الأخبار
أخبار إقليمية
اول نجمة عربية شابة تظهر في فضائية الخرطوم منذ عقدين..!! زينة السورية وعاصم البناء يغنيان "أنا افريقي أنا سوداني " - شاهد الفيديو
اول نجمة عربية شابة تظهر في فضائية الخرطوم منذ عقدين..!! زينة السورية وعاصم البناء يغنيان \"أنا افريقي أنا سوداني \" - شاهد الفيديو
اول نجمة عربية شابة تظهر في فضائية الخرطوم منذ عقدين..!! زينة السورية وعاصم البناء يغنيان \"أنا افريقي أنا سوداني \" - شاهد الفيديو


12-16-2010 12:35 AM
أول نجمة عربية شابة تظهر في فضائية الخرطوم منذ عقدين
نجمة "ستار أكاديمي 7" زينة أفتيموس تقتحم الشاشة السودانية

تتسابق الفضائيات السودانية لإجراء المقابلات مع النجمة السورية الشابة زينة أفتيموس بطلة برنامج "ستار أكاديمي" في نسخته السابعة، فضلاً عن قيامها ببث أغانيها طوال الوقت، فتكون أول نجمة عربية شابة تظهر على الشاشة الرسمية في الخرطوم منذ نحو عقدين.

وأرجعت بعض الآراء هذا الاهتمام اللافت إلى أداء النجمة الشابة أغنيةَ "أسمر جميل" للمطرب السوداني الراحل إبراهيم الكاشف، أكثر من موهبتها أو كونها الفائزةَ في برنامج البرنامج الجماهيري.

وذكرت صحيفة "الحياة" اللندنية الأربعاء 15 ديسمبر/كانون الأول الجاري، أن قناة "النيل الأزرق" أرسلت فريقًا إلى دمشق حاورها حول علاقتها بالطرب السوداني، كما بثت الأغنية في أكثر من مناسبة.

أما التلفزيون الرسمي فلم يكتَفِ ببث الأغنية باحتفاءٍ شديدٍ خلال برامجه في العيد وفي الأيام القليلة الماضية، بل قدَّم الدعوة إليها لتشاركه احتفالاته بمرور 50 سنة على تأسيسه، والتي تشهدها الخرطوم هذه الأيام متزامنةً مع فعاليات الجمعية العامة لاتحاد الإذاعات العربية.

وستشارك زينة المطرب السوداني عاصم البنا أداء مجموعة مختارة من أغاني إبراهيم الكاشف في الأيام المقبلة، كما ستطل على المشاهد السوداني من شاشاته المختلفة: "هارموني"، و"قوون"، و"النيل الأزرق" وسواها!.

واعتبرت الصحيفة أن الشهرة الكبيرة للمطربة السورية الشابة في السودان تعود إلى أدائها أغنيةَ إبراهيم الكاشف التي وصلت إلى الخرطوم عبر موقع "يو تيوب"، بعد أن بُثَّت منذ فترةٍ على إحدى القنوات العربية؛ حيث تم توزيع رابطها الإلكتروني على نطاق واسع في منتديات الحوار الإلكتروني، ثم انتقل أمرها إلى الصفحات الفنية.

وتابعت الحياة: "لقد تبارى نقاد الموسيقى في مدح تجربة الأداء، وأسهبوا في الحديث عن قدرات المطربة الشابة في التعاطي مع الأغنية الموقعة على السلم الخماسي بطريقة جميلة ومؤثرة. حتى كتاب الرأي السياسي تركوا مشاغل الاستفتاء الشعبي لسكان جنوب السودان وتسريبات موقع "ويكيليكس" وسواها من أمور، ليتكلموا عن هذه الفتاة الشامية الجميلة التي غنَّت لرائد الأغنية الحديثة في السودان".

وتُعتبَر زينة أفتيموس الوحيدة من جيل الشباب التي أطلَّت عبر الشاشة السودانية الرسمية طوال العقدين الماضيين؛ لا لشيءٍ إلا لأن هذه الفضائية لا تبث من الأغاني العربية إلا تلك المُصوَّرة في زمن "الأبيض والأسود"، مثل أغاني محمد عبد الوهاب، وأم كلثوم، وفيروز، وعبد الحليم حافظ، وسواهم، حسب "الحياة".

واعتبرت صحيفة "الحياة" اللندنية أن أداء زينة السورية أغنيةَ الكاشف؛ الأغنية المُعقَّدة شكلاً ومضمونًا؛ يبدد المقولة الرائجة بأن صعوبة الأغنية السودانية يمنعها من الانتشار عربيًّا.

وكالات

ــــــــــــــــ

أرض الخير

كلمات السر قدور
غناء الكاشف

ارض الخير افريقيا مكاني..زمن النور و العزة زماني
فيها جدودي... جباهم عالية.... جباهم عالية..جباهم عااالية
مواكب ما بتتراجع تاني
اقيف قدامها و اقول للدنيا انا سوداني
انا افريقي انا سوداني
انا بلدي..بلد الخير و الطيبة
ارض و خزاين..فيها جناين
نجومه عيون للخير بتعاين
قمره بيضوي ما بغيب ابداً داايماً باين
نوره بيهدي ليالي حبيبة
عليها اغني و اقول للدنيا انا سودااني
انا افريقي انا سوداني
شمسك طلعت و اشرق نورها بقت شمسين
شمس العزة و نورها الاكبر
هلت شااامخة زي تاريخي قوية و رااسخة
ملت الدنيا و خيرنا بيكتر
خيرنا بيكتر خيرنا بيكتر
شمس ايماني بأوطاني
دا الخلاني اقول للدنيا انا سودااني
انا افريقي..انا سوداني


[VIDEO=http://www.youtube.com//v/KGvNKhdBUBQ&feature=player_embedded]WIDTH=400 HEIGHT=350[/VIDEO]


http://www.youtube.com//v/KGvNKhdBUB...layer_embedded



تعليقات 23 | إهداء 31 | زيارات 11830


التعليقات
#60673 [سوداني بالمهجر]
0.00/5 (0 صوت)

12-18-2010 12:28 PM
نشكر الفنانة زينة علي نشر ثقافة الفن السوداني بهذا الابداع, ان الفن لاوطن له فهو لمن عرف معناه و استصاغ فحواه


#60579 [جدو]
0.00/5 (0 صوت)

12-18-2010 10:39 AM
والله نحنا اصبحنا شعب تعيس عليك الله حثي شنو يعني واحدة فنانه غنت اغنية سودانية هي سورية نحتفي بها قدر ده وبعدين ده الاهبل العبيط المعاها ده مافي فنان صغير في السن من الشباب او كان تخلوها تغني براها بدل الاحراج والعبط الحاصل ده حليل السودان حليل الناس الرزينة بعرفوا اتعاملوا مع العرب ديل على قدر حجهم فرحانين زينه زينه تقول عشه الفلاتية .. كان الافضل تغني براها مع فرق الفاتح حسين عشان الشغل ايكون منظم وعشان تكون لغة التفاهم اقرب ويكون في فنان صاحب تجربة في الغناء مع البلح \"او الحلب\" ديل زي شراحبيل ولا محمود عبد العزيز بس عصام البنى ده يعني في شنو ولا وجهاء ولا صوت وشكلوا بصراحة عفش لكن حتى ذوق في السودان متخلف حليلك يا بلد .. ظاهر انو كل الكوادر الفنية الراقية في السودان هجرت البلد واصبح ناس قريعتي راحت هم اصحاب القرار والعبث تجربة سمجه وسخيفه وتهبيل للسودان والاهبل الاكتر عصام البنا اتمنى في تجارب تاني المخلوق ده ما يشارك شكلوا جامد اثنين وليد زكي الدين وعاصم البنا لا احتمل غنائهم ابداً .. في شباب دمهم خفيف وفنانين وجوههم فنية بس ديل شكلهم مؤتمر وطني وحقين مكاتب ما شكل فنانين اصلوا لو عتبرنا انهم وجهين كمان نقول ليها الحق الاغنية السودانية تفضل سودانية في السودان بس. غايتو الحلب ديل عقدة اللون العندنا في السودان دي حتقليهم اركبوا في رأسنا .. نرجع نقول ياناس الانقاذ المهان الشاف السودان والشعب السوداني في زمنكم في زمن الاتراك ماحصلت.


#60404 [ميسي]
0.00/5 (0 صوت)

12-17-2010 10:35 PM
ان تغني اغنيه شرقيه على السلم السباعي وانت سوداني فهو شي عادي-لكن ان تغني اغنيه سودانيه وبالسلم الخماسي وانت جنسيه غير سودانيه ففيه شي من الصعوبه-ودونكم محمد فؤاد عندما تغنى باغنيه الليل الهادي بطريقه مضحكه جدا وكان ينطق كلمه بيذكرني بحرف الظاء حبيبي الغالي بيظكرني-ولكن ان تغني تلك الفتاه لاستاذنا الكاشف (الصعب غناه) بدرجه متقنه جدا سوف فلنرفع لها القبعه احتراما وتقديرا لها


#60142 [نادوس]
0.00/5 (0 صوت)

12-17-2010 11:48 AM
يعني خلاص حدث أمال النور دي ما غنت لي فيروز من سنة ستين في زول إشتغل بيها .. دا يوضح دونيتنا ولهثنا تجاه كل ما يجمعنا بالعرب في محاولة دائمة بالإلتصاق نابعة من الشعور بالنقص .

بعدين الحبش ديل برضو ما قاعدين يغنوا سوداني من سنة دو . لي ما جابو واحدة في قاعة الصداقة ؟؟؟ ولا شان حبش ؟؟

غنت سوداني شكرا ليها لكن ما نقوم ونقوم ليها الدنيا ونعمل ليها من الحبة قبة


#60045 [قاسم]
0.00/5 (0 صوت)

12-17-2010 07:17 AM
لم تهافت بعض السودانيين علي استماع الاغاني العربية بالرغم الاختلاف الكبير بين اغانينا السودانية واغاني العرب ولايوجد عربي واحد مستعد ان يستمع للاغاني السودانية الاغاني السودانية تشبه اخواتها الافريقية وكمان الكورية والهندية والغربية لكن لاتربطها اي علاقة بالاغنيات العربية من ناحية اللحن والاداء وبعدين الاغاني السودانية مالها ما !ارجعو للاغنيات القديمة عشان تعرفوا اننا نملك كنوز ثقافية يجب ان نشهوه اذننا باغاني العرب البايخة


#59999 [awad]
0.00/5 (0 صوت)

12-17-2010 12:45 AM
بالمناسبه البنت دى غنت الاغنيه دى وهى طفلة صغيرة وعلى اروع مايكون وموجودة فى youtube


#59983 [نوباوي]
0.00/5 (0 صوت)

12-16-2010 11:47 PM
زمان كان مافي وسائل اعلام علشان كدا غشوكم و قالوا ليكم عرب وفي العرب عباسيين وامويين بس الناس البمشوا البلاد العربية بيقولوا نحن ما عرب لكن ما صدقناهم هذه الفنانة اموية الان شوف الفرق يا بغل


#59977 [نوباوي]
0.00/5 (0 صوت)

12-16-2010 11:26 PM
يا ناس اسرة الراكوبة اشكركم علي هذا العمل الجميل الا انني اعاتبكم لانكم
لاتسمحوا بمرور بعض التعليقات وان كانت اخلاقية و منطقية وغير عنصرية
;( ;( ;( (؟) (؟) (؟) ;( ;( ;( ;( (؟) (؟)


#59870 [قرفان خالص]
0.00/5 (0 صوت)

12-16-2010 06:13 PM

يا ليت لو غنيتي الاغنية دي زمن ما كنا بنفتخر بسودانا و بنقول للدنيا انا سوداني ..

بس حظنا الجبان وحظك التعيس ظهرك في زمن انحطاط وزوال وفشل وفساد السودان

وصرنا لا نفاخر ونقول للدنيا انا سوداني !!

أخخخخخخخخخخخخخخخخخ


#59867 [عطبراوي]
0.00/5 (0 صوت)

12-16-2010 06:06 PM
البت دي سفروها لي اهلها سريع مايقوموا ناس قدوقدو يشوفوا اللحم الابيض ويجلدوها


#59866 [مصري ]
0.00/5 (0 صوت)

12-16-2010 06:05 PM
يالله عليك يا سمارة شد حيلك بس حتة انا سوري انا سوداني دي مش جايا و مش واكلة خالص


#59766 [Dmax]
0.00/5 (0 صوت)

12-16-2010 02:51 PM
جنس ديل ما احسن منم اللابسات البنطلون يا كيزان يا وهم و كمان تقول بلد فيه شريعة اسلاميه يا حرامية .


#59765 [Dmax]
0.00/5 (0 صوت)

12-16-2010 02:50 PM
جنس ديل ما احسن منم اللابسات البنطلون يا كيزان يا وهم و كمان تقول بلد فيه شريعة اسلاميه يا حرامية .


#59757 [بت ملوك النيل]
0.00/5 (0 صوت)

12-16-2010 02:35 PM
آآه يا اخوي النوبي قول ليهم ..تعبت وانا بقول واعيد وازيد نحن ماااااااااااعرب ولا بنتشرف بيهم ولولا حبيبنا المصطفي كنا غيرنا لسانا زاتو..قطيعة تقطع العرب والمتلصقين فيهم ..ما شايفين الجزائريين والمغاربة ديل لو دايرهم يضاربوك قول ليهم انتو عرب..وناس القرقد والنخرين الكلوش مصرين انهم عرب


ردود على بت ملوك النيل
Saudi Arabia [بت السودان] 12-17-2010 05:59 AM
والله نحن عرب وغصبا عن اي زول والماعاجبو يصرف نفسو والحمد لله شعرنا تمام ونخرينا عديله والفي راسو بطحه يتحسس عليها


#59724 [هاشم]
0.00/5 (0 صوت)

12-16-2010 01:03 PM
ياخي انا في حاجات ما قدر افهمها الكاشف لمن قال انا افريقي انا سوداني .. كان غلطان ولا شنو ؟؟ ايه اللي انا عربي يا ود البنا!!! لا يا خوي لا عربي لا بدورهم.. بعدين حسا جايبينا تغني في حاجة رسمية زي ما واضح .. عليكم الله في بلد في الدنيا تجيب فنان في نص اجتماعات .. يلا ان شالله العرب العاجبينكم ديل يعبروكم بعد دا كلو ، كان قايلنهم جابو ليكم خبر ( غير الجلد بتاع البت - افتحو جرايدهم و اقروها )
هي لله هي لله هههههههه


#59696 [الصادق صديق الشرفه]
0.00/5 (0 صوت)

12-16-2010 12:10 PM
زينه والله وزينه وضاويه متل الرتينه
عليها اغنى واقول انتى منا وفينا
صوتك يصدح كما ناقوس المعابد الحزينه
وحاتك غناك الاشجانا انت تب مابتشبهينا
فوق سماحتك عفاف ونغمات حنييييييييييييينه
اقو ل لك الصراحه جد مسختى نسوانا علينا


#59683 [النوبى]
0.00/5 (0 صوت)

12-16-2010 11:53 AM
لاننا ما عرب ولا بنشبه العرب اذا كان اللغة اصلا اللغة ما مقياس للعروبة 0 اهو الامريكن بيتكلمو باللغة الانجليزية اصبحو انجليز وهم امريكان 0 الناس الاحتكو مع العرب فى دول المهجر يعلمو هذا جيدا


#59603 [الراجي الفرج]
0.00/5 (0 صوت)

12-16-2010 09:55 AM
شكرا لك أيها الزمن الجميل وانت تطل علينا من جديد في هذا الزمن الطارد المتوحش . نستحلفك بالله أن تعود لنا ولو للحظة . كان في عهدك الرجال أمثال الكاشف والسر قدور ولم يكن عهدك جميل بالفن فحسب ولكن في السياسة والرياضة والعلوم من طب وهندسة وخلافه . ذهب التبر وتبقى لنا ( الفالصو ) في كل المجالات :

من يعادل الكاشف من الفنانين اليوم
من يعادل الازهري والمحجوب وعبد الخالق من الساسة اليوم
من يعادل صديق منزول وبرعي من اللاعبين اليوم
من يعادل الطيب صالح من ادباء اليوم
من يعادل الرعيل الاول من الاطباء والمهندسين من يعادلهم اليوم ؟





#59576 [بنت سودانية]
0.00/5 (0 صوت)

12-16-2010 08:36 AM
يعنى عليكم الله بعد شريط جلد البت دا و فضيحتنا فى كل العالم خلت اليسوا و الما يسوى يتكلم و يعلق على فظاظة و عدم الرجولة و النخوة المعدومة فى السودانييين . الواحد نفسو مرقت زاتو .
شوىة معنوياتنا اتصلحت ...... الله لا كسبكم يا الجلدتو البت و الفضحتونا .... الله لا خلاك يا قدوقدو الخليتنا نخجل نقول انا سودانى .


#59550 [ود الشيخ]
0.00/5 (0 صوت)

12-16-2010 07:45 AM
التحية للمبدع عاصم البنا والمبدعة الفنانة السورية زينة . شى جميل ان الاخرين يتغنون باغانينا السودانية ذات المضمون الجميل والكلمات المدوزنة المنتقاة .لعل هذه تكون بادرة خير ونقطة انطلاق للفن السودانى الجميل الاصيل نحو العالمية

خارج النص ..
الاخ العمدة :
تعليقك عجبنى شديد والله نسأل الله ان يصلح حال بلادنا الحبيبة السودان


#59544 [saad]
0.00/5 (0 صوت)

12-16-2010 07:26 AM
first i would like to wolcome the singer ZINA to sudan...second i would like to thank 3ASIM for singing that song..if we would have kept singing this song.. long time ago which we did and stopped...we would not have been in a situition which we are in today...from BIN LADIN and JAMA3AT ALTFKERIA and those who think alike...thank you to ASIR GADORA and ALKASHIF...Rip...ana afrigey ana SUDANI


#59517 [saif]
0.00/5 (0 صوت)

12-16-2010 05:57 AM
والله ماقصرت مشكورة هي والاستاذ عاصم


#59500 [العمدة ]
0.00/5 (0 صوت)

12-16-2010 02:58 AM



وطني
ذلك الحب الذي لايتوقف
وذلك العطاء
الذي لاينضب
أيها الوطن المترامي الأطراف
أيها الوطن المستطون في القلوب
أنت فقط من يبقى حبهُ
وأنت فقط من نحبُ

وطني
أيها الوطن الحاضنُ
للماضي والحاضر
أيها الوطن
يامن احببتهُ منذُ الصغر
وأنت من تغنى به العشاقِ


وأطربهُم ليلُك في السهرِ
أنت كـ أنشودة الحياة
وأنت كـ بسمة العمر

اختي الفنانه زينة السورية وعاصم البناء
يعطيكم العافيه يارب

فديتك يا وطني

وطن العز والكرم

وطن الخير والعطاء
والتحية الى كل سوداني يفتخر بالسودانيه لانها عملة نادرة فى هذا الزمان الضايع بس حقو الناس تقدر وتدى الاهل والمحرومين من الابداع لكي يظهرو لنا صورة سودانيتنا فى احلى صور من البنسمع فيها هذه الايام وربنا يرجع لينا عزتنا وكرامتنا الضاعت وحقو كل الناس تدعو الله على ان يعافى هذا السودان الجميل الرائع باهله وكل الابدعات المدفونه ولك ياوطنى الف مليون تحية وسلام والى كل سوداني فى انحاء الدنيا اجمع لكم التحية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
1.67/10 (79 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة