الأخبار
أخبار إقليمية
الناطق الرسمي باسم موسي هلال يستنكر بشدة تصريحات نافع علي نافع
الناطق الرسمي باسم موسي هلال يستنكر بشدة تصريحات نافع علي نافع
 الناطق الرسمي باسم موسي هلال يستنكر بشدة تصريحات نافع علي نافع


المؤسف أن نافع يمثل الحزب وهو جزء من مشاكل السودان،
09-23-2013 08:36 AM
استنكر الناطق الرسمي باسم مستشار ديوان الحكم الاتحادي وزعيم قبيلة المحاميد الشيخ موسي هلال، بشدة تصريحات مساعد رئيس الجمهورية الدكتور نافع علي نافع، الذي قال فيها انه لا حق للأفراد بفرض آرائهم علي الدولة والحزب، في اشارة الي انتقادات موسي هلال للحكومة بشان الصراعات القبلية في دارفور.

وكان مساعد رئيس الجمهورية الدكتور نافع علي نافع قد قال في مخاطبة جماهيرية بالفاشر عاصمة ولاية شمال دارفور يوم السبت، أنَّ الدولة تتعامل بالمؤسسية في كافة شؤونها، وليس للأفراد حق فرض آرائهم على الدولة أو الحزب، مهما كانت الظروف. مضيفا "الذى يخرج من المؤسسات يأكله الذئب".

وقال الناطق الرسمي باسم الشيخ موسي، هارون محمود، في تصريح لسودان راديو سيرفس يوم الاحد، ان ما قام به موسي هلال هي مجهودات من اجل احلال السلام بدارفور، واذا كانت الدولة لا تريد ان توافق علي ذلك الصلح هذا يعني ان الدولة تريد الحرب – وذلك علي حد وصفه وقال "الشيء المؤسف نافع علي نافع هو الان يمثل الحزب ولكن نافع علي نافع هو جزء من مشاكل السودان، نحن الكلام الذي قاله دكتور نافع يوم امس نستنكره جملة وتفصيلا لا نقبل بهذا الكلام اطلاقا، نحن عقدنا سلاماّ في ولاية شمال دارفور ووقعنا صلحاّ ولم ندعو الي حرب اذا كانت الدولة هي لا تريد ان توافق علي هذا السلام هذا يعني ان الدولة هي تريد حرب".

وظل موسي هلال يوجه انتقادات واتهامات حادة لوالي ولاية شمال دارفور عثمان يوسف كبر، وللحكومة المركزية بشان الصراعات القبيلة في ولاية شمال دارفور والتي تسببت في نزوح عشرات الالاف من المواطنين واكثر من 60 قرية فضلا عن خسائر مادية كبيرة

سودان راديو سيرفس


تعليقات 14 | إهداء 0 | زيارات 12279

التعليقات
#773562 [العوض نميري]
0.00/5 (0 صوت)

09-23-2013 07:29 PM
كنت أتوقع أن ينتهز الدكتور نافع فرصة وجوده في شمال دارفور باعادة الصفاء بين والي شمال دارفور والشيخ موسى هلال -- الحكمة تقتضي ذلك --


ردود على العوض نميري
United States [jakssa] 09-24-2013 12:27 AM
الجنجاويد جاتكم اهـ خمو وصرو .. وديل محاربين أشداء سوف ينضمون للجبهه الثوريه والزحف جاى للخرطوم مدرعات وصافنات .واولاد مدنى السنى أرجو ان يزحفوا للخرطوم لملاقات قوات الجبهه الثوريه . والمقابله فى سوبا . والخرطوم سوف تكون من الداخل . ودى شراره وولعت . ثورى ثورى يا خرطوم . لنهز القصر .


#773274 [موسى محمد]
0.00/5 (0 صوت)

09-23-2013 01:53 PM
نافع علي نافع الذي يتشبث به أبناء دارفور ويتمسحون بحذائه طلباً للبركة لا يرى في دارفور وأبناء دارفور إلا حشرات وحقل تجارب لنظرياته الإستخبارية التي تعلمها إبان رئاسته لجهاز الامن الوطني، فمعظمع الفتن والحروب في دارفور من صناعة نافع وحتى موسى هلال الذي ينتقده الآن هو من صناعته وتدريبه.
والله لو يعلم أهل دارفور حجم الكراهية التي يكنها لهم نافع لقاموا بقتله ولو بإظافرهم فور وصوله للفاشر.


ردود على موسى محمد
United States [المهاجر] 09-23-2013 05:22 PM
يا اخ محمد موسي ما تجمع منو البتمسح بحذاء ابو العفين اذا كان هو في حد ذاتو ( حذاء )الم تسمع بحركات دارفور التي حملت السلاح في وجه نافع و غيرو ؟؟؟ انت عملت شنو؟؟؟


#773140 [بلل]
0.00/5 (0 صوت)

09-23-2013 11:47 AM
ديل دوله في دوله ياتايسون انت عارف موسي دا في شمال دارفور الاندكروزرات والدوشكات العندوه الحكومه محيره دا عنده جيش مسلح كل اهلوا ولاند كروزرات علي الزيروا ودوشكات وراجمات انت بتلعب الزول دا كان قال اكسح وامسح بحرر دارفور من الحكومه بس دي دوله والحكمومه متمسكه بيه ليك قايل لانه وزنوا تقيل دا مامدح بس دا الواقع وللاسف واقع البلد الخلقته الحكومه الله يستر بلدنا من الفتن


#773136 [عبدالله]
5.00/5 (1 صوت)

09-23-2013 11:46 AM
اخوتى واخواتى هؤلاء القوم موسى هلالهم ونافعهم وما شابحهم اجتمعوا على ضلالة والان تفرقوا اعداء وهذا شى طبيعى والاسلام دين سلام لاينطق عن الهوى ابدا مشكلة جبل عامر واضحة وضوح الشمس مشكلة فردية بين شخصين ليست مشكلة قبيلتين لكن الشىء المؤسف فى الكثير من القبائل الدارفورية معيشتها الان على النهب والسلب والفوضى واشتهروا بذلك طالما المجرم فى دارفور محمى من قبل قبيلتة فالقبيلة كلها تعد مجرمة واعتقد جازما هذه دعوات الارامل واليتاما والمغتصبات ليل نهار والقرى التى اتحرقت باسم التمرد باسم وبدون تمرد والارواح التى صعدت الى بارئها بسبب ومن دون سبب مجرمين شوهوا سمعة قبائلهم واجبروهم على ممارسة النهب المسلح فاصبحت حرفه او مهنه عندهم اكثر من رعى الابل والبقر


#773115 [سوداني كردفاني]
0.00/5 (0 صوت)

09-23-2013 11:30 AM
زول مستشار كيف مايكون عنده كل الذي ذكرته اما حديث نافع كله موحه لموسي هلال وساند كبر ضد هلال


#773110 [الجاك على المك]
1.00/5 (2 صوت)

09-23-2013 11:28 AM
اضرب يا موسى اضرب يا موسى وما ترحم ولا تترحم
الفرصة جاتك ممكن تكون مخلص الشعب السودانى من وسخ الجبهجية
اضرب يا موسى اضرب
كل السودان معاك من دارفور للشمال للشرق للجنوب الفضل
اضرب يا موسى اضرب لا ترحم لا تترحم


ردود على الجاك على المك
United States [علي موسى محمد عثمان] 09-27-2013 05:36 AM
الجاك اخاف الله ربك اخوي الحسابات اتربكت وبترول الجنوب خلاص ناسو شالوهو نافع طرد قوش وكاشا من راعي درجة اولى اصبح يلعب في السنتر ليك يوت هامي للصعود بعدين مافي قبايل الباقي داى عاوزنهيحفظ القوم من الانقراض

United States [كوكاب] 09-23-2013 03:19 PM
يازول انت طالعة ليك ملاريا في راسك ولا شنو ؟ موسى هلال المجرم دا يحرر دارفور و السودان ؟


#773053 [ابوزول]
0.00/5 (0 صوت)

09-23-2013 10:25 AM
اللهم اجعل مكرهم بينهم .....وسلطهم علي أنفسهم ......وأرنا فيهم عجائب مقدرتك يا ارحم الراحمين


#773049 [برنابه عكــــود]
0.00/5 (0 صوت)

09-23-2013 10:18 AM
ههههه ممكن الاقى لى ناطق رسمى لـشخصى الضعيف برنابه عكود !!


#773045 [Eila]
0.00/5 (0 صوت)

09-23-2013 10:16 AM
سير سير يا شيخ نحن جميع القبائل معاك


ردود على Eila
European Union [علي موسى محمد عثمان] 09-27-2013 05:28 AM
دارفور الناس اللي كانو موجودين المات مات والحي سافر الى الخرطوم وتشاد ولايوجد احد الاموسى هلال وجنجا وكبر واخوان وائل موسى قال داير ان يكون والي وكبر اقنع نافع بجاكاته العجيبة دي عشان كده ظهر البغض والشتائم والان سيبدأ ربيع شمال دارفور للدوري المؤهلي لصعود الممتاز


#773038 [samisuh]
0.00/5 (0 صوت)

09-23-2013 10:06 AM
لازم يكون عندو ناطق لانو ما بيعرف ينطق


ردود على samisuh
United States [علي موسى محمد عثمان] 09-27-2013 05:17 AM
مبروك نود هكذا وليس شخصنة الامور ياخي والله قرفانين وبعيدين من اهلنا والسبب هؤلاء الاباله لان نافع بدوي لامنطق له الاالشكل وكذلك هلال بحكم الصلة بعدين اكلو كتير وجغمو كل شيئ دي مساخة وقرصنة شيوخ بدو ومراحيل كنت اسمع لخطاب هلال ركيك جدا لايفهمه الاالحنحويد واما نافع الدكترة في الفاضي غشيم بلحين


#773027 [حسن عبدالغفارحسن]
5.00/5 (1 صوت)

09-23-2013 09:49 AM
حكومة نصب واحتيال

كل من اتي صار وزيرا او مساعد او غيرة غير معقول هكذا... كم وزير لدينا وكم اجمالي المبالغ الشهرية النخصصة لديهم

حكمك ضالم يا قرقوش.... قبل ما ترفع الدعم عن المحروقات ارفع الدعم عن اولائك السمان


#772997 [وافي ابو صوف]
0.00/5 (0 صوت)

09-23-2013 09:23 AM
"" الذى يخرج من المؤسسات يأكله الذئب "" هــل فهمــت هذا الكلام يا موسى هلال ؟ وانت ليس اعز على نافع ومن اهتدي بهدية من الزبير وابراهيم شمس الدين والمجذوب والاخرين.
في تقديري انك لو لم تتراجع سوف تقتل بكل برود، وهناك عدة طرق لقتلك ، هل فهمت الرسالة.


ردود على وافي ابو صوف
European Union [Mohamed] 09-23-2013 12:36 PM
على حسب علمي أني مواطن شمال دارفور : أن هناك هجوم بالطائرات أمس في مواقع موسى هلال بشمال دارفور
.......
اللهم عليك بالظالمين أخرجنا من بين أيديهم سالمين .... اللهم أميـــــــــن


#772993 [عمكــــــــم البهمكـــــــــم]
5.00/5 (1 صوت)

09-23-2013 09:22 AM
صحيح موسى هلال زعيم كبير في قومه... لكن أنصحك ان تبعد من نافع لأنو ممكن ينفخك وخليك على مستوى كبر و ما شابهه


#772957 [تايسون]
0.00/5 (0 صوت)

09-23-2013 08:44 AM
اجمل مافى الموضوع قصة الناطق الرسمى باسم الشيخ موسى هلال دى , على كده الزول دا عندو مدير مكتب وسكرتارية و مدير علاقات عامة و مدير علاقات بينية ووزير صحة و هلم جرا

ياخ الانقاذ ديل فساد فى فساد فى فساد


ردود على تايسون
United States [jakssa] 09-24-2013 12:31 AM
يا تايسون عدو عدوى صديقى .

United States [Fato] 09-23-2013 10:16 AM
لا تنسى أن أيادى طولى فى الجيش التشادى لأنه بنته متزوجها أدريس دبى,يعنى موسى هلال حكومة والناس مظلومة.

United States [سايكو] 09-23-2013 09:10 AM
و عشأن تعرفا خربانه الزول دا عنده جيش عديل كده يا تايسون



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة