الأخبار
أخبار إقليمية
البشير : اتحدي أي زول سمع بالهوت دوق قبل نظامنا،، الانقاذ نقلت السودانيين من حياة الرهق والضيق لحياة الميسرة والطيبة.
البشير : اتحدي أي زول سمع بالهوت دوق قبل نظامنا،، الانقاذ نقلت السودانيين من حياة الرهق والضيق لحياة الميسرة والطيبة.
البشير : اتحدي أي زول سمع بالهوت دوق قبل نظامنا،، الانقاذ نقلت السودانيين من حياة الرهق والضيق لحياة الميسرة والطيبة.


انا سني اتكسرت وانا شايل قدح المونة..:"الناس البولعوا نار الفتنة القبلية بين الرزيقات والمعاليا ديل ناس مدفوع ليهم".
09-20-2013 05:26 PM

الخرطوم : شاذلي السر
دافع الرئيس عمر البشير عن الاجراءات الاقتصادية المرتقبة وطالب بعدم تبخيس انجازات حكومته، ودعا للمقارنة ماقبل وبعد وصول الانقاذ الى السلطة. وفاخر البشير بانه فقير وابن فقير، وعمل "طلبة" لسداد رسومه الدراسية، وتابع:" انا فقدت سني بعد انقلاب السقالة، اثناء حملي لقدح المونة". ومضى البشير في كلمته التي امتدت لـ(38) دقيقة امام حشد لطلاب حزبه بالمركز العام للمؤتمر الوطني امس(الخميس)، يعدد مآثر الانقاذ، بأنها نقلت السودانيين من حياة الرهق والضيق لحياة الميسرة والطيبة وتابع:" اتحدى اي زول سمع بالهوت دوق قبل الانقاذ". واوصد البشير نهائيا امام امكانية تراجع الحكومة عن الاجراءات الاقتصادية لافتا ان حكومته تدفع مايزيد عن (24) مليار جنيه لدعم المحروقات. مشيرا الى ان استمرار الدعم بتلك الطريقة سيؤدي لانهيار الاقتصاد الوطني، مؤكدا أن تبعات الانهيار ستكون على حساب المواطن البسيط.

واعترف البشير بانقسام السودانيين الى طبقتين، واحدة تركب افخم السيارات ولديها ارصدة خارج السودان، وتصرف صرف من لايخشى الفقر، واخرى لاتملك ابسط مقومات الحياة. واعتبر ان رفع دعم المحروقات لانهاء المعاناة التي تزداد يوما بعد يوم بسبب ارتفاع الاسعار وارتفاع معدلات التضخم.واتهم البشير من وصفهم بضعاف النفوس، بالاثراء عبر تهريب الوقود لدول مجاورة، والاستفادة من فروقات السعر بين السودان وتلك الدول، لكنه رجع واكد عجز الدولة عن مراقبة حدود السودان الشاسعة.وفي سياق اخر شن البشير هجوما عنيفا على ما اسماهم بالمستفيدين من تاجيج الصراع القبلي في دارفور قائلا:"الناس البولعوا نار الفتنة القبلية بين الرزيقات والمعاليا ديل ناس مدفوع ليهم".

الاهرام اليوم

شاهد الفيديو: إمرأة تشكو ضيق الحال في عهد البشير
.


تعليقات 97 | إهداء 1 | زيارات 16904

صفحة 1 من 212>
التعليقات
#780389 [الصيني]
0.00/5 (0 صوت)

09-27-2013 10:11 PM
غلبك البتسوي بقيت تشتم شعبك


#771850 [صابر]
0.00/5 (0 صوت)

09-21-2013 10:17 PM
أها يا ديك العدة أنا صابر دا ورب الكعبة أكلت "الهوت دوق" قبل أن تحلم أنت بأن الكيزان سيصلون يوما لقلب نظام الحكم ويضعونك على رأسهم.
بعدين ملايين من السودانيين يعرفون الهوت دوغ "الكلب الحار" يا ديك لأنهم على الأقل إذا ما ماتوا شقوا المقابر، يعني ببساطة الشعب السوداني مثقف يشهد على ذلك تاريخ المنطقة كلها عندما يقولون: "القاهرة تؤلف وبيروت تتطبع والخرطوم تقرأ".
إنت وغيرك لأنكم جئتم من الحضيض لن تشبعوا من السرقة ولن تتوانوا في الكذب والتضليل ولكن "ستنطبق عليكم رواية محمود الكذاب" لو تتذكرها يا ديك العدة في كتاب المطالعة بالمرحلة الأولية.
إذا كنت تحترم فقط بذلة الجندية التي تتدثر بها لانتحرت لأنك جنرال فاشل جعلت منه الأحداث على رأس مليون ميل مربع ففصل قرابة ثلثه وبسبب تهوره اشتعلت النيران في كل ربوعه. بسبب تفاهتكم وانتهازيتكم وفسادكم يا كيزان وصل السودان للحضيض ولكن شعب السودان سينهض ولات حين مناص.


#771819 [sami]
0.00/5 (0 صوت)

09-21-2013 09:32 PM
هو ابو العفين دى زاتو سمع بيهو لو ما جاء ريئس والله كان الان فى بيوت الطين الاحسن منو فى الجيش عايشين حياة فقر وبؤس يمهل ولا يهمل سنين راحت من عمرنا


#771815 [السنارى]
0.00/5 (0 صوت)

09-21-2013 09:25 PM
عليكم اللة يا ناس شفتو ليكم رئيس في الدنيا بتكلم عن الاكل في هموم ومشاكل اكبر من كده ليكم حق تفصلونا ولسع حننفصل طالما تفكيركم لا يتعدى كروشكم عجبى


#771666 [محتار أوي]
5.00/5 (1 صوت)

09-21-2013 05:24 PM
لسلام عليكم ياشباب الراكوبة ، إداريين ومعلقين....

(قالو الملافظ سعد) وكلو زول وعلامو..... الرئيس زول فرحان ... ويعتقد من أهم أنجازاته خلال24 عاماً علم أولاده (شباب المؤتمر الوطني) وليس شباب السودان... أكل الهوتت دوق ... ما فيها حاجه... والراجل بعترف ليكم أمام الملآ الهوت دوق من أهم أنجازاته.... وأصبروا عليهو كمان 20 عاماً ...حاتشوفوا إنجازات أهم بي كثير من الهوت دوق ... ياخوانا خلوا الراجل يفرح شوية ... مش كدة طوالي واقفين ليهو في حلقو كلما يقول كلمة... وكمان لما يمنح تأشيرة الدخول إلى أمريكا ويرجع ليكم بالسلامة حاتشوفوا العجب ... وهيثم ...
(اللهم لا نسالك رد القضاء ولكن نسألك اللطف فيه)أن جاز لنا ذلك..... اللهم لا تؤاخذنا بما فعل السفهاء منا....

خلوهو يا جماعة يتبجح ... هو القالوا شوية خلال الـ 24 عاماً...

سلام عليكم ونسال الله أن يفك اسرنا.


#771347 [EzzSudan]
0.00/5 (0 صوت)

09-21-2013 11:43 AM
THIS REGIME IS DONE


#771267 [النمر]
4.50/5 (2 صوت)

09-21-2013 10:27 AM
البشكير دا بيعمل دعاية لجمال الوالى ووداد بابكر لنهم استوردوا الهوت دوغ ولم يجدوا زبائن قالوا احسن الرئيس يذكروا فى خطابه امام موتمر الشباب لعمل دعاية مجانية له. وبعد ذلك الشباب يكون عندى حب استطلاع ويجرب اكله وتكون وداد بابكر وجمال الوالى استفادوا من الدعاية المجانية دى وخرجوا جميع الكميات المستوردة.


#771255 [ود الاريل]
5.00/5 (3 صوت)

09-21-2013 10:14 AM
لمن اقرا خطاب او تصريح اي مسوؤل وخصوصا البشير وابو رياله ونافع بنتابني شعور خوف علي البلد معقوله بلد زي دي تتحكم فيها عقول زي دي حسبي الله ونعم الوكيل


#771248 [محمد خليل]
5.00/5 (2 صوت)

09-21-2013 10:09 AM
حسبي الله و نعم الوكيل ايه هذه الهبالة و السطحية "" اتحدى اي زول سمع بالهوت دوق قبل الانقاذ" يعني هذا من انجازات البشير القفة! يا جماعة وين المستشارين بتاعين الراجل الاهبل دا، ليه ما يحضروا ليهو خطاباتو بدل الهبالة دي؟ وين المساعدين و المستشارين بتاعين البشير ليه ما يوروه يقول شنو في مثل هذه المواقف؟ أوباما لما ذهب الي ايرلندا لزيارة جذور والدته التي هي من أصول ايرلندية اشترك أكثر من 70 مستشار فى تحضير خطابه الذي سيلقيه هناك مع انه رجل عالي الثقافة و متمكن من الكلام و كان ثاني دفعته عندما تخرج من كلية القانون second best.


#771245 [أبورياض]
5.00/5 (1 صوت)

09-21-2013 10:07 AM
نرجع ونقول ، الله لا بارك فيك يا حسن عبدالله ودالترابى للمصيبة الجبتها لينا دي


#771212 [Abdo]
5.00/5 (3 صوت)

09-21-2013 09:20 AM
زوجة البشير ذكرت فى لقاء صحفى لها وهى الزوجة اﻻولى ان البشير كسر سنه عندما وقع من الحمار فى حوش بانقا واﻻن يكذب كعهده دائما.


#771195 [yassir]
4.00/5 (3 صوت)

09-21-2013 08:50 AM
العدد الذى يعلق و يكتب فى الراكوبه ؟ كفيل بأنوا يسقط الانقاذ ؟ لو كنتم جادييييييييييييييييييييييييييييييييييييييييييين ؟


ردود على yassir
United States [كجاجا] 09-22-2013 03:52 PM
اواااافقك الرأي أخي


#771191 [jini]
5.00/5 (1 صوت)

09-21-2013 08:49 AM
ما منو من الفيل الراكبو
هو بجيب الصنف الرئاسي دا من وين!


#771124 [أبوديدى]
5.00/5 (3 صوت)

09-21-2013 04:05 AM
والله المخبول ده لايعرف كيف يعيش شعبه !!
كانت الدوره الغذائيه فى بدايات عهدك المشؤوم ياطير البوم
فول..بور.. فول واﻵن أصبحت طعميه ..بور.. بور!!!!!!
حتى الفول الكان بيعتمد عليه الناس طفشتوهوا من الصينيه!!
(على ماأظن وإنت راكب العربيه مع الهطله بتاعك اللمبى شفت ليك طبليه جنب فرن وصاحبها عامل الطعميه صباعات طويله إفتكرتها الهوت دوق!!)
يامستجدى النعمه أكلنا أصبح طعميه لمن نشفتنا وعملت لينا بواسير قال هوت دوق قال ؟؟!! إنشاء الله تمسكك بواسير من أكل الهوت دوق الكتير
ويعملوا ليك خابور يسدوا بيهوا(أرنتك) لمن يكبسك هواء ويجوا يجروهوا أشان يفتحوها تنفجر زى برجين التجاره مايلموا عضم منك....


#771123 [مغتربه ومكتويه بنار البلد]
0.00/5 (0 صوت)

09-21-2013 04:00 AM
حسبى الله ونعم الوكيل فيك الم تسمع بهذا الشريط‍ الذى ابكى الملائين من الشعب السودانى بالداخل والخارج وتهى تتوسل فى المظاهرات السابقه (عندنا يتامى وعدمانين البصله والطماطمه النسوى بيها سخينه ) ولاخلاص بقيت ملطوش كل الوقت وكمان شلة الانس النكات والطرب حولك الله يحزن قلب امكم فيكم جميعا بضربة رجل واحد يا من احزنتم شعب كان بسيط وقلبه خالى من الحقد والهموم
راسه مرفوع فى كل العالم عزه وكرامه وكرم يا ابن حلاب البقر يا واطى لما انت ابن فقير الممتلكات الذكرتها فى التلفزيون دى من ورثة امك المشاطه , ولا كافورى حقت خالك الحرامى وماخفى اعظم
اختشى بلاهوت دوق بلا بيتزا ده اسيادها الاصلين البعرفوا قيمة الغذاء بفرحوا لم نجيب ليهم اكل سودانى
لان الهوت دوق كله دهون ولحم جنزير يا مستجد النعمه.
اهلك كلهم بقوا اغياء اخر الزمن والدفع والمعارف القدام بتزوغ منهم لانهم بواجهوك بنفسك لما تشوفهم وعلى كده يبقى انت معزول من الواقع وما بتعرف الجعان منو والمريض منووحقيقى ظهورك بقى مقرف فارحنا منك بالله


#771104 [إبن السودان البار]
2.97/5 (9 صوت)

09-21-2013 02:49 AM
حارسنا وريسنا الطيب يعتقدأن الهوت دوق أكلة فاخرة منا أو تكرم بها عهده علي الشعب السوداني وهو لا يعرف أن الهوت دوق من أتفه الأكلات التجارية لأنها تصنع من أرخص أنواع اللحوم وهي تصنح من خليط لحم البقر ولحم الحصين ولحم الخنزير مضاف اليها بعض البهارات والمواد الحافظة وبها نسبة عالية من الشحوم الحيوانية الضارة والمستهلك لا يمكن أن يعرف من أي لحوم أو جلافيط مصنوعة وهو سيكون تحت رحمة الشركة المصنعة والتي حتي تحقق أرباح عالية لا يمكن أن تستعمل لحوم فاخرة ومكلفة وإنما تستعمل أرخص اللحوم وبقايا وفضلات الذبائح بعد بيع الأجزاء المختارة منها؟؟؟ وفي المانيا مثلاً يأكلها في الشوارع العمال والطلبة والعاطلين عن العمل ؟؟؟ وفي اروبا عامةً الناس المفتحين لا يأكلون أي مصنوعات من اللحوم المفرومة خوفاً من الغش التجاري وجشع الشركات ؟؟؟ وعلي سبيل المثال في سوداننا الحبيب الآن هنالك شخص يملك مصنع يجمع الدهون من فضلات الجزارات في الخرطوم ويخلطها ويفرمها مع فول الصويا ويضيف لها بعض البهارات ويصنع منها أقراص بيرقر ويوزعها علي المحلات في الخرطوم لتبيعها علي أنها بيف بيرقر أي بيرقر من اللحم البقري الصافي ؟؟؟ وهذا الشخص متدين خالص ولا يصلي الا في المسجد ؟؟؟


#771085 [الفاتح عبدالوهاب]
3.50/5 (2 صوت)

09-21-2013 02:14 AM
البشير ووزير ماليتة يصح لهم ان يقولوا مثل هذا القول انهم لايعرفون شي عن السودان وخاصة الخرطوم امدرمان وبحري فمنذ وقت ليس ببعيد يوجد بهذه المدن محلات بها احلي واشهي انواع البيرقر والهط دوق في محلات جورج مشرق بالقرب من سينما الوطنية امدرمان ومحلات ميامي وخيرات بالمحطة الوسطي بامدرمان وايضا محلات مكسيم بالخرطوم منذ عهد ليس بالبعيد كما ان هنالك كثير من الاخوة الا غريق الذين ظلوا يعملون في هذا المجال حتي وقت قريب فمعظم مواطني هذه المدن الثلاثة وخاصة مواطني امدرمان يعرفون ذلك فان كانت حضارة الشعوب تقاس بذلك فالسودانيون يعرفون هذه الماكولات منذ وقت بعيد اما ان كانت نوع من الرفاهية فاتمني ان تجد صورة للعاصمة المثلثة قبل اربعين سنة مقارنة بالان لتعرف حجم الدمار الذي لحق بنا فانتم لاتعرفون السودان ولاتعرفون قيمة المواطن السوداني فنحن لانشكي لاحد غير اللة انه سميع مجيب


ردود على الفاتح عبدالوهاب
United States [أوكامبو] 09-21-2013 01:50 PM
بارك الله فيك أخى الكريم..هذة هى الحقيقة و لم يكن ما ذكرت قاصرا على الخرطوم بل شمل الكثير من كبريات المدن السودانية و لقد عرف السودانيون الرقى و رغد العيش و لينه منذ زمن ليس بالقصير فى الوقت الذى كانت تتضور فيه دول الخليج النفطية جوعا( وتللك الآيام نداولها بين الناس) لقد كانت قوارير حليب كافورى توزع على المنازل فى الخرطوم 2 منذ ستينات القرن الماضى إن لم يكن منذ الخمسينات، كافورى تلك التى نهبها رباطة و أجلاف الإنقاذ القادمون من عالم الجوع و الحرمان و لأن كل إناء بمافيه ينضح و لأن جل من يتحكمون اليوم بمصير سوداننا المسكين من برابرة و تتار الإنقاذ زاقوا النعمة و رغد العيش بعد نهب المال الحرام و تفتحت عيونهم على أشياء تعتبر عادية لغيرهم من الناس إلا أنها بالنسبة لهم كمن دخل جنة رضوان لذا تراهم (يهضربون) بكلام فارغ و **** و يعتبر عيبا فى عرفنا السودانى و المثل السودانى بيقول " الماشفتو فى بيت أبوك بيخلعك" فأمثال المأفون وزير المالية أو رئيسه طريد الجنائية الدولية مساكين لأنهم لم يروا عزا فى حياتهم إلا بعد أن إغتصبوا السلطة و سرقوا مال الشعب، لذا فإننا نرفض إهانتهم للشعب السودانى و نقول لهم أمشوا بعيد بخلعتكم لأننا عيوننا مليانة منذ أمد بعيد و لله الحمد.


#771081 [الاسد]
0.00/5 (0 صوت)

09-21-2013 02:10 AM
انتا اتكسرت سنك في ملاين الناس ماتوا وادمروا بي سببك
يعني لواتكسر يدك كان حا تعمل فينا شنو


#771064 [متسكع]
0.00/5 (0 صوت)

09-21-2013 01:29 AM
طيب ياحرامي العمارات والنسوان والعز الفيهو انت واسرتك من وين ده جايبو


#771062 [jas]
0.00/5 (0 صوت)

09-21-2013 01:25 AM
المكلة فيك انت يا ريس ما في الاخرين الناس عارفين فتفتك ده زمان ما تفتكر ان دي ثقافة لما جيت لاول مرة قلت ماكنت تعرف تنطق السندوتش وحسي عرفت الهوت دوك نحن ما جينا نمتحن سفرجة عشان نعمل في مطعم نحن في حوجة لمن ينقذ البلد من الاقتتال الحيبتو في البلد والتفرقة العندكم دي خيتو الجهل ما كعب يا جماعة ايه هوت دوك وايه سمك قرش الناس في ازمة وانت في رزمة سبحان الله


#771061 [Ehab]
0.00/5 (0 صوت)

09-21-2013 01:22 AM
يا شباب البشير كلامو مليون الميه صح .. انتوا زعلانين في شنو ؟؟؟؟ ... هو كان بخاطب طلاب الموءتمر الوطني ومنسوبيه وهم فعلاً كلهم مستجدين نعمه وجايبنهم من مناطق لم تعرف هذه النوعيه من الطعام بل لم تعرف الخير ولا شافتو ... والدليل النهب الذي يمارس من قبل منسوبي الموءتمر الوطني .. الما بتشوفوا في بيت أبوك بخلعك ... البشير يقول أنه فقير أبن فقير والفقر ليس عيب لكن هو متعقد من الحكايه دي وما قادر يتجاوزها بي دليل يشيل ويعيد في كلاموا المستهلك دا .. لكن عشان فكره محدود وعارف الجزمه إذا إتملت قروش حتفضل جزمه ...


#771039 [جدودنا زمان]
3.50/5 (2 صوت)

09-21-2013 12:32 AM
هوت دوق ده شنو ؟؟؟


ردود على جدودنا زمان
United States [جدودنا زمان] 09-21-2013 10:08 PM
شكرا يا فوكس

United States [فوكس] 09-21-2013 01:38 AM
ده سجوك


#771016 [مباشر]
3.00/5 (1 صوت)

09-20-2013 11:48 PM
الشعب منتظر الرئيس يطلع من الإعتكاف وفي النهاية يطلع ليهم بسني إتكسرت وقدح مونة وهوت دوق.. حسبي الله ونعم الوكيل في البشير.


ردود على مباشر
United States [كسره بالهود دوق] 09-21-2013 01:08 AM
حل المشكله دي ساهله جدا الناس دي تنفع معاهم اغتيالات بس يعني النجر من طرف لا بنعتمد علي حزب ولا حركه مسلحه ناخد حقنا بيدنا لانوهم ما بينفع معاهم غير لغه الدم والبادي اظلم ,, لانو حوار ومظاهرات ديل ما بيعرفوها صدقوني لو الناس اغتالت وزيرين ومعاهم نافع بشبش بيسلم نفسوا لاوكامبو بكره


#770976 [قنقر]
3.00/5 (1 صوت)

09-20-2013 10:25 PM
يا بتاع قنقرى وينو . زوجتك الاولى قالت سنك إتكسرت لأنك و قعت من حمار .
نميرى فى آخر خطاب لة قبل سفرة و الثورة علية إستفز كل الشعب حتى تنابلة حكمة أيقنت الآن بأن ايامك معدودة .


#770955 [الرد قادم]
5.00/5 (4 صوت)

09-20-2013 09:53 PM
لا نلوم هذا الفاشل بل نلوم أنفسنا لاننا من سمحنا له بالعبث بوطننا وأضاع علينا 24 سنة كانت كفيلة بجعل السودان جنة ولكن جاءنا هذا المنافق جعل وطننا جهنم لا يطيقها أي شخص .
علينا أن ننقذ الوطن وبسرعة قبل أن يكون مثل الجحيم , سبحان الله الذي جعل الفرق بين الانسان والحيوان هو العقل ليفهم به ويقيس به الانجاز والفشل ولكن هذا الشخص لا يميز كيف يقيس الفشل والله لو طفل صغير يمكنه أن يحدد الفشل أفضل منك يا أفشل انسان في تاريخ البشرية .


#770945 [بت حبوبتها]
5.00/5 (13 صوت)

09-20-2013 09:37 PM
شكرآ سعادتك, فقد علمتنا معنى الهوت دوق, والعلم نور !

لكن زمان قبل ما تشرفنا إنت وبقية العصابة, كان السودان وأهله اخير من اسة مليون مرة !

زمان العرس أو العزاء صيوانه واقف 15 يوم وما سمعنا بي زول إتدين أو طير شيكات عشان يصرف على المناسبة !

زمان الصينية يشيلوها نفرين والناس تاكل 3 وجبات سمحة في اليوم, أسة الوجبة واحدة أو اتنين على الأكتر والله يكون في عون الأطفال والمرضى والحوامل لأن الوجبة أكيد بتكون "قليلة الدسم" !

زمان الملابس والأحذية راقية في كل السودان, العمة تترون والتوب سويسري والحذاء إنجليزي والمركوب فاشري, أسة لبسنا كله من أردأ ما صنعت الصين وبرضو ما قادرين عليهو !

زمان درسنا مجانآ وأسة بيرجعوا أطفالنا البيت من الحصة التانية عشان ما جابوا حق الترحيل !

زمان اتعالجنا مجانآ وأسة بنموت على عتبة باب الحوادث إما لانعدام الأوكسجين من الأسطوانات بالداخل أو لانعدام الفكة بجيوبنا, وعلى كل فالموت أرحم من الوضع الحاصل !

زمان الناس هداوة بال, وأسة زماننا الترحال, عشان كدة طلعنا سبنا ليكم البلد !

وحسبنا الله ونعم الوكيل


ردود على بت حبوبتها
United States [الصادق صديق الصادقين] 09-21-2013 12:26 PM
قد أسمعت لو ناديت حيا..... ولكن لا حياة لمن تنادي!


#770941 [ياسر عبد الوهاب]
5.00/5 (5 صوت)

09-20-2013 09:30 PM
اريت اليوم داك الكسرته فيهو سنك كان السقالة وقعت وكسرت رقبتك كنا ارتحنا..انت شيل قدح المونه فشلت فيهو عاوز تحكم ليك بلد كان اعظم بلد في افريقيا ويضم خيرة الرجال..


ردود على ياسر عبد الوهاب
European Union [الواسوق] 09-20-2013 11:58 PM
السقالة ذنبها شنو ياخي حرام عليك مع اعتذارنا لقدح المونة شرف الكادحين عن حمل السفاح له. انشاءالله يصبوك في اساس ويبنو عليك حمام عام يالبشكير


#770934 [انصاري]
5.00/5 (2 صوت)

09-20-2013 09:23 PM
السؤال أنت وأخوانك، ونافع، وعلي عثمان، ومصطفي عثمان إسماعيل، وبقية اللصوص كنتم وين..؟ قبل كارثة يونيو 89 والآن أنتم وين..؟ من سرقة عرق الركع.. ولبن الرضع... ولقمة الشفع..كنتوا وين؟ ـ من حيث المسكن/ الملبس/ المطعم...وأين أنتم الآن؟ ومن وين لكم؟....يبدوا أن العقدة تلازم المعتوه.. أذكر في لقاء تلفزيوني..قدمه (المتملق) أحمد البلال..ذكر ـ أي "البشير" إنه عندما كان طالب في الخرطوم القديمة ويسكن في داخلية مدرسة الخرطوم التجارية كان عنبرهم يسمى "بحي العرب" كناية بما كانوا يتسمون به من عنف بادية ورقة حال لا تخطئه العين ـ ومازالت العقدة تلازمه..لذا يسرق ليرتقي.. حتي يعوض النقص.


#770932 [عماد الغبشاوي]
5.00/5 (3 صوت)

09-20-2013 09:20 PM
لانكم ايايتم من اسر وضعية ولا اقول فقيرة لان الفقر ليس عيبا . نعم سمعنا واكلنا البيتزا قبل حضوركم بعشرات السنين من ايطاليان اسناك بالقرب من مطعم الحاتي بالخرطوم اتنين . اين كنت انتا في ذلك الزمن كنت بعراقي وسخ وريحة نتنه . وانتم من تنظفتم وعرفتم البيتزا بعد حضور الانقاذ . وهل البتزا والهوت دوق الذي تذوقة البشير عندما كان مغترب بالامارات مقياس للرقي ورغد العيش بالله عليكم رجعونا الي ماكنا عليه قبل حضوركم واستئلاكم علي الحكم رجعونا لناكل الفيتريته الذي كانت عذاءكم يامستجدين النعمة رجعونا وحلوا عن سمانا والله ليحكم السودان الهادي الضلالي لهو افضل مكنم . الله لابوفقكم دنيا واخري .


#770929 [G.Suliman]
3.00/5 (3 صوت)

09-20-2013 09:15 PM
طيب انت الصبغه سمعته بيها متين؟
نسوانك الجداد الدجاج عرستهم متين؟
الدولار مسكتو في يدك متين؟
الرقيص اتعلمتو متين؟
ياخ من شدة نا بقيت مشهور برقيصك طفيت الراقصه دينا عديييييييييييل كده يا ابوجعبات متندله


#770928 [توفيق صديق عمر]
4.00/5 (2 صوت)

09-20-2013 09:10 PM
ههههههههههههههههه
والضحك شرطنا
واحد زي البشير دي بلدياتنا قح ما يعرقش طظ من سبحان الله
جا مرة اوروبا يعمل طباخا مع احدي السفارات العربية وفي عشره ونسة
سالني
انت الخواجان ديل بيالو كلاب سخنة
فاستغربت للسؤال وسالته انت قاصد ايه بالضبط
فرد بكل برءة ومال الكيوسكات بتاعة الهوت دوق دي شنو؟
قال ايه اتحدي اي واحد يعرف الوت دوق قبل الانقاذ
المعروف انو الهوت دوق دا بيتعمل من لحم الخنزير الصافي ياجماعة
جماعة البشير بقو يقلدو والا ايه


#770922 [الخمجان]
5.00/5 (1 صوت)

09-20-2013 08:59 PM
هسى دة خطاب رئيس ؟ احسن منو 5-6-7-3-4 هههههههههههه
فهمتو حاجة؟؟


#770909 [الواسوق]
4.94/5 (6 صوت)

09-20-2013 08:30 PM
البشكير شكلو عرف الهوت دوق في الامارات لما كان شغال هناك وقال لازم اعمل انقلاب عشان ندخل التكنولوجيا دي السودان. انشاء الله لما تتسجن حيحكموا عليك بأكل الهوت دوق حتى الموت عشان نرجع ليك جزء بسيط من جمايلك على الشعب. اعمل حسابك من الماسترده الكتيرة بتجيب مشاكل


#770904 [سعاد صالح التني]
4.75/5 (5 صوت)

09-20-2013 08:24 PM
وتابع:" انا فقدت سني بعد انقلاب السقالة، اثناء حملي لقدح المونة".

ياسلام ..!!!!!!
طيب سنك وعرفنا اتكسرت كيف طيب ماتورينا كمان كرعينك اتكعوجن كيف ياحيوان ياشهواني ياالجنك تاكل الطين .... أمورك التحت تحت كل النسوان بعرفنها. وقال كان معتكف في اواخر رمضان !!!!!

والله محن رئيس سافل وضيع من مستوى ضحل وضيع يحكم شعب كريم ونائبه اب وجها كالح وضيع مثله تماما تربية جبل القرود في حدائق الحيوان ولكنه خبيث أى ليس سبهلل زى الرقاص المكعوج الدلاهه والأهبل .


ردود على سعاد صالح التني
European Union [البعاتي] 09-21-2013 02:28 AM
بياكل الطين؟ كلام عجيب، يمكن علاج للمعدة من اكل الهوت دوق...


#770887 [شاعر الشعب]
5.00/5 (6 صوت)

09-20-2013 07:59 PM
حقو محجوب شريف يلحقنا بقصيدة جديدة

تلاتة هوت دوق وبيتزتين وبيت سمح
خليتونا قصادهم حشومنا ملح ملح


#770880 [بليلة]
5.00/5 (3 صوت)

09-20-2013 07:46 PM
يعني معنى الكلام الزول الما كان شبعان في كسرة الفتريتة الهوت دوغ بالنسبة له آخر نظام زي المن والسلوى ولحم طير مم تشتهون.
ناس فعلاً آرابسات


#770878 [المهاجر]
5.00/5 (3 صوت)

09-20-2013 07:41 PM
اذا سالت البشير عن معني هوت دوغ ح يترجمها ( كلب حار او كلب ساخن ) والله ما في كلب غيركم ي كيزان


#770876 [الحازمي]
4.50/5 (5 صوت)

09-20-2013 07:36 PM
"هوت دوق" قال!!!!
يا له من أهبل و وضيع !!!!
أتمن علينا بالسجوك و شعب السودان ملايين الابقار و الضأن و الأبل ؟؟؟
ما أشبه الليلة بالبارحة
فقال قالها النميري حين دعا السودانيين بشرب الكركدي و الكف عن شرب البيبسي !!!!
و الوزير الشحاد سمسار الاستثمار مصطفى اسماعيل وصف الشعب السوداني بالشحدة !!!!
وزير اقتصاد العواسه علي محمود يتجرأ و يباهي باطعام الشعب بيتزا !!!!
أتدري يا علي يا جيعان أن البيتزا متوفرة ولكني أفضل الكسرة و العصيدة بالتقلية!!!
حقا أصاب الأديب الطيب صالح حين قال: "من أين أتى هؤلاء الناس؟" ؟؟؟؟؟


ردود على الحازمي
United States [ياسر عبد الوهاب] 09-20-2013 09:46 PM
الراجل العوير ده قبل اسيوع كان معزوم ..عشاء عند جمال الوالي ..هو وابو رياله..اكلهم هوت دوق.. وعمك ما كضب..
بعدين من يستورد هذه الاشياء..تجار المؤتمر وشركات اخوان الريئس ووداد..وبربحوا فيها ملايين..يدفعها بعض من رحم ربي من غير دعم...الاختشوا ماتوا..
لعنة الله عليك يا ترابي من اين اتيت بهؤلاء..الما ناس..


#770874 [الحقيقة مرة]
5.00/5 (7 صوت)

09-20-2013 07:25 PM
لا شك انو الهوت دوق بالنسبة ليهو مقارنة بكد القنقر في حوش بانقا تعتبر نقلة حضارية نوعية وانجاز وخطوة عملاقة اخرى للبشرية هو كويس الما جابت ليها اسكريم كمان


#770868 [Adam Ibrahim]
5.00/5 (3 صوت)

09-20-2013 07:14 PM
هوي يا بتاع قنقرى وينو؟.. مشكلتك شنو انت مع الحاجات ذات الاشكال الاسطوانية المحدبة؟.. مرة سجوك ومرة هوت دوغ ومرة قندول ذرة وللّا قندول حاجة كدة ما عارف.. طيب عود القذافى كيف؟؟..


#770854 [Ali saleh]
4.00/5 (2 صوت)

09-20-2013 06:57 PM
ما هذا يا حيوانات في حديقة الحيوان. شنو وزير المالية بهناك جايب سيرة الهوت دوج والبيتزا ال ما بنعرفهم وبهنا البشير بيقول في نفس الكلام !!!!! لا أدري !! هل هو هذا الخطاب السياسي للحكومة لدعم رفع الدعم عن المحروقات ؟
هونوا علي أنفسكم أيها الببغاوات ستنفذون سياستكم رغم أنوفنا .بختكم بهذا الشعب المستكين.


#770852 [احمد عبد العزيز محمد]
4.00/5 (3 صوت)

09-20-2013 06:56 PM
ولماذا لم تقل أنا عمر البشير الذي أياديه ملطخة بمدماء أهل دارفور


#770849 [الجاك زايد]
4.88/5 (5 صوت)

09-20-2013 06:53 PM
" اتحدى اي زول سمع بالهوت دوق قبل الانقاذ"

بس اياها هلوسة النميرى فى الساعات الاخيره لاحتضاره ..


#770847 [wad alnuba]
5.00/5 (2 صوت)

09-20-2013 06:49 PM
الهط دوق هو السجك السوداني معمول بطريقه مختلفه علما بان الذي يفتخر به الريس انه من مكتسبات الانفاذ معمول من بفايا لحوم لا حول ولا قوة منها في طريقها اصلا الى النفايات*وان يفتخر الرءيس به فهذا هو منتهى الجهل وانهم هم الذين كانوا لا يعرفون الهط دوق والبيتزا.


#770833 [محمد حسن أحمد]
5.00/5 (4 صوت)

09-20-2013 06:37 PM
عشان كدة وحياة الفقر والزل التي عشتها في زرائب كافوري وسط العجول والحملان جعلتك تعيش في حالة من الزعر والهلع والجشع والطمع تنهب إنت واخوانك واخواتك ورجال أخواتك وزوجاتك وأظن أمك زاتها دخلت في دائرة النهب خايفين من الرجوع لتلك الحقبة الزمنية وبعد ما كنت تسكن في بيت العيلة إلى أن استوليت على السلطة ولاتملك فدانا من الأرض وتركب عربة كرونا موديل 83 أصبحت تملك ثلاثة قصور وفي أرقى أحياء الخرطوم ماكان لك أن تستطيع شراء مائة متر فيها إلى أن تحال إلى المعاش في القوات المسلحة فقارن بين ما تمتلكه دفعتك أو من هم أعلى رتبة منك في القوات المسلحة الذين تقاعدوا عن الخدمة واخذوا مستحقاتهم ماذا يملكون وانت ماذا تملك أيها الحرامي السافل بن السافل فوقتها ستدرك حجم المأساة التي تسببت فيها أنت واسرتك وحاشيتك ومجموعتك من قطعان البهائم والخنازير والكلاب
وسردك لقصة حياتك ليس بمبرر لأن يتحمل الشعب السوداني فسادك وانحطاطك وانحرافك وغبائك الذي قسم الوطن ولازال يسعى لتفتيت وتقسيم ماتبقى منه
أنت عندما أتيت بررت إستيلائك على السلطة بسبب غلاء الأسعار الطاحن وبسبب الحرب في الجنوب التي تهدد وحدة الوطن فماذا كان الحصاد بعد ربع قرن من السيطرة التامة على الحكم فصلت الجنوب واشعلت المزيد من الحروب العنصرية في بقية الأقاليم المتبقية وارتكبت المجازر التي راح ضحيتها مئات الآلاف من الشباب والأطفال والعجزة والنساء ولم تعد وحدة الوطن هي المهددة بل أن الوطن مهدد بالزوال ياسافل ياتافه يامنحط


#770829 [واحد]
5.00/5 (3 صوت)

09-20-2013 06:36 PM
ولم نسمع بالفيس بوك بس المصيبه انو اللحم كان رخيييييييييص وبنشتريهو بالكيلو او خرفاااااان عدييييييييل , في عهد الانقاذ الهوت دوقايه الواحده بنعمل ليها خته ورئيسنا بتفاخر بها والمصيبه انو ب نستوردها


#770819 [الضهبان]
5.00/5 (2 صوت)

09-20-2013 06:28 PM
الزول ده ارعن اخرق غبي و مغيب تماما..
الهوت دوق اصبح مقياس لتطور الامم..
للعلم ايها الحمار،الهوت دوق الاصلي حرام للمسلم يا ورل.


#770818 [Fato]
5.00/5 (2 صوت)

09-20-2013 06:28 PM
بالله واحد يجيبنى عن أى دولة يتحدث هذا المعتوه هل المقصود دولة بوركينا فاسو أم جزر القمر أم المالديف أم ساحل العاج فلو كان يحكم أحدى هذه الدول لقلنا أنه محق فيما يقول ولكن أن كان يقصد السودان فهو كاذب ومليون كاذب لا يهمنا(الهوت دوق)أن سمعنا به فى عهدك المنحط أم لم نسمع به بل يهمنا يا مسيلمة لما غدرت بالديمقراطية كانت الديون علينا 14 مليار وفى عهدك الأسود قفزت بنا لديون لا نستطيع تحملها ولا حتى أبناءنا يستطيعوا تحملها فوصلت لما يقارب 44مليار,لما أنقلبت على الوضع الديمقراطى كانت هناك مشاريع لها وزنها مثل (مشروع الجزيرة )الذى يعتمد عليه وطن كامل ودمرته ودمرت كل مشروع حيوى وكل مصنع ولم تترك شىء مفيد للوطن ألا وطالته يداك القذرتان فدمرته.قبل مجيئك فى ذلك اليوم المشئوم كانت بالسودان ثلاث طبقات متقاربات جدا (طبقة الأغنياء وهؤلاء كان غناهم حلالا ولم يلبسوا عليه الحرام والطبقة المتوسطة وهى طبقة الوظفين والحرفيين والثالثة طبقة العمال)وكل تلك الطبقات كانت عائشة فى ستر ـأكل 3وجبات والتعليم مجانى وأكرر كلمة مجانى لأبناءهم والعلاج مجانى ولعلمك الطبقات الثلاث هذه كانت متحابة ومتواصلة مع بعضها البعض ويضمهم الحب والتفانى عكس الطبقتين التى ذكرتهم يا مسيلمة فطبقتينك (الأغنياء وهم أهل الحكم وأهليهم ومن شايعوهم ومريديهم والمتسلقين)والطبقة الأخرى طبقة المطحونين من بقية الشعب والذين كنت أنت السبب الأساسى فى سحقهم وطحنهم.ولعلمك صار كره وحقد طبقة المطحونين على طبقة أغنياءكم لا أستطيع وصفها لك.لعنة الله تغشاك أيها الأفاك دنيا واخرة.


#770815 [كاودا]
5.00/5 (1 صوت)

09-20-2013 06:23 PM
اذا كنت تخشي الكيزان فتأكد انك اقل ِشأنا من الجرذان


#770809 [Salah Elhassan]
5.00/5 (1 صوت)

09-20-2013 06:16 PM
نعم أول مرة يصدق المشير العوير هنالك طبقتين من الناس فى السودان ...طبقة الأنقاذ التى تملك المليارات والفلل والعمارات داخل وخارج السودان فى مليزيا ونخلة دبى....
وطبقة اخرى مسحوقة وهى 95% من الشعب السودانى .......


#770804 [ابو دلوكة]
5.00/5 (1 صوت)

09-20-2013 06:12 PM
الله يكسر رقبتك منو القاليك عاوزين هوت دوق الدوق اليعضيك ويقطع لحمك انحنا عاوزين حرية وامان من الكيزان اكل انت وحيرانك الهوت دوق وخلي لينا الكسرة والمﻻح الله يكسر رقبتك يا دلدول


#770803 [محمد حسن أحمد]
4.94/5 (5 صوت)

09-20-2013 06:10 PM
ونتحدى أي زول سمع بزواج المثليين قبل استيلائك على السلطة


#770796 [حلفانوفسكي]
5.00/5 (1 صوت)

09-20-2013 06:02 PM
لا ادري الى متى سيستمر هذا الكذب والنفاق .
ربع قرن ونحن نسير من سيئ الى اسوا ....
مالذي فعله هذا الرجل طيلة ربع قرن حتى نطمئن الى ان المستقبل معه سيكون افضل ....
الا يدرك هذا الرجل انه هو ( المشكلة ) فكيف نرجو ان يخرج من بين يديه (الحل ).....
ارحل يا رجل وتوجه الى الله عسى ان يغفر لك عظم ذنبك .....
الا يؤرقك ما اسلته من دماء .. وما ازهقته من ارواح ....
ايكفي ان يكون موتنا جميعا ثمنا لخوفك من ( لاهاي ) .....


#770656 [حلفاوي]
5.00/5 (1 صوت)

09-20-2013 05:58 PM
يا ريت لو كان راسك اتكسر بدل سنك كنا ما شفنا وجهك دا ... وبعدين شنو التناقض العجيب دا قال اتحدى اي زول سمع بالهوت دوق قبل الانقاذ وفي نفس الوقت قال الناس منقسمين الي طبقتين طبقه غنيه تركب افخر السيارات واخرى لاتملك ابسط مقومات الحياة ؟ وللاسف يا البشير الذين لا يملوكون قوت يومهم ولا لابسط مقومات الحياة هم الاغلبية وباعتراف من الحكومة اكثر من 50 في المائه من الشعب عايشين تحت خط الفقر ربنا يلعنك .


#770652 [ياسر عبد الوهاب]
5.00/5 (12 صوت)

09-20-2013 05:55 PM
يتفاخر هذا الجاهل ان الشعب السوداني عرف الهوت دوق في عهده...دوق يعضيك في....... الكبار ديل يا اكل السحت..انته الهوت دوق قايلو شنو ما سجوك...ومن ما قمنا بنعرف السجوك..بل الذ واشهي من الهوت دوق والذي يقال ان اغلب المصارين من الخنزير...وبعدين وزير ماليتك شابكنا علمناكم اكل البيتزا انتو البتزا شنو ما قراصة وقراصتنا احلي واشهي قبل ما انتو تجوا..
شكيتك علي الله يا الترابي ديل جبتهم من وين؟؟؟؟


#770792 [مجدى]
5.00/5 (2 صوت)

09-20-2013 05:54 PM
يا الله ببركه المصطفي تنذل عليهم باسك وعذابك


#770651 [ابو محمد]
5.00/5 (2 صوت)

09-20-2013 05:51 PM
الرازق هو الله يابشير الرخاء المزعوم اذا موجود بفضل الله سبحانه وتعالي يامن تدعي في خطابتك ان الرازق هو الله الآن اصبح الرازق هو الإنقاذ


#770649 [ابوخليل]
5.00/5 (2 صوت)

09-20-2013 05:49 PM
عمر البشير بعيد عن الواقع الناس ما لاقين عيش حاف الهوت دوق انت سمعت بيه بعد انقلابك المشؤم كنت بتاكل كسرة وقراصة الهسى الناس ما لاقياها تاكلهم


#770647 [عمك على التانجلى]
3.00/5 (2 صوت)

09-20-2013 05:47 PM
يا ابن ...... شيل الهوت دوق بتاعك الجبتو لينا
ومع السلامة بلا يخمك ويخم الهوت دوق


#770642 [امير]
5.00/5 (2 صوت)

09-20-2013 05:43 PM
واعترف البشير بانقسام السودانيين الى طبقتين، واحدة تركب افخم السيارات ولديها ارصدة خارج السودان، وتصرف صرف من لايخشى الفقر، واخرى لاتملك ابسط مقومات الحياة.
كلام صحيح مية المية الطبقة الاولى هي اعضاء حزب البشير والاخرى بقية الشعب السوداني
وخليك من الهوت دوغ 80% من السودانين ما اكلوا طحنية من يوم ما شافوا خلقتك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة