الأخبار
أخبار إقليمية
عاجل ومهم لـ " مصر" ..!!
عاجل ومهم لـ " مصر" ..!!
عاجل ومهم لـ


08-24-2013 06:10 AM
التجاني حاج موسى

إيه البيحصل فيك يا مصر؟!
سحروكي، ولا انصبت عين؟!
إيه البيحصل فيكي ده؟!
ما تقولي يا "سيدنا الحسين"..
إيه غير أحوالك وجالِك
إتخبَّى فيك شيطان رجيم؟!
جالِك في غفلة من الزمان،
وسوس وشال منك يقين؟!
عيني على الصبية الصغار
وكل الغلابة المتعبين
إيه غيّر الأحوال يا أم الدنيا؟!
مين غيَّر أحوالك لي طين؟!
فينك يا "عبد الرحمن" ما تكتب
"أبنودي" وينك إنت فين؟!
ما دول حبايبك إلِّي إنت تحبهم
أتبحَّ صوتك ولا ضاع فيك الحنين؟!
إيه غير أحوالك يا أم الدنيا
كنت رايقة وبقيتي طين؟!
وكلامي نابع من محبة
مش نحن أحباب من ملايين السنين؟!
يا أخواني روقو واسمعوني
أصلوا الِّي حاصل.. شكلو شين..
إيش حول أم الدنيا من جنة نعيم..
بركان بيغلي في كل يوم
نار من جحيم!!؟
يا حسرتي في دم الشباب
عمّال يروح في رمش عين!!
وإزَّاي يجيلي النوم وقدامي شايف المسلمين
يسيحوا في دم بعض..
متخاصمين.. متعاركين.. متشابكين!!
ما كنتو أحباب طيبين!!
والعيشة معدن منذ آلاف السنين
ما بين نصارى ومسلمين
ملعون أبو الدنيا إلِّي برخص فيها
دم مولود فطيم..
والمرسي "أبو العباس"
وشيء لله يا سيدي "الحسين"..
ويا "بدوي" طنطا
ما إنتو هم الصالحين.
إهدوا وروقو
خلونا نحسبها.. إيه تسوي كل المشكلة
عشان تموتو في غمض عين؟!
مكسوف أنا والنيل..
محتار مساهر الليل..
ويا ليل يا عين يا ليل
فينك يا "عبد الناصر"
شوف ولادك ديل
وإيه غير الأحوال
وبدَّل غنا الموال؟!
وإيش جاب لي جاب
تعَلالي شوف يا جميل
ونسيتو صوت "عبد الحليم"
واحشني يا "عبد الحليم"
وصوتك بيسري كما النسيم
وطني حبيبي
وطني الأكبر
يوم ورا يوم
أمجادو بتكبر..
ودلوقتي حنغني ونقول:
يوم ورا يوم
صفاهو بيعكر!!
وآخر الكلام يا أخوان
شاعر من السودان
عايز يقول كلمات
خلونا ننسى الفات
الثورة يا إخواتي
الثورة مش تدمير..
وإزهاق لي روح الغير
الثورة هيَّ النور..
بتعدِّل لي كل أمور
واحترام للرأي
إنت وكمان الجاي..
وثمرة حوارنا الخير
رأيك ورأي الغير
ونسخر من الشيطان
ويخضرَّ كذا فدان
وعَرَق السواقي يسيل
ويضحك معانا النيل
ونصدح مواويل ليل
وندْرين عليَّ وأقول:
"ح أدبح خروف ع النيل
وأغني "ليل يا ليل"
وأوزِّع الشربات
زمن الفواجع يفوت
وشيطانو يغطس يموت
ويا أخويا يا ابن النيل
همَّك يهد الحيل
وليه يا بلد يا أصيل
تسمح يجيكَ عميل
مأمور من الشيطان
اسمعني وافهمني
يا مصري يا إنسان
يا حبيبي يا فنان
واسمح لي تاني أقول
إيه البيحصل وليه؟!
سؤال.. ورُدّ عليه!!

المجهر


تعليقات 64 | إهداء 0 | زيارات 5046

صفحة 1 من 212>
التعليقات
#765522 [الفقير]
0.00/5 (0 صوت)

09-14-2013 02:00 AM
مقاطع كثيرة من القصيدة لم أستوعبها (ربما لعدم إلمامي بالشعر) ، و قلت في نفسي ربما وجدت ضالتي في ثنايا التعليقات ، لكنني لم أجدها !

إحتراماً لتقديرنا لمقام بعض الأخوة المتداخلين لن أضيف المزيد .

تساءل الشاعر التجاني عن غياب صوت الشاعر المصري عبد الرحمن الابنودي ، في أبياته :
فينك يا "عبد الرحمن" ما تكتب
"أبنودي" وينك إنت فين؟!
ما دول حبايبك إلِّي إنت تحبهم
أتبحَّ صوتك ولا ضاع فيك الحنين؟!
و لعلمي المسبق بأن الشاعر عبد الرحمن الأبنودي صاحب كلمات حرة تعبر عن وجدان شعبه ، رأيت أن أشارك قراء الراكوبة أعماله .
و هذه مقاطع من قصائد عبد الرحمن الأبنودي :

رابط : http://new.elfagr.org/Detail.aspx?nwsId=415077&secid=1&vid=2#
موقع الفجر : مقتطفات مما كتب بولاد ناجى بتاريخ 8/30/2013
ألقى الشاعر الكبير عبدالرحمن الأبنودي، عدد من القصائد، رد فيها على البرادعى والشباب المتعاطف مع الإخوان والنخبة الحالية من المثقفين وعودة جهاز أمن الدولة ، خلال حواره مع الإعلامي خيري رمضان في برنامج "ممكن" على شاشة "سي بي سي".

1. وجاءت أول قصائده رد على تعاطف بعض الشباب مع الإخوان:
أهل التربص بالثورة وأنت بتدافع عنهم..صدقنى أنت أكيد منهم وكلوا يتفسر بكره
الحزن مترب منين للقلب.. وليه ماهوش راضى يبارحنى
يمكن عشان شايف ولاد الكلب..يتوسلوا لاعدائى تصالحنى
ابنى اللى دايما بيخونى..بنفس فكره الشيطانى
واطلع من الثورة..كأن اللى عملها واحد تانى
(و فيها أيضاً هذا البيت) :
ويا ريس المركب يا حلاوتك ياللي سواقتك عجباني.. من كتر خوفنا على راحتك هنشوفلها ريس تاني.. هنشوفلها ريس تاني
================================
و جاء في رد الأبنودى على البرادعى:
طبعك يخالف طبعي
كما كنت كون يا عم
مبروك عليك يا برادعي
برستيجك أهم
==================================
رد الأبنودى على النخبة الحالية من المثقفين :
شغال يا سيرك البنى آدمين
قرود هايصة مع أسود
زى اللى لبسوا هدوم الدين
وعليها دم فرج فودة
===================
2. و قصيدة أخرى :
من موقع الشعر و الأدب و التراث – الرابط : http://benzaben.blogspot.ae/2012/01/blog-post.html
كلمات قصيدة الحمامة أم غصن زتون ودراويش الميدان – للشاعر عبدالرحمن الأبنودي
مقاطع من القصيدة :
ملعون ابوها الحمامة ام غصن زتون
معمولة لاجل الضحايا يصدقو الجلاد
يا ايد يا متكتفة..
يا ظهر ياما انجلد..
يا طفل..مين ورثك الاحتمال والجلد؟
يا طفل بهموم رجال..
يا بنت..قبل الولد..
يا أرض تطرح حصى..
يا قلوب بتطرح عند..
مين اللي قال الكلاب تسكن عرين الاسد؟!!
================= مقطع أخر :
نسكتوا ولا نحاول؟!!!
لأ.. نحاول..
حبيبتي..كل ما بنسى،تفكرني الحاجات بيكي..
ائنك تدمعك عيني..كأني مش هغنيكي..
دمايا متستهلش تكون كُحلة ليلة لعنيكي..
وأنا الدرويش..
أنا السابح بمسبحتي.. ومبخرتي..
وتوبي الخيش..
أغنيلك..
وأموّلك مواويلك..
ماتسمعنيش.. ولا تشوفينيش..
ومش لازم..ما دام عايشة..
ما دمت بعيش..
وياما بيكي عقلي اتجن..
=============== و أيضاً جاء في نفس القصيدة :
أنا قبرك وأكفانك..
وأنا الشمعاية في حفلك..
أنا الجاهل لكن باقرأ..
وبافهم غاية النظرة..
أنا دارك وانا أهلك
وانا وردك وانا نسلك
انا رغيفك وفرّانه
وحطب النار..
وزيتونك وزتّانة..
أنا القاطف وانا العصار..
واسلامك وقرآنه..
وقلبي..منشد الأذكار..
أنا العابد..
أنا الزاهد..
أنا اللي يحب..مايلومنيش
انا العاشق..
أنا الدرويش..
صلاة الثورة ماتفوتنيش..
ودم شهيد يوضاني بماء تاني..
بماء من نبع نوراني..
==================================
[يعني الابنودي صاحي و متابع و مشارك]


#751838 [الماصع]
0.00/5 (0 صوت)

08-25-2013 01:32 PM
دا شنو يا (طههارة) الشلك؟ هي غلفاء وشايلة (موسا)


#751800 [عماد عبدالعزيز الصائغ]
0.00/5 (0 صوت)

08-25-2013 12:47 PM
هاردللك استاذ تجاني (لكل جواد كبوة)


#751748 [Tatto]
5.00/5 (1 صوت)

08-25-2013 11:53 AM
أمي الله يسلمك من التفاهات دي.

يا دكتور... العرقي ده ضارب


#751654 [الخريف الجانا]
0.00/5 (0 صوت)

08-25-2013 09:42 AM
التجاني حاج موسي

كنت كبير في عيونا لما كتب اجمل الكلمات واتغنت باجمل الالحان كانت كلمات صادقة من شخص (كان صادق)

بس القصيدة الركيكة دي ما بتشبهك انا بقراء فيها حقيقي كرهتك وكرهت كل كلمة جميلة انت كتبتها قبل كدة

والغريبة حضورك في السنوات الاخيرة في المسابقات والاحتفالات كان خصم علي رصيدك جوانا كلها كانت هزيلا ومفتعله بقيت تلهث عشان تكون حاضر ونسيت انك ليك مكانه في ذاكرة الزمن الجميل ولوثت سجلك بمجارات منتسبين في دنيا الابداع والنغم والمصيبة كنت مشارك في مهزلة هبوط وسقوط الذوق العام بتشجيع كل من هب ودب انو يغني

مصيبة اكييييدة لو انك فعلا كتبت الهلس الفوق دا


#751609 [المتجهجه بسبب الانفصال]
5.00/5 (2 صوت)

08-25-2013 08:56 AM
اثار ابن الشاعر محجوب سراج موضوع الديوان المفقود لوالده وهو الديوان الوحيد له ولا يملك نسخة اخرى ولا اي نوع من التوثيق فقد فقدت الاوراق التي تحمل مخطوطات القصائد والافكار اثناء الانتقال من منزل لآخر.. ومن تصفح الانترنت وجدنا ما سبق ونشر بخصوص الديوان المفقود وما نشرته صحيفة الصحافة وقتها عن اتصالات مطولة مع الاستاذ محمد يوسف موسى رئيس اتحاد شعراء الاغنية وان ما يعرفه هو ان الديوان بحوزة الأستاذ التجاني حاج موسى وقال ان هذا الديوان اجزناه في المجلس القومى للثقافة والفنون سنة 1978م وكان رئيس المجلس يومها هو الراحل مبارك المغربي... عنوان الديوان كان فعلاً هو «الجرح الابيض»... كان معنا في اللجنة الأستاذ الشاعر سيف الدين الدسوقي.
وفي يونيو «2004م» ذهبت لمحجوب سراج بمنزله بصحبة ابنى مامون والصديق ابراهيم موسى وهناك اخبرونى بان الديوان «الجرح الابيض» قد فُقد!! ويقول الاستاذ محمد يوسف ردًا على ما قلناه له بأن الأستاذ التجانى ذكر ان الديوان بمجمله هو هذه القصائد المسجلة بادارة حقوق المؤلف؟؟ قال محمد يوسف ان الديوان كان يحمل اكثر من ثلاثين قصيدة!
وعن موقف الاتحاد تجاه القضية يقول الأستاذ محمد يوسف انها لا تخصهم وانها تبقى شأنًا خاصًا بين محجوب سراج والتجانى حاج موسى وان الاتحاد ليس طرفًا في هذا الصراع. والى يومنا هذا لم يظهر الديوان وضاعت شاعرية وانتاج شعري قد لا يتكرر رغم انه يقول انه لا ينسى اغانيه ولكن هل بعد تراكم الإحباط والحاجة مع المرض شيء يقال..

_______________


#751562 [مونتي رغلو]
0.00/5 (0 صوت)

08-25-2013 05:15 AM
اها وكتبت شنو في دارفوووووووووووووووور ؟؟؟؟؟؟


#751522 [nazar]
5.00/5 (1 صوت)

08-25-2013 01:21 AM
سخيفة جدا........... ومصر سبب فشل السودان يااستاذ وخلينا ف واقعنا احسن


#751477 [صلاح بشير الكواهلة]
5.00/5 (1 صوت)

08-24-2013 11:37 PM
واللة الشاعر التجانى يكون اكل المش بدودة فى مصر عشان كدة بحب مصر والا اية ياتجانى


#751444 [kunozmahaba]
5.00/5 (1 صوت)

08-24-2013 10:12 PM
معقولة دى طلعت من الشاعر التجانى حاج موسى و الله سقطة مدوية و ما كنت أحسبها تطلع منك و هل كان يوما باب الريده مفتوح بيننا و مصر


#751413 [saif]
5.00/5 (2 صوت)

08-24-2013 09:13 PM
التجانى السسسسسسسسسسسسسسسسسسسسسسسسسسسسسسسسسسسسسبسسسسسسسسسسسسسسسسسسسسى


#751408 [سلوى حجازى]
5.00/5 (3 صوت)

08-24-2013 09:07 PM
كأنك تتقيأ ,, كلماتك ركيكه ,, وباهته ,, مصنوعه ,, وياليتها كانت للوطن ,, للغلابه في دارفور ,, وأو لمشردى السيول الذين يبيتون في العراء ويلتحفون السماء.. ليتك صمت , ولقد سقطت سقوطا مريعا ,,,لن يفلح كل ماضيك أن يخفف عنك هذا الوحل الذى دخلت فيه ,,, للاسف لقد إنكشف القناع,, وياليتك ماكتبتها ,, والنساء ثكلى ,, والاطفال جوعى ,, والرجال مقهورين ,, ولاحول ولاقوة الابالله


ردود على سلوى حجازى
European Union [راصد] 08-25-2013 01:50 AM
والله يا بروف نبيل اقدر كلامك الطيب لكن الاهت سلوى فجعت زيي وكتير بل غالبية المعلقين هنا على الاقل .. هول المفاجأة جا من انو التيجاني اولي بي احساسو المرهف اهل الديرة .. مش المصريين رغم روابط كتيرة بينانتا لمن نتعاطف معاهم ونحن متمتاسكين ومتسامحين مع بعضنا وحاسين بي هموم بعضنا تكون العملية اكثر قيمة .. اتحاشيت اعلق في الموضوع دة رغم متابعتي للتعلقات الكم وخمسين واحد ورا التاني حتى رايت اسما محترما مرموقا ومعروفا أكن له كل التجلة انحاز الى التجاني في هذا الامر.. كلامك مقدر يا بروف يا جميل ولكن يظل التجاني مثيرا للدهشة في هذه الصفحة وهذه القصيدة

United States [بنيل حامد حسن بشير] 08-24-2013 10:25 PM
قال صلى الله عليه وسلم: من تحدث منكم فليقل خيرا أو ليصمت!!!
لماذا الهجوم على شاعر أثري حياتنا على الأقل بما كتب للأم!!
من أراد أن يكتب لدارفور أو غيرها فليكتب بنفسه، ولا يطلب من شاعر أن يكتب ما يريد الآخر، هذه هي الصناعة في الشعر. الشعر الهام واحساس.
أرجو أن نتحمل بعضنا البعض، ونتخلص من كراهيتنا لبعضنا كسودانيين والا فلننتظر المصير الذى يستحقه أمثالنا. أللهم نسالك اللطف (آمين).


#751375 [شمس الدين الجنيد]
5.00/5 (3 صوت)

08-24-2013 08:00 PM
اربعة وعشرون عاما لم نسمع لك فيها بيتا واحدا فى رثاء الملايين من بنى وطنى الذين تسببت الانقاذ فى موتهم شمالا وجنوبا... لم نسمع لك صوتا فى رثاء الضباط الذين اغتيلوا فى رمضان غيلة..لم نسمع لك صوتا ولا بيتا فى السودانيين الذين قتلهم الامن المصرى فى ميدان جامعة الدول العربية ولا الامن الليبى فى مدينة الزاوية... لم نكن نراك وغيرك من شعراء الغفلة الا عند موت احد المغنيين لتتاجروا بموته او مرضه.. ومع حسين خوجليكم نراكم تتبسمون وكانما تتحدثون عن فرح وجنازة المرحوم لم تبرد فى قبرها بعد... لم نسمع لكم صوتا والحكومة تشرد الشرفاء من الشعراء الصادق الرضى وعاطف خيرى وغيرهم..وتحاصر شاعر الشعب وغيره فى الخرطوم..وتفتح لكم المنابر... قبل اقل من اسبوعين مات الالاف من بنى جلدتك ومن بنى وطنى من المعاليا والرزيقات ولم يفتح الله عليك ببيت واحد فى رثاهم وكانهم وكما قال صلاح احمد ابراهيم فى شهداء عنبر جودة... كانهم حزمة جرجير... كما مات وتشرد المئات جراء الاحداث الاخيرة ليتك كتبت ولو قمت بسب المطر او الضحايا لانهم كما قال الوالى بنوا منازلهم فى مجارى السيول.. لقد سئمنا منكم وليتك ظللت تردد امى الله يسلمك ويا مسافر بدل ان تزيد جروحنا جراح.


#751345 [سامية]
5.00/5 (3 صوت)

08-24-2013 07:04 PM
يا جماعة دا شكلو مرطب من الاغداقات و الهبات السخية بتاعت المؤتمر الوطني لذلك ما شعر بمعاناة أهلو السودانيين الحاصلة من السيول و الأمطار و الحروب فى النيل الأزرق و جبال النوبة و دافور، شكلو اصابتو التخمة من قروش المؤتمر الوطني و لكن شعر بمعاناة المصريين الذين لا يعرف معظمهم أين يقع السودان في خريطة العالم.


#751326 [أب دفسه]
5.00/5 (3 صوت)

08-24-2013 06:40 PM
المشكله لو التجانى نكر وقال أنا ماكتبت القصيده !! طبعا الشينه منكوره ,, النكران هى الحل الوحيد,, يلا أعمل نكران !!


#751289 [زول]
5.00/5 (4 صوت)

08-24-2013 05:27 PM
بصراحة يا التجانى ( الله يسلمك ) وتانى مرة انسى موضوع الشعر ده لانه خلاص فلت منك. داهية تآخد يا معلم احنا فى ايه وانت فى ايه ؟!!!!!


#751261 [بابكر عوض الشيخ]
5.00/5 (1 صوت)

08-24-2013 04:08 PM
مصر جاءتها لعنة ما فعلته بالسودان من تلاعب في سياسته وقطع لجسمه وإنفصال جزء عزيز منه من المقبور عمر سليمان والذليل حسني مبارك


#751232 [جلباق]
5.00/5 (6 صوت)

08-24-2013 03:30 PM
لقد مررت علي تعليقات القراء و تقريبا كلهم أجمعوا علي ركاكة القصيدة و كسر وزنها و هم محقون في ذلك , و برضو انتقدوه في عدم الكتابة عن ضحايا السيول و الأمطار و ضحايا الحروب و الفقر و الغلاء و العطالة و الجوعى , و هو لم و لن يكتب في كل ذلك , تعرفوا ليه ؟ لأنه ملتزم مع المؤتمر الوطني و كان سكرتير حملة رئيس الجمهورية الانتخابية , و كان رئيس المصنفات الفنية و الأدبية و أكتر شاعر ظهر اعلاميا و مستفيد من وضعه دا


ردود على جلباق
European Union [صادق] 08-24-2013 06:40 PM
والله جايي اشوف النصيب الاخدو من القراء من امبارح انا اول زول قريتها قت ياخي كدي النشوف راي الناس شنو.. وانت لخصت المفيد واغنيتني من التعليق او من قراية اي تعليق ... هههه


#751226 [عمر]
4.00/5 (3 صوت)

08-24-2013 03:24 PM
التجاني حاج موسى هذا فزول منافق وصـولي والعيب فيه هو شـخصيا


#751218 [جادو]
5.00/5 (3 صوت)

08-24-2013 03:11 PM
شعر مفتعل و لذلك خرج مسخاً ( مسيخاً) ؛ كان أجدر بالشاعر أن يتفاعل مع الآلاف الذين فقدوا مساكنهم خلال هذا الخريف فربما جادت عليه قريحته بشعر صادق يخرج من القلب و لا يخرج من اللسان فقط ، لا خوف على مصر بعد أن تخلصت من أدرانها و أوساخها ووضعت رجلها في المسار الصحيح و ستتغلب على فترة المخاض لتخرج إلى بر الأمان ، نحن الذين نستحق الرثاء و الشفقة مما نكابد من وطأة هذا النظام الغاشم ، نظام البشير و عصابته ....


#751209 []ديامي]
4.00/5 (4 صوت)

08-24-2013 02:58 PM
قرف يقررررررررررفك ياخ .. ما هوده زاتو المطلع ..... اهلك بموتو بالرصاص وبالسيول وبالامراض تمشي تعمل لينا فيها الابنودي . ياخ قوم لف بلا يخمك


#751169 [مهاجر]
5.00/5 (2 صوت)

08-24-2013 02:21 PM
لماذا لم يسأل التجاني نفسه قبل أن يكتب هذه القصيدة اذا جاز أن نسميها بقصيدة, هذا السؤال: هل هناك شاعر أو أديب مصري تناول حال السودان الآن- تلك الحديقة الخلفية لهم كما يعتقدون الكثيرون منهم؟ ام أنه التفرد والتغريد خارج السرب.


#751168 [ابو كريم]
2.00/5 (1 صوت)

08-24-2013 02:21 PM
ايه البيحصل في ياسودان .....حليلك انت ياسودان
من ناس ديلا وا اسفاي!


#751162 [خالد عثمان]
5.00/5 (1 صوت)

08-24-2013 02:15 PM
ما عارف الحاصل بمصر شنو؟؟؟؟؟


#751158 [سودانى اصيل]
1.50/5 (4 صوت)

08-24-2013 02:12 PM
سلم فوهك ايها الشاعر العملاق كلمات كلها رقة وذوق فنى عالى المستوى وماارى الا الحاقدون الغيورين اعداء النجاح ينقدوك فالشجرة المثمرة دائما تحدف بالطوب ان كل الناقدين للك اغلبهم جهلة والبعض منهم يتغابى وللاسف اصبح معظم افراد بلدنا ينتمون الى هذه الطوائف الغبية التى لاتقدر الفن والابداع انها نار الغيرة اتركها تحرق صدورهم يا عداء النجاح انكم الى زوال


#751130 [chinma]
5.00/5 (2 صوت)

08-24-2013 01:42 PM
مهم وعاجل كمان ...!!!!
نطلب من الشاعر وضع هذه القصيدة في شنطة ديبلوماسية ويكتب عليها هام جدا وسري لسفير السودان بمصر علشان يوزعها للشعب المصري... ودقي يا مزيكة..
صدق من قال البلد دي مصيبتها في مثقفيها ومتعلميها


#751107 [مهاجر]
5.00/5 (2 صوت)

08-24-2013 01:14 PM
طبعاً هو خريج جامعة مصرية في السودان و يريد أن يكون لصيقاً بها حتى النخاع, فأعذروه ودعوه يغرد كما يشاء لبطانته, فهذا نتاج للاستلاب فبعض المفتونين لم تعرفون بعد أن تأخر وتخلف السودان بسببهم.
لماذا لم يسأل التجاني نفسه, هل هناك أي شاعر أو أديب مصري تناول حال السودان- تلك الحديقة الخلفية لهم كما يعتقدون- ام أنه التفرد والتغريد خارج السرب.


#751105 [ابوكدوس]
5.00/5 (3 صوت)

08-24-2013 01:14 PM
بصراحة يا ود المرحومة القصيدة مهببة جدا، حريقة في مصر من ام بابة الي الدهقيلة. الحاصل في دارفور وكردفان وجبال النوبة والنيل دا ماموت ؟


#751098 [محمد حسن أحمد]
5.00/5 (3 صوت)

08-24-2013 01:09 PM
مالك ومال مصر مصر بشعرائها وكتابها وفلاسفتها وليست في حوجة لشعرك أو شعر غيرك إنت ماتشوف البيحصل في بلدك من دمار وخراب وانحطاط وانحراف وفساد ما أنزل لله به من سلطان ول خايف من كلاب جهاز الإغتصاب الوثني ماتعملنا قصيدة لدارفور أو كردفان بدل الدهنسة البتعمل فيها دي مصر فيها جيش وشرطة وأمن مصدر فخر واعتزاز لكل مصري وليس مثل جيشك وشرطتك التي أصبحت ملشيات للمؤتمر الوثني لا تعرف غير قتل وضرب وتعذيب وتشريد النساء والأطفال والعجزة ولاتجيد غير حلاقة رؤوس شباب التوجه الإنحطاطي وتشجيب شعورهم وتهذيبهاوتجيد كل أساليب السرقة والإنحطاط والفساد


#751094 [البشير]
0.00/5 (0 صوت)

08-24-2013 01:02 PM
شعر الذي لا يجد له الشكر يسمه شعر اهلي النار ... ب الله عليك ود موسي ماكان من الافضل تقراء الشعر علي اهلك المتضررين من السيول والامطار .... بدلا من جبال النوبه و دارفور ... اقصد مصر .. رحمه الله الشيخ البرعي لما مدح مصر المؤمنة .. ماذا وجد من اهلي مصر ؟


#751087 [بكره الكيزان]
5.00/5 (2 صوت)

08-24-2013 12:54 PM
مش كان اولى تكون قصيدة لمتضرري السيول والمعذبون في الارض (الشعب السوداني )؟؟؟!!
بعدين ربنا بسألك من المصريين ولا اولى القربى ؟؟؟!!!
خسارة والله عشان كدا النفس الكيزاني لمن يدخل على اي حاجة بفسدها زي البصلة العفنة !!!
قصيدة زي دي حتنسي المكلومين انك كاتب ترايح الهوى ،وفي عز الليل .ياليل


#751082 [dr.omaima]
5.00/5 (2 صوت)

08-24-2013 12:50 PM
ما تقولي يا "سيدنا الحسين"..
كمان جابت ليها فساد عقيدة ...!!!


ردود على dr.omaima
[بلاك بلوك فرع السودان] 08-24-2013 01:23 PM
وهل ذكر سيرة حفيد الرسول الكريم تفسد العقيدة يا دكتور ؟ معلومة اول مرة اعرفها اذا سوف لن اذكرهم مرة اخرى لانهم يفسدون عقيدتي الله اغفر لي فانا لم اكن اعلم .


#751076 [مجيدو]
5.00/5 (3 صوت)

08-24-2013 12:44 PM
والله يا المعلقين
كرهتو الراجل اليوم القال فيهو شعر

فعلا شعر ركيك .... والمفروض ما يقولوا في ظروف السودان الاسواء من مصر ...

نسال الله له الهدايه


#751054 [ابومونتي.]
3.50/5 (2 صوت)

08-24-2013 12:18 PM
السقوط إلي الهاويه.


#751053 [shobra]
3.00/5 (2 صوت)

08-24-2013 12:18 PM
ليس من الصواب القدح فى شاعرية التجانى صاحب التباريح ولكن هذة القصيدة لو جاذت تسميتها بذلك قصيرة القامة مضمونا كسيحة الارجل الابداعية ومبهدلة الاوزان ومطفف بكيلها وفوق كل ذلك تجاور المحطة الوسطى استلاب الماداير المثقف السودانى يفارقا .استاذ التجانى دارفور وجبال النوبة اولى بتساولاتك؟؟. اية بيحصل فيك ياكرمك واية بيحصل فيك ياكاودا سحروك ولا المغصة زائدة ودى رمية منى تمها


#751049 [حسكنبت]
3.00/5 (1 صوت)

08-24-2013 12:15 PM
(عريانة ..وتكسى فى جيرانها) ...إخخخخخخخخىىىىىىىىىى


ردود على حسكنبت
United States [مهبب] 08-25-2013 01:32 PM
غلفاء وشايلة موسها تطهر.....دا الصاح...هههههههة


#751043 [اوهاج]
5.00/5 (4 صوت)

08-24-2013 12:11 PM
مش كان احسن ليك تكون فى حالك وتمد كرعيك قدر لحافك بدل ما تهيج ناس الراكوبة عليك خليك فى العباسية وعمر الشاعر قال وزيدان (رحمة الله عليه) عمل يعنى ناس اونطة احنا ساكتين عليكم برضو انتو ورانا مش كفاية كرهتونا نشوف تلفزيونات السودان


#751025 [samii]
5.00/5 (3 صوت)

08-24-2013 11:56 AM
بنبحك ياشاعر الكلمة الرقيقة والحس العالى..شاعر امى الله اسلمك يايمة يا ود دار السلام انقذ نفسك من هذا السقوط المريع بكتابة هذه القصيدة التى لا ترقى لمستوى شاعر بقامتك بغض النظر عن المضمون الهايف انصرف لقضايانا وللماساة التى انت فى وسطها الجوع الفقر الحروب فى البلاد شرقها وغربها شمالها وجنوبها ماساة الشعب السودانى... انهيار القيم والاخلاق من شهامة ومروة وكرم وسماحة شعب انت خرجت من صلبه ما هذا السقوط يا شاعرنا العظيم والله اسالك ان تتبرى من هذه الكلمات.


#751021 [عثمان حمد]
1.00/5 (4 صوت)

08-24-2013 11:55 AM
كلام جميل جدا ومشاعر اخويه صادقة يا استاذ تجانى وفقك الله واترك عنك هؤلاء الحاقدين
الذين لا يعرفون الجمال


ردود على عثمان حمد
[البشير] 08-24-2013 01:13 PM
واترك عنك هؤلاء الحاقدين ..... الذين لم يعرفو قيمة بلادهم امثالك وامثال الشاعر العوير .. يبدلون بلادهم بدول اخره
الذين لا يعرفون الجمال .. هل انتم تدركون عن الجمال ؟؟


#751020 [حامد عابدين]
4.75/5 (7 صوت)

08-24-2013 11:53 AM
الكثير من شعر التيجاني عبارة عن شعر ركيك جدا اشبه بسجع المشاطات ، لا أدري من سمى التيجاني شاعرا ، ثم انه لماذا لم تحرك مشاعره كميات القتل والدمار في جبال النوبة وفي دارفور والنيل الازرق ، لماذا هذه العقدة والشعور بالدونية وكل واحد عاوز يعمل فيها ملكي اكثر من الملك ، والتيجاني حاج موسى ليس له اي موقف وطني يشرف ، ولم نسمعه في يوم من الايام ينتقد في هذه السلطة الحقيرة ، فمن لا تحركه هموم الجماهير ليس جديرا بأن يقال له شاعر.
انه عبارة عن انتهازي ووصولي ويحب الظهور في التلفزيون مع حسن خوجلي وشرذمة الجبناء.
انت مالك ومال مصر وانت في نظر المصريين ليس سوى بواب في عمارة ولكن ماذا نقول في التجاني وامثاله.
خليك مع المواطن يوم واحد


#751009 [mutabi3]
5.00/5 (2 صوت)

08-24-2013 11:48 AM
لا تعليق أثني على ما سبقني إليه الأخوة إذ أنه ما جال في خاطري وانا أقرأ القصيدة أو سمها العصيدة...خليك في شعرالغناء حيث لايحكمك إلا خيالك يا تجاني ود حاج موسى!


#750994 [البعاتي]
4.88/5 (10 صوت)

08-24-2013 11:34 AM
التجاني المتملق يتجشآ فساء، ولا ينوبه من أولاد بمبة سوى السخرية والآزدراء...


ردود على البعاتي
United States [ابوساره] 08-24-2013 12:57 PM
ياقسوة هذا الوصف!!


#750991 [Mohamed Bandi]
5.00/5 (3 صوت)

08-24-2013 11:33 AM
دا اهبل شاعر عرفتو فى عمرى, دا عبيط ولا ايه؟؟؟!!!!


#750973 [t 2]
0.00/5 (0 صوت)

08-24-2013 11:19 AM
الكلب بريد خانقو
عليك الله نحنا في شنو وانتو في شنو
اكتب عن الواقع السوداني
اكتب عن الغلا
الظلم
الغهر
اكتب اكتب
تشتري العبد اﻻ و العصاء معه
الله ينعل أبو شعرك الركيك في اسيادك المصريين


#750965 [A.nasir]
5.00/5 (1 صوت)

08-24-2013 11:11 AM
وانت مال اهلك؟
خليك في الانت فيه وما تعملش ناصح وعاقل على اسيادك ,
روح اكتب عن القتال في دارفور ولا النيل الازرق ولا جبال النوبة ولا المهمشين في شرق السودان ولا الجنوب الانفصل , ولا الغلابا الفي الضواحي وطرف المداين ولا فساد حكامكم ولا ولا .
حاجة عجيبة والله.


#750940 [عمار]
0.00/5 (0 صوت)

08-24-2013 10:43 AM
مصر بشهادة المصرين انفسهم مافي زول بنوم جعان يعني احسن من السدان الف مره يكفي انها ام الدنيا مصر الاعلام الثقافه الحضاره المتعه خليك انت مع سودانك اخير ما محتاجين نصيحه ولا تعاطفنا سودانك كلو حروب وكوارث وانت شغال بي مصر !!!


#750936 [ابو احمد]
5.00/5 (3 صوت)

08-24-2013 10:39 AM
يا ود يا مصري انت برافو عليك رائع وتستاهل جائزة ..تف عليك وعلي مصر وشعب مصر نحن ناقصين ..مش الفينا مكفينا ومطمم بطنا ..نظرة منك لاهلنا في دارفور وكل شبر في بلادي..هههههه نظرة منك قال بالله قوم لف جاتك داهية . بلادي لا تحتاج لامثالك ..والسودان قادم قادم بالاعزاء من ابنائه ..


#750935 [الحازمي]
5.00/5 (2 صوت)

08-24-2013 10:34 AM
ما كتبته شئ مقرف
"الأقربون أولى بالمعروف"
ليه ما كتبت عن أوضاعنا اللي كلها مآسي , عن دارفور , ج كردفان , النيل الأزرق , كجبار , شهداء بورتسودان .......و و و
كنت عاليا و أخشى عليك السقوط في وحل التبعية و الدونية
فالشعراء ضمير الأمة فأين ضميرك؟؟؟؟؟؟؟؟؟؟؟؟؟؟؟؟


#750923 [عادل احمد بليلة]
0.00/5 (0 صوت)

08-24-2013 10:20 AM
الضمير الذى لا ينبض من اجل العشرة الازلية لا حياة فيه ولاخير فيه لنفسه او اهله او وطنه او دينه


#750921 [عادل احمد بليلة]
0.00/5 (0 صوت)

08-24-2013 10:20 AM
الضمير الذى لا ينبض من اجل العشرة الازلية لا حياة فيه ولاخير فيه لنفسه او اهله او وطنه او دينه


#750918 [السوداني]
0.00/5 (0 صوت)

08-24-2013 10:16 AM
يأثرون على انفسهم ولو كانت بهم خصاصة


#750916 [khalid mustafa]
3.00/5 (3 صوت)

08-24-2013 10:16 AM
وقصيدتك الركيكه دي حغينيها ليك منو؟؟ احتمال محمد منير ولاالصعلوك الهايف الشتم السودان في مباراة الجزائر ومصر نسيت اسمه
السودان بلد مبتلي بساسته ومثقفيه ادباء او شعراء كل همهم ان يتغنوا بحب مصر ويتباكوا علي مايجري في مصر متناسين عمدا ما يجري لاهلنا في السودان من بلاء ونكد وتقتيل لان مصر توفر لبعضهم الشقق المفروشه وتوابعها

احتمال يالتجاني حاج موسي في زيارة القادمة لحبيبتك مصر تظهر مع لميس الحديدي او هدي سرحان في برنامج تلفزيوني ,,,عسي ولعل والا يكون ضيعت وقتك في الفاضي


#750901 [خضرعابدين]
3.00/5 (3 صوت)

08-24-2013 09:55 AM
انسان مقهور ومستلب الهوية = منافق دجال = مسخ مشوه=كارثة على الشعب السودانى = ازمة مثقف


#750892 [سعاد خيرى]
3.00/5 (3 صوت)

08-24-2013 09:42 AM
قصيدتك ركيكه ومصتنعه ,, وإنت مارف الحاصل شنو في مصر , يعنى ؟؟ ديل الاخوان الدمروا السودان بس المصريين عرفوا القصه خلاص عرفت ؟؟؟ يأخى إستحى ولا تشوه تأريخك وخليك في الغناء الجميل ,, وكأنك ماحاسى بالبيحصل في السودان ,, من تدمير للا نسان في دارفور وإنفصال السودان


#750888 [علي باحش الدكوك]
5.00/5 (1 صوت)

08-24-2013 09:38 AM
التجاني حاج موسى يمثل مثالاً صارخاً للأستلاب الثقافي والنفسي.
التجاني حاج موسى يمثل أبلغ دليل لحالة للانكسار التي تلبثت بعض أبناء الهامش السودان
التجاني حاج موسى خير مثال لبشاعة أضطهاد مؤسسة الجلابة التاريخية المنحطة لموظفيها وخدمها من الزنوج السودانيين.


#750885 [الخضرابي]
5.00/5 (1 صوت)

08-24-2013 09:36 AM
اعذروه انه يغرد خارج السرب


#750878 [عباس]
0.00/5 (0 صوت)

08-24-2013 09:22 AM
سقطه كبيرة يا تجاني يا حليل امي الله اطمنك


#750869 [noor]
5.00/5 (1 صوت)

08-24-2013 08:56 AM
شعر ركيك انت دجال مالك ومال مصر ززززززززززززززبرضو احسن حالا من السودان


#750866 [yassom]
4.75/5 (4 صوت)

08-24-2013 08:41 AM
لماذا لا تكتب :ايه البيحصل فيك يا سودان? وايه البيحصل فيك يا دارفور?? ولماذا لا تكتب عن الجوع والفقر والغلاء وظلم الكيزان لابناء السودان،?? لماذا لا تكتب عن قصف الطائرات للآمنين في بيتوهم بجبال النوبه??? لماذا لم تكتب عن عوضيه عجبنا التي قتلت ظلما وبهتانا،لماذا لم تكتب عن الشهيد عبد الباقي في ام دوم??? ام ان الجبن والخوف من كلاب الامن يمنعك??
قبحك الله اكثر من ذلك!!


#750865 [بشاشا]
4.00/5 (3 صوت)

08-24-2013 08:39 AM
يا سبحانك!

كلام او طريقة تفكير تبعث علي الطراش!

بزمتك امثالك، من مقهوري الاغلبية المهمشة في السودان المازال مصري، دع عنك مصر الخديوية، بشر؟

ولكن دي الطريقة الوحيدة البيعرفا الانسان المقهور، الملفوظ، المضطهد to survive للاسف كقاعدة!

نعم بلعق حذاء، بوت، وبرطوش الجلاد!

نعم دي الطريقة الوحيدة، البلوشي، ملح، او مافيها مخاطرة للتكيف مع واقع القهر والابادة!

بالعدم، ماذا عن اهلك في كهوف النوبة؟

الا يستحقون بعضا من موهبة الشاعر فيك؟

ماذا عن اهلك في خيم البلاستيك بدارفور؟

هل صدفة زي غيرك تعوج في خشمك او شايل هم الغزاة المصريين، الكانو امبارح دي بقبضو علي المتلك كما الارانب، او يوزعوهم كمرتبات علي جنود الباشبوذغة في دولة الخلافة الاسلامية ذات نفسها، كاي عملة ورقية؟

فاكر كده حتكون بدل حتة "زناجري" بشر في عين احقر مصري؟

فعلا The Oppressed Mind زي ما قال رسول الوعي الاسود، استيف بيكو، عليه الصلاة، والسلام!


ردود على بشاشا
United States [الحازمي] 08-24-2013 06:34 PM
يا بشاشا ليت لنا عشرة اذن كان للسودان شأوا
السودان للسودانيين
السودان للسودانيين
السودان للسودانيين
السودان للسودانيين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة