الأخبار
أخبار إقليمية
جعفر الصادق يغادر الخرطوم
جعفر الصادق يغادر الخرطوم
جعفر الصادق يغادر الخرطوم


09-15-2013 07:27 AM
بعد قضاء فترة طويلة إستغرقت ثلاثة أسابيع في السودان ، غادر الخرطوم أمس مساعد البشير جعفر الصادق الميرغني الى القاهرة ، في زيارة لعدة أيام .

ومن المقرر حسب الصحف المصرية ان يلتقى السيد جعفر الصادق الذى وصل القاهرة على الطائرة المصرية بعدد من المسئولين المصريين لبحث عدد من الملفات المشتركة بالإضافة الى الأوضاع التى تمر بها المنطقة حاليا، وكذلك سبل التعاون بين الجانبين .

ولم يسبق لأي مسئول سوداني زيارة القاهرة بصفة رسمية بعد الاطاحة بالرئيس السابق محمد مرسي ، ونشرت نفس الصحف المصرية أن السيد جعفر الميرغني في زيارته الأخيرة لمصر والتي قدم اليها من مقره الدائم بلندن قبل شهر ، نشرت إنه سيلتقي بالمسئولين المصريين لبحث علاقة السودان بمصر والأحداث حول المنطقة ، الا أن السفارة السودانية سارعت باصدر بيان أكدت فيه أن مساعد البشير يزور القاهرة بصفة شخصية ولا يمثل الحكومة السودانية .

ولم يصدر حتى اللحظة تصريح من السفارة السودانية يوضح نوع الزيارة هذه، وهل القاهرة مجرد محطة بعدها يغادر مساعد البشير الى مقره الدائم بلندن ؟.


تعليقات 52 | إهداء 0 | زيارات 10708

التعليقات
#766959 [الغريب عن وطنو]
5.00/5 (2 صوت)

09-16-2013 02:04 AM
غاب القمر .. جعفوري سافر مننا
.
.
.
ما بدري يا جعفوري ..
ولا الشمس حرقت جضيماتك؟
.
.
والله انت مساعد لوري فحم ما تنفع خلي مساعد رئيس جمهورية ..
ده لو كان اللي انت عامل مساعده ده رئيس اصلاً ..
لا يخمك انت والميرغنية الدجالين بتاعينك ديل ..


#766861 [احمد البقاري]
5.00/5 (2 صوت)

09-15-2013 10:43 PM
شكرا اخي باحش الدكوك على إضافة تكملة السلسلة وبعد ،،،

الارقام التي اوردناها في سلسلة هل تعلم عزيزي المواطن حقيقية وموثقة بشوهد ومعلومات منشورة في وسائط الإعلام السوانية بما في وسائل إعلام الجلابة أنفسهم. على سبيل المثال من خلال تدوال وسائط الإعلام لقصة إستقالة مقدمة البرامج بقناة النيل الأزرق سلمى سيد، ذكر بأنها تتقاضى راتب شهري مبلغ وقدره (50000) خمسون ألف بالجيد، وفي المقابل فأن راتب الجندي السوداني يتراوح بين (500) خمسمائة جنيه للرفيب وحوالي (375) ثلاثمائة وخمسة وسبعون جنيه للجندي العادي وعليه تكون الحسبة الواردة أعلاه دقيقة وحقيقية.

أما بالنسبة لأجور الصحفين الذين ذكرتهم، فأنا كذلك أرتكز على معلومات من وسائل الإعلام السودانية، ففي أحد المساجلات ذكر أحد الصجفيين بأن ضياء الدين بلال رئيس تحرير السوداني يتقاضى راتب شهري قدره بين 15 - 17 ألف جنيه، ومثله عادل الباز والهندي عز الدين وبقية رهطهم من رؤساء تحرير صحافة الجلابة الدعائية الهاتفية الصفراء. وطبفاً لذلك فأن راتب ضياء الدين بلال يعادل مجموع رواتب عدد (40) من أطباء الأمتياز ونواب الأخصائيين حسب أخر راتب لأحد أقربائي الذي كان يتقاضى (400) جنية راتب أساسي.

إذا كان هتيفة الجلابة من أمثال سلمى سيد وضياء الدين بلال والهندي عز الدين ومحمد لطيف وعادل الباز، يتقاضون رواتب بهذا الكم الهائل والضخم والذي لا يتناسب مع الظروف الأفتصادية للبلد، فيا ترى كم يتقاضي رئيس هيئة أركان الجيش ونوابه وكبار قادة الفرق والوحدات العسكرية من رواتب.

عندما ذكرنا بأن 80% من ميزانية البند الأول (الرواتب والأجور والحوافز والمكافئات) في عموم الدولة تذهب لمنسوبي قبائل الجلابة الثلاثة، فقد حسابنا استنادنا على الحد الأدنى مفارنة بين رواتب الموظفين الجلابة الضخمة ورواتب أبناء الهوامش الذين يشغلون الوظائف الدنيا ويتقاضون الرواتب الهامشية الدنيا.

احمد البقاري


ردود على احمد البقاري
United States [علي باحش الدكوك] 09-16-2013 03:34 PM
دار صباح يبدو شخصك هو من يفتقر للذكاء والنبوغ وعدم التركيز في آن واحد
راجع مداخلتي التي نقلت فيها عن احمد البقاري، ستجد بأنني لم ادعى ملكية المقال وستجد المقاول ممهور باسم الكاتب صاحب الفكرة. بالمناسبة شخصى من المتابعين لكتابات وافكار البقاري وتجدني اعيد طرح مقالاته.

United States [دار صباح] 09-16-2013 06:08 AM
لا بالله............شكراً أخي باحش؟؟؟ يا للذكاء يا للنبوغ.


#766853 [دار صباح]
0.00/5 (0 صوت)

09-15-2013 10:33 PM
لدي شعور قوي أن المدعوين علي باحش الدكوك وأحمد البقاري(شخصية واحدة) دجاجة وظيفتها صرف انتباه القراء عن القضايا المصيرية أرجو تجاهل ما يكتب.


#766812 [nasr]
0.00/5 (0 صوت)

09-15-2013 09:27 PM
هل أدى الابن جعفر الصادق الخدمة الوطنية الالزامية؟؟؟؟؟؟سؤال برىء جدا


#766805 [أبو زول]
5.00/5 (1 صوت)

09-15-2013 09:18 PM
يا جماعة بطلوا حسادة.....نسال الله لسيدي السلامة في حله وترحاله ونقول له
فائت مروح وين
ما لسه الوقت بدري
خليك شويه
عشان ...جنبك بطول عمري
بعدين ما يأكل قروش الشعب .....ما أحسن من أن يأكلها أبو العفين وأبو ريالة وابوصلعة
علي الأقل سيدي ممكن يدينا فاتحة تعجل بالنصر وبالفرج


#766744 [علي باحش الدكوك]
4.00/5 (4 صوت)

09-15-2013 07:12 PM
ههههههههههههههه

يا شباب قلتو مقد بلله... خلاص ما في مشكلة

طيب كدي تعالوا شوفوا بقية سلسلة هل تعلم عزيزي المواطن

(5)

وهل تعلم عزيزي المواطن السوداني بأن الراتب الشهري لأحدى مذيعات / مقدمات برامج بأحدي قنواتك الفضائية، والمنسوبة بالطبع لأحدى قبائل الجلابة، يعادل مجموع الرواتب الشهرية لعدد (100) مائة ضابط صف برتبة رقيب أو (125) جندي برتبة عريف أو (150) جندي تعين جديد في جيشك الوطني، الذي تأمل منه حراسة أمنك والدفاع عن حدودك الجغرافية والسياسية. ففي الوقت الذي يتكبد فيه أبناءك الجنود الـ 150 (وهم بالطبع من الهوامش) المشاق ويمضون النهار ويسهرون الليل سيراً على الأقدام ويحملون أرواحهم على أكفهم من أجل أجور زهيدة، ترفض المذيعة المترفة التي تعادلهم جميعاً في الأجر مواصلة برنامجها لمجرد رداءة التكييف المركزي بالأستديو أثناء محورتها لأحد الضيوف المهمين.

(6)
وهل تعلم عزيزي المواطن السوداني بأن صحفين مغمورين بلا مؤاهلات بأستثناء أنتماءهم القبلي لقبائل الجلابة الثلاثة وأنهم في أحسن الفروض تخرجوا من أدنى الجامعات السودانية سمعة وتأهيلاً ونسبة قبول أمثال ضياء الدين بلال والهندي عز الدين ومحمد لطيف وعادل الباز، فأن متوسط راتب أحدهم يعادل بحداً أدنى مجموع رواتب (40) من أبناءك خريجي الطب والهندسة والذين أنت في أمس الحاجة لخدماتهم لعلاجك وأفراد أسرتك أو تخطيط أرضك الزراعية وأصلاح الطريق لتوصيل محصولك إلى الأسواق.

(7)
هل تعلم عزيزي المواطن السوداني بأن أي جنيه تدفعه زيادة على أسعار التكلفة الأساسية للمحروقات والمواد البترولية والتموينية: الدقيق، الزيت، السكر والمواد الأستهلكية الأخرى، إلى جانب تكاليف الخدمات الكهرباء والمياه، يذهب مباشرة لرفاهية لكبار موظفي الدولة من منسوبي قبائل الجلابة الثلاثة (جعليين - شا يقية - دناقلة) أو لتمكينهم لقمعك وإلحاق مزيداً من الكبت والإنحسار لطموحاتك ومستقبل أطفالك وأفراد أسرتك في حياة كريمة.

لكل ما تقدم بعالية فأن مطالبتك عزيزي المواطن بإعادة هيكلة مؤسسات الدولة الوطنية السودانية وإنهاء السيطرة المطلقة وحصرية لأابناء الجلابة من القبائل الثلاثة على مفاصل الدولة ومراكز القرار، لهو أمر هام وضرورة ملحة وواجب وطني وأخلاقي، حتى لا تجد نفسك منقسم لأي من فئات وطبقات المجتمع تنتمي. هل أنت من طبقات المستعبدين الذين يسهرون الليل ويصطلون بشمس النهار في الحقول والمراعي ومناجم التنقيب العشوائي من أجل توفير أجور ورواتب الموظفين وكبار قادة الدولة وأجهزتها الأمنية من منسوبي قبائل الجلابة الثلاثة (جعليين - شا يقية - دناقلة)، والذين لا تتجاوز نسبة تمثيلهم أكثر من 5% من جملة سكان البلاد. أو العكس، إذا كنت مستفيداً من هذا الوضع المختل وإلى متى ترضى لنفسك أن تعيش على حساب وكدح البؤساء من مواطنيك.

احمد البقاري


ردود على علي باحش الدكوك
United States [فتوح] 09-16-2013 01:37 PM
مثل هذا الجاهل البقارى يجب أن يحذف مشاركاته لأنه عتصرى بغيض ... لا منطق له أذا تحدث ووالقبلية والدونية معشعشة فى رأسه..... الجلابى من أتى من خارج حدود الدولة يطلقها أعتباطا على أحفاد ترهاقا وبعانخى ومملكة مروى بالله من يكون الأصيل أذا كان هؤلاء هم الجلابة ... آسف أننى نزلت الى مستوى هذا العنصرى بهذا الكلام ولككككككن أزعجنى كلامه

United States [المندكورو وقع في براسن الفشل!] 09-15-2013 11:14 PM
والله يالبقاري اظنك موتمروطني ياخوي نحنه من القبائل دي بقالنا دشريون سنة تعبانين من نميري الدنقلاوي للبيشير الفلاتي بالمناسبة!!!فكيف تسيطر القبيلة وجل شبابها وشيوخها مطحونين بين الدناقلة المهاجرين في بقاع الدنيا والشايقيه التعبانية من الطوريه!!!الامر ليست سيطرة قبيلة بل فئة متحزبة لمصالحها تقتات من المواطن المسكين كما تفعل الحركات المسلحة الان والتي يرفل اهلها بالدولاارت القادمة من لندن وامريكا وايضا تحت مسمي التهميش ويتراقص ابنائهم بالعربات ونسائهم في الكوفيرات في الخرطوم بينما يلوون الحناجر بمعلرضة الانقاذ في الخارج!!!!هل تسلمت رزمة يوما!!بصفتك من مناضلي الهامش!!طبعا لا وكذا نحن نتمي لهلاء الفاشلين جغرافيا فقط !!بينما جيوبنا ومعيشتنا اسؤاء م اهل الهامش وان تدثرنا بالعاصمة غلبنا لانقطاع الصلة وفقر الشملية وبؤسها!!فكانك تتحدث عنها وقد اصبحت دبي!!! وانسانها جهويا يرفل في النعيم!!! نهم ياسيدي لم يدعموا غير جيوبهم واهلهم!!حتي اخوانهم في النضال المستغفلين الان يجأرون بالشكوي من سائحين ومصلحين وشحادين!!فالان تحكمك عصبة لاتتجاوز اصابع اليد!!طغمة تعمل من اجل مصالحها الذاتية لاتقبل عنها حيادا او لها انتقادا يطبل لها الالوف من المستفيدين!!!

United States [بقاري نص كم] 09-15-2013 10:48 PM
أنت لا قريت فلسفة لا منطق جيت طوالي ناطي في الراكوبة بنفس منوال من كتبوا الكتاب الأسود !!! يا أخي هل أصابع اليد واحدة ؟ ما لازم البلد فيها حاكم ومحكوم ومن ضمنهم جنود وعمال وصناع وغيرهم ودي حكمة ربنا وإلا أنت عندك رأي في حكمته.
من قال لك بأن البقارة وغيرهم لا يشاركون في الحكم انظر لاجتماع مجلس الوزراء ستجدهم ليس من الجلابة يا جلابي أنت.
بعد كلامك دا كلوا نذكرك ببيت الشعر المعروف عشان نزيل عنك عقدة الدونية المعشعشة في رأسك.
الناسُ للناسِ مِن بدوٍ وحاضِرَةٍ -- بَعضٌ لبعضٍ وإنْ لَم يشعروا خَدَمُ.

United States [عصمتووف] 09-15-2013 10:28 PM
علي باحش********* احمد البقاري
يا للغباء الرجل الابله ينتحل اسمان والشخصية واحد ونفس الاسلوب ممن تخاف وعمر البقاره لا يخافون




احمد البقاري]
4.25/5 (5 صوت)

09-15-2013 11:37 AM
سلسلة هل تعلم عزيزي المواطن

(1)
هل تعلم عزيزي المواطن السوداني بأن 80% من ميزانية الفصل الأول (الرواتب والأجور) في عموم دولتك السودانية تذهب لمنسوبي قبائل الجلابة الثلاثة (جعليين - شا يقية - دناقلة)بأعتبارهم يشغلون أعلى المناصب دخلاً بدءاً من كبار رجال الدولة وكبار قادة الأجهزة الأمنية وقادة الوحدات العسكرية وقادة الأسلحة والأغلبية الساحقة من ضباط الجيش والشرطة وجهاز الأمن، وأمناء/ وكلاء الوزارات ومدراء الإدارات ورؤساء الأقسام بجميع الوزارات الاتحادية - كما أنهم أي منسوبي قبائل الجلابة يشكلون الأغلبية الساحقة من السفراء والقناصل العوام والملحقين العسكرين بسفارات بلادك في الخارج ومثلها في التعليم والصحة والوظائف العامة في دواوين الدولة.

(2)
هل تعلم عزيزي المواطن السوداني بأن 85% من إجمالي الناتج القومي لعموم دولتك السودانية يذهب لخدمة منسوبي أقلية من ثلاث قبائل (قبائل الجلابة) بشكل أو آخر وهم الذين لا تتعدي نسبة تمثيلهم في الدولة وفي أحسن الفروض الـ 5% من جملة سكان السودان.

(3)
هل تعلم عزيزي المواطن السوداني بأن 90% من قيمة العوائد الضرائب والجبايات التي تدفعها على محصولك الزراعي الذي بزلت الجهد وسكبت فيه العرق أو أبن بقرتك أو ناقتك أو غنمايتك الذي رعيته جدي ثم حواراً لسنين عدد حتى حانت لحظة بيعه وأستفادة من قيمته أو محاصيلك الغابية من هشاب وطلح ونبق وعرديب وفواكهه ومانجو تذهب لتمكين منسوبي قبائل الجلابة الثلاث ونفس الوقت ترتد سهاً على صدرك مزيداً من الأضطهاد والإقصاء والتنكيل والتجويع.

(4)
هل تعلم عزيزي المواطن السوداني بأن أي جنيه تدفعه زيادة في أسعار المحروقات والمواد التموينية: الدقيق الزيت السكر والأستهلكية والخدمات يذهب مباشرة لرفاهية أسرة من أسر قبائل الجلابة الثلاثة.

[احمد البقاري]


#766740 [الحقيقة]
0.00/5 (0 صوت)

09-15-2013 07:01 PM
علي الاقل ناسينو ابو الجعافر ده وماعادنو ياجماعه!!! وبعدين احسن لينا من القاعدين جوه لفقع مرارتنا امثال نافع !!!


#766723 [هيكل]
0.00/5 (0 صوت)

09-15-2013 06:24 PM
والله عال تتكلموا عن الساده انتو العرفكم شنو السودان دي حق منو ديل الاشراف ال البيت نحن عبيد للساده وبس شعب يتحكم فيهو متخلفين كيف الكيزان مايحكموه 25سنه نستاهل يحكمونا للابد


#766651 [موبادزن]
5.00/5 (3 صوت)

09-15-2013 04:44 PM
الراكــوبة كممثل للليسار + اليمين الكيزان لم يتفقوا علي شئ الا كراهية اسرة الميرغنى ... بركة الربنا جمعكم ...


#766628 [هيثم الخلا]
4.38/5 (5 صوت)

09-15-2013 04:15 PM
حقوا جعفوري دا لما يزور الخرطوم يدوهو بدل خلعة وفجعة، بالإضافة إلى بدل السفرية، يستحق الخلعة من حمير ‏البشير وسجارة بكري وتفاف عبد الرحيم، وريحة نافع العفنة، ومن كوابيس علي عثمان محمد طه الليلية ‏بالمناسبة الزول دا بعاني، ولكن الحياء ما بخليوه يتكلم أنصروه يا حاسدين،


#766623 [الخير عز]
0.00/5 (0 صوت)

09-15-2013 04:13 PM
دى زكرتنى بقصة خرووووف السيد مع الحلفاوى


#766613 [صابر وممكون]
5.00/5 (1 صوت)

09-15-2013 04:03 PM
ان شاء الله المرة الجاية تجى راجع فى رحلة ابدية جوه صندوق


#766611 [جعفر]
0.00/5 (0 صوت)

09-15-2013 04:03 PM
المثل بيقول المابعرف بيقول عدس انتو ساى شايلين حال الزول ده ، انا مرة مشيت زرته فى لندن وكان عشمى فى عشاء كارب لقيت الحكاية كلها فتة وسالته ششنو التقليعة بتاعة شمال كردفان والنيل الابيض قال لى يعنى انت ما بتعرف الفراسة هسع كردفان ما ولعت والنيل الابيض جاية فى السكة . ومرة دنيا رمضان ماشين للجزيرة والجماعة قطعو الطريق بعممهم وقالوا لينا حرم تنزلوا الفطور جاهز بس جابو لينا عصيدة بملاح فاصوليا الراجل طلع بطنه بتوجعه . طوالى رجعت الخرطوم وسالت سيدنا انت مالك جايبو لينا مساعد قال لى عشان اوريهم العوارة الدايرنها بعدين الشعب السودانى هو ذاته داير كده هسع لو جبنا ليهم واحد عالم وفاهم يقولوا ده عرقه ما نضيف احسن نوريهم نديهم واحد مبدل عشان ما يساعدهم فى حاجة .


#766609 [سكر نبات]
0.00/5 (0 صوت)

09-15-2013 03:56 PM
حلاتو جعفرو الله يخليه لامو وابو ......
قطر عجيب اللودى ما اجيب


#766589 [ابوايمن الحلاوى]
0.00/5 (0 صوت)

09-15-2013 03:38 PM
ولنا الحق بان نقول طالما الصواب هو محور الحديث وتناول لب وجوهر المشكله هو الركيزه الفاقعه المرراره!!! بس حاجه واحده عاوزين نعرفها من زفت حكومتنا الزفت:: الولد ابو شلاطيم دا طالع نازل لندن- القاهره- الخرطوم للتزود بالدولار وبالعكس نفس خط السير ؛؛ من اين ذلك المصروف عاوزين نعرف من طقطق للسلام عليكم ؟؟؟ اذا كان من عرق بنو شعب وطنى فلهو حرام عليه فى مأكله وملبسه ومشربه واي فلس يصرف من حر مال الشعب فهو غصه ودين فى عنقه !! وياجماعة الخير الولد مسئول عنه السيد بشه لانه هو من عمل على تعيينه بقرار رسمى مع الفوائد والارباح والليالى الملاح؛؛ سيبوه فى حاله وخلوه ارتاح ؛ وبالمناسبه هو فى حاله وخليكم فى حالكم وما تشغلوا بالكم بيهو هو فى نعيم زايد وانتم فى.......::


#766588 [mohamed]
0.00/5 (0 صوت)

09-15-2013 03:38 PM
ياجماعة الخير الزول ده زى اللاعب الحضرى بجى لمن تكون في مبارة مهمة ويقبض الدولارات ويرجع الى بلده لان بصراحة كده بلدكم دى ما بتنقعد وسيبوا الحقد بتاعكم ده خلو الراجل في حالوا يجدع بحياتوا وهو ما محتاج لى ماهيتكم بس المنصب لزوم البريستيج الاجتماعى في مدينة الضباب


#766586 [mohamed]
4.00/5 (2 صوت)

09-15-2013 03:37 PM
ياجماعة الخير الزول ده زى اللاعب الحضرى بجى لمن تكون في مبارة مهمة ويقبض الدولارات ويرجع الى بلده لان بصراحة كده بلدكم دى ما بتنقعد وسيبوا الحقد بتاعكم ده خلو الراجل في حالوا يجدع بحياتوا وهو ما محتاج لى ماهيتكم بس المنصب لزوم البريستيج الاجتماعى في مدينة الضباب


#766548 [عجرفة]
0.00/5 (0 صوت)

09-15-2013 02:51 PM
والله مسكين الشعب السوداني اذا كان ذي ديل
هم القادة بتاعنو مقرو الدائم في لندن
وعاملنو مساعد رئيس فعلا لقوها جنينة وغفيره
نائم ونائم نومة عميقة كمان يجيبو ولد المرغني
وولد المهدي عشان يتعلمو الحلاقة في رؤؤس اليتامي
ويبقو قادة علي حساب المساكين من الشعب


#766539 [صالح]
5.00/5 (1 صوت)

09-15-2013 02:44 PM
رفقا بالشعب السوداني الفضل !!! قطيع كبير من المساعدين والمستشارين والوزراء ووزراء الدولة والولاة و نواب الولاة و مستشاريهم والمعتمدين ومساعديهم و اعضاء المجلس الوطني الاتحادي و اعضاء المجالس التشريعية الولائية وكبار كلاب الأمن في الخرطوم وكبار كلاب الأمن في الولايات و اقارب كل هؤلاء ومحسوبيهم يتقاضون مرتباتهم و مخصصاتهم كاملةوزيادة وقد قرأت دراسة لأحد الباحثين اورد فيها بالأرقام ان مجموع ما يتقاضاه هاؤلاء يساوي الستة ترليون جنيه العام!!!!!!!!!!!! فكم تيقى لهذا الشعب الفضل!!!! و رغم ذلك لم يكفهم هذا و يريدون ان يرفعو اسعار البنزين والجازولين و الغاز والتي يدعون انها مدعومة وهي ليست كذلك بشهادة خبراء الاقتصاد!!!!!!!!!!!!


#766527 [wahid]
0.00/5 (0 صوت)

09-15-2013 02:32 PM
هذا امر لابد ان يتدخل فيه البرلمان السوداني بدل الكلام عن المكياج والطرحة بتاعة فلانة وعلانة وايضا لابد من المراجع العام ان يخاطب الرئاسة على اهدار المال العام وفي هذه الحالة تنصيب وتخصيص مناصب وهمية دون صلاحيات ممايترتب على دفع مرتبات ونثريات وبدلات كثيرة جدا.... لابد من وقف هذه المهذلة


ردود على wahid
United States [حسن مسالا] 09-16-2013 11:55 AM
برلمان مين يا عمري، أنت مصدق أها عندنابرلمان وحكومة ورئيس، هسي فى ذمتك دي البشير دا رئيس ولا بشبه الرؤساء، كل المناصب عبارة عن ترضيات فقط ولا شئ غيره فلاتصدق ما تقوله الحكومة المتعفنة وإعلامها الأعفن.


#766505 [ديك العدة]
5.00/5 (5 صوت)

09-15-2013 02:03 PM
صدقونى انا مازعلان من هذا التنبال - لكن بالجد نحن شعب جزم .


#766502 [masterport]
4.94/5 (7 صوت)

09-15-2013 02:01 PM
ياخوانا الراجل جاء من لندن عشان يحضر عرس قريبو مولانا ابراهيم الميرغني الناطق الرسمي للحزب علي المذيعة تسابيح مبارك خاطر , بعدين الزول ده كلم ناس الحكومة انو السخانة بتهيج ليهو بشرتو عشان كده ما بيقدر يستقر في البلد المعفنة دي وهم وافقوا و قالوا ليهو امشي و مرتبك بيوصلك في لندن شهريا . حلااااااااااااااااااااتو يا ناس


ردود على masterport
[عبدالله البروف] 09-16-2013 12:10 AM
ضحكتني يا ماستربورت والله حقو يعينوك محلل سياسي
بدل محليلنا الما فاهمين لا في السياسة ولا في الدراسة
لانه تحليلك بخش الراس عديل وحلااااااتو يا ناس (اقصد
تحليلك ما جعفوري )


#766490 [فتوح]
0.00/5 (0 صوت)

09-15-2013 01:44 PM
رافقتك السلامة والى الأبد أنشاء الله ... تغور ماتعود يا خليفة


#766488 [اقبضو السفاح الهارب من العدالة الدولية]
0.00/5 (0 صوت)

09-15-2013 01:41 PM
المبررات التي سوقها النظام يوم 30 يونيو المشؤوم انهم جاء ليخلصو السودان من حكم الطائفية واليوم القصر الجمهوري يحتضن المعتوه جعفر الصادص الميرغني والحمبرا عبد الرحمن الصادق المهدي


#766461 [سيما]
0.00/5 (0 صوت)

09-15-2013 01:01 PM
يا جماعة لو البشير ما بيخجل، ولا بيعرف الخجل، مولانا الميرغنى سببو شنو؟ ألا يعتبر ما يفعله هذا الصبى نوع من السفه السياسى،، هله هذا هو نوع التدريب الذى يؤهله لقيادة البلد فى يوم من الأيام؟؟ والله كم كدة واطاتنا أصبحت مع البشير والميرغنى والصادق،،


#766459 [بدون اسم]
0.00/5 (0 صوت)

09-15-2013 12:59 PM
ياجماعة مافيكم زول يعرف الولد ده يتوسط لي اشتغل عندو موظف اشيل شنطة المكياج وكمان بدون مرتب كفاية علي الناس تقول شغال مع ود السيد


#766457 [ابوايمن الحلاوى]
0.00/5 (0 صوت)

09-15-2013 12:56 PM
اول ماظهر هذا السيد ابو شلاطيم على الجرايد تعال شوف السخريه والتعاليق الما ليها حد!!عجبكم ولا ما عجبكم اتوضأ فى الخرطوم واصلى فى القاهره واتسبح فى موروكو واتسوق فى الشانزليه واتمشى فى وول ستريت واعمل MAKE UP فى صالون MISS SAFINA واتحداكم لو تعرفوا محلها وين؟؟؟؟ ويا جماعة الخير الراجل تم تعيينه بقرار جمهورى والسيد بشه هو المسئول عنه ؛ مش ابوه ومعليشه ريحوه شويه عشان يرتاح من السفر...


#766451 [ساهر]
3.00/5 (4 صوت)

09-15-2013 12:53 PM
عجبت لكل المعلقين الساخرين! فهم لا يعجبهم العجب ولا الصيام في رجب. فهم غير راضين عن حزب الأمة ولا عن الاتحادي الديموقراطي بكل أطيافه، وغير راضين ب (الكيزان)، وغير راضين ب (العسكر)، وغير راضين ب (أنصار السنة)، وغير راضين (بالبعثيين)، ولا (الناصريين)، ولا (المستقلين) ولا، ربما (الشيوعيين)!! غريبة والله. طيب أطرحوا البلد في مزاد عالمي وريحونا. لو عن لأحدنا تكوين حزب يعني بتطوير لعبة الشطرنح وآخر يُنادي بمناصرة (ستات الشاي)، وأخر ينادي بفتح (اللنادي - جمع تفجيخ - لمفرد إنداية) لما جاز لهؤلاء السخرية والضيق والتأفف مثل ما أرى أمامي الآن. عن أي ديموقراطية تتحدثون وأنتم تخنقون من ينادي بها!!!!!!!!!!!!!!!


ردود على ساهر
European Union [Sadig] 09-15-2013 09:07 PM
F... you man, we want good governance never mind who is ruling but how, did you understand or I should repeat? ???????

United States [الغضنفر] 09-15-2013 04:05 PM
يا أستاذ ساهر ، ألا ترى كم هي بالية هذه الأحزاب و ألا ترى تهافت رموزها التي أصبحت ديناصورات تتكالب على السلطة و الجاه و المال بدفع أنجالهم المامين إلى القصر الجمهوري . ألا تلاحظ أنّهم يجلدون النظام بريش النعام؟؟
هذه الأحزاب الطائفية استُخدِمت في مرحلة معينة و استنفدت غرضها و أصبحت خرقة بالية لا برامج و لا تجديد سواء في المضامين أو الوجوه التي تعتقد أنها لو تركت الكنكشة فإنّ أحزابهم و معها البلد لن تقوم لها قائمة.

أنا ( مستغرش) انغراشة الأستاذ الفاتح جبرا كيف أنّ مثقفي السودان يسيرون وراء الصادق و الميرغني ...و بس


#766442 [سعاد صالح التني]
0.00/5 (0 صوت)

09-15-2013 12:43 PM
لبحث عدد من الملفات المشتركة بالإضافة الى الأوضاع التى تمر بها المنطقة حاليا، وكذلك سبل التعاون بين الجانبين .

أموت وأعرف الملفات المشتركه بين مصر والسودان التي يبحثها هذا الحمار مع المسؤلين المصريين
وكذلك سبل التعاون بين الجانبين!!!!!!!!!!!

الود دا مافي داعي تتعبوهو ودو ليهو الملفات دى هناك يقراها علي رواقه وبمزاج وقت يكون رايق.

لعنة الله تغشاك ليل نهار ياعمر البشير يارقاص يامكعوج بسبب بلاويك التي لاتعد ولا تحصي الجبتها لأهلنا الصابرين في السودان.


#766435 [احمد البقاري]
2.82/5 (7 صوت)

09-15-2013 12:37 PM
سلسلة هل تعلم عزيزي المواطن

(1)
هل تعلم عزيزي المواطن السوداني بأن 80% من ميزانية الفصل الأول (الرواتب والأجور) في عموم دولتك السودانية تذهب لمنسوبي قبائل الجلابة الثلاثة (جعليين - شا يقية - دناقلة)بأعتبارهم يشغلون أعلى المناصب دخلاً بدءاً من كبار رجال الدولة وكبار قادة الأجهزة الأمنية وقادة الوحدات العسكرية وقادة الأسلحة والأغلبية الساحقة من ضباط الجيش والشرطة وجهاز الأمن، وأمناء/ وكلاء الوزارات ومدراء الإدارات ورؤساء الأقسام بجميع الوزارات الاتحادية - كما أنهم أي منسوبي قبائل الجلابة يشكلون الأغلبية الساحقة من السفراء والقناصل العوام والملحقين العسكرين بسفارات بلادك في الخارج ومثلها في التعليم والصحة والوظائف العامة في دواوين الدولة.

(2)
هل تعلم عزيزي المواطن السوداني بأن 85% من إجمالي الناتج القومي لعموم دولتك السودانية يذهب لخدمة منسوبي أقلية من ثلاث قبائل (قبائل الجلابة) بشكل أو آخر وهم الذين لا تتعدي نسبة تمثيلهم في الدولة وفي أحسن الفروض الـ 5% من جملة سكان السودان.

(3)
هل تعلم عزيزي المواطن السوداني بأن 90% من قيمة العوائد الضرائب والجبايات التي تدفعها على محصولك الزراعي الذي بزلت الجهد وسكبت فيه العرق أو أبن بقرتك أو ناقتك أو غنمايتك الذي رعيته جدي ثم حواراً لسنين عدد حتى حانت لحظة بيعه وأستفادة من قيمته أو محاصيلك الغابية من هشاب وطلح ونبق وعرديب وفواكهه ومانجو تذهب لتمكين منسوبي قبائل الجلابة الثلاث ونفس الوقت ترتد سهاً على صدرك مزيداً من الأضطهاد والإقصاء والتنكيل والتجويع.

(4)
هل تعلم عزيزي المواطن السوداني بأن أي جنيه تدفعه زيادة في أسعار المحروقات والمواد التموينية: الدقيق الزيت السكر والأستهلكية والخدمات يذهب مباشرة لرفاهية أسرة من أسر قبائل الجلابة الثلاثة.


ردود على احمد البقاري
[Saeed] 09-16-2013 07:53 AM
يا البقاري أنت داير تجيب ناس مباريا بقرها لهذه الوظائف!!! يا أخي ما تعمل ليك همة وتعمل علي نشر تعليم الرحل في مناطقهم مع بقية المعلمين المنتشرين في مناطقكم بدل ما تلعن في الظلام حتى تتسنموا علي وظائف الميري الطاردة الآن, المشكلة أنك جاري وراء (ترتار) الكتاب الأسود تاركاً دورك في تغيير مجتمعك, نديك أمل يا أخي خلي البتعمل فيه دا وقوم غير وضعكم بمساعدة الدولة وأنشاء الله كيكة الوظائف ستكون من نصيب حفدتكم, أها قصرت معاك.

United States [احمد البقاري] 09-16-2013 01:58 AM
الأخوة سعيد وأبو سحر شكلوا بعد شوية حتنكروا كل دناقلة الحكومة وربما المعارضة الأليفة: مندور المهدي وقطبي المهدي ورحمة الله محمد عثمان ومطرف صديق وعبد الدافع الخطيب .. طبعا نحن هنا ليس بصدد الرؤوس الكبيرة ناس بكري حسن صالح وعبد الرحمن الصادق المهدي.

عموما نحن هنا ليس بصدد رجالات الصف الاول في الدولة. نحن هاهنا ننقاش تركيبة قادة المؤسسات الفاعدية بالدولة بدءا من وكلاء\ امناء الوزارات ومدراء الإدارات رؤساء الشعب والاقسام، كبار قادة الاجهزة الامنية في الجيش والشرطة والامن ومساعديهم، كبار قضاة السلطة القضائية وقضاة الدرجات الأولى والثانية والمستشاريين وكلاء النيابات، قادة وسائل اللإغلام المرئية والسموعة والمقروءة، السفراء وموظفي السلك الدبلوماسي والملحقين العسكريين ... ألخ

هذه هي المواقع التي نرغب ف إعادة هيكلتها من وكيل الوزارة حتى ما يوازي رتبة ملازم في الخدمة العامة بمؤسسات الدولة الوطنية. هذه المواقع في نظرنا اهم من مناصب الرئيس والوزراء، لأنها ببساطة وهي مواقع التنفيذ والفعل وتهمني كمواطن عادي أكثر بكثير من منصب الرئيس.

United States [Saeed] 09-15-2013 08:56 PM
يا ابوسحر صحح معلوماتك وزير الاستثمار من أهلنا البديرية الدهمشية

United States [بقاري نص كم] 09-15-2013 07:20 PM
أنت يا البقاري ما كنت بتمارس نفس الشيء مع القبائل الجنوبية حتى كرهتموهم السودان, هسع بقركم ح تعملو ليه فيزة خروج وعودة للجنوب في موسم الصيف عندما يجف الكلا والماء في السودان.
ناقش ما يليك من مشاكل ومن ثم غوص في بقيتها قال جلابة قال, ما أنتم ذاتكم الجلابة الأصليين والبقية هي الفروع.

United States [المتغربن المتعربن المتجلبن] 09-15-2013 05:03 PM
ياخي ارتفع لمستوى الأحداث والخطر الداهم على الكل ودعك من غربنة وعربنة وجلبنة القضية.

United States [كركاب] 09-15-2013 03:38 PM
انت الظاهر رايحة ليك جلابية
يا ابوى نقتك دى ما تجيب رواد وما حا تعمل ليك شعبية فى الركوابة
وموظف كل وقتك فى سب الجلابة
ومصر على ان حكومة الكيزان بمن فيهم الحاج ساطور ، ووزير الكسرة واحمد هارون والسيسى واحمد الطاهر وسامية بتاعت البرلمان وحسبو نسوان كلهم جلابة
يا بقارى يامتعقد وخاتك نفسك فى موقع الدونية، مالك مع الجلابة عملوا ليك شنو بالله ورينا الركب فيك خازوك منو من الجلابة.او كمان كنت داير تعرس واحدة من بنات الجلابة لكن ادتك شاكوش فور راسك اكيد الهرجة فيها بنت
ياخى ارتقى بفكرك وشيل عنك الهوس اتكلم وسب الكيزان والعن ابوهم كمان لكن ليس من حقك ان تسب ناس هم فى نفس المركب معك وجل تفكيرهم كيف ومتى تغور حكومة الكيزان

[و تبكي يابلدي الحبيب] 09-15-2013 03:24 PM
شاطر يا احمد, و هل تعلم انوا الفساد نسبته اقل من واحد في المية, و العهدة على الراوي, و قبائل الجلابة تتسبب في ما بين 85 الى 100% , احسب و اجيك بالنسبة المؤية المزبوطة بالتمام ... انتو الناس بتجيب النسب دي من وين, نفسي اعرف. خليكم في عبطكم ده ليوم الدين يا حماده ... جلابة و غيره و انتوا كلكم 30 مليون قابلة للنقصان. صحي مشكلة السودان ما الجهلة و لكن انصاف المتعلمين و تبكي يابلدي الحبيب ...

United States [wahid] 09-15-2013 03:21 PM
يازول كلام دا كان زمان قبل الانقاذ لان الانقاذ بواسطة زعيمها حسن الترابي اعطت ناس غرب السودان المناصب العالية في كل مرافق الدولة واجهزتها الامنية وهم الان مازالوا يساعدون تثبيت الانقاذ في افقار الشعب.

United States [man2] 09-15-2013 03:20 PM
انت رجل عنصرى بغيض

مع التسليم ان السودان ارض الظلم والظالمين لكن مشاكل السودان لاتحل بهذه العنصرية النتنة

من يريد ان يحل مشاكل السودان عليه ان ينظف قلبه من الحقد

كما نلسون مانديلا عندما قال ناضلت 30عاما ضد سيطرة البيض وسااناضل كل عمرى ضد سيطرة السود

United States [ابوسحر] 09-15-2013 02:43 PM
نحن عندنا وزراء فقط من الدناقلة والمحس
1-وزير الدفاع
2-وزير رئاسة الجمهورية
3-وزير الاستثمار
وين الفلوس الخامنها الدناقلة
نحن كلنا مغتربين بنشتغل ونكسب من عرق جبينا
وحتي الوزرائ الثلاثةديل ما مالين عينا
وما استفدنا منهم التكتح لمناطقنا

وبنينا مناطقنا من مدارس ومياه وكهرباء من المغتربين
ولم تقدم لنا الحكومة اي شئ
وغرقت حلفا ولم نستفيد شئ
وبنوا خزان مروي وغرقنا ولم نستفيد شئ
فلا تعمم الامر علي الدناقلة


#766418 [Hago]
5.00/5 (2 صوت)

09-15-2013 12:22 PM
أنتو ياناس الراكوبه اصبروا ولد سيدي حايتبين فيكم ويقلبكم قرود بي بركاته وبركات أبوه (بحرو كرب أبو هاشم ).ياسيدي بي السلام امشي مصر شوية بركه ومشاكل المحروسة تنحل وتمشى لندن ستر كمرون محتاج لي بركات علشان تساعد في حل مشاكل الاتحاد الأوربي ناس المؤتمر والوطني بركات أبوك كفايه يديك العافية تعال الخريف الجاى


#766410 [قرفان من الكيزان]
5.00/5 (1 صوت)

09-15-2013 12:15 PM
جعفر الميرغني مثال صريح لعدم وطنية حزبه الاتحادي و مثال صريح للحزب الاتحادي لاستقلال جهل السودانية..
أمثال جعفر كانوا السبب في ان تصبح الأحزاب مملوكة لأسر السيدين و كانوا السبب في خروج كثير من الساسة المحنكين في الخروج من عباءة الأحزاب
و لذا فشل هذين الحزبين الكبار و في المقابل تمكن الكيزان من استقطاب كل من خرج هذين في الحزبين. .. أو منهم من تقاعد عن السياسة لسيطرة و هيمنة الأسياد
على كراسي الزعامة .. لذا لن يكون هناك مستقبل مشرق قريب في وجود هذه العقول المتخلفة في حزبي. الأسياد ..
و ربنا يسهل


#766403 [انقاذى غارق فى الفساد]
5.00/5 (1 صوت)

09-15-2013 12:06 PM
الراجل دا جاء السودان وفاءا لمرتع الصبا روضة دار الحنانchild care ويستعيد بعضا من ذكريات الماضى
بعدين عاوز اتخارج من دغشا بدرى حتى لايستنشق البمبان ويسبب له ضيقا فى التنفس بالاضافة الى المظاهرات الليلية والتى تجعل نومه فى صعوبة لاتطاق خاصة بعد قرار رفع الدعم
حتى وان اجتمع فهو مساعد رئيس الجمهورية والسفارة ليست الجهة التى تحدد الصفة التى يجتمع بها ولا حتى وزير الخارجية فمنصبه رضينا ام ابينا اكبر من كلاهما


#766384 [أبو أحمد]
0.00/5 (0 صوت)

09-15-2013 11:48 AM
جعفورى جاء للسودان علشان يؤكد بقاءه فى المساعدية وعلشان يتزود بالقدر الكافى من الجنيهات الالسترلينية واليورو والدولار علشان مصاريفو فى لندن بقت مابتكفيهو ولندن بقت غالية .. لذلك قام وزير ماليتنا الماخمج برفع الدعم ( الماموجود أساسا ) عن المحروقات علشان يقدر يغطى مصاريف ونثريات جعفورى وكمان علشان يحرق الغلابة والمساكين الغبش الفقراء المعوزين العايزين .. انتو قايلين السودان ده ملك منو دة ملك جعفورى وابوه وجدو الجا السودان ماسك لجام حصان كتشنر ...
دعـاء : اللهم يامالك الملك ياعزيز ياجبار يارحمن يارحيم زيل عنا هذه الطغمة وهذه الغمة


#766381 [موسى محمد]
5.00/5 (2 صوت)

09-15-2013 11:46 AM
ما تطول الغيبة يا محبوب الشعب


#766355 [Jedo]
5.00/5 (1 صوت)

09-15-2013 11:22 AM
ياجماعه براحه
السيد جعفر ماطرح نفسو كمخلص لمشاكل السودان ولا عندو اي كريزما قياده وتصريحو الوحيد جاب ليهو فضيحه ومن يومها صما خشمو ومن ماقام وتبا في خشمو ملعقه الدلال لا يوم غشاكم وقال ليكم بديكم منها ولا يوم قال ليكم ح اسوي ليكم وللبلد حاجه وجاهو منصب صااااقط "بارد" في حتتو لا كاسو لا حنس ليهو ولما رضى بيهو ما كان شغل ليهو بريستيج ساااي
اخير تقبلو على الدخلكم في المحن دي وكذب عليكم وغشاكم ويومااااااتي بيسرق فيكم


ردود على Jedo
European Union [ابوهاشم الهاشمي] 09-15-2013 12:43 PM
طيب ياخ هو يوم اصلو زاهد في المنصب ده ما يستقيل و ما يسمى بيهو ولا داير تقول لي انه ما مستفيد منه. المعروف انه الزول البشتغل مع الحرامية هو حرامي زيهم بالاشتراك ياخ القانون بيقول كده لكن انتو ولاءكم الاعمى ما بيخليكوم تشوفوا الصاح (نظره يا ابوهاشم).


#766331 [khalid mustafa]
4.00/5 (3 صوت)

09-15-2013 10:54 AM
جعفر الميرغني متزوج من مصر والمصريه تفضل العيش في لندن او اقله القاهره ومولانا جعفر الميرغني لا يستطيع ان يرد لها طلب والرائ هو راْي المدام
الراجل برضوه ما قصر يدينا غشوه صغيره في السودان ويذهب للمحروسه في غشوه اكبر لتفقد احوال النسابه المصريين ومنها للندن عشق المدام المصريه الاول


#766325 [ابوسحر]
0.00/5 (0 صوت)

09-15-2013 10:49 AM
والله انا من رائي انه نترك الحزب الاتحادي الاصل للسيد الميرغني واولاده ويرجع كل المعارضين للميرغني
للحزب الوطني الاتحادي القديم ونخلي الاتحادي الاصل للطائفية الميرغنية وكده نكون كون حزب قوي من غير الطائفيين
لانه الحزب الاتحادي حالته لا تسر وبه معارضين في الخارجين وناس في الحكومة وناس في المعارضة
والحزب القديم تشظي الي اربع احزاب ؟؟؟؟
والاحسن ان يتم تكوين حزبين كبيرين من الاتحادي المتشظي بدلا من 4 اجنحة؟؟؟
حتي السودان الافضا انه يكون فيه 3 احزاب كبيرة تستوعب المنضوين الي ال 40 حزب
بالرجوع الي الدول الديمقراطية نجد بها 3 احزاب بالكتير؟؟؟مش 40 حزب في دولة واحدة؟؟؟


ردود على ابوسحر
European Union [المتجهجه بسبب الانفصال] 09-15-2013 12:21 PM
أفضل تعليق يا أبو سحر نؤيد ما ذهبت اليه من أرمي قدام وفعلا من الاحسن ترك الاتحادي وفروعه المتوالية والانضمام للحزب الوطني الاتحادي القديم حيث ان موقف الحزب الاتحادي بين السبب الذي ادى الى قيام الحزب الوطني الديمقراطي في الستينات وذلك ان رجالات الحزب في الستينات اكتشفوا ان الطائفية ستضر بالحزب وهذا يتمثل في مقولة طيب الذكر الشهيد الشريف حسين الهندي (( لا قداسة مع السياسة))


#766320 [شغل بالبارد..!!]
0.00/5 (0 صوت)

09-15-2013 10:42 AM
يا ناس الراكوبة.... شغل على البارد وكدة...

اجازة طويلة......

مقره الدائم بلندن....

وصل القاهرة على الطائرة المصرية....

بحث علاقة السودان بمصر والأحداث حول المنطقة....


#766273 [alkaser]
0.00/5 (0 صوت)

09-15-2013 10:04 AM
بحي اترفة في فصر جدة السيد علي المرغني في حي البستان الرافي في الاسكندرية ولة حناح في مبي فخم اسمة الفور سيزون مطل علي البحر علي شاطي الاسكندرية اخلرني احد عمال الجراج لتمة سخي وكريم مع العمال مشبعن بقشيش غلنا ان هزا المبني يسكنة الاغنياء الما حمج


#766270 [ديامي قديم]
5.00/5 (2 صوت)

09-15-2013 09:58 AM
الولد ده باين عليه ما بدخل يده في الفتة الحارة عشان كده مقرة الدائم في لندن ... بختك يا مولانا


#766262 [الشاكوش]
0.00/5 (0 صوت)

09-15-2013 09:47 AM
بداية الخبر كالآتي : (بعد قضاء فترة طويلة إستغرقت ثلاثة أسابيع في السودان ، غادر الخرطوم أمس مساعد البشير جعفر الصادق الميرغني الى القاهرة ، في زيارة لعدة أيام .)
والمفروض الخبر يكون علي هذا الشكل :
بعد قضاء اجازته السنوية بين الأهل والأصدقاء بالسودان عاد الي مقر عمله (اكرر مقر عمله) السيد مساعد البشير جعفر الصادق الميرغني الى القاهرة ، داهية تاخدك وتاخد ابوك ... الله لا كسبكم لا في الدنيا ولا في الآخرة


#766250 [Fato]
5.00/5 (6 صوت)

09-15-2013 09:39 AM
حلاتى حلاتى(جعفورى) مغادر للقاهرة بعد أن مكث فى الخرطوم 3أسابيع فى زيارة تفقدية لأحياء الخرطوم العائمة فى تلك الفترة وجزاه الله خير على تلك الزيارة التى أخذت من وقته الثمين والان دلوعة بابا وماما عاوز يبحث فى العلاقات بين الخرطوم والقاهرة والله مابتقصر ومن هناك على مقرك الدائم بلندن ولا دائم ألا وجه الله.يا أخوة ناس البشير جعفورى ده مافى داعى يتعبوه كده ويخلو يجى للكتاحة والعرق الدافر من غلابة السودانيين والجوعانين والمرضى والثكلى والمغبونين بل يخلوه فى ترطيبة لندن لأنه عند حساسية شديدة ضد الوجوه الكالحة.نتمنى لأبن مولانا زعيم الختمية زيارة موفقة للقاهرة وأقامة دائمة فى عاصمة الضباب وحقك من الحكومة بجيك هناك وحقك من المريدين بجيك هناك وما تتعب نفسك تجينا تانى.


ردود على Fato
European Union [المشتهي الكمونية] 09-15-2013 11:41 AM
والله صدقت يا فاتو ، جعفوري البجيبو شنو لي بلد الكتاحة والطين والبعوضة والضبان


#766248 [أبوعلي]
5.00/5 (4 صوت)

09-15-2013 09:38 AM
هذا (البيبي كورة الخنزير) أصبح يتحدّث باسم الشعب السوداني!
مش كفاية أبوه البي مليون وجه وآكل أموال الفقراء المخدوعين
نحن من المهدي والكيزان والميرغني إلي هذا العجل البتلّو
رحمتك يـــــارب


ردود على أبوعلي
United States [حسن] 09-15-2013 01:38 PM
يييييييياااااااااااااا حاقديييين


#766246 [chinma]
3.00/5 (4 صوت)

09-15-2013 09:35 AM
ياااااااااااحاسدين ده مبعوث الميرغني إلينا ( كتر خيرو ) جاي يتعرف علي أحوالنا إبان الكارثة وبعدين يرجع لندن دي في فيها حكاية؟؟


#766243 [عصمتووف]
0.00/5 (0 صوت)

09-15-2013 09:25 AM
وهل زيادة المحروقات وغيرها من السلع نتحملها نحن من اجل سفاهتهم وقلة ادبهم انكشف المستور


#766232 [محمد خليل]
0.00/5 (0 صوت)

09-15-2013 09:17 AM
تعيين هذا المساعد يعد من قبيل العبث الذي تمارسه الحكومة لارضاء فلان و علان، ما الفائدة التي تعود علي السودان من تعيين هكذا مساعد مقره الدائم فى لندن حيث يقضي معظم وقته و لا يأتي الي السودان الا فى زيارات قصيرة اطولها ثلاثة أسابيع؟ و أي ملفات يبحثها مع المصريين و ماذا يعرف عن الأوضاع التى تمر بها المنطقة حتي يناقشها معهم؟ هذا من العبث الذي تمارسه الحكومة مما أدخلها فى الأزمة الاقتصادية الحالية التي تريد أن تجد لها الحلول من جيب المواطن الذي يكابد لايجاد قوت يومه بدلا عن الاستغناء عن هذا المساعد و الآلاف غيره من شاغلي الوظائف التي يشغلها المؤلفة جيوبهم من أحزاب الفكة و الوظائف الهلامية المستحدثة التي لا يؤدي شاغلها أي دور و لا عمل لديه و الجيوش الجرارة من الوزراء ووزراء الدولة و الولاة و المعتمدين و أعضاء البرلمان و غيرهم من شاغلي المناصب الدستورية التي لا فائدة منها.


#766230 [Mohd]
4.88/5 (4 صوت)

09-15-2013 09:14 AM
(بعد قضاء فترة طويلة إستغرقت ثلاثة أسابيع في السودان)

جايي يحضر عرس ولد عمه (عرس تسابيح)

اجازة طويلة قال

مصير البلد يتكلم فيه الشافع دا وقاعد في لندن يشاور البشكير بالاسكايب محن اخر زمن والله


#766224 [المغبون شديد من جوه قلبو]
0.00/5 (0 صوت)

09-15-2013 09:10 AM
هو التمبله ده بعرف يتكلم علشان يتباحث مع المصريين ... يا اخي قطر عجيب يودي ما يجيب يا الله يا رب ارنا فيهم عجائب قدرتك


#766215 [الكردفاني العدييييييييييييل]
5.00/5 (1 صوت)

09-15-2013 09:03 AM
مساعد..... رئيس ... مقره الدائم لندن..... ؟؟؟؟؟؟!!!!!!!!!!!!!!!!!!!
مساعد..... رئيس ... مقره الدائم لندن..... ؟؟؟؟؟؟!!!!!!!!!!!!!!!!!!!
مساعد..... رئيس ... مقره الدائم لندن..... ؟؟؟؟؟؟!!!!!!!!!!!!!!!!!!!
مساعد..... رئيس ... مقره الدائم لندن..... ؟؟؟؟؟؟!!!!!!!!!!!!!!!!!!!
مساعد..... رئيس ... مقره الدائم لندن..... ؟؟؟؟؟؟!!!!!!!!!!!!!!!!!!!
مساعد..... رئيس ... مقره الدائم لندن..... ؟؟؟؟؟؟!!!!!!!!!!!!!!!!!!!

بالاضافة للعسكر...... مصيبتنا الكبيرة العظيمة.... هي في سلالة السيدين.... اما الكارثة الحقيقية...... هي في اتباعهما..... الحمد لله الذي اخرجنا من تابعية الوهم....

اللهم عليك بآكلي السحت....عصابة الرقاص ........اقطعهم .......... تك....
اللهم عليك بآكلي السحت....عصابة الرقاص ........اقطعهم .......... تك....
اللهم عليك بآكلي السحت....عصابة الرقاص ........اقطعهم .......... تك....
اللهم عليك بآكلي السحت....عصابة الرقاص ........اقطعهم .......... تك....
اللهم عليك بآكلي السحت....عصابة الرقاص ........اقطعهم .......... تك....
اللهم عليك بآكلي السحت....عصابة الرقاص ........اقطعهم .......... تك....
اللهم عليك بآكلي السحت....عصابة الرقاص ........اقطعهم .......... تك....


#766213 [مامون]
0.00/5 (0 صوت)

09-15-2013 08:58 AM
حلاتو الولد ده


#766204 [الماعاجبو العجب ولا....]
5.00/5 (7 صوت)

09-15-2013 08:35 AM
ما بدرى................... يا خليفة!!!


ردود على الماعاجبو العجب ولا....
European Union [سن ألفيل] 09-15-2013 02:14 PM
ههههههههههه حلوة والله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة