الأخبار
أخبار إقليمية
وزير المالية: الشعب يرفض التقشف بعد حياة الرفاهية..البيوت زمان كانت شينة والناس بتسمع بالبيتزا
وزير المالية: الشعب يرفض التقشف بعد حياة الرفاهية..البيوت زمان كانت شينة والناس بتسمع بالبيتزا
وزير المالية: الشعب يرفض التقشف بعد حياة الرفاهية..البيوت زمان كانت شينة والناس بتسمع بالبيتزا
عمارة وزير المالية على محمود الثالثة للزوجة الثالثة بالعاصمة الخرطوم


09-20-2013 06:44 AM


الخرطوم: وجدان طلحة
قال وزير المالية علي محمود: "إن الشعب السوداني يرفض التقشف بعد حياة الرفاهية"، مشيراً إلى أن (البيوت شكلها شين والناس كانت بتسمع بـ(البيتزا) والآن توجد محلات كثيرة لها, والعربات كانت بكاسي بس، والآن توجد موديلات مختلفة من العربات)؛ في وقت شدد فيه وزير المالية على أن قرار رفع الدعم عن المحروقات لا رجعة عنه، وقال - إن الإعلام دائماً يحصر القضية في رفع الدعم عن المحروقات وزيادة أسعار البترول، مشيراً إلى أن وزارته تطبق برنامج إصلاح اقتصادي متكامل، لافتاً إلى أن الدولة تدعم عدداً كبيراً من السلع بمبالغ ضخمة، كان يمكن توظيفها في مشروعات التنمية، التي يستفيد منها كل الشعب السوداني، بدلاً من دعم البنزين الذي يستفيد منه الذين يمتلكون عربات.
وفي السياق أشار الوزير لدى حديثه في ورشة (آليات الدعم الاجتماعي المباشر.. الواقع وآفاق المستقبل) أمس، إلى أن تخفيض مخصصات الدستوريين بنسبة (25%)، أثر عليهم وقال: (لو ما عندنا أخوانا في السوق كان زمان أديناكم القلم).

وأضاف وزير المالية أن دخل الفرد ارتفع من (400_1700 دولار)، لافتاً إلى أن الإجراءات الاقتصادية سيستفيد منها الفقراء، موضحاً أن نسبة الفقر في البلاد تختلف من ولاية لأخرى، وأن ولايات دارفور سجلت نسباً عالية.
وأكد الوزير إعفاء القمح والسكر والأدوية، إذا كانت مصنعة محلياً أو مستوردة من القيمة المضافة. وقال إن السودان أصبح قبلة للدول الأخرى، وضرب مثالاً بأجر العامل الإثيوبي، وأنه عندما يحوله لبلاده يعادل مرتب وكيل وزارة.
من جانبها قالت وزيرة الرعاية والضمان الاجتماعي، إن الإصلاحات الاقتصادية ستعود بالخير للشرائح الضعيفة, وقالت إن الإصلاحات لا يعدُّها وزير المالية ولكن تعدُّها الدولة.

السوداني


تعليقات 58 | إهداء 0 | زيارات 9526

التعليقات
#771479 [المهندس سلمان إسماعيل بخيت على]
0.00/5 (0 صوت)

09-21-2013 01:40 PM
ياواد يا على محمود ياوزير مالية البشير أرعى بقيدك وماتفلت منه وألعب بعيد عن الشعب السودانى فنحن نعلم من أنتم ومن أى بيئة جئتم ولو لم تكن تعرف فأن أول إيطالى إكتشف البيتزا بالصدفة كان لديه فضلات أكل كثيرة فى الثلاجة تشتمل على بقايا دقيق ولحم وطماطم وفطر وزيتون وجبن وملح وبهار وزيت وحاجات كثيرة كل منها لوحده لا يكون وجبه كامله ، وكان يهم برميها فى الزبالة ولكن خطرت لديه فكره لإستخدامها فى وجبه واحدة ، بوضعها على سطح فطيرة طحين ووضعها فى الفرن فكانت البيتزا ، يعنى فضلات أكل جمعت وصارت بيتزا ونحن الحمد لله لم نصل لهذه الحالة إلا فى عهدكم اليابس ( مش زاهر ) ..
حاليا أنا أسكن بمدينة الرياض السعودية مش رياضكم إنتو وعلى مرمى حجر من بيتى محلات لبيتزا هت ، بيتزا إن وبيتزا ديمونيز ومحلات كنتاكى وماكدونالز وبيرجر كنج وكل هذه الزحمة من الأكلات الغربية لم يخطر لى بال أن أغير ثقافتى الغذائية وأتوجه لثقافة غذائية دخيلة بل كريهه وغير مستساقة ، حصن كسرة مع ملاح تقلية أفضل من جميع هذه المأكولات الغربية وحسب معلوماتى أنت من ابناء الغرب وقد تكون من أبناء البقارة ايه اللى خلاك تتعلق بالبيتزا من اصله خلاص جرت القروش فى أيديكم ونسيتو العصيدة باللبن والسمن حقيقة المال السايب يعلم البقارى والرباطابى أكل البيتزا ( دخلنا معاك عشان ماتزعل ) وأحذر يا على محمود من الإساءة لشعب السودان ومش كل مره تسلم الجره وكلم معاك الطفل بتاع الشحاته يلجم لسانه واللى صابنا من رجال حكومة البشير لن يغتفر ولن ينساه شعب السودان


#771108 [مافى داعى]
5.00/5 (2 صوت)

09-21-2013 02:59 AM
البيوت كان شكلها شين والناس كان شكلها وحالها زين واس بقى البيوت والناس حالة شين


#771102 [مافى داعى]
0.00/5 (0 صوت)

09-21-2013 02:47 AM
يا وزير المالية كلامك دة كلو صاح بس اذكرك حاجة واحدة بس انو النتيجة النهائية46000000000$ديون /30000000نسمةيساوى كام


#771070 [د/ موسي]
0.00/5 (0 صوت)

09-21-2013 01:39 AM
انا كنت شغال في الابيض سنة 2005 وكنت اسكن مع اسرتي الصغيرة في غرفتين وحمام والغرفتين بالزنك ومروحة في غرفة واحدة والايجار 450 جنيه وراتبي كان 571 جنيه يعني لازم كان اكسر رقبتي واعيش ب 121 جنيه هذه هيالرفاهية يا وزير المالية وانا طبيب وحاصل علي درجة الماجستير


#771029 [abumohamed]
0.00/5 (0 صوت)

09-21-2013 12:22 AM
والله ما في شي بغطس حجرهم غير الاستفزاز والتصاريح عديمة الادب دي .. الله ينتقم منك ومن امثالك يا حرامية .. والله موجود


#771021 [هلمجرا]
0.00/5 (0 صوت)

09-20-2013 11:57 PM
السيد وزير المالية حدد دخل الفرد السودانى ما بين 400-1700 دولار. طيب يا السيد الوزير ال400 دى يعادل مرتب بروفسور يعمل فى الجامعة و الذى يعادل مرتبه 10 أضعاف الفراش أو المراسلة الذى يعمل بالجامعة.فالسؤال الذى يطرح نفسه هو هل كل العاملين بالدولة و الذين يتقاضون مرتبات أقل من البروفسور و الذين هم بالطبع خارج النطاق الذى حدده الوزير!!!!هل هؤلاء سودانيون أم أجانب؟


#771018 [عمدة]
5.00/5 (1 صوت)

09-20-2013 11:51 PM
شر البلية ما يضحك. أنا عايز حد يورينى الكيزان المتخلفين ديل بطلعوا من وين. واحد يتكلم عن الhot dog ولو سألتو عن الspelling بتاعه ما بعرفوا والتانى يتكلم عن البيتزا باعتبارها شيئا راقيا. فأعلموا قوم أبى جهل أن هذه وجبات الحيرة لا الرفاهية يا وهم.


ردود على عمدة
European Union [abusafarouq] 09-21-2013 02:15 AM
هل البشير وعلى محمود جربو ماك دونلدز أو هارديز أو كنتاكى أوبيتزا إن أو بيتزا هوت أو دومنيزبيتزا بكل مسمياتو ومزاغاتو وأنواعو والبشير الظاهر لم يجرب الا الهوت دوغ ودى قديمة زول دايرو مافى والحاجات دى البشير مايقدر يعرفو تانى الا إذا ذهب لاهاى يمكن يدوه فى سجنو والحاجات دى البشير يمشى يأكل أو يتعرف عليه مستحيل الدول الفيه الحاجات دى مطلوب فيه البشير القبض عليه .


#771010 [ابراهيم دياب]
0.00/5 (0 صوت)

09-20-2013 11:32 PM
this is the the second time after marry antoinet ordered the french to eat cackes.شر البليه مايضحك فالذين باكلونالبيتزا والهوت دوق هم اللصوص الذين خرجوا من كم عراب الانقاذ واتبعوا ابليسها وولغوا في المال الحرام والدم الحرام فعاشوا في سكرة السلطه وعاثوا في الارض فسادا ثم انقلبوا يفسدون الناس ومن لم يتلوث بفسادهم يقسدون عليه دنياه قاتلهم الله انى بؤفكون
لا ادري هل يسمع هؤلاء وهل يغقلون هل هم مغفلون ام مستفلون ؟ لا نستبعد كل ذلك ممن يظنون انهم شعب الله المختار

نسال الله عاجل الخلاص من هذه الجهالة الجهلاء


#770983 [انصاري]
0.00/5 (0 صوت)

09-20-2013 10:36 PM
بيوتهم شينة ولكنهم شرفاء.. لا يسرقون أموال اليتامى..


#770968 [تينا]
0.00/5 (0 صوت)

09-20-2013 10:07 PM
يا جماعة كلام الناس ديل عننا من ناحية الرفاهية مضحكنى شديد. البيوت زمان كانت شينة بأمارة عمارتك الفى الصورة يا وزير مالية الهنا ودى الثالثة يا ترى الأولى والثانية كيف . أما حكاية البيتزا دى كوم تانى يعنى نفهم منكم حتى الأكل علمتونا ليهو انتو رئيسك بهناك اقول بقينا ناكل الهوت دوق وانتا تقول البيتزا ومصطفى داك اقول كنا شحادين ونافع داك اقول ومنو داك ما بعرفو اقول وعييييييييك يعنى كنا دايشين وبفضلكم أصبحنا عايشين يا حليلنا بقينا مسخرة فى زمنكم والحاجة البتغيظ بتستفزونا كمان لكن الله فى


#770933 [بت حبوبتها]
3.50/5 (3 صوت)

09-20-2013 09:21 PM
بالعكس يا وزير الغفلة, زمان السودان وأهله اخير من اسة مليون مرة !

زمان العرس أو العزاء صيوانه واقف 15 يوم وما سمعنا بي زول إتدين أو طير شيكات عشان يصرف على المناسبة !

زمان الصينية يشيلوها نفرين والناس تاكل 3 وجبات سمحة في اليوم, أسة الوجبة واحدة أو اتنين على الأكتر والله يكون في عون الأطفال والمرضى والحوامل لأن الوجبة أكيد بتكون "قليلة الدسم" !

زمان الملابس والأحذية راقية في كل السودان, العمة تترون والتوب سويسري والحذاء إنجليزي والمركوب فاشري, أسة لبسنا كله من أردأ ما صنعت الصين وبرضو ما قادرين عليهو !

زمان درسنا مجانآ وأسة بيرجعوا أطفالنا البيت من الحصة التانية عشان ما جابوا حق الترحيل !

زمان اتعالجنا مجانآ وأسة بنموت على عتبة باب الحوادث إما لانعدام الأوكسجين من الأسطوانات بالداخل أو لانعدام الفكة بجيوبنا, وعلى كل فالموت أرحم من الوضع الحاصل !

زمان الناس هداوة بال, وأسة زماننا الترحال, عشان كدة طلعنا سبنا ليكم البلد !

وحسبنا الله ونعم الوكيل


ردود على بت حبوبتها
United States [sas] 09-20-2013 10:59 PM
100000000000000% correct


#770920 [عبدالقادر التجانى عبدالقا]
5.00/5 (1 صوت)

09-20-2013 08:48 PM
من اين لكم هذا؟


ردود على عبدالقادر التجانى عبدالقا
United States [ابوزول] 09-20-2013 11:33 PM
وزير المالية اخر من يتكلم عن الرفاهية هل كان يحلم هذا ألمافون بمنزل مثل هذا وان لم يكن فاسدا فليوضح لنا بمعادلة حسابية بسيطة ان مرتبه ومخصصاته في عشرة سنوات يمكن ان تبني له هذا المنزل .....هذا بالطبع غير منازله الأخري .....صحيح الأخت شوا ماتوا


#770893 [mahir galall]
0.00/5 (0 صوت)

09-20-2013 08:05 PM
NFS KLAM NIMERI AKHR AYAMO


#770814 [ود ابو زهانة]
0.00/5 (0 صوت)

09-20-2013 06:23 PM
يا جماعة الزول ده بقى من جماعة ربيع عبدالعاطى لفو لفو ؟؟ لانه كل مرة بجينا بنكتة جديدة .. من القطية لقصرين فى ارقى ضواحى الخرطوم ما كنت تحلم بالمرور بجوارها وجاييى تنبز ناس نمرة اتنين والعمارات والخرطوم عموم وامدرمان ؟ أسأل عن مبانى احياء الخرطوم ومنشئاتها فقد بنيت قبل ان تولد وعرفوا ما عرفته انت بعد ان جئت الى الخرطوم مؤخرا قبل ان تدخل الخلوة.. فعلى من تفترى؟ حكمة والله وحكاية!!
سيدنا على بن ابى طالب كرم الله وجهه قال : أطلب الخير من بطون شبعت ثم جاعت لان الخير فيها باق ولا تطلب الخير من بطون جاعت ثم شبعت لان الشح فيها باق ... رضى الله عنه فلم يقل الا الحق ... هكذا دائما مستجدى النعمة


#770782 [Fato]
0.00/5 (0 صوت)

09-20-2013 05:41 PM
والله حديث وزير المالية هذا أستفز مشاعرى ومشاعر الملايين الغلابة من أبناء وبنات هذا الشعب فأقول له معك حق أن تستفزنا نحن الغلابة الذين لا نستطيع توفير لقمة وجبتين لنا ولأطفالنا حتى لو كانت ماء ببصلة لبطون جائعة بفضل سرقتكم لأموالنا والى ظهرت الأن فى عمائركم متعددة الطوابق وفللكم ذات أحواض السباحة المتعددة ومزارعكم متعددة الأميال وفارهاتكم من العربات ذات الدفع الرباعى وزيجاتكم المتعددة لتصل لرباع حسب الشرع والعديد خارج الشرع.لك الحق أن توصمنا باكلة البيتزا والتى نرى أعلاناتها ولم نتشرف أو يتشرف بها أبناءنا ولكن للحق عملت من أجل أبناء لصوص هذا الوطن والذين أستزلونا اليوم.ياوزير الغفلة أوعدك وعد قاطع كما جوعتونا وشوهتونا وحقرتونا سوف نكيل لكم ميكالين ولن تجدوا منا الرحمة لكم ولأبناءكم وسوف نسقيكم من نفس الكأس التى سقيتمونا منهاغدا وأن غدا لناظره قريب.


ردود على Fato
[ابوزول] 09-20-2013 11:38 PM
مثل هذا يجب ان يقطع من خلاف ويصلب في ميدان عام لانه سارق لقوت الشعب ومفيد في الارض ....ان غداً لناظره قريب


#770780 [قرفان]
5.00/5 (1 صوت)

09-20-2013 05:36 PM
عليكم الله دا فهم وزير هسه ولا فهم شماسي
التطور دا سنة الحياة
في زمن عبود جات عربات ما كانت في زمن المهدية
وفي زمن نميري جات اجهزة ومعدات ما كانت في زمن عبود
ووووو
دا بفضل الحكام ولا دا تطور الحياة الطبيعي الحاصل في كل العالم
بعدين الحاجات البتكلم عنها دي عند كم في المية من الشعب
الشعب يا وزير السجم قبلكم كان باكل تلاتة وجبات وهسه بقت واحدة
وقبلكم كان العامل بشتغل سته ساعات هسه بقى يشتغل عشرة وما بلقى الثلاثة وجبات
وقبلكم الاسر ما كانت منحلة
ولا كان في قبلية وجهوية ولا في دم مسفوك
قال بيوت طين
هسه والله غالبية الشباب ما لاقين مجرد ارض ملك
ربنا يغطس حجركم ..


#770629 [muslim.ana]
3.00/5 (1 صوت)

09-20-2013 05:19 PM
وصلتو الديون لي قريب 50 مليار دولار وسيدك المشير كل يومين يتراقص في افتتاح مشروع !!تنموي!! وبعد ده كله جايي تقول لينا يادوب حنبداء نتقشف عشان مشاريع تنموية تنفع الشعب ؟!!!!

طيب الـ 50 مليار مشت لي مشاريع تنفع منو؟ وزولك ده كان بتراقص من زمان في شنو ؟!!!!

الواحد قدر ما يقول انو تاني الكيزان ديل ما بحيرونا لانو شفنا منهم اي حاجة، تجونا بي جن جديد تمحنونا


#770628 [ركابي]
4.00/5 (2 صوت)

09-20-2013 05:18 PM
مزيد من الاستفزازات عسي ان يتحرك الشعب الخامل ....ذكرني بكلام ماري انطوانيت مع الفارق الكبير في الطبقة الجاي منها الزفت ده ومع خالص التمنيات بنفس النهاية


ردود على ركابي
[ابو اسد الله محمد الشريف] 09-20-2013 04:55 PM
آمين


#770764 [zangazanga]
3.00/5 (1 صوت)

09-20-2013 05:16 PM
شين بيت أبوك ياأبن الكلب بالله ده بخاطب مين الكلام موجه لمؤتمره الوطنى أم للمواطنين إنتو جيتو مقطعين دخلتو الحكومة وماصدقتو لقيتو مال شعب هملة وأكلتوه أحمد الله ماكان عندك علاج ولدك وضناك وعالجته على حسابنا بالله من أين أتو هؤلاء..


#770763 [Zingar]
0.00/5 (0 صوت)

09-20-2013 05:16 PM
لابد أن تصفى جسديا وإن طال السفر حتى تكون عبره لكل من تطاول.


#770758 [ياسر عبد الوهاب]
0.00/5 (0 صوت)

09-20-2013 05:07 PM
يتفاخر بشبش ان الشعب السوداني عرف الهوت دوق في عهده...دوق يعضيك في....... الكبار ديل يا اكل السحت..انته الهوت دوق قايلو شنو ما سجوك...ومن ما قمنا بنعرف السجوك..بل الذ واشهي من الهوت دوق ...وبعدين وزير ماليتك شابكنا علمناكم اكل البيتزا انتو البتزا شنو ما قراصة وقراصتنا احلي واشهي قبل ما انتو تجوا..
شكيتك علي الله يا الترابي ديل جبتهم من وين؟؟؟؟


#770753 [خالد السودان]
0.00/5 (0 صوت)

09-20-2013 04:54 PM
اسمعوني يا شباب عليكم الله ده يستاهل تفجير بقنبلة او لا ؟؟؟ الرد عندكم وهل يحاسب اذا فجرنا عربيته وهو في داخلها في يوم من الايام ؟؟؟؟؟؟؟؟؟؟ ادوني رد يا جماعة


#770740 [ابوساره]
5.00/5 (2 صوت)

09-20-2013 04:26 PM
آآآآآخ


#770724 [abusafarouq]
0.00/5 (0 صوت)

09-20-2013 04:10 PM
لافتاً إلى أن الدولة تدعم عدداً كبيراً من السلع بمبالغ ضخمة، كان يمكن توظيفها في مشروعات التنمية، التي يستفيد منها كل الشعب السوداني، بدلاً من دعم البنزين الذي يستفيد منه الذين يمتلكون عربات.
............................................
يا متخلف يا وزير العواسة الكلام ده ما قالو رئسيك الرقاص من قبل عندما قرر زيادة السكر ورفع الدعم منه والمدعوم شنو بالله الان . قال البشير انحن رفعنا الدعم من السكر عشان يستفيد الفقير والمستفيد من دعم السكر الاغنياء يشربوه عصير .. أتحدى هذا الوزير يعدد لنا السلع المدعوم للمواطن شنو والله ده النفاق والكذب نقول عمارات وفلل وقصور ومزارع وشركات وعربات لانكروزر أخر موديل تساوى فى السعودية الواحدة منها 280 ألف ريال سعودى مايعادل 5 مليار سودانى بالسعر الهابض للجنيه لمنتسبى الحكومة لو وظفت لمشروعات التنمية لكان السودان سلة الغذاء للعالم يامنافق اللهم فى هذا اليوم المبارك دمر أهل الانقاذ ولاتغادر منهم أحدا وأضع لنا حدا للكذب يارب العالمين ..والعربات الفارهة دى الماشى فى فى كل مدن السودان لمنتسبى الدولة وبنزينهم ببلاش على حساب دافع العتاوات السودانى ياكاذب داهية تأخذك فى ستين.


#770720 [سشجن]
0.00/5 (0 صوت)

09-20-2013 04:04 PM
الراجل دا نسى الجلكسي والايفون والفيسبوك وووو
دي كلها عرفناها في عهدكم المشؤوم يا غراب الشؤوم


#770712 [بشير ودالعتمور]
0.00/5 (0 صوت)

09-20-2013 03:54 PM
وزير المالية يتحدث عن ان الشعب لم يعرف البيتزا من قبل والبيوت شينة والعربات آخر موديل يعني خلاص بقيت زي عبدالرحبم حمدي جعلت السودان في الخرطوم منو القال والله في ناس كلمة رغيف ما عارفنها ما بيأكلوه الا في مناسبة ناهيك عن البيتزا ياخ في ناس البيبسي بيشربوه في حالتين يا في زول عيان أو عندهم ضيف،العربات آخر موديل أظن ان السلطة اعمتك وجعلت علي بصرك غشاوة والله في دارفور لازالت الكارو سيدة الموقف أعني موقف المواصلات، ويقول لك رفاهية والله مترفه انت بس لأنك زي ما بقولوا جنب الوابور المولد.


#770708 [المهندس سلمان إسماعيل بخيت على]
5.00/5 (1 صوت)

09-20-2013 03:51 PM
يا على محمود البيوت السمحة تمتلكها 3 فئات فمن أي فئة أنت ؟
الفئة الأولى فئة قدامى الرأسمالية وكبار التجار منذ فجر الإستقلال مرورا بفترتي عبود وحى العمارات ونميرى وحى الرياض والطائف
الفئة الثانية وهى فئة المغتربين - خدمة طويلة - زى محدثك عمك سلمان - خدمة 28 سنة إغتراب ودى حدثت فى فترة مابين منتصف السبيعينات للقرن الماضى الى تاريخ اليوم
الفئة الثالثة وهى عمارات وفلل جديدة لنج وهى لجماعة التمكين فى عهد الإنقاذ من تسعينيات القرن الماضى الى تاريخ اليوم وتحديد قبل خروج بترول الجنوب - ماخلاص الضرع نضب
فمن أى فئة أنت ؟
الشعب يرفض التقشف بعد حياة الرفاهية..البيوت زمان كانت شينة والناس بتسمع بالبيتزا
البيتزا لمان نحن أكلناها كانت بيتزا إيطاليا أصلية قبل ماتظهر بيتزا هت وبيتزا إن ودومينوز بيتزا إن شاء الله من حريمك الثلاثة ديل فى واحدة بتجيد عمل البيتزا لأن سياستكم والمقاطعة الأمريكية حرمت الشعب السودانى من جميع متع الدنيا وخليكم فى العصيدة بالويكاب


#770698 [مدحت عروة]
4.75/5 (3 صوت)

09-20-2013 03:39 PM
بالل عليكم الله ده وزير مالية؟؟؟؟بدل ما يعطى ارقام عن الدخل القومى وتطوير الانتاج والصادر ونسبة العطالة وخلق وظائف وتنويع الاقتصاد الوطنى يقعد يقول البيتزا والعربات؟؟؟؟؟؟
ماهو حجم صادرات السودان من الانتاج الزراعى والحيوانى والموارد الطبيعية والصناعات الزراعية والحيوانية وهل تطورت زى البيتزا والعربات زى ما بيقول ولا تدهورت؟؟؟؟؟
اى دولة فى العالم معرضة لهزات اقتصادية لكن تعالج فى ظل وضع ديمقراطى حر وشفافية ويقبل الناس بالعلاج المر طالما كان هناك عدل وشفافية!!!!!!
بالله عليكم الله شوفوا جنس الناس المتولين امر البلد؟؟؟
مش لينا حق نبقى مضحكة الامم؟؟؟؟؟؟؟


#770686 [reallyisthis us]
0.00/5 (0 صوت)

09-20-2013 03:30 PM
وبعدين تجوا تقولوا حكم بخمسة سنوات سجن
بدل الاعدام لكافة المنتمين لحزب الخرفان الاستلامي


#770674 [Awad]
0.00/5 (0 صوت)

09-20-2013 03:20 PM
نبوئتى ان الثورة التى ستقتلع الانقاذ ستاتى من الاقاليم والمدن المرشحة للثورة هى سنار ، مدنى ثم الابيض ارجو تدوين هذه المداخلة فى مفكرتك.


#770600 [tom]
4.00/5 (2 صوت)

09-20-2013 01:17 PM
الوزير دا بصراحة بتكلم عن نفسو وعن نافع


ردود على tom
United States [jakssa] 09-20-2013 06:38 PM
قال البيوت زمان شينه ...الوزير دا جاى من حوش بانقا ولا شنو


#770587 [مفقوع مرارتي انا ياسودان]
3.50/5 (3 صوت)

09-20-2013 01:01 PM
انت جاي من وين ياوزير الهنا ؟ نحن لما اكلنا البيتزا انت وناسك ديل كنتوا بتقضوا حاجتكم في العراء وبتشربوا من الترعة
اسالك سؤال هل اكلت من ايسكريم بيمبو ولحوم مكسيم ولا كنتا بتعرف النادي الامريكى ولا السوري ولا حتي القبطي لانو الوقت داك اشكالك دى بشارعو سااااااي مابتقدر تجي.
هل قبل الانقاذ كان عندك عجلة سيب عربية ، هل كنت بتجى جنب مطار الخرطوم سيب تركب طيارة وبيوتنا من يومها والحمد لله سممممحة وفيها كهربا مش فوانيس ، هل كنت بتسافر سفريات عائلية للقاهرة ولندن في الاجازات ...ااااااي تربية عمارات وحبيان بلاط ،غاتيو لكن مابسعلك ياسعادة الوزير ..سويتها شيييييينة المرة دى.
مابعيب الفقر لكن الحقارة مااااااابدورها.


#770582 [مواطن بالنظر]
0.00/5 (0 صوت)

09-20-2013 12:54 PM
اذا لم تستح فاصنع ماتشاء ...كلام يدل علي فهم ضيق وتفكير سطحي ونظرة قصيرة للامور ...لحقتو البلد أمات طه...وتجي تقول بيتزا وبيوت وتنمية...بالمناسبة انت متاكد انك قريت اقتصاد


#770581 [أبو الشهييق]
3.50/5 (2 صوت)

09-20-2013 12:53 PM
انتو با جماعة هلال مريخ الاخيرة طلعت كم كم ؟
صحي الحضري تف وبزغ في وش الحكم؟ طيب ليه ما كتلو الحلبي ود الغلــ ؟
شر البلية ما يضحك ...
يعني التطاول ما من حكام الانقاذ براهم فالشعب أصبح أليف ومدجن لدرجة واحد واطي زي الحضري امام الملايين يتفل في تراب السودان وأرض السودان وداخل السودان في وجوه كل السودانيين وليس في وجه الحكم ومع ذلك تذهب به طائرة خاصة لعلاجه في القاهرة ثم يعود ويمارس حكمه بالوصايه كأنما نعيش في عهد الخديويه الاولى ...
العيب ليس في البشير ولا نافع ولا علي طه ولا علي محمود ،، العيب فيكم أنتو لانكم رضيتم بالهوان واستمرئتم التدجين واصبحتم (لا بتهشوا ولا بتنشوا) وفالحين في التنديد والتنظير وكل من هب ودب يدوس لي كرامتكم ويلطم خدودكم وردات فعلكم هي ادارة وجوهكم لتلقي الصفعة الاخرى .
الحكومة في يدها الجبروت لكن الحبش والحلب كلهم فلسطينيين وسوريين ولبنانيين ومصريين بعملوا فيكم كدا لشنو ؟ والمسكتكم شنو ؟ ما تقولو ديل برضهم حكومة..
وعشان ما إنط واحد ويقول وأنت وين من الكلام دا .
بقول ليهو انا برضو من المدجنين قسرا .
شوفو حاجه غير الكلام والعويل والنفخ في قربة مقدودة .


#770568 [كاك]
2.00/5 (1 صوت)

09-20-2013 12:37 PM
عجيب امر هذا الوزير يقول الشعب يرفض رفع الدعم ويقول في موضع آخر انهم يمثلون الشعب واتو للحكم بارادة الشعب اذن لماذا تعمل ضد ارادة الشعب الذي يرفض رفع الدعم اتحداكم استفتوا الشعب الذي اتي بكم حسب زعمكم على رفع الدعم حتى تعرفوا حجمكم


#770551 [الحلبي التركي]
5.00/5 (2 صوت)

09-20-2013 12:20 PM
يا جماعة
أساساً وزير المالية ما سمع قبل كدة بالبيتزا والهوت دوق ... لكن عرفا بعد ما بقى كوز ودة السبب وبعدين كان عايش في راكوبة وبعد ما سرق أموال المساكين والفقراء في عهد الكيزان عمل ليهو قصر.

فلا تؤاخذوا الرجل فهو كرووور ومستجد نعمة. وهذا كلام كل مستجد نعمة فعلاً.وبالفعل فهذا النوع من الناس يثبت لكم أن الإنقاذ لم تأتي إلا بحرامية عينوم طايرة ... وما البتعرفو في بيت أبوك يخلعك.

يا سيد وزير المالية.. أنا لست فقيراً وعندما أكلت الهوت دوق والمارتديلا كنت أنت لا زلت عايش على السخينة.
ولكننا لسنا ضدكم بسبب البيتزا ... نحن ضد أن يحكمنا حرامية وناس ما أولاد ناس.. وأن يحكمنا نظام يدمر كل مؤسسات الدولة ويمرمط بالسودان الأرض .... فهمت.. نحن لا نستبدل الرفاهية بالحرية.. لا نستبدل الظلم بالعدل.. لا نستبدل حقوق الشعب بالبيتزا والهوت دوق ..
ومع ذلك أمشي شوف أسعار الفول الكان زمان أكل الغلابة... حتعرف إنك كضاب ولست أمين بل شخص ضحل التفكير وبلا مروءة ولا أخلاق.. وهذا هو طبع الكيزان.. لعنكم الله في الدنيا والآخرة وأرانا فيكم قدرته في الدنيا قبل الآخرة.


#770526 [كتاحة]
4.63/5 (7 صوت)

09-20-2013 11:57 AM
يا اخوانا الناس ديل بتكلموا عن ياتو شعب؟!

والله انا بقيت اشك في نفسي و في حلتي و اقول انو السودانيين ديل بيدعوا الفقر خوفا من الحسد .

اعاين في صينية الغدا القاها ياها صينيتنا زاتا ما زادت ( اييواااا يكونوا النسوان ديل بقرموا من المصاريف و بدل ما يجيبوا لينا هوت دوغ يجيبوا لينا الدوغ بس وهاك يا هوهوه )

انا غايتو عندي رغبة عارمة ( والله عارمة دي عاجباني ) اني اقول لي وزير التلاف دا كلمة قبيحة
لكن احتراما للراكوباب حا اكتفي بي تييييييييييييييييييييييييييييييييييييييت


ردود على كتاحة
United States [فرعون] 09-20-2013 04:30 PM
و الله يا كتاحة انت كتاحة جد جد يجيازي محنك


#770494 [لن ترتاحوا يا لصوص]
5.00/5 (3 صوت)

09-20-2013 11:23 AM
الشعب السودانى الاصيل كان مرفها ولكنه افقر لعدم انضمامه اليكم انظر الى قيادات الانقاذ وقارن وضعها قبل وبعد 89 وحال الدولار الذى كان سعره اقل من 5 جنيه والان صار سعره اكثر من 7 الاف جنيه وعلى ذلك قس مدى التدهور الذى الحقتموه بالاقتصاد !! اذكرك يا ابن محمود ان ما يسمى برفع الدعم السابق عن المحروقات رفع ( كل الاسعار) منها كيلو العجالى من 14 الى 36 ج كيلو الدقيق من 1الى 4 ج وكيلو السكر من 2 الى 5 ج وارتفعت اسعار الادوية والخضروات والادوات المدرسية وغيرها حتى السفنجة ارتفعت من 2،5 الى 7 والخروف المتوسط من 250 الى 750 ج هل نسيت ان النائب الاول كان ابن خفير حديقة الحيوانات وياكل من بقايا ما تبقيه من لحم ؟؟


ردود على لن ترتاحوا يا لصوص
European Union [abusafarouq] 09-20-2013 06:02 PM
المشكلة أولاد المحرومين حكمو البلد وجوعونا انظر على عثمان بعد ان ترعرع من نعيم حديقة الحيوان باعو ليستر العار والبشير بعد نعيم كافورى على والده. أشترى كل أملاك عزيز كافورى وشيده قصور لنفسو ووداد بابكر أشترت منزل الشيخ مصطفى الامين بعد توريط أبنه بديون لن ينفك الا بعد التنازل عن سراية والده لوداد بابكر وأسامه عبد الله حاول يقلع مزارع الناس فى سوبا قلع بالتهديد ونافع أستحوذ على كل المزارع فى أطراف الخرطوم زى ماتقول الناس ديل جاين ينتقمو من السودان وأهله.

European Union [مفقوع مرارتي انا ياسودان] 09-20-2013 01:14 PM
والله ياخوى صدقت ، النائب الاول ابوه كان غفير في جنينة الحيوانات (الزيهم ديل) عشان كدة شالوها وعمر البشير زاااااااته ابوهوا كان حلاب بقر عند كافورى اليونانى صاحب البان كافورى الكانت معروفة زمااان


#770492 [ودالبلة]
5.00/5 (1 صوت)

09-20-2013 11:21 AM
شوف ليك ترمس بيعو بلا بيزا بلا مالية


ردود على ودالبلة
European Union [ودالبلة] 09-21-2013 05:48 PM
ألكجور والله انت اتفه من ان ارد عليك لكن لو عايز تتعلم الادب خليك معاي بتعليقاتك الهبلاء والاستنجاد بالغير ..حقير

United States [الكجور] 09-20-2013 06:00 PM
شـــــــــوفوا ياجماعة عربي الجزيرة الأهبل ده بقول في شنو!! (شوف ليك ترمس ...) فاهمنها دي ولا بتتغـابو؟ وبرضو لسع حتقولوا ناس الجبهة الثورية ديل ناس عنصريين. وينك يا أحمد البقاري، تعال وهات من بيت الكلاوي.


#770489 [ابو نور]
5.00/5 (2 صوت)

09-20-2013 11:20 AM
بداية اعتذر لبنى وطنى الصابرين الطيبين والذين ان طال الزمن او قصر ان شاء الله سوف ينقلبون على هذا النظام الفاسد المجرم اعتذراى لكم لانى ردنا على هذا الرجل اللص البجح المدعو اب فاخورة صاحب التلاتة نسوان وصاحب نظرية اكلوا الكسرةوهو لايعرف ان الكسرة صارت اكثركلفة من البدائل الاخرى.
فعلا زمن المهازل حين يجلس رجال مثل التجانى الطيب وصحبه ويتقلدحقيبة المال رجل لايستحى من الله وهذا ديدنهم من بشيرهم الى غفيرهم بل يذهب اب فاخورة الى اكثر من ذلك حين يسخر من المواطن كذبا هذا الحقير الواطئ يقول لنا ان البيوت زمانك شينةوبيوتهم نعم هى جميلة طبعا اقصد عمارتهم وسياراتهم وبل عددوا في النساءمثى وثلاث مثل ابو فاخورةهذا الذى لم يرق قلبه لحال اهله في دافوروظروفهم القاسية التى يعيشونها بسبب تقتيل وتشريد نظامه الباغى الفاسد لهم وماذا ينتظر الشعب من واحد مثل اب فاخورة
قول لنا ياب فاخورة متى اكل الشعب البيتزا وهو يكافح من اجل لقمة العيش تاكلونها انتم واولادكمولا ياكلها الشعب العائش في حالة حد الكفاف باخلاقه وتعففه والا كان سرق مثل ماتسرقون.
اسالك بالله اين ذهبت 110 مليار دولار من دخل البترول يااب فاخورة يا منافق يا لص قول للشعب اشياء اخرى اتحداك ان توضح لهذا الشعب اين ذهبت اموال البترول ذهبت الى جيوبكم وجيوب اخوانكم فى السوق الذين تتبجح بهم وهم يشغلونها لكم في السوق يا اب تلاتة نسوان في حين احجم الشباب عن الزواج بسبب ضيق ذات اليد وانتشر الفسادبسبب كل هذاه السياسات الفاسدة حتى اصبحت البلد من اكثر بلدان فسادا يا اب فاخورة .
بنى وطنى اصبح هولاء لايستحون من الخالق فكيف يستحون منكم ومن ضمائرهم لذلك والله الذى لا الله الا هو ان لم نقتلعهم سنموت جيفا وهم يقهقون ويضحكون وبنا لايابهون ان الاوان لننتفض ضد اب فاخورة والبشير وغيرهم من المجرمين حتى نصبح على وطن


#770486 [بدون تعليق]
5.00/5 (1 صوت)

09-20-2013 11:16 AM
الشعب يرفض التقشف
الشعب يعيش في رفاهيه
الشعب ياكل البيتزا
الشعب يسكن فلل
لذلك تريد الحكومه ان تعاقب الشعب فهتف عمر
الشعب ناكر للجميل
الشعب شذاذ افاق
الشعب يبحث عن المستحيل ( سياسه لحس الكوع)
الشعب متخاذل
الشعب اتعب الحكومه ( سياسه استكرات الشعب)


#770485 [جوجو الشمال]
5.00/5 (1 صوت)

09-20-2013 11:16 AM
حسبي الله ونعم الوكيل البمشي الشمالية بعرف الولاية الفقيرة وين في السودان انهم الصابرون في الشمال


#770456 [elfatih]
0.00/5 (0 صوت)

09-20-2013 10:57 AM
بالله الزول دا نصيح دى ميرراتك يا سجم

ثم تانيا قال ( كان يمكن توظيفها فى مشروعات التنميه ) طيب ليه ما وظفتوها من الاول
انت يا وزير السجم شغالين عواسه فى الاقتصاد السودنى وفى النهايه الكسرة طلعت محروقه


#770448 [الحقيقة مرة]
0.00/5 (0 صوت)

09-20-2013 10:50 AM
اول حاجة ياسيادة الوزير ان دور الحكومات هو جعل المواطن يعيش في استقرار ورفاهية ...لو امكن.

البيوت شكلها شين والناس كانت بتسمع بـ(البيتزا) الكلام ده بيعكس الواقع العشتو انت .وده مامبرر لماتريدون فعله .بس باختصار الحكاية غلبتكم .لانكم بلا مؤهلات وقايلين الشغلة سهلة.


وانتوا اتعودتوا على الحلول الساهلة واولها جيب المواطن .لمن خليتونا اما حرامية او شحادين او كسارين تلج .عشان نعيش.والله حرام عيكم وحبي الله ونعم الوكيل فيكم .وانتم استمتعتم بقوت وامكانيات شعب ودولة لكن يا خسارة بدأت السكرة بألزوال وحينها الحساب ....ولد بس اركزوا.كما تدين تدان واليوم عمل بلا حساب وغدا حساب بلا عمل.انتهى


#770429 [ود الزين]
0.00/5 (0 صوت)

09-20-2013 10:31 AM
وأضاف وزير المالية أن دخل الفرد ارتفع من (400_1700 دولار)، لافتاً إلى أن الإجراءات الاقتصادية سيستفيد منها الفقراء، موضحاً أن نسبة الفقر في البلاد تختلف من ولاية لأخرى، وأن ولايات دارفور سجلت نسباً عالية.

اكتببببببببب يا حسيييييييييين


#770422 [الطريفى ود كاب الجداد]
5.00/5 (1 صوت)

09-20-2013 10:24 AM
"وأضاف وزير المالية أن دخل الفرد ارتفع من (400_1700 دولار)، لافتاً إلى أن الإجراءات الاقتصادية سيستفيد منها الفقراء،"
ماتزعلوا ياناس هووووووووى الزول ده بيقصد طبعا وبالتاكيد واليقين القاطع حرامية ولصوص ناس هى لله واخوان الشيطان والكيزان وكل صاحب دقن وكرش كبير ومؤخرة زى الحريم
وكان مامصدقين حللوا واستنبطوا العقل الباطنى لوليد دارفور القام من نوموا ولقى كومو بيقول شنو؟:
"قال وزير المالية علي محمود: "إن الشعب السوداني يرفض التقشف بعد حياة الرفاهية"، مشيراً إلى أن (البيوت شكلها شين والناس كانت بتسمع بـ(البيتزا) والآن توجد محلات كثيرة لها, والعربات كانت بكاسي بس، والآن توجد موديلات مختلفة من العربات)؛"
ده كان حالو هو قبل مايجى نظام الاغطاس ودى الاشياء الكان بيحلم بيها هو (الفقر ماعيب العيب انك تغنى فجاءة وتنسى ماضيك وماضى اهلك
الاهبل ده فاكر هسى بيوت الكيزان شكلها جميل ومبهج؟ حرم كلهم بينسخو فى بيوت زى الانبهرو بيها ايام ماكانوا عبيد فى الاربيان بننسولا بيخدعوافى امراء البترودولار بان يساعدوهم فى بناء دولة الاسلام ونشره فى افريقيا
انا متاكد انو اللص الحرامى ده"على مخمود"مقصوده" قبل الانقاذ بيحلم بخمسين ولا مئة دولار تكون فى جيبو حتى ولو سلفة شوفو هسى بقى يسف ويلهط ويلهف كيف
حكم حكم لكن عزاءنا بانها مادوامة الله هوى الدنيا مادوامة


#770418 [الجنقوري]
5.00/5 (1 صوت)

09-20-2013 10:21 AM
الحقيقة لاتهمنا البيتزا ولا نريد أن نسمع بها بس من يمتلكون محلات البيتزا والمنازل الفارهة هم انتم ولو لا الانقاذ لما سمعتم بها وخليك في الكجيك والبني كربو، صحيح انك وزير مالية البشير


#770394 [عادل]
5.00/5 (1 صوت)

09-20-2013 09:47 AM
ياخى اخجل بسسسس


#770393 [sabooon]
0.00/5 (0 صوت)

09-20-2013 09:45 AM
tfooooo 3lik


#770387 [ابوراس كفر]
5.00/5 (2 صوت)

09-20-2013 09:29 AM
"قال وزير المالية علي محمود: "إن الشعب السوداني يرفض التقشف بعد حياة الرفاهية"، مشيراً إلى أن (البيوت شكلها شين والناس كانت بتسمع بـ(البيتزا) والآن توجد محلات كثيرة لها, والعربات كانت بكاسي بس، والآن توجد موديلات مختلفة من العربات)"
اختشى يالكنت مقطع عدمان حق السجائر
الحقير الواطى فاكر انو نسينا انو سفر ولدو على حساب المواطن البفترى عليهو الان لغايت نيويورك
عشان يعالجو من الطرش ومشترى فلاتر مويه لبيتو بمبلغ فات المئة مليون جنيه بس بالبيتزا
ويجى الان بكل قوة عين ان بيتونا كان شكلها شين وكنا بنسمع سمع بالبيتزا؟
والله ده كان حالك انت يالجيتنا مقطع ومحروم من اقصى الغرب ياكلب ولافاكر نسينا لمن كان عندك قميص وبنطلون واحد بس؟ والان ليك 4 نسوان وكل واحده ببيت من 4 طوابق وكم عربيف قالة
قال تقشف قال القشف والجرب اليلم فيك وفى عيالك يامستجد النعمة


#770386 [julgam]
0.00/5 (0 صوت)

09-20-2013 09:20 AM
تف وتف ثم تف وتف عيب الولد بعد الكمال يكون تفاف ..علا ناس الإنخاس ديل لن تتوقف ريالتهم ولن يتوقف البصق عليهم..


#770379 [ابو احمد]
0.00/5 (0 صوت)

09-20-2013 09:07 AM
دا وزير مالية ياتو دولة دا ؟؟ الزول دا صحو وادوهو شربات ..


ردود على ابو احمد
United States [فرعون] 09-20-2013 04:32 PM
شربات ليمون كااااااااااااااااااااااااك


#770370 [عثمان خلف الله]
3.00/5 (1 صوت)

09-20-2013 08:58 AM
كلامك جزء منه صحيح
نحنا مشكلتنا بننسى
الرغيف كان عندنا بالمناسبات
لمبة الجاز واحده وبالكتير اتنين وفى ازمه فى الجاز ونعيش فى ظلام دامس يومين وتلاته نذاكر بالنهار عشان ننوم بدرى
بس بالمقابل سيادة الوزير انظر للجانب الاخر
فساد بالكوم
من قؤيتنا بس ممكن اذكر ليك اكتر من عشرة اغتنو نتيجة الفساد المسمى تسهيلات وقس باقى السودان
الموارد الضخمه التى ظهرت ولا ينكر احد دوركم فيها كان يمكن ان تجعل السودان دولة اخرى لو استغلت بطريقه جيده ولكن الفساد للحفاظ على السلطه اوقف العجله من الانطلاق المطلوب


#770361 [سودانى زهجان]
5.00/5 (2 صوت)

09-20-2013 08:38 AM
لم اكن مع الذين خرجوا الى الشارع عند رفع الدعم فى المرة السابقة لكن المرة دى انشاالله حااطلع مع اول ناس عشان قلة ادب وزير المالية دا هو طبعا مفتكر انو الشعب السودانى دا متزوج اربغة نسوان زيوه وساكنين فى عمارات زى العمله من قروش الناس دى


#770359 [مواطن زيتو طالع]
5.00/5 (3 صوت)

09-20-2013 08:34 AM
الناس ديل وزرا في البلد دي ...ول دي أخبار عالميه و دا وزير ماليه دوله تانيه...شنو بيوت شينه كانت و بسمعو بالبيتزا دي’.ديل حيعرفو يشتغلو شغلم متين بدل الهمز و اللمز للشعب الصبور دا.


ردود على مواطن زيتو طالع
European Union [abusafarouq] 09-20-2013 04:23 PM
طال بيهم المقام فى السلطة بقو يزتفزونا أصبحو بدلا أن يخدمو المواطن خلو المواطن هو اليخدمهم.


#770352 [أبوعلي]
5.00/5 (1 صوت)

09-20-2013 08:26 AM
دا وزير ماليّة ولاّ (زير مريسة)


#770339 [Saeed]
5.00/5 (1 صوت)

09-20-2013 07:52 AM
الزول دا جاء الجامعة بشنطة صفيحة وطبلة وشبش باتا وبعدها رتع في مال الدول فأمتلك العمارات والعربات ويسفر ولده معه ليتعالج علي حساب المواطن الأغبش الذي لا يجد دواء في شفخانة أو مستشفى, عشان كدي هو بقول جنس كلام دا , أنتوا جيتونا من وين؟!! ربنا يسلط عليك بأشياء حتى تعرفوا وتراجعوا ما تقولونه ؟!!


#770327 [جنوبي سوداني]
5.00/5 (3 صوت)

09-20-2013 07:30 AM
العامل الإثيوبي، وأنه عندما يحوله لبلاده يعادل مرتب وكيل وزارة. ( ما كن انت تقول الكلام دة يا سيد الوزير . دة مش أثيوبيا اشان ما عندهم قروش لكن الحكومة الاثيوبية ما تقيلة علي المواطن أشان كدة ) مش زى وزراء السودان ( ثراء فاحش ) وفساد مستشري . علي محمود انت عندك بيت متواضع في حي يوسف شارع شمال محطة الصقعي ( بالقرب من بيت الطيب مصطفي القديم ) وبعد ما بقيت وزير ما عارف رحلت وين ؟ . وعندك بيت ( فيلا فيلا يا ناس ) في المجاهدين شرق مسجد البرعي بعد ردمية مباشر قيمتو ما اقلة من 2 مليار . مممممممممممممممممن اين لك؟ هذا ؟ وجاي تتكلم عن التقشف .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة