الأخبار
منوعات سودانية
إيمان توفيق وإيمان لندن
إيمان توفيق وإيمان لندن
إيمان توفيق وإيمان لندن


09-01-2013 06:25 AM

بالمناسبة كنا طلاباً في المرحلة الثانوية وكنا نمثل الخرطوم في الدورة المدرسية القومية وكان معنا من الفنانين برئاسة الموسيقار يوسف الموصلي نادر الخضر رحمه الله وآمال النور ومحمد عبدالمطلب من الحلفايا ترك الغناء للعمل التجاري وكنا نشكل الفرقة الموسيقية لوفد الخرطوم بقيادة الموسيقار الحالي بالمانيا سيف الدولة صديق قميحة شقيق الفنان الفاتح قميحة.. وكان من الفنانين المنافسين سمية حسن من الجزيرة وحنان النيل من عطبرة وأفضل الفنانين الطلاب كانت سمية الجوخ من الدويم تركت الغناء مبكراً.
الدويم ظلت تفرخ المبدعين وخرجت المبدعة جداً إيمان توفيق ولم تجد من يأخذ بيدها وهي صاحبة موهبة حقيقية.. وهنالك الفنانة إيمان لندن وهي إيمان الجيلي من الدويم وسافرت أسرتها وإستقرت بهولندا وإتجهت هي للندن.. وهنالك بدأت تغني وأظنها الآن عادت لهولندا وبعض من أهل الدويم قالوا لا يعرفونها وليست منهم لكنهم يفتخرون بإيمان توفيق كثيراً.

الوطن


تعليقات 15 | إهداء 0 | زيارات 9475

التعليقات
#757254 [الترابى]
5.00/5 (1 صوت)

09-01-2013 11:30 PM
الخرطوم

ستبدأ في التاسعة صباح اليوم جلسة محاكمة المهندسة أميرة عثمان في البلاغ المقدم من أحد أفراد شرطة جبل أولياء تحت المادة 152 من قانون النظام العام (الزي الفاضح) وأوضح للميدان الآستاذ نصر الدين يوسف محامي الدفاع في القضية أن موكلته كانت تلبس لبساً كاملاً ومحتشماً أثناء تواجدها بمكتب أراضي جبل أولياء وأن أحد الأشخاص لاحظ عدم ارتدائها للطرحة فتقدم ببلاغ بدعوى أن رأسها مكشوف لذا فان خط دفاعنا سيكون أن هذا الفعل من الافعال المباحة ولا توجد جريمة لا في القانون الجنائي ولا أي قانون آخر وأن أي إجراء يتخذ ضدها يجب ان يستند على مبدأ المشروعية لانه لا جريمة ولا عقوبة الا بوجود نص الا اذا كان كشف الرأس جريمة.

ودى تاس النظام العام ماشافوها ولاشنو ؟؟؟؟؟؟؟؟؟؟؟؟؟؟؟؟؟؟؟؟؟


#757180 [راجل المرا]
0.00/5 (0 صوت)

09-01-2013 08:31 PM
اهلها فى هولندا وهى مشت لندن..... حنيت عليها تكون براها فى لندن
يا جماعة البيعرفها يديها عنوانى .... ما عندى مشكلة تجى تسكن معاى


#757147 [ود ابليس]
0.00/5 (0 صوت)

09-01-2013 07:01 PM
طيب الصورة دي بتاعت منو!! لندن ولا الدويم؟؟


#757050 [تينا]
3.00/5 (2 صوت)

09-01-2013 04:35 PM
عندما توفى رجل الأعمال (((حسن يورو ))) فتحت أسرته باب الفيلا الفاخرة لأفواج المعزين وفى صالون النساء جلست سوسو فى الأصل ست البنات قبل ن يصبح حسن يورو رجل اعمال وبجانبها صويحباتهاوهن فى كامل زينتهن تتلقى التعازى . همست صديقتها نوسه ((( كلمتى عوضية ردحى ))) ردت سوسو عوضية ردحى قالوا عندها مناسبة بكاء فى مدنى . قمت مشيت لى ((( هاجر حى ووب ))) قالوا عندها ارتباط خارجى فى دبى. مشيت كلمت ليكى ((( حنان سكليب ))) لقيتا فاضية وقعت العقد مع مدير اعمالا واديتو مليون جنيه عربون مقدم . نوسه تسال وشالت منك البيانات ؟ سوسو ترد اديتا ليها كوووولها . شغال شنو . وعندو كم عمارة . وقاعد يتبرع لياتو نادى . واشترى ليهو كم لاعب وعربتا السايقا نوعا شنو . وموبايلو الشايلو موديلو كم . انتهت مجموعات النساء من الغداء الفندقى الماخمج ثم حلين بالباسطة والبسبوسة وكنافة وام على وبدان فى الجلوس كيمان للشمارات وهن يمسكن بالسرامس المدهبة وبها الشاى والقهوة وفجأة دخلت الى الصالون شابة اخر شياكة ويمشى خلفها ستة شابات اخريات من نفس الشاكلة ويرتدين زى موحد وهن يرفعن اياديهن عاليا فى حركات متتابعة ويصحن بصوت كالجرس يشق عنان السماء ووووووووووووب ثم تبدأ ((( حنان سكليب )))فى السكلى والوصف وهن يرددن خلفها وووووب عليا والله ليا يا حسن يورو يا البتدى البتدورو والما بتدورو وووووب عليا والله يا صغير وجاهل يا البتجيب القروش بالساهل يا ود امى هىء هىء هىء . الكورس ووب ووب و ووووووب . الليلة يا حليلك يا زين الرجال يا ملك الدولار يا البتستر الحال الليلة يا حليلك يا البتشيل من البنوك وتشتت قبال ما يلحقوك يا ود امى هىء. هىء .هىء الكورس . وووب . وووب .ووووووب . الليلة وينك انتا يا الاسبليت هبوبك والهمر ركوبك الليلة وينك انتا يا البنيت المقصورة وركبت النافورة الليلة وينك انتا يا اب جيوب منفخة واب عربية مصفحة يا ود امى هىء. هىء .هىء . الكورس وووب وووب وووب ووووووب . يا حليلك الليلة يا البتفك الصعيبة ويا البتسجل اللعيبة يا حليلك الليلة يا جوكى البنوك يا التهريبك بالسنبوك يا ود امى هىء. هىء .هىء . الكورس وووب . وووب . وووب . ووووووب .ثم تعدل حنان سكليب توبا الشفون الكان واقع وتنظر للكورس خلفها نظرة الفنان الذى يود ان يختم الاغنية فيبدأن فى تحريرالبكاء ويرفعن اياديهن ليبدين زينتهن (((دهب دبى وكده))) وووووووب وب وب وووووب ثم يتوقفن فى لحظة واحدة باشارة من (((حنان سكليب))) وهى تجلس على اقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت الى النسوة اللواتى كن فى الصالون يتابعون فاصل ((( السكليب ))) قائلة . قبلكن وحدكن وبراكن . جنس بخلن عليكن . اول مرة امشى ليا ((( بيت بكا ))) ما ينقطوا ليا فيهو .


ردود على تينا
United States [ياريت] 09-01-2013 11:19 PM
يا تينا يا سكر كلامك زيي السكر

United States [كلام واحد] 09-01-2013 11:15 PM
قريب من المقال هذا ولا هو نفسه على ما اعتقد واظن قد قرأته فبل اقل من سنة أو اكثر واظنه كان بقلم الكاتبة منى سليمان لو ما اكون كضاب (كذاب) ولا كيف يا تينا

United States [زول] 09-01-2013 09:46 PM
قمة الروعة

United States [Adam Ibrahim] 09-01-2013 08:53 PM
هههههههه.. دا البكا مااااا عندهم لاكين.. الله يكتر من امثال عوضية ردحى وحنان سكليب وهاجر حى ووب.. اصلو الحرامية يومهم قرب..


#756933 [دوشكا]
5.00/5 (1 صوت)

09-01-2013 02:24 PM
كاتب المقال ماعندو اي موضوع نحن في شنو والحسانية في شنو بدلا ما تكتب عن ازمة الوطن تكتبوا لينا في ايمان لندن وايمان توفيق الله يحرقكم


ردود على دوشكا
United States [Almo3lim] 09-01-2013 04:46 PM
ناس الراكوبة عندهم فهم تاني حق تقديم الاخبار لكل شرائح المجتمع و أنت اخد البيناسبك و كبر لفتك عشان ما يرتفع عندك الضغط هههههههه..


#756881 [smileman]
5.00/5 (1 صوت)

09-01-2013 01:35 PM
الرد على مثل هذا الكلام فى حد ذاته مضيعة للوقت ماذا نستفيد من هكذا مقال وما علاقة كل هذه الخطرفات بالصحافة او الفن


#756842 [زول]
5.00/5 (1 صوت)

09-01-2013 12:54 PM
مشكلتنا نحن في السودان هي التشائم والنظر الي الامور من الجانب المظلم فقط ولكن اذا نظرنا الي موضوع ايمان من الناحية المشرقة يمكننا الاستفادة من لغتها الانجليزية وشخصيتها واناقتها(ما عاوز اقول جمالها لا يصفني واحد كوز بالكفر والزندقة)في تقديم اغاني بالانجليزية عن السلام ودارفور والفيضانات وتقديم ملامح مشرقة عن السودان حتي لو عن طريق السفارات ....الخواجات ديل طيبين ويصدقو اي حاجة والعجب شعب الامريكان
لو عملنا مسابقة بين طالب سوداني وامريكي قد ينجح الامريكي في اسئلةالنت والكمبيوتر ولكن سينجح السوداني في المعلومات العامةالدوليةوالجغرافية والتاريخ الدولي والادب اكيد زولنا سيفوز


#756815 [محجوب عبد المنعم حسن معني]
5.00/5 (1 صوت)

09-01-2013 12:25 PM
الله يرحمك يا حبوبتي هانم بنت الخليفة محمد عثمان ،اتذكر دايماً كلامها الحكم.
قالو الفياقة بتعلم الرجال المشاط


#756758 [احمد]
5.00/5 (1 صوت)

09-01-2013 11:16 AM
مقال خارم بارم او بمعنى اخر كلام الطير فى الباقير


ردود على احمد
United States [alseeni] 09-01-2013 01:50 PM
هههههههههههههههههههههههههه


#756751 [واحد]
5.00/5 (1 صوت)

09-01-2013 11:05 AM
ياجماعة واحِد إفهمنى ؟.


#756746 [mohd malik]
5.00/5 (1 صوت)

09-01-2013 11:03 AM
ياصاحب المقال ما عندك موضوع - ووين محاكم النظام للزى الفاضح لماذا لم تحاكم ايمان لندن
كما تحاكم المهندسه الناشطه ولافرق تسود


#756739 [Sudani]
5.00/5 (1 صوت)

09-01-2013 10:50 AM
يااخي ده كلام ماعندو اي معني , تكون ساكنه هولندا ولا ساكنه برلين ده بهم المواطن السوداني في شنو ؟؟
we do not care if she came from the hell it self , please concentarte on issue that touch the sudanese citizen


#756684 [بيكانتو]
0.00/5 (0 صوت)

09-01-2013 09:53 AM
وانت وين هسع - ووين ايمان توفيق - ليه ما مشيتوا مع ايمان الجيلى - بعدين انت من الخرطوم ولا الدويم


#756616 [صادميم]
5.00/5 (2 صوت)

09-01-2013 08:21 AM
المناسبة شنو كلام ما مفهوم او ناقص


ردود على صادميم
United States [دجانقو] 09-01-2013 11:14 AM
الراجل عامل دعاية لي بت لندن حقتو دي وداير يلصقا في ناس الموصلي وحنان النيل - يعني هي زيهم واحد - انتا زعلان مالك ؟؟

United States [Abu Areej] 09-01-2013 10:42 AM
والله يا صادميم (نحن الدخلنا هنا شنو؟؟)


#756603 [الراصد]
5.00/5 (4 صوت)

09-01-2013 07:35 AM
سمية زالنجى وامنة الدمازين وفتحية كعب الدجاج ونفيسة برلين وفطوم جونقلى!!!!!!!!!!! يا اخوان البلد كلها بقت فنانين وفنانات؟؟


ردود على الراصد
United States [sahar] 09-01-2013 07:57 PM
والله صدقت،،،، حاجة عجيبة خلاص !!!!!!!!!!!!!!!!!!!!!!!!!!!!!

[سامي] 09-01-2013 02:09 PM
وليه نسيت عوضية منفلة وحنان لبط وعائشة ام ضراع

United States [معليش انا مافنانة] 09-01-2013 09:42 AM
الله يجازيك يا راصد كتلتني بالضحك - صدقت

[عماد عثمان - جدة] 09-01-2013 09:28 AM
و ما تنسى سعاد حواجب و حنان سوبا و علوية الرميلة و حليمة الدلنج .... ديل مفروض يغنوا فى الميناء البرى.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة