الأخبار
أخبار إقليمية
مسؤول برلماني: نسبة الفساد بالبلاد مقارنة ببلدان أخرى لا تعني شيئاً
مسؤول برلماني: نسبة الفساد بالبلاد مقارنة ببلدان أخرى لا تعني شيئاً
مسؤول برلماني: نسبة الفساد بالبلاد مقارنة ببلدان أخرى لا تعني شيئاً


09-10-2013 01:20 PM
البرلمان: خالد الفكي
كشف رئيس اللجنة الاقتصادية والمالية بالبرلمان د. عمر محمد الامين ان نسبة الفساد بالسودان لا تتجاوز لـــ (0.1%) ، ورأى ان تلك النسبة مقارنة بالفساد الموجود فى الدول الاخرى لا تعني شيئاً،وقال للصحفيين بالبرلمان أمس (الإثنين) عقب وصوله البلاد بعد المشاركة فى التدريبية للبرلمانيين ببيروت ان الدورة التدربيبة تعرضت لمعالجة اي خلل مالي واي شبهات فساد وكيفية ووضع القوانين الرادعة ، مؤكداً ان الوفد البرلماني بات قادرا على كيفية اعداد ومراقبة وتنفيذ الموازنة ، مبيّنا انه وبقليل من الترتيب بالمقارنة بين وضع السودان وبلدان عربية ، نؤكد اننا كبرلمانيين نستطيع اخراج ميزانية واقعية ، مشيرا لنيل تدريبات حول عمل ديوان المراجع العام وكيفية سد الثغرات والخروج ببشريات للمواطنيين ، وأردف قائلا" نحن بالمقارنة بالموازنات الخارجية افضل حالا وبي حالتنا دي" ، معلنا الاتجاه لاستخدام التكنولوجيا فى تحديث المعلومات وتقنين بعض الاوضاع الخاصة بمشروع الموزانة، وشددعلى قدرة البرلمان على معالجات اشكالات تحويل بنود الصرف فى الميزانية من بند لاخر ، وزاد" نحن اصلا شغالين شنو " ، منبها ان البرلمان جهاز تشريعي ورقابي وعليه وضع التشريعات التى تغلق الثغرات ، فضلا عن مراقبة وبصورة اقوي عدم التحويل من بند الى وان تم يكون بالطريقة القانونية.

االاهرام اليوم


تعليقات 28 | إهداء 0 | زيارات 1988

التعليقات
#763421 [ابوالقاسم]
0.00/5 (0 صوت)

09-11-2013 05:47 AM
ام كرتبو، ديل من احط خلق الله، شرذمه دنيئة والله ما عندهم 1.% اخلاق. والله يا جماعة البلد دي ما بقت بلد اولاد عرب و قبايل، لما يحكمها شوية لصوص اوغاد زي الدول الافريقية الفقيرة المحكومة بالعصابات. المشكلة الكبرى انو اخلاق السودانيين اتغيرت بعد ما كنا مثال للشرف والامانة. الله ينتقم منهم ويمد في عمرنا لحد ما نشوف الغمة والكابوس ده انزاح من البلد عشان الواحد يموت وهو مطمن على مستقبل اولاده.


#763386 [خالد حسن]
0.00/5 (0 صوت)

09-11-2013 12:49 AM
انتو شغالين صفاقات ورقاصات وممويات ومخجوجات
لمن وزير الماليه يزيد الاسعار تصفقوا ليه


#763354 [ام كرتبو]
0.00/5 (0 صوت)

09-10-2013 11:14 PM
افسد ناس هم هؤلاء الارجوزات والدمي الموجودة بمسرح العرايس الذي يسمي هزلاً برلمان!!! وعندما يتحدث شخصي الضعيف ..فإنما أتحدث بما رأت عيناي لما لوظيفتي من صلة مباشرة بالموضوع,,,والله أنا شفت حاجات في البلد دي ماأنزل الله بها من سلطان...الناس ديل كلمة حرامية عليهم شوية ..هل تصدق أن أعضاء البرلمان لديهم علاوة بدل ترحيل ..وعلاوة أخري تسمي بدل ترحال..( هنا أنا أستنجد بجهابزة اللغة العربية كان فضل فيهم واحد بعد موت القطبين الكبيرين ..الدكتور عبد الله الطيب والاستاذ فراج الطيب) ليبينوا لنا ما الفرق بين الترحيل والترحال..هذا بالاضافة الي المخصصات المليارية التي تصرف لهؤلاء النيام نيام ..آكلي المال الحرام..وكل ما يضر الشعب من تشريعات ظالمة يتم تمريرها عبر هؤلاء الارجوزات النائمة ..والتي لا تفقه شئ في أبجديات القانون ناهيك عن سنه..هذا زمان المهازل والله..وكمان يقولو ليك نسبة الفساد 1% هب إن هذه النسبة صحيحة !!! ماهي المعايير والمنهجية التي اتبعها هؤلاء البرلمانيون لتحديدها؟!! وهل تم إتخاذ ما يلزم من إجراءات تجاه هؤلاء الفاسدين ال 1% ؟. والله لو بلغت نسبة الفساد 1% بالسودان لامتلك كل سوداني عمارة من طابقين وتزوج إمرأتين وإمتلك سيارتين وبلغ رصيده بالبنك مليارين ولاصبحنا قبلة مهاجري العالم..انتو بتضحكو علي مين يا حرامية ..


#763348 [قوز دونقو]
0.00/5 (0 صوت)

09-10-2013 11:03 PM
الدكتور عمر محمد الأمين : رئيس اللجنة الإقتصادية و المالية بالبرلمان السوداني بعد حضوره - و الوفد المرافق له - الورشة التدريبية للبرلمانيين في بيروت (((كشف ))) كشف لمن ؟؟؟ طبعا كشف للصحفيين بالبرلمان و ليس للصحفيين في بيروت؟؟ لو كان حديثه للصحفيين في بيروت ربما وجد من يقارعه الحجة بالحجة و بالأدلة القطعية و التي تكاد تمشي علي قدميها بين الناس و تقول يا ناس أنا واحد من أدلة الفساد الذي إستشري بين القادة السودانيين من ماركة ((( كوز)))..
أنت والله يا دكتور ما بتستحي أبدا يا أخي لو ما بتخاف من ربك علي الأقل أختشي شوية من أم عيالك و عيالك اللذين يتابعون اخبار الفساد يوم بيوم ؟؟؟ الفساد في السودان لا يحتاج لتصريح صحفي و لا يحزنون يكفي أن تدخل أي مرفق حكومي لتشاهد بأم عينك الفساد كيف يمشي بين الناس ...
بإختصار شديد لولا الفساد لما صار مثلك رئيس لجنة برلمانية تعني بشؤون الإقتصاد و المال ؟؟؟؟

العلة ليست في وضع القوانين الرادعة هذه القوانين أصلا موجودة و لكن معطلة و مفرملة بفعل فاعل أنت تعرفه جيدا ,,,, أنتم شغالين في بنود الصرف و تحويلها من بند صرف إلي بتد صرف أخر و لكن لم أسمع منك أو من لجنتك أن حولت من بند صرف إلي بند إيراد ,,, لم أسمع منك أو من لجنتك الموقرة تقنين بنود إيرادات جديدة دون المساس بجيب المواطن ؟؟؟ و يا ريت القروش البدفعها المواطن دي يجد ما يقابلها ؟؟؟ يدفع و يدفع حتي أصبح أسمه عبدالدافع كما يحلو للصحفي (عثمان ميرغني ) أن يسميه.....
صف لي يا دكتور عمرمحمد الأمين مشروعا واحدا تمت إجاوته في البرلمان لصالح المواطن ؟؟؟ كلها كذب و نفاق ؟؟؟
رفع الدعم ؟؟؟ أين الدعم وكيف كان و بأي قانون و ما هي السلعة المدعومة ؟؟؟ القمح ؟؟؟ سلعة المنتج المحلي منها حوالي 40% أو أقل من ذلك...
أتركوا المزارعين يزرعوا القمح و أرفعوا أيديكم عنهم أغوا الضرائب و العوائد الأتاوات الكثيرة التي يدفعها المنتج و دعوهم يبيعون منتجاتهم للمستهلكين مباشرة و بدون سماسرة و بدون وسائط ؟؟؟؟
للفساد ثغرات كثيرة و أول طرق سدها هي الخوف من الجليل ؟؟؟


#763346 [أب دفسه]
0.00/5 (0 صوت)

09-10-2013 11:01 PM
الرئيس البرازيلي "لولا دا سيلفا" الذي قاد البرازيل الى افاق بعيده..
سدد كل ديونها وجعل منها دوله آخرى..

لحظه مغادرته القصر بعد انتهاء فتره ولايته الثانيه والاخيره كان يبكي..

لم يبكي لانه غادر الحكم لكن يبكي لان الشعب كله خرج ليطلب منه ان يبقى في الحكم لكنه رفض..

وقال جملته الشهيره: "انا اغادر الرئاسه لكن لا تعتقدون انكم ستتخلصون مني.. لأنني سأكون في شوارع هذا البلد للمساعده في حل مشكلات البرازيل"


#763335 [الحقيقة مرة]
0.00/5 (0 صوت)

09-10-2013 10:30 PM
نسبة الفساد بالبلاد مقارنة ببلدان أخرى لا تعني شيئاً
______

عايز اقول انو سرقاتم بملايين الدولارات ما مليارات زي غيرم لكن على الاقل حسني مبارك والقذافي وبن علي مثلا عملو قواعد اقتصادية وامن غذائي وما يشبه الصناعة وطبقة وسطى معتبرة في بلدانم ما دمرو الطبقة الوسطى وافقرو الشعب عمدا عشان يحكموه زيكم يا جزم


#763329 [radona]
0.00/5 (0 صوت)

09-10-2013 10:12 PM
مثل هذا التصريح من هذا البرلماني لا غرابة فيه
وسبق ان صرح مايسمى برئيس البرلمان بان الجماعة في درجة من التدين تمنعهم من اختلاس المال العام
طيب سودانير وشركة الاقطان والحج والعمرة والاوقاف والمبيدات والتقاوي الفاسدة وسودا لاين ووزارة الرعاية الاجتماعية وجوكية البنوك ومن يقف خلفهم والذين يجنبون الايرادات ويطردون المراجع العام والذين يحصلون خارج اورنيك 15 او بنموذج منه وولاية سنار التي اختلست 50% من ميزانيتها

ياراجل اوزن كلامك ومن الافضل لك ان تصمت
ياراجل


#763318 [قرفان منكم]
4.00/5 (1 صوت)

09-10-2013 09:42 PM
هوي يا عمر حسن الامين انت فسادك وحده فاق ال10٪ من ميزانية الدولة يا كذاب يا منافق
يا بتاع مدارس كمبريدج الفاسدة يا حرامي ميدان جامع المعمورة .. بالله. في أفسد منك و من قريبك الجايبو من كندا عشان يدير ليك المدارس باسمه
انت قلت مستثمر كندي لكن ورق ما عنده في كندا .. الله يخلي الراكوبة البتطلع فضايحكم


#763314 [بحري نفر]
0.00/5 (0 صوت)

09-10-2013 09:27 PM
فعلا الاختشوا ماتوا.....كمان يفخر ان الفساد 1%....يا راجل عيب عليك...الفساد بقي في كل مرافق الحكومه والاسواق والشوارع....والامثلة بالالوف..مثال:مشيت اجدد البطاقه الشخصية في وزارة الداخليه شارع النيل...دفعت الرسوم وتبقي شوية فكه والمحاسب دق طناش وانا اصريت اخذ الباقي....وحياتك غطس ورقي لحد ما مشيت للظابط ولقي اوراقي مرميه في الارض....وانا انتظرت 4 ساعات ومع انو من 7 صباحا انا وا.قف..اما عند تجديد الرخصه المرور غديل كده قال نحن عاوزيين حق الفطور......تقول لي منو..تقول لي شنو!!!!!!


#763307 [abu khaled]
0.00/5 (0 صوت)

09-10-2013 09:05 PM
لعن الله ذلك الحقير الذي فقع مرارتنا علي قول الاستاذ/ الفاتح جبرة والسؤال لك اين مليارات البترول قبل انفصال الجنوب واين الاموال التي نهبت من بيع اصول مشروع الجزيرة واين اموال بيع خط هيثرو واين اموال الاراضي التي بيعت في كل مكان واين اموال شركة الاقطان واين اموال خصخصة مؤسسات الدولة واين الشعب السوداني الذي اشتهر بالامانة لعنكم الله ياسارقي اموال الشعب بالباطل


#763298 [tota]
0.00/5 (0 صوت)

09-10-2013 08:30 PM
إذا في واحد ادوه أمانة قول 100,000 جنيه، تمام ..... قالو ليه وانت ماشي في سكتك اديها لفلان الفلاني..... معاي، و الواحد ده في مشواره هذا مترافقين معاه تسعة اشخاص .... كويس، قام الواحد الادوه الامانة شال من المية ألف جنيه مبلغ و قدره 100 جنيه يعني 0.1% من جملة مبلغ الامانة... قام الواحد ده بتوزيع 90 جنيه علي أصحابه ديل كل واحد أداه 10 جنيه هدية ســـــاكت .... وهو دس ليه 10 جنيه و الجماعة قبلوا الهدية و هم يعلمون تمام العلم ان هذا المبلغ مقطوع من مبلغ الامانة ،،،،،،
السؤال:
إذا وصفنا هؤلاء الجماعة بالفاسدين !!!! كم نسبة الفساد؟؟؟؟ (إختار الإجابة الصحيحة)
1. 100%
2. 0.1%
3. 0%


#763291 [بدون اسم]
0.00/5 (0 صوت)

09-10-2013 08:12 PM
افسد 4 دول في العالم قالوا العراق والصومال والسودان وبنقلادش بس مامتزكر الترتيب والحمد لله اول مرة ترتيبنا يجي في العشرة الاوائل على مستوى العالم


#763284 [كاك]
0.00/5 (0 صوت)

09-10-2013 08:00 PM
ايها البرلماني اذا كان نسبة الزني في الدول الاخري 100% هل يجوز للسودانيين بالزني بنسبة 1% ايها البرلماني سمعنا الدول تحاسب المفسدين اين محاسبتكم للمفسد اذا كان جميع اقاربك وعشيرتك حرامية هل يجيز لك هذا ان تكون حرامي وتقول اشمعنى انا / انت بكلامك هذا تجيز الفساد حتي تصل النسبة المطلوبة حتى نتحدث عن الفساد وطبعا نحنا ماعارفين السبة التي تريدها انت وغيرك


#763275 [الترابى]
0.00/5 (0 صوت)

09-10-2013 07:35 PM
..قضية فساد الاوقاف الأسلامية:
" المراجع العام قال انو مدير الاوقاف عين بالمرتب الشهري 20 ألف جنيه او مايعادله بالريال السعودي، و 60 الف جنيه للعلاج و20 الف عند الاجازة و80 الف جنيه حوافز لعيدي الفطر وعيد الاضحى، و80 الف بدل سكن، بالاضافة الى 80 الف جنيه تأمينات اجتماعية ،واشار المراجع الى ان اجمالي هذه المخصصات بلغ 596 الف جنيه، بجانب«4» تذاكر سفر ذهابا واياب خلال العام بدرجة رجال الاعمال، بالاضافة الى الاعفاء من ضريبة الدخل الشخصي واية ضريبة اخرى غير الزكاة، وبدل عربة تقدره الادارة مع الوقود والتأمين والصيانة للاستعمال الرسمي والشخصي مع السائق، ونوه المراجع الى انهم رصدوا مبلغ 3 آلاف جنيه في الشهر وهي قيمة ايجار عربته الخاصة بدون ابرام عقد الايجار.


#763270 [كيس الموز التحت السرير]
5.00/5 (1 صوت)

09-10-2013 07:17 PM
التقرير الذى صدر قبل ثلاثه شهور ذكر بان السودان متذيل القائمه ؟ لو البلد مافيها فساد كان كل الشعب السودانى ينعم الراحه . لكن هولاء الاوقاد ما يلقو راحه دنيا واخره.


#763231 [mohmd]
3.50/5 (2 صوت)

09-10-2013 05:40 PM
(أفمن زين له سؤ عمله فرآه حسنا) صدق الله العظيم.


#763221 [نكتة حتوة]
3.50/5 (2 صوت)

09-10-2013 05:09 PM
ص
صدقنى حلتنا بس نسبة فساد الشغالين مع الحكومة اكثر من مية فى المية
واحد شاويش فى منطقة المناقل عينو ليهو عسكرى جديد و اول يوم فى الشغل ساقو باليل السوق هناك شاف ليه لورى واقف قال للمستجد دور جيب لينا منو حاجة و اللورى كان شايل قنا صاحبنا راح و لقى اللوري ما عندو اي محالفة الورق كلو تمام رجع فاضى قال ليهو سعادتك كل اوراقو سليمة رد عليهو اقعد يا سجم و مشى ليهو بى نفسو قال لى السواق القنا ورقو وين السواق بكل ثقة ناولو الورق قال ليهو الشاويش القنا دة عددو زايد لازم ننزلو نحسبو و تعال شوف ليك جنس جرسة من السواق غايتو شيل دق شيل دق طلع منو بحق العشاء و حق العرقى و ملاح بكرة و هى قصة حقيقية
تقول لى نسبة الما فاسدين كم


ردود على نكتة حتوة
[جركان فاضى] 09-10-2013 07:07 PM
يا نكتة حتوة الكلام عن الفساد المسجل والمحصور....اما قصة دى فلم يتم تسجيلها حتى تظهر فى كشوفاتنا...خليك نزيه الله يديك الصحة والعافية


#763214 [ابوكروكرو السام]
5.00/5 (1 صوت)

09-10-2013 04:58 PM
مبروك عليكم مركز طيش مفسدي العالم


#763199 [انقاذى غارق فى الفساد]
5.00/5 (1 صوت)

09-10-2013 04:35 PM
ان نسبة الفساد بالسودان لا تتجاوز لـــ (0.1%) ، ورأى ان تلك النسبة مقارنة بالفساد الموجود فى الدول الاخرى لا تعني شيئاً
ما شاء الله تفوقتم على سنغافورة والنرويج
يعنى وزير الداخلية ما شايف شغلو والاشياء التى تغيب العقل فى انتشار
وحمدا لله على عودة النائم البرلمانى من بيروت وان شاء الله تكون فكت


#763198 [سوسو]
5.00/5 (1 صوت)

09-10-2013 04:33 PM
عليكم الله يا ناس الراكوبة صورة الضرس ده ما تجيبوها تانى اقسم بالله كل ما اشوفه يجينى الم فى اضراسى كلها مش واحد بس


#763189 [السالق بألسنة حداد]
3.00/5 (2 صوت)

09-10-2013 04:22 PM
يا عمر الأمين إنت أهلك من وين في السودان الكان كبير ده؟؟
بعدين الدكتوراة بتاعتك عاملها في شنو؟ نفاق،ملق،إفك،كذب،تدليس، تطبيل،نفخ أبواق،حرق بخور،جهل،تجهيل أم ماذا؟
يا أخي إتق الله وخاف ربك وأسأله تعالى أن يغفر لك في السحت الذي تدخله في جوفك وجوف أبناءك كجمر نار جهنم.
يا أخي إن المنطق الذي تتحدث به يستحي النشالون ولصوص الكسر المنزلي من ترديده.


#763180 [ابوسحر]
5.00/5 (1 صوت)

09-10-2013 04:08 PM
,ودا يدربو ليه شنو
قال نسبة الفساد
هو الفساد له نسبة
الفساد هو الفساد؟؟؟؟؟؟؟؟؟؟
والسرقة هي السرقة ليس لها نسب لانها من الاخلاق والصفات
يعني حتقول لواحد انت حمار بنسبة50%
ام انت كريم بنسبة 10%
بالله دا ممثلنا في البرلمان
ذيو وذي اخوانه بتاعين الطرح وشارع النيل وطهور البنات؟؟؟؟؟


#763151 [محتار أوي]
5.00/5 (1 صوت)

09-10-2013 03:31 PM
ياالضعيف إنت سألت الراجل قلت ليهو (بالسودان لا تتجاوز لـــ (0.1%)))
*قلت أيه..مش سامعك.. ومين أداك النسبة دي!! وما هو مركز الدراسات الطلع النسبة دي يا دكتور!!!)

وكان رد الدكتور زي ما إنت شايف)...

قال رئيس اللجنة الاقتصادية والمالية بالبرلمان د. عمر محمد الامين


" نحـــــــــــــن اصــــــــــــــلا شغـــــــــــاليـــــــــن شنــــــــــــو " ؟


أســــــــــــأل العنبــــــــــــــــــــــه الراميـــــــة في البرلمـــــــان.


#763114 [عبدووووووووووووش]
5.00/5 (3 صوت)

09-10-2013 02:33 PM
كذب في كذب ياحرامي قال ايه قال نسبة الفساد في البلد دي ضئيل ياخي مصنفنكم ثالت دوله في العالم في الفساد كفاية خداع وغش الناس انتوا الوديتوا البلد دي للهاويه صدق من قال فيكم المجد للشيطان معبود الرياح من قال لا في وجهه من قال نعم من قال لا لم يمت وعاش روحا ابديت الالم انتم اصحاب الشيطان بل انتم الشسطان بستخي منكم ومن عمائلكم بالله عليكم لو طلعتم من المال الذي نهبنوه من البلد من ارصدتتكم في البنوك الخارجيه وحسابات البنكيه الداخليه لي متضرري السيول والفيضانات الاخيره عسئ وعلا ان يغفر لكم الله والله ماشفنا واحد منكم اتبرع ولو بي قليل بالله عليكم انتم بشر تبا لكم وعلي حكمك الذي هو كذب في كذب قال موتمر في لبنان كم من مال الشعب من نثريه صرف لهذاء الموتمر هل استفتم ام تصعلقتم في شوارع وباريهات لبنان


#763099 [ابو ابراهيم]
5.00/5 (4 صوت)

09-10-2013 02:12 PM
الظاهر التصريح نقل خطأ اظن التصريح كان.1 % هم غير فاسدين


#763086 [ابو دلوكة]
5.00/5 (2 صوت)

09-10-2013 02:00 PM
ايها البرلماني المحترم الفساد هو الفساد ﻻ يوجد له نسب متفاوته يقارن بها الفاسد فهو لص سارق اموال الدولة فهو خائن لﻷمانة


#763074 [مصطفى كونج]
5.00/5 (2 صوت)

09-10-2013 01:47 PM
الكلام الفوق دا عبارةعن نكتة هههههههههههههههههههههههههههههههههههه
شيخ دفع الله النسونجي ما سقتو معاكم ليه
قلت لي بقيتوا قادرين عديييييل كدا على اعداد الميزانيات وسد الثغرات والخروج بالبشريات للمواطنين ...


#763065 [الضعيف]
5.00/5 (2 صوت)

09-10-2013 01:35 PM
إقتباس وتعليق

(بالسودان لا تتجاوز لـــ (0.1%)))
*قلت أيه..مش سامعك.. ومين أداك النسبة دي!! وما هو مركز الدراسات الطلع النسبة دي يا دكتور!!!

(ورأى ان تلك النسبة مقارنة بالفساد الموجود فى الدول الاخرى لا تعني شيئاً)
*ورينا الدول الأخري دي يا تا عشان نقارن بيها..

(وقال للصحفيين بالبرلمان أمس (الإثنين) عقب وصوله البلاد بعد المشاركة فى التدريبية للبرلمانيين ببيروت ان الدورة التدربيبة تعرضت لمعالجة اي خلل مالي واي شبهات فساد وكيفية ووضع القوانين الرادعة ، مؤكداً *ان الوفد البرلماني بات قادرا على كيفية اعداد ومراقبة وتنفيذ الموازنة ،..))
نوام البرلمان والأجر على المواطن الغلبان..

(مبيّنا انه وبقليل من الترتيب بالمقارنة بين وضع السودان وبلدان عربية ، نؤكد اننا كبرلمانيين نستطيع اخراج ميزانية واقعية ، مشيرا لنيل تدريبات حول عمل ديوان المراجع العام وكيفية سد الثغرات والخروج ببشريات للمواطنيين ،)
*يا ريت يا ريت يا ريييييييييييييت

(نحن بالمقارنة بالموازنات الخارجية افضل حالا وبي حالتنا دي" ، معلنا الاتجاه لاستخدام التكنولوجيا فى تحديث المعلومات وتقنين بعض الاوضاع الخاصة بمشروع الموزانة،)
*كان بدري عليك..

(وشددعلى قدرة البرلمان على معالجات اشكالات تحويل بنود الصرف فى الميزانية من بند لاخر ، وزاد" نحن اصلا شغالين شنو " ، منبها ان البرلمان جهاز تشريعي ورقابي وعليه وضع التشريعات التى تغلق الثغرات ، فضلا عن مراقبة وبصورة اقوي عدم التحويل من بند الى وان تم يكون بالطريقة القانونية.)
*إنتو ما عارف شغالين شنو ..و نحنا عارفينكم شغالين شنو برضو لكن عارفينكم شغالين مع منو: شغالين مع الرصين.. صح ولا لا..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة