الأخبار
أخبار إقليمية
عمر البشير يدخل منافسة ساخنة مع خبيرة الأطعمة- الشهيرة منال العالم !-
عمر البشير يدخل منافسة ساخنة مع خبيرة الأطعمة- الشهيرة منال العالم !-
عمر البشير يدخل منافسة ساخنة مع خبيرة الأطعمة- الشهيرة منال العالم !-
منال العالم


09-21-2013 01:22 AM
كمال عباس

- الرئيس مخلوع بالهوت دوغ الذي يعد junk food في أمريكا! الي متي يتحمل شعبنا إهانات وأستفزازات البشير?

من يتابع خطابات البشير ووزير ماليته يظن أننا في برنامج فضائي لخبيرة الأطعمة المشهورة منال العالم! فالبشير ترك كل هموم شعبه وكوراث وطنه شرع يحدثنا- عن الهوت دوغ الذي لم يعرفه شعبنا قبل إنقلاب الإنقاذ والتقط وزير المالية الخيط ليمتن علينا بالبيتزا التي لم نسمع بها قبل الإنقاذ!

** حينما إنفجرت ثورة الجياع في فرنسا- وخرج الفقراء في أسمالهم يطالبون برغيف الخبز -وقفت الملكة ماري أنطوانيت عندها من أعلي شرفة قصرها -تتابع الهتافات وتسأل عن سر إنفجار الغضب الجماهيري! فقيل لها إنهم لم يجدوا خبزا يأكلوه! فتفتقت عبقريتها بحل ألمعي - قائلة بسيطة :- إذا فليأكلوا كيكا! وبعد بأيام قليلة أطاحت مقاصل الثوار برأس الملكة التي كانت تعيش في عالم آخر جعلها متبلدة الإحساس مفتقرة للإنسانية والإحساس بنبض الشارع !

**وها نحن أمام حاكم-يموت شعبه من الجوع والفقر والمرض-والتشرد والحروب وأصبح رغيف الخبز وقطعة الكسرة حلما-وأضحي الناس يتسولون لدفع قيمة روشتة العلاج ورسوم الدراسة- في هذا ا لجو البائس والملبد بأخبار زيادة الأسعار-يخرج هذا الشخص الذي - يجثم علي صدر الشعب لما يقارب من نصف قرن من الزمان- يخرج ليحدثنا عن الهوت دو غ الذي لم لم يلتقمه أغلب شعبه والبيتزا التي لم يتذوقها- من لايجد رغيف الخبز- ليستفز من أسعفته الظروف تناول شطائر البيتزا ووجبات الهوت د وق والبيتزا التي لم يتذوقها- من لايجد رغيف الخبز- ليستفز من أسعفته الظروف بتناول شطائر البيتزا ووجبات الهوت دوق- مذكرا ياهم أنهم لم يسمعوا بها قبل إنقلاب الإنقاذ ! وهو عين ماذكره وزيره مصطفي عثمان إسماعيل قبل سنوات حينما قال أن الشعب السوداني كان كالشحادين قبل مجئ الإنقاذ ! والبشير لمن لايعلم - أعلن في أسابيع الإنقا ذ الأولي أنه من أسرة فقيرة- وأنه لازال يسكن في بيت الأسرة - في كوبر!.ولكنه أصبح الان- يملك - المزارع الورافة والقصور والفلل الفخيمة التي يطل علينا من شرفاتها الباذخة ذكرا -أيانا-بأنه صاحب الفضل في ما نرفل فيه من النعيم وترف العيش أننا نعيش في عهده الزاهر في بحبوحة- حيث نفطر علي البيتزا ونتغدي بالهوت ضوغ ...! أنه يقول لكم بلسان حاله ماقالته ماري أنـطوانيت في غابر الزمان :- من لم يجد "طرقة" كسره يسد بها رمقه عليه بالهوت دو غ !

* هذه هي عقلية -من يحكم الوطن ويتحكم في مصائر البلاد والعباد ! والحقيقة لا أستغرب صدور هذا التصريح ممن أسكرته نشوة السلطة وأعماه بريق الثروة عن رؤية الواقع الكالح الذي يتردي فيه شعبنا, ما أستغربه حقا هو موقف من يراهن علي حكومة هذا هو حال رئيسها ومن يطبل لمثل هذا لشخص ومن يتواطئ بعار الصمت - علي نظام هذا هو شأنه! ومن لم يقف بصراحة و وبلا مواربة- ضد سلطة البشير ا الغاشمة !

ومن ناحية أخري فإن هذا التصريح المخجل يكشف جانبا آخر من شخصية البشير المريضة فهو علاوة علي إستفزازه لشعبه وإهانته لمواطنيه- تجده يتسم برداءة الذوق وفقر الذائقة و ا لإندهاش والإنبهار بكل ماهو" مظهري " وسطحي قادم من الغرب فالرجل يعايرنا ويمتن علينا بأنه أدخل الهوت دوغ علي موائدنا وجعلنا نواكب الحضارة والرقي ورفع مستوانا المعيشي - وكأنه يقوم بتوزيعه علي الشعب مجانا! وكأنه ليس بالرجل حرم- الذي الطلا ب . من مجانية ا التعليم ولقمة الطعام بالداخليات! والشعب من مجانية العلاج !

ولعل لعابه كان يسيل وهو يتحدث عن الهوتد وغ ذلك الإكتشاف المبهر الذي إستورده من بلاد الفرنجة! الم أقول لكم أنه- classless وفظ وجلف !.." الهوت دوغ طعمو شنو حتي تمتن به علي شعبنا ! , ويبدو أن البشير نسي وهو في قمة تبجحه وإستعراضاته أن الهوت دوغ - يعد عند ا لكثيرين- في الغرب - من ضر وب ال junk food - إي الطعام الردئ - والغير صحي! الذي لايستسيغه كثيرا من المهاجرين من المقيمين في الغرب...., كنا سنقدر لو تبجح البشير بأنه-إستورد لنا من الغرب - مايطورالزراعة ويرتقي بالصناعة وينهض بالتعليم والصحة- أو ينهل من تجارب الديموقراطية وتداول السلطة ووعي مغزي حقيقة أن الرئيس فيها لايخلد في كرسي السلطة!!

* لم يستفيد البشير من الإيجابي في بلدان الغرب وإنما كانت سدرة منتهاه هو القشور-الهوت دوغ - وحقا علي قدر أهل العزم العزائم! فهذا الشخص " البطيني" لايعنيه من الغرب سوي الهوت دوغ ! وهو بذلك ينمي النزعة الإستهلاكية لدي شعبه ويشجع علي اللهث وراء القشور !!

[email protected]


تعليقات 30 | إهداء 0 | زيارات 8197

التعليقات
#772003 [متوكل]
0.00/5 (0 صوت)

09-22-2013 07:29 AM
تسليم و تسلم

هاك هوت دوقك ما تمنو علينا ×××××× و فكو أدينا قنقرنا

يا ريس كفاك جلوس يا كابوس ××××كرسي الحكم أدغمس أمسى بنبرنا

من بلد سليم عزة و شموخ ×××××× صبح شروخ و بيك دنقرنا

نص البلدهريتو بي حكمك ضنك ××××و الباقي من ظلمك هجرنا

جهلك وعموك أئمة السلطان××××أن بدور تسمع تعال هداك منبرنا

خليك من أنكار أتذكر هبوب النار××××أفهم و حس بيهو قهرنا

صوتنافي الضلمة و في عز النهار×××××أنصت ليهو نحن جهرنا

و لي عزة السودان الشارع كبس مليان××× حقنا حارسين و ليهو صنقرنا

*******************


#771951 [محمد علي]
0.00/5 (0 صوت)

09-22-2013 01:51 AM
حاجه غريبه وعجيبه هل من المعقول ان رئيس دوله مايكون حاسس بي شعبو؟الحاصل ليهم يجي يستفزنا بالطريقه دي ؟ حسبنا الله ونعم الوكيل


#771924 [الفاتح]
0.00/5 (0 صوت)

09-22-2013 12:45 AM
رساله الي البشير
يا سيادة الرئيس أتمنى أن تكون تطلع على أراء شعبك الكريم على صفحات الراكوبه لعل هذا يجعلك ندرك ما فعلته بهذا الشعب الكريم الذي جثمت على صدره سنين عده دون أن تدرك ماذا فعلت بهم متناسيا أن هنالك يوم حساب عسير


#771909 [سودانية بت بلد]
0.00/5 (0 صوت)

09-22-2013 12:03 AM
سبحان الله ده حال رئيسنا بدل ما يتكلم في الفساد و كل مشاكل الدولة و هموم المواطن يتكلم في الهوت دوق ما في رئيس في العالم كله بيتكلم بالطريقة دي الا رئيسنا ده و هو كلام ما بيعرف يتكلم ربنا ينتقم منه و يخلص البلد منه هو و زبانيته ما مفروض الشعب يسكت عليه اكتر من كده


#771878 [داوودي]
0.00/5 (0 صوت)

09-21-2013 11:09 PM
واحد خريج كلية حربية يعني تعليمو حدو الثانوي. ومهما اتعلم برضو برجع لي فهم عسكري مخو مقفل اتجاه واحد والبقول فيهو دأ مليان فارغ كان عاوزين الصاح بشه ما غلطأن غلطأنين نحنا نحنا الصبرنا عليهو الوكت دا كلو ...


#771820 [ود كترينا]
0.00/5 (0 صوت)

09-21-2013 09:34 PM
*** حديث البشير عن الهوت دوق لايختلف عن حديث سابق للأمين عمر بتاع الطريقة الفى بيت المال...المحايتو بيبسى وحوارو جكسى...الأمين فى حوار سابق مع احدى الصحف ذكر انه انسان فاهم لايمكن يكرم الحيران بالفتة السخنة وكل واحد يلحس اصابعينو ويدخلهم تانى فى الصحن...قرف...فقال عشان كده بيأكلهم سندوتشات (هامبرجر)...الشيخ أكيد ماناقش لأنو (هامبرقر) معناها بيرقر الخنازير...الرئيس قال الهوت دوق...سألناهو يعنى شنو هوت دوق قال (الكلب السخن)!!يعنى شنو الكلب السخن؟..قال مامتأكد لكن أعتقد الكلب الضارباهو ملاريا!!!


#771774 [Me too]
0.00/5 (0 صوت)

09-21-2013 08:29 PM
شظف عيش ومثقبة وأهانة وزلة والله أستحييت من زملائي السعوديين الذين حضروا معي خطابه الاجوف الارعن وياليتني لم افتح قناة السودان في هذا اليوم فقد أصابهم الوجوم من كلمات هذا الاحمق وأخذوا يتسألون أيعقل انكم لم تكونوا تعرفو الهوت دوق ؟؟؟؟ أي اهانة توجهها لنا ياعمر داخل الوطن وخارجه؟؟ اللهم ارحنا منه اللهم ارحنا منه اللهم اكفيناه بما شيئت.
الفاضلة تينا تحياتي طولتي الغيبة عسي ماشر.


ردود على Me too
[محمد السودان] 09-21-2013 09:22 PM
يا مي تو الخلاك تفتح قناة السودان شنو يا راجل انا في محل زيك ما اعرف اخبار السودان غير افتح قناة السودان ولا ما قاعد افتحها ابدا دي قناتهم قناة حزب الشيطان قناة حزب البشير قناة غير الكلام ما عندهم وهي لله وهي لله وكله كزب في كزب ما اسمع تاني انك تفتح القناة دي تاني اوك؟ والله زعلان زعلة من كلام البشير لما قال انتو ما شوفتو الهوت دوق الا في زمن الانقاذ جيب اخبار السودان من المصادر الصحيحةة عليك الله


#771770 [mohammed]
0.00/5 (0 صوت)

09-21-2013 08:24 PM
في كل يوم يثبت البشير صطحيته وسذاجته وجهله , شئ مؤسف أن يتم إستفزاز الشعب السوداني بهذه الطريقة ولكن سيأتي اليوم الذي نتحاسب فيه يابشير الهوت دوغ والبيتزا


#771751 [كرري]
5.00/5 (2 صوت)

09-21-2013 07:50 PM
السودان بعد مرور سنتين وفي عهد البشير of course
2015-2024

سنة 2015
اليابان تحتفل بإنجاز أضخم صفقة لشراء أجهزةكمبيوتر من السودان بعد جدل حاد في البرلمان السودان دام ثلاثة أشهر
سنة 2016
أزمة دبلوماسية تنشب بين السودان وفرنسا بسبب سيجارة ألقاها سائح فرنسي في منتجع الحاج يوسف السياحي السوداني وفرنسا تعرض تعويضات مالية
سنة 2017
السودان تهدد بطرد الطلبة الكنديين الدارسين في الجامعات السودانية بسبب قيام طالب كندي في مرحلة الدكتوراه بسرقة بحث علمي من أحد طلبة البكالوريوس السودانيين

سنة 2018
السودان تنتهي من بناء أضخم مركز تسوق (مول) في العالم وذلك في محافظة الكلاكلا ، حيث أنشئ على أرض بمساحة 1057
دونم و باركينغ يتسع (36,000) سيارة من الحجم الكبير
سنة 2019
السودان يحرز المركز الثاني في بطولة كاس العالم لكرة القدم والتي أقيمت في الخرطوم بعد خسارتها بصعوبة، بضربات الجزاء الترجيحية أمام المنتخب البرازيلي الذي يدربه السوداني الشهير علي نونو كوكو المدرب السابق لنادي إنتر ميلانو الإيطالي
سنة 2020
مسيرات عارمة تجوب مختلف المدن السودانيه احتجاجاً على فرض رسوم للكهرباء تقدر بي 10 جنيه شهريا
سنة 2021
فيلم أميركي يفوز لأول مرة بجائزة مهرجان النيلين السينمائي الدولي بعد أن كانت حكراً على الأفلام السودانيه
سنة 2022
السودان تستخـدم حق الفيتـو في مجلس الأمن الدولي ضد قرا ر يسمح للصين بكسر احتكار السودان لتجارة السيارات في العالم
سنة 2023
العالم السوداني ( مختار ادروب) يفوز بجائزة نوبل في الفيزياء عن اختراعه (شيشة ) تعمل بالطاقتين الشمسية و القمرية
2024
منع بيع الهوت دوق منعا باتا للمواطنين نسبة لانها وجبة لا تتماشااااااااااااااااااااا مع وضع السودان الجديد كاحد اهم الدول في العالم يعني بالرندوك كدا يا تفاتيح الهوت دوق بقي شمار في مرقة وشتات خالي كدايس

وفي النهاية:
طوابير من الشبان الكنديين والأمريكان أمام السفارات و القنصليات السودانية لتقديم طلبات الهجرة .


ردود على كرري
United States [بت ملوك النيل] 09-21-2013 09:15 PM
هوى ده شنو؟؟

و الله البشير يقرأ الكلام ده يقوم يصدق


#771739 [karlos]
0.00/5 (0 صوت)

09-21-2013 07:31 PM
kamonia and jagageg are more better than hot dog


#771609 [الـســيــف الــبــتــار]
5.00/5 (1 صوت)

09-21-2013 04:16 PM
ما خلاص يا ود حسن بقيت تشم عبير الازهار و انت جالس فى البلكونه المطله على الحديقة الغناء و التى استجلبت لها الزهور و الاشجار المثمرة و الظليه من كل العالم لتزين بها دارك والتى هى جزء لا يتجزأ من املاك الشعب ؟
اقول لك انها جز من املاك الشعب السودانى و تم مصادراتها فى عهد مايو و تأميم مشروع كافورى الزراعى و الت الى قوات الشعب المسلحه الهيئة الاقتصادية فى عهد المرحوم و المغفور له بأذن الله المشير جغفر النميرى و انت حتت ضابط التحق بالكليه الحربيه بتذكية من الوطن الاتحادى الديمقرطى و لا كان تدخل الكلية باخوى و اخوك لو لا توسط المرحوم نصر الدين السيد لدى الزعيم الازهرى نظرا لوالدك الذى كان عضوا بالحزب بكوبر لكى تساعد الاسره بعد التخرج مستقبلا ؟
وسندا للحزب فى القطاع العسكرى و عينا على اى تحرك داخل القوات المسلحه ؟
ولكن استعادة الاراضى المأممه الى اولاد عزيز كافورى تعتبر مخالفه صريحه للقانون و قضية راى عام و الايام سوف تثبت ذلك و انت تحسب انها خدمه و رد للجميل لولى نعمت ابيك وهل املاك الدوله من املاكك الخاصه او الت اليك بالتوريث او وضع اليد ؟
كان المقابل أن منحت مساحة من الاراضى لك و لاسرتك و ود بانقا و مسجد النور هى المقابل والقضاء سوف يكون الفيصل بيننا و بينك فى الايام القادمات بعد أن تساق مخفورا و مقيدا و مكبلا اليدين و الرجلين الى السرايا الصفراء يا شاطر .
وكل ما ال اليكم سوف يعاد الى المواطن ن اراضى و عقارات و اموال و لن نترك لكم فلس الا باثبات و مستندات .
عليه انتظر وخلى الهوت دوق يكون من الوجبات المفضله ليك و انت بين اربعة حيطان ان شاء الله ...


ردود على الـســيــف الــبــتــار
[ود ابو زهانة] 09-21-2013 08:39 PM
ياحبيبنا انت مالك ما تميت الجملة صاح بقولك : تشم عبير الازهار بدلا عن رائحة روث بقر كافورى التى فطمت عليها


#771577 [jad kareem]
5.00/5 (1 صوت)

09-21-2013 03:29 PM
#771125 [mohd]






5.00/5 (1 صوت)
09-21-2013 03:06 AM
والله حرام ثور زي دا ما عارف الهوت دوق بتعمل كيف وبتكون من شنو يحكم له بلد واللا يحكم له حتى مدرسة

يا الثور البشير الهوت دوق دا عبارة عن كرتة الجزارة يعني باقي المصارين باقي الدهون البطلعوها من اللحم زائد باقي الكوارع والفشاش والكمونية

يعني الكرتة حقت الجزارة بعملوا منها الهوت دوق الدوق اليقطعك حتة حتة انشاء الله

بعدين يا يا حقير يا قليل الادب انت ووزير ماليتك انتوا لما مسكتوا البلد دي الناس كانت بعزها وبقروشها ومافي زول مفلس ولا في زول بيشتغل ليل نهار عشان يجيب له طماطم وعيش ياكلهم تاكلكم ضبعة يا كلاب يا اولاد الحرام يا حقيرين

لعنة الله عليكم وليكم يوم والله العظيم كلامكم دا كله تبعلوا وتتعلقوا في المشانق في الميادين العامة يا لصوص يا سفلة يا فاقد تربوي يا خريجي الشوارع
تف عليكم واحد واحد يا جزم

[mohd]


#771546 [تينا]
5.00/5 (2 صوت)

09-21-2013 02:46 PM
أنا ما عارفة الهوت دوغ ليه عاملين ليهو ناس البشير راس وقعر أتقزز من شكله جدا ومجرد أن أراه بطنى بتطم والله أصلا ما حاجة سمحة عشان اعايرونا بيها الا كان هن خلعتهم ساكت لأنهم أول مرة اشوفوا حاجات زى دى ومستجدين نعمة سبحان الله


ردود على تينا
[محمد السودان] 09-21-2013 06:10 PM
الاسم يا تينا الاسم يخلع ( الهوت دوق ) ما هذا الاسم الجميل هههههههههههههه ويكون هو لافي في شوارع الرياض والطائف والمنشية وفي كوبر والدوحة ويعاين يمين وشمال ويعاين في المطاعم الجميلة بالنسبة للسودان ويعاين في المطاعم السورية ويقول في نفسه وهو مغشوش في نفسه يقول والله لو ما انا وجماعتي ديل ما كنتو شوفتو الحاجات دي ... لعنة الله عليك يا البشير هي ي من قروش امك عشان تقولينا الهوت دوق انت فلتك دي من قروشنا وقروش الشعب يا **** المفروض احنا النقول ليك والله لو ما الشعب وقروش الشعب ما كان عندك جلابية وحدة ما مية جلابية يا حرامي ... حرامي وكمان وقح يا جماعة والله انا ما زعلان الا من الهوت دوق عملت لي زنة في راسي داير افش غليلي في الرجل المعتوه ده والله يا البشير لو الله قدر ولاقيتك زي الايام الاخيرة للقذافي والله اعمل فيك عمايل يا البشير انت واعوانك وخاصة كمان لحس الكوع


#771532 [خليل الجزيري]
5.00/5 (3 صوت)

09-21-2013 02:30 PM
شعب جبان يستاهل اكثر من كدة إستفزاز وإساءه من رئيس العصابة وأتباعه وأتذكر أيام السيول عندما تم توزيع شوية سندوتشات وعصائر للمنكوبين كان رد فعلهم والله الحكومة ما قصرت معانا جابت لينا اكل وموية الله أكبر مع العلم الناس كانت قاعدة في العراء وبيوتهم مهدمة الرئيس واتباعه مش ليهم حق إستفزوا الشعب الخيبان دة.


#771505 [ام درماني]
5.00/5 (5 صوت)

09-21-2013 02:09 PM
اتى بلدياتنا في زيارة للخرطوم وعندما راي فيلا ضخمة من عدة طوابق اندهش وقال : يبدو ان اهلها يدهم في الشعيرية لي هنا ) وفي رواية اخرى ( ان يدهم في العيش باللبن والسكر لي هنا ( واشار الي كوع يده ) يعني باختصار شديد بلدياتنا هذا يبدو انه مخلوع من الشعيرية والعيش باللبن لكن بعد 24 سنة حكم بلدياتنا وداليشير مخلوع من الهوت دوغ وبلدياتنا الاخر ود محمود مخلوع من البتزا .


#771491 [الـســيــف الــبــتــار]
5.00/5 (2 صوت)

09-21-2013 01:57 PM
من الجحور الى القصور والشعب الى القبور ؟
لن تلام على اى فعل او منكر ايها الرئيس الغريب العجيب الذى عاش و تربى على الكفاف و النشاف و الحقد و الحسد على من انعم الله عليهم بسعة فى الرزق و كانت الحرب على الراس ماليه الوطنيه و ذهبوا ادراج الرياح فاين اليوم اولاد عثمان صالح و محجوب محمد أحمد و عباس على كمير و الشيخ مصطفى الامين و عبدالمنعم محمد و جابر ابوالعز وسركيس ازمرليان و جلتلى هانكى و مرهج عباس الربعه مقار وجرورج مرقص وقرنفلى وباباكوستا وغيرهم من كبار الراس الماليه الوطنيه ؟
لم يكن للشعب السودانى يد فى فقرك او أن تتربى فى بيت وضيع يعيش على الكفاف و المعيشه الضنكه و تكون حياتك كلها مأسى و تتضور جوعا و انت فى بيت كافورى المتواضع المكون من غرفتين و صاله وحويش وتشتم روائح المشاوى و البسطرمه و السحك و اللحوم المطهيه بالبهارات و التوم وتتمتع و تنام غرير العين بعد تناولك ابو كريره الحليب الخالى من الدسم بعد أن تصنع منه الذبده و الايسكريم و يرمى ولكن اعتاد عمال كافورى عليه ليكون مكمى لوجبتهم الخاصه بباقى الخبز اليابس و السكر بهذا الحليب ابو كريره و الذى سمى بهذا الاسم لتكريريه لاكثر من مرة ؟
وكنت تمنى النفس بوجبه من الشواء ولكن العين بصيره و اليد قصيره ؟
اغلقت المصانع و السبب واضح وباين لانك لم تستطيع أن تشترى قميصا من أسندكواو سلوى بوتيك وحذاء من باتا لتعيد مع الناس وتاتى اليوم لتشتم الشعب السودانى قاطبه بالهوت دوق او البتزا كما قال وزير الماليه الكارثه والذى لا يعرف اين تباع العصائر و بالمصاصه اكيد ذهب الى صالون حلاقه لانه لا يعرف الكافتيريا من الصالون و الجديد شديد و الجنون فنون ؟
لقد اعماك الحقد و الحسد والنع الذى افتقدته و انت يافع فاكهتك المفضله القنقر وغذاءك ملاح امدقوقه و حرف كسرى و خاليه ن اللحوم و الطيبات ونفص الكالسيوم والفيتامينات سبب الاعوجاج الظاهر على اقدامك و لا برضو وقعته من السقاله وكرعيك اتعوجو ؟
يا ايها الميت جوعا والاتى من باطن الارض الى قمة القصر اتقى الله فى العباد و لا تتعالى على البشرية و ما النعيم الذى انت فيه من حر مالك و لا من ارث ابوك العامل البسيط ولا تركت اجدادك بلهو حر مال الشعب الذى تسبه و تتفاخر بانك انت من اطهعمه بما لا يعلم و لن يعلم بما اخترعته و اخذت عليه براءة الاختراع ليقدمالى المواطن البسيط بالمجان و على مدار اليوم لكى ينعم و يرتقى الى مصاف الدول العظمه عضم اخنقك و يقف فى زورك ايها الحاهل الجهلول الفاقد التربوى المنافق الكاذب عديم الكرامه و يكفى ما ال اليه الوطن و المواطن فى عهدك من جوع و فقر و مرض .


#771460 [إبن السودان البار ***]
5.00/5 (3 صوت)

09-21-2013 01:24 PM
حارسنا وريسنا الطيب ( ساذج) يعتقد أن الهوت دوق أكلة فاخرة منا أو تكرم بها عهده علي الشعب السوداني كيف لا وهو يفضل أكل خلطة الفول مع الكمونية وهذه الخلطة الخطيرة تتركز بها مادة حامض اليوريك المسبب لمرض النقرص وقد يكون الآن مصاب به لأن مشيته تدل علي ذلك وعلق عليه أحد المعلقين بالراكوبة بسخرية وقال (أنه بقي يمشي مكلوج زي عربية الباسطة القديمة) أسدنا النتر لا يعرف أن الهوت دوق من أتفه الأكلات التجارية لأنها تصنع من أرخص أنواع اللحوم وهي تتكون من خليط من لحم البقر ولحم الحصين ولحم الخنزير مضاف اليها بعض البهارات والمواد الحافظة وبها نسبة عالية من الشحوم الحيوانية الضارة وخاصةً دهن الخنزير الرخيص الثمن ومتوفر بكثرة في أوربا من فضلات إنتاج لحوم الخنزير الرائجة هنالك والمستهلك لا يمكن أن يعرف من أي لحوم أو جلافيط مصنوعة وهو سيكون تحت رحمة الشركات المصنعة والتي حتي تحقق أرباح عالية لا يمكن أن تستعمل مواد حافظة مكلفة وقد تلجأ لمواد حافظة رخيصة الثمن وضارة وكذلك لا يمكن تستعمل لحوم فاخرة ومكلفة وإنما تستعمل أرخص اللحوم وبقايا وفضلات الذبائح بعد بيع الأجزاء المختارة منها وخاصةً ان كانت تصدر منتجاتها لدول العالم الرابع حيث الفساد الذي يبدأ من بيت ريسنا وحارسنا الأمين وإنعدام الرقابة الغذائية ؟؟؟ وفي المانيا مثلاً يأكلها في الشوارع العمال والطلبة والعاطلين عن العمل لرخص ثمنها ؟؟؟ وفي اروبا عامةً الناس المفتحين لا يأكلون أي مصنوعات من اللحوم المفرومة خوفاً من الغش التجاري وجشع الشركات ؟؟؟ وعلي سبيل المثال في سوداننا الحبيب الآن هنالك شخص حريف يملك مصنع يجمع الدهون من فضلات الجزارات في الخرطوم ويخلطها ويفرمها مع فول الصويا ويضيف لها بعض البهارات ويصنع منها أقراص بيرقر ويوزعها علي المحلات في الخرطوم لتبيعها علي أنها بيف بيرقر أي بيرقر من اللحم البقري الصافي ؟؟؟ وهذا الشخص متدين خالص ولا يصلي الا في المسجد ويتمتع بثروة حلال علي الطريقة الإسلامية الكيزانية ؟؟؟


ردود على إبن السودان البار ***
United States [ابن السودان المخلص] 09-21-2013 06:17 PM
يا ابن السودان البار نحن عندنا الهوت دوغ عبارة عن ما يسمي الاقلاشى وهى جلافيط وجلود مشويه ابتدعت فى عهد الانقاذ لياكها الناس الفقراء مع الليمون والشطة

[ABOALKALAM] 09-21-2013 02:36 PM
صدقت يا ابن السودان وتصديق لكلامك فان علبة الهوت دوق الصغيرة في اسواق

الخليج هي ارخص من علبة الفول المدمس

ونحد الله ان الكاتب لم يجالس اثرياء الجبهة ومحسوبيهم كما خصل لعمكم ابو الكلام

لكان استفرغ من تصرقفاتهم الهمجية واستفرغ من القرف علي موائدهم العامرة

فالواحد وهو جالس يدخل يده بين اصابع قدميه او يدخله في انفه

وكلامهم كله عن امريكا ومصر وكيف ان امريكا خائفة من السودان

وتحاول مصادقنه ولكن الأنقاذ تتريث اما مصر فخايف ايضا من السودان ولا ادري ليه مصر خايفة

وكيف ان شعوب الخليج ستموت من العطش انهم اناس اغنياء حاقدين حاسدين


#771402 [سعاد خيرى]
5.00/5 (3 صوت)

09-21-2013 12:28 PM
ولعلك لم تسمع برصيفك البرازيلي السابق دي سلفا الذي بكى حينما أرادت أمته التجديد له لدورة ثالثة وهو الذي جاء من بيوت الصفيح فرفع بلاده الى مصاف الدول الثمانية الأقوى إقتصاداً ..فقال لن آخذ فرصة غيري ولو بتعديل الدستور .. ولم يعيرهم بأنه هو الذي رفعهم ويصر على أن يبقى فوق رؤوسهم الى يوم الدين وهو الكافر في نظركم.. فعاد مرفوعاً على الأكتاف ..وليس ممقوتاً من شعبه ..ولا ممنوعاً عليه المرور فوق أرض الحرمين مثل ما يمنع من يدعون الحكم بشرع الله ويسرقون بإسم دولة الإسلام


#771385 [nasrahmmed]
5.00/5 (1 صوت)

09-21-2013 12:20 PM
اخوني السوداتيون انتم تعلمون جبدا البشير وزمرته من اي اسر سودانية عريقة ينتمون كلهم من اسر بسيطة لاول مرة في تاريخ الوطن سنحت لهم الظروف وتسلل الرجل الذي يدعي العدالة وسرق شرعية الشعب
في ظلمة ليل 30 يونيو1989 اذا قال البشير اكثر من ذالك لااستغربه الخطاب يكفيك عتواته حدث ولاحرج


#771341 [نص الكوب الفاضي]
5.00/5 (1 صوت)

09-21-2013 11:39 AM
هذا الرجل يا اخوة يخاطب 4 او 5% من الشعب السودانى المتمثل فى العضوية المستفيدة من المؤتمر الوطنى انه يتعبر انه هو رئيسهم هم فقط التى عرفت رغد العيش خلال الربع القرن الاغبر هذا الرجل ينظر الى الشعب السودانى من خلال تلك المرآة او هكذا اريد له ان ينظر الى الشعب السودانى فلا يرى الا ما يروا ((( الجمرة بتحرق الواطيها))) فاذا لم تحرقك الجمرة فهل تحس بالام اذا كان هذا الرجل يتكلم عن انه ادخل الى البلاد مظاهر التطور التى يراها فى البيتزا والهوت دوغ وهذه الاخيرة ان بعد ان بلغت من العمر ما بلغت والله لم اراها ولم اتذوقها وسمعت بها واعتبرتها غذاء للكلاب حتى كلام هذا الرجل . اذا كان هذا الرجل يرى التطور فى الهوت دوغ لماذا لم ينظر الى المشاريع الضخمة التى كانت قائمة الانقاذ واين هى الان لاحصر لعدها والحكومة تحلم ان تعيد لها سيرتها الاولى ناهيك عن تطويرها والارتقاء بها تحلم ان تعيدها سيرتها الاولى الحكومة فرحة بمحاولة اعادة السيرة الاولى ويباهون انهم سيعودون السيرة الاولى - الم يكون هذا هو الفشل بعينه،،،،،، وحكومة تتكلم رتق النسيج الاجتماعى (هل سمعتم باعادة السيرة الاولى وبرتق النسيج الاجتماعى قبل الانقاذ اتحداكم ان تكونوا سمعتم بهذا) اذا كان هذا الرجل ينظر من عليائه لهذا الشعب فنحن ننظر اليه فى الهامش وفى القرى والبوادى واطراف المدن المسحوقين من الشعب الذى لا يمكن له يراهم ولكنه يختزلهم فى جوقة من الفسدة تحلقت حوله.
فى دولة الاسلام هذه ازدهرت دار المايقوما ومجلسها الوطنى يشرعن لاستعمال الواقى الذكرى وما اصاب حرائرنا فى عهدهم والحال المزرية الت وصلت اليها كل مناحى الحياة.
فاذا كان ينظر الى الهوت دوغ فلينظر ايضا الى الويكاب الذى اصبح حلما بعيد المنال للكثيرين من ابناء هذا الشعب فى عهده .
هنالك اشياء كثيرة لم نسمع بها قبل الانقاذ ولم نحلم ان نعايشها واصبحت اليوم واقعة لدينا كنا نسمع بها عند امم اخرى اصحبت اليوم جزء من حياتنا .
الم يضرب نائبه قبل ايام مثلا بدواليب الملابس وكثرة القميص والبنطال
وشر البلية مايضحك


#771318 [yoyo]
4.50/5 (2 صوت)

09-21-2013 11:15 AM
مرة كان معمول لقاء معاه قال لمن دخلتا الثانوى وقفت فى الصف للمطعم عايز سندوتش ولمن وصل الشباك سندوتش دى راحت ليهو وغلبو ينطقها قام قال لبتاع المطعم جيب واحد هههههههه وهسة جاى يتكلم عن الهوت دوغ .عينو فارغة وجعان ومستجد نعمة الله لاجاب عقابو.


ردود على yoyo
United States [الكوز المرتاح] 09-21-2013 08:11 PM
والله العظيم ,,أنا سمعت ذلك اللقاء وشاهدته ,و وهو فعلا قال ذلك الكلام بالنص,, وغستغربت كيف واحد ماعارف كلمة ساندوتش ,, يحكم السودان بلد المثقفين والمتعلمين ,,؟؟؟ عجائب والله


#771304 [الترابى]
5.00/5 (5 صوت)

09-21-2013 11:05 AM
شكرآ سعادتك, فقد علمتنا معنى الهوت دوق, والعلم نور !

لكن زمان قبل ما تشرفنا إنت وبقية العصابة, كان السودان وأهله اخير من اسة مليون مرة !

زمان العرس أو العزاء صيوانه واقف 15 يوم وما سمعنا بي زول إتدين أو طير شيكات عشان يصرف على المناسبة !

زمان الصينية يشيلوها نفرين والناس تاكل 3 وجبات سمحة في اليوم, أسة الوجبة واحدة أو اتنين على الأكتر والله يكون في عون الأطفال والمرضى والحوامل لأن الوجبة أكيد بتكون "قليلة الدسم" !

زمان الملابس والأحذية راقية في كل السودان, العمة تترون والتوب سويسري والحذاء إنجليزي والمركوب فاشري, أسة لبسنا كله من أردأ ما صنعت الصين وبرضو ما قادرين عليهو !

زمان درسنا مجانآ وأسة بيرجعوا أطفالنا البيت من الحصة التانية عشان ما جابوا حق الترحيل !

زمان اتعالجنا مجانآ وأسة بنموت على عتبة باب الحوادث إما لانعدام الأوكسجين من الأسطوانات بالداخل أو لانعدام الفكة بجيوبنا, وعلى كل فالموت أرحم من الوضع الحاصل !

زمان الناس هداوة بال, وأسة زماننا الترحال, عشان كدة طلعنا سبنا ليكم البلد !

وحسبنا الله ونعم الوكيل


ردود على الترابى
United States [خالد البرناوي] 09-21-2013 01:32 PM
صدقت والله ياهو الحال ولله المشتكى والاتكال


#771215 [محمد خليل]
5.00/5 (2 صوت)

09-21-2013 09:25 AM
البشير البقرة يمتن علينا بالبيتزا ووجبات الهوت دوق؟ و من يتناول هذه الوجبات غير ناس المؤتمر الوطني و أولادهم؟ أنا متأكد أن 90% من أبناء الشعب السوداني لا يتناولون مثل هذه الوجبات التي تعتبر لا قيمة لها أصلا و لا بتشرفون بأكلها و كسرتنا و لحومنا المحلية أفضل منها بآلاف المرات من ناحية القيمة الغذائية و واضح أن البشير لم يسمع بالبيتزا والهوت دوق الا فى عهد الانقاذ المشئوم و لذلك اعتبرها نقلة نوعية و هي لا تساوي شيئا بل هي مسرطنة بسبب مكوناتها من لحم خنزير و غيره، كذلك سجوكنا هو هوت دوق عرفه السودانيون منذ مئات السنين و قراصتنا كما قال أحد الاخوة المعلقين هي أفضل من هذه البيتزا التي يمتن علينا بها البشير القفة.


#771172 [سايكو]
5.00/5 (1 صوت)

09-21-2013 08:22 AM
مقال في الصميم يا اشتاذ كمال
فعلا البشير راجل جلف و مخلوع و بطيني ، و كدليل علي انه عينه ما ملانه ( جأعان ) في قصه حكاها لي دكتور في السعوديه صادف انه شغأل في المستشفي الكان بتعالج فيها بشه من الورم ، الزول دا قال لي لما جوا شويه المطبلين و نسوانهم من منتسبي حزب البشير لزيارته قعد يكورك في الناس من ما شأفهم و قبل حتي ما يرد السلام بتاعهم و قال ليهم : ( وين العمدان و الاكل يا جماعه الجأييني فاضي ما يصلني ) و طبعا كل السعوديين الكانو حاضرين المنظر دا اتصدموا من الرئيس الجأعان العبيط الما بعرف يتكلم و همه كله في الاكل و الخرا ؟؟؟؟


ردود على سايكو
United States [سودانية بت بلد] 09-22-2013 12:10 AM
فعلا ده رئيس جيعان و مخلوع حرام زاتو يكون رئيس و دي فضيحة زاتا لينا


#771169 [bo yousif]
5.00/5 (1 صوت)

09-21-2013 08:17 AM
اللهم ارفع عنا هذا البلاء اللهم ارحم شعب الودان و عجل بنهاية حكم هذا الجاهل الذى تسلط علينا و تجبر - قتل و سجن و هجر -- الله يرحمك يا شعبنا الكريم نحن لا نحتاج الى الهوت دوك بتاعتك دى اذا كنت تعتبرها رمز من رموز الحضارة و التقدم و ترف العيش - نحن نحتاج الى اعادة كرمنا و اخلاقنا الجميله التى بدلتموها نحن نحتاج الى صنية الغداء مع جيرانا نحن نحتاج الى الراكوبه المفتوحه التى يلتقى فيها كل ناس الحى نحن نحتاج انك فقط تقطع وشك عننا عندها سنكون بخير


#771152 [الخمجان]
5.00/5 (1 صوت)

09-21-2013 07:23 AM
مرة ما بتعرفو هوت دوق ومرة شذاذ افاق ومرة وين سمعتو بالبيتزا ..........معنى الكلام دة ح نرجعكم للعواسة واكل الكسرة تانى لاننا شبعناكم هوت دوق وبيتزا وما شكرتونا ولا حمدتونا ونسيتو افضالنا عليكم شعب جيعان مقرف بالله انتو تستاهلو نحكمكم نحنا يا عفن؟


#771147 [هدهد]
5.00/5 (1 صوت)

09-21-2013 07:05 AM
الله ينتقم منك يا بشير الشؤم أنك اسوأ رجل واسوأ حاكم على وجه هذه البسيطة 24 عاما من السرقة والكذب واخيرا تتكلم لنا عن الهوت دوغ !!!!!!! فعلا انك لا ترى فى هذه الفانية بعد ان ملكت الثروة والسلطة غير شهوتى البطن والفرج ايها الفاسد السفاح ويل لك مما اقترفته من كوارث ضد هذا الشعب الاعزل .


#771115 [نص صديري]
5.00/5 (1 صوت)

09-21-2013 03:32 AM
الذي غاب على كل المعلقين في هترشات بشبش الاخيرة ان مصطلح (هوت دوق) او سجق بسطرمة الخنوير اصلا تعني (سجق الخنازير الصغيرة) عتود وكده.. قبل انتشار الاسم خارج امريكا واستخدام لحوم اخرى وحتى اليوم اي غربي لايعرف معنى اخر للهوت دوق من غير انه سجق لحم الخنازير ويبدوا ان رسالة بشبش مقصدها اسمعي ياجارة وللاسف معارضة انصاف العقول درشت في الموضوع
يعني امام المسلمين اكلكم لحم خنزير وخازوق في اللغة


#771093 [سودانى]
3.00/5 (2 صوت)

09-21-2013 02:27 AM
انا لله وانا اليه راجعون فعلا والله عظيم انك عديم شرف انت لو الهوت دوق ماعندكم تسمم بيه فى بيتكم ليه بتجمع الشعب بعدين تعال يابتاع المونه خلاص فقدت البوصله اصبحت تخبط يمين وشمال ليه انت مفتكر دى شطاره منك ياعديم الشرف خليك مسئول لانو نهايتك قربت الله يلعنكم ياعديم الشرف الشعب انت البتكلم عنه ده شعب صابر لو ماصابر كان صبر عليك وعلى عفنك المعاك 24 سنه صدقنى كل كلمة تتكلم بيها مسئول عنها غير الجرائم المرتكبه والنساء والاطفال والرجال الماتو والله انتظر الراجيك فى الدنيا والاخرة ياعديم الشرف
للعلم اقرا ياجاهل الكلام البتقولوا ده مامفرح ياعديم الشرف
كشف تقرير المعهد الأمريكي لأبحاث السرطان عن أن تناول قطعة من اللحم الجاهز وزنها 50 جم – أي شطيرة هوت دوج تقريبًا – يوميًا يزيد من احتمالية الإصابة بـسرطان القولون بنسبة 20 في المئة.[4][5] وأقام فريق التعريف بأخطار السرطان دعوى جماعية تطالب بوضع ملصقات تحذير على العبوات وفي الفعاليات الرياضية. [6] ويحتوي الهوت دوج على نسب عالية من الدهون والأملاح والمواد الحافظة من نترات الصوديوم ونتريت الصوديوم، وجميعها يعتقد أن له دورًا في تكوين مواد كيميائية تحتوي على النترات المسبب للسرطان.[7] ووفقًا لما رصده المعهد الأمريكي لأبحاث السرطان، تبلغ خطورة سرطان القولون نسبة 5,8 في المئة، ولكنها ترتفع إلى نسبة 7 في المئة في حالة تناول الهوت دوج يوميًا لعدة سنوات.[7]
ويحتوي الهوت دوج على نسب قليلة نسبيًا من الأمينات غير المتجانسة (HCA) إذا ما قورنت بالأنواع الأخرى من منتجات اللحوم الجاهزة التي تحضر في درجات حرارة منخفضة.[8]
معروف للشعب انك جاهل كيف انت بتفتخر بالهوت دوق شكلك سمعتها فى قعداتكم وعايز تجيب للشعب سرطان كمان بعد ماارتكبت جرائم الابادة الجماعية الله يجازيك ياعاقر ومشكور استاذنا كمال عباس


#771087 [الجوكر]
5.00/5 (2 صوت)

09-21-2013 02:16 AM
ولله فى خلقه شؤون،،، كون الله سبحانه وتعالى يمد لهؤلاء القوم أن يحكمونا ويذلوناإلى هذه الدرجة فذلك لحكمة يعلمها،،

اللهم عجل بالفرج وأذقهم بأضعاف ما أذاقوه لهذا الشعب الصابر،، هم ليسو أكثر من مجرد صعاليك،،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة