الأخبار
منوعات سودانية
المواطنون يجأرون بالشكوى من ارتفاع عشوائي في تعرفة المواصلات
المواطنون يجأرون بالشكوى من ارتفاع عشوائي في تعرفة المواصلات
المواطنون يجأرون بالشكوى من ارتفاع عشوائي في تعرفة المواصلات


08-24-2013 05:42 AM

الخرطوم – ياسمين أحمد

شكا عدد من المواطنين بولاية الخرطوم من استغلال سائقى المركبات العامة (الحافلات والهايس) لهم، وزيادة تعرفة المواصلات إلى الضعف، مستغلين تأخر الوقت وحاجة المواطن للمواصلات، فى وقت وصفت فيه جمعية حماية المستهلك الرقابة على المواصلات العامة بالضعيفة .
ورصدت (المجهر) ارتفاع تعرفة مواصلات الخرطوم - (الكلاكلة) و(مايو) إلى جنيهين بدلاً عن جنيه ونصف الجنيه نهاراً، وتصل تعرفة خط (أمبدة العاشرة) إلى ثلاثة جنيهات بدلاً عن جنيه ونصف الجنيه.
ونبه عدد من المواطنين إلى انعدام الوازع الديني والأخلاقي لدى بعض سائقي الحافلات وملاكها واستغلالهم للأزمات وقالوا : حتى العربات الصغيرة (التاكسي والأمجاد) تضاعف أسعار المشاوير الخاصة في هذا الوقت. واقترحت جمعية حماية المستهلك للحد من الظاهرة تحديد التعرفة، عبر تذاكر يتم توزيعها لأصحاب الحافلات بأسعار معدة مسبقاً، وتنتهي في فترة محددة.

المجهر


تعليقات 7 | إهداء 0 | زيارات 2381

التعليقات
#751457 [أبو محمد]
0.00/5 (0 صوت)

08-24-2013 10:45 PM
والله انا متمني تكون تسعيرة المواصلات 10 جنيه لانكم شعب خائب وحكومة البشير كتيرة عليكم قبل فترة احتجينا من تسعيرة المواصلات مع مجمو عة من الشباب في سوق ام درمان قاعدين نكورك وحلقتا وجعنا والناس قاعدين يتفرجوا علينا كأننا مجانين والله ياشعب السودان تستاهلوا اكتر من كده ومن ديك انا خليت ليكم البلد لانه شعبها زاتو ما منه رجاء


#751287 [مجروف سيل]
0.00/5 (0 صوت)

08-24-2013 05:21 PM
قبل يومين كنت راكب مواصلات العاشرة امبدة الكمسارى كان بكورك العاشرة جنيهين انا طبعا كنت كغيرى من المواطنين الجبانين حاولت اركب اولا بعدين اتفلسف بعد ما اضمن المقعد طبعا, خلفت رجلى وسألت الكمسارى بصوت عالى وفيهو شوية هرشة كدا إنتو ناس إستغلالييين وماعندكم أى ضمير الواحد يركب معاكم الصباح بجنيه ونص واخر اليوم بجنيهين ليه عدم الضمير والسرقة اللى على عينك ياتاجر دى وقبل أن يتكرم الكمسارى بالرد على هرشتى إنبرى لى أحد الركاب وبصوت أشبه بالتوسل:عليك الله يا بن العم أسكت خلينا نوصل نحن والله ماصدقنا لقينا حاجة توصلنا. حينها عرفت انو الموضوع اكبر من إستغلال كمسارى. عرفت انو المشكله فينا نحن كل واحد منتظر التانى يظاهر ويموت او يعتقل عشان ينعم هو بمكاسب الثورة والمظاهرات نحن ياساده اجبن من ان نغير الباطل بقلوبنا ناهيك عن الايدى واللسان. إذا لم نغير ما بأنفسنا ونطرد هذا الجبن الذى يعشعش فى دواخلنا ونكنس الأنجاس الذين تسببو لنا فى هذا الوضع البائس فهنيئا لاهل الانقاذ بنا والسمع والطاعة لاصحاب الفخامة أبوشلاليف وابو رياله إلى يوم القيامة.
وياطن المرض والجوع
شنو الــراجينا يوم باكر
نحبك نتكتب أوغاد
وحالنا تحنــن الكافــر
شبابك بكرهــك جدا
منو الماحلمو مايهاجر
قدر مانزرع الأحلام
نقاسي المرة ونكابر
بنحصد كوم من الالام
وبنزف جرحك الغائــر
تموت فى دربك الآمال
يظل موج الدموع دافــر
فيا وطن البقاء للخوف
صبح ورد الحنيــن ذابل
شبابك من قساوة الحال
بيسكر أو بيتسطل
يعيش فى عالم التوهان
بشوف لون الدماء أخضر
كرهت الــذل
مبارات الحيط للظل
مرقتا على شوارع الخوف
لقيت فيها الأماني شتــر
فحيح وزحيح
أفاعي كلاب عيونا حمر
بتقـتـل فى وطن تاريخ
وربنا وحدو هو البيستــر
اذا مامتا ورينا
عشان ماساي نظل نصبر
هيا وطن الحقيقة بقيت
مهازل ماشة تتبختــر


#751231 [Sarah]
0.00/5 (0 صوت)

08-24-2013 03:29 PM
الوازع الديني دا بس انعدم عند بتاعين الحافلة واصحاب الرقشات !!!!!!!!!!! حرام عليكم الوازع دا مفقود من اهل الحكم الكبار الحرامية واللصوص وسارقي القوت ..ياخي في زول يسرق الاغاثة !!تحاربوا المواطن المسكين دا في شوية المعونات الجاتوا من برا ! ماحارم عليكم الله ؟ تفوا عليكم اولاد الكلب


#751202 [sudani]
0.00/5 (0 صوت)

08-24-2013 02:51 PM
الوازع الديني عند اصحاب المواصلات فقط هو العاملين فيها مولانات وبصلو با الناس ماعندهم وازع ديني الا من رحم ربي ودي حاجة اندثرت في العالم بالذات وفي السودان خصوصا وهذا زمان النفاق في كل شي عموما البلاد دخلت في منعطف خطير جدا لا خروج منه بتاتا حتي ولو اتي من يحكم غير الانقاذ(خلاص باظت الا في نظر الحالمون اصحاب المصالح الشخصية)


#751194 [بيبو]
0.00/5 (0 صوت)

08-24-2013 02:43 PM
فى وقت وصفت فيه جمعية حماية المستهلك الرقابة على المواصلات العامة بالضعيفة .؟؟؟؟!!!!
طيب ياجمعية انتو دوركم شنو ،قبل كم يوم زيادة اسعار السلع برضو قلتو الرقابة ضعيفة ؟؟
يعني هل مهمتكم بس هي التبصير بان هنا رقابة ضعيفة وهنا شديدة ؟؟؟!!!
انتو سموكم حماية وليس رقابة المستهلك !!!!
بالله عليكم الله دا كلام ؟؟!!
يا اما يكون دوركم فااااعل لمن بهناك وتقدروا تصدروا قرارات صارمة ومجدية ولا اقلبوا الجمعية دي كشك مرطبات أفيد !!!!
اللهم لا نسالك القضاء ولكن نسألك اللطف فيه ياقادر ياقدير


#751137 [mohd]
0.00/5 (0 صوت)

08-24-2013 01:50 PM
اذا كان رئيسكم ومسئوليكم ووزرائكم وجهاز امنكم وشرطتكم ما عندها اخلاق ولا وازع ديني وغارقة في الفساد الى اذنيها

منتظرين السواقين يكونوا عندهم اخلاق ووازع ديني ؟

اذا كان رب البيت للدف ضارب فيشيمة اهل البيت الرقص

الله المستعان


#751028 [elffatih]
5.00/5 (1 صوت)

08-24-2013 11:58 AM
والله فى استغلال حاصل لكن المواطن بلعب دور برضوا فى هذه الزياده
موقف
مرة ركبت من موقف كركر ( السكه حديد ) متجها الى جبرة حوالى الساعه 7مساءً سمعت احد سائقى الهايس ( ملاكى ) يقف داخل الموقف ويصيح بان جبرا النفر 2جنيه ركبت معه والحافله مرقت وعندما طقطق الكمسارى لأخذ حق الاجرة من كل نفر كل الركاب اعطوه 2جنيه
الا شخصى اعطيته 1500جنيه قام الكمسارى هاج وانا قلت ليك من قبل ان تركب وكل الركاب وقفوا ضدى
الزول دا وراك من تحت وانت زول جعان والوقت متأخر ودايرين نصل والزول دا عربتو ملاكى يشحن بالسعر الهو عايزوا

قلت ليهم كلكم اسكتو يا جبانين وانا ما بدفع اكتر من التعريفه المعوفه وكان ما عاجبوا خلى يمشى القسم
الفهم يا شباب ليس فى انو ندفع 2جنيه ولا 1500 لكن الصاح صاح واتمسكت بكلامى

وقلت للسائق انت لو ملاكى عندك حالتين
اما تمش تاخد تصديق للعمل بخط جبرا وتلتزم بالتعرفه بتاعت جبرا وهى 1500للراكب
واما ما عندك تصديق فلا يصح لك الوقوف وشحن سيارتك من داخل هذا الموقف لانه مخصص للتجارى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة