الأخبار
أخبار إقليمية
رد من الفنان محمد صبحى ..!!
رد من الفنان محمد صبحى ..!!
 رد من الفنان محمد صبحى ..!!


09-12-2013 08:28 AM

زهير السراج


* وصلنى رد من الفنان المصرى محمد صبحى بواسطة الاستاذ عبدالرحمن ناصف المستشار الاعلامى بالسفارة المصرية بالخرطوم، ردا على ما كتبته هنا تعليقا على زيارته الى السودان لتدشين بدء العمل والتحضيرات لمسلسل ( سنبل فى السودان) الذى من المفترض ـ حسب ما نقلته الصحف على لسان الاخ على صابر رئيس مبادرة الشباب العربى الافريقى ذات الصلة بالمؤتمر الوطنى، ان يعكس انجازات الحكومة السودانية.

بسم الله الرحمن الرحيم

الصديق العزيز والأخ الكريم عبد الرحمن ناصف،

تحية طيبة ملؤها الحب والتقدير،

اسمح لي أن أرد علي المقالة التي أرسلتها لي وقرأتها.

بداية نعرف جيدا من يرحب بالتقارب العربي ومن يريد هدمه.

منذ ما يقرب من عام كان هناك لقاء بيني وبين الأخ العزيز علي صابر، وسعادة سفير السودان في مصر وذهبنا في حوارنا لتقديم عمل تليفزيوني إنتاج مشترك بين مصر والسودان قطاع خاص ويكون العمل مثل سنبل.

وانا قلت سأفكر في الفكرة وليس شرطا أن يكون سنبل، ورحبت بالفكرة خاصة أنها طُرِحت علىّ من الجانب السوداني الشقيق ووعدت بأني سأفكر.

وأقول لكاتب العمود الصحفي إنك ظلمتني ووجهت إهانة لي لا أستحقها لمعلوماتك المغلوطة أو المبنية علي التكهن الخاطئ سئ النية.

أولا واضح انك لم تشاهد سنبل ولم تفهمه كملايين العرب المشاهدين .

فسنبل فلاح يعشق أرضه ويحافظ عليها كعرضه. ذهب يبحث عن المليون ليحقق غاية وطنه في اقتحام الصحراء وزراعتها ..

وأنا كفنان لا ابحث عن الملايين ولكن ابحث عن فن يبنى ولا يهدم .. وعندما أفكر في تقديم عمل لا أقدمه بأموال الشعب وإنما بأموالنا الخاصة وإلا كنت علي مدار أربعين عاما قدمت أعمالا من إنتاج الخارج مثلا ..
سيدي الكاتب، أحمد الله أنني خلال أكثر من أربعين عاما قدمت ما احترمني الجميع عليه وحصلت على أموال لا بأس بها أنفقت معظمها علي العمل الخدمي والاجتماعي مثل مشروع إنقاذ العشوائيات في مصر ..

والحمد لله لم انفق منها لصحفي أو كاتب كي يكتب كلمة حق لأن الشرفاء الذين يكتبون الحق هم شرفاء لا ينتظرون رشوة وانا والحمد لله لا أتعامل إلا مع إعلام محترم..

وأقول لك استرح وأهدأ واعرف قدر من تتجنى عليهم .. إنني من خلال ردى في عمودك سأعتذرعن أن أقدم عملا من أموال مصرية فقط كان المطلوب من الجانب السوداني تقديم أماكن التصوير والإقامة ومشاركة زملائنا الممثلين السودانيين ..

أعتذر عن هذه الفكرة ولكنى لن أعتذر عن حبي وعشقي للجمهور السوداني الذي يتابع أعمالي وكان جزءاً من مسيرتي الفنية.

سأزور السودان على نفقتي الشخصية فالشقيقة السودان تستحق. ولكن أعتذر عن عدم تغيير مبدأي لأدفع أموالاً تحت صفحة سطورها تخون وتظلم وتهدم نبل الفكرة سواء من جانبي أو من الجانب السوداني.

وأخيرا كل الحب والتقدير لمعالي السفير والمستشار عبد الرحمن والصديق على صابر.

الفنان محمد صبحى
القاهرة، 10 9 2013

من المحرر:

غدا باذن الله أعقب على الرسالة، انتظرونى.

صحيفة (الجريدة) السياسية اليومية
www.aljareeda-sd.net/en/day/
[email protected]
www.facebook.com/zoheir.alsaraj


تعليقات 12 | إهداء 0 | زيارات 5015

التعليقات
#765116 [نوارة]
0.00/5 (0 صوت)

09-13-2013 12:48 PM
ياجماعة شنو سر الكراهية والحقد علي كل ماهو مصري ومصريين هل يعقل ان كل الشعب المصري حرامي وسراق وخائن وعندو اطماع في السودان والسودانيين علما بان بلدهم احسن من بلدنا بكثير هم تعداداهم 90 مليون ونحن تقريبا ثلث عدد سكانهم لكن هم افضل مننا بمراحل في معيشتهم وبلدهم منظم وحتي القرى تجد بها عمارات وبيوت طوابق وبلدهم تنتج من الخيرات ماتنتج وتاكل وتصدر والتعليم والمعرفة والثقافة اتتنا منهم
المشكلة نحنا دائما شايفين نفسنا احسن من الناس وفينا وما فينا وبلدنا متاخرة والخرطوم بها من العيوب مابها والله انك تخجل وسط الدول والعواصم ان تكون عاصمت بلدك مثل هذه عيشتنا كلها حروب وتمرد وقتال والنصف الاخر فساد من الحكومة وسرقة الكيزان والبلد ماشه لخلف وكويس محمد صبحي فكر ياتي بعمل مسلسل حتي يظهر الاعلام ان في السودان اشياء جميلة وراقية ممكن يري من خلالها الاخرين الاشياء الاجابية بدل من الخرطوم راقده علي كوم زبالة ووسخ تختشي منه والله صبحي ذاتو غلطان ويستاهل هو الجايبو شنو البلد نصف سكانها هاجروا منها والباقي كان كان لاقي طريق كان اتخارج منو وترك السوداني فاضي من سقم المعيشة وبئس الحياة فيه


#764910 [Zingar]
5.00/5 (1 صوت)

09-13-2013 12:17 AM
الرجاء من بعض الأخوه المعلقين أن يعبروا عن أنفسهم ولا يقحمونا معهم فى عواطفهم الشخصيه على شاكلة:

الاستاذ محمد صبحي نحن من عشاقك
صبحى فنان محترم وهو اقرب الينا منك
ونحن بنحبك ياصبحى

ليس فى الموضوع ده بس بل حتى المواضيع الأخرى..وشكرا


#764844 [ود الماحي]
5.00/5 (1 صوت)

09-12-2013 10:18 PM
الحاجة الوحيدة اللفتت نظري السودان الشقيقة
مازال ومابرح وما انفك الفراعنة ينادون السودان بصيغة الأنثي
وزي ما عارفين مصر أم الدنيا بس السودان أبوها
هاهاهاهاهاهاهاهاهاهاهاهاهاهاهاها


#764688 [ابراهيم سماوى]
0.00/5 (0 صوت)

09-12-2013 04:14 PM
النكته المصرية تقول
طلب الطبيب من المريض ان ياخذ نفس ويقول آه رد عليه المريض قائلا انا غاوى اقول لا
هكذا انت يا سراج وارجو ان تحتفظ بردك لان صبحى فنان محترم وهو اقرب الينا منك


ردود على ابراهيم سماوى
United States [Zingar] 09-13-2013 12:04 AM
أهى دى الديموقراطيه ألعايزنها وما عندك صبر تسمع للطرف الآخر يابجم .....لو صبحى أقرب ليك لم عقابك وأمشى إترمى معاه فى مصرعلى الأقل السودان يكون إتخلص من جربوع ....يكفينا زهير إنه سودانى وسوف اقف معه حتى لوكان غلط إغتداء بالحديث أنصر أخاك.

United States [مدني الحبيبة] 09-12-2013 07:59 PM
انت ذاتك منو البتكلم بي اسمنا ، انا اعرف زهير السراج من خلال كتاباته من الكتاب المميزين في السودان وله وزن كبير اما الفنان محمد صبحى رجل محترم وصاحب مبادئ ولكن هنالك سوء فهم بين الطرفين ، وانا متاكد غدا سوف تقراء الرد المنطقي من الاستاذ زهير السراج واتمنى ان تتمعن جيدا في الرد ، لا ان تكون من اصحاب الاراء المسبقة في الاشخاص من غير منطق .


#764649 [abuAbid]
0.00/5 (0 صوت)

09-12-2013 03:15 PM
كاتب يبحث عن موقع لنفسه فلذا تراه يدير معركة في غير معترك حتى ينصب نفسه حام لحقوق الآخرين


#764639 [سوداني اصيل]
0.00/5 (0 صوت)

09-12-2013 03:08 PM
الاستاذ محمد صبحي نحن من عشاقك ومن متابعين اغلب اعمالك وبصراحة نحن كشعب سوداني ماعندنا مشكلة مع اي شعب طالما هذا الشعب ماسك لسانه مننا وانتم المصرين مشكلتكم شايفين ان السودان تابع لكم واعلامكم جاهل وشعبكم اجهل بنا واني اطلب منك ان تبتعبد عن اي عمل مشترك مع هذه الحكومة مهما كان حتي لو فيه خلف تربيزتك فيه صورة للبشير لاننا عندنا في السودان معلومة بتقول ان المصري بيميل مع ميلان الكاش والدولار وانت انسان عفيف ونظيف فلا تكون سبب في تدمير سمعتك اما عن من يسعي من سفارة وسياسين سودانيين نحوك فهم شلة حرامية واقسم لك لو اعطوك مليون دولار فهم سوف يدخلون في بطونهم عشرة مليون من اموال الشعب الغلابه هولاي قوم لو كانو الي اليوم معكم مرسي لبقيتم مثلنا واسواء وابعد عن الحرام ومال السحت والخرطوم تعيش باقي عمرك محترم ونظيف ولك حبي وتقديري


#764632 [دقسة صبحي]
5.00/5 (1 صوت)

09-12-2013 02:59 PM
يا أستاذ محمد صبحي ...
واضح انو هؤلاء الأبالسة ناس (الشباب الأفريقي) ـ (المؤتمر الوطني) ـ (الكيزان) ـ ناجحين حتى الآن في "تدقيسك". تأكد .. تأكد .. ثم تأكد، وح تشوف أي مكر وأي استغلال لنجوميتك من وراء هذه الدعوة .. ح تندم يا أستاذ .. والله ح تندم. هؤلاء لا يأتي من ورائهم غير الندم .. شفت عملوا فيكم ايه في سنة واحدة (فقط)!!! ولك أن تتخيل ما فعلوه بشعبنا 25 عاماً حسوما!! هم من نفس طينة "أخوانكم المجرمون" .. البطش والمكر والكذب والنفاق والتهافت والفساد وحب السلطان والمال والنساء والقصور المنيفة والبنايات الشواهق و"الركوبات" الفارهات وووو... ناس دنيا ساكت لا خلقة لا أخلاق (أعوذ بالله).

بعدين إنت عارف السفير القعدت معاه دا منو؟؟ هو ذلك السفاح الأشر قاتل الطلاب الشرفاء بمعسكر العيلفون.

أما د. زهير السراج (فحاشاه) (وكلاه) مما جاء في ردك من تجريح تصريحاً وتلميحاً في حقه .. قد نجد لك العذر فأنت لا تعرف من هو د. زهير. على أي حال هو سيرد على ردك.

أصحى يا أستاذ صبحي .. الناس ديل احتار في مكرهم إبليس ذات نفسه.


#764531 [يوسف محمد احمد]
5.00/5 (1 صوت)

09-12-2013 01:01 PM
لا نريد منك ردا يا زهير - ما تعملوا لينا موضوع من مافي
الفنان محمد صبحي رده منطقي
لعلمك تذكرة دخول مسرح محمد صبحي من ارخص التذاكر - ويطالب دائما ان تكون كذلك حتى يتمكن الجميع من الدخول
اعماله هادفة ومؤثرة
اخي السراج ابحث عن بطولات اخرى


#764453 [Abu Ahmad]
5.00/5 (1 صوت)

09-12-2013 11:48 AM
سؤال يفرض نفسه : هل كان محمد صبحي في حاجة لأن ينتظر حتى يقرأ مقالا مثل مقال زهير حتى يتخلى عن مشروعه أم هو التعلل وبالتالي التنصل ؟؟ من يؤمن بفكرة لا يعبأ بالقيل والقال ، إذ كان يكفيه توضيح الأمر لمن غابت عنه التفاصيل والمضي قدما في المشروع إن كانت الفكرة نبيلة أصلا !!


ردود على Abu Ahmad
United States [واقعى] 09-12-2013 05:41 PM
100/100


#764379 [شنان]
5.00/5 (6 صوت)

09-12-2013 10:59 AM
والله إني أقترح أن يبنى سور عظيم بيننا وبين مصر لاينفذ منه حتى الهواء وكفاية تلصق لناس يكنون لنا كل الحقد والكراهية باطنا وظاهرا وبلاش سزاجة وكل المواقف تثبت ذلك .
لانريد لاتعاون فني ولاسياسي ولا إقتصادي ودعونا نكتفي بوطننا ونبنيه ولنكن دولة حرة ابيه قوية وكفاية مهازل .


ردود على شنان
United States [Zingar] 09-12-2013 06:04 PM
يا سودانى أصيل...إنت لوعندك ده كوووولوا من الأصاله رجع لينا حلآيب بس وماعايزين شلاتين....ولك منا جزيل الشكر.

European Union [سودانى اصيل] 09-12-2013 04:39 PM
رد على شنان وعلى العيبطان الاهبلان ال بيته من زجاج لايقذف الناس بالطوب وال يسمعكما يقول ان الشعب المصرى السودان هو ال بياكله وقبل ماتقول المصريين كثروا عندنا تعالى وخذ فى ايدك اكثر من2 مليون سودانى مالين شوارع القاهرة واسكندرىة والمثل بيقول يانحلة لاتلدغينى ولاعايز منك عسل فهل فهمتما الرسالة ام ما زلتما على غبائكما

United States [على] 09-12-2013 11:48 AM
أؤيد الإقتراح تماما هذا الشعب إستغلالي وإنتهازي ودايما مستغلننا وانحنا ما مستفيدين منهم اي شئ والغريب كل الحكام الجو على البلد الغلبان دة بدو المصريين كلو شئ من غير ما ياخدو وهم الحلب ديل مستنزفين السودان وطالعين ماكلين ونازلين ماكلين من كل الدول وهسي الحاصل مع دول الخليج كل الناس شايفنو لا بد من قطع العلاقات تماما وما دايرين اي نوع من التعاون معاهم ويرجعو كل المصريين الملو السودان ديل


#764353 [ساهر]
5.00/5 (2 صوت)

09-12-2013 10:49 AM
يا أخ زهير عش في كندا، وأرح نفسك عناء هذه المشكاسات. أي معركة ضد فنان له جماهيرية فهي خاسرة. نحن نعرف أن النقد يجب أن يوجه (للفكرة) وليس (للشخص). لا أعرف كيف سترد غدا.


#764309 [ابومازن]
3.63/5 (4 صوت)

09-12-2013 10:20 AM
مبادرة الشباب العربى الافريقى ذات الصلة بالمؤتمر الوطنى،

يا أستاذ محمد صبحى لك الحب والتقدير ,,
صراحه نحن قد كرهنا هؤلاء الاخوان الذين يحكمونا ,, أكثر من ربع قرن والذين لم تصبروا عليهم أنتم سنة واحده ,, فعندما نتخلص منهم ,, ساعتها سوف يكون لنا معك حديثا آخر أكثر ودا وبهاء فأرجو المعذره ,, فنحن شعب أهينت كرامته ,, بواسة المؤتمر الوطنى ,, شكرا لك إيها الفنان ,, ونحن لانرضى أبدا أن تسىء إلى دكتور زهير السراج ,, لانه من الكتاب الشرفاء , وقد ظل فلمه يدافع عن الشعب المقهور ,, وقد تحمل وظل يتحمل المعاناة من النظام القمعى من أجل الوطن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة