الأخبار
منوعات سودانية
اتهام مستثمر أجنبي ومحاميه بإشانة سمعة نائب محافظ بنك السودان
اتهام مستثمر أجنبي ومحاميه بإشانة سمعة نائب محافظ بنك السودان
اتهام مستثمر أجنبي ومحاميه بإشانة سمعة نائب محافظ بنك السودان


09-12-2013 04:57 AM
الخرطوم - منى ميرغني

وجهت المحكمة الجنائية بالخرطوم شمال، إلى مستثمر أجنبي ومحاميه، تهمة الاشتراك في إشانة سمعة نائب محافظ بنك السودان.
وبحسب الاتهام فإن محافظ بنك السودان قد حظر التعامل مع شركة المتهم الأول (مستثمر أجنبي)، بعد أن بلغت مديونيتها (9) مليارات، فذهب المستثمر مع محاميه لمحافظ بنك السودان لحل المشكلة، فوجه الأخير بإحالة الأمر لنائبه، فعاد المستثمر للمحافظ وأخطره بأن نائبه ذكر أنه لا يمكنه حل المشكلة إلا بإعطائه رشوة. فحرك النائب إجراءات قانونية في مواجهة المستثمر ومحاميه. وبعد سماع المحكمة لقضية الاتهام وجهت التهمة.

المجهر


تعليقات 15 | إهداء 0 | زيارات 5862

التعليقات
#764938 [مهمش سوداني مهمش]
0.00/5 (0 صوت)

09-13-2013 01:09 AM
مديونية 9 مليار ياتو عملة ..دولار ام سوداني ؟؟..واذا كان جنيه سوداني هل هذه المديونية بالقديم او الجديد؟؟..ودينوه شنو ..ارض زراعية ام جباية؟؟؟..واذا كانت ارض زراعية وين هي ومساحتها كم؟؟؟..ولحين الاجابة فلنتحسس موقع اقدامنا ومراقد اجدادنا...


#764928 [أبو هشام]
0.00/5 (0 صوت)

09-13-2013 12:53 AM
لا حول ولا قوة إلا بالله حسبنا الله ونعم الوكيل


#764808 [سودانى اطلاقا ما منفرج الأسارير]
0.00/5 (0 صوت)

09-12-2013 08:47 PM
اخى محمد "الخيّر" يابن الزبير .. هذا المكان فى هذا الزمان لا يشبهك ولا انت بتشبهو وما حقّو يكون عندك بيهو اى صله او عندك فيهو اى حضور ايا كانت "مرتكزاتو" ...
كونو الحكايه الطفحت حسبما وردت ووصلت المحاكم هى بكل المقاييس فضيحه بجلاجل فى حق بنك السودان.. سيد ألأسم .. اللى انت ادرى الناس بما كانت عليه سمعتو وسمعة من تشرف هذا الكرسى (القاعد عليه انت اليوم) بمن جلسوا عليه منذ بداية عهوده ألأولى الواهيه الى ان تم احتلال السودان فى 1989 .. ولك ان تتخيل ما ورد فى سياق هذه القصه الحزينه البئيسه وتعود بذاكرتك الى الوراء ولتسأل نفسك: هل ممكن يخطر ببال اى زول فى العالم (ناهيك عن السودان)ان يسمع عن هكذا فضيحه ايام قدامى محافظى او موظفى بنك السودان .. كبارهم او صغارهم.. رحمة الله علي من انتقل منهم فى الفردوس ألأعلى:على سبيل المثال لا الحصر الأمير "المعلم" مامون بحيرى ..السيد الفيل.. عبدالرحيم ميرغنى ..الشيخ بليل .. اسماعيل المصباح ... مهدى الفكى.. (عمك)الطيب الهادى .. استحلفك بالله وبكووول اهل شمبات الغر الميامين "كان ما خارجت نفسك اليوم قبل باكر" وفى السماء رزقكم وما توعدون ..
محمد خير..رغم ان سنوات طوال لم القك لكنى على يقين انك اياك انت .. اياك انت لا تزال وما تنفك وما تفتأ كما عرفتك العفيف النضيف البعيد عن اى شبهات .. ربما يرى البعض فى مناشدتى هذه لك (فهى لله ) ضرب من تكسير ثلج لست انت فى حاجة اليه من شخصى الضعيف ولا انا خارج له بحكم سنى التى احمد الله انها فاقت ثلاث ارباع القرن .. (ووالله وبالله وتالله لا عندى مصلحه ابغيها منك ولا صالح لى فى غيرك) قلبى عليك لأننا اتلاقينا فى صرح تربوى شامخ... حفظك الله وآل بيتك وكووول اهلك ومن يرجو لك خيرا...


#764797 [اسماعيل العباسي]
0.00/5 (0 صوت)

09-12-2013 08:20 PM
مقولتنا الشهيرة المتداولة ( جينا لي مكة تغنينا قلّعت طواقينااااا )
فهذا حالنا مع المستثمرين
نفهم دخول مستثمر البلاد يعني دخول رأس مال أجنبي للبلاد
وإيجاد فرص عمل محترمة للمواطنين
وربما فرص العمل بطرق حديثة لاكتساب خبرات جديدة
والمحصلة النهائية استفادة المستثمر والبلاد بإنعاش اقتصادها


لكن حكاية


هذا المستثمر وقبله صقر قريش تدعو للعجب العجاب


ما بتدخل الراس بسهولة

أسأل الله أن يظهر وجيع فعلاً ويحل المشكلة ويحفظ للشعب الفضل ما تبقى من حقوق


#764792 [جاد كريم]
0.00/5 (0 صوت)

09-12-2013 08:09 PM
:(


#764642 [انقاذى غارق فى الفساد]
5.00/5 (2 صوت)

09-12-2013 03:10 PM
خربانة من كبارا
وخربانة ام بناية قش
ولا لدنيا قد عملنا
بس نلغف لاخرتنا ونرفع الدعم للتمكين


#764601 [سمبا]
5.00/5 (2 صوت)

09-12-2013 02:33 PM
بالمصارى تشترى القصر الجمهورى بمن فيه ( حكمة مستثمر سورى ) لا بد من محاسبة وزير الاستثمار المتخصص فى توريد عديمى الاخلاق والمفسدين الدوليين للسودان الا يكفينا ماعندنا من مفسدين .


#764458 [موسى محمد]
0.00/5 (0 صوت)

09-12-2013 11:53 AM
ما نعلمه هو دقة الاجانب في نقل ما يقال لهم وما يطلب منهم.


#764449 [mohd malik]
5.00/5 (4 صوت)

09-12-2013 11:46 AM
اهل الراكوبه ليس المهم فى الموضوع المستثمر الراشى

او نائب محافظ بنك السودان المرتشى فالرشوه فى
السودان شى عادى ولايحتاج محاكم فهو من ضروريات الحياه

ولكن المصيبه عمل بنك السودان - فعمل بنك السودان عمل اشرافى ورقابى

على البنوك العامله فى السودان ومرجعيه لها فكيف اقرض بنك السودان

ذلك المستثمر ووين الضمانات وعمركم سمعت فى كل دول العالم ان موسسة نقد

او بنك مركزى قام بما يقوم به بنك السودان وما خفى اعظم


#764435 [ابوالفياض]
5.00/5 (2 صوت)

09-12-2013 11:39 AM
لا حول ولاقوة الا بالله ....مجررررد مجرد وصول مثل هذه القصة للقضاء كافي جدا لاقالة كل التيم العامل في رئاسة بنك السودان (ده سمعة دولة وشعب )


#764355 [مصطفى كونج]
4.00/5 (4 صوت)

09-12-2013 10:49 AM
هسه يا نائب محافظ بنك السودان ما بتخجل بلاي .. عايز تلهف من ال 9 مليار .. قوووووووول رقعوك بمليار .. شنو يعني
المليار دا لي ناس شركة الاقطان مصاريف جيب بس ..


#764322 [اسد]
5.00/5 (1 صوت)

09-12-2013 10:29 AM
ما مكن المستثمر يكون اهبل !!! طبعا الجهاز القضائي افسد من الفأر!!!!!!


#764231 [ود الدلنج]
4.96/5 (7 صوت)

09-12-2013 09:29 AM
كلهم الثلاثة فاسدين المستثمر ضرب قروش الغلابة من البنك المركزي لأنه ما في أي سبب يجعل مديونية مستثمر أجنبي تسعة مليار . المحافظ لص داير ياكل بالضغط على المستثمر وتهديده، نائب المحافظ عشان ياكل مع الاثنين شال وش القباحة . والقاضي متخلف لأنه تابع للنظام الفاسد . يا ناس كل الشرفاء من بلادي إما جلسوا في بيوتهم منتظرين يوم لقاء ربهم أو هاجروا دون رجعة .


#764205 [زفت الطين]
5.00/5 (3 صوت)

09-12-2013 09:02 AM
المحافظ بدل ان يتحرى ويحاول اثبات ارتشاء نائبه، قام بفتح البلاغ لحماية
نائبه. غالبآ ما يكون المحافظ على علم بارتشاء نائبه وتعود عليه الفائدة
من ارتشاء نائبه....... فكلاهما اصحاب ايادى متوضئة لاداء الرشوة.


#764157 [ابزرد]
3.50/5 (4 صوت)

09-12-2013 06:18 AM
قطع شك المثمر صادق ونائب الماحفظ زول بليد مابعرف يعضي صاح غريبة ده بقي نائب محافظ كيف وبعدين
نفسو صغيرة حلاص 9مليار بس ياخي دي عند الجماعه ديل قزقزه ساي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة