الأخبار
أخبار إقليمية
ربما.. (صورة قلمية لقارئ الراكوبة)..!
ربما.. (صورة قلمية لقارئ الراكوبة)..!
ربما.. (صورة قلمية لقارئ الراكوبة)..!


09-08-2013 04:46 PM
عثمان شبونة

* سعدت أيما سعادة بتعليقات الأماجد قراء (الراكوبة) وهم يولون خبر سقوط رصاصة على غرفتي إهتماماً.. فآرائهم حول العيار (الطائش) مقدرة؛ بعضها فيه عمق ودراية...! ولا استطيع أن أضيف لـ(الطيش) قولاً سوى (إنتظار التحقيقات).. لكن ما فطن إليه بعض معلقي الراكوبة يحظى بإهتمام جهات كثيرة (لا أود أن أفصح عنها).. فإحتمالات (عشوائية العيار) واردة بحكم أن حالات تساقط الرصاص كثيرة.. والإحتمالات الأخرى أيضاً واردة (لكنها تحتاج إلى تروٍ) فلنصبر قليلاً..!!
* احترامنا للقارئ ــ وبعض المعلقين ــ يوجب علينا التوضيح بإختصار شديد للآتي:
1 ــ المنزل المصاب يقع بإمتداد ناصر مربع (1) مسقوف بزنك مع (تلقيمة) من الخشب الهش (بوسنايت) بالتاء أو بالدال لست أدري..!!
2 ــ المنزل في منطقة أقرب لـ(حي الصفا) بأمتار قليلة؛ ويبعد عن شارع عبيد ختم (حوالى 300 متر) شرق.. ويبعد عن سور المطار حوالى 400 متر.
3 ــ المنزل مكشوف للجميع (رسميين وشعبيين) ويجاور بعض الشخصيات المعروفة لدى الناس؛ وليس للكاتب علاقة بهم مطلقاً.
4 ــ بسؤال (المعارف) في محيط المنزل لم يتبين حتى الآن أن أحداً أطلق الرصاص في فرح أو غيره.
5 ــ يرجح أن يكون العيار (استوطن) الغرفة لحظة خلو المنزل من أي شخص يومي (الأربعاء ــ الخميس)..!
6 ــ جميع الإحتمالات واردة... مع الشكر للمتضامين والمشفقين.. وسنجد مبررات بلا حصر لكل صاحب رأي يقول أن الحادث عدواني؛ فنحن (في السودان..!!)؛ بينما كثيرون يرجحون بأنها رسالة (مقصودة) ولم تكن الغاية (القتل) لأن الأخير (سهل جداً).. مع الإحترام لجميع الآراء.. ولننتظر نتائج التحقيقات.

[email protected]



تعليقات 23 | إهداء 0 | زيارات 4058

التعليقات
#762660 [alwathiq]
0.00/5 (0 صوت)

09-09-2013 08:35 PM
لك اسفي العميق اخونا عثمان شبونه ومن اننا فتلنا لك البوست بي جدال بلا طائل وحمد الله على السلامة ونتمنى لك ولاسرتك ان ترفل في ثياب العافية والسامة وربنا يسلمك ويحرسك فانت قلم مصادم وشجاع وتدافع عن الناس ومعيشتها وما اوصلتنا اليه هذه العصابة التي لا هم لها سوى تكبير كومها وبلوغ غاياتها الدنيئية على اجداث المواطنين ولك اسلوب في الكتابة لا يخلو من ابداع متفرد فلبعض الحروف وقع في الخاطر لايمكن نسيانه اوالمرور عليه هكذا لابد من التروي واستنطاق بواطنه وثناياه واكيد ياسيدي وحتما ستحرسك رعاية الخالق وتيسر امرك وامر من يليك من احباب فلك وللمتابعين العتبى وحقكم علينا
وحمد الله ع السلامه
فتكم بي عافيه


#762402 [.....المابصيب يدوش!]
0.00/5 (0 صوت)

09-09-2013 02:03 PM
الأستاذ شبونة....

من قراءة الخبر الأول.... ناس البيت ما عندهم علم بالرصاصة..... واضح إنها أطلقت في عدم وجودكم!

وواضح أيضاً.... المقصود هو ايصال رسالة إليك تحديداً..... الظاهر عليك هبشت ليك سلك عريان!!

وأظن من أطلق الرصاصة.... يعرف جيداً مكان التلفزيون في غرفة النوم.... وكان قاصد يهشمو!!!

طبعاً ده أول شي سينتبه له ناس البيت لما يتهشم!!!.... وتكون الرسالة وصلت!!!

يعني تحركات ناس البيت كلهم.... مرصودة..... ما شبونة بس...!!

غايتو أعمل حسابك.... من السلوك العارية..... استعمل زردية لو قربت منها.

الله يستر عليك.... لأنو البلد كلها سلوك عارية....


#762334 [بت ملوك النيل]
0.00/5 (0 صوت)

09-09-2013 12:39 PM
العيار ال ما يصيبش يدوش


#762266 [زرياب]
0.00/5 (0 صوت)

09-09-2013 11:24 AM
طالما ابوريالة عين مجرمين فى الشرطة والجيش توقع منه اى حاجة عبدالرحيم محمد حسين قاتل الطلبة من وراء العربات المظلله


#762206 [مراقب]
5.00/5 (1 صوت)

09-09-2013 10:27 AM
قصة رصاصة طايشة من عرس دي ما واقعة لي في راسي...


يكونش العرس دا كان في راس بيتك يا شبونة؟!


#762039 [ام نيروز تودي]
2.00/5 (2 صوت)

09-09-2013 05:28 AM
سلامتك كل السودان كرامتك .... اسالو عيد الرحيم بيعرف من اين هذا العيار


#761992 [ودالباشا]
4.00/5 (1 صوت)

09-09-2013 12:50 AM
يا استاذ شبونة حتى لو طائشة من اماكن الحراسات الكتيرة القريبه من منزلك او غير مقصودة مثلا من بيت عرس انت تعتبرها مقصودة او رسالة وتعمل احتياطاتك ولاسرتك الكريمة واخيرا لايصيبنا الا ما يقدرة الله وربنا يحفظكم فى البلد البقت غابة لعصابة الاخوانجية


#761970 [مجدي دفع الله الجوكر]
4.00/5 (1 صوت)

09-08-2013 11:51 PM
الأستاذ شبونة:تحياتي وأشواقي،حمد لله على السلامة،لم اسمع بخبر الرصاصة الا صباح هذا اليوم،لأنني كنت خارج الخرطوم في هذين اليومين،وأغلب الظن انها رصاصة طائشة،ومثل هذا يحدث كثيرا في الخرطوم،فقد قرأت قبل ايام في احدى الصحف:ان طفلة توفيت الى رحمة الله في الثانية صباحا برصاصة طائشة في بيت اهلها في ام درمان.


#761959 [مصطفى كونج]
0.00/5 (0 صوت)

09-08-2013 11:35 PM
الطلقة دي منكن تكون من بقايا الحرب العالمية الثانية استورودها مع الابوسنايد بتاع العرش والحر سخنت بيها وقامت انطلقت وثقبت التليزيون ...
انت شا شبونة يا اخوي تليزيونك دا مالو قديم كدا الشاشات المصطحة اشتريها .. عمود واحد بس تشكر فيه والي الخرطوم تلقى الظرف جاك مع السواق


#761913 [film-coatd tablets]
2.50/5 (2 صوت)

09-08-2013 10:23 PM
كفارة ليك يا زول وحمدالله علي السلامة
لا أستطيع أن أتخيل أن شبونة مستهدف من جهة ما بقدرما هو يستهدف الأخرين.


#761909 [عصمتووف]
4.00/5 (1 صوت)

09-08-2013 10:11 PM
خلو المنزل من أي شخص يومي (الأربعاء ــ الخميس)..! من كتائب الموت سوف تعدي الخميس والجمعة معلومة جديده لحرامية البيوت لحرامية الزرع لا تتوقع ان يزرعوا لك زهرا ووردا وقمحا بل ما يتمنوه ان موضوع الاغتيال عند ناس الانقاذ ينبقى أن ينظر اليه من جانب البعد الدينى , اذن فلا بد من الأجابة على السؤال الهام والملح وهو كيف يتأتى لأناس يدعون أنهم حملة رسالة , وينحدرون من تنظيم دعوى أن يغتالوا الناس وبقوة السلاح علىافراد من شعب السودان ويحولوها من دولة امنة الى دولة غارقة في الدماءيتصرفون فى البشر دون أى حسيب أو رغيب كأنها ضيعة تابعة لهم؟؟؟؟؟ لكى نقف على الاجاب لابد ان نعرف من هم هولاء القائمين بأمر الأنقاذ ومن أين أتو بهذ الأ الغريب والعجين ؟؟؟ أنهم خريجى مدارس القتل التى تم اعدادهم اعدادا كاملا وغسيل وكي تام لأدمغته وهم شباب غر لغرض ادارة الدولة المنشودةوالتى قامت فعلا حصريا عليهم لتنفيذ تعاليمهم وموجهاتهم باعتبارها تمثل الاسلام وهم لا يدرون , ويعتتقدون أن كل ممارساتهم هذه تعد عبادة يتقربون بها الى الله هناك من يتعبد الله سبحانه وتعالى فيهم : يتجسس على الناس ويعتقلهم ويعذيبهم ويغتصبهم واخيرقتلهم و غير فصلهم من اعمالهم ونهب المال العام انه عمل الغوغاء


ردود على عصمتووف
United States [المتفائلة جدا] 09-09-2013 06:40 PM
أولا الحمدلله على سلامة الأخ عثمان هى كانت رصاصة لو طائشة ولا مقصودة ..المهم إنه وأسرته قد نجاهم الله منها وده الأهم..
هؤلاء ليسوا حملة رسالة ولا يحزنون هؤلاء عصابة حولوا البلد لى خرابة والله الخرطوم بقت لا تختلف عن ساوباولو ولا ريودى جانيرو.. فى الفوضى والجريمة طبعا..
وكل مانتمنى أن يذهب هؤلاء بغير رجعة ..أنا نفسى أعرف جوا ينقذونا من إيه؟؟؟
دمروا الإقتصاد دمروا الأخلاق ..دمروا التعليم ..دمروا كل شىء ..دمروا البلد الله يدمرهم..لكن أدعوا الله العلى القدير أن تكون هذه آخر أيامهم ..اللهم خذهم أخذ عزيز مقتدر..وما زلت متفائلةبأن لابد للليل أن ينجلى..


#761904 [ود عمر]
4.00/5 (1 صوت)

09-08-2013 10:02 PM
أستاذي الكريم شبونة أولا أسأل الله لك ولأسرتك العافية والسلامة من كل مكروه ... دعنا نحزر ونفزر كمحبين لك ولما تكتبه ولخوفنا عليك ممما حدث لك... فالذي حدث في رأي تفسيره كالآتي:

السقف يعني رأس البيت أو الغرفة وهنا الجهة التي قامت بذلك تذكرك أن نصيبك هو طلقة في رأسك ( بعد الشر عليك).

ثانيا جهاز التلفاز هو وسيلة إعلامية وأنت تعمل في الإعلام و هنا الجهة التي قامت بهذا العمل تذكرك وتحذرك مما تكتبه. إختصارا لهذا التفسير هو إسكاتك إعلامياً أو إسكاتك للأبد.


#761882 [العامري ابو ليلي]
5.00/5 (1 صوت)

09-08-2013 08:59 PM
شبونة اولا حمداً لله علي سلامتك واود منك ان ترجح احتمال انه امر مقصود فكثير ممن تكتب عنهم اصبحوا مكشوفي العورة ولا يستطيعون سترها ولكنهم يأملون في غض الاخرين لابصارهم وان كان لابد فالتغض الابصار او تفقأاو علي اقل تقدير النظر خلسة ثم الصمت


#761870 [ود ابو زهانة]
5.00/5 (2 صوت)

09-08-2013 08:32 PM
يا الواثق يامنظراتى ياشاطر .. نظرياتك دى كلها تهزمها رصاصة انطلقت من أى مكان عالى ( والمنطقة دى العمارات العالية فيها كتيرة ) وبالتالى بتجى من فوق وتقد السقف والتلفزيون . وبعدين ياشاطر الطلقة بعد ان تكمل مداها وتبدأ فى النزول الى الارض تكون فقدت معظم قوة دفعها وبالتالى سيكون تأثيرها ضعيفا ( كالحجر ) ولا يمكن ان تخرق سقفا أو تلفزيونا .. وبعدين حكاية الارتداد ( السكترما بلغة العسكر) تعنى ان الطلقة انطلقت من قريب واصطدمت بجسم صلب جعلها ترتد لتصيب جهة اخرى غير الموجهة اليها وتكون مؤثرة .. وهذا ايضا يهزم نظرياتك .. ياخى ما تحاول تتشطر على ناس الراكوبة .. الراكوبة دى فيها كل انواع البشر وكل انواع التخصصات أقرب واحد بيدخلك فى جحر ضب .. المحم ياشبونة الحمد لله على سلامتكم جميعا وخلى بالك من ونسات ناس كضوبة وفى الآخر : قل لن يصيبنا الا ما كتب الله لنا .. ونعم بالله


ردود على ود ابو زهانة
United States [alwathiq] 09-10-2013 07:32 PM
اشكرك اخي اب زهانة وممتن كثير لهذا التسامح الذي يتسم به شخصك الكريم وبرضو انا اسف ان كنت قد اثقلت عليك وتمنيات لاخونا عثمان شبونة واسرته بالسلامة والعافية ونستميحه ان يعفو لنا ان كنا قد كدرنا خاطره

[ود ابو زهانة] 09-10-2013 04:06 PM
الاخ الواثق : عفوا ان كنت قد أثقلت عليك .. فقد عرفت اخيرا من تكون .. صافية لبن

United States [alwathiq] 09-09-2013 08:12 PM
يا اب زهانة عليك الله انت هسه لافي لفتك الكبيرة دي كلها عشان تجي تقول لي انت جداد الكتروني وماعارف شنو ياخ بالغت ما كان تريح نفسك ومن الاول وتجيب آخرك بدل السفسطه الجيت تقولها هنا ده ومن انك عسكري وماعارف شنو لك تجارب وللناس تجارب يازول فما يكون عندك تحيز لي كلامك وتفترض صحة كلامك فقط وتجعل حوله هالة وقدسية كلامك ممكن يكون خطا ورايك ممكن يكون برضو خطا وبرضو كلامي ممكن يكون خطا فما تعمل فيها انك الزول الوحيد العارف الناس برضو عارفين بعدين كلامك من الاول ما مظبوط شنو جحر ضب وجحر ورل خليك زول موضوعي وتناقش حتى تكمل فهم الزول البناقشك ما تقعد تجلبغ وتورجغ ساي الرصاص المتساقط شاهدنا افعاله امامنا وشفناه شوف العين وكيف انه بخترق الكتف من الاعلي ويخترق الفخذ ويستقر داخله قرب العظم ويخترق الجمجمه والمخ ويقتل واغلبو رصاص من الكلاشينكوف بعد ان اكمل مداه في الهواء رجع وفعل كل هذا فما تقعد تقول انا عسكري وماعارف شنو ما انت براك البتعرف السلاح البلد اغلبها بقت تعرف السلاح وتمتلكه وفي الزمن ده حتى البنات بقن يعرف يضربن سلاح ويعرفن مدى الرصاص فما تعلم لينا فيها ابو العريف ساكت عندك تجربها مافي مشكلة قولها كمثال لكن لا تفترض صحتها وافتراض اي كلا غير كلامك ده ما حيكون صاح وكلام الناس كلو خطا بعدين هو كلو لوح زنك قطره معروف مافاي ليهو كم سنتيميتر ولوح موسونايت بي اصبعك تقدو ما تعمل لينا فيها جداد ما الكتروني ساي
بعدين فيزيائيا انا قلتها ليك وعمليا برضو قلت ليك للرصاصة المتساقط بعد اكمال مداه ووصوله للحالة الصفرية في الهواء ما بقع زي ما قلت انت زي الحجر ساي وما له تاثير يازول له تاثير وتاثير خطير كمان وماتوا الناس بالمئات جراء الرصاص المتساقط من الاعلى جاي انت تفترض انه بيجي زي الحجر وما بكتل زول ده كلام يا زول خليك موضوعي وقول كلام يخش العقل

بعدين عثمان شبونه اخ نتمنى له ولاسرته كل التوفيق والسلامة وحمد الله على سلامته فما تحشر المواضيع في بعض ساي ده براهو وده براهو افهم يازول هسه افهم من تلميحك اني ماعايز سلامة عثمان شبونه واسرته تابع كل التعليقات بتاعتي في الراكوبة وفي شتى المواضيع وانت تعرف انا اتجاهي شنو بدل تقعد تقول جداد الكتروني وبط عنكبوتي
فتك بي عافية يازول

[ود ابو زهانة] 09-09-2013 07:14 PM
مشكور الاخ حسون على ايرادك الحقيقة الصحيحة لما أوردته فى تعليقى . اقتباس من حسون ( Hatcher wrote. "Previously, the army had decided that on the average an energy of 60 foot pounds is required to produce a disabling wound. Thus, service bullets returning from extreme heights cannot be considered lethal by this standard.") يعنى الطلقة الراجعة من اعلى ارتفاع لها ليست قاتلة وهذا ما قلناه وتحاول تكذيبه نظريا يا الواثق
بعدين يالواثق يا اخوى لا انا ولا اظن واحد من المتداخلين أو القراء فهم السفسطة التى ملأت بها تعليقك .. ويبدو انك لم تفهم التلميحات فى تعليقى فأنا عسكرى تعلمت ما لا تعلمه ليس بنظريات الفيزياء ولكن بعلم فن الحرب والقتال فى الكليات والمعاهد المختلفة ومارسته عمليا وميدانيا كقائد عسكرى فان لم اكن أعرف كيف أقتل العدو أو كيف ادافع عن نفسى وكيف تعمل الاسلحة المختلفة ومدياتها ومسار قذائفها فأنا وجنودى مهزومون وهالكون . أنا أتحدث عن علم ويقين وانت تتحدث عن نظريات. أما حسابات الفيزياء التى التى حشوت بها تعليقك فمكانها قاعات المحاضرات وليس ما حدث لاخونا شبونة والذى أرى انك حاولت تبخيس ماحدث له لصرف النظر عنه .. والظاهر انك جداد اليكترونى

[حسون] 09-09-2013 04:50 PM
ارجو ان يسمح الاخ الواثق بإيراد دليل آخر من مصدر غير الفيس البوك ، يعضد ما ذهب اليه من يخالفونه الرأي في عدم أمكانية ان تخترق الرصاصة (العائدة) من اعلى سطح من من الصلابة بمكان كما حدث سقف منزل شبونة .. وارجو ان استطاع احد و وجد الزمن ان يقوم بترجمة ما ورد هنا حتى تعم الفائدة.
و هنا .. الاقتباس (For further insight, we turn to Hatcher's Notebook (1962) by Major General Julian S. Hatcher, a U.S. Army ordnance expert. Hatcher described military tests with, among other things, a .30 caliber bullet weighing .021 pounds. Using a special rig, the testers shot the bullet straight into the air. It came down bottom (not point) first at what was later computed to be about 300 feet per second. "With the [.021 pound] bullet, this corresponds to an energy of 30 foot pounds," Hatcher wrote. "Previously, the army had decided that on the average an energy of 60 foot pounds is required to produce a disabling wound. Thus, service bullets returning from extreme heights cannot be considered lethal by this standard.")
و هنا رابط المصدر :http://www.straightdope.com/columns/read/1199/can-a-bullet-fired-into-the-air-kill-someone-when-it-comes-down

تجدر الاشارة الى ان وزن الرصاصة موضوع التجربة 0.021 رطل يعادل 9 تعسة جرامات تقريبا اي نفس وزن الرصاة المذكورة في رد الواثق.

والشرح الوارد اعلاه و المبني على تجربة حقيقية يوضح استحالة ان تخترق رصاصة عائدة رأسياً من الاعلى سقف من الزنك و مدعم باسمنت لتستمر و تخترق جهاز التلفزيون.

United States [alwathiq] 09-09-2013 11:58 AM
لنفترض أن شخصا ما أطلق رصاصة طولها 9 ميليمتر ووزنها 9.51 جرام وقطرها 0.00902 متر إلى الهواء وكانت سرعة الرصاصة الإبتدائية 305 متر/ طبعا كلما ارتفعت الرصاصة كلما قلت سرعتها وهذا بسبب الجاذبية ومقاومة الهواء
باهمال مقاومة الهواء يمكننا معرفة الارتفاع التي تصل إليه الرصاصة عن طريق هذا القانون:
طاقة الحركة الإبتدائية = طاقة الوضع النهائية
0.5 * الكتلة * (السرعة)تربيع = الكتلة * عجلة الجاذبية * الارتفاع
عن طريق التعويض نحصل على أن أقصى ارتفاع للرصاصة هو : 4741 متر
الآن الرصاصة سوف تبدأ في النزول والسرعة سوف تزداد تدريجيا بسبب عجلة الجاذبية وباهمال مقاومة الهواء يمكننا استنتاج أن سرعة وصول الرصاصة إلى الأرض تساوي سرعة انطلاقها في بادئ الأمر أي أن سرعتها ستكون 305 متر/ثانية ولو سقطت بهذه السرعة فإنها ستكون خطيرة جدا
لكن من المستحيل سقوط الرصاصة بنفس سرعة انطلاقها بسبب مقاومة الهواء حيث أن لكل جسم ساقط من السماء سرعة نهائية لا يمكن تعديها وهذه السرعة تعتمد على كتلة الجسم وشكله ويمكننا حساب السرعة النهائية عن طريق هذا القانون:
السرعة النهائية = الجذر التربيعي ل(2*كتلة الجسم*عجلة الجاذبية / كثافة الهواء * المساحة المقطعية للجسم * Cd )

Vt = (2mg / ρACd)

حيث أن كثافة الهواء = 1200 جرام/متر مكعب
المساحة المقطعية للرصاصة = 3.14*قطر الدائرة تربيع / 4 = 6.39 x 10^-5 متر تربيع
Cd ثابت للرصاصة ويساوي 0.295

بالتعويض نجد أن السرعة النهائية للرصاصة = 90.8 متر/ثانية وهذه هي أقصى سرعة للرصاصة وهي تسقط أي ما يعادل تقريبا أقل بقليل من ثلث السرعة الأصلية
يعني أن الرصاصة أثناء السقوط تكون في ثلث قوتها الابتدائية

ولو اهملت تماما مقاومة الهواء والرطوبة حتكون شدة السقوط هي نفس قوة انطلاق الرصاصة من فوهة البندقة التي اطلقتها

والمثال هذا يأتي مصداقا لنظريتي التي ذكرتها
الرصاصة عند عودتها تعود الى الارض بسرعة 300 قدم في الثانية وتقريبا ده ثلث او اكثر قليلا من ثلث قوتها عند انطلاقها من فوهة البندقية مع وضع اعتبار لسرعة الريح والهواء والرطوبة لان لها دور كبير في تسارع الرصاصة عند سقوطها وشدة تاثيرها وقوتها
وهذ السرعة كافية لاختراق الزنك والتلقيمة بكل سهولة
بعدين لو لاحظت ان الثقب يساوي كم مره حجم الرصاصة وده بيوريك البعد الذي اتت منه الرصاصة وكلما كانت الرصاصة منطلقة من مسافة قريبة كلما خلفت ثقبا اصغر وتستطيع ان تعرف مدى الاطلاق من الثقب المتاتي من الرصاصة


هذا من الناحية الفيزيائية أما عمليا فشخصيا اعلم تمام العلم انها تستطيع ان تفعل ما فعلته تلك الرصاصة في سقف شبونه انشاء الله بس تكون عرفت اني ما بتشاطر عليك يا اب زهانة ياشاطر

United States [alwathiq] 09-08-2013 10:48 PM
حاشا لله انا ما بتشاطر على القراء ولا عليك لانه ليس لي مصلحة في ذلك بعدين اذا انضربت الرصاصة من عمارة مجاورة ما حتجي بي خط مستقيم اطلاقا وحتى من الهواء بتاع على شكل قوس بتجي في خط مستقيم الا اذا كانت العمارة الانطلقت منها مبنيه فوق غرفة شبونه مباشرة وده ماممكن فلاستبعاد نظريتي وكلامي وانه خطأ كما قلت لابد من وجود انحراف ولو بي اي زاوية عشان تكون الطلقة مضروبة من عمارة مجاورة لكن لو جات دوغري وبخط شبه مستقيم من السقف للتلفزيون مباشرة ودون اي انحراف معناتها انه كلامي صاح اللهم الا لو رسلوا لي شبونة ده هليكوبتر ضربوا منه الرصاصة دي بعدين منو القال ليك انه لو جات الرصاصة من الهواء بعد ما تكمل مداها ماحتقد السقف الزنك والتلقيمة والله العظيم مابتكلم من فراغ تقده وتقد ابوه ذاتو لان سرعة عودة الرصاصة بحكم الجاذبية وثقل المقذوف نفسه ومعامل الجاذبية ولو قلل احتكاك الهواء من سرعتها لكن سرعة عودتها تكاد تقارب سرعة الاطلاق من فوهة البندقية انا عارف انا بقول في شنو صدق يامؤمن ممكن تنضرب رصاصة الكلاشينكوف من على بعد 4 شوارع مثلا وتمشي في الهواء وتحي تقد الزنك ولو صادفت راس زول تخرمه وتقتله كمان او حتى تخرتق رجله أو اي حته في جسمه
لو كلامك صاح لابد من درجة انحراف في الثقب بتاعة الرصاصة في الزنك وفي التلقيمة وفي التلفزيون وكمان برضو لو ارتدت من جسم صلب آخر ادى لتغيير اتجاهها لسقف الزنك وده حيجيب نظريتك ياشاطر صاح بدون اي درجات انحراف كلامي صاح وكلامك غلط

بعدين لو وصلت مداها ورجعت ده برضو اسمه ارتداد يا اب زهانة تماما مثل ارتدادها حين الاصطدام بجسم صلب وكلما ما كان الجسم معدنيا وصلبا كلما زادت خطورة الارتداد والتاثير للمقذوف


#761864 [man]
5.00/5 (1 صوت)

09-08-2013 08:19 PM
شخص ما علم بغيابك وارسل الرسالة كم قلت ان القتل ما اسهله . رصاصة طائشة اي بعد اتجاهين ايمكن ان تمتلك قوة الدفع الكافية لاختراق زنك ناهيك ن تلقيمة خشب ولا تستقر بل تواصل طريقها لتخترق جسم صلب آخر هو تلفزيون؟؟؟؟¿؟؟؟؟؟؟؟ مهما حاولت غلبني اتصور وانا الدارس للفيزياء من ميكانيكا لاستاتيكا وسرعة المقذوفات والمتجهات وعجلة الجاذبية الارضية وانتقال الحرارة ومقومة المواد. فضلا عن كوني جندي سابق تدربت علي الكلاش وجيم 3 وهاون 65 و 82 والدفع هاوتزر وال بي 10 والدوشكا والار بي جي ؟؟؟؟؟


#761859 [عادل السناري]
5.00/5 (1 صوت)

09-08-2013 08:07 PM
الرصاصة لبندقية الية و تحديدا (كلاشنكوف ) و له المقدرة علي اطلاق رصاص قي شكل مجموعات او طلقات فردية و الكلاشنكوف سلاح قصير المدي --الرصاصة اطلقت من مكان اعلي من سقف منزل الضحبة ( مباني مجاورة ذات طوابق ) -- لا يمكن لرصاصة كلاشنكوف ان تخترق سقف الزنك و التلقيمة وشاشة التلفزيون الا اذا كانت المسافة اقل من 300 متر ---احتمال تكون رصاصة طائشة 10% و احتمال تكون مسألة مقصودة 90% --- باعتبارها رسالة اولي -- اطلقت وهم يعرفون ان المنزل خالي من السكان .


#761853 [فاروق بشير]
5.00/5 (1 صوت)

09-08-2013 07:54 PM
حمد الله على سلامتك واسرتك بل وجيرانك ليسابع جار.
ارجو انك تكون قريت تعليق المشتهي الكمونية(الذى افتكر الان يكون مشتهي الكسرة بي موية وما دونها).
بعد ان كفر لك وحمد الله قال لك:
(دا مخطط صهيوني ، الطلقة جات بالليل وشبونة مطفي النور وكان في صلاة العشاء والرادار ما شاف الطلقة وشبونة يحتفظ بحق الرد على مخططات العدو ويمكنه (النظر) لكل من تسول له نفسه التلاعب بمقدرات بيته الكائن بإمتداد ناصر)


#761850 [ود النوبة]
5.00/5 (1 صوت)

09-08-2013 07:45 PM
لك التحية وتسلم يا شيخ العرب (طبعن) حتحتار من اين جبت هذا اللقب خليها مقفولة ,طبعاً (طبعن)دي على حسب رواية الاستاذ الفاتح جبرة .


#761838 [alwathiq]
4.75/5 (3 صوت)

09-08-2013 07:17 PM
بعد شرحك ده والقدرت عرفت منه بعد موقع المنزل من اماكن كثيرة يمكن ان تنطلق منها رصاصة طائشة غير بيوت الافراح وفي المساء بالذات لان قابلية اطلاق رصاص كثيرة ومتعددة في حتتك دي فعندك حراسات بيوت الرسميين الجنبك وارتكازات توجد حول المطار وجواهو ثابتة ومتحركة يعني انت داخل المدى بتاعة االرصاص من حتات كثيرة الاكيدة العيار ده طائش اكيد وجاء وسكن تلفزيونك في اليومين المافي زول في البيت وفي المساء بعدبن درجات انحراف الرصاصة بتوريك ان كان المقذوف ده جاي مرتد او جاي بدون ارتداد وحسب منظر دخول الرصاصة في السقف والتلفزيون بتوريك انها جاية بشكل راسي مستقيم وهذا الاتجاه الراسي يدل على انه الرصاصة دي جاية وكملت كل مداها في الهواء ثم نزلت في راس بيتك ومن ثم في التلفزيون وده ينفي انه هناك استهداف شخصي لك المهم ربنا سلمك وحفظ اسرتك الكريمة وعيالك


#761822 [هيثم الخلا]
5.00/5 (1 صوت)

09-08-2013 06:44 PM
يا أخي مرة أخرى ألف سلامة، من قال لك أن لهؤلاء دين حتى نظن حسن النية بهم، هذه محاولة اغتيال عديل كده من جهاز الأمن فهو لا يتورع عن قتل أفراده ربما حتى لمجرد قضية شخصية، دعك من إنسان قلبه منور مثلك ينطق بالحق ولا يخاف أحد، لقد ضايقهم ما تكتب مهما كان قليلا، أصح أيها الشعب السوداني الذليل حتى النخاع أصبحتم مضحكة للعالم


#761810 [بعشوم]
5.00/5 (3 صوت)

09-08-2013 06:16 PM
سلمك الله يا استاذ شبونة ... الملاعين ديل اتوقع منهم اي حاجة .. لكن لن يستطيعو بتكرار هذه المسألة مجددا باذن الله ...


#761803 [Fato]
5.00/5 (3 صوت)

09-08-2013 05:53 PM
تسلم شبونة من كل عدو والجاياك تصيبهم هم لوحدهم ليكتوا بما يدبروا.نسأل الله أن يحفظك وأسرتك من كل مكروه.


#761753 [إقتصادي حلة( مساعد حلة يعني)]
4.88/5 (4 صوت)

09-08-2013 04:55 PM
كما اسلفت
شكراً لإهتمامك بما نعلق
وربنا يلطف بك وبأسرتك الكريمة
قلك سلاحك ( اظن اصبح كيبوردك سلاحك)
الي الامام لتنير الطريق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة