الأخبار
أخبار إقليمية
المتحري في قضية الأقطان يكشف عن مخالفات إدارية وفنية
المتحري في قضية الأقطان يكشف عن مخالفات إدارية وفنية


" دار أبوك كان خربت "
09-12-2013 12:55 PM
الخرطوم:عزالدين ارباب : كشف المتحري في قضية شركة السودان للأقطان ،العقيد شرطة عوض الكريم العبيد، عن وجود مستند بطرف الأقطان معنون للبنك الإسلامي بجدة يوضح توقيع عقد بين شركة بالكان والأقطان لتنفيذ مشروع الـ7محالج،مبيناً ان العقد يخالف تقرير اللجنة الفنية التي أشارت إلى فوز الأقطان بالعطاء،
واكد المتحري في اقواله امام القاضي اسامة محمد ،ان اللجنة وجدت اموالا عبارة عن آليات وعربات وجرارات ومعدات رش بطرف شركة كتكوت دون علم المسؤولين بالاقطان بوجودها، كما اشار الى ان المتهم الاول اقر في التحري بتفويضه للمدير المالي بيبع 12 الف طن اسمنت ،غير انه اكد عدم علمه بمتبقي الاسمنت، كما انه لم يتلق عقد البيع، وكشف المتهم الاول في التحري ان المساهمين في شركة الاقطان بعد الخصخصة هم مزارعو الجزيرة وحلفا الجديدة والرهد والصندوق القومي للمعاشات ومصرف المزارع، ودافع عن تعلية الفواتير، مشيرا الى انها جاءت تلبية لمطلب المزارعين بتضمين تكلفة الترخيص والترحيل واشار الى ان الاقطان كانت تدفع نيابة عن وزارة المالية.
بينما قال المتهم الثاني ان مهمته كانت استجلاب التمويل الخارجي لإنشاء المحالج،مبيناً أنه يصدق على صرف الأموال لأنه يملك60%من أسهم كتكوت،مؤكداً بيعه الشاحنات لجهة ما.

الصحافة


تعليقات 10 | إهداء 0 | زيارات 3541

التعليقات
#764949 [منتصر]
5.00/5 (1 صوت)

09-13-2013 01:12 AM
السلام عليكم ورحمة الله وبركاته انا اود ان اصحح لاخوانى الكرام بعض الحقائق ليه لانه هذا الكلام البيتكتب على النيت غير صحيح على النت بخصوص قضية الاقطان والصور الموجوده اولا هزه القضية ماأتهت حتى نتسرع فى الحكم على الاخرين ويجب علينا ان نتقى الله فى انفسنا ولانتسرع فى الحكم على شخص ياأيها الزين امنو ان جاءكم فاسق بنبا فتبينوا ان تصيبوا قوما بجهاله فتصبحو على مافعلتم نادمين وانا ليس بكوز ولامنحاز لفئه ما ولاكن اقول الحق لانى ارى واسمع من داخل قاعة الىمحكمه والله العظيم الناس ديل القدموهو للسودان والله ناس الحكومه ديل كلهم ماقدمو ولاروبعه يكفى فقط انه ابودقن ده جلب تمويل بالملاين للبلد دى وشغل الاف العاطلين وبرمتبات والله العظيم ماكان فى زول بيحلم بيها وادخل الاليات الزراعيه والجرارات الزراعيه بالاقساط لكل المزارعين السودان والشاحنات البتكلمو عنها دى اشتراها من حر ماله وباعه للجيش والله العظيم ماحصل وعدك بى شى والا واوفى به بعدين انا حابى اوضح شى بسيط جدا للعاميه انته عارفين انه المتحرى البتكلم عن شركات وهميه ومسميه بأسامى اولاد اختم طيب وين المشكله ماتنسو كلمة مسجله يعنى القانون نفسه سجله فى المسجل التجارى اذا لاقضاضه فى ذالك موش كده والا اذا كان فى مشكله ما كان سجله وبعدين انته عارفين الراجل ابو دقن ده ماسك كم اسره فى السودان والله العظيم كان قلتليكم ما حاتصدقو وانا ما حاقوله لانه دى اعمال خير نتركه بين العبد وربه والاكن والله العظيم هذا الرجل لو قدر الله وحصل له شى والله العظيم سوف بتضرر ناس كتيره خالص وفى الختام اود ان اختم بأن قضية الاقطان عباره عن فبركه من اشخاص لهم صلات ومصالح مع الحكومه وشكرا


#764807 [abusafarouq]
0.00/5 (0 صوت)

09-12-2013 07:46 PM
كتاكيت بقو دجاج بياضة مليارات البيض سبحان الله مغير أحوال المسؤلين دون غيرهم من العامة ..


#764733 [راجى الفرج]
0.00/5 (0 صوت)

09-12-2013 04:36 PM
اصلامافى قضية الجماعة ديل بدفعوا لكل ناس الحكومة من بشيرها لى صغيرها والاما سبب بقاؤهو 22سنة


#764706 [اسد]
5.00/5 (1 صوت)

09-12-2013 03:46 PM
اخر شي تروح القضية شمار في مرقة , تكون لها لجنة تسوية , المال تلتو ولا كتلتو. اصلا دول سماسرة الحكومة .


#764671 [بعشوم]
0.00/5 (0 صوت)

09-12-2013 02:48 PM
البنك الاسلامي بجدة دهـ وين ؟!


#764661 [zoul]
5.00/5 (1 صوت)

09-12-2013 02:34 PM
من هو المتهم الاول ومن هو المتهم الثاني ؟ نحن نسينا من طول مدة الحكم في القضية وخائفين في النهايةتطلع شمار في مرقة ودا الحايحصل سيتدخل الرئيس ويطلق سراحهم كما صار يفعل اخيرا حين الغي دور الهيئة القضائية وصار يعتقل ويطلق السراح


#764658 [macroo]
3.50/5 (2 صوت)

09-12-2013 02:32 PM
انا ما عارف ليه كل مايكون في حرامية بكون في واحد اب دقن معاهم


ردود على macroo
United States [صلاح خضر عثمان] 09-12-2013 06:19 PM
وانت ماعارف ابان دقون ديل كلهم حرامية ولصوص وحاجات تانية حاميانى


#764614 [ابوسحر]
0.00/5 (0 صوت)

09-12-2013 01:42 PM
امس كانت قضية الاوقاف وذكروا فيها المرتب الوصل الي 596 مليون جنيه للمدير مع البدلات
سفر وسكن ولبس واعياد وتذاكر طيارات؟؟؟؟
واليوم عن مصيبتنا في الاقطان
وماذا يخبئ لنا القدر باكر في فساد اخر ؟؟؟؟
منتهي الفساد وقال النائب نسبته1%؟؟؟؟؟؟؟؟؟
مشروع الجزيرة والاوقاف والاقطان وسودان ايرويز وخط هيثرو وما خفي اعظم؟؟؟؟؟


#764611 [المتجهجه بسبب الانفصال]
5.00/5 (2 صوت)

09-12-2013 01:39 PM
بالله شوفو الوجوه دي ،، هل دي وجوه تؤمن باليوم الآخر ،،، رغم الأموال التي اكتنزوها وسرقوها وجوههم عليها غبرة ،،، ولا تبدوا عليهم أي سمة تدل انهم ممن تحصلوا على خبرة بالعمل في مكاتب حكومية أو خاصة مجرد سماسرة حايمين تحت الشمس مع الاعتذار للسماسرة الصادقين ،،،


#764605 [لعب شديد بقوت الشعب ..]
0.00/5 (0 صوت)

09-12-2013 01:34 PM
تفووووووووو عليكم يا حرامية يا لصوص يا منافقين
وتفوووووووو تانية موصولة للحرامية البغادي القضيتهم شغالة بتاعين الاوقاف
وتفوووووووووو تانية كمان لقرار المحكمة القاضي بتبرئة شركة هارفست بتاعة التقاوي الفاسدة المملوكة لآل المتعافي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة