الأخبار
أخبار إقليمية
مصطفى عثمان إسماعيل : عدم رفع الاسعار يعني لجؤ نظام البشير " للشحدة "
مصطفى عثمان إسماعيل : عدم رفع الاسعار يعني لجؤ نظام البشير " للشحدة "
مصطفى عثمان إسماعيل : عدم رفع الاسعار يعني لجؤ نظام البشير
اسماعيل يضحك خلال مؤتمر لدعم السودان بالكويت


قال : الصعوبة ارجاع المواطنين الى مرحلة ما قبل استخراج البترول..الفطام صعب..!!
09-13-2013 01:22 PM
خالد الفكي
اكد القيادي بالمؤتمر الوطني وزير المجلس الاعلي للاستثمار د .مصطفى عثمان ان عدم تطبيق الحكومة لحزمة الاصلاحات الاقتصادية والتى من ضمنها رفع الدعم عن المحروقات يجعل الحكومة تلجأ الى (الشحدة) ، واضاف خلال مخاطبته الملتقى الاعلامى حول البطالة والتشغيل للمجلس الاستشارى لمشاريع استقرار الشباب امس ، " فضلنا تحمل الاثار السياسية على تدمير الاقتصاد"، وتابع" سنصل الى نقطة ونقف لان الخزينة ستفرغ وستاتى مرحلة انعدام البضائع والمواصلات"، مشيرا الى عدم رغبة الحكومة وحزبه فى العودة الى الوراء ، مضيفا "ربما كان الوقت غير مناسب ولكن من يضمن ان العام القادم سيكوم مناسبا لتطبيق القرار"، ورفض اسماعيل تسمية اجراءات وزارة المالية المزمعة برفع الدعم عن المحروقات ، مشيرا الى انه يرى بانها تصحيح لمسار الدعم الذى اشار الى انه يتسرب لدول الجوار وتستفيد منه البعثات الدبلوماسية والاجانب، مقراً بان كل موظفى الدولة بالاجر الذى يتقاضونه الان فقراء ، بيد انه قال ان الحكومة وجدت المضى فى السياسات الاقتصادية القديمة اشد خطرا من الاثار السياسية السالبة المتوقعة،والاستمرار فيها سيدمر الاقتصاد الوطنى ، ومضي ليقول: " لو ما طبقناها يعنى نشيل قرعتنا كل مرة نشحد" ، ونبه اسماعيل ان الحوار مع القوى السياسية هدف لايجاد داعمين للقرارت، مؤكدا ان الحوار للتبصير بالخطوات الاقتصادية سيتواصل مع كافة شرائح المجتمع السودانى وقطاعاته، مشيراً الى انفتاحهم على كل الحلول ، داعيا كافة القوى السياسية بما فيها المعارضة بتقديم بديل عن تصحيح مسار الدعم.

. وشدد د. اسماعيل على مراجعة السياسات الاقصادية الحالية لاسيما الدعم وتوجيهه واعترف بان صعوبة تنفيذ حزمة الاجراءات الاقتصادية يكمن فى صعوبة ارجاع المواطنين الى مرحلة ما قبل استخراج البترول ، مقرا بانه قرار صعب وعلق : الفطام صعب ، واكد ان قرار رفع الدعم لا يشمل الجازولين والادوية والقمح ،وذكر انه سيتم تقيم التجربة ،لافتا الى انهم وجدوا ان المعالجة كحزمة واحدة لا يمكن تطبيقها ،وان البنزين اخف ضررا. وانتقد وزير الاستثمار ، ما اسماها بالتعاطف ، مؤكدا ان امر الزيادات على المحروقات ليس بجديد وان تنفيذه تاجل بسبب التعاطف ، واستطرد : لكن العاطفة لها حدود ووصلت للخط الاحمر ولو استمرينا ستتضرر المصلحة العليا و لن نستطيع دفع المرتبات وكشف ان مشاريع التنمية مهددة بالتوقف بسبب الوضع الاقتصادى المتازم ، مشيرا الى انه قاد الى عدم الايفاء بزيادة مرتبات العاملين المزمعة. ،ونوه الى ان حزمة البرنامج الاقتصادى الثلاثى المتعلقة برفع الدعم عن المحروقات ستقتصر فى الوقت الراهن على سلعة البنزين ونوه اسماعيل لصعوبة مكافحة التهريب ووصف المهمة بالمستحيلة ، مبينا ان تساوى اسعار السلع سيقود لمكافحتها ،واكد ان عملاء الجبهة الثورية من الداخل يوفرون لها الدعم بتهريب المحروقات ،وان حوالي 60 سفارة بالسودان تستفيد من الدعم ،مشيرا الى ان السعر العالمى لبرميل البزين يترواح ما بين 100 الى 110 دولا وان سعره فى السودان 45 دولار.

الاهرام اليوم


تعليقات 77 | إهداء 0 | زيارات 10854

صفحة 1 من 212>
التعليقات
#767146 [Mohd]
5.00/5 (1 صوت)

09-16-2013 10:48 AM
السودانيين ليسوا شحاتين يا مصطفى عثمان اسماعيل
تركي الدخيل- جريدة الوطن السعودية


بعض المسؤولين الحكوميين في العالم العربي يصرحون تصريحات وقحة في حق شعوبهم يستحقون عليها أن يضربوا ضرباً. فالمسؤول العربي يتعاطى أحياناً مع مواطنيه وكأنه جاء من السويد، أو تربى في القطب المتجمد الشمالي، وليس كأنه مواطن آخر، جاء إلى السلطة، بانقلاب، كما هو حال الباشا، مصطفى عثمان إسماعيل، مستشار الرئيس السوداني، الذي لم يجد لمدح حكومته، حكومة الإنقاذ، إلا الإساءة إلى الشعب السوداني، واعتباره كان شحّاتاً، لا يعرف السُكّر، حتى جاءت الثورة العلمية والاقتصادية العظيمة فحولت الشعب من الشحاتة إلى الاستكفاء. أي استهتار بعقليات الناس، أكثر من هذا. يا مصطفى إسماعيل، السودانيون لم يكونوا يوماً من الأيام شحّاتين. ويبدو أننا نعرفهم أكثر مما تعرفهم أنت وإن كنت سودانياً، فهم أهل كرامة وعزة نفس وأنفة، ولو ضاقت الدنيا بهم، ولو دارت عليهم الدوائر وجاءهم من يكون مسؤولاً مثلك، ويسيء إلى شعبه بهذا التصريح المخجل! يا مصطفى عثمان، إذا كنت تزعم أن لغة العنتريات لم تسيطر على تصريحات المسؤولين عقب صدور مذكرة التوقيف بحق الرئيس السوداني، فلغتك في تصريحك قبل مغادرتك الرياض، تلك التي تزدري فيها السودانيين، وتعتبر الفارق في تحولهم من الشحاتة إلى غيرها، باستيلاء حكومتك على السلطة، أسوأ وأنكى من لغة العنتريات. ألم نسمع عبر شاشات التلفزة، مقولات مثل: أضع القرارات تحت جزمتي؟! ألم نر عبر تلفزيونات العالم، من يقول: مذكرة التوقيف وقراراتهم هذه يموصوها ويشربوها؟! هل هذه تصريحات متزنة؟! أم إن الاتزان والعقل والحكمة تكمن في أن يوصف الشعب بأنه شحّات حتى منّ الله عليه بهذه الحكومة؟! العارفون ببواطن الأمور يعتبرون أن المستشار عثمان من عقلاء النظام السوداني، وأرجو ألا ينطبق عقب هذه الحالة السؤال الذي يردده العرب: من عاقلكم؟ قالوا:...!

الحمد لله الذي جعلك مثالا لشحدة الحكومة والشحات الدولي يا مصطفى عثمان ليذلك امام العالمين


#766127 [ابا صلاج]
0.00/5 (0 صوت)

09-15-2013 02:21 AM
انت طبيب اسنان واسمك مصطفى استثمار اسماعيل كيف ما نشحت


#766109 [بت ملوك النيل]
4.00/5 (1 صوت)

09-15-2013 12:33 AM
انت يا مصطفى بعضمة لسانك ما قلت نحن كان ما جيناالشعب السودانى كان بقى شحاد


و الله يوم القيامه تجو لربنا و ليس فى وجوهكم مذعة لحم


#766095 [شحاد سوداني]
4.50/5 (2 صوت)

09-15-2013 12:04 AM
طيب تشحد انت ولا الشعب السوداني اللقب كلو شحاديين وبنات الشارع بقن ما لاقين الباكلهم بحقهم .الحاجة الوحيده النجحت فيها الانقاذ أنها حولت معظم الشعب السوداني لحراميه وبكره بعد ما يلقي عندك حاجة يسرقها حيطلع عينكم


#766052 [المهندس سلمان إسماعيل بخيت على]
4.00/5 (1 صوت)

09-14-2013 09:48 PM
يامصطفى عثمان تشحدوا من منو إنتو فضل ليكم صديق مع خلاص كله فى الباي باي وشيخ تميم الظاهر بطنه طامه من الكيزان وماشايفه متحمس فى شتيت قروش شعبه الصامت على حكومات مش مضمونة - مليارات دفعت لإخوان ليبيا ومافى ضمان ترجع - ليبيا على صفيح ساخن
مليارات مشت لسلام دارفور والحرب تراوح مكانها والسودان مفلس وعاوز يشحت بشهادتك يادكتور الأسنان والضروس ولمان ما لقى زول يشحت منه قال اخير يشيل الشيلة كلها ويختها لشعبه فوق ضهره اللى إنحنى من الحمل الثقيل ويخلى الشعب يشحت
يادكتور مصطفى اللى تعود على حياة الرفاهية ويصعب فطامه مش الشعب السودانى
الشعب السودانى من يوم شاف خليقتكم دى ماسمع ولا رأى رفاهية
العاشوا الرفاهية إنت وجماعتك جماعة التمكين وهسع الفطامة باقية ليكم صعبه
إنتو كارثه والبلد كرهتكم وأحذروا غضب الحليم والله الشعب دا لو ثار ممكن يأكلكم بسنونه
صبرنا صبر يغلب ايوب وإنتو لم تقدروا ذلك
كل ما حلت بيكم مصيبة حملتوها الشعب ألا تخافون من الله
بالله عليك منفخ جضيماتك دى وتضحك فى شنو البلد دى فى شىء بيضحك فيها
ام بتضحك علينا الخليناكم حكمتونا 24 سنة حتى تمكنتم وماقلعنا الضرس فى عامه كما فعل السيسى مع مرسى
معليش السودان دا ليهو رب
وما أظن تانى حتضحك وضحتك دى مش ضحكه حقيقية إنما ضحكه مصطنعه
مرة تقول السودانيين قبل الإنقاذ كانوا ذى الشحاتين ودا حديث مسجل لك بسفارة السودان بالرياض
ومرة تقول الإنقاذ لو مارفعت الدعم عن البنزين حتشحت
والثالثة تقول الشعب السودانى تعود على الرخاء ويصعب فطامة
إنت أيه
عليك الله نحن من يوم شفنا جضيماتك المنفخة دى شفنا رخاء حرام عليك
الصحيح تقول جماعة التمكين تعودوا على الرفاهية والرخاء ايام بترول الجنوب وبترول الجنوب بالمناسبة ما حفرته الأنقاذ ولا عوض الجاز حفرته شيفرن وشيفرن لم تحفر فى أرض شماليه حتى هجليج شيفرون كانت تظن أنها حتكون فى قسمة الجنوب لأن الأمريكان منذ فجر الإستقلال عارفين أن الجنوب حيفصل وماصدقوا لقوكم ودردقوكم فى نيفاشا وقلعوا منكم الجنوب ببتروله وخلوكم تهضربوا بالشحته
اللهم لا نسألك رد القضاء ولكن نسألك اللطف فيه


ردود على المهندس سلمان إسماعيل بخيت على
United States [المهندس سلمان إسماعيل بخيت على] 09-15-2013 08:41 PM
نعم لقد أيدت إنقلاب الأنقاذ ولى أسبابى المقنعة
وتخليت عنها بعد ظهور إخوانيتها ولى أسبابى المقنعة
ليس العيب إن رايت خطأ أن تتخلى عنه
ولكن العيب أن تتمسك بالخطأ لمصلحة شخصية رخيصة
بقلم المهندس
سلمان إسماعيل بخيت على
سودانى يقيم بمدينة الرياض السعودية

عقب الإبن ياسر عبد الوهاب على تعليق لى صدر على صحيفة الراكوبة الألكترونية تعقيبا على ماقاله دكتور مصطفى عثمان إسماعيل ( الحكومة لو لم ترفع الدعم لشحتت - والحكومات لا تشحت ولكن تستدين – لكن مصطفى شحته دا فهمه مابيعرف يتكلم )
قال الإبن ياسر عبد الوهاب ( وحاتك يا عم سلمان ورغم اني لا زلت اعتقد انك كنت منهم ( ويعنى كنت من جماعة الكيزان ) لكنهم ابعدوك لسبب لا ادريه ، وطلعوك بي قد القفه ، ثم عوضك الله خيرا ... ولم تغفرها لهم....لكن هذه المره...ما قصرته.. افحمت الطفل المعجزة .. اكرر قولي انو ابو القدح بعرف يعضي رفيقو..من وين ..
كلام الإبن ياسر مؤلم وقاسى خاصة حين يشبهنى بأبو القدح وإن كن فيه الكثير من الوقاحة وقلت الأدب والتطاول على رجل فى مقام والده بإعترافه حين قال ( وحاتك ياعم سلمان – فهل من الأدب أن تخاطب عمك بهذا الإسلوب )
ليختم حديثه (اتمني- مخلصا- ان اكون قد ظلمتك في حكمي عليك.. وليغفر الله لي..ان كنت انت صادقا )
أقول للإبن ياسر عبد الوهاب والله العظيم والله العظيم لقد ظلمتنى ظلم الحسن والحسين فأنا لست من الجماعة واسأل الله إلأ يحشرنى معهم يوم القيامة ( عندى صديق فنى مفروض يجى يركب لى جهاز عبارة عن محطة تنقية مياه صغيرة بالبيت R.O. PLANT– قلت ليهو أنا منتظرك – قال لى لا أنا ماشى لفلان وذكر شخصية كبيرة من الجماعة – طبعا كلهم مركبين المحطات دى لأنهم يعلمون علم اليقين أن المياه التى يضخونها لمواطنيهم ملوثة ولا تنطبق مع أى مواصفات عالمية وتسبب الأمراض – قلت ليهو ربنا يحشرك معاهم فى الدنيا والاخرة – فصرخ فى الموبايل : لا فى الدنيا بس الأخرة لا ، ديل حلوين دنيا وبس ...
الإبن ياسر عبد الوهاب
فى أشياء مهمة لا بد أوضحها لك ولازم قبل ماتتطلع عليها تكون عندك ثقة بأنى اقول الحق ولا شىء غير الحق
وأنا حين اسرد لك هذا الحديث لا أبحث عن شهادة براءة منك أو من غيرك لأنى أعى ما اقول ولا أخشى إلا الواحد الأحد
أولآ
يكذب أى شخص يقول لك أنه كان يتوقع أن يقود الترابى ( زعيم الجبهة القومية الإسلامية السودانية ) إنقلاب عسكرى فى تلك الفترة 1989م أو بعدها وكان الإخوان خارج حسابات الإنقلابات التى كان أكبر المرشحين لها الإستخبارات المصرية والتيارات اليسارية فى القوات المسلحة التى تعرف بفصيل الضباط الأحرار ودى برضها مستورده من مصر
معروف أن جيشنا السودانى كان علماني فى تلك الفترة ومنذ نشأته كبديل لجيش المستعمر لأن القيادات العليا التى تولت المسئولية بعد الإستقلال تربوا على المنهج البريطانى العلمانى ، فكان طبيعى يشاهد الضباط يحتسون الخمر فى الحفلات الخاصة والعامة ، كما ممنوع إطلاق اللحى والشوارب الغزيرة ، كانت حاجات كثيرة محرمة على الضباط وضباط الصف والجنود ، وقد إرتبط فى ذهن الناس علاقة العسكرى بالحرب والخمر والنساء THEY CONCENTRATE ALL THEIR MINDS IN 3 Ws , Wine , War & Women ولم نسمع بتوجهات إسلامية داخل القوات المسلحة حتى أن الإنقلابين السابقين لأنقلاب الإنقاذ لم يكن موجها ضد حزب الأمة ( عبد الله بك خليل / إنقلاب عبود - الصادق المهدى / جعفر نميرى ) ولكنه كان لوقف برنامج حزب الأمة لقيام الدولة الإسلامية تحت مسمى عرف بـ ( نهج الصحوة الإسلامية ) ..
تدخلت مصر واوقفت المشروع الإسلامى ومصر لن يسعدها أن يأتى شقيقها الأصغر السودان ويطبق الشريعة وهى مصر الأزهر الشريف ترقص وتلهو وتبيع الخمور وكبريهاتها منورة للصبح والموضوع دا ذكرنى بقصة حصة لأثنين من رجال الرباطاب كبار فى السن لكن مابيصلوا ، نزلوا ضيوف على عمنا مالك فى بيته بمحطة السكة حديد بعطبره وبعد العشاء طبيعى سيد البيت بيجى يودع ضيوفه ويقول ليهم أها ياجماعة : عاوزين حاجة ، نطه الإثنين الكبار لى شقواتهم وقالوا ليهو لا ماعاوزين حاجه جزاك الله خير ، الوليد الصغير قال ليهو ياعمى مالك أنا داير لى سجادة صلاة وإبريق عشان أتوضى وأصلى العشاء ، الرجال الكبار واحد منهم قال لى أخيه : أنت عارف العبيد مش من صلاح فيه لكن هانتن لينا نحن .. فجرت العادة فى مجتمعنا فى الماضى أن السباقون للصلاة هم الكبار لكن بحمد الله اليوم تغير حال شبابنا للأحسن وهذا ليس بفضل حكم الكيزان كما يدعون ولكنها صحوة عمت العالم الإسلامى كله .. ومصر ماعاوزه الولد الصغير السودان يعلن دولة الشريعة وهى فى علمانيتها -
الجيش السودانى بالكامل كانت ميوله فى تلك الفترة علمانية النزعة وأن إرتباط السودان بمصر هو الدافع الأساسى لهذا السلوك فى نفوس ضباطنا وصف ضباط وجنود وكلنا لمان كنا شباب كنا نزور الخريجين من زملاء الدراسة الضباط وكنا نشاهد مايجرى داخل هذه الميسات - ميز الضباط - حتى الناس مازالوا يذكرون مايجرى داخل ميس ضباط الجيش والشرطة وميس الدكاترة حتى ميس المهندسين تجده بالليل خليه زمر طبل وخمر و...بل أن الصحف اليومية كانت تتناول أخبارهم
إنقلاب الترابى / البشير فى 30 يونيو 1989م وفى الذاكرة إنتخابات لم يمض عليها أكثر من 3 سنين (الديمقراطية الثالثة بعد الإنتفاضة) كان ترتيب الجبهة القومية الإسلامية الثالث بـ 55 مقعد بعد الأمة فى المرتبة الأولى والإتحادى الديمقراطى فى المرتبة الثانية ، والأخوان حين حصلوا على 55 مقعد لم تكن تعبر عن ثقلهم الحقيقى فى المجتمع ، إنما كانت مكيدة خبيثة من الترابى حين دخل الإنتخابات بإسم الجبهة القومية ككيان جامع لكل الكيانات والـ 55 مقعد لاتمثل الوزن الحقيقى لجماعة الإخوان ولكنها كانت تدق على وتر أن الحزبين الكبيرين الأمة والإتحادى وعدوكم بالشريعة فى الإنتخابات الأولى فى الخمسينيات وأخلفوا ووعدوكم بها فى الإنتخابات الثانية فى الستينيات وأخلفوا فتعالوا للجبهة الإسلامية التى ستنفذ مشروعها الإسلامى فيكم فور تسلمها للحكم – والترابى قبل غيره يعرف أن إنقلابي عبود ونميرى هما من أغتال مشروع نهج الصحوة الإسلامى لحزب الأمة – ولكنها السياسة التى قال فيها نزار قبانى – لافرق مابين السياسة والدعارة – ففى الأثنين لا مثل ولا أخلاق – نجح الترابى فى إستقطاب أصوات المتشوقين لتطبيق شرع من قواعد الأمة والإتحادى وغيرها ، إلا أن بقية الأحزاب تآمرت على الترابى نفسه واسقطوه فى دائرة الصحافة عشان كده كان على عثمان زعيم المعارضة لسقوط الترابى
نميرى بعد القطيعة مع الشيوعيين كان محتاج لخدمات الكيزان خاصة وانهم أصبحوا يشكلون نسبة مقدرة وسط المثقفين وطلاب الجامعات وطلاب المرحلة الثانوية خاصة بعد المصالحة وتطبيق الشريعة
حكومة نميرى أسهمت بصورة واضحة فى تعيين أطباء ومهندسين وقانونيني جامعيين من جماعة الإخوان كضباط فى الجيش السودانى اذكر منهم على سبيل المثال لا الحصر زميلنا فى الدراسة دفعة مارس 1973م المهندس عبد الرحيم محمد حسين فريق أول ركن وزير الدفاع الحالى دا تم تعيينه فى عهد نميرى وابتعث لروسيا للتحضير لدرجة الماجستير ومن سخرية القدر أن زملائنا فى الدراسة تاور السنوسى وعبد الرحمن سعيد تصادف وجودهما فى قيادة هيئة الأركان لحكومة الصادق عندما نفذ عبد الرحيم محمد حسين إنقلابه عليهما .. وبالمناسبة ولمن لايعلم أن الفريق اول ركن مهندس عبد الرحيم محمد حسين كان قائد المجلس الأربعينى للضباط الأخوان بالجيش السودانى فقد تصادف أن ألتقيت بزميل الدراسة الضابط المهندس جلاب جابر يلبس ملكى وبدون سيارة ، سألته مالك يازول لابس جلابية وماشى بى كرعيك ، قال لى شالونى للصالح العام ، طلبت منه أن نذهب سويا ونقابل عبد الرحيم ، قال لى ماتتعب نفسك أنا مشكلتى كانت معه هو ، فتحيرت من أمر هذه الدنيا هل يمكن أن تصل لحد أن يفصل الأخ شقيقه من العمل ، والعمل لمن لايعرفه هو باب الرزق ليس للمستخدم ولكن باب الزرق للزوجة والأولاد وألأبناء وألأب والأم وكل حبيب وقريب – لقد كان الصالح العام بداية النهاية للإنقاذ من عدد الأيادى التى كانت ترفع للسماء متظلمة وليس بين دعوة المظلوم وربه حجاب – كل من سألناه عن أسباب الصالح العام كان يقول لنا هى قوائم تأتى من مكتب شيخ حسن ، وساحكى لكم قصة معليش أنا عندى تخريمات شويه – زميل الدراسة البروفسير أحمد عبد العال صاحب مدرسة الواحد والفنان التشكيلى المطبوع قابلنى يسير فى الطريق وليس معه سياره – وقفت وأخذته فى طريق حيث يسكن هو فى برى وأنا فى الجريف وكنت قبل فترة ليست بالبعيدة سمعت منه شخصيا أن اللواء سليمان محمد سليمان وزير الإعلام والثقافة تقدم بطلب لرئيس الجمهورية يطلب رفع وكالة الثقافة التى كان يرأسها بروف أحمد عبد العال لوزارة ويرشح البروف ليكون وزير للثقافة – قال لمان اللواء سليمان قدم الورقة للرئيس البشير – الرئيس البشير سحب مذكرة كانت تحت زجاج مكتبه فيها طلب من أمين حسن عمر أمين عام الوزارة بإحالة الدكتور أحمد عبد العال للتقاعد – تخيل البلد دى فيها كم واحد فى قامة أحمد عبد العال عشان يحيلوه للتقاعد – دا خريج السوربون – قال لى والله العظيم محتار أعمل شنو – الرجل فنان وإنتو عارفين ظروف الفن فى بلدنا – طلبت منه الجمعة القادمة أن يصلى بجوار شيخ حسن وينقل له ماحدث له – وقد حدث – بعد إسبوعين ثلاثة قابلته راكب سيارة حكومية كريسيدا بيضاء – قال لى عينونى مدير عام لمعهد الموسيقى – قالها وبنفس أخافنى – أهى وظيفة نتمسك بها عشان العيان ومن يومها ومشى فى النازل حتى توفاه الله – تخيل واحد زى أمين حسن عمر يفعل كل ذلك وتقول لى أنت كوز – والله يا إبنى مره فى كديسة أكلت عشانا كله كتلتها يمكن شهرين أنا معذب وخايف – تخيل لو قتلت زول أو فصلت زول من عمله حيحصل لى شنو وتقول أنا من الجماعة والله ديل الواحد فيهم يكون بيضحك مع زوجته وهو متزوج عليها فى السر وماتعرف إلا لمان جارهم لقى ولدهم ودران وجابوا بشنطة المدرسة عليها إسمه ولمان دخله عليهم إكتشفوا إنه ولدهم من إمرأة لايعلمون بها – وهكذا – أن تقول لأى شخص أنت كوز فهذه فى نظرى سبه لا تطالها سبه – إعتذر فورا عشان أتابع لك الموضوع – وطبعا فى حاجات فى جرابى لاتصلح للنشر
طبعا أنت حتخلى كل شىء وتمسك لى فى عبد الرحيم دفعتى فى الدراسة ودى حقيقة لا أنكرها والرجل قد يكون فيه كثير من التسرع ولكن أخلاقيا لن تقول عنه أى شىء ، فهو المنفذ الميدانى للإنقلاب ووجوده فى هذا الموقع لايعتبر صدفه والرجل عنده طاقه جبارة للعمل وقد إفتقده ضباط الشرطة بخروجه من الداخلية حين حول للدفاع وفى ضابط قال لى عبد الرحيم كان بينفذ برنامج تأمين سكن عائلى وسيارة لكل ضابط شرطه ولسوء حظى غادرنا للدفاع لمان الدور وصل لرتبتى – دا مش دفاعا عن زميل دراسة ولكنها حقائق وقد شاهدت عظمة المبانى التى شيدها بهيئة الأركان داخل القيادة العامة مبانى حولت تلك المنطقة لتكون شبيهه بأحد شوارع مانهاتن وأن كنت أرى أنها مبانى تنم عن ترف وبزخ لايتماشى وأحوال السودان الإقتصادية .. جميلة ورايعة ولكن ليس هذا زمانها ولا مكانها وكانت هذه المليارات أولى أن تحول لمرضى الفشل الكلوى والسرطان ياعبد الرحيم
جماعة الأخوان كان ترتيبها الثالث فى الديمقراطية الثالثة ونالت هذا الترتيب بخدعه من الترابى للناخب بأننا سنطبق الشريعة التى فشل الصادق والميرغنى فى تطبيقها – منحوه الفرصة وطرح مشروعه الحضارى – مشروع حضارة قناة النيل الأزرق واغانى وأغانى وأفراح افراح ونجوم الغد والرقص والطبل والزمر وتكريم الفنانين وكل من هب ودب عشان كده الإسلاميين لايرغبون فى عودة ديمقراطية حقيقية كسابقاتها الثلاثة لأنهم لن ينالوا أى صوت سوى أصوات جماعة التمكين التى لن تتعدى الألف الى الفي صوت
لا أحد يصدق البشير أو الترابى لو جاء يتحدث عن مشروع إسلامى والعرب تقول من جرب المجرب كان عقله مخرب

كلنا متفق على أن الجيش السودانى علمانى النزعة والمزاج
وأن آخر إنقلابين عبود 1958م ونميرى 1969م كانا لوقف مشروع نهج الصحوة الإسلامى لحزب الأمة القومى
كيف تمكنت هذه القلة من الأسلاميين للوصول للحكم عبر إنقلاب عسكرى أبيض ؟
هل مصر كانت فى الصورة ؟؟ طبعا مصر دائما واقفه لينا زى شوكة الحوت فى الحلق
تذكروا هذا الإسم جيدا – مصر العلمانية
وكمان تذكروا مبادرة السلام السودانية المعروفة باتفاقية الميرغني ــ قرنق في 16 نوفمبر 1988م والإخفاقات التى صاحبتها وكانت كلها تتلخص فى مطالبة قرنق للميرغنى بسحب برنامج الشريعة الإسلامية من بنودها والإسلام كدين لدولة وأن يتحول السودان بكلياته نحو دولة علمانية
حاول تذكروا أن المدة الزمنية بين إتفاقية الميرغنى – قرنق وإنقلاب الإنقاذ اقل من 8 شهور
كمان ماتنسوا أن الأمة ، الإتحادى الديمقراطى والجبهة القومية ثلاثتهم داخل البرلمان لايملك أغلبية ليمرر اى مشروع بمفرده
إئتلاف الصادق والميرغنى وكونا حكومة لتنفض وتتكون حكومة بإئتلاف الصادق مع الترابى
حكومات إئتلافية لجماعة إختلافية
ودا كان سبب فشل السيد الصادق فى دعم الجيش
الإخوان بقيادة الترابى أججوا نار الفتنة داخل الحكومة الديمقراطية الثالثة وكانوا سعداء بالهزائم التى كان يتلقاها جيشنا من المعارضه لشىء فى نفس الكيزان
مصر دخلت على الخط بصورة واضحه وبدأت الإستخبارات المصرية تخطط لحدوث إنقلاب بالسودان مستفيدة من وجودها بمنطقة جبل الأولياء مقر لرئاسة الري المصرى ( قلنا كانوا يسمونها المستعمرة مش الجبل ) وإنقلاب مصر سيكون الثالث لوضع العصا فى دواليب الشريعة بالسودان تحت برنامج نهج الصحوة – حزب الأمة حزب ذو نشأة إسلامية ومنذ حياة السيد عبد الرحمن والسيد الصديق كان يعلم أن مصر لن تسمح للسودان بإقامة دولة إسلامية تعيد مجد الإمام محمد المهدى عدو مصر الأول ..
الصادق المهدى – المجرب لدغة الدبيب يخاف من جر الحبل – عينه وعين إستخباراته على مصر وكل شىء مصرى – كشفوا منذ فترة إنقلاب المصريين وكان بقيادة العميد الزبير محمد صالح ( أحد المقربين جدا من الزبير قال لى ليس له أى علاقة بالأخوان والرجل فى الغالب ماخد الطريقة السمانية من مصر ومجند فى إستخبارات مصر عشان كده لمان تتأزم المشاكل بين مصر والإنقاذ البشير كان بيبعث بالزبير لمبارك – ويقال فى أحدى المرات كان يجلس مصطفى عثمان بجوار الزبير وإنتم عارفنه بيحب التحشر الذى تحشرك دا – مبارك قبل مايتكلم قمز عينه للزبير بأن بيننا غريب – فرد عليه الزبير بأن مصطفى من جماعته ومن يومها مصطفى ما صدق ليواصل التحشر ) وأذكر أن من كان مع الزبير فى حامية جبل الأولياء إبراهيم شمس الدين والعوض محمد الحسن وعبد الرؤوس حسن عبد الوهاب وآخرين لا أذكرهم ومصطفى عثمان من جماعة الأخوان وكان رئيس إتحاد الطلاب الأسلاميين ببريطانيا حين إبتعثه الشعب ليتعلم على نفقته وحتى الأن لا قلع لينا ضرس لا عمل حشو دا قلعنا كلنا وقعد مكاننا
ساعة الصفر لإنقلاب المصريين كانت تحديدا قبل ساعات من ساعة صفر إنقلاب الإنقاذ التى رتبت بمعرفة سابقه لتكون فى هذا التوقيت
الغرض من إنقلاب الزبير محمد صالح أن يسقط حكومة حزب الأمة لتأتى حكومة بقيادة الميرغنى تطبق إتفاقية الميرغنى – قرنق بدون شريعة والميرغنى لايملك أن يقول لمصر تلت التلاتة كم ، لأن الشخص الذى يعرقل هذه الإتفاقية هو السيد الصادق والصادق صاحب توجه إسلامى مع الجبهة القومية ( 55 مقعد ) وهى الأخرى صاحبة توجه إسلامى حيشكلوا اغلبية ويسقط مشروع الميرغنى – قرنق فتنفيذ إتفاقية الميرغنى – قرنق من داخل البرلمان لن يحدث
فكان لا بد من إنقلاب عسكرى يقلب الطاولة على الصادق والأخوان ويأتى بالميرغنى ويطبق إتفاقية الميرغنى-قرنق
خطط له وسينفذه ضباط مناحزين للإستخبارات المصرية و
إستخبارات حكومة الصادق كشفت الإنقلاب وكان الإخوان على علم به بل كانوا قد إشتروا موالاة ضابط كبار فى إستخبارات الصادق
بهدوء ودون ضجة حتى لا تسمع مصر بالأمر ، أدخل الزبير محمد صالح ورفاقه السجن العسكرى وتحرك الإخوان ولعبوا لعبة كبيرة مع جماعات تتقلد مناصب حساسة فى إستخبارات جيش الصادق ( رئيس هيئة الأركان بابو نمر ومعه زملائنا فى الدراسة تاور السنوسى وعبد الرحمن سعيد لم يكونوا من بين المتواطئين وكانوا خارج الإتفاقية ) ودليلى على ذلك أذكر أنى قابلت صدفة فى صيدلية بشارع 15 العمارات أخى اللواء الركن عبد الرحمن سعيد نائب رئيسة هيئة العمليات إمداد فى حكومة الصادق والذى لم ألتقيه منذ أيام الدراسة وورانى مكان بيته فى أمدرمان بجوار سلاح المهندسين وأتفقنا أن تتم بيننا زيارات أسرية ، لتأتى زوجتى لتقول لى أنت اليوم ماشى وين ؟ قلت ليها كلنا ماشين نزور أخونا عبد الرحيم سعيد ، فقالت لى لن تزوره . قلت لماذا ؟ قالت لى أنزل وشاهد التلفزيون ، البلد فيها إنقلاب ..
الفترة من 1972م الى 1989م دى حوالى 18 سنة حدث تغيير كبير مش وسط الضباط بل حتى بين الشباب خاصة بعد أن طبق النميرى الشريعة وأغلق بيوت الدعارة والبارات وحدث تحول كبير هذا التحول نلحظه اليوم فى سلوك أبنائنا ولا نصدق
الصادق دائما خارج الشبكة والأنصار ناس مزاج وضحك وأفراح وفرفشة وحسين خوجلى بسطهم بقناة أمدرمان وأغانى الحوارى– كانوا فى صبحية لمان حدث الإنقلاب – تخيل مسئول عن بلد تخوض حرب فى الجنوب قاعد فى صبحية ولمن لم يشاهد صبحيات الأنصار أقول ماشفته حاجه رش باللبن وحاجات كثيره لا تشاهدها إلا فى بيوت الأنصار
هذا الإنقلاب يقال أن من نفذه هو طاقم إستخبارات الصادق نفسه ويقال والله أعلم قد يكون قائد إستخبارات الصادق السيد / عبد الرحمن فرح واللواء / إبراهيم نايل إيدام على رأسهم ، والزبير وجماعته وهم فى الحبس فى شخص وصل ليهم رسالة مفادها أنهم كانوا هدف لتنفيذ إنقلاب لصالح مصر لألغاء الشريعة وتنفيذ إتفاقية الميرغنى – قرنق
الجماعة فيهم خيرة من الضباط المسلمين قالوا لو كنا نعلم لما خطننا ، ويقال أن إبراهيم شمس الدين كان كراع فى الطوف وكراع بره
هو من كشف الإنقلابين وهو من أقنع الإنقلابين بأن يتحولوا من إنقلاب مصرى علمانى لإنقلاب سودانى إسلامى
وقد حدث
جاء تشكيل مجلس قيادة ثورة الإنقاذ مشتملا على أسماء ضباط إنقلاب القائمة المصرية – خدعت حكومة مصر وخدع مبارك وكل المصرين وأرسل مبارك تهنئته وإعترافه بثورة الإنقاذ بل ذهب أكثر من ذلك حين طلب من عدد من الدول العربية بالإنقلابيين ومدهم بالمال والسلاح والآليات
وبعدين لمان ظهر الترابى من خلف الكواليس وقال أنا منفذ الإنقلاب وقلت للبشير ودينى لسجن كوبر وبعدين أمشى للقصى
وكان يقصد لفترة محددة وبعدين البشير يمشى بيته ويسلمها لشيخ حسن

عض مبارك أصبعه من الندم حتى قطعه

أنا ومعى الملايين من أهل السودان باركنا نظام الإنقاذ وكل من يستمع أو يقرأ البيان رقم 1 ولم يبارك الثورة يكون شخص غير طبيعى
أنا شخص طبيعى والمؤمن صديق ولكن من هو السبب فى تخلى الملايين عن مواصلة تأييدهم لحكومة الإنقاذ
أعيدوا قرأة البيان رقم 1 للبشير وستعروف أن نقطة ضعف الإنقاذ كان فى رئيسها عمر البشير
ليته فعل مافعل عبود وحول الترابى وكل جماعة كيزان الصفين الأول والثانى للإقامة الجبرية وحكم السودان منفردا دون تسلط او ظلم او دون قهر ولا صالح عام فقد كان البشير فى حاجة لشعب السودان وليس فى حاجة لشرذمة كيزان اضرت به وحولته للجنائية وصار مطاردا أينما ذهب
قرأ علينا بيانه الأول صباح الجمعة 30 يونيو 1989م صدقناه وبايعناه كذب علينا وشردنا للصالح العام وسلم السودان كله لفئة التمكين فى حزبه أزلونا جوعونا شردونا وحولوه للمحكمة الجنائية
قالوا لنا المؤمن لايكذب أهله قط صدقناه فكذب
قال ليس لى أى علاقة إلا بثلاث الله السودان الإسلام فصدقناه
فجاء ليقول أنا من جماعة الإخوان ومنظم وكمان قال أبوى مشى مصر وبايع حسن البنا
السودانى بطبعه بيكره إثنين الشيوعى والإخوانى
والسبب لأنها أفكار مستورده من مصر
جاء الترابى وكذب كل شىء وفضح اللعبة
قال قلت له قبل أن تذهب للقصر أرسلنى للسجن
نحن تحكمنا عصابة كذب منذ 24 سنة
عندما يتهمنى شخص زى الإبن ياسر بأنى أخوانى أشعر بغبن شديد لا لشىء سوى أنى لا أكذب والكوز يكذب
شفتوا صفوت حجازى وهو حالق ومصبغ بيقول ايه
ياما تسمعوا حاجات كثيرة لمان جماعتنا يحلقوا ويصبغواأنا لم أكن مع الأخوان لا فى مراحل الدراسة ولا بعدها ولا فى يوم القيامة لن أكون معهم لأننى إن شاء الله فى الجنة برحمة من ربى
لا أريد أن أكرر نفسى فقد ذكرت هذا الحديث فى أكثر من مقال ، فى كتاباتى بالصحف السودانية وعلى سودانيزأونلاين وعلى الراكوبة
تجمعنا فى أولى سنوات الإنقاذ قرابة 400 رجل فى صالة بنيت حديثا وعلى عجل لهذه المناسبة داخل حديقة ميدان عبد المنعم بالخرطوم وأدى كل منا القسم أمام المنصة وبدأ القسم الدكتور محمد محى الدين الجميعابى ( بتاع حاجات الحريم والكوندومز CONDOMS عشان البيغلطوا ماينجبوا أطفال والعياذة بالله ) على ما أذكر وآخرون من جماعة الإخوان أذكر منهم البهلول التقى البهلول وغيره – ملخص القسم مفاده بانك كنت تتبع لكذا – الجبهة – الأمة – الإتحادى – الشيوعى إلخ وأن ولاءك من اليوم للسودان والإسلام والإنقاذ فقط – ثم توزعنا على ماعرف وقتها بالمحليات – فى أول إجتماع لنا بمحلية الجريف غرب وسوبا – وقف أخونا التهامى ( من أعيان الجريف وصاحب شركة أدوية اسألوا عنه وأسألوا عن أخونا عبد المنعم محمد يس وقولوا لهم فى واحد إسمه سلمان قال كذا صادق أم كاذب ) قرأ علينا التهامى نشرة توضح المناصب القيادية بالمحلية من رئيس وسكرتارية وغيره ، فوقفت وقلت لهم من وزع هذه المناصب – قالوا قيادة الحركة الإسلامية – قلنا من هو قائدها – قالوا شيخ حسن الترابى – قلنا نحن أدينا القسم للإسلام والسودان والإنقاذ ، فمن أين أتت الحركة وما هو دخل الترابى ؟ الذين أحدثكم عنهم أقسموا بان ولائهم للسودان وللإسلام وللإنقاذ – والجماعة تجيد المكر والكذب منذ نعومة أظافرها – قال لى أحدهم نحن حين أقسمنا للإسلام كنا نعنى الحركة الإسلامية الحديثة – فهمنا أن الدور المطلوب منا كان دور المغفل النافع بماكان يعرف الحزب الشيوعى ( م.ن. ) قلت لهم وبصوت عال سمعه كل من كان بداخل مبنى المحلية ( أنا برىء منكم – فخرجت ولم اعد ) لم يخرجونى بقعر القفه – خرجت وكان إسمى من بين قائمة المنتخبين كمسئول المال والخدمات بالمحلية – لم يكن وقتها لدينا أى مال – أنا كنت أذهب لسكان المنطقة الاثرياء وهم يثقون فى شخصى جمعنا مال وأنا وقتها تبرعت بمبلغ ثلاثة مليون جنيه والبشير بنفسه لمان إستلم من الصادق لم يجد ثلاثة مليون وهذا المبالغ تم بها فتح حساب ببنك النيلين الرياض شارع المشتل يتم التوريد بإسمى أنا والسحب بتوقيعين اللواء رشاد مكى صادق وسلمان إسماعيل بخيت – خصصت تلك الأموال لنظافة المنطقة ( الطائف الفردوس والجريف وسوبا ) من السكن العشوائى للجنوبيين ورحلناهم لقرية إسمها دار السلام بالجبل وأزلنا بيوت الدعارة والخمور والمخدرات حتى جاءنا خطاب رسمى من رئيس القضاء وقتها جلال على لطفى عن طريق ضابط النظام العام يطلب منا التوقف لأن منظمات حقوق الإنسان قدمت شكوى – إنصعنا للأمر دون أن نقتنع به
فى ناس مش زينا نحن ، ناس من جماعتهم لمان عرفوا حقيقتهم تركوا لهم السودان وهاجروا معانا وأذكر منهم الأخ عبد المنعم محمد يس وناس كثيرين لم يعجبهم توجه الجماعة منذ العام 1990م وكانوا يتنبأون لهم بهذا المصير المظلم والعياذة بالله –
يا إبنى أنت قلت ( وطلعوك بي قد القفه ) وسأسرد لك واقعة أخرى بعد أن خرجت من إجتماع المحلية الذى وزعت فيه المقاعد من رئاسة الحركة الإسلامية خرجت وفى كيزان مغضوب عليها من شيخ حسن مابحبهم لأن شيخ حسن لو كان الكوز شين الرجل حساس ومرهف مابحب الشينين برضو خرجوا وحاجات كثيرة لايتسع الوقت لذكرها
الحادثة الثانية جاءت بعد هذه مباشرة بأيام ، حيث طلب منى الحضور صباح جمعة ما من تلك الفترة بمزرعة سلسبيل الخيرية دون أن أعرف من هو الداعى وماهى أسباب الدعوى ، علمت فيما بعد أنها لتكوين أمانة المؤتمر الوطنى بالجريف غرب سوبا وبعد أن رفضت منصب بالمحلية رشحنى عدد من الشباب أذكر منهم الإبن ناصر أبو القاسم لمنصب أمانة الجريف ، ففوجئت باقباط وجنوبين مسيحين ولا دينين فقدمت إعتراضى لرئيس الجلسة دكتور مجذوب الخليفة الذى أبلغنى بأن المؤتمر الوطنى هو حزب جامع لكل الكيانات – إعترضت فخرجت طائعا مختارا ولم أقع من قد القفه كما جاء بتعبيرك ، فالجماعة كانت تسعى لضمى إليها لا لأى شىء سوى أنى أمتلك قدره كبيرة فى الإقناع لأى مشروع يطرح للتنفيذ مع قدرة هائلة لجمع المال من مالى الخاص وشخصيات مقتدرة ماليا كانت تعيش معنا وحولنا فى احياء الطائف والفردوس شمال والجريف غرب كما ذكرت وكان من يدفع مليون فى تلك الفترة وحول بيته سكن عشوائى وخمور يجدها قد زالت فى أقل من 24 ساعة من تسلمنا للأموال كنا لا نحولنا لجيوبنا بل كنا ندفع من جيوبنا أضعاف مايدفعون وأكثر الذين ساهموا معنا أذكر الشيخ عبد السلام الخبير وأخيه عبد القادر وبابكر ود الجبل وأناس كثر فاضلون اسهموا فى إزالة أكبر بؤرة للجريمة فى تلك المنطقة وحقيقة أنا كنت صاحب مصلحة عندى 3 من البناء أكبرهم فى الصف الخامس يريد أن يلعب فى الشارع والشارع ملىء بالخمور والمخدرات والدعارة كان لابد أن أنضم لهذه الجماعة لأسهم فى نظافة منطقتى ، نجمع المال ونزيل السكن العشوائى بترحيل عائلات جنوبية لمنقطة جبل أولياء ونحارب البيوت التى توجد بها الخمور والمخدرات وقد ابليت بلاءً حسنا فى هذا المجال مع أخى قاضى النظام العام ( صديقى سابقا ) عبد الحليم العركى ( فقد إنقطعت صلتنا ببعض منذ سنوات فله حبى وتقديرى رجل محترم من الطراز الأول ) فلنا سويا مجاهدات عديدة فى الشهور الأولى للإنقاذ فى مجال بسط الأمن الشامل والشرطة الشعبية والمحاكم الناجزة فكانت لديه محكمة فى خيمة جنوب القسم الشرقى مباشرة بينما أخونا الرائد هاشم العوض قاضى محكمة السوق الشعبى يأتى ويقدم لنا يد العون لأن منطقة الرياض الطائف الفردوس المنشية والجريف وسوبا كانت قبل الإنقاذ وكر لكل شىء سىء وهذا ماجعلنا نعتب كثيرا على حكومة السيد الصادق الذى يحكم ويعيش بين أتباعه فى أمدرمان ولا شىء يربطه بالخرطوم وسكانه وقد تذكرون أن الشهور التى سبقت إنقلاب الإنقاذ خاصة الثمانية أشهر بين تاريخ إتفاقية الميرغنى-قرنق وإنقلاب الأنقاذ الجنوبين كلهم كان عندهم علم بأن ترتيبات تجرى لحدوث إنقلاب سيأتى بقرنق فبدأت أعمال التحرش بالشمالين فى ظل غياب هيبة الدولة غياب تام – كنت أملك كافتيريا إسمها البرستيدج بالسوق العربى غرب كلوزيوم – نادانى مديرها وقال لى الشابات الجنوبيات ديل ومعاهن ولدين أكلوا وقالوا مش حيدفعوا الحساب – مشيت نحوهن وسألتهن ليش ماحتدفعوا الحساب قالت لى خلاص هانت قرنق جاي الخرطوم وحيدفع لك القروش – جريت لعربيتى عندى مسدس مليته 9 طلقات وقلت للزبائن اللفى الكافتيريا تعالوا جاي عشان ماتجيهم طلقه طايشة – أول ماجريت التدق وصوب عليهن المسدس قال لى حسابك كم ؟ قلت ليها 270 جنيه . قالت الولد قال ليك 70 بس قلت ليها 70 حق الأكل و200 حق قلت أدبكم وعشانوا تمرقوا حيين ، والله الجنوبيه دى فتحت شنطة اليد شفتها شايله كل أنواع العملات العالمية أنا كنت فى السعودية ماشفتها – بعدما إنفض المولد بتاع الحدث أديت الكفاتيريا 70 ودخلت فى جيبى 200 فى واحد متعاطف معاهن لكنه جبان قال لى دى مو سرقه قلت ليهو لا قلع ونحن فى شرعنا القلع حلال إنت ما بتقرأ لى ودضحوية – جاء واحد وقال لى أريتك البارح أكان كنت معنا فى بص ... والله واحد جنوبى طلع ... لبت سودانية .. قلت ليهو وإنتو عملتو شنو .. قال لى ماعملنا حاجه .. أكان ما خفت الله كنت عاوز أفض المسدس فيهو
دا الجو العام فى الخرطوم بل فى السودان كله - قبل ماتجى الإنقاذ – قرنق سرب وسط جماعته أنه داخل الخرطوم داخل الخرطوم – قد يكون حربا للأحوال التى كان يعيشها جيشنا فى تلك الفترة – أو سلما لو نجح إنقلاب المصريين وجاء عمكم الميرغنى المابيقول لا عمره – والميرغنى وقرنق حيحكمان السودان – الشعور دا جعل الجوبين يتصرفون تصرفات مخلة بالأداب ومستفزة للشمالين ، فمره كنت ماسك خرطوش المويه وبسقى فى شجر الشارع مر بجوارى بنيتن جنوبيات قالت لزميلتها لمان قرنق يجى أنا عاوزه الفيلا دى خليهو يسقى شجرة ، رديت عليها فورا بالرباطابى ( والله حتى ماتقولى لينا شهرين بلا خدامة )
لا أخرج من بيتى فى تلك الفترة إلا والمسدس تحت مقعد السيارة والسكين سونك بندقية مكسو بالجلد – كنا دائما إستناد باي –
الإنقاذ كانت فعلا إنقاذ لو أن البشير عمل ماعمله عبود – عبود الناس السلموه الحكم – حولهم للإقامة الجبرية – البشير كانت تنقصه الجرأة والشجاعة لو لم شوية الكيزان ديل وقفلهم فى فلتين تلاته ووضع عليهم حرس وتوجه نحو أهل السودان لأزروه ونصروه ولكنه أخطأ خطأ كبيرا حين سار وراء الترابى ومن بعده على عثمان – شوف ودوه للجنائية هو وصحبه وهم بريئين – هل البشير لوحده المسئول عن الذى حدث فى دارفور – أكيد لا فالترابى شريك فى كل شىء
كنا نعمل بإسم الوطن فأيدناهم وهم يضمرون لنا السوء ويعملون بإسم تنظيمهم فجنينا الخير الوفير وجنوا الخصرم
خلاصة القول أنا دعيت لأدخل فى القفه مرتين وهربت لعدم قناعتى بها ولم أخرج بقد القفه وانا مش أبو القدح تأدب ياياسر
والسلام
سلمان

United States [ياسر عبد الوهاب] 09-14-2013 11:17 PM
وحاتك يا عم سليمان ورغم اني لا زلت اعتقد انك كنت منهم..لكنهم ابعدوك لسبب لا ادريه. وطلعوك بي قد القفه...ثم عوضك الله خيرا...ولم تغفرها لهم....لكن هذه المره...ما قصرته.. افحمت الطفل المعجزة..اكرر قولي انو ابو القدح بعرف يعضي رفيقو..من وين..
اتمني- مخلصا- ان اكون قد ظلمتك في حكمي عليك.. وليغفر الله لي..ان كنت انت صادقا..


#766047 [مغتربه ومكتويه بنار البلد]
3.00/5 (1 صوت)

09-14-2013 09:30 PM
والله البلد ما دام انت واحد من قادتها عليها السلام ,السرقه والشحده والكذب والسمسره وبيع الوطن شى طبيعى فيها والعايز يعرف حالكم يشوف اولادكم بالليل فى المطاعم فايف استارس بالليل وهم بعملوا الطلبات باللغات الاجنبيه وبدفعوا فواتير الواحده تعيش اسره من متوسطى الحال فى بلد الحراميه لمدة شهر وتعال شوف العربات والبنات حاجه تكسف اى صاحب ضمير
والان بعدما نشفتوا البلد عايزين تورطوا ناس المعارضه المساكين عشان تتموا بيهم الجرتق وتقولوا ددرسنا وقررنا وهو ذاته خلاص فنتوا مافى شى تعملوا غير الشحده


#766023 [توني]
0.00/5 (0 صوت)

09-14-2013 08:52 PM
فضلنا تحمل الاثار السياسية على تدمير الاقتصاد هههههههههههههههههههههه
ياخي دي قوية عديل هو وين الاقتصاد ووين السياسية سياستك قطر والسعودية لعمرة ناي اي بلد قاعدين تمشوا يا اثيوبيا او ارتريا ياتو مسئول سافر قريب برة السودان من غير دول الخليج يا جماعة والله ناس الكيزان ديل عملوه في نفسم وفينا بدخول الاجانب هم الفقروا البلد وطلعوا صليب الاقتصاد الحبش الذات والبنقالة الحبش تلقي الحبشية في اي زاوية فاتحة شاي والقرش البتمسكوا ما بطلعوا عشان كدا البلد مافي تداول وهم القلطوا دخلوا الناس ديل


#766007 [emad alawad]
0.00/5 (0 صوت)

09-14-2013 07:56 PM
لا نقول إلا حسبنا الله ونعم الوكيل فيكم ياشرزمة الإنقاذ النتنة .. لكن والله هذا الشعب يستاهل أن تفعلوا فيه ماتحبون (( شعب جعان لكنو جبان ))


#765999 [إكون من شنو؟]
5.00/5 (1 صوت)

09-14-2013 07:43 PM
يظهر الزول ده الشحدة عامله ليهو عقدة من زمن طفولته المشرَّده.


#765976 [محمد]
4.00/5 (1 صوت)

09-14-2013 07:04 PM
تشحدو ما تشحدو دى حاجه متروكه ليكم يا شحاديين


#765955 [cour]
0.00/5 (0 صوت)

09-14-2013 06:21 PM
صحيح نحن شعب ابن كلب والا ما هو مكتوب ليس بحديث وزير . ماهذا تهريب وعملا وطابور وشنو مش عارف


#765926 [Kori Ackongue]
0.00/5 (0 صوت)

09-14-2013 05:38 PM
Sudan is getting into US$.51,000,000,000 as debts on the neck of the Sudanese, this and more the fifteen coming gnereations. Where have you taken this very huge hard currency amount if we can exclude only US$.9,000,000,000 from you before time of jumping on the seats of democracy in 30th June 1989??? Please Omer Al Bashir and His Successive Cabinets the dead and the lile onece you need to answer this question first before any cleaning hand on the subsidies that without them or true alternatives Sudan is not longer Sudan???!


#765911 [ابوراس كفر]
5.00/5 (3 صوت)

09-14-2013 04:57 PM
تانى رجعت لسيرة الشحدة ياعواليق؟
كدى ورينا انت كيف اصابك سل العظام وانت طالب مبعوث "فى الزمن الجميل" من حكومة السودان ياقيحة ياواطى ؟ كنت بتلم وبتخم فى قروش البعثة لابتاكل كويس ولا بتلبس كويس ولا ساكن كويس يا قيحة ياقحط يامقحط لمن حيرت الناس الحولك كيف يصيبك سل العظام وانت اى شىء متوفر ليك
لكن نقول شنو ماهو ولى نعمتك ابورجلين مكعوجة من الجرى وراء الطارات لبيت جالوص فى كوبر جاء احتل واستعمر كافورى الحتة الابوه كان بيحلب فيها البقر ويجيب ليهم منها بقية الكرتة
لعنة الله على على كرتى ابو بنطلون وقميص واحد طيلة دراسته بقانون الخرطوم

تقولى شنو وتقولى منو؟


ردود على ابوراس كفر
[معاني من الغربه] 09-14-2013 05:52 PM
والله السبب الخله البلد وصلت لده كلو ناس الصادق وغيرم من الماكلين حق الناس اكتر من الاكلوه ناس مصطفي وغيرم


#765907 [Sinnari]
0.00/5 (0 صوت)

09-14-2013 04:38 PM
الشحده دي عقدتك يا بروس يا عديم الأصل.
أمصع زي ما عايز مادام هذه معارضه.
وين المعلقين الكيزان أمثال الزعيم و أبو الشيماء؟؟


#765863 [abusafarouq]
5.00/5 (1 صوت)

09-14-2013 03:04 PM
الوزير فى حكومة البشير يمتهن كل المهن ويكون كمان خبير ومحلل
فى كل شيىء طول العمر فى الوزارة يعلم الوزير كل التمثيليات ويبقى زى حمار موزع اللبن فى كل باب يقيف براه. والطفل المنغولى عملوه وزير مالية والاقتصاد السودانى أم هو لسع وزير ألمجلس الاعلى للأستثمار حيرتونا ياجماعة كل واحد يترك مكان أختصاصو ويفتى فى أى حاجة ومن خلاصة كلام الوزير هو يبكى على فقدان روانب موظفى الحكومة لكن من يدفع للمواطن راتب كى يشترى البنزين بالسعر الجديد وبعدين ماعارفين البنزين من متى كان مدعوم من الدولة أصلا أم كلما فكرتم بزيادة شيىء إنها كانت مدعومة طيب سعر اللحم والفحم والخضروات والفواكه والاسمنت وكل الارتفاعات التانية دى برضها كانت مدعومة؟مبرر الزيادة هى بين: (كانت مدعومة ) والله يا وزير السجم أمش شوف شغلة غير السياسة لأنكم وديتو البلد الى الهاوية السحيق بتصرفاتكم الغير المسؤلة السباك خباز.


#765836 [wed alsroor]
4.00/5 (2 صوت)

09-14-2013 02:17 PM
عليكم الله شوفو الناس المابتخجل دى صحى الاختشو ماتو انتو مدام غلبتكم ما قادرين تديرو دفه البلد هى خلوها للناس البقدرو عليها حواء السودانيه واااالده احسن منكم واشطر منكم وافهم منكم فى كل المجالات بعدين جمهوريه السودان دى دوله وطن بلد لايمكن ان يدار بهذه الطريقه الرخيصه تطلع وتصراح انكم حا تشحدو لوما رفعته الدعم يعنى اكانكم بتديرو نادى رياضى ااو جمعيه تعاونيه هههههههههههه دمعقول دا اسلوب وطريقه حكومه دوله هذا زمانك يامهاذل فمرحى عشنا وشفنا كيف يديروك ياوطن ياغالى يعالى يا سودان الله لاكسبهم خير


#765818 [صديق]
0.00/5 (0 صوت)

09-14-2013 01:52 PM
الضحكة الخنيثة بتاعة السطلجية دى مع الخدود المنتفخة ولامعة مع العيون المدفنة ، دى متأكد تكون من سجارة قوية . كمان بقوا يسطلوا بمال الشحدة البى إسمنا . لعنة الله عليكم يا فجَّار .


#765816 [أبوفارس]
4.75/5 (3 صوت)

09-14-2013 01:49 PM
كان خليتوا السرقة والاختلاسات وتبديد المال العام في مخصصاتكم الماعندها حد والله ما بنشحد ..,,


#765797 [؟]
3.00/5 (2 صوت)

09-14-2013 01:15 PM
انا ما عارف الناس دي بتكلموا على نفسهم ويدخلوا معاهم الشعب السوداني بصيقة الجمع ، هو الشعب دا رضع حاجة عشان تفطموا وترجعوه لمرحلة ما قبل البترول ، بس كثر خيركم رجعونا ذي ما كنا زمان قبل 89 نبيت في صف البنزين وصف الرغيف .. ونشحد، كان لسع عندنا اخلاق وكرامة..!

نحن بنقترح تكوين لجنة من وزير الاستثمار ووزير المالية ووزير العدل والمراجع العام ، اي زول لهط واكل ولحس قروش من اكبر حرامي حتى اصغر حرامي ، الشعب السوداني بيديهم الامان ويعفيهم بشرط يجيبوا القروش اللهطوها ويسلموها ، يعملوا ليهم (( التمويل الاكبر )) ، وكل واحد يسلفوه بدون ضمان بحيث لايتجاوز الدين المبلغ الذي سرقه ، ويخلوهم يعملوا مشاريع داخل البلد بس ، ولما الواحد يرجع القروش بالاقساط ، يدوهوا قرض مفتوح يشتغل والربح %50 ليهوا و%50 للشعب ، والما لقوا عندوا قروش ولا صرفها ساكت ولاماقدر ينجح مشروعوا ، على طول يودوهم الزراعة المطرية مافي اي معدات ، كدنكا وطورية يزرع ويحصد نمن يكفي قروشوا او قدرها حتى يفكوا.


#765750 [المشتهي الكمونية]
4.75/5 (5 صوت)

09-14-2013 12:09 PM
الحكومة حاشاها الشحدة ، أحسن يشحد الشعب لأنه متعود على الشحدة من زمان ، دا مش رأيك القلتو قبل كدة؟ أحسن نشحد نحنا ونديك عشان تكبر بيها جضومك


#765707 [Alii]
5.00/5 (1 صوت)

09-14-2013 11:34 AM
على ما اعتقد الاجراءات لن تغني الحكومة من الفقر بل ستزداد فقراً تحول الناس الى منافقين ومتملقين للحكومة ليس من اجل برنامج الحكومة بل للهط وملئ البطون فأنزل الله الفقر على الحكومة(آية للناس) وكلما ازداد جحافل المتملقين والمنافقين للنظام كلما ازدادت الحكومة فقرا حتى صارت من أفقر حكومات العالم.. بأيديهم ضيعوا الثروة التي وهبها الله للبلد وأعطوها لفئة قليلة من الشعب ربنا وضع هذه الثروة في هذه المنطقة لكل الشعب على أساس إنه بلد واحد وما حدث يعتبر كفر بالنعمة.. الحل في أن الحكومة أولا والناس ثانياً يعودوا إلى الله


#765693 [ود البلة]
0.00/5 (0 صوت)

09-14-2013 11:13 AM
شباب اريد ايميل طه سليمان او موبايله ضروري جدا تحياتي للجميع


#765689 [كاك]
0.00/5 (0 صوت)

09-14-2013 11:09 AM
ايهما اكرم لك يا دكتور ان تكون الحكومة شحاذا ام الشعب السودان كله وبعدين يا دكتور الشحد دي كيف اذا كان ديون الدولة اكثر من 40 مليار الرقم دة صار بالشحدة وبعديد من ترك عادته قلت سعادته وان متاكد لو رفعتوا الدعم حتقل سعادتكم


#765683 [الدش]
0.00/5 (0 صوت)

09-14-2013 11:01 AM
لو ما طبقناها يعنى نشيل قرعتنا كل مرة نشحد" ، ونبه اسماعيل ان الحوار مع القوى السياسية هدف لايجاد داعمين للقرارت ( خاف الله يارجل ومنذ متى والانقاذ لا تشحد انتو الشحدة هي حياتكم وكذلك التملق - وبعد ان عرفت حقيقتكم اصبحوا المانحين لا يعطوكم شيئا - اتقوا الله في هه الرعية التي تحت ايديكم سيسالكم الله عنهم يوم القيامة ؟ ( ربنا يمهل ولا يهمل


#765668 [lwlawa]
5.00/5 (1 صوت)

09-14-2013 10:43 AM
طبعا مبسوط أب جضوم وعيوناً مدفَّنات ..؟؟..لأنو لو بقت على الشحده فهذا تخصصه (الشحات الدولي) بلا منازع..؟؟


#765648 [جركان فاضى]
4.00/5 (1 صوت)

09-14-2013 10:27 AM
والسؤال:لن تنحل المشكلة برفع الدعم ..فماذا انتم فاعلون؟ علما ان الشحدة كملتوها


#765644 [ابواحمد]
0.00/5 (0 صوت)

09-14-2013 10:23 AM
طيب دا قلع عدييييييييييل من المواطن الغلبان دا


#765625 [تايسون]
0.00/5 (0 صوت)

09-14-2013 09:54 AM
دى اسمها قلنا الروووووب انت اكبر شحاد فى حكومة الانقاذ كل يوم و اليوم التانى جارى قطر تشحد

قال شنو ؟

فضلنا تحمل الاثار السياسية على تدمير الاقتصاد

الاقتصاد دمرتو انت واخوانك الكيزان ديل حرامية ما عندكم ضمير


#765623 [بريش منصور]
3.00/5 (1 صوت)

09-14-2013 09:49 AM
الولد ده الشحات إبن الشحاتة آخر ابتسامات وضحك وهو يجلس فى وسط (العقالات الخليجية)...وأنا أستغرب على ماذا يضحك هذا العبيط ؟؟؟ هل يضحك على خيبته وخيبة حكومته التى لم تستطع إنقاذ شئ!!! أم أنه يضحك على دقون الشعب المغلوب على أمره !!! هل هذا الخبر وهذا الحديث الذى أورده هذا الطفل المدلل مصطفى اسماعيل يستدعى منه كل هذا الضحك؟؟؟ وهل تركوا لنا شيئا فى هذا السودان يستحق الضحك؟؟ وهل هناك ما يضحك فى هذا البلدالمتهالك؟؟؟ يا أخى خذ من أخوانك المتعافى ولحس الكوع وأمين حسن عمر ووالى الخرطوم وووووووو..... نصف ما نهبوه وضعه فى الخزينة العامة سينصلح الحال ولكن هذا الشعب المغلوب ليس عنده ما يعطيه، كفاية مص للدماء!!!!


#765620 [Fato]
0.00/5 (0 صوت)

09-14-2013 09:47 AM
الشحدة فضلة خيركم ياوزير الشحدة.أنتم فضحتونا وسط العالمين بشحدتكم وماتركتم باب للشحدة ما طرقتوه,أذا كنت تقصد أن تتحملوا الجوانب السياسية فى موضوع الدعم هذا (المظاهرات وكده)يعنى تعنى بصريح العبارة أنكم لستم خائفين من غضبة الشعب ففى هذه معك حق لأن الشعب أثبت لكم خوفه وجبنه ولكن مكانكم كان أن يرميكم هذا الشعب الطيب فى مكبات الزبالة.المعالجة للأزمة الأقتصادية الخانقة هى أن ترجع كل الفلوس التى نهبتوها من رئيسكم لأصغر وأحقر لص فيكم وهذه هى المعالجة.


#765607 [دوشكا]
0.00/5 (0 صوت)

09-14-2013 09:17 AM
دمرتواأقتصاد السودان باإختلاساتكم القذرة يا حرامي يا بتاع الاستثمار ثم ثانياً وينى قروش الاستثمار الكل يوم طالع ونازل أستثمار استثمار والله المفروض يعلقوا في ميدان ابو جنزيرة والشعب يشوف شغلوا يا معفن وعلى فكر الشعب السوداني عندو كرامة وعزيمة النفس امشى اشحد في دول الخليج أصلا أنت شحادة
حاشاك ياسودان أنت تسقط بيننا فليسقط الخونة والمتاجرون بأسم الدين .


#765599 [عادل الامين]
4.00/5 (1 صوت)

09-14-2013 08:55 AM
البصيرة ام حمد قالت ليكم
الغو الولايات ورجعو الاقاليم وينخفض الصرف الى الخمس 20% من 25 ولاية الى 5 اقاليم
وكل مدرس او طبيب او مهندس كوز يرجع لوظيفته العادية
واستعادة الاقاليم قبل انهيار الولايات احسن ليكم
لانه بعد شهر عشرة واستفتاء ابيي...حتواجهو الاسوا


ردود على عادل الامين
United States [مواطن] 09-14-2013 10:08 PM
بالفعل هذا هو الحل المنطقي .. وأضف اليه ارجاع كل مليم تم نهبه من تجار الدين ..ثم بعد
ذلك حظر حزب الكهنة من العمل السياسي ....


#765565 [كبسة]
5.00/5 (11 صوت)

09-14-2013 06:33 AM
يعنى الواحد يعمل خروج نهائى للشغالات الاندونيسيات والمربيات الفلبينيات والسواقين الباكستان ويقفل المؤسسة ويسفر كل العمال الاجانب ويرجع زول ساى زي زمان ههههههههه صحى الفطامة صعبة


ردود على كبسة
European Union [emad alawad] 09-14-2013 07:48 PM
والله أنت عسل شديد .. نفس الكلام الكنت ناوا أقولوا .. والله العالم دي حيرتنا وشككتنا في نفسنا دي


#765507 [المتفائلة جدا]
4.87/5 (10 صوت)

09-14-2013 01:11 AM
الفطام الصعب على منو يا شحات
يا أب جضيمات ممسحة بزيت اللقيمات
وينو البترول ووين العائدات
منو اللهف فلوسه والمليارات
بعد مابلعتوهوا برضو ماكفاكم
ولما ماإتكفيتوا من اللهف واللغف
قبلتوا على الشعب بعتوا أرضه
وإستبحتوا عرضه..وقلتوا عليه شحات
ونعتوا إخوانا فى الجنوب بالحشرات
ورجعتوا إنبطحتوا للحشرات
عشان البترول وطلعتوا بحبة قريشات
لكن لقيتوهالا تغنى ولا تسمن من جوع
بعد ده ما فضل شىء يتباع
رجعتوا تانى شلتوا القريعات
يا شحادين وجاى تقول الشعب هو الشحات ؟؟
إنتوا الصعب عليكم الفطام من الكراسى.. ومن الوزارات
من الملايين والمليارات..والعقارات والعمارات
والإستثمارات ..
الشعب السودانى حاشاهو ماشحات
تلته هج وفات وتلت إنغمس فى وحلكم وبقى ياخد أتاوات
والتلت الأخير ساكت وفى نظركم ناس هوينات
فتوا الحديا شحات يا أب جضيمات ممسحة بزيت اللقيمات
ليكم يوم يا شحات..
بركة الطير ناس مرسى من الكرسى يطيركم مثل الحشرات


#765503 [Rashid]
4.25/5 (3 صوت)

09-14-2013 01:02 AM
يا إخوانا اليابان بعد 19 سنة من ضربها بالقنبلة الذرية نظمت أولمبياد العالم طوكيو 64 أنتوا فى رأسنا ربع قرن ماشفنا منكم آلاء الذل والهوان كفايه سلموها لغيركم الفشل ماعيب لكن العيب الاستمرار في الفشل والعناد شوفوا العناد عمل شنو فى أخوكم مرسى انتهى من إخوان الشيطان في مصر إلى الأبد لانوا ببساطة كل الإسلامين ما عندهم رؤيه مابعد الوصول الى السلطة وكل التجارب أثبتت ذلك لو كنتوا اسلامين اعملوا في ألدعوة الي الله وسيبوا السلطة لكن أنتوا حرامية وتنظيمكم اصلوا يستمد قواعده من الفقراء والجهلاء


#765496 [الصادق صديق الصادقين]
3.75/5 (3 صوت)

09-14-2013 12:49 AM
" لو ما طبقناها يعنى نشيل قرعتنا كل مرة نشحد"
بما أنني من الشحادين، شاحد الله تلجأ لمستشفى التجاني الماحي يا رب يا مجيب


#765489 [شمشون]
3.50/5 (2 صوت)

09-14-2013 12:15 AM
أسباب الإنهيار الإقتصادي في السودان:
1- الفساد الذي بلغ صفر% في عهد الإنقاذ.
2- سياسة التمكين والصالح العام.
3- الحروب وتجار الحروب.
4- تخصيص أكثر من 80% من ميزانية الدولة للأمن والشرطة لقمع الشعب والمحافظة علي كراسي السلطة ( يعني مافي تنمية ولا إنتاج)
5- الفتن القبلية التي أشعلتها الحكومة وتسليح القبائل ( سياسة فرق تسد ).
6- التجارة بالدين وأكل أموال الناس بالباطل ( سوق المواسير).

وهنالك المزيد من الأسباب التي لا تخفي عليكم.


#765470 [عسولة]
3.50/5 (2 صوت)

09-13-2013 11:36 PM
والله والله لو عاطفة منكم ما دايرنها وانتو حكمومة احقر من الجزمةلكم يوم يا أكلي مال الشعب المغلوب علي امره ... راجين فيكم ربنا


#765461 [habani]
3.50/5 (2 صوت)

09-13-2013 11:12 PM
ياجماعة الناس مستنية شنو ؟؟

والله فااااااااااااااااااااااض بينا
ماف حل غير الناس تطلع الشارع .. الشارع


ردود على habani
United States [ابو عبده] 09-14-2013 01:48 PM
ياخوي الحل في انو الناس ماتطلع من اساسو ..
كل مواطن يلزم بيتو أصلاً الشغل بقة مابغطي, لو كلي واحد اعتكف في بيتو لي مدة شهر بس الحكومة براها حتستسلم وحتقول الرووووب عديل كده. يعني ذي مابقولوا اعتصام مدني كل واحد يلزم بيتو والكلام ده يكون نهاية الشهر يعني بعدي ماكلي موظف يصرف الفتافيت فتاعتو يبتدي الإعتصام والله صدقني دي اسلم طريقة لتغيير النظام .. ولا مش كدة ..؟


#765456 [المتجهجه بسبب الانفصال]
3.50/5 (2 صوت)

09-13-2013 10:59 PM
23 حتى الكلام ما اتعلمتوهو فيها ،، اقتصاد شنو الفضل عشان تنقذوهو


#765453 [الیاس حمد]
4.00/5 (3 صوت)

09-13-2013 10:48 PM
بدلا من الضغط علی الشعب السودانی المغلوب علی أمره، لم لا تبدأ الحكومة السودانیة بإقتطاع ذلك من المرتبات الفلكیة للشخصیات السیادیة للوزراء و الشخصیات السیادیة فی الحكومة السودانیة. و لماذا لا یبادر وزیر الاستثمار الدكتور مصطفی عثمان اسماعیل و القیادی بالمؤتمر الوطنی بإقتطاع ذلك من مرتبات السفراء و الدبلوماسیین و الملحقیات العسكریة فی الخارج، و الذین یتقاضون مبالغا طائلة لا تتناسب و الظروف الإقتصادیة الحرجة التي یمر بها السودان، و لا تتناسب أیضا و العمل الذی یقومون به. و أیضا الشخصیات السیادیة في السودان و التی تتمتع بإمتیازات لا تتناسب و الوضع الإقتصادی الحرج للسودان بعد إنفصال جنوب السودان عنه.


#765438 [غيور على بلده]
2.00/5 (2 صوت)

09-13-2013 10:24 PM
كلام عجيب وغريب هذه مشكلتكم انتم يا افاقين ما هو زنبنا نحن حتى ندفع ثمن أخطاؤكم
نحن مواطنون في الدرجة الأولى يعني بإختصار شديد انتم في هذه المناصب لتخدموا المواطن اي كان بالطريقة التي يراها هو. ليس العكس
اما إذا صعبت عليكم المسؤلية ما عليكم إلا ان تتقدموا بإستقالتكم مع الإعتزار للشعب
هذا هو الشي الذي يجب ان يبقى
نحن شعب تحملنا كل أخاؤكم على امل الإصلاح ولكن قد طفح الكيل وحان دورنا لتعرفوا من هو الإنسان السوداني
فقط حاولوا تطبيق هذه الجريمة النكراء في حق الشعب السوداني
وهذه رسالة اضمن لكم من خلالهاردة فعل لكل احساس سوداني عانة منكم ومن قرارتكم الإرتجالية الرعناء
ولاء عزر لمن انزر


#765417 [osamabasheer]
1.00/5 (1 صوت)

09-13-2013 09:28 PM
فليشحذ بعيد عن السودان ولن يمثلنا نظام غير وطنى وحزب وضيع ؟ وسوف نقتلع هذا النظام الفاسد ولن يكون لحزبه نصيب فى مستقبل السودان فليذهب الى الجحيم


#765407 [متسكع]
4.00/5 (3 صوت)

09-13-2013 09:09 PM
ياجماعة الزول ابو خشم معوج ده قصته شنو مع الشحدة باين عنده عقدة منها يكون تاريخة شحاد


#765387 [هميم جابر]
1.00/5 (1 صوت)

09-13-2013 08:36 PM
هذا النظام سيشحذ حتى مع رفع الدعم، هذا إن استمر بعد رفع الدعم وأسأل الله أن يرفع هذا البلاء المسمى بالمؤتمر الوطني عن السودان والسودانيين اليوم قبل الغد! هذا الفاشل يقصد أن عدم رفع الدعم سيدفعهم إلى مزيد من شحذة الدولارات واليوروهات والريالات والدراهم بمسميات القروض والمنح وإدخالها في جيوبهم بعد أن يسجلونها ديوناً على الشعب المبتلى بهم. جماعة البشير قد أدمنوا على الدولارات والعملات الصعبة الأخرى والحصول عليها دون أن يقدموا مقابلها شيئاً وعلاجهم سيكون في إزاحتهم عن المسرح السياسي ومحاسبتهم على كل الفساد الذي عاثوه في السودان والذي يريدون زيادته بزيادة أسعار المحروقات أحرقهم الله جميعاً كل بقدر فساده


#765381 [هميم جابر]
1.00/5 (1 صوت)

09-13-2013 08:23 PM
هذا النظام سيشحذ حتى مع رفع الدعم، هذا إن استمر بعد رفع الدعم وأسأل الله أن يرفع هذا البلاء المسمى بالمؤتمر الوطني عن السودان والسودانيين اليوم قبل الغد


#765378 [كوكاب]
2.50/5 (2 صوت)

09-13-2013 08:10 PM
ياجماعة الزول التليفة ده انا داير اعرف البخليهو يضحك شنو ؟واذا اصلا في شيء مضحك لماذا لا يضحك معه الذين يتوسطهم ؟ قاعد في نصهم زي التقل .


#765360 [ابومحمد]
3.00/5 (2 صوت)

09-13-2013 07:20 PM
سرقتوا اموالنا وقعدنا نشحد ذي ماقلت والان عاوزين تشحدوا زينا طيب الحيسرق منو ولا حتسرقوا قروش الشحدة كمان والساقية لسع مدوره


#765341 [المهندس سلمان إسماعيل بخيت على]
5.00/5 (5 صوت)

09-13-2013 06:44 PM
مصطفى عثمان دا مابيعرف يتكلم وأستغرب كيف البشير رجل بهذا الجهل مره يرسله للخارجية ومره للإستثمار كلامه يؤكد أنه من الرجرجة والدهماء
مرة فى سفارة السودان بالرياض صرح ودا مسجل عندى بالصوت أن السودانين قبل الإنقاذ كانوا زى الشحاتين
واليوم مصرح على صحيفة الجريدة السودانية عدد الجمعة 13 سبتمبر 2013م قال الشعب السودانى تعود على الرخاء ويصعب فطامه ودا يتناقض مع تصريحه السابق بأننا كنا سنتحول لشاحتين لو لم تأتى الإنقاذ
ليذهب أكثر من ذلك ليتنبأ بأن الإنقاذ هى من سيتحول لشحات لو لم يرفع الدعم عن البترول وحاجات تانية كثيرة
وبدل مايشحت الإخوان أرفعوا الدعم وأصلا مافيش دعم - كونوا صريحين وقولوا - زيادة أسعار عشان مايشحت الكيزان افضل يشحت الشعب

دا مقطع من البيان رقم 1 الذى قراءه علينا العميد عمر البشير لمان عمل إنقلابه

قد تدهور الوضع الاقتصادى بصورة مزريه وفشلت كل السياسات الرعناء فى ايقاف هذا التدهور ناهيك عن تحقيق اى قدر من التنمية فازدادت حدة التضخم وارتفعت الاسعار بصورة لم يسبق لها مثيل واستحال على المواطنين الحصول على ضرورياتهم اما لانعدامها او لارتفاع أسعارها مما جعل كثيرا من أبناء الوطن يعيشون على حافة المجاعة وقد ادي هذا التدهور الاقتصادى الى خراب المؤسسات العامة وانهيار الخدمات الصحية والتعليمية وتعطل الانتاج وبعد ان كنا نطمح ان تكون بلادنا سلة غذاء العالم اصبحنا آمة متسولة تستجدى غذاءها وضرورياتها من خارج الحدود وانشغل المسؤولين بجمع المال الحرام حتى عم الفساد كل مرافق الدولة وكل هذا مع استشراء الفساد والتهريب والسوق الاسود مما جعل الطبقات الاجتماعية من الطفيليين تزداد ثراء يوما بعد يوم بسبب فساد المسؤولين وتهاونهم فى ضبط الحياة والنظام .

ياجماعة البشير كان بيحدثكم بماسيكون وليس بما كان
يامصطفى عثمان الظاهر نحن وأنتم حنشحت


ردود على المهندس سلمان إسماعيل بخيت على
European Union [emad alawad] 09-14-2013 07:52 PM
وهو البشير زاتو يمثل شنو ماهو كمية من الجهل والغباء تمشي على الأرض يعني كان عالم فلك وله احياء دقيقة ماعسكري جايي من أصقاع الجنوب جابو الباطل الأسمو الترابي ركبوا فوق رؤوسنا


#765337 [محمد حسن أحمد]
1.00/5 (1 صوت)

09-13-2013 06:36 PM
ماذا جنينا من حكمكم ومشاريع تنميتكم الكاذبة من طرق وكباري وبترول غير فقد الهوية وضياع القضية وزواج المثلية ماذا جنينا غير الرقيص الرئاسي والغباء السياسي وفساد الاماسي ماذا حصدنا غير إنتشار الرزيلة وضياع الفضيلة ودولة هزيلة


#765335 [الحقيقة مرة زي الدواء]
3.50/5 (2 صوت)

09-13-2013 06:32 PM
يا جماعه دا مصطفى عثمان اسماعيل - الطفل المعجزة - ود حلة رومي البكري - دا الرجل النابغة الموهوب المخطط وووووووووووووووو - ارجو ان تقرأ الكلام وتتخيل عكسه في خيالك عن هذه العصبة


#765326 [ودالشريف]
1.00/5 (1 صوت)

09-13-2013 06:21 PM
ده كلام شنو يا الطفل المعجزة من يوم ماجاءت الدمار او ماتسمونها بالانقاذ انحنا ما شفنا العافية وعن اى بترول تتحدث انتم من استفاد من البترول وليس الشعب السودانى انت وااااهم مليتو جيوبكم واشتريتو الفلل في دبي ولادكم في ارقي المدارس والجامعات وساكنين في فلل وراكبييين الفارهااات وانحنا في اخر البلد ساكنين في الجالوص والرواكيييب تقول بترول انحنا قبل بترولكم الدولار كان في السوق الاسود 12 جنيه وفى زمنكم الغابر بقى 7500 تقول بترول انت جاهل ولا قاعد تستهبل علينا منافقين فاسدين ويومكم قريييب سترحلون الى مزابل التاريخ


#765325 [سليمان خيرالله ابراهيم تاور]
1.00/5 (1 صوت)

09-13-2013 06:21 PM
الشحدة جديده عليكم ماتشحدوا بس المره دى البتشحدوها دخلوها كلها الخزينة بتاعت البلد


#765318 [شحاذ سودانى]
1.00/5 (1 صوت)

09-13-2013 06:15 PM
انت يا سيد البلد ويا الطفل المعجزة ما قلت كل الشعب السودانى شحاذين ...امر عجيب منكم وكما عايز تقزل النظام ما قاعد بشحذ ...والله والله هذا النطام من ما مسك هذه البلد الهملة ما شافت عافيه وكل يوم يشحذ فى الشعب وكرههم عيشتهم ولم يكف ابدا عن شحذت المنظمات العربيه والاسلاميه والدول العربيه والاسلاميه والافريقية زالغربيه حتى ، واذا حلت كارثه طلبت الاغاثات ولكنها لم تذهب للمنكوبين بل للنظام ..والنظام يصطنع الوراث لاجل الاغاثات والحروب من اجل التعبئة والهاء الناس وتجارة السلاح و......... كريم يا رب


#765293 [الفرحان]
4.50/5 (4 صوت)

09-13-2013 05:33 PM
هسع لو سألتكم الزول ده بيضحك في شنو ومع منو؟؟ والناس من حوله كلهم جادين.
إكون شايف الجرسونات بيوزعو في العصاير والشربات والحاجة الباردة عشان كده بيتبسم الدنيء الطفس.


#765288 [عنكبة]
3.00/5 (2 صوت)

09-13-2013 05:28 PM
دعم الحكومي للوقود 15% من المزانية الدولة .. وبعدين عربات الحكومة +البعثات الدبلماسية أكتر من عربات المواطنيين
المشكلة أكبر من 15% الناس ديل كذابيين


#765284 [السالق بألسنة حداد]
3.50/5 (2 صوت)

09-13-2013 05:24 PM
يظن البعض أن هذا الساذج يحتاج الى علاج طويل في مستشفى الأمراض العقلية والعصبية.
لكن يقطع الراسخون في العلم أن العلاج لا ينفعه لأنه متخلف عقلياً وعوقة وهبنقة ومنغولي.
يعني مافي فائدة


#765270 [أزرق]
3.00/5 (2 صوت)

09-13-2013 04:58 PM
هو المواطنين شافوا شنو عشان يتفطموا ؟
هم ما رضعوا حاجه اصلاً ..


#765267 [الطفل المعجزة الشحاد]
3.00/5 (2 صوت)

09-13-2013 04:56 PM
45 دولار بسعر بنك السودان المقطوع من الرأس ولا السوق الموازي ..
اسكت يا دكتور الاسنان يا مغفل ..يا حرامي يا نصاب .. الاطلق عليك لقب الطفل المعجزة ما كضب ..
ويكون في علمك .. بقراراتكم دي كرة الثلج بدأت في التدحرج وزيادة الاجور المزمعة سوف تفاقم التضخم ... ويا العرة الاهطل التضخم ما بستثني الجازولين من البنزين .. يعني لو شلت الدعم من البنزين واركت الجازلين .. برضو ال output الخاصة بالبنزين سوف تتساوي مع رصيفتها من الجازولين ..
انتو لقيتو الشعب السوداني وخاصة مواطنين الجزيرة والشمالية والشرق ناس نزعت منهم الكرامة وتم تدجينهم وتخويفهم حتى اصبحوا مثل النعام .. واستمرأتوا في غيكم وتماديكم بالفساد والنصب والسرقة وتجريب السياسات الاقتصادية التي تؤمن بقاءكم في الحكم وترضي نزوتكم في الشفط من دون حسيب او رقيب او حتى صرة وش من مواطن يستنكر فيها افعالكم ..


#765257 [إبن الفرشاية]
3.00/5 (2 صوت)

09-13-2013 04:43 PM
ماذا تخسر الإنسانية إذا لم تكن موجودا يا مصطفى شحادين؟ هل فكرت يوما ماذا قدمت إلى وطنك دع عنك الإنسانية...أقسم بالذي رفع السماء بغير عمد أنت عالة على البشرية كلها وأنت تعرف ذلك في قرارة نفسك الأمارة بالسوء...صبرا الفرج قريب وسوف تعلم أي مصير ينتظرك أيها اللص الحقير.


ردود على إبن الفرشاية
United States [جركان فاضى] 09-14-2013 10:32 AM
المصير ما بنتظرو...المصير جاهو عديل عينى عينك...وهو براهو الجاب مصيرو بايدو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة