الأخبار
منوعات سودانية
شكر الله خلف الله : انا «جني وجن» الزول «الشنّاف»
 شكر الله خلف الله : انا «جني وجن» الزول «الشنّاف»


09-22-2013 06:05 AM
دعا المخرج بتلفزيون السودان شكر الله خلف الله الي عدم تبخيس اعمال الناس وقال انا «جني وجن» الزول «الشناف» الذي ينظر الي النصف الفارغ من الكوب ويجلس دون عمل ليتفرج على اعمال الاخرين ثم يتحدث عن ضعفها وسلبياتها ولا يشيد بايجابياتها.

الصحافة


تعليقات 3 | إهداء 0 | زيارات 2857

التعليقات
#772758 [جاك بلانص]
0.00/5 (0 صوت)

09-22-2013 08:47 PM
الاخ سايكو .. الدليل المضحك والمبكي في وقت واحد انو تلفزيون السودان ما فيهو مخرج واحد بمعنى مخرج ما يحدث في برنامج بيتنا .. ده كارثة فنية .. مدرسة جديدة في فن الاخراج التلفزيوني ... عالم موزعة في الاستديو الضخم كل واحد او اثنين قاعدين في ركن تقول بتسطلوا وكل واحد منتظر النفس اجيهو .. ليه كل دا .. يا اخي اعطي كل واحد فقرتو ولمن تكون عايز تنقل لضيف او تدخل مذيع اخر خد فاصل وعدل الجلسة وارجع واصل برنامجك .
بعدين الكراسي الكتيرة الفاضية دي لزومها شنو !! ليه تشتت تفكير المشاهد .. ياخي الفاضي طلعو ودخل الكراسي على قدر الضيوف .. خد فاصل وعندك مليون واحد بنقرا اسماءهم في نهاية البرنامج عمال وفنيين ..خليهم يشيلوا ويطلعوا ويدخلوا المهم في النهاية الصورة العامة البتوري انو في مخرجين فنانين وراء العمل !!!
بعدين شنو حكاية التلفونات ..ناس بتتناقش فجاءة ص ت واحد داخل بالتلفون والمذيع طوالي يخلي الضيف بغض النظر بيحكي في شنو ويشبكنا الو .. الو ويمكن يقطع الالو . يا خي اولا خصص وقت لتلقي الاتصالات / ثانيا تلفون مش جاهز ما تاخدو .
مرض والله .. عليتونا يا


#772496 [جاك بلانص]
0.00/5 (0 صوت)

09-22-2013 02:57 PM
يا استاذ .. اولا انت ظهورك على التلفزيون اكثر من عملك .. دائما المخرجين التلفزيونيين عملهم بطبيعتوا خلف الكواليس مش تصريحات واراء في كل شىء بمناسبة وبدون .
اذا قيمنا عملك كمخرج يعمل في هذا المجال اكثر من 15عام فاعتقد واكاد اجزم انه زيرو .. ليه زيرو ؟ اذا انت قاعد في غاليري وما قادر كمخرج تعرف تضع كاميراتك بصورة صحيحة وانت بكل هذه الخبره عيب كبير .. حتى لو في نقص في الكاميرات كاميرا واحده بتوري انو المخرج دا شاطر والا مفتكر المشاهد بليد ..
ثانيا :تقطيعك بين الكاميرا والتانية يدل انك لا تفقه شئ في الاخراج حتى الزوم ان واوت ضعيفة جدا تنم عن جهل المخرج مع انو اللقطات التلفزيونية معروفة من زوم ان واووت وبان ليفت رايت واوفر شولدر الخ انت ما قادر توديهم بصورة جيدة ..ودي ابجديات العمل التلفزوني ..معقولة ما بتشاهد قنوات فضائية انت وتقيم عملك وتجود منه !!!!
انت عامل فيها كبير المخرجين .. وين انت من البحصل في شاشتكم مع انك المخرج .. المخرج هو المسئول عن كل شىء من ديكور وصوت وغرافيكس حتى لبس المذيع ومكياجه ... مرات تسمع اصوات اشياء بتوقع في الاستديو !!! الصوت الليفل مره عالي ومره واطي .. التقارير من غير صوت فجاءة يجيك صوت يصن اذانك .. البحصل عندكم
ده فضيحة عشان كدا احسن تلم خشمك عليك و تلتفت لتطوير عملك بالاستفادة من الاخرين مش تعمل فيها
عب كبير وتنسى انك استاذ تاريخ في مدرسة متوسطة بام بدة قبل الانقاذ عامل لينا هسع ستيفن
سبيلبيرج !!!! هسع لو اتبرعتوا انتو كمخرجين واجرتوا ليكم مخرج شرط يكون شغال في قناة محترمة
وجبتوه ان شاء الله اسبوع ما بتستفيدوا وتفيدوا .. بس فلاحتك كل ما تكون مرتك شغالة انت معاها وياريت
لو بتطلعوا شغل يسر .. لا تصوير لا اخراج لاصوت لا ولا ..........
انت عايز ليك كتب عشان الواحد يشرح ليك انو البتعمل فيهو دا شغل جربندية وما كل من يجلس خلف vision mixer هو مخرج ..
انت عبارة عن مكسرجي (من المكسر) واي واحد من العندهم خبره في تصوير حفلات الزفاف ممكن يكون مخرج زميلك في تلفزيون السجم والرماد الانت فالقنا بيهو ..
بالمناسبة انا بشتغل في التلفزيونات لي 15 سنة وفي الخليج وفي قنوات انت ما تحلم تشتغل فيها cleaner ..
خليك في الجعجعة وحب الظهور يا كبير المخرجين .. مخرجي الغفلة


ردود على جاك بلانص
United States [ابومونتي.] 09-23-2013 01:08 PM
وبعد طنقعته دي كلها
ورأسو الفارغ ده منافق ومتملق ووصولي
والتلفزيون مملكته ومعاهو غاده وبيأكل من عرق
زملائه,,,وبعد ده كلو عامل فيها كوز قووووووم لف.

United States [سيد اللبن] 09-22-2013 07:52 PM
ده الكلام الهو مجننو وما عاوزه

United States [سايكو] 09-22-2013 04:52 PM
تعليق في الصميم ، و الله لو قرا الكلام دا تاني ما بخرج


#772130 [سايكو]
5.00/5 (4 صوت)

09-22-2013 09:25 AM
كلام اي كلام ، اذأ لم تعملوا فلتصمتوا
شنو شناف و ما شناف انت مخرج بتاع سهرات قايل نفسك خلاص اخرجت لينا god father عشأن يعملوا ليك قومه و قعده ، بعدين ياخي الحكايه ما بالشأل الدارعو في رقبتك دا المخرج بانتاجه و اعماله المؤثره خلف الكاميرا ما بالظهور بمناسبه و من غير مناسبه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة