لتمكين البلاعين والحرامية من السرقة والنهب....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة