الأخبار
أخبار إقليمية
اشتباكات ببورتسودان بين الشرطة والاهالي
اشتباكات ببورتسودان بين الشرطة والاهالي
اشتباكات ببورتسودان بين الشرطة والاهالي


تشريعي يتعرض للضرب
08-27-2013 03:30 PM
صالح عمار

اصيب ثلاثة اشخاص بجروح صباح الثلاثاء، خلال اشتباكات مستمرة بين الشرطة ومواطنين بمدينة بورتسودان شرقي السودان، فيما تعرض عضو بمجلس تشريعي البحر الاحمر للضرب اثناء محاولته انقاذ احد الجرحي، ومصادرة كاميرات تخص صحفيين بواسطة السلطات.
واوضح شاهد عيان من مواطني منطقة ام القري للـ (التغيير) ان المئات من افراد الشرطة والامن داهموا المنطقة في الصباح الباكر لازالة مربعات 9، 10 القادسية و 7 ام القري، وهي مناطق ذات كثافة سكانية تقول السلطات ان اصحابها يقيمون فيها دون اوراق ثبوتية.
وقال شاهد العيان ان الشرطة اطلقت الرصاص في الهواء والغاز المسيل للدموع علي الاهالي المحتجين، وان الاشتباكات لاتزال مستمرة، واضاف المصدر : "تطلق الشرطة الغاز المسيل للدموع علي كل منزل وتقوم باقتحامه بعد ذلك بغرض الهدم".
وافاد مصدر من مستشفي بورتسودان (التغيير) ان ثلاثة من المصابين يتلقون العلاج في المستشفي وهم :
1 – الامين الحسن 11 عاما
2 – محمد شريف محمود 60 عاما
3 – حامد احمد 52 عاما
بجانب احد افراد الشرطة.
وقال شهود عيان ان الشرطة اعتدت بالضرب علي عضو مجلس تشريعي البحر الاحمر حامد ادريس سليمان اثناء محاولته اسعاف احد الجرحي الذين "قامت الشرطة باعتقالهم ومنعهم من التحرك".
وذكر الصحفي عبدالهادي الحاج ان الشرطة منعته مع زميله محمد بدرالدين من تغطية الحدث وقامت "بمصادرة كاميرا وجهاز تسجيل كانت بحوزتهم".
وقال نائب دائرة القادسية بمجلس تشريعي البحر الاحمر محمد نور اري ان الخطوة كانت مفاجئة لهم بسبب "وجود القضية امام القضاء الذي لم يفصل فيها".
واصدرت وزارة التخطيط العمراني امرا مفاجئا يوم 22 من هذا الشهر لسكان مربعات 9، 10 القادسية و 7 ام القري دعتهم فيه لاخلاء مساكنهم خلال اسبوع، فيما قامت بتنفيذ الازالة قبل اكتمال المهلة.
وكانت السلطات قد ازالت مئات المساكن بالمنطقة في مايو من العام الماضي، نجمت عنها اشتباكات مماثلة واصابات وسط السكان، وتهدد بازالة اجزاء واسعة من المناطق التي تقيم فيها اعداد كبيرة من نازحي الحرب بجنوب الولاية اثناء التسعينيات "بين قوات الحكومة والتجمع الوطني".


تعليقات 14 | إهداء 0 | زيارات 8146

التعليقات
#754732 [بداويت اور]
0.00/5 (0 صوت)

08-29-2013 04:50 AM
الهدندوة والبني عامر ابناء عم تربطهم صلة دم لا تفرق بينهم حدود سايس بيكو ولا اي حكومة تحكم السودان ولكن هناك نفوس مريضة تكشر عن انيابها لاثارة الفتنة والنيل من قبيلة البني عامر والطعن في هويتها مع انو القانون الدولي الدي تقدسونه يسمح باخد الجنسيتين للقبائل الحدودية في العالم ما بس البني عامر ده يشمل النوبيين في الشمال والزغاوة ووالبقارة في الغرب


#754315 [osman abdel rahman]
5.00/5 (1 صوت)

08-28-2013 01:39 PM
وزير داخليتنا يقولوا كان رنيس اتحاد الطلبة الاريتريين بمصر ايام دراسته هناك - يعنى اريترى اريترى مية المية
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كل لعيبة الكرة الاجانب عندنا تحصلوا على الجنسية السودانية
الغريب فى الامر شنوا
ولاية البحر الاحمر كلها سوف تتبع لدولة اريتريا قريبا!!!!!!!!!


ردود على osman abdel rahman
[كلام واحد] 08-28-2013 08:33 PM
بس اللاعبين المجنسين ديل بنتفسيد منهم!!! نجنس الناس الكيري ساكت ليه،، عشان يجوا يمسكوا الاراضي ويسكنوا فيها وينعموا بخيرات البلد وناس البلد الاصليين ما عندهم اراضي وحياتهم في شظف وضيق،، ليه البلد ما عندها وجيع البلد ما عندها وجيع


#754279 [ان مش سوداني]
0.00/5 (0 صوت)

08-28-2013 01:09 PM
انت ياسوداني انشاء الله تكون سوداني ميه الميه وبعدين لوكان عندك مشكله مع حامد دي راي شخصي
ماتخلط الامور ديل ماعندم اوراق سبوتيه ماعندم جنسيات انت مالك ومالهم ومن ناحيه سوداني هوه السودان دي زاتو حق منو


ردود على ان مش سوداني
[ود بلد] 08-28-2013 08:26 PM
السودان حق السودانيين؟؟!! انشاء الله اجابتي تكون افادتك!! لانو سؤالك غريب شوية وصيغته كانت كالتالي: [ هو السودان دي زاتو حق منو] بعدين لفظ السودان مذكر ولازم تستعمل كلمة[دا) وليس (دي) ساعدونا بالعربي شوية


#754076 [سودني يدعم سوداني]
5.00/5 (1 صوت)

08-28-2013 10:15 AM
النائب البرلماني حامد ادريس يمثل دائرة تقع علي الحدود السودانية الاريترية هو اصلا ما سوداني هو اريتري يعمل بمساعدة وزير الداخلية في توطين وتجنيس اللاجئين الاريترين ويدير منظمة اسمها الاتحاد الاسلامي الاريتري تمول بدعم من قطر توطين الاريترين في السودان حتي ارتفعت اسعار الاراضي في المناطق العشوائية الي ارقام فلكيةوبقت في هجمه كبيره علي شراء الاراضي


ردود على سودني يدعم سوداني
[ود بلد اصلي] 08-28-2013 08:32 PM
المعلق المدعو[Shot The Racial] انشاء الله اللي حاكم البلد يكون جده ننلسون مانديلا ما في مشكلة طالما هو سوداني بالميلاد واجداده وجدود جدوده مولدين في السودان.. نحنا بنتكلم عن دولة بحدودها الجغرافية الان.. أنت إذا عاودك الحنيين لارتيريا أو الحبشة وترى بأن ارتباطك اعمق فلك الخيار أن تذهب وانت حر في ذلك،، نحنا بنتكلم عن دولة بحدودها الجغرافية السودان للسودانيين وارتيريا للارتييين وسوف نظل ندعم اخوتنا في ارتيريا كمان دعمهم اللي حاكم البلد حفيد لوثر كنج كما تقول وحررها وسلمها لسياسي افورقي نظيفة وحرة.

لا تبقوا سودانيين باجسادكم وارتيرين بقلوبكم.. فالزول احسن يتابع قلبه عشان يكون يريح ويستريح

وصلت الفكرة ارجو ان تفهمها بدون عنصرية وبدون مائين سنة وما سميت بدولة السودان ولا اسرائيل

وصلت الفكرة ياحبة ولا نعيد الدرس من جديد ولا نعمل ليك درس عصر كارب كدا

United States [Shot The Racial] 08-28-2013 03:17 PM
أولا الزول البتكلم بطريقتك دي البتبرر بيها لسلوك عنصري بشع ضد غلابة مهمشين في شرق السودان الذي يعتبر أرض البجا وجزء أصيل من حواكيرهم في ماسميت قبل قرابة مائتين سنة بدولة السودان تعكس مدى جهلك وأستيطانك في أرض أفريقيا الشريفه من ناحيه أو مدي جهلك وعدم ادميتك في عالم يحكمه حفيد مارتن لوثر إنت كنت تعرفه وما أظن لأن الزول الفطمو بالعنصرية ذيك هو فاقد إنسانتو كيف يكون معاهو عقلو فالخزي والعار لك ولامثالك للابد والتحيه لمن خلصو وسيخلصوا الإنسان من الكائنات العنصريه المشوه النتنه أمثالك!!!

United States [عصام] 08-28-2013 01:56 PM
اخ اخ اخ اخ اخ اخ اخ اخ اخ اخ اخ


#754027 [الجعلى]
0.00/5 (0 صوت)

08-28-2013 09:14 AM
هذا هو الوالى الهمام أيلا يفعل مايريد وكان الولايه ملك له مستغلا الشرطه وادارتها الضعيفه لينفذ بهم مايريد وهذا امر متكرر الوالى لا يريد الضعفاء ويعتقد ان الناس لا بد ان تكون مقتدره لتبنى بمستوى فللله التى فى القاهره والاسكندريه بالعلم ان بالسكن العشوائى اناس لا يملكون قوت يومهم ولا يملكون شراء ورقه اسمنت فارغه ولكن لهم حق المواطنه اليس هم مواطنين يايلا خاف الله اذا لم تخف من احد الدنيا زائله وهذا النعيم وصمت الشرفاء مؤقت ولا بد ان ينجلى يوما سوف لا ترى النور فيه كفى افتراء وازدراء وقله ادب وياشرطه الولايه ينبغى ان تتعاملوا بالقانون وليس بامر الوالى ولكم يوما


#753813 [هيثم]
0.00/5 (0 صوت)

08-27-2013 09:07 PM
كفايه خنوع الآن لا يوجد قانون في السودان لابد من الرد وبقوه هؤلاء أنجاس يجب ردعهم الشرطه غطاء لتنفيذ مخططات المؤتمر الوثني


#753790 [سوداني سوداني سوداني سوداني]
0.00/5 (0 صوت)

08-27-2013 08:27 PM
التقرير واضح،،،،، ما فيه كلام،،،،، بدون أن يحملون ارواق ثبوتية (يعني ما عندهم جنسيات) تخص البلد،،،،، الاوراق الثبوتية ليس المقصود بها اوارق تخص الأرض وإلا لما اقدمت الوزارة بالتعاون مع الشرطة بهدم هذه المنازل،،،،،

قالوا ليكم بدون أن يحملون اوراق ثبوتية،،،،، إذا ثبت أنهم غير لا يحملون جنسيات البلد،،،،، فيجب إكرامهم لحين ارجاعهم لبلادهم فورا فالبلد فيها اللي مكفيها.. ويجب أن تتابع كل المناطق والمدن الحدودية بالذات من النازحين من دول أخرى،،،،، والغريب أننا وجدنا اشخاص يحملون جنسية البلد وهم لا يحفظون نشيد العلم بتاع البلد،،،،، من دول (تشاد واترتيريا) وبالذات هاتان الدولتان.. والحبشة وغيرها،،

اولاً الشرطة محتاجة لإعادة النظر فيها كيف يتم استخراج جوازات لهؤلاء بدون الانتماء للبلد وماهي الفائدة من تجنسيه وماهي الفائدة الكبيرة الي سوف يجينها بلد اقتصاده تعبان وفقير في كل والذين يأتون من هذه الدول هم أشد فقرا منا،، إذا فتحت مسألة الجنسية وكل من هب ودب أن يعبر الحدود ويستطيع أن يمتر له ارض ويسكن ويعمل فيها ابن بلد ووطني فهذه قمة الفوضى وقمة العار في حق البلد،،، يجب مراجعة كل هذه الأمور،، يجب مراجعة كل الذين تم تجنسيهم والذين في انتظار تجنسيهم والذين في هم في الطريق لتجنسيهم،، هؤلاء بلدهم أولى بهم إن كان بلدهم في غنى أو في فقر مدقع،، يجب أن تهتم وزارة الداخلية والرئاسة أولا بهذا الأمر،، لأن مثل هذه الأمر سوف يسبب الخلل في المستقبل البعيد،،

والغريب نرى هنا حملة الجنسية السودانية يتعاملون بغباء وبرعونة وبعدم مسئولية لا وطنية ولا احترام لانفسهم ولا لتقديمه لجنسية البلد التي يحملون بصورة طيبة وكريمة،، فهؤلاء يجب إعادة النظر فيهم،،، لأنهم دخلاء ومحسوبون على الامة السودانية،،،

بالله لا يحمل اوراق ثبوتية دخل البلد بصورة غير شرعية وبعد أن نبت ريشه وبمساعدة اقربائه القدامى وبمساعدة بعض السودانين ضعفاء النفوس والوطنية أن يحدد ويمتر له ارض ويسكن وعندما يأتي القانون وسيادة البلد يعملوا تجد مقاومة.. فهذا منتهى الفوضى ومنتهى اللامبالاة وعدم المنطق والافق المحدود وفعلا من آمن العقوبة أساء الادب..


ردود على سوداني سوداني سوداني سوداني
United States [سوداني وحبو رماني] 08-28-2013 11:44 PM
المعلق ان مش سوداني لا تنطق [ انت هسي] كما تنطقها وكتبتها بل تنطق وتكتب هكذا [ انت هسع] فهي مأخوذة من المصطلح هاالساعة التي مازال يقولها اهل المغرب وتونس عرب شمال افريقيا.. ساعدونا بالعربي يا.....

United States [ان مش سوداني] 08-28-2013 01:22 PM
انت حسي انشاء يكون عندك اورق ثبوتيه ياسوداني والله دي كلام عيب منك ياخي ديل ناس يعني بشره الناس تحمد الله ان هيه بتاكل وتشرب مش يبق كلامك عنصري لو رجعت لي وره حاتعرف ان السودان ما حق زول والسودانين الاصلين مشو وخلوه ليك لو تقدر انت ياسوداني طالب بي الانفصال عشان تعر ف انت سوداني والا ماسوداني

[اؤيد سوداني سوداني] 08-28-2013 12:31 PM
المعلق ود ابوريش انا اؤيدك المعلق سوداني سوداني...

ما في حاجة اسمها تداخل وقوميات. يعني عشان بسببكم انتو يجوا يدخل السودان دا كان زمان قبل التوزيع والتقسيم الجغرافي.. نحنا في غنى عن ذلك.. إذا اردت أن تذهب فقشة ما تعترت ليك اهم اهلك واولاد عمك وناس وطينتك.. برا قوميات بلا تداخلات.. السودان حا يستفيد شنو من القوميات والتداخلات بتاعتك غير اعباء اجتماعية وثقافية وصحية وتعليمية


هل لو الشغل قوميات كان كل العرب في الدنيا ذهبوا للخليج بداعي القوميات والاثنيات والعرق لينعموا ويعشيوا في رفاهية

الارتيري ارتيري والحبشي حبشي وكفى

United States [خلو عندكم وطنية] 08-28-2013 09:40 AM
بسم الله الرحمن الرحيم
الاخ العامل سودانى دايما اللي بيتكلم بالشى قبل يسألوهو بيكونى شاكك فى الموضوع يعنى انت كاتب سودانى سودانى سودانى ذي التقول فى زول مغالطك ماكلنا سودانيين والله لو لقينا بلد غيرو حنخليهو زاتو وبالمناسبة عدم الفهم قسمة شوف انت عندك شى فى نفسك الان الكاتب قال ((تقول السلطات ان اصحابها يقيمون فيها دون اوراق ثبوتية.)) هنا بيقصد انو المنازل عشوائية وماعندها اوراق من الاراضى شفت انت فى شى جواك عشان كدة ربنا يهديك ويديك وان شاء الله يسجلو ليك بى اسمك السودان دا

[ودأبوريش] 08-28-2013 06:22 AM
يبدوعليك أنت مخلوق غريب ومشكوك في سودنتك وعنصري بغيض، ماذا تعرف عن تاريخ شرق السودان؟ للتتفوه بهذا الكلام الذي يشبهك، ويشبه أمثالك من الخبثاء، الذين يتحركون في الماء العكر، حبا في الفتنة،ووأدا للأخوة والمودة، هؤلاء الغبش ساكني الأخواخ لاتوجد في شرق السودان قومية أحق منهم بالأرض، فهم أبناء ملوك وسلاطين البحر الأحمر ياقصير النظر، ويامسكين الوالي إيلا الذي يحرك الشرطة والوزارة المسماة (بالتخطيط) إرجع واسأل عن أصوله ستجده من هؤلاء الغبش ساكنى الأخواخ، وكل من لم تكن له صلة بهؤلاء فهو دخيل على شرق السودان، وليكن في علمك ما شرط يحملوا الجنسية السودانية، فهم أصحاب أرض، جاءت السودنة ووجدتهم على أرضهم، ياغريب الفهم واللسان، ويبوا من خلال حديثك أنك ساقط في مادتي التاريخ والجغرافيا، إيه دخل دولة تشاد بشرق السودان ليكونو رعاياها ساكني عشوائي بورتسودان؟؟ ولاتوجد دولة على وجه الأرض إسمها (اترتيريا) فإن كنت تقصد إرتريا، فهي دولة مجاورة لشرق السودان وكثير من قوميات شعبها متداخل مع شعوب شرق السودان خاصة قوميتا البني عامر والهدندوا، وهذا طبيعي منذ أن خلق الله الدنياجعل بني آدم مرتبطون ببعضهم فإن لم تكن أنت من جنس الآدميين فأنت معذور لأنك لست منهم.


#753744 [قرقاب الرفلة]
5.00/5 (1 صوت)

08-27-2013 07:14 PM
هل تم تجهيز بديل لهؤلاء قبل أن يتم تفريقهم بالقوة ؟


#753733 [احمد علي]
5.00/5 (2 صوت)

08-27-2013 06:44 PM
علي كل الشرفاء ببورتسودان الالتحاق بالنائب حامد ادريس سليمان
الذي هو الآن في موقع الحدث
حكومة الاحتلال تريد هدم 6000 منزل
6000 اسرة
لا للقهر والاستعلاء


ردود على احمد علي
[البجاوي] 08-28-2013 08:56 PM
من هو النائب حامد ادريس
هو من الوافدين الي هذه الولاية وبدلا ان يحترم اسياده اللذين استضافهم عندم تركوا بلدهم ووطنهم خوفا من الحرب ولكن الوطنيين الاريتريين الابطال قادوا المعارك وحرروا اريتريا ولكن النائب الهارب يتطاول علي ايلا البجاوي الاصيل وصاحب الارض ومن لايرده فليذهب الي الدولة التي جاء منها
السؤال هل البني عامر قادرون علي الحديث في دولتهم اريتريا والله لا احد يستطيع ان يفتح فمهه من البني عامر في بلدهم اشكروا ايلا اللذي قبل بكم في موطنه يا كلاب .

[Shot The Racial] 08-28-2013 05:10 PM
التحيا ليك والذل للكائنات العنصريه المعلقه على كلامك والبتبرر لقمع المهمشين الشرفاء سياسات التطهير العرقي الممارس ضدهم من الضبع المندس وسط البجا إيلا والخزي للعنصريين ان الشفاء ديل هم جزء أصيل من البجا علي امتداد ماسمي حيثا بدولتي ارتريا والسودان محتفظين بالوهم المتمثل بالعنصريه ورفض والتشكيك في الاخر الذي رضعه وفطم به

United States [صدقي] 08-28-2013 11:09 AM
نحن مع الوالي ضد الاحتلال الارتري واذا الدولة لم تتحرك اصحاب الارض سوف يتحركون لطرد اي لاجئ حتى الحدود الارترية

United States [سفيان] 08-28-2013 11:04 AM
عن اي احتلال الارتري ام غيرة يجب ترحيلهم الي ارتريا مباشرة وتجريدهم من الجنسية السودانية او ادخالهم معسكرات اللاجئين كما كانو (السودان للسودانيين وليس الارترين ) بلى يخمكم انتو ووزيركم(رئيس اتحاد الطلاب الارترين سابقا)


#753707 [حسن]
5.00/5 (1 صوت)

08-27-2013 06:11 PM
ده استهداف واضح وعنصري من الوالي العنصري
هذه المربعات كلهامن قبيلة البني عامر لذا يتعمدوالي السجم ان يجعلهم في صدام مع الشرطة الارض تنزع بواسطة القضاء، وليست بواسطة الوالي

ده قرارسياسي وكل مرة يرسل الوالي الشرطة كي تصطدم بالاهالي وقدحاربهم بتكسيراسواقهم ومحال تكسبهم والآن يلاحقهم في منازلهم
وقدحاول رائدفي الجيش ان يعتدي عليه بسبب تكسيره لمنزله وترك اباه شيخ كبير وامه الهرمة يبيتون في العراء اياما وهوغائب عنهم يؤدي خدمة للوطن جاء ووجدهم في هكذا حال فاستشاط غضبا وكاد ان يؤدي لمالايحمدعقباه

هذاالوالي غراب شؤم ينعق في الشرق

اذاكان الغراب دليل قوم
فلاوصلو ولاوصل الغراب

خسئت وخاب مسعاك ياباغي الفتنة والخراب


#753663 [ود الدلنج]
0.00/5 (0 صوت)

08-27-2013 05:05 PM
نسأل سؤال بريء جداً. الأرض التي يقيم فيها الناس هل هي ملك الشرطة؟ ولا ملك مّن؟ يا أخي أرضي التي تقيم فيها أسرتي ظلت اسرتي وكل الأسر السودانية والله تقيم في نفس المكان قبل أن توجد الشرطة والحكومة التركية نفسها. وبعدين ليه يحولوا النازحين بسبب الحرب من جنوب الولاية ليه يرحلوهم ، يعني يمشوا وين ؟ والله هذا سؤال وجيه ؟ نمشي وين بعد ما تركنا بيوتنا بسبب أن من يدعي أنه يمثل الحكومة لم يستطيع أن يوفر لنا أبسط الأمور وهي الأمن . ما لابد لنا من التحرك إلى الأماكن الآمنة وهي ماكن إقامة الولاة ، والوزراء ، ضباط الشرطة .... وهلم جرا. تجوا تطردونا . وبأي حق تطردونا من السودان . يعني نمشي نحلي ليكم السودان ده ولا شنو؟ ونمشي وين؟


#753650 [locolo]
5.00/5 (1 صوت)

08-27-2013 04:44 PM
آرفعوا سلاح تانى .. دى دايرة درس عصر !!! قصور عشوائية تنبنى فى الخرطوم فلا آحد يهدمها و آكواخ الفقراء تهدم على رؤسهم ... آفهموا الدرس ياناس الشرق ...


ردود على locolo
United States [ودالبحر] 08-28-2013 11:13 AM
الناس اليرفعو السلاح اصحاب الارض والوجعة وليس اللاجئين الارترين

United States [الصاحب] 08-27-2013 06:36 PM
دى اللغة الوحيدة التى يفهموها


#753642 [بدر السما]
5.00/5 (2 صوت)

08-27-2013 04:31 PM
تقول لي دين وإسلام ؟؟؟

اين الدين او الإسلام من هذا السلوك الهمجي .

اليس الله هو من يرث الارض ومن عليها ؟؟؟

نحن لا نقر الفوضى ، ولكن النفس اولى ، لإنها غالية عند الله تعالى .

لماذا لانمهلهم ثم نمهلهم مرات ومرات ونعينهم على مغادرة المكان حتي نقيم عليهم الحجة؟؟؟

هل ضاقت الارض بالناس إلا ذلك المكان ...

مالكم كيف تحكمون ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة