الأخبار
أخبار إقليمية
البلد ضاق بأهله..السودان يشهد هجرة كوادر غير مسبوقة..!
البلد ضاق بأهله..السودان يشهد هجرة كوادر غير مسبوقة..!
البلد ضاق بأهله..السودان يشهد هجرة كوادر غير مسبوقة..!


08-27-2013 03:11 PM
شمائل النور

ملخص المشهد الآن...شباب أكملوا دراساتهم الجامعية يشعون طاقة تبحث لمن يوظفها ويستفيد منها،هؤلاء لا يحلمون بوظيفة متواضعة توفر لهم المأوى ولقمة العيش كالمعتاد أو الشيء الطبيعي الذي أصبح سقفا للترف،هؤلاء قفزوا إلى ما بعد ذلك يفكرون في الهجرة اليوم قبل الغد،ولم تكن الصورة كذلك قبل أقل من خمس سنوات،خريجون جدد لم يحملوا خبرات ولم يتلقوا تدريبا يقفون صفوفا طويلة في وكالات الاستخدام والهجرة،ومنهم من يقع في فخ الغش..الآن الكل يبحث عن مخرج من هذا البلد الذي ضاق بأهله.. مكاتب الاستخدام تشهد ما يشبه الهجمة من حملة الشهادات،من أصحاب الخبرة أو حديثي التخرج،لا يهم،المهم هو الحصول على فرصة خروج،هذا غير الذين تركوا وظائفهم عن رضا وهجروا البلد ليهاجروا ربما بلا عودة.

السودان يشهد هجرة كوادر غير مسبوقة ولو أنه لم تُقدم دراسات إحصائية دقيقة حول أرقام الهجرة،لكن المعروف ان الدولة تشجع الهجرة بحجة اكتساب الخبرات والمهارات،إنها تنظر للنصف الممتليء وتتناسى النصف الفارغ،ليس بعيدا بالتأكيد أن يأتي يوماً لا تجد طبيبا،أو مهندساً أو حتى صحفياً ليكتب لك خبراً..إن كانت الهجرة اقتصرت على مر السنوات الأخيرة على الأطباء وبعض أصحاب التخصصات العملية،الآن الوضع اختلف بشكل جذري،ولم تعد تقتصر على الشباب الذين هم في بداية حياتهم العملية،حتى من اقترب من سن التقاعد بات يفكر في الهجرة..هناك اتجاه قوي من قبل الدولة لتشجيع الهجرة إن كان بجانبه المقصود بحجة كسب الخبرة،أو بجانبه الآخر،وهو سوء بيئة العمل وانعدام التدريب والتأهيل،وسوء الأوضاع الاقتصادية والمحسوبية في توزيع الوظائف،

أياً كان الصورة التي أمامنا تؤشر إلى خروج جماعي من السودان،ولم تعد الهجرة مطلبا للشباب فقط بل حتى حمَلة الدرجات الكبيرة وذوي الخبرة العملية الطويلة،باتوا على قناعة ألا حلاً لأوضاعهم إلا الهجرة،خاصة بعد أن اقتنعوا أن نصف عمرهم راح في عطاء لا يُمنح قيمته الحقيقة،وليس من غرابة أن يقلل الأمين العام لوزارة التعليم العالي من هجرة أساتذة الجامعات كنوع جديد من الهجرة بعد هجرة الاطباء،فهو كغيره من المسؤولين يرى ما لا نرى،و هذا ربما يعكس سياسة الدولة تجاه هجرة العقول بشكل مجمل،آخر تقرير أعلنته وزارة الصحة كشف عن هجرة 3.000 طبيب سنويا كما كشف التقرير عن نحو 94230 سودانياً هاجروا خلال الفترة من 2012م مقابل 10032 عام 200،زيادة ضخمة في الأرقام لكنها أكثر من معقولة بقراءات الواقع الطارد،وكذلك آخر إحصائية حول هجرة الأساتذة الجامعيين بلغت "600" استاذ جامعي بمختلف التخصصات،وهذه لن تكون النهاية بل انها فقط بداية فعلية لهجرة جماعية،لا بد من إدراك حقيقة مهمة هي أن السودان لم يعد يحتمل غير فئة واحدة من بنيه..!

الجريدة





تعليقات 26 | إهداء 0 | زيارات 10824

التعليقات
#755393 [abu khaled]
0.00/5 (0 صوت)

08-29-2013 08:44 PM
كيف تعيش في بلد تملك أكبر ثروة حيوانية في افريقيا وكيلو اللحمة بي 60 الف جنيه وكيف تعيش في بلد فيها 200 مليون فدان صالحة للزراعة وكيلو الطماطم بي 20 الف وكيف تعيش في بلد وجركانة الزيت بي 280 الف جنية كيف تعيش في بلدورسوم الجامعة للقبول الخاص طب جامعة الخرطوم 40 مليون وجامعة حميدة 46 مليون جنيه كيف تعيش بلد واقل عملية جراحية بي 10 مليون جنيه وأحتمال ترتاح وتريح 70 بالمائة وكيف تعيش في بلد وقطعة الارض تفوق المليار جنيه وراتب العامل 500 جنيه و اذا كان عندك 7 اطفال + ام الحسن كيف تعيش ايه الحاوي
ياجماعة لقد قضوا علينا اخلاقيا و ومعيشيا فاصبح الشعب فاقد كل شىء دمار شامل وتصريح د/ عقيل الذي دق ناقوس الخطر بأن هنالك 500 طفل مجهول الابوين موتى غير الذين يذهبوا المايقوما
لك الله ياوطني


#755221 [سمبا]
0.00/5 (0 صوت)

08-29-2013 03:50 PM
البلد كلها بعوض وكيزان القاعدين ليها شنو .


#755032 [مواطن]
5.00/5 (2 صوت)

08-29-2013 12:13 PM
انشاله بس اللنبى ابوريالة
ما يهاجر كمان !
تبقى مصيبة وحلت على البلد
الراجل دا ثروة قومية
بأعتبارو اكبر منتج للريالة فى العالم !
فى كادر يا اخوانا اكدر من كدة ؟


#754696 [جون قرنق]
5.00/5 (1 صوت)

08-29-2013 01:39 AM
الشيـــخ/ نور الهادى عباس نور الهادي يغتصب الطالبة ( ر.ح ) الطالبة بجامعة بخت الرضا بعد ان قام بتخديرها..
#طبيعى ::
- محكمة اول درجة تدين الجانى تحت المادة ١٤٩ / من القانون الجنائى جريمة الاغتصاب ووقعت عليه عقوبة السجن لمدة عشرة سنوات وقد تم تاييد الحكم في كافة مراحل التقاضي حتي المحكمة الدستورية..
..
#حاجة تحيير ::
- البشير يتجاوز القضاء ويصدر عفوا عن الشيخ المغتصب بموجب القرار الجمهورى رقم ٢٠٦/٢٠١٣ اصدر رئيس الجمهورية عفوا رئاسيا علي المدان / نور الهادى عباس نور الهادي والذي ادانته محكمة اول درجة تحت المادة ١٤٩ / من القانون الجنائى..
..
حاجة #تجنن ::
- واغرب شى جامعة بخت الرضاء فصلت الطالبة المتعدى عليها بعد ثبوت واقعة الاغتصاب..!!! وتم ايقافها عن الدراسة نهائيا..!!


ردود على جون قرنق
United States [د/نادر] 08-29-2013 12:10 PM
ممكن رفع دعوي او كتابة مذكرات لمنظمة العفو الدولية
الشكوي لغير الله مذلة
انا لم اسمع او اري او اقرأ شعب اهين بهذه الطريقة


#754668 [المرتبو 350]
5.00/5 (2 صوت)

08-29-2013 12:00 AM
وصلتنا الانقاذ لي وين ودايرة مننا ايه
مرتبي 350 جنيه بالجديد.. ومنحة الرئيس الما مضمونة دي ممكن نحسبها برضو.. اها قولو 450.. يا خواننا كي ضربوها لي اعرس كيفن يعني اذا المخدة بقت بي كذا جنيه.. عموما صبرت على الوضع شطبت من حياتي اي احلام غير صرف المرتب كامل وفي مواعيده اما اسوي بيهو شنو .. الله كريم دي بنوم وبصحى بيها ولسان حالي بيقول انها حياتنا نعيشها هكذا الى زوال الطغمة بت الكلب وربنا يرزقنا بي حكومة تحس ب الشعب مش نحن اولاد الحكومة برضك..
قعدنا ننلعن سنسفيل الحكومة ونسبة لخوف الاستهداف من بعيد لبعيد في برلمان السودان الما بينشروا وفي الونسات وفي وفي وفي وفي وفي .. مع كدة كانو بيعرفوا ذات الصدور كم وكم مشكلة يفتعلوها معاي .. واحدة من المرات الاتقبضت فيها .. واثق انو انا ابن ... وضد الكلاب ديل ولكن واثق اكتر انو ما سمعوني ولا شافوني بي تهمة والا فهناك اقرب اقربين حيتوصفو وصف وحيسقطوا من انظار كترة ناس لانه ما ح اسكت على خيانة الاقربين .. تخيلو العسكري كان بيقول شنو لي للضابط الفاسد.. لانو الكلام القالو المفروض يتحاسب عليهو (والله يا جنابو ما في حاجة ثابتة لكن دايرين نعرفوا هو ذاتو شنو ؟)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لمن زاد الضيق كرهت الشغل والحال المائل والتحسس والتجسس رغم انو نحن بنقوب كلام ما بيعجب.. و ثلنا البلد دي الموت دون القعاد فيها كان اسرائيل كان موت كان غرقة .. لازم نفارق.. اخيرا انا بكتب ليكم من اوروبا .... ما كنت بعرف اسم الدولة الانا فيها قبل سنة من اجيها لكن بسبب الضيق الامني حتى للحريصين والحذرين على ابداء رايهم ومؤكد الانسان الحريص والحذر من ينضر هو وحده اكثر حرصا على فتنة عامة تضر اكثر من فرد وهكذا ضحوا بينا رغم انو ما نوينا التصير في وظيقتنا ام 450 فتخيلو الحكومة الحيوانة دي .... لكن راجعين وحتسقط في يدنا .. الخبايا العرفناها في الغربة تحمل علينا مسؤولية انو ما يعاني الشعب اكثر من كدة .. وقلبا وقالبا معاكم وجايين عشان الصابرين زينا عرفناهم وقاعدين ما ممكن نخليهم لي حكومة زفتة زي دي يا يجونا يا نجي نمشيها كلنا ...


#754649 [تقولي شنو تقولي منو]
5.00/5 (1 صوت)

08-28-2013 11:19 PM
عدد سكان الهند 1.2 مليار نسمة
لا ضرائب ولا عشور ولا جزية ولا أتاوات على جميع من يعملون في الزراعة في الهند
والجماعة نهبوا مشروع الجزيرة ودمروه ولإعادته سيرته الأولى يجب أن يختلط ماء الكنار بالدماء


#754634 [sabir]
5.00/5 (1 صوت)

08-28-2013 10:38 PM
الحكومة قال للشعب كلمتها: ارحل go out. قرر الشعب الرحيل وهذا هو لغز الهجرة.


#754633 [الكارورى]
5.00/5 (2 صوت)

08-28-2013 10:38 PM
إعتدت قوات الشرطة على المواطنين وأزالت (1000) منزل بحى (ولع) وام القرى ببورتسودان ، أمس 27 أغسطس .
وإستخدمت الشرطة قنابل الغاز بكثافة والعصى الكهربائية والهراوات ضد المواطنين العزل ، كما أطلقت الرصاص الحي في الهواء .
وأصيب كل من : محمد شريف محمود ، حامد أحمد والطفل الأمين الحسن بإصابات بالغة وتم نقلهم لمستشفى المدينة .
وإعتدت الشرطة بالضرب على الأستاذ حامد إدريس سليمان عضو مجلس تشريعي البحر الأحمر عند محاولته إقناع الشرطة بإتخاذ الطرق والوسائل القانونية بشأن الإزالة .
وقال حامد في تصريح لـ (حريات) ان أكثر من (200) عنصر من قوات الشرطة داهموا حي (ولع) وأم القرى بحجة ان المنطقة عشوائية ويجب إزالتها ، برغم ان قضية هذه المنطقة تنظر أمام المحكمة : ( واضح ان قوات الشرطة المكلفة بتطبيق القانون لا تحترم القانون ، القضاء لم يفصل في أمر المنطقة حتى الآن وأهالي المنطقة ينتظرون حكم المحكمة ومع ذلك تفاجأوا مساء أمس بقوات مدججة بالأسلحة وقنابل الغاز تتقدمها جرافات الإزالة في مشهد تخجل من القيام به أي قوات إحتلال).
وأضاف حامد ( بدأت الجرافات في هدم المنازل وسط صراخ الأطفال والنساء وقنابل الغاز التي ملأت سماء المنطقة وأصيب جراء ذلك عدد من المواطنين بالإختناق والضرب من قبل قوات الشرطة ). مضيفاً ( هؤلاء بلطجية بل ان البلطجية لهم حدود في العنف).
وقال ( الأمر المحير ان قوات الشرطة كانت تطلق قنبلة غاز على المنزل ثم تقتحمه وكأنها تقتحم أوكاراً للجريمة ) ، مضيفاً ( حاولت التحدث مع قوات الشرطة بعد أن أبرزت لهم هويتي كنائب في المجلس التشريعي وطلبت منهم إيقاف هذه الجريمة وعدم إستخدام العنف وإقتحام منازل المواطنين بهذا الشكل المهين وإحترام السكان ولكنهم تجمهروا حولي بالعشرات وقاموا بالإعتداء علي بالضرب والركل ).
وأضاف ( هذا النظام أثبت فعلاً انه لا يعترف بالحوار ولا يحترم المواطنين وأن أي قوات إحتلال ستكون أرحم في تعاملها منه . انه نظام يختشى فقط من القوة ويبدو ان القوة وحدها ستردعه) .
وقال حامد ان (ولع) ومربعات (9) و(10) بأم القرى والقادسية التي يقوم النظام بإزالتها يقطنها عدد كبير من السكان الذين نزحوا من منطقة جنوب طوكر وإستقروا في هذه المنطقة هرباً من الحرب التي كانت تدور رحاها في المنطقة في أوائل التسعينيات .
وأضاف ( حكومة المؤتمر تبيد السكان هنا وهناك ) وتساءل ( بغض النظر عن القانون الذي أثبتوا انهم لا يحترمونه ، ماهي البدائل التي قدمتها الحكومة لهولاء المواطنين ؟ هل سمعتم بحكومة في هذا العالم تشرد مواطنيها بهذا الشكل المهين ؟ (ما رأيناه من إهانة وعنف تجاه المواطنين أمر تخجل من القيام به حتى قوات الإحتلال الاسرائيلي على الفلسطينين).
وقال (هذه حكومة عنصرية فاشية وما حدث أمس بداية لتطهير عرقي ضد قوميات معينة في الشرق ، وهذه الحكومة متمرسة فيه ولها خبرات في هذا الأمر فقد مارسته في دارفور وتمارسه الآن بجبال النوبة) .
وناشد حامد في حديث لـ (حريات) المواطنين عامة ومواطني الشرق بصفة خاصة بالإعتصام في المنطقة لمنع هدم أكثر من (6000) منزل متبقية ، وقال ( أناشد المواطنين بصفة عامة ومواطني الشرق بصفة خاصة بتوحيد الصفوف والوقوف بقوة ضد سياسات حكومة المؤتمر الوطني العنصرية الكريهة ، مضيفاً ( الإعتصام في المنطقة يمنع جريمة إنسانية كبيرة في حق ما تبقى من المواطنين الابرياء ويكشف بربرية وهمجية النظام) .
وقال انه سيعتصم برفقة نشطاء من أبناء المنطقة ( سنعتصم لحماية المواطنين من القتل والتشريد مهما كلف الأمر) .


#754540 [ايمن]
5.00/5 (5 صوت)

08-28-2013 07:24 PM
اهم حاجة اخر واحد ماينسي يطفي النور ويقفل الباب وراه ...


#754318 [الشحمان مغسة]
4.88/5 (4 صوت)

08-28-2013 01:44 PM
هناك من أعرفهم شخصياً وحتى وقت قريب كانوا يعتبرون فكرة الهجرة دي كفر راسه عديل كده هسي والله العظيم كايس ما لاقي وندمان على انه ما هاجر من زمن.
وتحضرني نكتة طريفة اتنين قرايب احدهم الميسور أعطى الاخر قريبه مالاً قائلاً له: ده حق الله قلت أديك ليه لانك من القربى وكده الراجل زعل كيف تديني الزكاة وقربوا يخسروا بعض... اها لاقاهو السنة دي وبعد السلام وكده قام تاني قال ليهو نديك حق الله قال ليهو أدينو حق الله وأديني معاهو حق الرسول كمان!


#754084 [الحاوي النقرابي]
5.00/5 (3 صوت)

08-28-2013 10:24 AM
مصداقا لكلامك استاذة شمائل وصل اخي ( استاذ بكلية الطب ) الي المملكة قبل 15 يوم وحدثني انهم كانو ( 40 ) استاذ جامعي في تأشيرة واحدة وتخيلوا هذا الدماررررررررررر


#754081 [ADIL]
5.00/5 (2 صوت)

08-28-2013 10:20 AM
ما تزعل يا محجوب افندي
تبقي الحسبة كدة:-
200×7.2=1440 جنيه
انت راتبك كم؟


ردود على ADIL
United States [محجوب عبد المنعم حسن معني] 08-28-2013 01:51 PM
الاخ عادل
تحياتي
الله لا جاب زعل
راتبي الحمدلله مستورة،
يا زول نحنا كمان عايشين في البلد وعارفين الحاصل، فليبينة شنو الشغالة بدوها 600 دولار في السودان، وحاتك كان الخدم المدفقة في الخليج ده كلها مشت السودان


#754070 [داوودي]
5.00/5 (1 صوت)

08-28-2013 10:11 AM
السودان دولة متفردة في اي حاجة حتى في الهجره ، فهجرة السوداننين بقت حقيقة لاسباب كتيرة وانت زاتك كان لقيتي ليك

طريقة بتتخارجي .


#754048 [ما مهم]
5.00/5 (1 صوت)

08-28-2013 09:45 AM
لسبب واحد يا اختي الفاضلة, لأننا نريد ان نعيش حياة كريمة


#754033 [ودلباشا]
0.00/5 (0 صوت)

08-28-2013 09:21 AM
طيب تانى ما تجعجوا مظاهرات وكنس الكيزان وهلمجرا


#754026 [قرد الطلح]
5.00/5 (2 صوت)

08-28-2013 09:14 AM
الاخطر لم تتحدث عنة الاخت شمائل وهو هجرة رجال الاعمال من كل الاوزان الى الجارة اثيوبيا حتى بلغت الاموال المتثمرة هناك مئات الملائين فقط اذا اردة التاكد ازهب الى الخطوط الجوية الاثيوبية واسالهم عن حجز تزكرة واذا وجدة حجز خلال شهرين تكون محظوظ حقيقة اثيوبيا بيئة صالحة تماما للاستثمار من تعامل راقى وتسهيلات انصح كل من يريد الاستثمار ان يذهب الى هناك ولا يندم


ردود على قرد الطلح
United States [ما مهم] 08-28-2013 09:59 AM
ايوا صح لأنهم قررو يبنوا بلدم و دايرين كوادر يرفعوهم و بوفروا ليهم اي حاجة و اهم حاجة الإحترام


#753881 [خلدون جيلاني]
5.00/5 (1 صوت)

08-27-2013 11:37 PM
سبحان الله دولة مثل الهند عدد سكانها ضعف عدد سكان السودان مئات المرات وتعمل الحكومة على توطين التعليم وزيادة التنوع في مجالات التعليم والعمل على الإستفادة من الكوادر في العمل داخل البلد في شتى المجالات، وهنا في السودان بيئة العمل طاردة لعدة أسباب لا داعي لذكرها فالجميع يعرفها بل وتقوم الحكومة بمساعدة الأطباء للهجرة والعمل بالخارج، غير العديد من الفئات الأخرى المختلفة التي تهرب لنفس الأسباب هذا ناهيك عمن تمّ تسريحهم لما يُقال له الصالح العام. بينما كان الأصلح محاولة إصلاح الأوضاع في سوق العمل لإستيعاب الجميع لنهضة البلد، ونتمنى أن تُوفق المساعي القائمة من الأمم المتحدة للنهوض بذلك ويكفي نزيف العمالة على جميع مستوياتها من السودان.


#753841 [radona]
5.00/5 (1 صوت)

08-27-2013 10:13 PM
ياستاده شمائل سبق وان سالتك في تعقيب على مقال لك سابق بخصوص الهجرة الابدية للمريخ من اين الحصول على التاشيرة وكم سعر تدكرة الطيران للمريخ وهل توجد بالمريخ سفارة سودانية تطارد المهاجرين بالاتاوات


#753837 [asamabasheer]
2.88/5 (6 صوت)

08-27-2013 10:07 PM
هاجرو لآروبا أيها الشباب لاتهاجروا للبلاد العرب


ردود على asamabasheer
United States [حامد] 08-28-2013 02:27 PM
اتفق معاك 100%

United States [ما مهم] 08-28-2013 09:57 AM
بيني و بينك اوروبا زاتا واقعة بالنسبة للزول الداير يقعد علي المدي الطويل


#753831 [monem]
5.00/5 (3 صوت)

08-27-2013 09:50 PM
بالامس قراءت خبر هجرة الفنان الانسان القامة عبدالكريم الكابلي الي امريكا،فتوقفت كثيرا عند هذا الخبر والذي إن دل إنما يدل علي خلل كبير في وطنا السودان فهجرة الانسان العادي مقبولة اما هجرة المبدعين فهي موت للمبدع وللوطن. من المبدعين من رحل عن دنيانا ومنهم من رحل عن الوطن فياأسفي علي وطني.


ردود على monem
United States [عادل] 08-30-2013 02:17 AM
شكرا اخى لتطرقك لهجرة الكابلى فكيف ونحن نشنف اذاننا بمطربات الدلوكة ويغيب ابو عركى والكابلى غن التلفاز . وبعد تصفح الكثير من التعليقات الواردة ادركت لماذا عاشت الانقاذ 24 عاما وستعبش اكثر باذن الله

[Jaqcklin] 08-28-2013 09:50 PM
العكس تماما فهجرة المبدعين الى بلاد تشجع الابداع اكثر فائدة له ولفنه وانا اتوقع ان يضيف الكابلى كثيرا فى مهجره - نتمنى له الصحة والعافية .


#753812 [عصمتووف]
5.00/5 (1 صوت)

08-27-2013 09:06 PM
الشعب كله يريد الرحيل من الاقاليم الي المدن ومن المدن الي العاصمة ومن العاصمة الي مدن تنوم وتصحي علي العمل ومخدات الطرب نعم فلنرحل جميعا بالرغم من انه ليس حلا ورانا ذكرياتنا طفولتنا مقابر اجدادنا حجارة بلاذي رمالها سخونتها بعوضها قذارتها والله كل جميل ونتحملة لكن ماهو العمل غير الدوس والعفص علي القلب الله يسهل ويمهل عليهم فهم ليس خيل بلدية


#753713 [ناصح]
5.00/5 (6 صوت)

08-27-2013 06:17 PM
بنينا مصانع سدود ومزراع
بنينا عمائر بيوت وحظائر
اقيف قداما واقول للدنيا انا كيزاني انا شيطاني

خليك في الغربة اوعك ترجع تاني
البلد حقتناوكمان عاجبتابنسرح فيها ونمرح فيها وما بنفكها ناتي
والما عاجبوا يلحس كوعوا ويقوي ضراعوا بنكسر ساقوا ونلوي ضراعوا
بنهدها دارو بنشردعارو

خليك في الغربة أوعك ترجع تاني
ياسوداني مادايرنك تقعد تاني بنجيب بنغالة حبش وعنقالة شوف لك بلدا تاني
انحناملكنا انحنا حكمنا وإتمكناياسوداني ربيعك صيف أوعك تحلم تاني

رقصناكم ورقصنا معاكم إيه عاوزين مننا تاني
ما بنتنازل بنينا موافق معاها مبادئ مابنتزحزح عنهاتاني
اقيف قداما واقول للدنيا انا كيزاني انا إبليسي أنا شيطاني


#753709 [عبد إلله عبد الله]
5.00/5 (4 صوت)

08-27-2013 06:13 PM
يعتقد المؤتمر الوثني أن هجرة الشباب ستساعدهم على المكوث طويلاً في الحكم، والعكس صحيح،،،،
فهجرة الشباب السوداني تكسبهم خبرة عملية ونضج سياسي، فمن المعروف أن الموجود داخل السودان يكون محاصر إعلامياً وثقافياً ومحاصر إقتصادياً بل وحتى دينياً بتهمة التكفير والطعن في معتقداته،،،،
الهجرة ستعمل على التحرر الإقتصادي، ستعمل على ترتيب الصفوف، على معرفة كيف نبدأ من جديد، من حيث أنتهى الآخرون،،،
أقول.... الهجرة ستعود على المؤتمر الوثني بالبلاء إن شاء الله، ودونكم جنوب السودان عندما سافر شبابه إبان الحرب، إلى أوروبا وأمريكا وكوبا وعادوا إلى الجنوب للبناء،،،

نحن لم ننس بلدنا السودان، فكل سوداني يعرف أن أهله وأحبابه وحتى قبره ( إن شاء الله ) هناك ،،،

وإنا لله .... وإنا إلى السودان عائدون،،،


ردود على عبد إلله عبد الله
United States [ehsan salih] 08-28-2013 04:24 AM
ياخى تسلم و يسلم لينا فهمك والله كنت من فترة بفكر فى الرأى دى و كلما أقعد أكتب يخونى التعبير و أطلع صفر لكن كلامك ده هو عين الحقيقة فأنا حينما خرجت من السودان قبل ١٥ سنة كانت ثقتى فى نفسى تعبانة و لم أكن أعرف أننى كبشر أسوى شئ و كإمرأة طبعاً زاد الأمر سؤ و لكنى الآن أسترجعت الثقة فى نفسى و تعلمت أن أحترم البشر على مختلف ألوانهم أجناسهم و أديانهم و أحترم الحياة نفسها و كان أصعب شئ هو التخلص من تلك العبارات التهكمية التى سمعتها طوال حياتى تلك العبارات التى تسخر من شكلى من لونى من فهمى من أنوثتى و أدركت الآن كذب مجتمعنا و بعده عن الحقيقة.


#753683 [ود تلودي الضيف]
5.00/5 (3 صوت)

08-27-2013 05:32 PM
الغني في الغربة وطن والفقر في الوطن غربة


ردود على ود تلودي الضيف
[سارى الليل] 08-28-2013 07:51 PM
حقيقة فى محلها يا تلودى والناس كلها الان بتبحث عن الوطن البديل ولو اسرائيل وحسبى الله ونعم الوكيل يا سفلة الانقاذ.


#753664 [ابو الليل]
5.00/5 (5 صوت)

08-27-2013 05:05 PM
قلنا احسن نخليهو للكيزان ديل ... نشوف اخرتها شنو ... الناس ما لاقية تاكل ويقولو ليك اقعد ... طيب ما عندك لي شغل خليني اطلع.. الناس دي ما حتجي راجعة ابدا صدقوني والله


ردود على ابو الليل
United States [ما مهم] 08-28-2013 09:52 AM
البلد ما بتشيل الكيزان و الشرفاء مع بعض, ما معناتا الطلعو كلهم شرفاء لأنو الزول بشوف مناظر كتيرة بتحصل و للأسف من ابناء بلدو و دا اولا و اخيرا انا برميهو في الكيزان هم العلمو الناس كدا ...دي تربيتم للبلد


#753636 [اسد]
4.50/5 (4 صوت)

08-27-2013 04:23 PM
ياشمائل عميد كلية الاقتصاد في جامعة يستلم راتب 3000 جنية واحد عند خدامة فلبينية راتبها 600 دولار 600×7=4200 جنيه. دا ما من راسي لكن مشاهد. طيب كيف لمثل هذا الاستمرار او الاستقرار.


ردود على اسد
United States [محجوب عبد المنعم حسن معني] 08-28-2013 01:47 PM
الاخ ما مهم
يا زول نحنا كمان عايشين في البلد وعارفين الحاصل، فليبينة شنو الشغالة بدوها 600 دولار في السودان، وحاتك كان الخدم المدفقة في الخليج ده كلها مشت السودان

United States [الجمبلق] 08-28-2013 10:09 AM
وبعدين يا اخوى هو راتبه 3000 جنيه وجايب ليه خدامه ما يخلى المره وبناتها يشتغلوا الفشخرة شنو

United States [ما مهم] 08-28-2013 09:46 AM
الزول دا قال ليك ما من راسو يا محجوب ما تكضبو ساكت

European Union [محجوب عبد المنعم حسن معني] 08-28-2013 12:03 AM
يا زول راتب الفلبينية 200 دولار ما تشطح ساكت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة