الأخبار
منوعات سودانية
(أصلة) طولها ثلاثة أمتار تثير الرعب في «الكلاكلة»!!
(أصلة) طولها ثلاثة أمتار تثير الرعب في «الكلاكلة»!!



09-05-2013 05:27 AM
الخرطوم
أنقذت شرطة النجدة أسرة في منطقة «الكلاكلة»، من ثعبان ضخم تسلل إلى داخل منزلها، وقتلته.
وكانت شرطة النجدة قد تلقت بلاغاً عبر الرقم (999) من نظامي، أفاد بعثوره على ثعبان ضخم داخل منزله بالكلاكلة، وعند ذهابه لإحضار خرطوش لقتله لم يجده. وفور تلقي البلاغ تم تحريك وحدة نجدة إلى المكان، وقام أفراد الدورية بتتبع آثر الثعبان حتى عثروا عليه، وهو من نوع (الأصلة) وطوله ثلاثة أمتار بلون أسود وبني، وتمت محاصرته وقتله بواسطة خرطوش.
هذا تلقت الوحدة شكر وامتنان قاطني المنزل وجيرانهم لما بذلوه من جهد لقتل الثعبان الذي سبب الذعر والرعب لأسرهم.

المجهر


تعليقات 12 | إهداء 0 | زيارات 3901

التعليقات
#760367 [wad alfa7al]
0.00/5 (0 صوت)

09-06-2013 02:04 AM
they simply killed it
this is just soooooo stupid
Its unbelievable


#760055 [ود الجزيرة (ود العزازاب الماطورى ))]
5.00/5 (2 صوت)

09-05-2013 02:40 PM
الاصلة دى ياريت لواكلت وداد وفاطمة ونافع وطة والجاز وقطع راس البشير وريحتنا من الاصلات


#760043 [موسى محمد]
5.00/5 (1 صوت)

09-05-2013 02:25 PM
بس ما يكونوا جدعوها في الكوشة ساكت لأن الجلد ممكن يعمل خمسة مراكيب واللحم ممكن يتأكل خاصة في زمن الغلاء الذي نحن فيه، فلحم الأصلة شبية بلحم الجداد والسمك، بس عشان تطبخو داير معافرة وصبر شوية.


#759964 [بابكر عوض الشيخ]
0.00/5 (0 صوت)

09-05-2013 01:04 PM
أين دكتور محمد عبدالله الريح


#759954 [داوودي]
1.00/5 (1 صوت)

09-05-2013 12:58 PM
ثعبان ضخم وطولة ثلاثة امتار لافي في الحلة ساي و اصلة كمان الخوف ما يكون لسه عندو اخوان اوعلى قول المصريين اخوات قاعدين .

لكن في مراسل او مراسلة صحفية نشيط خلاص من اخبار الكلاكلة !!!!


#759902 [sudani]
0.00/5 (0 صوت)

09-05-2013 12:18 PM
الاصلة دي تبع السوق جاية تنافس التماسيح اللي قاعدة تبلع لكن المسكينة قتلوها وباعوها مراكيب


#759842 [فهد الليالي]
0.00/5 (0 صوت)

09-05-2013 11:31 AM
يفعلون الاسهل دائما


#759728 [دجانقو]
0.00/5 (0 صوت)

09-05-2013 10:17 AM
الخواجات عاملين قومة وقعدة للحيوانات ودكاترة تجي ومتخصصين وكميرات وهيلمانة وحفلة عشان انقذوا الثعبان دا من الضياع - لكن يمكن يكتلو البشر عادي مامشكلة مازينا انحنا .
.
.
.
.
.
.
جوز مايخسر ;)
;)
;)


#759687 [عصمتووف]
5.00/5 (1 صوت)

09-05-2013 09:42 AM
اعادوا لنا سيرة القرنتية بالله رجال الشرطة ديل البني ادم دمة مسفوح الحيوان دمة مسفوح هل هؤلاء السفاحين غير القتل والقتل لا يعرفون شئ غير المسائل الاخري المعروفة لدينا الرشاوي واستغلال الوظيف وهذا يدل علي فساد كل هذا الجهاز من اعلي رتب الي المستجد وهو ما يتعلمونه في المحاضرات والمعسكرات كان علي الشرطة ان تجبرهم بمشاهدة قنوات ناشينوال جغرافيك والجزيرة الوثائقية والكويت العربي علهم يتعلمون صيد الحيوانات وارجاعها الي محمياتها الطبيعية شاهدنا التماسيح والافيال والثعابين الخطره تخدر ةتنقل الي اماكن مامونة السؤال الاخير بالله لوكان اسد ولا تمساح هل كانو استعانوا بالطيران والمدرعات وقوات الانزال وجهاز الامن وابو طيرة الرفق بالحيوان انعدم


ردود على عصمتووف
United States [قرنوف] 09-05-2013 03:12 PM
عصروك قبل كده و لاشنو؟


#759677 [محمد]
0.00/5 (0 صوت)

09-05-2013 09:32 AM
أنقذت ... !!!
ثعبان ضخم ... !!!
هذا تلقت الوحدة شكر وامتنان قاطني المنزل وجيرانهم لما بذلوه من جهد ... !!!



ياخي ليه جاني احساس بأني بقرا عن ديناصور !!

ماهو يا تتعلموا تكتبو الخبر بحجمو الحقيقي وياماتفقعوا مرارتنا ياخي ..


#759673 [زول نصيحه سااااااااااهي]
5.00/5 (1 صوت)

09-05-2013 09:29 AM
عرفنا الاصلة دي انتهيتو منها البنتهي لينا من الاصلات التانيه اللافه في البلد منووووو


#759566 [ام نيروز تودي]
5.00/5 (1 صوت)

09-05-2013 05:56 AM
حرام عليكم يارجال الشرطة بدل ما تقتلوا ما كان تقبضوا الي الحديقة الحيوان علي الاقل ؟


ردود على ام نيروز تودي
[ترطيبة] 09-05-2013 11:27 AM
انتى قاعدة تتفاصحى فى الراكوبة ما تمشي تقبضيه انتى ،،،،،

United States [دا كلام ما صاااااح] 09-05-2013 10:47 AM
زى الحالات دى بتعاملوا معاها ناس متخصصين فى حماية البرية
حاجة كدا تشبه حرس الصيد .. بمعنى انهم المفروض يكونوا ناس مختصين
وبتعاملوا معاهو بطريقة علمية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة