الأخبار
منوعات سودانية
شيخ الأمين يكشف تفاصيل حادثة السائق : العوض ترك الطريق لأسباب نسكت عنها
شيخ الأمين يكشف تفاصيل حادثة السائق : العوض ترك الطريق لأسباب نسكت عنها
شيخ الأمين يكشف تفاصيل حادثة السائق : العوض ترك الطريق لأسباب نسكت عنها


09-20-2013 05:52 AM

الخرطوم

استنكر شيخ الأمين عمر الأمين تصرف مجموعة من حيرانه الذين اعتدوا على أحد الحيران السابقين المنشقين من الطريق، وأضاف: إن العوض مصطفى العوض كان أحد الحيران ونشأ وتربى داخل المسيد منذ أن كان عمره 6 أعوام وأن والده كان أحد التابعين للطريقة .وكشف شيخ الأمين إن الخلافات التي تدور بين الحيران وبعض الصبية خلافات شبابية يمكن حسمها. وأضاف الحيران اعتدو على العوض بعد أن أساء إليهم في إحدى المناسبات مما قاد مجموعة ليس بالكبيرة بالاعتداء عليه صباح يوم الأحد مما تسبب في نقله إلى المستشفى وأكد أن داخل الطريقة عقوبات توقع على من يقوم بأي سلوك مشين وهي «صيام أيام أو حفظ جزء من القرآن أو غيرها من العقوبات التي تصلح حال المعتدي». ومضى قائلاً: «مازلت أكن للعوض كل احترام وتقدير رغم الإساءات التي يوجهها إلى فمن عفا وأصلح فأجره على الله».
الجدير بالذكر أن بعض حيران اعتدو بداية الأسبوع الحالي على العوض مصطفى العوض أحد المنشقين عن الطريق والذي ظل داخل المسيد منذ أن كان عمره 6 سنوات وترك المسيد بعد 13 سنة دون أن يفصح عن أسباب تركه للطريقة وأن بعض الحيران اعتدوا عليه في صباح الأحد مما أدى إلى إصابته بنزيف في الرأس أدى إلى إدخاله العناية بمستشفى الفيصل.

الوطن


تعليقات 35 | إهداء 0 | زيارات 14189


التعليقات
#797198 [حسكو]
4.54/5 (6 صوت)

10-10-2013 10:36 AM
يا زول التصوف كلو لا علاقة له بالدين ...دة دجل ساي و القال كدة معناتو ما قرأ كتب الصوفية ..ودي مشكلتنا كسودانيين بنتكلم ساااااي بدون دراية و اي زول عامل فيها منقطا ...اي زول داير يعرف حقيقة التصوف يبدأ اول حاجة بقراءة كتاب تاريخ بغداد الذي جاء فيه ترجمة الحلاج وهو الذي بدأ التصوف و قد قتل عندما أدعي انه الله ...بعد داك تعال اقرا كتاب طبقات ود ضيف الله عن شيوخ الصوفية منذ الازل في السودان و شوف كمية الخرافات و الدجل الفيهو ..بعد تنتهي من ديل اقرأ كتاب ليك سلام مني الكتبو البرعي و كتاب أزاهير الرياض بتاع السمانية و كتاب قبس من نور بتاع البرهانية و كتاب مجمع الاوراد الكبير بتاع الختمية و كتاب الفتح الرباني فيما يحتاج اليه المريد التجاني بتاع التجانية ....بعداك تعال ادينا رأيك ولو لقيت كلام بخش العقل تعال ورينا عشان نبقي صوفية كلنا ..ياخي والله الكتب القلتها ليك دي فيها كلام أبليس ما قالو ..البقول ليك طلعتا السماء وشفنا الله و البقول ليك رجع ملك الموت عشان ما يقبض روح زول ..و الكثير من الكذب علي الله و رسوله صلي الله عليه وسلم ..اتحدي اي زول يقرأ الكتب دي بي عناية وبعداك يدافع عن التصوف الا يكون هو مريض اصلا ...اما شيخ الامين دة هو فرع من فروع الطريقة المكاشفية القال انو شيخهم بعلم الغيب.ربنا يهدينا و يهديكم


ردود على حسكو
European Union [احمد العربي] 10-11-2013 06:34 AM
بارك الله فيك اخوي حسكو والله يهدينا ويهديهم


#796035 [أبو غزالة]
4.60/5 (7 صوت)

10-09-2013 11:18 AM
((وأكد أن داخل الطريقة عقوبات توقع على من يقوم بأي سلوك مشين وهي «صيام أيام أو حفظ جزء من القرآن أو غيرها من العقوبات التي تصلح حال المعتدي))!!!!!!!!
نسأل الله السلامة والعفو والرضا.... تخيل إنه الصيام وحفظ أجزاء من القرآن الكريم في عرف هذا الشخص تعتبر من أنواع العقوبات
طيب ياربي المكافآت تكون عندهم قعدات ولا شنو؟؟؟


#771595 [محمد القاسم]
3.63/5 (4 صوت)

09-21-2013 12:57 PM
هذا زمانك يا مهازل فامرحي


#771439 [zangazanga]
4.19/5 (7 صوت)

09-21-2013 10:01 AM
يعنى الشيخ ده فتح التكية ليحفظ الحيران القران بالعقاب ما فاتحو ليحفظ القران لله بل لخدمته ومن يخالفه يحفظه القران عقابا وأحسن شيىء الواحد أول يوم دخل الخلوة يخالف الشيخ عشان يحفظ القران سريع ويتخارج .


#771417 [mohd malik]
4.66/5 (6 صوت)

09-21-2013 09:39 AM
اين جهاز الامن اين الاجهزه العدليه من كلام شيخ الامين الصوفى

بخصوص تهجم مجموعه من حيرانه على سواقه الخاص السابق ومتى كان

الصوم وحفظ القران عقاب لازم لازم يحاسب ذلك الغير امين

على ذلك الكلام وتتطبق القوانيين بحق المعتديين ومن حرضهم


#771413 [خالد]
4.07/5 (5 صوت)

09-21-2013 09:37 AM
لماذا لم يتم فتح بلاغ في الشرطة وتقديم المعتدين على هذا المسكين للمحاكمة شنو عقوية حفط قرآن وقيام وو اين دولة القانون ؟ دي قانون جديد ؟
لابد من تقديم الجناة للمحاكمة اي كان ؟ وهو حر يعتنق اي فكر ؟


#771382 [yoyo]
4.07/5 (6 صوت)

09-21-2013 09:18 AM
بحكى لى واحد شغال فى شركة نظافة نظفت ليهو بيتو انو الراجل دة عندو اكتر من مائة جزمة وجزمو عندها دولاب خاص بيها براها دة شيخ ولا مايكل جاكسون دة مريض نفسى اكيد الله يشفيهو دة لو احسنا بيهو الظن.لانو لو شيخ فعلا كان اتبرع بيهم للمساكين كزهاد التصوف .


#771372 [ود الدلنج]
4.19/5 (6 صوت)

09-21-2013 09:07 AM
يا جماعة شيحكم ده عنده عربات مرسيدس بألوان جلاليبه؟ يعني كم عربية ؟ وجابها من وين؟ ده أكبر دجال ! وبتاع سفلي ، عنده جن بجيب ليه أي حاجة دايرها ، وحيارنه كلهم ضعيفين . أشبه بمن يدخل الشرطة أو الأمن لأنه ضعيف الشخصية ظناً بأن حصوله على البطاقة الأمينة يمكنه من بطش العباد. وديل ما حيران لأنهم ببساطة ليس من بينهم من هو حافظ للقرآن . والدليل العقوبة المقترحة من دجالهم ، وأظن أن مدعي المشيخة نفسه ما حافظ القرآن ولا شنو؟


#771361 [مختار احمد]
4.07/5 (5 صوت)

09-21-2013 09:00 AM
انا استقرب من انو لسه في ناس جاهلة للدرجة دي


#771188 [أبوأحمد]
4.07/5 (6 صوت)

09-21-2013 05:43 AM
ياخي شيخ شنو والله حلقة المديح من حفلة ندي ما تفرق بينهم بنيات لابسات محذق وقصير ويبشرن ويصورن وبالمناسبة كل الذكر على وزن الحقيبة ليسهل الهجيج على الشباب والشابات.


#771175 [محمد]
4.07/5 (5 صوت)

09-21-2013 05:27 AM
لقد كانت دار المدعي الشياخة ( الامين) ملتقي الاحبة من الجكسي واصحابهم وكانت الملاذ الآمن لنا لمقابلة حبيباتنا وتحت ستار اتباعه وكان هذا المتشايخ المراهق آنذاك مولعاً بجمع الشباب حوله وتسيد المجالس والاكثار من الحديث حول نفسه واعماله .. وفي يوم من الايام اثناء حديثه نسي وجودي كضيف واسهب فس سرد بعض كراماته التي خصاه بها المولي عز وجل وكان يحكي وكانه يحكي عن فلم هندي بسينما امدرمان بطولة (دار سنجا أو كومار ابو شلخة)وخرجت من الزيارة بعد تناول غذاء فاخر وبعد ايام سمعت انه اغلق داره وسافر الي دبي هارباً من الشرطة بعد وقوع حادثة تحرش جنسي ضمن شلته من حوار وآخرون.... المهم نسال الله له المففرة والهداية


#771134 [د.حميد قنيب]
4.07/5 (5 صوت)

09-21-2013 03:01 AM
ياخوانا حكاية الشيخ ده وحيرانة ما زول يحلها


#771051 [abumohamed]
4.07/5 (5 صوت)

09-20-2013 09:56 PM
ده اكبر دجال وافاك حرامي وكنير من حيرانو والمتابعنو ذيو واسواء . اسنغر الله العظيم واتوب اليه


#771041 [abusafarouq]
4.19/5 (7 صوت)

09-20-2013 09:38 PM
ناس فى غاية التخلف شيخ طريقة قال والله أنت أكبر دجال مضلل للناس عن عبادة الله هل الاسلام عايزة طريقة تانية غير طريقة محمد صلى الله عليه وسلم يا أخى نحن الرسول وأصحابه والتابعين الكرام ورونا طريقة الدين الصحيح وأى طريق تانى ماتلزمنا .ديل دجالين أكل عيش على حساب الغلابة ..


#771003 [دكتور نفساني]
4.19/5 (6 صوت)

09-20-2013 08:20 PM
و الله الزول العامل شيخ ده انا ما كنت بعرف اسمه شنو لكن مره شفته في التلفزيون بالصدفة و للحق نفسي انسدت منه و ما عجبني اصلو احساس كده بس اهو لمن هسه بنقرأ العجب عنه و للاسف الدولة ترعى مثل هذا الدجال لان غالبية المسؤولين فيها بتاعين فكيا و دجالين و مشعوذين و الله أي واحد من هؤلاء الدجالين يخش ليك لمسؤول تلقاه يتكبكب فيه و يلبي ليهو أي شىء يطلبه منه الناس المسؤولين ديل بتاعين سحر و دجل بيؤمنوا بيه كلهم ما تسمع التكبير و التهليل البعملوا لزوم النفاق البيمارسوا يوميا ده .


#770937 [Abdelgadir Galal Ahmed]
4.19/5 (12 صوت)

09-20-2013 06:27 PM
وأكد أن داخل الطريقة عقوبات توقع على من يقوم بأي سلوك مشين وهي «صيام أيام أو حفظ جزء من القرآن أو غيرها من العقوبات التي تصلح حال المعتدي

حسبنا الله ونعم الوكيل اصبح الصيام و حفظ القران عقوبات يا سبحان الله


ردود على Abdelgadir Galal Ahmed
United States [abusafarouq] 09-21-2013 04:05 AM
يعنى صدق فيهم الرسام عمر دفع الله اليلهط حق الشيخ من داخل الطريقة يحفظوه القران بالمقلوب أو صيام وهم أصلهم ماحافظين القران وهم حيران فى المسيد سنين بعملو شنو شوة المسيد والحفظ عندهم عقاب للحيران ومعلوم القران كاملا يحفظ فى ثلاثة سنوات أطول تقدير فى حالة إلزام المسيد والله ده دجال عديل ماشى بكرعيه.


#770918 [G.Suliman]
4.60/5 (12 صوت)

09-20-2013 05:46 PM
شيخ وهمي جدا
محايتو بيبسي وحيرانو جكسي
ومرتو تجيك لابسه قصير و(((((متكبرته)))) ويقولوا ليك ده ام المؤمنين!!!!
طيب ام الكافرين كيف؟؟؟


#770891 [Amin]
4.19/5 (10 صوت)

09-20-2013 05:04 PM
في السودان أصبح القرآن
للعقوبة
وأداة تعذيب للأطفال
وشعار سياسي يٌرفع عند الضرورة
وللإزعاج أحياناً
يجب على شيخ الأمين وبعد أن تكاثر حيرانه وضاق بهم الحي والشارع وأهله . أن يجدوا لأنفسهم مكاناُ يتسع لهم ولأنشطتهم . من غير أن يكونوا مصدر ضيق أو إزعاج
أعتقد دي أبسط وأسهل قاعدة في دينا ده


وكان ما سووها تكون لمتهم دي عبارة عن دسكو مُشرّع


#770886 [منار]
3.88/5 (7 صوت)

09-20-2013 04:58 PM
( و ما زلت اكن للعوض كل احترام و تقدير رغم الاساءات التي يوجهها الي ) ..
بعد 13 عام من الاحتكاك بكم .. وله رأي مخالف لتعاليمكم .. و اعتباره اساءة .. اذن هناك خطأفيكم بالتأكيد و حيرانك يعتدون علي المسكين ,, اذأ ما الفرق بينكم و الماسونية ؟ ؟ التي تبيح تصفية كل من يحيد عن الطريق او يفشي اسراره !!! بينما الاسلام يأمرنا باتباع الحكمة و الموعظة الحسنة في سبيل الدعوة ... و لو كنت فظآ غليظ القلب لانفضوا من حولك ..


#770865 [ogog]
4.19/5 (7 صوت)

09-20-2013 04:12 PM
اسال الله ان ينكشف امر الصوفية و ينتشر الحق


ردود على ogog
[ابوزول] 09-20-2013 05:04 PM
يا اخوي الموضوع ما موضوع صوفية .....فالصوفية منتشرة في كل بقاع السودان ولها شيوخ اجلاء اقل ما يعرف عنهم الورع والتقوي ولقد كان لها اثر بالغ عبر التاريخ في نشر الدين وتأصيل القيم الفاضلة .....الموضوع موضوع شيخ دجال وجماعة منحرفة فكريا .....وجدت الدولة في شيخهم ضالتهما في شغل الشباب عن قضايا المجتمع فأصبحت تقدم لهم الحماية وغضت الطرف عن ما يعملون.....هذا المأفون اصبح يمثل خطرا علي الحي بأكمله .....بتجمعات تطلق فيها الذخيرة الحية والإعارة النارية تحت سمع وعيون الأجهزة الامنية.......نتمنى ان يخرج العوض عجن صمته ويعلن لنا أسباب تركه للجماعة وأسباب ملاحقتها له .....وان كانت هذه الأسباب فكرية وغير معيبة لماذا أحجم الشيخ الدجال من عدم الخوض فيها حسب قوله......
هذا زمن المهازل وكما قيل بلد ما فيها تمساح ....يقلد فيها الورل .......وبلد ما فيها رجال يرقص فيها المخنثون ......حسبنا الله ونعم الوكيل


#770842 [هذا الكلام يا شيخنا لا يشبه اهل الطرق الصوفية واهل المسيد]
3.82/5 (5 صوت)

09-20-2013 03:43 PM
أنا بالمناسبة من الذين يبجلون ويحترمون العلماء والمشايخ وأهل الطرق الصوفية المعتدلة.. ليست لي طريقة معروفة ولكني احب في الله كثير من المشايخ واهل الطرق الصوفية محبة في الله ولله.. ربنا يقويهم وينصرهم على نشر كتاب الله واحياء سنن النبي صلى الله عليه وسلم،، فهؤلاء يجب دعمهم ماديا ومعنويا وادبياً لوجه الله..

قرأت كلام مولانا الشيخ محمد الامين ولكن لم يعجبني رد ولم يقنعني،، فأسلوب وطريقة غير مقنعة وغير حضارية ولا علاقة لها بالدين..

رجاءاً لا تشوهو سمعة الطرق الصوفية ولا اهل الله ولا اهل الذكر بهذه الأساليب وهذه التصرفات.. يا شيخنا مهما أخطأ في حقكم فلا يجب أن تأخذوا حقكم بأيدكم..

صراحة كنا نتوقع منك أن تقوم بتسليم من ضرب هذا الرجل للجهات المسئولة لكي تقتص ويأخذ حقه.. فالقانون قانون،، فهذا الاسلوب وهذا التصرف غير مقبول على الاطلاق..

انت وحيرانك ومن تبعك إن كان نيتكم الذكر والعبادة ونشر كتاب الله وتعليمه.. فليس من حقكم أن تأدبوا شخص خرج من طريقتكم بهذا الأسلوب.. طالما أنه مازال مسلما ومؤمن بأن لا إله إلا الله محمد رسول الله،، فهؤ مؤمن ومسلم عند الله وهذا الاهم.. إلا أن يرتد عن دين ففي تلك الحالة ولي امر هو من ينفذ فيه امر الله.. ولكن أن تقيموا محاكم بالضرب وربط الشارع.. فأنتم بذلك يا شيخنا قد تكونوا تسيئون لاهل الذكر وانتم غافلون.. يا شيخنا محمد الامين هذا الكلام لا يشبهكم البته.. رغم عدم معرفتنا بكم وهذا من سوء حظنا.. فنرجو أن تصححوا مثل هذه الامور فدين الله دخوله بالقناعة والاقتناع وليس بالضرب وباللكم والشتم،، فنبينا الكريم يقول بمعنى الحديث(جئت لاتتم مكارم الاخلاق) اثابنا الله وإياكم ووفقكم الله فيما تقصدونه من خير


#770810 [ود امدر]
4.54/5 (6 صوت)

09-20-2013 03:16 PM
زول يورينا شيخكم دة ياتو من الفي الصورة ديل ؟ وكلهم ما جاية فيهم مشيخة -- عاد دة كلام دة يا اخوانا؟؟؟


ردود على ود امدر
United States [ود امدر] 09-20-2013 07:31 PM
شيخ السواد والرواد وقاشر كدة مالو ؟ لزوم الجكس يعني بستهبل علي ربنا دة واللا شنو ؟

United States [زول] 09-20-2013 05:52 PM
الشيخ الدجال هو رقم 2 من اليسار . شخص طويل ويلبس جلباب. ويستحسن ان لا تتشرف بمعرفته

United States [ماهر] 09-20-2013 04:59 PM
هو أطول واحد واقف في النص أبونظارات


#770634 [ود يعقوب]
4.59/5 (9 صوت)

09-20-2013 02:31 PM
شيخ شنو واحد ودجال ونحن خصماء بين يدي الله والمسكين بيكون كشف حقيقتك عشان كده حاولتم قتله ونرجو من الشباب والجيران الناس العارفين الحقيقية يخبرونا ليها قاتلك الله وأرجو الله أن يفضح أمرك ويرينا فيك عجائب قدرته انه ولي ذلك والقادر عليه


#770627 [observer]
4.60/5 (7 صوت)

09-20-2013 11:10 AM
يا طالبَ العلمِ إنَّ العلمَ عُملته أمرٌ بُعرْفٍ إذا بحرُ الضلالِ طَفا
والعلمُ ما لم يكنْ للهِ طالبُه فذاكَ داءٌ دفينٌ ليس منه شِفَا
كم عالمٍ علمُه ذاكَ صَيَّره على شفيرِ هلاكٍ لم يضزَلْ وشفا
اعملْ أخيَّ ففي القرآنِ موعظةٌ حَسْبُ العقولِ مَوَاجيداً به وكفَى


#770613 [B]
4.07/5 (5 صوت)

09-20-2013 10:36 AM
ادخلو صفحه دجل الشيخ الامين فى الفيس بوك تشوفو العجائب


ردود على B
United States [حسن سليمان] 09-20-2013 03:20 PM
هو بس الشيخ الامين هو الدجال ؟؟؟ البلد كلها قائمة على الدجل يعني المهدي الكبير ما كان دجال ولا الميرغني خادم كتشنر ما كان دجال ولا الصادق المهدي ومحمد عثمان الميرغني والترابي والبشير كلهم ما دجاليين ... الدجل بضاعة يتم تداولها من الجميع بوطن المليون خروف


#770583 [tow.ramdan]
4.07/5 (5 صوت)

09-20-2013 09:54 AM
الى كل المعلقين وقراء الراكوبة الف تحية وسلام
الطرق الصوفية كتيرة فى السودان ومعظم السودانيين يعلمون ذلك وفيهم الصالح والطالح
وشيوخ الطرق الصوفية معروفين امثال الشيخ عبد اللة احمد الريح( ازرق طيبة )والشيخ البرعى علية رحمة اللة والصائم ديمة ومشايخ الشكينيبة وهم كثر ليس تفضيل او تقليل منهم فلهم دور فى تحفيظ القران ومعالجة الناس من مرضاهم بالقران
اما هذا المدعوالامين عمر الامين واللة لم اسمع بة الا بعد الانقاذ والهالة الاعلامية التى عملت لة من قبل الاعلام المسيس لية الناس ما تاخد موقف من مثل هولاء
اهل المعتدى علية لية ساكتين
لية مثل ما جات مجموعة من الشباب وسمت نفسها بحركة قرفنا تعمل غل فضح النظام تجى مجموعة تسمى نفسها مثلا ( فكونا) تعمل على فضح ممارسة مثلل هؤلاء
ياجماعة الكلام ما بجيب نتيجة لاوم تكون فى حركة كيف انا فى راى ولعو حريقة فى كل شيخ يعمل عل الدجل والشعوذة


#770552 [ود كرف]
4.07/5 (5 صوت)

09-20-2013 09:20 AM
المدعو الأمين شيطان وأتباعه خارجون ومتفلتون وجميعهم يستحقون العقاب ودعكم عمّا يصرفكم عن قضايا الوطن


#770527 [زول]
3.88/5 (7 صوت)

09-20-2013 08:59 AM
مازلت أكن للعوض كل احترام وتقدير رغم الإساءات التي يوجهها إلى »


بعد ده عاوزة فهم؟. دى تصفية حسابات واضحة وضوح الشمس. هذا دين صوفية السودان رقص واغتصاب وتصفية حسابات واموال تعطى للشيخ بدون وجه حق من المريدين والأسواء جعل الشيخ اله مقدس يستنجدون به فى كل شئ. هكذا استغل اصحاب النفوس المريضة بساطة وسذاجة السودانيين وسيوردونهم الى التهلكة


ردود على زول
United States [الكبريت الاحمر] 09-21-2013 01:32 AM
(هذا دين صوفيه السودان). اتق الله يا رجل ما عشان زول واحد يا(زول) تبهت الجميع .

European Union [القرود] 09-20-2013 07:17 PM
يا أخوانا الزول قال للفاسق ما دااااااير يقول ليهو رجالة حسنة تدور ما على كيفك

United States [أبوأسامة المهاجر] 09-20-2013 02:45 PM
معك حق هذا الكلام معناه أن المجني عليه تكلم وفضح أمر الشيخ فاراد شيخ الجكسي أن يسكته للأبد يا أخوانا البلد دي مافيها قانون عشان كدا المدعو شيخ الأمين بقى الآمر الناهي في بيت المال
ياناس بيت المال ماعندكم رجال ينهو ظاهرة هذا الشيخ.

[Omdurmania] 09-20-2013 10:04 AM
معناها الحاية فيها إن،و العوض ماسك عليه حاجات؟؟؟؟؟؟؟؟؟؟؟؟؟؟؟؟، والكلام البيحصل فى دور العبادة دي حاجة غريبة !!!!!!!!!!!!!!!، إنشاء الله ربنا يخسف بهم الارض.


#770481 [jini]
4.19/5 (10 صوت)

09-20-2013 08:13 AM
فعلا شيخ الجكسي والببسي
الصياميمكن ان يكون عقوبة لانه حرمان عن الملذات وحفظ القران لا يمكن ان يكون عقوبة


#770470 [جنكيزخان]
4.19/5 (7 صوت)

09-20-2013 08:06 AM
اي مكان او مسيد كما يدعون تجد فيه الشذوذ الجنسي هذا المسكين بعد ان كبر وفهم الحاصل حاول الابتعاد ولكن مرضي النفؤس لم يتركوه. ( ملعون ابوك بلد).


ردود على جنكيزخان
United States [wed alsroor] 09-20-2013 02:56 PM
ياجنكيز والله صحى جنكيز ياخى ان بعض الظن اثما ياخى عيب عليك ترمى العوض بهذا الكلام توب الى الله ياخى


#770442 [ابوزول]
4.19/5 (6 صوت)

09-20-2013 07:47 AM
اصلوا العوض قرر مقاطعة البيبسي كولا كجزء من المقاطعة الامريكيةووبما ان البيبسي مادة اساسية في محايات الشيخ فقد اصبح العوض يمثل خطرا علي التنظيم لا بد التخلص منه...
ياجماعة فضوها سيرة ... دولممجموعةممن الافاكين ..,وشذاذ الافاق....االيس من الاجدر لناس النظام العامممتابعة هولاء والقبضععليهم بتهمة الدجل والشعوذة ,..والمساعدة على انحراف الشباب فكريا ...بدلا من الجري وراء طرحةااميرة وبنطلونففاطمة ....اال شيخ الامين ال


#770440 [ابوزول]
4.07/5 (5 صوت)

09-20-2013 07:46 AM
اصلوا العوض قرر مقاطعة البيبسي كولا كجزء من المقاطعة الامريكيةووبما ان البيبسي مادة اساسية في محايات الشيخ فقد اصبح العوض يمثل خطرا علي التنظيم لا بد التخلص منه...
ياجماعة فضوها سيرة ... دولممجموعةممن الافاكين ..,وشذاذ الافاق....االيس من الاجدر لناس النظام العامممتابعة هولاء والقبضععليهم بتهمة الدجل والشعوذة ,..والمساعدة على انحراف الشباب فكريا ...بدلا من الجري وراء طرحةااميرة وبنطلونففاطمة ....اال شيخ الامين ال


#770407 [alkaser]
4.19/5 (6 صوت)

09-20-2013 07:08 AM
يبدوا ان الموضوع فية ان


#770389 [د. عاطف حسن]
4.18/5 (10 صوت)

09-20-2013 06:35 AM
سبحان الله، هل صار الصيام وحفظ القرآن عقوبة؟


ردود على د. عاطف حسن
United States [ود الفادني] 09-20-2013 02:29 PM
هذه اشارة بان هذا الافاك غير الامين يريد ان ينفر الشباب اللاواعي من دينه بايهامهم ان الصيام شر مستطير و القرأن مجرد طلاسم يجب العقاب بحفظها .. اعوذ بالله من غضب الله ..

[Dr. Faisal] 09-20-2013 09:21 AM
تخيلوا؟!!!!


#770385 [ود حزوت]
4.08/5 (7 صوت)

09-20-2013 06:14 AM
ههههههههههه قال شيخ الامين ...شخت كبريت
ديل عطاله ودجالين وتساندهم الحكومه على ذلك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
1.00/10 (1 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة