الأخبار
أخبار إقليمية
عدد الأسر المتأثرة جراء السيول يتجاوز 52 ألفا
عدد الأسر المتأثرة جراء السيول يتجاوز 52 ألفا
عدد الأسر المتأثرة جراء السيول يتجاوز 52 ألفا


منع بناء المنازل من الطين" الجالوص" بولاية الخرطوم
08-22-2013 12:58 PM
أكدت وزارة الصحة السودانية، تجاوز أعداد الأسر المتضررة جراء السيول والأمطار بولاية الخرطوم لأكثر من 52 ألف أسرة، كما ارتفع عدد المحليات المتأثرة لتصل إلى 43 محلية بمختلف أنحاء الولاية .

وقال وكيل وزارة الصحة ورئيس غرفة الطوارئ الصحية عصام الدين محمد عبد الله، لصحيفة" أخر لحظة" الصادرة بالخرطوم اليوم"الخميس" أنه يتم حاليا تقديم الدعم الصحي والبيئي اللازم للمناطق المتأثرة، مشيرا إلى أنه يتم التركيز على صحة البيئة وتنقية مياه الشرب للوصول إلى اعلى نسبة مطلوبة لشبكات مياه الشرب حماية لصحة المواطنين.

وفي سياق متصل، قررت ولاية الخرطوم منع بناء المنازل من الطين" الجالوص"، وأكد مسئولو الولاية انه سيتم دعم المتضررين ببلوكات الأسمنت ومستلزمات البناء اللازمة للمساهمة في بناء المساكن بشكل متين وقوي.


تعليقات 29 | إهداء 0 | زيارات 5020

التعليقات
#750278 [موفق]
0.00/5 (0 صوت)

08-23-2013 01:43 AM
حوالي عام 1850 شجع خورشيد باشا اهالي الخرطوم علي بناء المنازل بالطوب و مدهم بالخشب و هليعقل ان يكتشف عباقره الخرطوم عام 2013 هذا الامر


ردود على موفق
[sahar] 08-23-2013 10:53 PM
اهالي الخرطوم ( القديمة 1850 وما قبلهااهلي المعروفين كان تعدادهم كم)؟؟؟؟!!!!!!!!!!


#750185 [lwlawa]
5.00/5 (2 صوت)

08-22-2013 10:02 PM
واحد اشتكيت ليه من الامساك الشديد؟!. فسالني عن السبب، فقلت له، من اكل الفول المنتواصل. فنصحني بأكل الفراخ والسمك والعصائر الطازجة.؟!
اذا كانت الحكومة جادة في حل مشكلات هذا البلد فلا بد من ايقاف الحروب العبثية التي تجري في مشارق الارض ومغاربها حتى يعود حوالي50% ممن هاجرو الى العاصمة من زراع وتجار وعمال وخلافه، وسوف لن يبقى بها الا من اقتضت ظروف عمله تواجده بالقاصمة.


#750162 [عصمتووف]
0.00/5 (0 صوت)

08-22-2013 09:25 PM
هذه البعره وذاك البعير جميل بالرقم من الجالوص هو ما يناسب مناخ البلد يعني شبهنا وشبة الوالي ةالبشير حتي لو قطن كافوري هل يعلم جنابوا الباب العالي والسد العالي الوالي طن الاسمنت ولوري الطوب والرمل والمصنعية خلي الناس في شجونا لو سمحت الي متي نرتاح من عقدة تسلطكم كائنات غريبة لا ندري من اي كوكب هبطت علي الارض اصبحتم العقل المفكر وياله من عقل بليد وغبي ومقفول وغائب تحبون اصدار الاوامر لو سمحتة يا الباب العالي ما رايك دام فضلك علينا ان تطأ نساؤنا وبناتنا بل رجولتنا نوهبها لك هل قصرنا في حقك مالكم والناس تبني بصريف ولا ترقد في السهلة هذا موضوع لا يهمكم مادام معينات البناء في العلالي والمعيشة كمال تغني مصطفي سيداحمد


إِلِّى كمان فى ناس فايتاك بى الصبُر
ساكنين بى الإيجار .. لا طين .. لا تمُر
وواحدين بى الإيجار .. ما لاقين جُحُر
سِلعـتُمْ الضُراع .. والعرق اليخُر
عمال المدن
كلاّت الموانى
الغُبُش التعانى
بحّارة السُفُن
حشّاشة القصوب
لقاطّة القطن
الجالبة الحبال
البصل الفُرُن
الشغلانتو نار
والجو كيف سُخُن
عيشُنْ كمّهو .. وديشُن هان قَدُر
وناساً حالا زين
مصنع .. مصنعين
طين فى طين .. ووين
ما مرابا مُر.. بارد همها
لا يعرق جبين .. ولا وشاً يصُر
عين والله .. عين
كلها كمها .. وهمها هان قدُر
فى الجنة أم نعيم .. فى الجنة أم قُصُر


#750134 [mansour]
0.00/5 (0 صوت)

08-22-2013 08:44 PM
يااخوانا ماشوفلنا حلل من منصور محمدصالح العباس


ردود على mansour
[كركاب] 08-22-2013 10:49 PM
الزول دا راكب غلط وشايت ضفارى على طول
وكمان بكتب اسمة كاملا شكلة راجى مصلحة
احسن حاجة الناس تطنشوا .لاشير لا لايك
خلوة برة السرب لحدى مانشفوا اخرتها شنو معاة


#750079 [ود كركوج]
4.75/5 (3 صوت)

08-22-2013 07:06 PM
طبعا كرتي مبسوط من الكلام ده.


#750061 [داوودي]
5.00/5 (1 صوت)

08-22-2013 06:34 PM
مره يقولو هم السبب في عدم اعلام الناس بمقدم الفيضان ، ومره يقولو الناس بانيه جالوص طيب مين الجبرم علي كدة يعني واحد لاقي يبني مسلح جاري ورا البلدي لكن ليكم يوم ...


#750009 [shaker adm]
5.00/5 (1 صوت)

08-22-2013 05:11 PM
هذا كذب وافترا كفايه لعب بعقل الشعب المسكين


#749989 [ممغوس]
5.00/5 (1 صوت)

08-22-2013 04:47 PM
انا ممغوص


#749981 [كركاب]
5.00/5 (1 صوت)

08-22-2013 04:40 PM
دا كلام دا
طيب الناس الدايرة تبنى فى مكان تانى ياربى الدعم دا حايصلهم
ما يكون كلام جرئد بس ، كل الدنيا دى بانيين مسلح وعمارات ناطحة للسحاب الا نحن لقين الواطة الكبيرة دى وخاتيين العنقريب الهباب فى الحوش .
الشركة الصينية التى بنت قاعة الصداقة قال مديرها للمسئولين ممكن نسكن الخرطوم كلها فى عمارات عالية وتكون فى نطاق المنطقة المركزية،وتكون الخدمات متوفرة وقريبة للمستفيد وعدم هدر الوقت فى الطريق لكن واه من لكن........
تجى الحكومة الوهم تصدر قرارها الخائب دا
وبعد شنو الناس كلها بنت بالجالوص المادايرو دا ونحن اولاد الجالوص
لا فى سيخ ولا اسمنت ولا بلك وكل مواد البناء غالية
قرارك دا بلو واشرب مويتو ذى ما الجالوص دا شرب الموية
قال مسلح السلاح الفى خشمك


#749979 [العوض والعوض علي الله]
3.00/5 (1 صوت)

08-22-2013 04:38 PM
ابوي الله يرحمه لما جينا نبني بالطوب قال لي ياولادي الطوب ده اساسا بنيان المسكين
صدقني ياوالينا تذكرت كلام الوالد الله يرحمه فعلا الطوب والبلوك بنيان المسكين
لكن في غير اهل السودان ياوالي لان اهل السودان مامساكين بل هم طحنهم الفقر وانت وحكومتك السبب
والفقير في بلاد اخري يستحق الزكا ولو قورنا باغنياء بلدي من غيركم لاصبح احسن حالا من هم اغنياء من بلادي بلا يخمكم قوموا الي صلاتكم يرحمكم الله


#749928 [taha]
5.00/5 (1 صوت)

08-22-2013 03:40 PM
يااخوانا ناس الحكومة انا راعي غنم غنمى مابعمل ليها زرايب في بطن الوادي ولا في مجري السيول عشان كده ما تركبو راس مع الطبيعة نصيحة لكل سكان الاودية الطامة جاياكم عاجل ام اجل؟ كسره احد اخوانا بني بيت في مجري حفير بني هذا البيت ثلاثه مرات وماذال ُمصر علي ذالك ؟نسال الله اللطف


#749914 [مواطن]
0.00/5 (0 صوت)

08-22-2013 03:32 PM
بركة الوقعت بيوت الطين، شكلها كانت شينةخلاص.
لغاية ما الحكومة توزع طوب الاسمنت احسن حاجة يعملها اي زول نصيح ما يتكي على حيطة الحكومة المايلةولا هي اضلا ما في حيطة، الواحد يمشي المصانع يجيب ليهوشولات وكراتين يبنيهو احسن شوية من كرتون كسلا بتاع الحاج يوسف - - ما تنتظر الحكومة يازول!!


#749907 [محمد حسن أحمد]
5.00/5 (1 صوت)

08-22-2013 03:27 PM
أكيد الحرامية عندهم مصانع بلك يريدون تشغيلها ونهب أموال الدعم والإغاثة التي أتت من الخارج وخصصت للمتضررين لعمليات التشييد والبناء والتعمير فهذا الوالي وحكومته أكبر الحرامية اللصوص في الولاية


#749902 [aldufar]
0.00/5 (0 صوت)

08-22-2013 03:22 PM
يا سيادة حكومة الخرطوم منذ متى كانت الحكومة بتدعم المواطن كدى وروني متين يا جماعة الخير دة اسوأ حكومة تمر على السودان منذ ان بدأت الخليقة مافي نظام في الدنيا سوى السوتو حكومة الانقاذ شكيناكم على الله يوم يقوم الناس لرب العالمين هلكتم الزرع والضرع وضايقتو الناس في لقمة عيشهم اصلوا انتو من اين اتيتم ؟ قال سندعم المواطنين من اين ؟ طبعا نعرف ان الكيزان اغنياء وممكن اصلحوا البلد لان كل شيء بيدهم هم التجار وهم الماسكين كل دولار لافي في البلد او اي عملة صعبة في النهاية بتصل ليهم شكوانا لله ؟


#749896 [hazim]
5.00/5 (1 صوت)

08-22-2013 03:17 PM
العملية ساهلة جدا,ان تقوم الحكومة بتوريد مصانع طوب الاسمنت التركية,مصانع عملية جدا و سريعة الانتاج (1000 طوبة في اقل من نصف ساعة) و تدعم اسعار الطوب مؤقتا.كما ان على الحكومة تشجع ابحاث البدائل في البناء...مثلا بناء هيكل القطية بالحديد بدلا من الحطب (كما في القضارف),هياكل الرواكيب و دعامات الاسوار بالحديد..بهذا نحافظ على القطاع الغابي الذي اوشك على الانقراض


#749885 [توفيق صديق عمر]
5.00/5 (1 صوت)

08-22-2013 03:09 PM
بناء المساكن وين؟
في نفس الخيرانةومجاري السيول ولا في اماكن اخري ياربي؟


#749876 [siam]
0.00/5 (0 صوت)

08-22-2013 03:02 PM
مصائب قوم عند قوم فوائد والله هولاء سوف يستغلوا هذه الكارثة وسوف يصدروا قرارا لكك الذين يسكنون فى مناطق صالحة للاستثمار ويمنعوا اهلها من تشيد منازلهم مرة اخرى بحجة ان هذه المناطق غير صالحة للسكن وسوف يتم تعويضهم فى مناطق اسواء ويقومون بعد فترة ببيعها استثمار لتتحول الى جيوبهم الخاصة.. احذر المواطنين بان هذه المسرحية فى فترة الحبكة اعملوا حسابكم وخلوا سكاكينكم وسيوفكم وخراتيشكم جاهزة ..اكيد ح ارحولوا ناس كنيرين بالقوة ..فتحوا عيونكم ياناس هوووى ما فضل فيه شى وصلت الطنقوق.. بيوتكم ح تتوزع بزننس مزارع وشاليهات ..خلوا بالكم


#749859 [انصاري]
5.00/5 (2 صوت)

08-22-2013 02:46 PM
وليه ما يسكنوا كافوري بالمرة عشان تنتهي المشكلة تماماً.. كما إنتهت عند بعض سكان كوبر وحوش بانقاالسابقين.. وأمراء آل كافوري.. أو (كابوني).. حالياً لا فرق..؟!! حتى ولو بفضل الظهر..


#749841 [الغاضبة]
5.00/5 (1 صوت)

08-22-2013 02:33 PM
لا يا جماعة الحكومة قصدها انها ح تدي لكل سوداني فقير بيت مكتمل البناء في مناطق متكاملة الخدمات فلا حاجة للمواطن لبناء بيت جالوص في مناطق عشوائية وعلى مجاري السيول... ما تفهموها غلط


#749802 [شكمان مكرفس]
5.00/5 (4 صوت)

08-22-2013 01:58 PM
هو على كيفكم والله نبنيها من الورق زاتو وما في واحد فيكم يقدر يمد إيدو يا حرامية


#749792 [smileman]
5.00/5 (2 صوت)

08-22-2013 01:51 PM
هل تعلم ولاية الخرطوم كم سعر طن الاسمنت اليوم ( 1000 جنيه ) فكيف يتسنى لعامل بسيط ان يبنى بالطوب والاسمنت او البلك والاسمنت ام ان الولاية لا علم لها بما يجرى فى سوق الاسمنت - لم يحدث فى تاريخ السودان ان يصل سعر جوال الاسمنت 50 جنيها - رحمة بالمواطن يا ولاية وكفايه استهزاء بالمواطن


#749786 [عبد الجبار احمد]
5.00/5 (1 صوت)

08-22-2013 01:45 PM
أشك ان توفر ولاية الخرطوم المعينات المناسبة للبناء لهؤلاء المساكين في ظل وجود هؤلاءالحرامية على كراسي السلطة . أعتقد الحل هو اعفاء كل مواد البناء من اي نوع من الضرائب والاتاوات مهما كانت سواء كانت اتحادية او ولائية حتى تصبح هذه المواد في متناول الجميع لكي يبنوا منازلهم بطريقة لائقة


ردود على عبد الجبار احمد
United States [حسكنبت] 08-22-2013 03:02 PM
صحى النوم يا زلوط


#749776 [احمد محمد]
3.00/5 (2 صوت)

08-22-2013 01:36 PM
أعطوهم الشبكه بدلآ السمكه أرفعو الجبايات عن الأسمنت وكفى!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ردود على احمد محمد
[زول] 08-22-2013 02:33 PM
الاسمنت دا محتكراه عناصر الحزب الحاكم وعلي رأسهم علي كرتي ومتحكمين في السوق ما في جبايات ولا يحزنون بس يفكوا الاحتكار


#749774 [المتجهجه بسبب الانفصال]
5.00/5 (7 صوت)

08-22-2013 01:35 PM
ده العذر الوصلتوا ليهو وانتو جيتو من نمرة اثنين ما اغلبكم جايين من بيوت جالوص ليه ما وقعت فيكم لمن كنتو شفع صغار قبل ما تكبروا ،، لأن التخطيط كان صحيح مش تخطيط الهبروا ملوا وبالمناسبة المناطق الوقعت دي أغلبها تم توزيعها في عهدكم مما يدل انو المشكلة مش في بيوت الطين بل في التخطيط وفيكم انتو وفي نزاهتكم،،، كما ان هذا القرار يصب في مصلحة علي كرتي محتكر الاسمنت والسيخ ،، ان كنتم صادقين افتحوا باب التوريد للاسمنت والسيخ للجميع وبدون جمارك وقيمة مضافة الا بنسبة بسيطة جدا عشان نجيب ليكم الاسمنت من السعودية الشوال بربع قيمة الاسمنت ماركة كرتي ،،،،


ردود على المتجهجه بسبب الانفصال
[ABU SHAWARIB] 08-22-2013 03:21 PM
نؤيد ماكتبتموه


#749773 [المظلوم السوداني]
5.00/5 (1 صوت)

08-22-2013 01:33 PM
قولوا والله ... برضو ما ح نصدقكم قال مستلزمات بناء قال ...


#749766 [منصور محمد صالح محمد صالح]
5.00/5 (1 صوت)

08-22-2013 01:18 PM
وهكذا دائماً تعمل الحكومة من اجل الشعب،،،تدعم المواطنين بالبلوك إلا سمنت وتهتم بالمواطن وتحرص علي مصلحته،،،فهنيئا لشعبي بهذه الحكومة ،،،منصوررمحمد صالح العباسي


#749759 [انقاذى غارق فى الفساد]
5.00/5 (4 صوت)

08-22-2013 01:06 PM
مارى انطوانيت والجاتوه عوضا عن الخبز



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة