الأخبار
أخبار إقليمية
برلماني : الاسرة اصبحت تعرض بناتها بشارع النيل
برلماني : الاسرة اصبحت تعرض بناتها بشارع النيل
برلماني : الاسرة اصبحت تعرض بناتها بشارع النيل


09-07-2013 09:30 AM
الخرطوم : شاذلي السر
صوب نواب ببرلمان الخرطوم انتقادات لاذعة ضد بعض مظاهر الحياة بالسودان واعتبر النائب ادريس علي مصطفى خروج الاسر السودانية لشارع النيل ومكوثها هناك لوقت متأخر بلا اخلاقي، واضاف اثناء مداولة المجلس التشريعي لولاية الخرطوم تقريرا للجنة الشؤون الثقافية والاجتماعية (الخميس) ان بعض الاسر تعرض بناتها على شارع النيل كموديلات السيارات حسب قوله. وقال ان شارع النيل تحول لمكان لتسكع الشباب غربي الشكل في اشارة لشبان ذوي الشعر (المفلفل) لساعات الفجر الاولى دون رقيب ولا حسيب حسب تعبيره. واعتبر مصطفى ان خروج الشباب وتسعكه بتلك الطريقة سلوكا غير حميد ومصادم لقيم الدين وطالب الاجهزة المختصة بالتدخل لحسم الظاهرة.
الاهرام اليوم


تعليقات 35 | إهداء 0 | زيارات 8673

التعليقات
#761607 [كاسترو عبدالحميد]
0.00/5 (0 صوت)

09-08-2013 01:29 PM
أولا انت تعرف انك فزت بالتزوير سواء اشتركت فيه انت شخصيا او قام به الحزب . لذلك راتبك حرام ومال سحـت . سوف تسأل عـنه يوم القيامة ولن تقـدر ان تنكر .


#761348 [تينا]
0.00/5 (0 صوت)

09-08-2013 07:59 AM
الأخ ((( مى توو ))) أحسن الظن فيهم . معقولة التعليق دا كاتبه أنت سبحان الله وطيب ليه اليومين الفاتت كنت واقف لى فى حلقى لما كنت بكتب زى كلامك دا . يا ربى الحصل شنو


#761327 [نوباتيا]
0.00/5 (0 صوت)

09-08-2013 03:15 AM
كلام بزعل والمابزعل منو الى يكون زول واطى ..

والله يا برلمان الرماد بناتنا احسن تربية واسرنا نظيفة الا تكونو قاصدين بنات الكيزان المربنهم من قروش الحرام .


#761258 [الدنقلاوي]
5.00/5 (1 صوت)

09-07-2013 10:52 PM
وقال ان شارع النيل تحول لمكان لتسكع الشباب غربي الشكل في اشارة لشبان ذوي الشعر (المفلفل)

هذه أوهام ليست من الدين في شيء:
1. الرسول محمد بن عبدالله (ص) كانت له ضفيرتان على جانبي صدغيه.
2. كل الشيوخ الكبار في السودان الذين ينتهي اسمهم بابو قرون ( عبدالرازق ابو قرون، حمدابو قرون بن الشيخ الهميم ، الخ) واخرون من كبار رجال الصوفية كحسن ود حسونة (الذي كان اصلع في منتصف راسه وله ضفيرتان على جانبي راسه) كانت لهم ضفائر وبعضهم كانوا يضفرون كل راسهم على طريقة الراستا (سبقنا بوب مارلي في هذا)والقرون في سودان سلطنة الفونج هي الضفائر
3. كان شائعا جدا لدي معظم القبائل في السودان بما فيها العربية إرتداء الرجال والشباب الأقراط (الحلق)وليس النساء فقط وهذا موجود بالصور وفي كل كتب الرحال (مثل كتاب صمويل بيكر روافد النيل الحبشية)
فتخيل معي شاب/ذكر يضفر شعره كسنة نبوية ويضع حلق على أذنيه تمسكاً بعادات قبيلته وأصالة انتمائه السوداني ... ماذا كان يستطيع هذا النائب الجاهل المتأسلم أن يقول له؟؟؟!!!!


#761248 [زلنطح]
5.00/5 (3 صوت)

09-07-2013 10:21 PM
واحد قال لصاحبه امبارح امي شافت امك في الكرخانة(بيت الش .....) رد عليه انت امك الوداها هناك شنو ؟؟؟..و النايم ده عفوا النائب ده الوداهو شارع النيل شنو ؟؟؟


#761222 [دقنة]
5.00/5 (1 صوت)

09-07-2013 09:26 PM
هو إنتو خليتو فيها أُسر !!!

ولا أوعى يكون في غلطة مطبعية والزول ده يكون قاصد عُشَر !!!


#761193 [Me too]
0.00/5 (0 صوت)

09-07-2013 08:19 PM
الاجهزة المختصة البتدخل دي ياتو اجهزة اياك تقول شرطة النظام العام!!!!!!اذا زادت احصائية الاطفال المجهولي الابوين وزادت اعداد النساء والفتيات في اقسام الشرطة بدون اي جرم ارتكبنه وزيادة المجلودات بسبب الطرحة بالله عليكم خلونا من كذبكم وتدليسكم يامن تظهرون الصلاح وتبطنون الفساد


#761184 [عصمتووف]
5.00/5 (1 صوت)

09-07-2013 08:01 PM
كاـن واطي سؤ الظن متلبسكم انكم تعانون من عقد نفسية لازمتكم منذ الصغر واعتقد بانه مره علي تجربة قاسية ومريره جعلته يقذف الاسر بكل قبيح افعالكم قبيحة وبشعة كدواخلكم


#761125 [حداثة صالح.]
4.00/5 (1 صوت)

09-07-2013 05:33 PM
بالله عليكم النائب دا جاء من ياتو دائرة ؟؟؟؟ كمان دايرين تحمونا شارع النيل سبحان الله وتصف بنات الناس والاسر بالعرض لبناتهم وشرفهم يا زول راجع حساباتك والله دا كلام مسئ للشعب السوداني كله بعدين النيل اقدم منك ومن حزبك النيل ابونا والجنس سوداني يا راجل اسحب كلامك كل اهل السودان ياتون الي النيل من منانطق بعيدة اذا فيك خير اعمل لدائرة اختصاصك اللي قالو فوزك عشان تخدمهم النيل خليه والاسرة السودانية خليها في حالها .


#761090 [ibnalsudan]
0.00/5 (0 صوت)

09-07-2013 04:45 PM
It is better to talk about what is going in Sudan?
Be honest and brave to talk about Education.Health & Security.


#761084 [محتار أوي]
5.00/5 (3 صوت)

09-07-2013 04:26 PM
يا سيادة النائب الحمش ،،، إدريس علي مصطفى ...
عرفناالأسر السودانية بتخرج للفسحة في شارع النيل .... وده أمرليس بجديد ومعروف قبل ان تلدك أمك.. وقبل أن تلتحي وتتبوأ مقعداً في البرلمان الهائف ده....

وأغلب الأسر التي تراها في شارع النيل ... بفرجوا همهم.. وغلبهم من حياة البؤس ... (لأنه الكهرباء قاطعة والموية طين .. إذا وجدت) ... وبما أن هذه الأسر هي التي تدفع لك رواتبك ومخصصاتك وعربياتك ومصاريف الخدامة وتذاكر السفر وراتب الإجازة... وده ليه عشان تقيف في المجلس وتدافع عن حقوقهم ... وتمهد لهم سبل الحياة الكريمة ... با لئيم...

إنت ذات نفسك لماذا تتسعك في شارع النيل حتى الفجر.... وما تقول لي كمان أسرتك كانت معاك وبتعرض بناتك كما عرض السيارات ... وإنت الظاهرة التي تحتاج للجرف والمعالجة ....
وصحيح مقولة الإختشوا ماتوا......


#761083 [اسد]
2.00/5 (1 صوت)

09-07-2013 04:24 PM
ذي ما قال الشيخ زايد أنا ما احمل على الشباب حملة شعوا ،، اشو شوي .) اصلوا الشباب فيه فتوة وقوة يحب الليل والنجوم والسهر . تخيلوا الدولة ما عندها اي برنامج بخص الشباب لما الشباب هاجوا وماجوا ساعة موت الفنات محمود عبدالعزيز الشيوخ زعلوا شديد من هذا المنظر ، كانوا يظنون أن دولة الاسلام اكتملت مثل البدر ، ومافي حاجة تنعمل بعد كدا , اذا بهم يفاجأوا بأن لا احد معهم البته .


#761072 [أبوالكجص]
5.00/5 (2 صوت)

09-07-2013 03:50 PM
ديل ناس بمشو شاطيء النيل عشان بنفسوا عن الغلب والشقاء السببتوهو ليهم إنتو وحكومتكم ما عايزين تخلوهم في حالهم لكن ورونا إنتو بتعملو في شنو نحن ذاتنا عندنا رأي فيكم وأغلبيتنا بتصوب عليكم كل يوم إنتقاداتها ولعناتها من الفاقة والمشغلة الفارغة البتعملو فيها وإليكم بعض من فاقتكم ومشغلتكم الفارغة :

(1) تأييد وتصفيق لكل مايؤذينا من زيادة في الأسعار وغيره.
(2) تستميتو في المطالبة بمخصصاتكم وتسكتوا عن مطالبنا.
(3) والكثير الكثير

إنتو أصلاً قاعدين عشان شنو ومالكم ومال الشعب السوداني، الشعب السوداني صار متمرد عليكم وعلى نفسه وأصبح يعِّبر عن معاناته بهذا التنفيس برضو لاحقنو وماعايزين تريحوه الذي صوبتم عليه إنتقاداتكم في حقيقته تريقة على عقولكم الخاوية (لكن الظاهر إنو عقولكم تأكسدت) والشعب تيقن إنو الحكومة وبرلمانها (الصوري طبعاً) في وادي وبالتالي أصبح هو في وادي آخر بعيد عن واديكم. جاكم البلاء


#761062 [المواطن الصالح]
5.00/5 (1 صوت)

09-07-2013 03:27 PM
يعني خلاص القضيه بقت شارع النيل ونسيتو اقتصاد البلاد والفساد الاداري والفساد الاجتماعي نسيتو الحروب في الشرق والغرب والجنوب ودخول اسرائيل وضرب البلد في اي وقت

ايها النائب هل تذكرت فقراء السودان وكيف يعيشون هل تذكرت جهلة الشعب والاميووون والمرضي


هل تذكرت خرجين الجامعات من 1988 بدون عمل هل وهل وهل هل أيها النائب جميعا أرجعووووا الي صوابكم وفكروا في الشعب بعقلانيه وعقل

نسأل الله السلامه للجميع


#761052 [ابو ابراهيم]
5.00/5 (1 صوت)

09-07-2013 03:08 PM
لا ألوم سفهاء القوم ولكن ألوم الإعلام الذي يوفر لهم المنابر لإساءة الناس


#761051 [اماني]
5.00/5 (1 صوت)

09-07-2013 03:08 PM
هههههههههههههههههههههههههههههههههههههههههههههههههههههههههههههههههههههههههههه
الجاب البلاوى دي كلها المؤتمر الوطني جوعو الناس وخلوهم يحومو في الشوارع سوال / بالله عليكم قبل مايجو ويستلمو كان في حاجات زي زي البنات الكعبات كانو معروفين وظاهرين بس هسي اختلط الحابل بالنابل


#761036 [دنقس راسك انت سوداني]
0.00/5 (0 صوت)

09-07-2013 02:50 PM
انتو العريانيين/

ايها النواب المزورين


الساكتين عن الحق


الاكلين مال السحت


المصفقين المنافقين


بناتنا اشرف من نفاقكم


اللهم عليك بهم

الي يوم الدين

اللهم عليك بهم
بئس الخائبين


#760909 [بت ملوك النيل]
4.50/5 (4 صوت)

09-07-2013 12:26 PM
ده دفع الله جديد

طيب ظللوا شارع النيل


ردود على بت ملوك النيل
United States [سارى الليل] 09-07-2013 05:38 PM
عجبتينى شديد يا بت ملوك النيل والله دفع الله ده مكرهنا الحلة خاصة فى مناسبات الافراح والاتراح واضيف لاقتراحك بعض التعديل بان يتم تقسيم السودان الى قسمين قسم مؤتمر وثنى وقسم اهل السودان الاصلاء وبعدين نعمل حائط زى حائط برلين عشان قسم المؤتمر الوثنى ده كان مات فيهو زول ما يلقو حفار القبر الله يغطس حجركم يا منافقين يا تجار الدين .


#760898 [مخير]
5.00/5 (2 صوت)

09-07-2013 12:13 PM
اذا دعوهم يظللوا سياراتهم ( للستره ) ...هذا كل ما نستطيع ان نطالب به ......وشكرا !!!!!!!!!


#760885 [DR SAMI ALI]
3.25/5 (3 صوت)

09-07-2013 12:04 PM
ياناس انا زرت السودان واستغربت بجلدوا في البنات عشان الطرحة ويتركوا الاولاد وبنطلونهم في نص صلبهم وشعرهم كالشيطان واحد الاطاهر طوله 7 سم والسلاسل واسماء البنات وشم علي الاكتق وزعلت لكن تزكرت انه المشروع الحضاري للاخوان كل شي جائز فيه فعدت للسويد هاربا وبعدت ماكنت انوي ان ارحع اولادي التلاتة ليتربوا علي قيم السودان ادركت ان السودان ذهب ولن يعود


ردود على DR SAMI ALI
European Union [DR SAMI ALI] 09-08-2013 02:27 AM
ردا علي الدنقلاوي فاقد الشي لايعطيه

[الدنقلاوي] 09-07-2013 10:28 PM
أقترح عليك تسيب السويد وتسوق اولادك تمشي كابول ولا قندهار ولا بيشاور


#760881 [ابوايمن الحلاوى]
5.00/5 (4 صوت)

09-07-2013 11:57 AM
من راقب الناس مات هما!!! وانت دخلك شنو اعرضوهن فى الشارع ولا بترينه؟؟؟ ولاتظن السؤ بالناس !! وخلى الخلق للخالقه؛؛ والظاهر عليك انك بتمشى تسكع هناك وتعبى بطاطيرك طالما العداد الوطنى رامى والترطيبه ضاربه!! يمين الله انك انسان فارغ (JUST LIKE EMPTY DRUM) وأسال الله انك تتحشر مع واحد نص الليل وبعدين افرج فيك الله وخلقه وتمشى بيتك مكسح واولادك اسالوك وعساهم مايواسوك!!!


ردود على ابوايمن الحلاوى
[MAHMOUDJADEED] 09-07-2013 12:27 PM
من رأي منكم منكراً فاليغيره بيده ومن لم يستطع فبلسانه ومن لم يستطع فبقلبه وذلك أضعف الايمان .


#760875 [سعد]
5.00/5 (2 صوت)

09-07-2013 11:50 AM
والله دي مشكلة فعلا برلماني يتحدث عن الكوندوم وتوزيعه عل الجامعات , واخري تتحدث عن الخلاعة والكاسيات العاريات لمديعات قناة الخرطوم . وهدا جاءنا بمصيبة اكبر ليتهم الاسر ويجرح في شرفها , ياخي تحدث وانقد الوضع السياسي والاقتصادي والجوع والمرض والسيول وما فعلته بالدمار وتشريد الآلاف من المواطنين وارتفاع الدولار والتضخم والكساد وصحة البيئة هلم جرا ......................................... المواطنين اختنقوا عليم ان ويرفهوا ويغيروا من جو البيت ,, فعلا علي النائب المحترم ان يقترح تحديد اماكن للعائلات بدلا من الاتهام للاسر


#760867 [kamal]
5.00/5 (3 صوت)

09-07-2013 11:41 AM
اقول لهذا النائب ان الشعب نحمد الله انه قد وجد مكانا ليرفه فيه ان كان شارع النيل او شارع القصر احسن ليه بدل ان يموت حسرة ومرض اسألك سؤال قول لي عندك كم حديقة علشان الشعب يمشي يرفه فيها حتى حديقة او الساحة الخضراء عملتوها بقروش ما خليتوا مكان الا وطلبتوا منه قروش على حساب هذا الشعب المسكين وانتو تسافروا لماليزيا وتركيا علشان تقضوا اجازاتكم المرفهة هناك.
ياخي خاف الله فينا حتى الفسحة عاوزين تحرموها منا. وبعدين هل انت اسلامي فعلا؟ كدي عاين لنفسك شوية واحسبها صاح وشوف حكومتك ماشى صاح اذا انتم وافقتم على القرض الكويتي الربوي بحجة فقه الضرورة كمان الشعب يحق ليه يتفسح ويمرح ويسرح بفقه الفسحة وكفاية ضحك على الدقون وكفاية لعب بالدين.


#760864 [السنجاوي]
5.00/5 (1 صوت)

09-07-2013 11:38 AM
وهل انتهت المشاكل الأساسية والقضايا المصيرية؟؟!!
وأين المشروع الحضاري وإعادة صياغة الإنسان السوداني؟؟
إنه الفشل الذريع والهروب من المسؤوليات وقضاء حاجات الناس وتوفير حياة كريمة
تنعمون أنتم بالخير الوفير وتموتون من التخمة!!
والشعب يكابد المسغبة والعوز وتثكثرون عليه هذا الهواء العليل والنيل الجميل
والترفيه البريء قاتلكم الله يا تنابلة السلطان!!!!
أي بشر أنتـــــم؟؟؟؟!!!!!


#760841 [ودالشريف]
5.00/5 (4 صوت)

09-07-2013 11:12 AM
الناس في شنو وانتو في شنو بالله ده مستوى عقول تمثلنا في البرلمان قولو رائكم في الوضع الاقتصادى اقترحو الحلول وناقشو مشكلة الحروب والازمة السودانية عشان تلقو لينا الحلول معقول نواب كل همهم متابعة الناس في لبسهم ومنظرهم ياخى من تابع الناس مات هما انتو اجهل من مشي على قدمين ولو افترضنا انه دى مشكلة حلها بيكون في يد رجال الشرطة ومايسمى الامن العام انتو غلطانين مثل هذه السلوكيات بيتم عمل ورش من لختصاصييين يدرسو الاسباب ومن خلالها يوضع الحل بس انتو مابتفهمو غير اسلوب الذل والاذلال


#760836 [Kamal M.Ahmed]
5.00/5 (4 صوت)

09-07-2013 11:09 AM
كانسان غير مقيم بالسودان لاحظت عند زياراتي الكثير من المظاهر السالبه في شوارع الخرطوم لكن أن يعمم السيد النائب هذا الكلام علي الاسر كلها فيه تجني علي الاسر وينبغي محاسبته لكن المحسوبيه الخاصه بالكيزان تحميه من الحساب لانه يفترض ببقية النواب في تلك الجلسه أن يهاجموه لانهم جزء من أسر الخرطوم ونسأل وأتساءل انا شخصيا ماهي اسباب هذه المظاهر التي لا تشبه الشعب السوداني وعاداته وتقاليده وبدون شك ان الضائقه المعيشيه وضنك العيش في عهد هذه الحكومه ادت لسقوط الكثيرين اخلاقيا وبالتالي الحكومه مسئوله مسئوليه تامه عن ما يحدث لانها اهتمت بلانفلاتات الامنيه التي تهددها وتزعزع كيانها ولم تهتم بهذا المواطن المغلوب علي أمره وربما يقولون مثلا دي معارضه وبصراحه أنا معارض لهذه الحكومه ولاي حكومه تعذبنا بهذا الشكل مع انني لا اهتم ولا انتمي لاي حزب أو جهه فانا لا يهمني ا، يحكم السودان الشيطان نفسه اذا كان هذا الشيطان يوفر ويسعسس لتوفير العيش الكريم لابناء الوطن كله شمالا وغربا وشرقا طبعا بقينا دوله من ثلاثه جهات لانه الجنوب لم يصبح جنوبه وانروا لخريطة ما تبقي من السودان تجدوها مسخا ، وهذا الحكومه فصلت الجنوب وقالوا عشان نرتاح من الحرب وانتوا عارفين الحاصل الحرب اصبحت أفظع بدون الجنوب وياحليل صيف العبور وشهدائه من القوات المسلحه والشرطه


#760828 [smileman]
5.00/5 (4 صوت)

09-07-2013 10:59 AM
مولانا عاوز يخلو ليه شارع النيل عشان يتسكع فيه براه - مش كفاكم ما غنمتموه من هذا الشعب المسكين الذى دفع دم قلبه ولم يجنى شيئا وشارع النيل يا مولانا قديم جدا ولم تقوموا ببنائه انتم ةما ظنيتك عارف تاريخه فاتركوه للغلابه واعملوا ليكم شارع نيل آخر مفتخر لاسركم


#760825 [Argawi]
0.00/5 (0 صوت)

09-07-2013 10:56 AM
ربنا يهديهم بس العيب علي الدوله م علي الشباب


#760824 [8855]
5.00/5 (2 صوت)

09-07-2013 10:54 AM
ماهو لو كان وفرتوا للشباب عمل شريف وللاسر اماكن ترفيه محترمة ما كان ده حصل ّ!


#760817 [USAMA]
5.00/5 (4 صوت)

09-07-2013 10:49 AM
من حق الاسر ان تقضي ما تشاء من وقت في أي جزء من وطنهاو خارج بيوتها من غير أن يسيء بها الظن رسل الاخلاق الحميدة هؤلاء ، كيف يعني تعرض بناتها و المساكين جلهم لا يملكون التكييف و لا يستطيعون توفير مصاريف الكهرباء فيضطرون الى اخذ اسرهم للترويح عن انفسهم ، اما وجود الشباب غريبي الاشكال و تواجدهم لا يقدح في اخلاقيات الناس بقدر ماهو يدينكم انتم و سياسات حزبكم التي جعلت الخرطوم قبلة لكل سوداني يمشي على قدمين بعد ما أصاب بقية مدن السودان من تهميش و قحط و بطالة و انعدام خدمات ما جعل الناس و بالاخص الشباب يقومون بالهجرة الى اقرب نقطة يظن أن فيها بصيص امل و هي الخرطوم.
نصيحة اخيرة لكم.. طالما هذا الأمر لا يعجبكم ، فليس امامكم الا تخصيص متنزهات وحدائق خاصة بالأسر و العائلات و تقديم خدمة للمواطن الذي صرتم تنظرون اليه على انه قواد و معرص يأخذ بناته للعرض على الملأ.
لعنكم الله ايها المنافقون.


#760809 [شمال و جنوب فى محنة]
5.00/5 (2 صوت)

09-07-2013 10:34 AM
العرقى كان لامينا لميتو فينا جلد و غرامات دايرنا نتكرفس زى الجداد من المغرب بس باقى الكورنيش اهبشونا فيه عشان تلقونا بكرة في الشارع ,حملناكم كثير اظنكم استمرأيتم الموضوع ما كفاية سرقتونا و عدمتونا الامل حتى ممارسة الضجر دى حاسدننا عليها


#760802 [ابوايمن]
5.00/5 (4 صوت)

09-07-2013 10:21 AM
المعروف ان الخرطوم اقل حظا من عواصم العالم من ناحية توفر اماكن الترفيه واقصد بالترفيه الخاص بالعوائل حيث تنعدم وسائل الترفيهوالترويح عن النفس ومانطالعه هذه الايام من ازدياد حالات الانتحار نتاج لسياسات الكبت والضائقه المعيشبه فالنفس البشريه لها طاقه محدوده للتحمل فيكفى ضيق معيشه ومصابحة الكيزان ومماساتهم وعدم ترفيه فى حدود ضيقه النائب المحترم كان ان يدعو الى تحديد اماكن للعوائل واماكن للعزابه فى تلك الحدائق بدلا ان يرمى بظنونه المريضه على تلك الاسر ان يطالب يمنح تلك الاسر وسام النيلين من الدرجه الاولى على الصبر.


ردود على ابوايمن
[sahar] 09-07-2013 02:41 PM
صحيح


#760789 [تنقل]
4.94/5 (10 صوت)

09-07-2013 09:48 AM
وإنتي البخليك تتحاوم لانصاص الليالي شنو في شارع النيل بتتفقد في الرعية يا مولانا


#760788 [الخجوقي]
1.00/5 (1 صوت)

09-07-2013 09:47 AM
إفتباس ( وقال ان شارع النيل تحول لمكان لتسكع الشباب غربي الشكل في اشارة لشبان ذوي الشعر (المفلفل) قال رسول الله صلى الله عليه وسلم لو دخلوا جحر ضب خرب لدخلتموه وها نحن ندخله وبسرعة .


#760783 [ابومونتي.]
5.00/5 (2 صوت)

09-07-2013 09:36 AM
ماعندك موضوع يانائب الهناء.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة