الأخبار
أخبار إقليمية
أزمة حادة في المواصلات وتخوف في الشارع العام
أزمة حادة في المواصلات وتخوف في الشارع العام
أزمة حادة في المواصلات وتخوف في الشارع العام


09-09-2013 04:56 PM

الخرطوم - صلاح حمد مضوي

تصاعدت أزمة المواصلات العامة قبل أن تشرع الحكومة فعلياً في رفع الدعم عن المحروقات، وسط تخوفات من المواطنين من أن تؤدي الخطوة إلى ارتفاع مخيف في تعرفة المواصلات، التي شكوا من ندرتها وتحايل بعض سائقي المركبات على قيمة التعرفة المحددة سلفاً، ولجوء بعضهم مناصفة المسافات في الخطوط المعروفة بغية رفع السعر.
وكشفت جولة قامت بها (المجهر) مساء أمس، بمواقف (شرونى) و(السكة حديد وإستاد الخرطوم ) و(المحطة الوسطى) ببحري، ازدحاما للمواطنين بحثاً عن وسيلة مواصلات.
وأبدى بعض المواطنين سخطهم وتذمرهم من استمرار ما وصفوه بالأزمة المستفحلة، التي أشاروا إلى أنها ظلت مستمرة وبشكل يومي.
وقال بعضهم للصحيفة إنهم ظلوا لساعات طوال فى انتظار مركبات تقلهم إلى أماكن سكنهم، في وقت رفع بعض سائقي حافلات (الهايس والقريس) التعرفة إلى جنيهين ونصف الجنيه، بكل من موقفي بحري والكلاكلات، الأمرالذي استهجنوه مبدين تخوفهم من وضع قرارات رفع الدعم عن المحروقات موضع التنفيذ ، وأكدوا أن الأمر سيخلق دوامة معاناة جديدة لاتطاق، تضاف إلى سلسلة معاناتهم التي تبدأ من (قفة الملاح) مروراً بمصاريف المدارس والجامعات.
وقال "أمجد عبد الرحمن أحمد" الطالب بكلية الطب –جامعة الخرطوم –المستوى الخامس، إنه يتوقع زيادة في أسعار المواصلات العامة بعد دخول قرار الدفع حيز التنفيذ، بحيث تصل الزيادة إلى الضعف، مؤكداً أن الخطوة ستؤدي إلى زيادة أسعار كل السلع، بما يشكل عبئاً إضافياً يثقل كاهل المواطنين.
من جانبه قال المواطن "عزاز عيد آدم" ويسكن مايو-حي النصر، إن الزيادة بدأت بالفعل بالنسبة للحافلات، ويضيف (منذ الساعة الثانية ظهراً اختفت حافلات (مايو)، وحينما تأتي واحدة منها تحمل الركاب إلى (صينية السوق المركزي)، وتنزلهم هناك كمحطة أخيرة بسعر واحد جنيه، ثم من هناك (فردة) أخرى إلى (مايو) بجنيه آخر، لافتاً إلى ضعف الرقابة.
أما سائق (الهايس) "عزالدين يوسف" ويعمل في خط الكلاكلة- السوق العربي فيقول (بالفعل توجد أزمة مواصلات بدأت تطل برأسها بوضوح، والتعرفة (مابتغطي معانا ذاتو). ويقول سائق الحافلة "عبد الله أبكر عبد الله"ويعمل في خط (كوبر-شروني)، إن أية زيادة في سعر البنزين سترفع تعرفة المواصلات إلى نسبة مائة بالمائة، سترتفع قيمة التعرفة إلى الضعف، فيما قال الطالب "حمد عبد الفتاح" الطالب بكلية (أبتك) إن مصدر دخل المواطن السوداني لايتحمل أية زيادة في أسعار المواصلات، فيما أجمع المواطنون على أن التعرفة الحالية للمواصلات هي بالأساس تضاعفت لأكثر من مرة، في فترة وجيزة دون أن تتبعها زيادة في الأجور أو مداخيل الكسب.

المجهر


تعليقات 24 | إهداء 1 | زيارات 5700

التعليقات
#763035 [omeira]
1.00/5 (1 صوت)

09-10-2013 11:49 AM
الناس عليها الصبر واحسب ان الشعب واعي ومدرك بأنه ليس هنالك "بديل" فمن الذي سوف يأتي لحكم البلاد بوطنية غير البشير


#762784 [Santos]
3.00/5 (5 صوت)

09-10-2013 02:04 AM
اي واحد شابك الشعب السوداني تستاهلوا واطلعوا ووووو.. الشعب السوداني هو منو ...؟؟ ما أنا وانت يا ريت الخطاب يقول نحن طالعين بدل رمي الشينة والنبذ علي الشعب ..والبرة يرجع والجوة يستعد وثورة حتي النصر.


#762780 [شليل وينو...]
1.00/5 (1 صوت)

09-10-2013 01:09 AM
عينا في الفيل وبنكوس لي ضلو كواسه .. يعني مابقت على بتاع الكريز كان بتاع الطماطم بقول ليك الدولار غلا عشان كده الطماطم زادت
الشعب ساخط وبيتزمر منذ بدايات ثورة الإنقاذ والثمرة في عام 2013 بان الشعب مازال متزمرا وساخطا
وزي مابقول السواي ما حداث .. وماشين في السكه نلز


#762771 [ودالباشا]
3.00/5 (2 صوت)

09-09-2013 11:58 PM
رياضة المشى فيها فوائد عظيمة مدام ساكتين وراضين وكمان قرارت صديقة للبيئة والساقية لسه مدورة


#762770 [بت ملوك النيل]
0.00/5 (0 صوت)

09-09-2013 11:58 PM
عجبنى للمرقود


#762747 [كوكاب]
5.00/5 (1 صوت)

09-09-2013 10:36 PM
انشاء الله بكرة كل شيء يكون عدم لا مواصلات ولا كهرباء ولا موية ولا دقيق ولا سكر ولازيت ولا ملح وحتى الهواء دا زاتو الجماعة ديل يكون عملو ليه بلف مرة يفتحو ومرة يقفلو يعني النفس يطلع وينزل يالله يالله وكدي نشوف الشعب ده حيعمل شنو ؟


#762741 [Zingar]
5.00/5 (1 صوت)

09-09-2013 10:24 PM
إذا طلعت الشمس من المغرب ربما مش أكيد وقتها حيطلع الشارع


#762738 [emad alawad]
5.00/5 (1 صوت)

09-09-2013 10:21 PM
والله الشعب السوداني ده يستاهل يعملوا فيه أكثر من كده كثير كثير .. عالم بقت جبانة جبن ما أعتيادي .. الواحد يقول ليك نعمل شنو يعني دير أخير من غيرهم .. نفسي أعرف بس أخير بي شنو .. ربنا يرحمكم تورونا الخيرة دي في شنو .. إن شاء الله يارب العالمين يزيدوا ليكم المواصلات يخلوها بي 100 ألف والعاجبه عاجبو والماعاجبو يبقى راجل ويطلع الشارع .. حرام عليكم والله قطعتوا كبدنا عديل لما مرقنا خلينا البلد دي ليكم .. أها النشوف الرجالة وين ..


#762736 [radona]
4.00/5 (1 صوت)

09-09-2013 10:17 PM
الحكومة اعطت المواطنين فرصة على طبق من ذهب لتحقيق رغبتهم المكبوتة والمقهورة للخروج على النظام واسقاطه تتمثل في الانهيار الاقتصادي بزيادة اسعار المحروقات وازمة المواصلات يبدو ان المواجهة باتت حتمية بين النظام والشعب والارادة متوفرة لدى الشعب اكثر من اي وقت مضى


#762714 [سيد اللبن]
4.75/5 (4 صوت)

09-09-2013 09:33 PM
أها خموا وصروا ياشعب يا كرور يا عواليق ,, إن شاء الله يركبوكم زى الحمير


#762712 [عبد الله]
4.00/5 (2 صوت)

09-09-2013 09:31 PM
الشعب مات وشبع موت ومافى اى حاجه تحركوا ...الرجال ماتوا زمان


#762688 [أب دفّان]
3.00/5 (1 صوت)

09-09-2013 08:32 PM
أزمة حادة في المواصلات وتخوف في الشارع العام
ما تلفتوا نظرهم عشان الشعب يخلعم ويحقق فيهم المفاجأة


#762658 [ali alfred]
5.00/5 (1 صوت)

09-09-2013 07:33 PM
هل يصحو الشعب السوداني من غفوته الطويلة تحت الأقدام الثائرة والبطون الجائعة والعقول الراجحة ليعيد للإنسان السوداني كرامته المسلوبة وحقوقه الإنسانية الضائعة؟؟؟ .ان سبب ما وصل اليه الشعب السوداني من هضم لحقوقه واستعباده هو ان شردمة اللصوص التي تحكمه تحت قيادة المخنث سفاح السودان.ندعو الله أن لا يطول الظلام الدامس في بلادي.


#762652 [خالد حسن]
5.00/5 (2 صوت)

09-09-2013 07:11 PM
سكوت الناس هو المشجع الاول والاخير للقهر الذي تمارسه حكومة الانجاس عليه
علي الناس الخروج في مظاهرات لاتتوقف حتي يزال هذا النظام الفاسد الفاشل


#762645 [عصمتووف]
4.00/5 (2 صوت)

09-09-2013 07:03 PM
وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم وقال بعضهم

بس ياهو فلاحكم الشكية واختلاق المشاكل مع الكمساري الحائط القصير هنا البعره وهــنــــــــــــــــــــــــــــــــــــــــــاك البعير شوفو وين الجمًال متي تفيقوا والقادم اسوء


#762640 [جركان فاضى]
4.50/5 (2 صوت)

09-09-2013 06:56 PM
الان جاء دورك يا الكارو...عندى خمسة كاروات راقدة ساكت بدون شغل... الان جاء دورها فى حل ضائقة المواصلات... فكل مشكلة وعندها حل...بس ياخسارة اسعار الحمير ارتفعت بعد رفع الدعم عن البنزين فزاد سعر الحمار كبديل للبكاسى... بس برضو معليش بحمل الزيادة للركاب واتمنى ان تكون عليهم خفيفة


#762636 [ابوكروكرو السام]
4.00/5 (2 صوت)

09-09-2013 06:50 PM
تستاهلوا


#762633 [jacob]
2.00/5 (1 صوت)

09-09-2013 06:45 PM
حان الوقت لتنفيذ عمليه محدوده لتمهيد الطريق قلدخول الثوار الى العاصمه


#762627 [الغريب عن وطنو]
3.50/5 (2 صوت)

09-09-2013 06:29 PM
فالحين بس للطنطنة والنقة ...
يا تمرقو الشارع يا تمرقو من البلد تخلوها ليهم ..
ولا خشمكم وعندكم ..
صي والله .. شعب حيعان لكنه جبان ..


#762613 [ابو فهد]
3.50/5 (2 صوت)

09-09-2013 05:58 PM
شعب جعان لكنو جبان


#762608 [بعشوم]
2.00/5 (1 صوت)

09-09-2013 05:47 PM
الحكومة جعلت من المواطن "الحمار القصير" بتاعا .. لكن المرة دي لا سكوت ابدا وخلوها تولع


#762590 [المستغرب جداً جداً]
1.00/5 (1 صوت)

09-09-2013 05:18 PM
مافي أمل


#762588 [عمدة]
0.00/5 (0 صوت)

09-09-2013 05:16 PM
على الموطنين القيام بمظاهرات سلمية


#762581 [عمدة]
0.00/5 (0 صوت)

09-09-2013 05:10 PM
وبعد داااااااااك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة