الأخبار
أخبار إقليمية
اتهمهم بتجاهل مهمتهم الأساسية في تطبيع العلاقات
اتهمهم بتجاهل مهمتهم الأساسية في تطبيع العلاقات
اتهمهم بتجاهل مهمتهم الأساسية في تطبيع العلاقات


09-19-2013 01:42 PM

البرلمان : سارة تاج السر : شن القيادي بالحزب الحاكم عضو البرلمان قطبي المهدي هجوما عنيفا على مبعوثي الولايات المتحدة للسودان ،واتهمهم بعدم الحياد في التعاطي مع قضايا السودان ،وحشر انوفهم في شؤونه الداخلية ،وقال «كل المبعوثين لم نر فيهم من يحمل حلا موضوعيا او موقفا ايجابيا تجاه الخرطوم باستثناء المبعوث السابق اسكوت غرايشن»
واتهم قوى سياسية لم يسمها، بمحاولة استغلال مبعوثي واشنطن بما يضمن لها تدخلا امريكيا في السودان خدمة لاغراضها الذاتية. واعتبر المهدي في تصريحات بالبرلمان ،ان مبعوثي الادارة الامريكية عادة ما يتجاهلون مهمتهم الاولى وهي تطبيع العلاقات ورفع المقاطعة ،واضاف «هم لا يريدون بحث ملف التطبيع وانما فقط حشر انوفهم في مشاكل السودان»، ورهن المهدي عودة السفير الامريكي للسودان برفع المقاطعة وتطبيع العلاقة بين الخرطوم وواشنطن ،لافتا الى ان الاخيرة ستظل تتعامل مع السودان بالآليات الموجودة حاليا.
واثنى على المبعوث الامريكي السابق اسكوت غريشن ووصفه بصاحب الذهن المفتوح واشار الى انه كان موضوعيا في مواقفه واستمع الى كافة الاطراف السودانية قبل ان يواجه بمشاكل وضغوط من اعداء السودان، وانتهي به المطاف الى طرده من وزارة الخارجية .

الصحافة


تعليقات 9 | إهداء 0 | زيارات 2250

التعليقات
#770133 [مشروع حضاري]
0.00/5 (0 صوت)

09-19-2013 08:06 PM
قال (لا يحمل حلا موضوعيا او موقفا ايجابيا)
هههههههههها هاك العملة دي ؟
قالوا الجمل ما بشوف عوجة رقبتو - كسرتوا رقاب الناس وسرقتو السلطة ثم كذبتوا ولا تزالوا تكذبون شلتوا ما خليتو دولار ولا ريال ولا حتى ليرة سورية او لبنانية او تركية وبعد دا تتكلمو عن الايجابية والموضوعية
صحيح الاختشوا ماتوا وصحيح الضبعة قالت (احيييي من ود ابن ادم دا كان لقيت فرصةفيهو ما بخليهو)


#770000 [Ahmed]
0.00/5 (0 صوت)

09-19-2013 04:04 PM
قطبي يشن شنو

ده من جماعة
العدو ده لو جا
بتفوا تف.

قال قطبي قال
خليك في العملات بتاعتك
و خلي شغل الرجالة ده
للرجال


#769994 [osamabasheer]
0.00/5 (0 صوت)

09-19-2013 03:50 PM
لانريد علاقات مع الآنقاذ وآكبر ديمقراطية ؟لآن تكون الآنقاذ المستفيدة وليس السودان وشعبة والعم سام يدرك لماذا تتهافت أنت وأمثالك لرفع العقوبات وتحسين العلاقات ونأمل من العم سام أن يحسن العلاقة مع المعارضة المسلحة ودعمها


#769956 [المتجهجه بسبب الانفصال]
5.00/5 (1 صوت)

09-19-2013 03:06 PM
يا قطبي المهدي وحزبك يا ما بتخجلوا انتو نسيتو أمريكا قد دنا عذابها وعليا ان لاقيتها ضرابها،، ليه عايزين تطبعوا العلاقات مع أمريكا ما دام اكلتو مما زرعتو ولبستو من ما صنعتو واسبيرات سودانير وفرتو،، بعدين انتو عندكم القرآن فيه خبر من كان قبلكم وحلول كل المشاكل مخلنو ليه وجارين وراء امريكا ،، أجلسوا في الواطة دي وشوفوا القرآن القلتو فيهو حل كل المشاكل دي بالله واستنبطوا لينا منو حلول لمشكلة الاسعار واعادة المشاريع التي كانت منتجة والان قفلت وحل بديل للمحروقات واستبدالها بالطريقة التي سافر بها ذي القرنين ،، 23 سنة وانتو رافعين القرآن دستورنا لغاية أسع ما قادرين تحددوا ياتو آيات فيهو تحل مشكلة الحرب في دارفور والنيل الازرق وجبال النوبة وجايبين لينا وسيط افريقي ومبعوث امريكي والقرآن انتو أهلوا عارفين ظاهرو وباطنو ومتشابهه وبينه،، 23 سنة وإنتو قلتوا بتحكموا بالقرآن وما قادرين تطلعوا من القرآن حل مشكلة الصرف الصحي وتسليك مياه الامطار،، 23 سنة وانتو ما قادرين بالقرآن الذي تقولون انه دستوركم ما قادرين تحددوا سبب انهيار الصحة والتعليم وقطاع النقل،، 23 سنة وانتو معاكم القرآن زي ما بتقولوا وخايفين من أوكامبو،، 23 سنة وانتم تدعون انكم حملة الدولة الرسالية القرآنية وبعد ده كلو تلملموا في عملة اعداء الاسلام في بيوتكم وما قادرين تسو ليكم عملة تناطح الدولار الذي تحبون،، 23 سنة وانتم تدعون انكم دولة القرآن وما فيكم واحد القرآن يفتح عليهو معجزة تخلي أمريكا الجارين بي وراها ترفع عنكم العقوبات،،

إنتو قايلين تبني القرآن لعب ،، شوفوه قلب حالكم كيف لأنكم ترفعونه ككلمة حق اريد بها باطل،، أنتم تخدعون الناس بالقرآن ولكن القرآن يعمل فيكم بطريقته الخاصة وهو خادعكم فقد شتت شملكم وجعلكم شعبي ووطني لأنكم كنتوا تقولوا واعتصموا بحبل الله جميعا وتفعلون العكس كسرتوا الاحزاب والنقابات والمجتمع،، كنتم تقولوا للناس ان خير من استأجرت القوي الأمين ولكنكم استأجرتم اللصوص والحرامية لذلك فضحكم القرآن وأظهر سرقاتكم والشعب السوداني كلوا اقتنع بفسادكم ودي من بركات القرآن الذي تخدعون به الناس ولكنه يقول لكم انكم لا تخدعون إلا انفسكم،، واذكرك بموقعة صفين حينما رفع الخوارج في غباء يشبه غباءكم المصاحف وقالوا ان الحكم الا لله فقال لهم سيدنا علي كلمة حق اريد بها باطل وخرج اليهم مالك الاشتر قائد جيش سيدنا علي وقال لهم ويحكم إن الذي ترفعونه مجرد رقاع إن القرآن الناطق هو سيدنا علي الذي قاتلتموه هو أبو ذر الغفاري الذي نفيتموه الى الربذة ومات جوعا ،، فيا قطبي المهدي أنتم ترفعون المصحف الورق لا المصحف القيم (كما قال الاشتر للخوارج) ومن الافضل لكم بما كسبت ايديكم خلال الـ 23 سنة الماضية أن تتوبوا الى بارئكم أو أن تقتلوا انفسكم بترك الساحة السياسية لمن يدير مصالح الناس بما يتماشى مع القرآن القيمي الذي كان سائدا في السلوك الخير للإنسان السوداني مهما كان دينه فان ابيتم فانتظروا النار القادمة على السودان بسببكم،،


ردود على المتجهجه بسبب الانفصال
[المستشار] 09-19-2013 08:14 PM
لا يا المتجهجة بسبب الانفصال خليكي بعيد اضربي في المليان لكن خليك بعيد من الدخول في حرمات الدين قد لا يفهم مغزي حديثك دفعة واحدة .. عندك الف باب ممكن تتحدثي في هذا الموضوع وفي قطبي وفي الحكومة ولاكن من ابواب اخرى
صحيح الناس ديل كرهو الناس في الدين لان الذي ياتي بكذب سوف يستمر في نفس الكذب والدجل وديل ما بعرفوا الاشتر النخعي ولكن يعرفوا النجف الاشرف وكل من يديهم ليرة او دولار على العموم ثقافة جيدة لكن ابتعدى عن مثل هذه التعليقات


#769946 [انصاري]
5.00/5 (1 صوت)

09-19-2013 02:54 PM
يا قطبي المهدي الشايل بنك السودان في بيتكم.. الست الأمنجي الثاني الذي قاد محاولة إغتيال الرئيس المصري الأسبق محمد حسني مبارك.. في أديس أبابا.. وبعد كشف (اللعبة) تواريتم عن الأنظار خجلاً مع الأمنجي الأول- نافع.. حيناً من الدهر عندما كنتما تتقاسمان جهازي الأمن ـ الداخلي والخارجي.."كان إنت نسيت نحن ما نسينا"...
ماذا تسمي محاولة قتل رئيس دولة أخري.. أوليس حشر أنف وفضول.. دعك عن أمريكا.. التي تخطبون ودها.. تطبيعاً... وتبضيعاً.. بعد طال أوان دنو عذابها... وبدلاً من تلم جدادها.. فقستم جداداً إلكترونياً بيكومونات..!! قطبي الشعب مازالت ذاكرته متقدة.. يمكنك أن تقول مثل هذا الكلام فقط للصوص للجالسين تحت سقف فيما سمي (مجلس وطني) وصلوا إلية في إنتخابات خج موثق...قطبي أنت غير مؤهل أخلاقياً وقيمياً وسلوكياً بالتحدث عن ..عن السلوك الدولي القويم.


#769934 [ابو دلوكة]
0.00/5 (0 صوت)

09-19-2013 02:37 PM
بإس اﻹثم الفسوق ﻻ زلتم ترمون فشلكم في الغير إستحوا


#769929 [ود البطانة]
5.00/5 (2 صوت)

09-19-2013 02:31 PM
دا الزول بتاع حرامي العملة


#769900 [ابومحمد]
4.75/5 (3 صوت)

09-19-2013 02:06 PM
أقول للأهبل قطبي المهدي سكوت غريشن لم يطرد وإنما أدى المهمة الخاصة به وهي فصل الجنوب ومن ثم أزيح من مكانه حتى لا يقوم بتنفيذ الوعود التي قطعها لكم يا حمير ، فهم السياسة الأمريكية بعيد عنكم تماما يا وهم


#769896 [shah]
5.00/5 (4 صوت)

09-19-2013 02:05 PM
يا بختك الدولار عمل 8,100 جنيه شايف عمتك بقت قدر عمة ترباس.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة