الأخبار
أخبار إقليمية
المراجع العام يكشف عن مخالفات وأرقام فلكية في قضية الاوقاف
المراجع العام يكشف عن مخالفات وأرقام فلكية في قضية الاوقاف
المراجع العام يكشف عن مخالفات وأرقام فلكية في قضية الاوقاف


«20» ألف جنيه مرتب ومخصصات تفوق الـ«590» ألف جنيه
09-10-2013 01:41 PM
الخرطوم:عزالدين أرباب: كشف مدير ديوان المراجعة القومي، عبدالمنعم الحسين ابودقنة في شهادته امام المحكمة في قضية الاوقاف امس، ان محتويات العقد الموقع بين الاوقاف والامين العام السابق الطيب مختار ووزير الارشاد والاوقاف آنذاك ازهري التجاني،تم التوقيع عليها في يناير 2009، رغم ان الامين العام الطيب مختار عين في نوفمبر 2008 .
واوضح المراجع العام في شهادته ان العقد حدد المرتب الشهري بمبلغ 20 ألف جنيه او مايعادله بالريال السعودي لحظة توقيع العقد، واضاف المراجع ان العقد اشتمل ايضاً على مزايا واستحقاقات تمنح سنويا، 60 الف جنيه للعلاج و20 الف عند الاجازة و80 الف جنيه حوافز لعيدي الفطر وعيد الاضحى، و80 الف بدل سكن، بالاضافة الى 80 الف جنيه تأمينات اجتماعية ،واشار المراجع الى ان اجمالي هذه المخصصات بلغ 596 الف جنيه، بجانب«4» تذاكر سفر ذهابا واياب خلال العام بدرجة رجال الاعمال، بالاضافة الى الاعفاء من ضريبة الدخل الشخصي واية ضريبة اخرى غير الزكاة، وبدل عربة تقدره الادارة مع الوقود والتأمين والصيانة للاستعمال الرسمي والشخصي مع السائق، ونوه المراجع الى انهم رصدوا مبلغ 3 آلاف جنيه في الشهر وهي قيمة ايجار عربته الخاصة بدون ابرام عقد الايجار.
ونوه المراجع الى ان العقد نص على ان يدفع الطرف الاول مبلغ 20 الف جنيه كمرتب، ولكن عند طباعة العقد لم يطبع في العقد وكتب يدويا امعانا في اخفاء المعلومات عن الجهات الرسمية ،وهذا يتماشى مع نص في العقد (انه لايحق لاي طرف ان يكشف عن بنود العقد لطرف ثالث على محتوياته الا بموافقة الطرفين)،كما نوه الى ان العقد غير موثق بوزارة العدل.
وقال المراجع ان عقد الطيب باطل وصرف بموجبه مبالغ دون وجه حق، وطالب باسترداد مبلغ 633 الف و494 ريالا وتوريدها لصالح الحج والعمرة،وكشف عن اجراء تسوية بالجنيه السوداني ،وفقا لقرارات مجلس الوزراء بشأن التعاقد مع الخبراء الوطنيين وماصرف له بالجنيه السوداني تبقى له اكثر من 18 الف جنيه كأمين عام للاوقاف،
كما ان كل الاجور والمخصصات المستخرجة باسم الطيب مختار في السعودية او السودان لم تتم عبر طلب او تصديق مكتوب،مشيراً الى انه تم التصديق له عبر توجيه شفهي بواسطة بعض العاملين ،كما اشار مدير ديوان المراجع العام الى ان هناك مخالفات في الموارد المالية تتمثل في الاوقاف السودانية بالسعودية ،مشيرا الى ان السودان يملك بالسعودية 6 عقارات وارضا مابين جدة ومكة المكرمة، مشيرا الى انه حسب الاتفاق في الصكوك الخاصة بها تتم ادارتها طبقا لقواعد العدالة وانظمة الحكومة السعودية، وتذهب ريعها للمعتمرين السودانيين والبعثة الادارية والمرشدين ، وكشف ان ايرادات الاوقاف الاسلامية بالخارج بلغت خلال 2011 909 ألف ريال سعودي،800 الف ريال منها عبارة عن ايجار القنصلية السودانية بجدة صرفت منها 633 الف و467 ريالا والباقي ذهب اجورا ومرتبات ونثريات ،واشار الى ان مخالفات المتهمين تمثلت في التصديق بصرف مبالغ بدون مستند والصرف من ريع الاوقاف واستغلال الوظيفة والصرف على اوجه غير مخصصة للصرف .
وقال انه بعد البحث في عن حسابات الامانة العامة اتضح انه تم صرف مبلغ 633 الف و467 ريالا سعوديا للامين العام السابق الطيب مختار عبارة عن الاجر الشهري ومخصصات اخرى وذلك خلال الاعوام (2009-2010-2011) ،كما كشف المراجع انهم وجدوا في سجلات الحسابات في هيئة الاوقاف مبلغ 720 الف ريال تمت تعليتها على انها مصروفات مستحقة وذلك باعتبار انها استحقاقات سنوية للامين العام العام بمبلغ 60 الف ريال مقدرة على 12 شهرا .
ونوه الى انهم عند قيامهم بإجراء بعض المطابقات لبعض المبالغ التي تم تداولها بين الامانة العامة للأوقاف بالخارج وديوان الاوقاف تزامن ذلك مع وجود فريق مراجعة اخر يقوم بمراجعة حسابات الهيئة واتضح ان هناك مبالغ اخرى صرفت للطيب بشيكات ونقدا عبارة عن ايجار عربة وسلفيات بلغت في مجملها 253 الف و232 جنيها،كما اشار مدير الديوان الى أن الامين العام السابق الطيب مختار تم تعيينه من قبل رئيس الجمهورية بقرار صادر من مجلس الوزراء بتوصية من وزير الارشاد والاوقاف، ونص القرار على ان الجهات المعنية بالقرار هي وزارة العمل وتنمية الموارد البشرية مما يعني تحديد الدرجة الوظيفية وبالتالي تحديد مخصصاته ،واضاف انهم استفسروا الامين العام بالخارج خالد سليمان عن اسباب صرف اجور بدلات حوافز للطيب بدون وجود مستند او طلب يؤيد هذا التوجيه، وبرر خالد بأن الامين العام السابق الطيب مختار يحتفظ بعقد عمله ولم يودعه بالملف لوجود نص بالعقد يسمح له بالاحتفاظ بالعقد وعدم الكشف عنه الا بموافقة الطرفين المتعاقدين، وانه اطلع على العقد، كما انه طبقا للعقد الموقع بين الارشاد والاوقاف والطيب فإنه يحق له استلام حوافزه وراتبه من العقد في الداخل أوالخارج، واشار المراجع الى ان الامين العام بالخارج ليس له اي مستند بموجبه تم صرف المبالغ للطيب.

الصحافة


تعليقات 37 | إهداء 0 | زيارات 9531

التعليقات
#764139 [معقول؟؟؟؟؟؟؟؟؟]
5.00/5 (1 صوت)

09-12-2013 04:09 AM
جملة القروش حقت الحرامي دة من هنا
......................
موقع تحويل لي دولار. /www.oanda.com/currency/converter

موقع اعلي مرتبات 8 رؤساء من سنغافورة لي روسيا
www.peakprosperity.com/forum/highest-paid-presidents-pms-around-world/9571

طيب ترتيبو كم من اعلى رؤساء رواتبا؟؟؟؟؟؟؟؟؟؟؟؟؟؟

اتحداك تحسبها صااااااااااااااااااااح


#764132 [انتو بتهظروا ولا شنو؟]
5.00/5 (1 صوت)

09-12-2013 03:11 AM
مرتب رئيس روسيا كاقل مرتب سنوي هو 81 الف دولار وفكة بسيطة تقولو لي وزير الدين السوداني مش الفاتيكاني مرتبو السنوي شنو وهناي ؟؟؟؟؟؟؟؟؟؟؟؟


#764129 [izzeldin]
0.00/5 (0 صوت)

09-12-2013 02:41 AM
الطيب مختار دا منو ...؟


#763895 [البروف]
0.00/5 (0 صوت)

09-11-2013 04:20 PM
????!!!!!!!!!!!!!!!!!!!!!!!!!!!!!!!!!!
لابد من اكشن والا شنو؟؟؟؟؟؟؟؟؟؟؟؟؟؟؟؟؟؟؟؟


#763838 [ابو عبده]
2.00/5 (2 صوت)

09-11-2013 03:10 PM
ياخوانا فكونا من ده حرامي ودة نصاب وده أكل مال النبي ودة مش عارف أيه.
انا عندي ليكم حل بسيط ومريح, ايه رايكم نكون لينا منظمة ونسميها (منظمة ياريتني لو ماكنتة سوداني) الغرض منها نطالب بي حقوقنا في بقية السودان الفضل ده قبلي مانصبح ونلاقي نفسة تابعين لي دولة ومسجلين فيها (بدون هوية) أها كلي واحد ياخد نصيبوا ويعيش اجنبي في أي دولة تعجبوا بدل مايموت قهر وهو في النهاية أجنبي في بلدو .... ولا شنو ..؟


#763828 [مردونا]
0.00/5 (0 صوت)

09-11-2013 02:55 PM
ديل الاوقاف بنهبوها والوزارات الثا نية يعملو فيها شنو ربنا اورينا فيهم يوم زى ما تعبونا وجوعونا ربنا اظهرها فى اولادم وعا يلتهم جميعا ربنا ما يوفقهم دنية واخرة لعنة اللة عليهم مليون مرة


#763822 [salah40]
0.00/5 (0 صوت)

09-11-2013 02:45 PM
على مااذكر زمان كان فى واحد سرق مال عام عبارة عن (اسلاك ضغط عالى بين الدماذين و الخرطوم) قطعوا من خلاف هسع دا اكل مال الله ورسوله يعملوا ليه شنو؟ لو فى عقاب رادع و قضاء نزبه مسئول الباد دى مابتلقى فيها حراميه كتار كدا الله العلى بكون فى عون الشعب السودانى............


#763761 [ع ع]
0.00/5 (0 صوت)

09-11-2013 01:26 PM
ياناس الله الاوقاف دى جزء منها في مكة والمدينة ، اللى نهى الدين عن أخذ لقطتها ( الحاجة الواقعة في الواطه )، مابالكم بى ديل السرقوا عديل !!!
هؤلاء الناس الدين الاسلامى برىء من أفعالهم


#763722 [kamal mohy]
0.00/5 (0 صوت)

09-11-2013 12:56 PM
للأسف الشديد البلد دي ماليها وجيع والنهب والفساد اصبح هو المقصد الاول لصاحبي المناصب العليا والواحد عاوز يبني ليه كم عمارة بأسرع مايكون علشان بعدين لمن يفارق يكون عنده ضهر كبير.
قبل كم سنة زرت القنصلية السودانية بجده ووجدت حالها يرثى له وخاصة من ناحية الدهان - الجير الخارجي - فاقترحت عليهم أن احضر لهم البوهية من عندي مجانا تبرعا وان يقوموا باحضار العمال لاداء العمل ورحبوا بالفكرة وطلبوا مني ان انتظر اشارة منهم لاحضار الدهان على الاقل لنجعل مظهر القنصلية مقبولا وخاصة انها - كانت في موقع ممتاز - لا تعطي انطباعا حسنا عنا في المهجر. بعد فترة قصيرة وجدت ان الجماعة في القتصلية قاموا بشراء الدهان من عندهم وقاموا بطلاء القنصلية. أتعرفون لماذ؟ لأن الفاتورة بدل ان تكون مثلا ب 5000 ستكون 50000 الف وهذا هو سبب بلاء السودان تخيل شخص يتبرع ليك بالدهان وترفض وتشتريه كأن المال مال ابوك وهذا هو سبب بلاوي وفساد المسئولين في السودان والامثلة كثيرة واذا دعى الامر سنكشفها لاحقا بس الخوف نبقى زي حكاية النقيب ابوزيد نقدم ملف الفساد ونلقى روحنا نحن مظلومي ملف الفساد.
بس خلونا نقول حسبنا الله ونعم الوكيل.


ردود على kamal mohy
United States [salah40] 09-11-2013 03:03 PM
باخالد خاف الله ماتخاف ناس الانقاذ الكيزان الفاسدبن والظالمين........


#763681 [الفاتح نورالدين قاقا]
0.00/5 (0 صوت)

09-11-2013 12:20 PM
ان حدث هذا بالصورة التي رواها المراجع العام فعلى الدنيا السلام وعلى رئيس الدولة ان يتنحى فورا بل و يقدم لمحاكمة عاجلة لانه هو المسئول عن هذا الجرم شعب يعاني من ويلات الجوع و المرض و غلاء المعيشة و وزير الاوقاف و زبانيته يختلسون و يسرقون اموال الشعب المغلوب على امره ساء ما يحكمون و القصاص القصاص


#763673 [gad]
5.00/5 (1 صوت)

09-11-2013 12:12 PM
الله يلعن ............... ويلعنكم الى يوم يبعثون . طلعتوا دينا الله يطلع دينكم


#763623 [ابراهيم باديرا]
4.00/5 (1 صوت)

09-11-2013 11:20 AM
يا جماعة الخير اذا كان دى فساد وزارة الاوقاف وهى الوزارة التى تقوم بامور الدين فى البلد واذا كان المال المنهوب او المسروق او المتلاعب به مال الوقف لله تعالى و مال المواطن الحاج و المعتمر, طيب كيف اكون الحال فى الوزارات الباقية, عموما السرقة كلها عيب لكن اكثرها عيبا سرقة مكرفون الجامع


#763591 [انقاذى غارق فى الفساد]
0.00/5 (0 صوت)

09-11-2013 10:53 AM
لا لدنيا قد عملتم يا اولاد الايه
النائم البرلمانى الحشاش القادم من بيروت يقول مافيش فساد او نسبته لاتذكر0.1%
وابو جاعورة الراقص يطلب الدليل
ورفع الدعم لدعم انفسهم ليكتنزوا شحما ولحما وينكحوا مثنى وثلاث ورباع ويتطاولوا فى البنيان وتتهدل كروشهم حتى تصل الارض.
غوروا فى ستين داهية


#763583 [مشروع حضاري]
0.00/5 (0 صوت)

09-11-2013 10:45 AM
زي ما قالت المتجهجة بسبب الانفصال الذي عين الطيب مختار هو الذي عين المراجع العام نفسه ودي مؤسسات مراجعة محتاجة للمراجعة وتعمل بالاشارة وبناء على طلب المؤتمر الوطني والمراجع اضطر بسبب ما قيل عن عن هيئة الحج والعمرة ان يقوم بمراجعتها ولو كان المراجع جد جد مراجع خلوه يمشي يراجع ادارة الخدمة الوطنية الالزامية او بنك امدرمان الوطني او منظمة الشهيد او صندوق دعم الطلاب او المركز القومي للإنتاج الأعلامي ااو هيئة مكافحة الفساد التي يرأسها ابو قناية الوكيل السابق بوزارة المالية؟
اما الطيب مختار شكيتك للأقوي منى الغريب انك اسمك (الطيب) (مختار) لو كان اسمك غير الاسم دا كان سويت شنو؟ اصلا كل بنود العقد باطلة من الاساس وفيها غرر وفيه غلو انا ما بعرف ما في مستشار قانوني يراجع مثل هذا العقد ويعطى رأيه فيه؟ ليه يكون في عقد بكل هذه الامتيازات في ادارة (6) عقارات بالخارج؟ ومعروف من الناحية القانونية ان الامتيازات والعقد يجب ان يكون متوازي مع المهمة والموضوع؟ ودي محتاجة لشرح وامثلة لكن ما وقتها وما محلها؟ 3م يشترط ان ينص على ان يحتفظ بالعقد في بيته؟ نحن وين؟ يا مولانا سيف الدولة حمدنا الله ؟ وليه (الطيب) خايف من العقد من العقد؟ وهل كل عقود الخدمة المدنية بالصورة دي؟ ولماذا لا يكون في العقد درجة وظيفية محددة لكن الطيب ما براهو المسئول اقل شئ هو ومن معه كانوا يخافوا الله في الشعب المسكين واليتامي بسبب الحرب واليتامي المرض والفصل والتشريد من الخدمة والهائمين على وجوههم والمضايقين في ارزاقهم بسبب (ان رأيهم مخالف لراي الجبهة القومية الاسلامية وراي المؤتمر الوطني) والمفروض المراجع القانوني يفتح بلاغ تلقائيا في كل المشاركين في العمل . ثم يوصى بمراجعة كل عقود الدستوريين واصحاب الوظائف العليا ..دا اذا كان في دولة تحترم نفسها وفي نواب شعب حريصين على حماية حقوق الشعب لكن المشكلة كل النواب مؤتمر وطني...


#763581 [د/نادر]
0.00/5 (0 صوت)

09-11-2013 10:43 AM
زمان قالوا ان سرقت فاسرق جمل


#763551 [ممكون وصابر]
0.00/5 (0 صوت)

09-11-2013 10:18 AM
هذا غيض من فيض هي لله هي لله لا للسلطة ولا للجهاه لا لدنيا قد عملنا نحن للدين فداء كما يقولون


#763519 [مراجع ما قانوني]
1.00/5 (1 صوت)

09-11-2013 09:42 AM
كما كشف المراجع انهم وجدوا في سجلات الحسابات في هيئة الاوقاف مبلغ 720 الف ريال تمت تعليتها على انها مصروفات مستحقة وذلك باعتبار انها استحقاقات سنوية للامين العام العام بمبلغ 60 الف ريال مقدرة على 12 شهرا .
معالجه محاسبيه في اليوميه للمصروفات المستحقه :

720000 من حـ / المال العام


720000 الى حـ / جيب الأمين العام


انا غلطان في القيد دا يا جماعه ؟؟؟


ردود على مراجع ما قانوني
[مردونا] 09-11-2013 03:20 PM
هناك ايدا عات ارسلت با البريد الى البنك الكيزان وبتالى لم تظهر وهنا لك شيكات حررت لمستفيدين اسف الى كيزان نص كم مثلا شيك رقم 1502 وقيمتة 100 الف ريال زشيك 1571 وقيمتة 200 الف الى زوجة الرئس المطلوب تسوية 2- اجراء التسوية المناسبة من واخير صدق المراجع العام بان الحسابات مزبوطة ويوجد فيها عجز حوالى 194 ريال تضاف الى السنة القادمة اوع عجوزات دة البحصل يا اخوى ازعل مجرب


#763507 [عماد]
0.00/5 (0 صوت)

09-11-2013 09:30 AM
يا حرامية يا ولاد الكلب عايزين ترفعو الدعم عن البنزين وتخموها فى كروشوكم وللاسف التعين من رئيس الجمهورية يعنى حاميها حراميها وراتب العامل 300 جنية


#763489 [kunozmahaba]
0.00/5 (0 صوت)

09-11-2013 09:13 AM
هكذا يكون التمكين


#763444 [امجد النور]
0.00/5 (0 صوت)

09-11-2013 07:49 AM
سبحان الله الكيزان يحاولو تنظيم السرقة والابتعاد عن اموال الموتى واليتامى والمساجد والحج وسبيل الله فهل تنجح هذه المحاولة ام ان المرض انتشر ولم يعد هناك حياء اتمنى ان يتبقى لهم من الحياء ذرة تحفظ ماء الوجه ويبتعدو عن مثل هذه الاموال وليلعنكم الله وليلعنكم اللاعنون


#763415 [abdelaziim mekki]
0.00/5 (0 صوت)

09-11-2013 04:31 AM
فتوة مني : أي وحيد كوز دمه حلال


#763392 [ابوكلام]
5.00/5 (1 صوت)

09-11-2013 01:17 AM
الطيب مختار يطلق عليه بعض العاملين بالاوقاف اسم الطيب منشـــار


#763378 [المتجهجه بسبب الانفصال]
4.00/5 (1 صوت)

09-11-2013 12:05 AM
يا جماعة القضاء واجهزة المحاسبة والحسبة والمراجع العام دي مؤسسات صورية صنعها الانقاذيون يجرجرو بيها الاخبار ويخدروا بيها الناس والفساد الحاصل في الانقاذ ده لو كان قبل الاسلام الناس ديل كان اصابتم قارعة قوم صالح أو هود أو ثمود لكن الله غالب ورحمة نبينا قائمة حتى للظالمين لعلهم يرجعون ،، ولكني لا أعتقد ان هؤلاء الانقاذيون سيثوبون الى رشدهم ،، وزي ما قال ودسنار في تعليقه أعلاه (البختلسوا أموال منظمة حسن الخاتمة الخاصة بالموتى ما بغلب عليهم أموال الأوقاف والزكاة والحج وموائد الرحمن الرمضانية وأغاثات المنكوبين)) ،،،، الانقاذ is hopeless case لا ينكر ذلك الا تيس،،


#763282 [ود سنار]
5.00/5 (4 صوت)

09-10-2013 07:59 PM
البختلسوا أموال منظمة حسن الخاتمة الخاصة بالموتى ما بغلب عليهم أموال الأوقاف والزكاة والحج وموائد الرحمن الرمضانية وأغاثات المنكوبين .


#763265 [Abuanga]
0.00/5 (0 صوت)

09-10-2013 07:03 PM
حسبنا الله ونعم الوكيل علي هذه الشرزمه المجرمه من جماعه الكيزان لعنه الله عليهم جميعا من كذب ونفاق وتجاره باسم الدين والاسلام ونحن لنا رب مطلع ولنا معكم يوم باذن الله سوف نفعل بكم العجب العجاب وليس هناك عفا الله عما سلف مع المجرمين.

وبالله شوفو قوه العين بعد دا كلو يعفهوه من ضريبه الدخل الشخصي... والعامل المسكين والتاجر الغلبان والطبيب المكافح والموظف المجتهد فارضين عليهم ضرائب متلتله.

مها طال ليل الظلم والاجرام انشاء الله صباح الحق واقتصاص الحقوق ومعاقبه الافاكين قادم لا محاله باذن الله


#763261 [هبة]
5.00/5 (1 صوت)

09-10-2013 06:56 PM
اه منكم .....يا لصوص ...يا حرامية...يا ولاد الكلب .


#763257 [جابر]
5.00/5 (1 صوت)

09-10-2013 06:43 PM
انتو ناس مساكين ساكت . الصحف تكتب والمعلقين يعلقوا واخيرا ( الكلب ينبح والجمل ماش )


#763227 [نصري]
5.00/5 (3 صوت)

09-10-2013 05:27 PM
حسبي الله حسبي الله حسبي الله ونعم الوكيل


#763226 [كمال الدين الشيخ]
5.00/5 (1 صوت)

09-10-2013 05:26 PM
تقاعسنا وعدم الاهتمام بالنواحى الماليه (الذمم) يعنى الكلام ده فى 2008 و2009 . عشان كده أى مسئول يجب ان يكشف عن كل تفاصيله كل سنه ؟ مش بعد الواحد استمتع بمال الشعب ؟


#763213 [ود الشيخ]
5.00/5 (1 صوت)

09-10-2013 04:55 PM
لا حول ولا قوة الا بالله المشكله ان هذه القضية في الاوقاف


#763209 [ابوكروكرو السام]
5.00/5 (1 صوت)

09-10-2013 04:52 PM
ياالطيب نتلاقى القيامة


#763201 [ود المك222]
5.00/5 (2 صوت)

09-10-2013 04:40 PM
والمراجع العام ده ما اراجع سودانير وصفقه بيع خط هثرو... وشركات جهاز الامن و و و و و و و ووالسودان كلو...قرف اقرفكم


#763184 [صقر قريش]
5.00/5 (1 صوت)

09-10-2013 04:13 PM
حسبي الله ونعم الوكيل .. معقووووولة دي مباااااالغ تبني دولة موش مستشفي وشفخانة وجامع ؟؟؟ ويجي يعمل حج وعمرة مجان كمان .. ياكل مال الحرام هو واولادو ؟؟؟


#763171 [ابوسحر]
5.00/5 (1 صوت)

09-10-2013 04:00 PM
الصحيح 596 مليون جنيه وليس 20 مليون؟؟؟؟؟؟كما جاء في التعليق السابق
ومنحة عيدين؟؟؟؟؟؟؟؟؟؟؟؟؟؟؟؟؟؟؟؟؟80 مليون جنيه
هل هنالك نهب مثل هذا في العالم؟؟؟؟؟؟؟؟؟؟؟؟
يمكن يكون معقول في الدول الغنية والبترولية؟؟؟
لكن في السودان من دول العالم الثالث؟؟؟؟؟؟؟؟؟؟؟؟؟؟؟؟؟؟؟؟؟دول الجنوب؟؟؟؟؟؟


#763140 [سوداني غيور]
5.00/5 (1 صوت)

09-10-2013 03:08 PM
كشف رئيس اللجنة الاقتصادية والمالية بالبرلمان د. عمر محمد الأمين أن نسبة الفساد بالسودان لا تتجاوز لـ (0.1% . واحد زي دة يطلع ليك بتقرير غريب وعجيب ويقول اقل من 01% عليك الله إنت بتعرف الله والواحد بعد كدة ينسي السودان نهائي ويخليكم تاكلوا فوقة لما تاكلوا بعضكم . اختلاسات الاقطان والاوقاف تساوي 60%


ردود على سوداني غيور
United States [الماعاجبو العجب ولا....] 09-11-2013 07:17 PM
أكتب لأن الموضوع أصبح أكبر مما يكتبون ،بل من ينقلون مثل هذه الكتابات عبارة عن إضاعة زمن فهل المشهد الآن هى صحيفة ؟فإن كانت كذلك فلا داعى لإضاعة زمن الناس بتكرار ثوابت الإنقاذ! فالقاعدة هى لا تأكل من عرق جبينك بل كل من مال الآخرين وحقوقهم ،بل حتى مال الله الذى وهبه الأموات فى سبيل الله فهذه هى القاعدة الصحيحة ولا تمارس حياتك بطريقة سليمة فأنت (صحيح ) وتزوج أرامل أصدقائك (لا نود أن نشكك فى موتهم) ولو كنت شاذ جنسيآ أو تمارس كل شئ عكس البشر ! بل تمارس (البدوفيلية) مع الأطفال فأنت فى نظر الأنقاذ طبيعى ولوو أمام للمصلين أو شيخ لأى من مذاهبهم السياسية،فأنتطبيعى والغير طبيعيين هم نحن الذين ننظر أيهم ولا ننفعل!!!!!!


#763106 [ابوسحر]
3.50/5 (2 صوت)

09-10-2013 02:25 PM
اصله دا كان عالم ذرة ام مخترع لكي ياخذ مرتب 20 مليون؟؟؟؟؟؟؟؟؟؟
ما عمارات ومباني وقف تتبع للاوقاف ومؤجرة؟؟؟؟؟؟؟؟؟؟


#763093 [locolo]
5.00/5 (2 صوت)

09-10-2013 02:06 PM
برضو الكيزان يقولوا لينا لا للسلطة ولا للجاه ؟؟ بالله شوفوا الكيزان نهبوا آموال الحجاج و الاوقاف .. آلخ .. لعنة الله عليهم ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة