الأخبار
أخبار إقليمية
قصيدة جديدة للشاعر محجوب شريف
قصيدة جديدة للشاعر محجوب شريف
قصيدة جديدة للشاعر محجوب شريف


09-03-2013 09:43 PM
عمار عوض

قصيدة جديدة للشاعر محجوب شريف عن (نفير) وكارثة السيول والامطار

للحمام الهديل،
للرياح الصفير.
فى لِهاةْ البلاد الشهيق،
الزفير، النفير، النفير.
يومَا هَبَّ الوِلاد، والبنات مُسرعات.
السيول كالخِيول.
الشوارع سيوف،
بَاتُو برَّة الجفير.
راجمات السَّحاب،
الشديد الهطول.
انهيار السِقوف راسِخات البِناء.
من أمام العيون،
فرَّ بيت الغفير،
الحصير، السرير، المراتب تسير،
الملابس تعوم، الأوانى بتحوم، الجداول تفيض.
إمتداد الحِصار، غطَّى كُل اتجاه.
شُفنا نيلنا القديم، غارقاً فى المياه.
فى المراكِب يَحِنْ،
للضفاف الشِراع.
الحوافر تجِن.
الأظافِر تئِن.
الكلاب، النِباح، حتى ذات الجناح، هل تَرِك، أم تطير.
إختفاء الطريق.
إشتعال الحريق، فى بطون الجياع.
إنتشال الغريق، الغريق، الغريق.
موجة موجة الشهيد، دونَ كِلمة وداع، والمدامِع تسيل.
كم سحابة بتشيل، من صياح التِياع.
الودار.
الضياع.
اجتياح، اجتياح، المعارك تدور.
والمُرور السريع،
هدَّ كتف الجِسور،
هدَّ حيل الجميع،
الكبير، الصغير، المُسِن، الرضيع.
بِئسَ حال المريض،
كالمَهِيْض الجناح،
فى الفضاء العريض، والسماء المطير.
الكلام المُريب، الغريب، الخطير،
الحكومة بتغير، من حماس الشباب.
الشباب الذى فى فؤاد البلاد،
البلاد التى عدَّموها النَّصير،
الرماد،
الرماد، حيثُ كان السماد،
انتشار البذور،
فى انتظار الحصاد.
الفساد.
الكساد.
كلُّو واقف قُصاد،
أن يموت الفقير.
التلوث شديد. ا
لتَسَوُّس اكيدالملاريا.
البعوض. العنابر خراب.
المِمَرّض مرض.
الغذاء، الدواء، كُلُّ شَىْ فى الحضيض.
بين هذا وذااك، يستحيل النهوض.
الحُروب، الحُروب، إنسداد الدُروب. والهُروب، الكبير.
يا أعالى الرئيس. يامعالى الوزير. ياليالى السفير.
قد أتى هؤلاء.
هؤلاءِ الشباب،
من جحور العذاب،
من صميم الولاء،
للتراث المجيد،
العميق الجذور،
فى نفوس الجدود، أولياء الفقير.
لم نساوم، ولن.
مابنخُش المزاد،
خلف ظهر الضمير.

محجوب شريف


تعليقات 29 | إهداء 5 | زيارات 10573


التعليقات
#759817 [تجاني مصطفي]
0.00/5 (0 صوت)

09-05-2013 08:13 AM
لاتعليق .. سوي أنها تذهب عنا الحزن وتبشرنا وتذكرنا بأننا مازلنا بشراَ شكراَ حبيبنا محجوب .. أرجو من الأخوة أن يدعو الله له في مرضه هذا الذي كلماته كانت لنا ترياقاَ ضد الأحباط والأسي والجوع والمرض وفساد الحكام


#759749 [كلمة حق]
0.00/5 (0 صوت)

09-05-2013 07:35 AM
السادة / ادارة الراكوبة المحترمين
اولا نشكر لكم جهودكم الجبارة في تمليك الحقيقة للناس ولكن اسمحو لي ان انصح لكم بان هنالك بعضا من المعلقين الجهلا الذين يكيلون الشتم علي القبائل (كرت ميت ) نامل منكم شاكرين بعدم السماح بنشر هذه الرتعاليق التي تنم عن حقد كاتبيها ولا تزيد الطين الا بلا .


#759741 [ناصح]
0.00/5 (0 صوت)

09-05-2013 07:27 AM
نرجو من الادارة الفاضلة عدم السماح بنشر التعليقات التي تتعرض بالسب لبعض القبائل لان مثل هذا الامر يؤدي تعميق المشاكل وليس حلها ولا سيما اننا من القراء المداومين للرلكوبة وشكرا


#759441 [عبدالرحمن الامين]
0.00/5 (0 صوت)

09-04-2013 07:19 PM
والله ياوالدنا العزيز مجوب شريف انك ود بلد اصيل وشفيف ونضيف تمنياتى لك بالصحة والعافية ويكفى قولك : ماتقولى شن ...ماتبكى شن سويت
غير البطمن ناس ..بى همهم حسيت
حارس مع الفرسان ...حارس بلدنا البيت
يا اروع شاعر انسان......................


#759415 [بنيل حامد حسن بشير]
0.00/5 (0 صوت)

09-04-2013 06:37 PM
سبحاان الله، أشعر شعراء السودان يكتب قصيدة اروع من الروعة ، والناس بدلا من أن تستمتع بها يتنابذوا
ده السودان، ياهو ده السودان، وربنا يطول لنا في عمر الشاعر العظيم حامل هموم الانسان السوداني حتى وان كان في سرير المرض


#759356 [بومدين]
0.00/5 (0 صوت)

09-04-2013 05:02 PM
الـمجــد والـخــلــود ..
لـصــــوت ، وضمــــير ، ونبــض .. الـغــبش الـغــلابه ..
الـمـجــد والـخــلــود ..
لـســمـر الـجــباه .. كـالـخـمـرة فـي الـنور الـمــذاب ..
مـلائكــة الله فـي غُـبشــــــه الـغــلابه ..
الـغُـبش الأشــاوس .. الـبـلســم الـشــافـي .. فـرســــان نـفـــير ..
لــقـــد ســطـروا مـلـحـمـه اســطـوريه مـبهــره .. خــالــده ..
كــتبت بمــــداد مـــن نــور ، وإيثار ، وفــخــر ، وإعـزاز .. ودم .. ودمـــوع .

أناديكم

أشد على أياديكم ..

أبوس الأرض تحت نـعـالكم

وأقول .. أفديكم

وأهديكم ضيا عيني

ودفء القلب أعــطيكم

فمأساتي التي أحيا

نصيبي من مآسيكم .

أناديكم

أشد على أياديكم ..

أنا ما هنت في وطني ولا صـغـرت أكتافي

وقفت بوجه ظلامي

يتيما ، عاريا ، حافي

حملت دمي على كفي

وما نكست أعلامي

أناديكم .. أشد على أياديكم!!
الــتحــيات الـطيبات .. الـزاكيات .. للـقـامـه الـفــذ محجــوب شـــريف .. ضــمـير الامـــه .
الـتحـيات الـطيبات .. الـزاكيات .. لـفـرســان نـفــير الـنبلاء .. إناث .. وذكــور .


#759301 [زووووووووووووول]
5.00/5 (1 صوت)

09-04-2013 03:25 PM
ردا علي القافل علي كرت ميت
والله انك قافل علي كرت ميت وانت شكلك ميت وشبعان موت الحسانية اشرف منك من قبيلتك ايها الحقير عديم البصر والبصيرة قبيلة الحسانية بماضيها وتاريخها الناصع ورجالها البواسل اكبر منك ايها الحاقد الجاهل .


#759283 [محمداحمد حسن اوشي]
5.00/5 (1 صوت)

09-04-2013 03:02 PM
التحية لك الحبيب محجوب شريف الرجل النظيف البسيط اللهم يارافع السماء بلا عمد ان تكتب الشفاء العاجل للاستاذ محجوب شريف .


#759217 [غصن الرياض المايد]
5.00/5 (1 صوت)

09-04-2013 12:47 PM
أحبابي في الراكوبة رددوا معي هذا الدعاء في كل وقت وحين ليعود فارس الكلمة والناطق الرسمي باسم الغلابه من شعب السودان

لا إله إلا الله العظيم الحليم، لا إله إلا الله رب العرش العظيم، لا إله إلا الله رب السموات ورب الأرض ورب العرش الكريم "

اللهم أشفي عبدك محجوب شريف
الشفيف ، الرهيف ، النضيف ، اللطيف ، ابدما خفيف لسان الشعب وعين زمانه

نفديك بالروح ياحبيبنا ونرفع الأكف لله أن يعيدك إلينا سالما معافى لتلهب ظهور اكلي السحت والمال الحرام بكلماتك التي تساوي مليون طلقة وديشليون دانه.


#759207 [مرتضي]
2.00/5 (1 صوت)

09-04-2013 12:36 PM
بسم الله


القصور القصور للقصير ماقصور

كافوري بتطير والسعير ياسعير بحرق المشير

وليك ياالفقير جنان وحور -----

يتبع يامحجوب .


#759148 [عادل الامين]
5.00/5 (1 صوت)

09-04-2013 10:59 AM
لو قال
اخاف الطريق الما بودي ليك
واعاف الصديق الما بهم بيك
وطنا الباسمك هتفنا ورطنا
لكفته هذا الشاعر الجميل الذي لا يتبعه الغاوين
تحية لمحجوب شريف


#759119 [ابوسحر]
5.00/5 (1 صوت)

09-04-2013 10:21 AM
والله قصيدة مفسرة ومصورة للحالة الحاصلة احسن من تلفزيون السودان
تصوير بديع للحصل بعد السيول والامطار في العاصمة ولا كاميرات التلفزيون فسرت وشرحت كهذه القصيدة
وشفاك الله ورعاك يا استاذ محجوب شريف


#759060 [اوهاج]
4.75/5 (3 صوت)

09-04-2013 09:15 AM
مجرد سؤال جال بخاطرى هل تجوز المقارنة بين ما يكتب محجوب وما يكتب التجانى حاج موسى ومن سار فى ركبه يكتب محجوب تعيش الحالة بما فيها من الالم والامل وتحس انه مشاعرك جسدها شاعر منك وفيك الكلمات فى دواخلك وانت عاجز عن صياغتها اذا بمحجوب يقوليك ولايهمك انا حامل همك امنياتى لك بالصحة والعافية


#759033 [صابر]
4.00/5 (1 صوت)

09-04-2013 08:46 AM
أطال الله عمرك أيها الشاعر الفحل:
وطنا البإسمك كتبنا ورطنا
أحبك مكانك صميم الفوائ
وباسمك أغني
تغني السواقي
خيوط الطواقي
سلام التلاقي ودموع الفراق
أحبك ملاذ
وناسك عزاز
أحبك حقيقة وأحبك مجاز

أحبك حقيقة وأحبك مجاز أيها الشامخ رغم وعكة المرض، تحرك نبضنا كل اقتربت منا سكتة قلبية ونحن نرى بلادنا تمزق وشعبنا يحرق وحرائرنا يهانن والقدو قدو كرشو مليئة سحتا.
شكرا لك ولا أسكت الله لك صوتا يا محجوب من العيوب


#759023 [حامد عابدين]
2.00/5 (1 صوت)

09-04-2013 08:40 AM
يقول الشاعر عاطف خيري :

لو نامت قمحة على الأبيض
واتشرت زيو
زاد الأبيض في غيو
ومدد رجلو اليسرى
ماكان الكسرة
جاتك من برة
صفراء ومنكسرة

كيف فعلت السيول والفيضانات ببلادنا حد انكسار الهمم وانعدام الكرامة والتسول امام حكومات الخليج بدلا من اقامة المشاريع والسدود وانتاج القمح الذي كان سيكفينا عن مد اليد للاخرين ولكن كما يقول الاستاذ محجوب شريف

الكلام المُريب، الغريب، الخطير،
الحكومة بتغير، من حماس الشباب.
الشباب الذى فى فؤاد البلاد،
البلاد التى عدَّموها النَّصير،

انعدم الضمير في كل منسوبي الانقاذ

الغذاء، الدواء، كُلُّ شَىْ فى الحضيض.
بين هذا وذااك، يستحيل النهوض.
الحُروب، الحُروب، إنسداد الدُروب. والهُروب، الكبير.
يا أعالى الرئيس. يامعالى الوزير. ياليالى السفير.
قد أتى هؤلاء.
هؤلاءِ الشباب،
من جحور العذاب،
من صميم الولاء،
للتراث المجيد،
العميق الجذور،
فى نفوس الجدود، أولياء الفقير.
لم نساوم، ولن.
مابنخُش المزاد،
خلف ظهر الضمير.


#759013 [tiga]
4.25/5 (3 صوت)

09-04-2013 08:29 AM
هكذا انت دائما اشرف من اشرف شريف.....اتمني ان تكون دائما كما تحب وتشتهي


#759003 [عبد الكبير]
2.00/5 (2 صوت)

09-04-2013 08:22 AM
http://www.youtube.com///9J0tlHncKW4 محجوب شريف .. نيالا الان


#758992 [8855]
5.00/5 (1 صوت)

09-04-2013 08:10 AM
التحية للمبدع دوما الاستاذ محجوب شريف وادام الله عليك نعمة الصحه والعافية


#758982 [فني لاسلكي بدرجة صحفي وخال رئاسي كمان]
5.00/5 (1 صوت)

09-04-2013 08:02 AM
محجوب شريف هو المحجوب عن الانبطاح والانكسار والشريف دائما..
ربنا يحفظك يا باقي من زمن الرجال الرجال


#758952 [سوداني]
5.00/5 (1 صوت)

09-04-2013 07:38 AM
لله درك يا زعيم اهم شئ ان تلحن جيداً وتجرب فيها اكثر من لحن ملاحظة: نص الحكومة بتغير من حماس الشباب كنا نريد مزيداً من مداعبة هذا الجانب


#758938 [ممكون وصابر]
3.00/5 (1 صوت)

09-04-2013 07:27 AM
وزير الاقتصاد ما له دخل بالتجنيب يزيد المحروقات والغلبان لازم يجيب عشان يزيد الفساد وهم يزيدو في الترطيب


#758874 [ودالعوض]
2.00/5 (1 صوت)

09-04-2013 06:39 AM
لا تعليق ، يديك العافية يا أروع الرائعين ، و أغلى المحبين ،، قيام ، جلوس ، في حضرتك.


#758826 [abdallah]
5.00/5 (1 صوت)

09-04-2013 05:41 AM
الله يطول عمرك يارب عقد الجلاد يغنوها في اليومين دي


#758786 [شليل وينو..!]
4.00/5 (1 صوت)

09-04-2013 03:15 AM
زي ما عودنا أستاذ الأجيال محجوب شريف ولسان الشعب السوادني الفضل
المؤسف والبهرد الفشفاش انو شخص بقامة الأستاذ لمن يحتاج الاستشفاء من المرض بالخارج يحتاج لمناشدات .... يخص عليك يا بلد معشقه خلف من استقلت


#758775 [المهاجر]
5.00/5 (1 صوت)

09-04-2013 01:37 AM
تسلماستاذنا محجوب شريف .. اديت ناس نفير حقهم .. و كمان وصف رائع للحاصل .. اما بالنسبة للكيزان الضرب علي الميت حراااام ما بنفع فيهم كلام .. شكرا استاذ


#758772 [سايكو]
0.00/5 (0 صوت)

09-04-2013 01:16 AM
حمد لله علي السلامه يا زول يا رائع


#758757 [ابو كريم]
4.88/5 (5 صوت)

09-04-2013 12:11 AM
الله.. الله
ياكبــير كٌبر سودان المليون مــيل... ياعريــق عراقــة نيلنا... يا شـــامخ شموخ نخيلنا يا سابت و راســـخ يامُهيب زي جبال توتيلنا

يا أقيونة اكتوبر وابريل كم الهمتا و كم الهبتا مشاعر و كم اشعلتا نضالا ضد الباغي و ضد الســارق قوت الكــادح والمسكيــن... ضد طاغية العسكر وتــاجر الدين

يا أمير شعراء بلادي حفظك الله من كل شر وجعلك ذُخرا لسودان العزة والشموخ واطال في عمرك و رد غربــتك والبسك ثوب الصحة والعافية والســرور,,,,,


ردود على ابو كريم
[فارس عبدالرحمن] 09-04-2013 06:33 AM
اخى العزيز ابوكريم لم تترك لنا شيئا نكتبه عن هذه الايقونة فله ولك التحيه والاجلال والاكبار ونسأل له الصحة والعافية وطول العمر


#758748 [Machut مشوت]
0.00/5 (0 صوت)

09-03-2013 11:41 PM
بتوفروا فى مساحة الكتابة...
ولا شنو يا احبابنا فى الراكوبة.....
كاتبين قصيدة فى شكل مقالة ؟


ردود على Machut مشوت
[Machut مشوت] 09-04-2013 11:42 PM
شكرا اخى اسامة لقبول توضيحى .... وهدفنا واحد .... محجوب شريف شاعرنا وملحمنا وكلنا اخوه وحبه يجمعنا.

European Union [أسامة] 09-04-2013 04:24 PM
الأخ الفاضل مشوت ان كان ما ذكرته هو مقصدك الحقيقي ، فإنني اعتذر لك لما بدر منى وأتمنى ان تتقبله ، كما أتمنى من صحيفة الراكوبة ان تشكرك على ملاحظتك القيمة ، ومرة آخرى يا اخي مشوت اااااااااسف والعتبى لك مني حتى ترضى
أخوك أسامة

[Machut مشوت] 09-04-2013 11:43 AM
شكرا للمداخلات والهجوم برضو يا اخوة ...نسبة للفروقات الزمن..اكتر نشرات الراكوبة بنقراها فى اول الدقائق من نزولها ودا بكون دائما قريب الصباح فى السودان وبالظهر عندنا هنا...... لمن كتبت تعليقى دا كانت القصيدة مكتوبة فى شكل مقالة ومسحت سطر اخر امدح فيهو شاعرنا محجوب شريف كشاعر الامة ... عشان كنت عارف الكتير منكم اح يجرو للعنصرية ......اماالوصف بعدم الفهم زى ما كتب اسامه فيكفى ان اقول ليك انا ابن المقاومة وكوادر الجبهة تعرفنى...... محجوب شريف ... قامة سودانية لكل ارض السودان (وحريقة فى السياسة) قبل ان يسيطر العنصريون امثالكم على مجريات هذا الوطن ...وما بدينا نقاش والا كانت قصيدتة الافتتاح والختام ايضا.... وتعليقى كان دفاعا عن القصيدة وشكرا للاخوة فى الراكوبة لتعديل وكفى

United States [عبيد الله] 09-04-2013 11:15 AM
انت لايعجبك العجب ولا الصيام في رجب . وأحسن حاجة رد اسامة يكفي انك عرفت ان هذه قصيدة .

United States [weaka] 09-04-2013 08:28 AM
مضمون القصيدة الاهم

European Union [أســامة] 09-04-2013 08:04 AM
كونك عرفت إنها قصيدة فهذا في حد زاته مجهود جبار ومافي داعي تفهم معناها .

United States [فرككي] 09-04-2013 07:50 AM
شنو بتوفروا في مساحة الكتابة وفي شكل مقالة .. انت بتغرد خارج النص ادخل في الموضوع ولو عندك راي في القصيدة اكتب لانو القصيدة دي ما بيتكتب الا كدا عايز يكتبولك كيف يعني وبعدين ما فارقة كتيرة, يكتبوها زي ما يكتبوها ياخي اهم شي القصيدة , انت رايك شنو في القصيدة .

United States [ادم تية] 09-04-2013 07:45 AM
يا زول مالك ؟
خليك مع قيم بتاعك

United States [القافل على كرت ميت] 09-04-2013 06:36 AM
فعلا.... الناس في شنو و الحسانية في شنو!!

United States [سايكو] 09-04-2013 05:07 AM
خليك من المساحه انت رايك شنو في القصيده زأتا ؟؟؟؟


#758741 [انصاري]
4.00/5 (2 صوت)

09-03-2013 10:48 PM
التحية لك أستاذنا وأنت تحلق بنا عبر شفافية الروح وإنسانية الشاعر..ونبل المواقف.. تُدهِشنا ونحن رهن حصارنا البئيس..وأنت تقاوم المرض اللعين بصلابنك وصمودك المعهود.. وتنفخ فينا وهج أن نكون.. حَّفتك العافية ولازمتك السلامة..وندعوا الله أن يشملك بعظيم لطفه وهو الشافي..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
9.97/10 (11 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة