الأخبار
أخبار إقليمية
لماذا ولمصلحة من تشترى الطائرات المقاتلة؟!
لماذا ولمصلحة من تشترى الطائرات المقاتلة؟!
لماذا ولمصلحة من تشترى الطائرات المقاتلة؟!


08-23-2013 05:19 AM
تعاقدت الحكومة السودانية مع إحدى الشركات الروسية على شراء (42) طائرة هيلوكوبتر. استلمت منها (18) في العام 2012 وتعد الشركة بتسليم(24) طائرة أخرى . السؤال الموضوعي الذي يفرض نفسه هو: لمصلحة من تشترى هذه الطائرات في وقت يحتاج فيه شعب السودان المنكوب بكارثة الأمطار والسيول إلى الخيام والمأوى الآمن والقوت الضروري وتصريف المياه التي تحيط بما تبقى من المساكن وتهددها بالانهيار التام على رؤوس ساكنيها؟!ويراقب بخوف الفيضانات التي تؤشر بها المحابس المائية في الارتفاع المتصاعد للمياه،

ذكرنا من قبل وسنظل نكرر أن حكومة حزب المؤتمر الوطني لا يجمعها جامع مع شعب السودان الذي يعاني من الكوارث المتوالية. فهي حكومة للرأسماليين الطفيليين المستعدين لامتصاص دم الشعب في سبيل الربح السريع من الصفقات المشبوهة، والتصرف في مواد الاغاثة ، وبيع الأراضي في الحفر والمصارف والخيران ومجاري السيول.

أكد ما كتبناه في هذه الصحيفة والي ولاية الخرطوم ومسؤولون متنفذون في السلطة والعديد من النواب داخل المجلس الوطني بشنهم هجوماً عنيفاً على الحكومة (حكومتهم) لتخطيطها وبيعها منازل سكنية في مثل هذه الأماكن. وطالبوا بالقبض على من فعلوا ذلك. وذهب بعضهم إلى قطع أيدي سارقي مواد الإغاثة.

ومن بين هؤلاء المسؤولين رئيس المجلس الأعلى للدفاع المدني الذي اعترف بوجود أخطاء هندسية مزمنة في كل مدن السودان. وقال:( اذا قلنا الحكومة تعمل مصارف دائمة ما بتعملها لما القيامة تقوم).

كذلك وجد عدم إعلان الحكومة للسودان منطقة كوارث استنكاراً حاداً وطالب بعضهم بعدم التحدث باسم المنكوبين لأن الذين يقولون بذلك هم غير متضررين. وهم يتفقدون أحوال المنكوبين بطائرة هيلوكوبتر بدلاً من خوضهم الأوحال ليتحسسوا عن قرب مدى معاناتهم.

ومن تجاربنا التي لاتحصى مع المجلس الوطني أن ما قيل فيه لن يكون سوى زوبعة في فنجان ولا يخرج من فرقعة الطبل الأجوف الذي قصد به امتصاص الغضب الكاسح لشعب السودان. وأنه سينتهي بانتهاء الجلسة التي قيلت فيه. لأن معظم من آثاروا هذه الزوبعة أعضاء في المجلس الوطني منذ تكوينه. وظل الحديث يتكرر كل عام على مدى ربع قرن من الزمان وظل الحال على حاله.

شعب السودان وعلى رأسه شبابه وشاباته من مختلف القوى السياسية لا ينتظر تصرفاتهم الجوفاء، بل تصدى لنجدة أهله وسيظل في غرفة عملياته النشطة يقظاً وفاعلاً كل ما بوسعه لانقاذ ما يمكن إنقاذه.
الميدان


تعليقات 10 | إهداء 0 | زيارات 3692

التعليقات
#751091 [سامي]
0.00/5 (0 صوت)

08-24-2013 01:01 PM
طائرات كلها secondhand الهواء يرميها وكلهاعمولات ولعب . الله كريم علينا.اذا اقيم العدل فى البلاد فلسنا لحاجة لمثل هذا الكم من الحديد الخردة .


#750924 [الزول معتصم]
0.00/5 (0 صوت)

08-24-2013 10:21 AM
ياخ معقول كيف سلاح شنو اى بلد لابد تتسلح لمواجهة اى عدوان وقبل فترة جنوب السودان ما رتبت لشراء دبابات طائرات ليه ما اتكلمتو عنها اتمنى ان لا تقيسو بمكيالين والسلاح لابد منه وعشان ما تقولى انا والله العظيم ما مؤتمر وطنى


#750709 [مراقب]
0.00/5 (0 صوت)

08-23-2013 09:17 PM
الحكومة تشتري الطائرات لتحمي نفسها من الحركات المسلحة ،وإن لم يكن للحركات المسلحة ما تدافع به عن نفسها من تلك الطائرات فإن عليها الجلوس مع الحكومة في أقرب وقت للوصول إلي وفاق وطني والعمل من الداخل لتوصيل أفكارها وبرامجها من أجل نهضة وتنمية جميع أقاليم السودان ، وعلي الحكومة في هذه الحالة التواضع والسماع بقلب مفتوح لجميع ما تتقدم به هذه الحركات ومناقشتها علي نطاق واسع والوصول الي حلول مرضية لكل الأطراف ،وذلك بغرض توفير مواردنا الشحيحة وتوجيهها نحو التنمية والبناء بدلا من إهدارها في حروب لا تعود علينا إلا بالدمار في الدنيا وبسؤ المصير في الآخرة.


#750683 [مواطنة]
0.00/5 (0 صوت)

08-23-2013 08:09 PM
طائرات هيلوكوبتر وكمان روسيا وين في السودان ليه عشان شنو تحارب بيها منو الناس محتاجين للقروش دي انت تمشي تشتري بيها طائرات بس اعرف داير تحارب بيها منو ليكون احنا الشعب والله حرام عليك ياخي انت اصلا ما هاميك الشعب كل يوم ناطي لي من دولة لدولة هنا الناس ميتين من الجوع والبرد والارض الناتجة من السيول وانا ما عارفة الشعب ساكت وصابر ليه الله يعينا


#750644 [abdallah]
0.00/5 (0 صوت)

08-23-2013 06:44 PM
يا البشير ياخي سلاح لشنو؟ وانتو بتحاربو ياتو دوله؟ لعنة الله تغشى كل ظالم يا البشير ان شاء الله سرطان مخ يفتك بيك زي ما فتكت بالشعب السوداني


#750638 [متمحن فينا]
5.00/5 (1 صوت)

08-23-2013 06:36 PM
الأنقاذ ماقالت ليكم :
(حنشيد نحن بلدنا وحنفوق العالم أجمع)
أصبرو بس


#750609 [مدحت عروة]
4.00/5 (3 صوت)

08-23-2013 05:55 PM
ما بتكون الطيارات دى عشان تحرير حلايب والفشقة وحراسة الحدود من الاجانب وبد داك لاسترجاع القدس!!!!
يعنى انتوا قايلنها لحماية النظام؟؟؟؟؟
هو نظام الانقاذ ده مما جا حارب منو غير المعتدين الاجانب من مصريين وحبش وغارات متواصلة على اسرائيل!!!!!!!!!!!
بالا يا الجهلة والغوغاء كبروا وهللوا ما اصلكم ضان ساكت واعنى مؤيدى الانقاذ!!!!!!!!!!!!!
هسع فى اى دولة اجنبية تقدر تهبش السودان البقى فى عهد الانقاذ قوة عظمى وفاق فى تصنيع وتصدير السلاح اسرائيل ذاتها؟؟؟اسالوا اى مسؤول فى المؤتمر الوطنى اكان انا كذاب!!!!!!!!!!!!!!!!!!والهنود المحكومين بنظام مدنى ومدنيين دلاقين ساكت وليس بجنرالات جيش ما قادرين يصنعوا طلقة واحدة خليك من قنابل نووية وحاملات طائرات وهلم جرا!!!!!
السودان فى عهد الانقاذ بقى يخلى اسرائيل وامريكا يرجفوا لمن يسمعوا اسم السودان!!!!!!
المصريين استعجلوا فى اقصاء مرسى هسع كان السنة الجاية رمى ليهم مصر آسف اقصد اسرائيل فى البحر!!!!!تكبير تهليل!!!!!!!
كسرة: هسع الانقاذ دى اكان سقطت تانى نتريق على منو ؟؟؟؟؟؟


#750551 [الزعيم]
5.00/5 (1 صوت)

08-23-2013 03:56 PM
اوافق الاستاذ عوض المختار في كل كلمة كتبها....يجب ان لانخلط بين الاوراق كل شئ ليه درب يختلف عن الاخر واعتقد ان امن البلد من الاولويات لان بدون امن لايمكن ان يكون هناك اصلا ناس يتضررو من السيول والامطار...قليل من الموضوعية


#750469 [اليشير الهمبول]
4.00/5 (1 صوت)

08-23-2013 12:40 PM
سعر هذه الطائرة الحقيقي بين 500 الف الي 2 مليون دولار طبعا حسب التجهيزات لكن لطبيعة اخلاق الذين عقدوا الصفقة طلع سعر الواحدة 8 مليون دولار بالرغم من انها لم تجلب لاستعادة حلايب ولا الفشقة لكنها جلبت لتقتيل المواطن المقتول اساسا في جنوب كردفان و النيل الازرق


#750463 [عوض مخحتار]
5.00/5 (1 صوت)

08-23-2013 12:26 PM
سلامات
كان السؤال يجب أن يكون لمن تصنع الطائرات ؟؟؟؟وفى ماذا تستعمل ؟؟؟أخى أنا لست مؤتمر وطنى ...لكن يجب أن لا نخلط الأوراق المعرضة معرضة ...والعمل عمل ...وإغاثة الملهوفين فى السيول واجب وطنى وحكومى ...كذلك شراء الطائرات ضرورة مثله مثل شراء الدزاء والغذاء ...حكومة السجم هذه لو عايزة تبنى سد ...نصيح لا للسد ...ولو عايزة تبنى سكن نقول لا للسكن ...وهكذا نصبح الأسوأ فى كل شىء ...يا جماعة الخير عارضوها إلى أن تسقط ...لكن كمان خلوها تسوى شىء ...عشان ما تتسرق كل أموال البلد خلونا نتعوض حاجة
عوض مختار
ملبورن أستراليا


ردود على عوض مخحتار
United States [ود كرف] 08-23-2013 10:05 PM
يا عوض مخ طار ربنا يرجعو ليك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة