الأخبار
أخبار إقليمية
منع ظاهرة «التفحيط» في شوارع الخرطوم
منع ظاهرة «التفحيط» في شوارع الخرطوم
منع ظاهرة «التفحيط» في شوارع الخرطوم


08-31-2013 01:18 PM
الخرطوم : أصدر اجتماع مشترك بين محلية الخرطوم وشرطة مرور ولاية الخرطوم حزمة من الاجراءات الجديدة بشأن منع ظاهرة التفحيط بالسيارات بمحلية الخرطوم.
وكشف معتمد محلية الخرطوم، اللواء عمر نمر، في تصريح لـالمركز السوداني للخدمات الصحفية ،عقب ترؤسه الاجتماع المشترك الذي ضم شرطة مرور ولاية الخرطوم ، شرطة محلية الخرطوم وادارة العمليات ورؤساء الأقسام بالمرور، عن اتخاذ اجراءات عقابية صارمة تجاه المخالفين تصل لسحب رخصة القيادة من الممارسين للتفحيط وحجز السيارات المشاركة في العملية لاسهامها في الاخلال بالسلامة المرورية وتهديدها لمستقلي الطريق العام.
وأكد الاجتماع أن الفترة المقبلة ستشهد حملات مكثفة وتواجداً شرطياً دائماً في المناطق المستهدفة والتي تمارس فيها عمليات التفحيط بالسيارات لوضع القرار موضع التنفيذ.

الصحافة


تعليقات 30 | إهداء 0 | زيارات 6881

التعليقات
#757226 [mohnd hema]
0.00/5 (0 صوت)

09-01-2013 10:17 PM
ايوة تفحطو طوالي فحطوا طوالي ما فضل حاجة غير انكم تفحطو يلا فحطوا.....


#756854 [؟]
0.00/5 (0 صوت)

09-01-2013 01:05 PM
البلد بلدون وهم اسيادها ، اولاد الشيوخ والامراء ما يفحطوا عاوزين بيهم شنو ، خلونا مع اولاد الفتح وشرق النيل شايلين الكبار والاطفال بالعناقريب يفحطوا في الموية والطين ، والنسوان داقين ليهم خيمة في شارع الظلط يكابسن في اغاثة "ندى القلعة" كثر خيرا ، اغاثة براه دي ماعشمانين فيها، ... بلد فارغة ، قالوا ماشين يحضروا محاكمة ناشطة عشان مالابسة طرحة.. هو كويس النظامي دا ما رشاها ، لانوا النظامين ديل لمن الواحد منهم يهيج ويزعل يرش ليك نسيبتوا ومرتوا واخوانابالكلاشنكوف مش بالخرطوشة بتاعت المصريين ...


#756715 [مختار احمد]
5.00/5 (1 صوت)

09-01-2013 10:30 AM
ولا من الشوارع المغرقية للتفحيط الشارع كلو مترين .


#756580 [أبوداؤود]
0.00/5 (0 صوت)

09-01-2013 05:11 AM
هذا المعتمد شبع ساكت وعايز يمشى للاسباب الاتية :
1- المفحطين هم ابناء المتنفذين او ابنا الضباط المابقدر عليهم الشرطى المسكين والا فقد وظيفته .
2- ايه دخل المعتمدية فى امور شرطة المرور ؟
3- القرار ده حيلحق قرار المعتمد بمنع البناء الجالوص !
4- بالمناسبة ابناء الضباط من امثالك لا يحشزن رجل المرور والدليل التظليل الذى عجز وزير الداخلية السابق بروف الزبير فى منعه !
5- معظم المفحطين من متعاطى المخدران التى اشتهر بيعها فى شارع 39 المقابل لموقف شرونى وبحماية كبار ضباط القوات المسلحة والشرطة. أها ديل عندك حل ليهم ؟
يا اخى الهف زى غيرك حتى تدور عليك الدائرة !!!!


#756526 [Asmar]
4.75/5 (3 صوت)

09-01-2013 12:50 AM
قانونك بله و اشرب مويتو لانو المفحطين ديل اولاد الكيزان
وعدلوا القانون لى ناس الكارو اذا فحطوا يتم صحب حصانهم مع الغرمه


#756515 [زول]
5.00/5 (3 صوت)

09-01-2013 12:17 AM
نحن السودانيين الحاجات دي ما عندنا بحكم ثقافتنا وسلوكنا العام والحاجات دي لو ظهرت تكون فعلا دخيلة على المجتمع السوداني ومن ناس مستجدين نعمة ومستجدين النعمة في عهد الانقاذ كثر كغثاء السيل او من افراد يستخدمون سيارات حكومية او شبه حكومية يعني الواحد السايق العربية البفحط بيها دي يكون ما داقي فيها حجر دغش يعني جاتو (سمبلا ساكت) وما يهمه لو اتكسرت وادشدشت حتة حتة لانه ما تعبان فيها وممكن امشي يسرق ليه واحدة تانية طالما انه باب الغرام اقصد باب الحرام فاتح على مصراعيه لكل مهلل ومكبر ومسبح ومهرول يبتغي ...؟؟؟ اخليكم تكملوا الباقي زي ما عايزين .. وشكرا


ردود على زول
European Union [تف إيــــــــــــــــــــــه] 09-01-2013 03:06 AM
يا سلام عليك .. كملت الكلام .. ياهم مستجدين النعمة .. امشوا شوفوا كان في واحد من آل البرير النفيدي مصطفى الامين والناس المعروفين ديل .. ما حتلقوا واحد ابوهو بدا ببيع اليمون او طبلية او شرب موية اللديتر في احراش الجنوب وبقى رقم يعمل قلة الادب دي لكن الحتلقوهم بالجد مستجدين النعمة .. ال كوز ابن هوز ولمز وغمز.. يا رب اي زول يفحط يحصل ليه زي الفي الفيديو يا رب.. تفحطوا شنو والناس ما لاقية تاكل الله ينتقم منكو ومن ابهاتكم اللي ما ربوكم جايين تتخثردوا علينا ....
تنبيه الخثردة دي حفتهم ولاد الكلب ديل.. وآسف للقراء لانو الا تكون مفهمومة من السياق


#756504 [عصمتووف]
5.00/5 (1 صوت)

08-31-2013 11:48 PM
ظاهرة التفحيط لا تحارب بالقانون والكلام الاجوف عالجة غالبية دول الخليج وغيرها بثشيد ميدان مجهز بكل سبل الحماية بل وضع اسعافات واسعاف وجعلت منها مسابقة بين المفحطين هي ظاهرة لن تستطع انت وشرطتك عمل شئ والغالبية اولاد كبار في الدوله اما نحن حق رقعة الكفر ب5 جنية مشكله بالنسبة لنا ولغيرنا ما بالك باتلاف كفرات كاملة امشي حارب الذباب والبعوض وسحب المياة الراكضة في الميادين والخيران ده ما شغل


#756483 [معاويــــــــــــــــــــــــــــــــــة]
3.00/5 (2 صوت)

08-31-2013 10:35 PM
والله ليهم حق انا استغرب من النمر ده الله يا الله النمر اليقطعك حته حته انت عندك شوارع والله عربات تفحط هو وينو شارع الزلط البيفحطو فيهو انت فاكر الفحيط ده كلام ساى الله يزلط راسك الزى راس الخروف ده تفو عليكم حراميه وارزقيه ومنتفعين نظام انت لواء الله يلوى رقبتك دى مش المفروض تكون والى حقير لا اكثر


#756481 [هيثم]
5.00/5 (1 صوت)

08-31-2013 10:32 PM
ان المفحطين اولاد الشياطين هيا سوري اولاد المسئولين تماما والباقين نظاميييين شوف ليك قرار بتاع رجال ياخاااايب تفوووووووووووو عليك


#756450 [كرهتونا]
5.00/5 (1 صوت)

08-31-2013 08:57 PM
شغالين بالفارقة بس ناس الحكومة ديل
اسع عليك الله ما تخجل يا نمر الزفت انتا اسع خلاص خلصت مشاكل البلد كلها وبقت علي التفحيط
تفحيط شنوو عليك الله يازول هي وينا الشوارع والعربات البفحطو بيها كلام عجيب لكن
يا اخي والله الزول ما بصدق يشنري ليهو عربية يا اخي معقولة بس طوالي كده حيمشي ويتهور ويفحط بيها !!!!!!!!!!!!!!!!!!!!
وبعدين مع البنزين الغالي ده العربات ناقصة حرق بنزين وحريق جيوب كمان وريتونا لكن

كرهتووووووووووووووووووووونا


#756431 [سن ألفيل]
5.00/5 (1 صوت)

08-31-2013 08:01 PM
هي العربات كلها كورية ( دفع امامي ) يعني يفحطو في ترس الخلف


#756396 [سارى الليل]
4.25/5 (5 صوت)

08-31-2013 06:41 PM
اولا يا معتمد الخرطوم فى زمن الغفلة والانحطاط يجب ان تعلم ان مسالة سحب الرخصة مرتبط بالقانون لان هذه الرخصة منحت بموجب قانون وخلاص ده الناقص محليتك ما تقبض الناس الفحطو بالاغاثة واموال المصارف والمجارى وخرطومك الاوسخ عاصمة فى العالم دى والله مشيت الاسبوع الفات السوق المركزى عايز استفرغ من رائحة القاذورات وين شوارعك البفحطو فيها بركة الهى وانت جاهى يفحط بيكم عزرائيل باقى اليوم كلكم الوالى وحكومته وما تنسى الرقاص وحكومتهيا منافقين يا تجار الدين.


#756377 [انصاري]
0.00/5 (0 صوت)

08-31-2013 06:06 PM
يا نمر الورق عضي صاح في مطعم الساحة " وملح" وأنسى المفحطين.. لأنك حتجلس في بيت أبيك وأمك.. وبعدها لن يهدى لك فطور.. من بعد..!!؟؟ المفلحطين,, أبناء لصوص التمكين والقوي الفاشي السمين.. ماكل التراث لماً لما من وأموال الغلابة والمساكين..!!؟؟


#756376 [دا تفحيط الفلس والقرف والخليج تفحيطهم تفحيط التخمة والهوس]
0.00/5 (0 صوت)

08-31-2013 06:04 PM
عشان كدا ربنا زاتو ما داير يديكم بترول عشان عفانتكم دي!! اسه دا تفحيط بريحة البترول ساي يعني لو طلع التبرول اي واحد يعمل ليهو شارع ظلط ويشوف ليهو عربية ويقعد يفحط.. عمل جهل.. التفيحط دا لغة في الخليج كانت ومازالت المهنة المحبببة لافرادها،، يستعرضون بها امام النساء وامام الورعان الصغار والشفع،، وأمام إشارات المرور عند يشاهدون الحريم يطلعوا برا ويقعدوا يرقصوا بمؤخراتهم رقيص مقزز والغريب انو الواحد بمسك طرف جلابيته بطريقة عفنة ومعفنة يشبه تماما رقيص الرقبة عندنا في السودان،،، عملية بايخة وعويرة وهبيلة وبدل على نقص ولا واحد تلقاهو ماشي في الشارع ورافع ليك المسجل وفاتح القزاز وتلقاهو بسمع ليك في فنان واغنية عاجبوه هو مفتكر الناس كلها ممكن يعجبها زيي ما هو عاجبو،، مرة واحد لقيتو ليك الصباح مشغل ليك شريط غربي وكان الاغنبية في بدايتها (لقد اديت صلاتي في الكنسية توا وأنا مرتاح البال والكلام كثير،، والغريب أنو صاحبنا كان ماشي بالسيارة براحة براحة وعامل فيها بردد معاهو في الأغنية والغريب ايضا انه لباس ليك نظارات اكثر الفريم محصل حكنو،،، غباء وتقليد اعمى وجهل


#756369 [مفارق امدر]
0.00/5 (0 صوت)

08-31-2013 05:50 PM
معظم الفحطين من ابناء المسؤولين فى الدوله ولا تستطيع شرطة المرور ان تفعل شيئا سوى التفرج على تفحيطهم


#756368 [كاظم الغيظ]
5.00/5 (1 صوت)

08-31-2013 05:50 PM
يا أهل بيزنطة كافحوا ترويج البنقو والمخدرات وتفشي الأمراض الفتاكة بين الشباب بدلاً من التفحيط والخوض فيما لا ينفع الخلق.
وبدلاً عن ذلك اعقدوا ورشة عمل وادعوا لها العلماء في جميع المجالات والخروج بتوصيات تنفع الناس.


ردود على كاظم الغيظ
United States [Almo3lim] 09-01-2013 07:12 PM
احسنت يا كاظم الغيظ..

المخدرات هي المدخل لكل السلوكيات الشاذة و من ضمنها التفحيط (Drifting)..
وللأسف المسئولين يعالجون الأمور بفهم محدود ..

(زي الجزمتو فيها مسمار و بيبلع بندول يسكن بيه الألم) ..!!!


#756365 [السالق بألسنة حداد]
5.00/5 (2 صوت)

08-31-2013 05:41 PM
اللواء عمر نمر باين عليهو زول فارغ ساكت وما عندو شغلة.
وهو عارف كويس جداً مين المستبيح البلد ومين البيفحط ومين البيفنجط.
التفحيط حسب علمي المتواضع عايز حديد سنين والسواد الأعظم من الغبش حق المواصلات ما عندهم.
قبل كده النمر ده قال حيحل مشكلة الزحمة المرورية (نوهائي) فقام بإتخاذ بعض الإجراءات العقيمة زادت الطين بلة وحيرت القرود في الشجر.


#756346 [ابو محمد]
0.00/5 (0 صوت)

08-31-2013 04:53 PM
يا ادارة المرور في ظاهرة جديدة اكثر ازعاجا بدأت تنتشر في سيارات الحافلات والامجاد وحتي الركشات وهي استعمال بوري عالي ومتواصل الصوت لو وقف جنبك يوتر اعصابك ومعظم من يستعمله معجب به يستعمله بدون مناسبة نرجوامراعات ذلك قبل ان تتحول شوارع الخرطوم لصالات ديسكو!‏


ردود على ابو محمد
European Union [mohamed] 08-31-2013 10:03 PM
بمناسبة البورى دى نحن عايشين هنا فى النرويج لينا سنتين ما سمعنا لينا بورى هههههههه والله اشتقنا ليهو عديل كده ,,,وكمان حاجه تانيه مافى عربيه بتمشى بسرعه اكتر من90كلم فى الساعه حتى فى الطرق السريعه,,الشغلانه ثقافه وفهم وانضباط واحترام القانون اتمنى للسودان كل خير وانشاء الله بعد كم سنه كده نبقى نحصل الدول الاسكندنافيه يارب....مع تحياتى


#756339 [سوداني قرفان]
0.00/5 (0 صوت)

08-31-2013 04:43 PM
انحنا عندنا عربات اشان نفحط بيها افضل عربيه عندنا غير صالحه للاستخدام البشري والله الا كم تمسكو ناس الكواري وتتحم أنم فحطو يااخ خاف الله أنتو خليتو في البلد عربات اشان يفحطو بيها


#756313 [hajabbakar]
0.00/5 (0 صوت)

08-31-2013 04:05 PM
قبل ان نفعل القوانين نريدDEFINITION للتفحيط
ومن الدى يحدد ان دلك تفحيطا؟ وهل سيكون تصفبة حسابات ادا غضب شرطى المرور من احد؟
مادا انتم فاعلون مع امهات هؤلاء الدين يفحطون؟ ودوى اللحى ؟


#756305 [wad omdurman]
5.00/5 (1 صوت)

08-31-2013 03:50 PM
اصحاب التفحيط هم اولاد الحكومة الاب غير فاضي للاولاد الام برضو مافضية للاولاد لانو ابوهم ما فاضي لامهم .الام بسكتوها بالعربية والسواق والقروش والولد بلقي نفسه فاضي لا ام ولا اب يقوم يشيل العربية ويتبختر مع اصحابه. هل ديل اولاد الكرياب ولا الفتح ؟؟. يجي البوليس يلقي الولد ود فلان بنسحب براحة


#756273 [Samy]
0.00/5 (0 صوت)

08-31-2013 03:00 PM
خــبر هــام :
لـدينا سـيارات بمواصفـات تفحـيط عاليـة الجـودة مـع شـوارع أٍسـفلت خاصـة للتفحـيص والرقـيص
وبشـهادة معـتمدة من الرئيس الرقاص .


#756250 [عباس التحت اللباس]
0.00/5 (0 صوت)

08-31-2013 02:33 PM
يا شباب في شارع النيل اولاد الكيزان الاوغاد الحرامية بفحطو عشان الشركة تطاردهم اول ما يمسكوهم يطلع اولاد فلا ن الكوز العفن يروحو سايبنهم.............


#756248 [التوت]
1.50/5 (2 صوت)

08-31-2013 02:32 PM
التفحيط بلا من بلاوي الزمان فقد حصد أرواحا" كثيرة في دول الخليج العربي وأولها السعودية .
فهو فعل مرفوض لانه يؤدي لزهق الأرواح وإتلاف الممتلكات مع سبق الإصرار لذي فهو عمل محرم شرعا"
لا تلقوا أنفسكم في التهلكة . فشباب السودان فيهم الخير والبركة ويدركون مدي الخطورة الناتجة عن التفحيط .


#756238 [جقلو - يا وليد]
0.00/5 (0 صوت)

08-31-2013 02:24 PM
حيكونوا اولاد من هؤلاء ؟
مين غلبان يفحط بسيارة مشتريها بدم قلبو ؟!!
اذا هؤلاء اولاد ليهم ضهر


#756228 [khalidal m Ali]
5.00/5 (2 صوت)

08-31-2013 02:02 PM
انت يا معتمد العاصمه جنيت ولا مستغنى من وظيفتك المفحطين ديل اولاد كبار رجالات الدوله وديل عندهم حريم باشارة اصبع تحصل الزينين يعنى خلى بالك اذا انت نمر البلد فيها لبوات .


#756223 [هدهد]
5.00/5 (1 صوت)

08-31-2013 01:57 PM
سبحان الله تفحيط كمان فى السودان !!!! قالوا الشبع بعمل بعبع . من اين اتى هؤلاء المفحطون ؟؟؟ واولاد من ؟؟؟ ومن اين لهم بهذه السيارات الفارهة التى يفحطون بها ظ؟؟ هذه صلكة وقلة ادب اولاد الكيزان طبعا المال اصبح عند بنى كوز اليهود فقط والدولةة والسلطة والثروة تحت اياديهم يفعلون كما يشاءون وهذه اموال المواطن الفقير حاج احمد تهدر فى تسلية وترفيه اولاد الخنازير ولا يهمهم هذه السيارات من اموال الشعب وتصليحها من اموال حاج احمد العريان وحفيان والماعجبوا يقوم يظاهر او يحتج فهنالك الالاف من الشرطة والبلطجية المدججين بالسلاح لحماية الخنازير واولادهم . قهر واذلال وسرقة نهارا جهارا وتحدى للمواطن واستفزازه بقوة السلاح والعسكر طالما ان ميزانية الدولة تصب فى حماية البشير الشرير وبطانته الفاسدة هذا حكم قرقوش الذى كنا نسمع عنه فقد تحول الى حقيقة فلا مجال للضعيف العيش فى السودان . لماذا لا نحمل السلاح ونرد عافية الوطن وحرية المواطن ونكبح جماح هذه الفئة الطالبانية الفاجرة ؟؟؟ حسبنا الله ونعم الوكيل والنصر لثوار الجبهة الثورية المسلحة والى الجحيم يا بشير الشؤم .


#756211 [أبوصحبو]
5.00/5 (3 صوت)

08-31-2013 01:40 PM
هي وييييييييييين الطرق البفحطوا فيااااااااا ؟؟؟؟


ردود على أبوصحبو
European Union [الشرانى] 08-31-2013 02:21 PM
وهى وينها السيارات اللى بفحطو بيها كمان


#756210 [عمار]
0.00/5 (0 صوت)

08-31-2013 01:39 PM
ههههههه من كترت العربات والمفحطين يعني



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة