الأخبار
منوعات سودانية
أب يحلق شعر ابنته (صلعة) لعصيانها أوامره!!
أب يحلق شعر ابنته (صلعة) لعصيانها أوامره!!



08-21-2013 05:33 AM
أم درمان - علي بلدو

قام أب بحلق شعر ابنته تماماً، بحيث أصبحت صلعاء، إثر مشادات كلامية وتراشق لفظي وقع بينهما، وذلك نهار أمس الأول بمنطقة غرب الحارات بأم درمان.وقد برر الأب فعلته بأنه ظل يسدي النصح لابنته - طالبة الجامعة - بخصوص بعض السلوكيات التي لم ترق له، ودار نقاش بينهما وصل إلى طريق مسدود، فقام بحلق شعرها. هذا وقد اعتزمت الابنة تحريك دعوى جنائية بقسم الشرطة غرب الحارات، ولكن نجح الأهل و(الأجاويد) في إثنائها وحل الأمر ودياً.

المجهر


تعليقات 20 | إهداء 0 | زيارات 5816

التعليقات
#749389 [Adam Ibrahim]
0.00/5 (0 صوت)

08-21-2013 11:44 PM
واجب الوالدين على الابناء التربية السليمة ومكارم الاخلاق.. وحق الوالدين على الابناء البر بهما والقول اللين..

كسرة:
الصلعة عند البنات ذااااتا الايامات دى بقت موضة عالمية.. خاصة السمراوات.. حليل ميريام ماكيبا الدايماً حالقة نمرة واحد وخاتة فردة حلق القمر بوبا..


#749334 [دقنة]
0.00/5 (0 صوت)

08-21-2013 09:24 PM
ولا يهمك ،،،، إستايل برضو ،،، وما بعيد بكرة تبقى موضة

قال يعني خلاص كمّل الرجالة !!!!

حزب شعاروا شجرة ,,,, حينتج شنو غير القرود !!!!


#749315 [خالد النجومى]
0.00/5 (0 صوت)

08-21-2013 08:45 PM
على الحرام لو اختى كان ذبحتها لو صوتها علا بس ...خلى قلة الادب
بس العتب على الاب لانو من البداية ترك لها الحبل على القارب
والكلام دا مابنفع فى بلد زى السودان لاننا مجتمع نعتبر من افضل المجتمعات المحافظة والله اعلم ...وربنا يهدى بنات المسلمين ويبعدهن عن العولمة الضيعت العالم


#749228 [jafal]
0.00/5 (0 صوت)

08-21-2013 05:19 PM
ليش الشعر المستعار ممنوع إستيراده ؟؟؟؟؟؟ باروكة باروكتين ويشتريها أبوها كمان


#749217 [تينا]
4.50/5 (4 صوت)

08-21-2013 04:53 PM
بصراحة تستاهل يحلق ليها صلعه ويسوى فيها كل الدايرو كمان تتلاسن معاهو وماشه تشتكيه ؟ دى قلة أدب بنات ساكت وعديمة تربية قبل الآن كانت التربية من الأم والأب لكن بعد ظروف السودان الحالية وانشغال الأب بمتطلبات الحياة أصبحت البتربى الأم ويظهر أمها ما ربتها صاح لكن برضو ما مبرر ليها لتتعامل مع ابوها بهذا الشكل تستاهل


#749202 [احمد]
0.00/5 (0 صوت)

08-21-2013 04:29 PM
ههههههههةههههههههههه
تاني بتين الشعر يقوم . وتمشي المدرسة او الجامعة كيف???????


ردود على احمد
European Union [احمد عبد الله] 08-23-2013 10:36 AM
و انت مالك و مالا تضحك منها كده يا متخلف يا تعلق تعليق محترم يا تسكت عقبال ده كمان يحصل لأخواتك عشان نضحك منهن


#749198 [الجمكسين قاتل الصراصير]
3.50/5 (5 صوت)

08-21-2013 04:25 PM
الأب متخلف وجاهل دي مافيها إتنين تلاتة .. والأجاويد ديل كانوا يجوا وقت بيحلق ليها في شعرها مش وقت ماشة تفتح فيهو بلاغ..!!

أما (المقرف) في الخبر ده .. فهو تعليقات الناس الهنا الما صدقوا لقوا ليهم جنازة يشبعوا فيها لطم .. وبدون ما يعرفوا تفاصيل الخبر البايخ ده .. لأ والعجب العجيب إنه في بنات/سيدات معلقات وواقفين مع الأب ضد الإبنة..!!


ردود على الجمكسين قاتل الصراصير
[الجمكسين قاتل الصراصير] 08-22-2013 02:22 PM
الحردان .. إنت مش حردان؟ الجابك محل (الرش) ده شنو؟ كاااااااااااااك

___

الطيب بجه .. في حقيقة علمية بتقول: لمن يترش جمكسين على صرصور، بينقلب علي ضهرو .. ويقعد يفرفر بي رجلينو ونبذ .. لغاية ما ود حلال يلحق ليهو (برطوش) يهرسو بيهو

مرفقات: فردة برطوش

United States [الطيب بجه] 08-21-2013 09:52 PM
من اسمك متخلف شكلك كنت السبب ايها الصرصار بتمسكل كتير بس باقى لك الدايه

United States [الحردان] 08-21-2013 08:22 PM
الجمكسين ده كانوا يبلعوهو للبت البتقل ادبها علي ابوها الشالها طفلة بنت يوم وكبرها لحد مادخلت الجامعه وبقت تعرف طريق قسم الشرطة كمان ... ياجمكس


#749176 [الشاعر]
1.00/5 (1 صوت)

08-21-2013 03:49 PM
كلكم اخذتم اللوم على ابوها .جدنا عتمنى الشكرى قال البربى ليهو بنت بعصايه عصاتى دى فيهو...البنت يا ناس بتربيها امها والام بتربى صحيح فى حالتين اما لانها متعلمه او وارثه التربيه الصحيحه من اهلها والام اذا ماحبت بنتها وغمرتها بحنانها لا تستطيع ان تربيها تربيه صحيحه والتربيه الصحيحه تبدأ من عمر 3سنه الى 5سنه ففيها تتعلم الحجاب وكل الصفات الحلوه من امها والاب مسئول من تربيه الولد فى هذا العمر واخذه للمسجد والصلوات لكن فى السودان الحاصل عكس تقوم الام بأهمال البنت وتبويظ الولد وذلك بالاهتمام به اكثر من البنت ولذا تصبح البنت عامله والولد خامل.(والام ممكن تقول لابنتها هذا عيب وهذا غير صحيح وهذا مخجل ومعليش يابنتى المسامح كريم معليش انتى احسن منها وهكذا شويه شويه وممنوع الام تضرب قبل 5 سنه اما بعد 5 سنه يمكن توبيخها لغايه عمر 7 سنه بعدها ممكن قرصه شويه فى اضانها والوالده تعمل فيها زعلانه عشان تعلمها كيف تعتذر لامها واذا البنت ماعرفت كيف تتصرف ممكن الاب براحه كده عن طريق الهمس وليس بالكلام الواضح المسموع لانه له اهميته عند الطفل يقول ليها (امشى اعتذرى لامك) وسوف لن تتردد لانها تحب امها وامها تحبها كما ذكرت من قبل وهو سر نجاح التربيه...اما اذا اهمل الوالدين هذا الجانب التربوى المهم وبدأوا ضرب البنت فى عمر 12 سنه بالعصا فهذه هى المصيبة الكبرى وشدوا حيلكم على الجاييكم.


#749060 [بيكانتو]
5.00/5 (2 صوت)

08-21-2013 01:06 PM
ياااااااااااااه على بال ما يقوم الشعر تانى ، تكون اوشكت على الخرف - مبروك ليك


#749050 [hatem]
4.00/5 (3 صوت)

08-21-2013 12:51 PM
قد يرمي البعض باللوم على شباب الزمن ده كما يقولون كشماعة يتم تعليق أخطاء الاباء واهمالهم لتربية ابناءهم تربية قويمة ينام الاب ثم يصحو ليجد نفسه امام حصاد مر من اهمال ابنه او بنته وعدم تربيتها واحيانا قد يقتصر دور الاب على الماكل والمشرب فقط ويترك الحبل على غارب الشارع وليربي له فيحصد علقما وحصادا مرا غرسته يداه فيصدق فيه المثل القائل يداك اوكتا وفوك نفخ وقديما قالوا السعفه مابيربطوها بعد تنشف لابد من عقدها وربطها وهي لينه وكذا التربية لها اوان وزمان وبعد ان يمضي هذا الزمان تكون تحصيل حاصل وفرفرة مذبوح ليس الا ليس من حق الاب ان يتضخر من سلوك ابنته فهذا حصاده ومن يزرع حنضل كيف يحصد قمحا ,,
لا الوم شباب الزمن ده ففيهم من هو شمعة تضئ لابيه بحسن الادب ويعطي ابوه حقه في الاحترام والتقدير ويعلم ان احترام نفسه هو بمثابة رد للجميل لابيه كدليل على احسانه وتربيته تربيه حسنه


#749023 [سعاد سانكيه]
4.00/5 (4 صوت)

08-21-2013 12:26 PM
هذه بنت قليله الادب عديمة التربيه ,, العيب من أبوها الذى لم يربيها وهى صغيره ,, وكمان عاوزه تشتكيه ؟؟ سبحان الله ,وكان حتمشى وين بعد ماتشتكيه ؟؟؟ والله هذه البنت تستحق القتل وليس حلق الرأس ,, تفووووووووووووووووا عليها السافله عديمة الادب


#749000 [mohd malik]
4.00/5 (4 صوت)

08-21-2013 12:01 PM
عفيت منك ايها الاب هذا هو الادب لمثل هذه البنت
خليها تمشى الجامعه صلعــة عشن زميلاتها يتعظن
بنا اخر زمن - اخاف بكرة يعملن الصلعة موضة


#748916 [ام انور]
1.00/5 (2 صوت)

08-21-2013 10:23 AM
ده شباب الزمن ده ما بتقيده باي شي لا دين لا ادب ولا تقاليد ولا اعراف ....بقولوا نحن شباب حر ...بس الحرية ما كده حريتك يا بنتي بالتزامك بدينك وادبك واحترامك لاهلك ولنفسك وللمجتمع الانتي عايشة فيهو شوفي تاني لو حد يقدر يسالك


#748894 [koko johon]
1.00/5 (2 صوت)

08-21-2013 10:07 AM
ولادة اخر زمن من افرازات الفكر التحرري هنا من لا يعرف الفرق بين الحرية والفوضة والخليعة حتي بعد الجامعة وين الدين وبر الوالدين


#748871 [عمار]
3.00/5 (4 صوت)

08-21-2013 09:35 AM
مجتمع متخلف فعلا


#748870 [تمساح الدميرة]
3.00/5 (3 صوت)

08-21-2013 09:32 AM
الظاهر البنت كانت ما بتغطى راسها...وغير ملتزمة بالحجاب والله اعلم


#748847 [ديامي قديم]
3.00/5 (3 صوت)

08-21-2013 08:57 AM
البنت دي باين عليها ما ماسكة الدرب عديل وماعندها أدب الله يهديها


#748803 [الخرطومي]
4.50/5 (6 صوت)

08-21-2013 06:47 AM
والله دا احسن ادب لبنات صلعة مفروض اي بنت تحلق صلعة يمشه في الشارع بدون طرحه عشان تعرف الادب


#748802 [رويدة]
4.60/5 (7 صوت)

08-21-2013 06:44 AM
يا كافي البلاء يا حايد المحن ... اريته يايمة ولادة السجم والندم ...


#748796 [ابومونتي.]
4.25/5 (7 صوت)

08-21-2013 05:52 AM
عجبني ليك إن شاء الله الشعر والحواجب كمان.
مابتخجلي عاوزه تشتكي,أبوك,,,أببو ياقليلة الأدب يامفعوووووصه.


ردود على ابومونتي.
United States [خالد النجومى] 08-21-2013 08:47 PM
ابومونتى ...والله مفروض الاجاويد يعلقوها من لسانها لانها قليلة الادب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة