الأخبار
أخبار إقليمية
الرأس الدبلوماسي : ليس هنالك مايُسمي قطاع الشمال في التفاوض
الرأس الدبلوماسي : ليس هنالك مايُسمي قطاع الشمال في التفاوض
الرأس الدبلوماسي : ليس هنالك مايُسمي قطاع الشمال في التفاوض


09-11-2013 08:26 AM
الخرطوم – مي علي

قال وزير الخارجية "علي كرتي" إنه ليس هنالك ما يُسمى قطاع الشمال في التفاوض حول المنطقتين، مبيناً أن (ما نعرفه هو أهل المنطقتين وهم جزء من اتفاقية السلام). وأوضح أن الاتفاقية لم تنص على شيء اسمه قطاع الشمال، ولن يكون هنالك تفاوض إلا مع سكان المنطقتين، وحول قضايا المنطقتين.
وقال "كرتي" إن "أمبيكي" استمع إلى حديث واضح من الرئيس "عمر البشير" بأن الحكومة ستتفاوض مع أهل المنطقتين وليس مع قطاع الشمال. وأضاف "كرتي" حول تعيين مبعوث جديد من قبل الولايات المتحدة (أعتقد أن هناك فرصة جيدة لإقامة علاقات ثنائية مع الولايات المتحدة، واذا كان تركيز المبعوث الجديد مع الجنوب لا أعتقد أنه سيجد الاهتمام من قبل الحكومة).

السوداني


تعليقات 11 | إهداء 0 | زيارات 1741

التعليقات
#764074 [Kimo]
0.00/5 (0 صوت)

09-11-2013 11:22 PM
ونيفاشا.. هل كانت بين الجنوبيين والشماليين ام بين الحركة الشعبية والمؤتمر الوطني؟ ومن فوضهم لتوقيع تلك الاتفاقية؟..!!
سيد الوزير سيب اللف والدوران ودفن الروؤس في الرمال واقبل الحقيقة التي هي انكم سوف تتفاوضون مع (قطاع الشمال) يومآ ما..!!!


#764038 [انصاري]
0.00/5 (0 صوت)

09-11-2013 09:34 PM
(ما نعرفه هو أهل المنطقتين وهم جزء من اتفاقية السلام).
** طيب يا سيدي الدباب وزير مجاهد دبلوماسي..!!؟؟إنت إتفاقية السلام دي (قريتا)؟ "إكان" بين منو ومنو..-مش الحركة الشعبيةـ والمؤتمر الوطني ..ولة شنو ..؟؟وإنتو منو.. أهل ياتو مكان..!؟ سيدي الوزير..خليك دباب لآيقة مع تفكيرك وقدراتك..خارجية حته واحدة


#764025 [عصمتووف]
0.00/5 (0 صوت)

09-11-2013 09:09 PM
اصبحوا واقع معاش الدول معترفة بهم بدليل تحركاتهم الدولية واستقبال كبار رجالات الدولة لهم غصبا عني وعن كل شخص في هذه البلد الافضل تاتي منكم وبدون شروط من الجانبين ويجب تقديم تنازلات من الجانبين من اجل الاقتصاد المنهار ومن اجل المواطن النازح والمهجر سوف تطول هذه الحرب وترجع نيفاشا 2 اعادة للتاريخ القديم حرب الحنوب والمجتمع الدولي يجبركم وينفذ اجندتة بعد انهيار قوتكم


#763952 [ابن الدار]
0.00/5 (0 صوت)

09-11-2013 06:07 PM
طيب ناس الوطنى والكيزان ما عاوزين بتافهموا مع قطاع الشمال . عاوزين يتفاهموا مع ناس جبال النوبة والنيل الازرق ، طيب تمشوا مع ناس بليل والعدل والمساواة وعبد الواحد ومناوي وزيد وعبيد وتبقى دارفور أقوى وبجوارها كردفان، يعنى عاوزين تذهبوا مع الغربيين بسياسة افصل اقليم جبال النوبة والا نقسنا ودع الناس بالمركز وسلطتهم ينتشون


#763827 [مهاجر]
5.00/5 (1 صوت)

09-11-2013 02:51 PM
كل الاتفاقيات التي وقعت فاشلة واولها نيفاشا وابوجا وغيرها لان مابني علي الباطل فهو باطل فالانقاذ جاءت بانقلاب عسكري يعني جاءت بالقوة ولذا لايحق لها ان تفاوض باسم الشعب وهنالك مشكلة ملازمةللكيزان وهي ضيق الافق وحب الذات وشوف الان لايروا من الاسلام الا تعدد الزوجات فحين الاسلام وضح منهج كامل للحياة واكثر حرمة فالاسلام ظلم الناس واكل حقوقهم ام الكيزان فحدث ولاحرج .


#763657 [ابراس الكراس]
5.00/5 (1 صوت)

09-11-2013 11:59 AM
طيب فهمنا إنه ما في قطاع شمال!

الحكومه ليهاأكتر من سنتين من بداية الحرب.. ما اتفاوضت مع أهل المنطقتين ليه!!!! ولا حتي أهل المنطقتين ما عايزين تتفاوضوا معاهم!

وزير بليد جدا..! تصريحه دا.. بكشف إنه الحكومه ما عايزه تتفاوض أصلا... لا مع قطاع الشمال ولا مع أهل المنطقتين!

دا وزير عنده رياله...!


#763607 [فني لاسلكي بدرجة صحفي وخال رئاسي كمان]
5.00/5 (1 صوت)

09-11-2013 11:10 AM
اعادة انتاج معضلة دارفور بمفاوضة بعض الاتهازيين وتعيينهم وزراء بعد احتفالات حاشدة ...ثم يكون الحال في حالو والحرب مدورة..بطلوا صلف ومكابرة السودان ده ما مغلق اسمنت..تواضعوا يا وضيعييين..وزي ما بتلحسوا البلاط للأمريكان عشان يفوضوكم ويسامحوكم.. اولاد البلد اولى..وكفاية تكريسا للجهوية والقبلية..هؤلاء الثوار تجمعهم افكار مش قبيلة ..
كسرة: يا كرتي الغبشة الدخلا فيك الاسمنت ابت تمرق بحمامات ومكيفات الخارجية


ردود على فني لاسلكي بدرجة صحفي وخال رئاسي كمان
European Union [elfatih] 09-11-2013 12:15 PM
والله يا فنى هو زاااااتو مقتنع الغبشه ابت تمرق عشان كدا عين زوجته سفيره بايطاليا


#763521 [elfatih]
5.00/5 (1 صوت)

09-11-2013 09:43 AM
طيب لامن مشيتو نيفاشا كان التفاوض مع الحركه الشعبيه ولا قعتوا مع ناس واو وجوبا
كلامك دا يا وزير الهنا بكرا بتقيرو


#763488 [انقاذى غارق فى الفساد]
5.00/5 (1 صوت)

09-11-2013 09:13 AM
كذاب حاتتفاوض معاهن وكراعك فى رقبتك.
اصلها متعودة من ايام الحشرة الشعبيه والبترول النجس والذى يمر الان بالارض الطاهرة


#763475 [zool dakar]
0.00/5 (0 صوت)

09-11-2013 08:58 AM
قطاع الشمال مسؤول مع الحكومة عن انفصال الجنوب .. ورغما عن اختلافنا معه الا ان سياسات الاقصاء وعدم الاعتراف بالأخر من اهم اسباب مشاكل السودان التي عمقتها هذه الحكومة التي تدير البلاد بغير عقل وتستخدم سياسة رزق اليوم باليوم.


#763467 [عادل الامين]
5.00/5 (1 صوت)

09-11-2013 08:45 AM
1-في حركة شعبية قطاع الشمال ونزلت انتخابات جزئية في انتخابات 2010

2-في مرجعية ودستور اسما اتفاقية نيفاشا 2005 والبرتوكولات الخاصة بالمنطقتين ومن اهمها الترتبيات الامنية للفرقة تسعة وعشرة وديل تابعين للحركة الشعبية قطاع الشمال والمشورة الشعبية
3-في قرار اممي 2046 الزم المؤتمر الوطني بالحوار مع قطاع الشمال
4-في مبادرة نافع علي نافع مع مالك عقار ومعروفة..
5-ورينا عايز تتحاور مع المواطنين كيف وديل انتخبو مالك عقار في النيل الازرق وفاز وانت ما عايز تتحاور مع من يمثلهم ذى ما انتو ايضا تعتقدون انكم تمثلون الشعب وانتو 3 مليون من اصل ال 18 مليون ناخب في انتخابات 2010
6-طيب نحن مش احسن نودي النزاعات دي المحكمة الدستورية العليا بدل هذا الالتواء غير المجدي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة