الأخبار
منوعات سودانية
المريخ السوداني يفتح بلاغاً حول أحداث القمة الأخيرة مع الهلال
المريخ السوداني يفتح بلاغاً حول أحداث القمة الأخيرة مع الهلال
المريخ السوداني يفتح بلاغاً حول أحداث القمة الأخيرة مع الهلال


عدم السماح للاتحاد السوداني لكرة القدم بإقامة أية مباراة باستاد المريخ بأم درمان
09-16-2013 06:04 AM

تقدّم مجلس إدارة نادي المريخ السوداني ببلاغ نتيجة الإتلاف الجنائي ل1523 كرسي بقيمة 837 مليون 650 ألف جنيه سوداني في مواجهة المخربين الذين أحدثوا أضرارا بكراسي ستاد المريخ.

وقرر مجلس المريخ في اجتماعه الطارئ الذي عقده يوم الأحد، لبحث تداعيات الأحداث التي شهدتها مباراة القمة التي جمعت المريخ والهلال مساء الخميس الماضي من بعض الجماهير الذين حطموا عدد كبير من مقاعد إستاد المريخ، إغلاق الجانب الشمالي من طابق شاخور والوسطي الشمالية نهائياً، وذلك لحين حسم الاتحاد السوداني لكرة القدم في قضايا تخريب الإستاد في مباراة الفريق أمام الهلال في الموسم الماضي من بطولة الدوري الممتاز، ومباراة القمة الأخيرة من المنافسة نفسها.

وقرر المجلس عدم السماح للاتحاد السوداني لكرة القدم بإقامة أية مباراة باستاد المريخ بأم درمان بخلاف مباريات الفريق.

وسيقوم مجلس المريخ بتقديم تقرير مكتوب لاتحاد كرة القدم لوقائع التخريب المتعمد الذي طال إستاد المريخ في مباراة القمة الأخيرة، وطالب الاتحاد بضرورة حسم ملف الخسائر التي تعرض له إستاد المريخ.


كما قرر مجلس المريخ عدم السماح لأية جهة بالإعلان في إستاد المريخ بخلاف الشركة الراعية للنادي لحين حسم مديونية المريخ بطرف الاتحاد.

كووورة


تعليقات 7 | إهداء 0 | زيارات 4221

التعليقات
#767762 [بابكر عوض الشيخ]
0.00/5 (0 صوت)

09-17-2013 12:48 AM
هذا بينكم وبين الأتحاد وجمهوركم الغاضب عليكم


#767288 [حمودى]
0.00/5 (0 صوت)

09-16-2013 01:02 PM
يا شباب شوفو التكلفة بتاعت الكراسى اللى اتكسرت دا معناه انه الكرسى الواحد بيكلف 550 الف جنيه دا كرسى شنو البكلف المبلغ دا كله ليه هو مصنوع من شنو ,,, الناس ديل بيستخفو بنفسهم قبل ما ستخفو بالناس وبدل ما تقعدو تضحكو على الناس عالجو مشاكل فريقكم التعبان دا وبعدين تعالو اتكلمو فى كراسى البلاستيك بتاعتكم دى


#767259 [زرياب]
0.00/5 (0 صوت)

09-16-2013 12:41 PM
ارجعوا لما كتبه المريخي بابكر سلك في صحيفة الزعيم وستعرفون من الذي تسبب في التكسير


#767209 [يكسروا ويشتكوا عالم جبانة]
0.00/5 (0 صوت)

09-16-2013 12:01 PM
والله جنس عباطة وعوارة وهبالة.. غباء غريب يكسروا استادهم وكراسيهم وكمان يمشوا يشتكوا.. بالله شوف الوهم ديل،، المفروض يكبوكم باستادكم وبكراسيكم وبرئيسكم بتاع القروش الحرام في البحر الدميرة دا ويريحونا منكم ومن عفانتكم دي**

فريقكم كله بلعب بلعبية الهلال ومشاطيبه محليين ومحترفين ودايرين تفوز وقروشكم حرام ومطعمكم حرام واصفركم حرام واحمر حرام وغذيتم بالحرام فأنا تنتصرون على زعيم افريقيا وجلادها..


اها شفتو الشغيل دا ظهر كيف.. كان مدفون زمان لما كان في مريخكم.. احييناه وخليناه نجم النجوم،، ولسه ما حا تشوفوا عمايل وحا نهرد فشفاكم هرد بقروشكم بت الحرام دي،،


قال كسروا استادهم وهو استادكم دا ما مال الشعب السوداني،، يعني انتو داقين فيه طورية ولا قمت ليهو من الفجرية ولا مشيت ليهو ضحوية ولا ضهرية


ردود على يكسروا ويشتكوا عالم جبانة
[كلام] 09-16-2013 06:49 PM
فعلا زيي ما ذكرت ياأخ (يكسروا ويشتكوا) ياخي ديل ما بكسروا ديل بسكروا ويكسروا.. ناس الهلال راقين ادب وثقافة وعلم وشعاره (الله الهلال الوطن)

الجديع بتاعكم ومشهورين به ومعروفين به..

شوف زيي المعلق المسمي نفسه ELSHAFYA A.ALI زيي ما قلت عباطة وجهل وتخلف وهذه عينة المشعجين بتاعين المريخ.


أنا شخصيا بحبذ أن أهل الرياضة وناس الاتحاد السوداني وناس الهلال يحاول يصنعوا وصيف تاني غير المريخ دا. مثلا الموردة الاهلي أو أي فريق من فرق الممتاز.. ويكون منافس أو وصيف للهلال

United States [ELSHAFYA A.ALI] 09-16-2013 01:49 PM
بالله العبيط منو؟؟
عباطك ما عايزه دليل... يا عبيط...
ومال الشعب بيتم تكسيره يا عبيط..
فهمت شئ يا عبيط...
حتى عباطتكم عينه يا عبيط...


#767168 [ابو محمد]
0.00/5 (0 صوت)

09-16-2013 11:07 AM
هذا السلوك يدل علي تخلف وهمجية المشجعين وفي النهاية الاستاد ملك للشعب والدوله بغض النظر عن انه استاد المريخ ونرجو من الأعلام الرياضي أن يقلل من نسبة الشحن السلبي الزائد للجمهور في رأئي انه هو السبب في هذه الفوضي


#767124 [أبو ريناد]
5.00/5 (1 صوت)

09-16-2013 10:27 AM
التخريب الحصل ده، حصل في الجانب الذي تجلس فيه جماهير الهلال ، بعدين المريخ عظيم مهما حصل، وبعد ده كلو أنحنا في الصدارة، وجماهير الهلال الغير واعية أكيد حاقدة على ملعب المريخ الذي هو منارة الاستادات في السودان ، ما زي المقبرة بتاعتكم دي .
شوفو ليكم مجلس إدارة أول حاجة بدل الملاكم بتاعكم ده بعدين تعالو إتكلمو.


#767099 [abdelrahim]
0.00/5 (0 صوت)

09-16-2013 10:02 AM
كما هو معروف أن المهزوم هو من يقوم بهذا الفعل فجمهور المريخ غاضب علي اللاعبين والجهاز الفني والادارة وهو من يتعمد الشغب ، لان جمهور الهلال اكيد في ذاك الوقت منتشي وطربان وليس لديه وقت للتكسير فاظهروا الحقائق ، ومزمل ابوالقاسم كما هو معروف لم يلتزم المهنية في عموده فقلب كل الحقائق هكذا هو الاعلام الرياضي والذي يتعبر احد معاول هدم الرياضة في بلادي وذلك لا ينفصل عن التدهور الذي طال كل شئ في السودان الوطن حيث لا دولة فلك الله شعب وطني من ناس ديل واآسفاي


ردود على abdelrahim
United States [abdelrahim] 09-16-2013 08:20 PM
الأخ الفادني لك التحية
علي ذكر الرياضة اخلاق هذا كان زمننا حيث كان الواحد يتواجد في اي مساطب المهم مع شلته بغض النظر من انتمائه وايضا اذا وجد مساطب فريقه مزدحمة وفي اي مساطب كان له حرية التشجيع وتحدث المناكفات الشفهية المحببة وهتاف (مرقوا مرقوا) كان للمتواجدين في نفس المساطب وبعد المباراة تذهبوا تتعشوا معا والمناكفات مستمرة خاصة في اليوم الثاني في شجرة في ميدان الامم المتحدة فهل هذا حادث الآن؟؟ لا أظن وذلك لأن معظم وجل اللاعبين والمشجعين فاقد تربوي والكرة اصبحت بيع وشراء وليس فيها اي جانب اخلاقي الآن وهذا التدهور نتيجة للتدهور الحاصل في البلد والذي لا تنفصل فيه الرياضة عنه نتمني ان تعود الاخلاق للرياضة والمجتمع عامة حتي نتقدم وكما قال الشاعر
انما الامم الاخلاق ما بقيت فإن هم ذهبت اخلاقهم ذهبوا

ودمت

United States [Alfadni] 09-16-2013 11:33 AM
صحي النوم أخوي عبد الرحيم التكسير في المساطب الخاصة بجمهور الهلال... إلا أن هناك إحتمال أن جمهور المريخ تحول لمساطب الهلال و كسر المقاعد والجالسين عليها !!!!! أتركوا الحقد والرياضة أخلاق قبل أن تكون نصر أو هزيمة !!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة