الأخبار
أخبار إقليمية
توقعات بإرتفاع تحويلات المغتربين لـ(6) مليار دولار سنوياً
توقعات بإرتفاع تحويلات المغتربين لـ(6) مليار دولار سنوياً
توقعات بإرتفاع تحويلات المغتربين لـ(6) مليار دولار سنوياً


09-24-2013 04:20 AM
كتب مركز حزب البشير الصحفي
الخرطوم(smc)

طالب جهاز تنظيم شؤون السودانيين العاملين بالخارج جهات الإختصاص بإنفاذ توجيهات رئيس الجمهورية الخاصة بتحويلات المغتربين في جوانب تسهيل إجراءات التحويل من الخارج فيما توقع الجهاز إرتفاع تحويلات المغتربين إلى (6) مليار دولار سنوياً بسبب زيادة الهجرة إلى الخارج.
وقال الدكتور كرم الله على عبدالرحمن الأمين العام لجهاز المغتربين بالإنابة في تصريح لـ(smc) إن السياسات المصرفية ساهمت في إحجام المغتربين عن التحويل عبر القنوات الرسمية الأمر الذى شجع السوق الموازي مؤكداً أن تحويلات المغتربين ستسهم في تحريك الإقتصاد السوداني خاصة في المرحلة الحالية التي تتطلب وجود عملة صعبة للإسهام في نمو الإقتصاد.
وطالب بتبسيط إجراءات التحويلات خاصة في تكلفة التحويل وإجراءات التسليم والتسلم لكسب ثقة المغتربين بجانب تشجيعهم على إستثمار أموالهم.
وأكد عبدالرحمن أنه ليس هناك حل للوضع الحالي والمستقبلي لمعافاة الإقتصاد السوداني غير اجتذاب تحويلات المغتربين بإعتبار أن أفضل إيراد للسودان هو جلب (الدولار الصفري) من خلال تحويلات المغتربين.


تعليقات 52 | إهداء 0 | زيارات 6275

التعليقات
#775621 [أبو عبدالله]
0.00/5 (0 صوت)

09-25-2013 12:28 AM
مولانا سيف الدولة ..

بصورة عاجلة ردا على تكتيكات مليشيات جماعة البشير
و جهابزة الشرطة و كلاب نافع و علي عثمان
و قبل ذلك ... التحية و الإجلال لأبناء مدني السني ... و نيالا الوطن .. و أسود أمدرمان العظيمة في أحياء الثورة و أمبدة و الشهداء و دار الأمير أبوروف الأبطال و في الخرطوم أبناء بري و الصحافة جنود الوطن ... و طلابنا الأماجد في المدارس و الجامعات ... و معلوماتنا تؤكد خروج عطبرة الحديد و النار و ثغر السودان بورسودان
و عليه ... نرجو من أبنائنا الطلاب الصغار في المدارس الدنيا و المتوسطة عدم الخروج في الشوارع و الإكتفاء فقط حفاظا على أرواحهم الغالية بترديد الأناشيد الوطنية داخل صفوفهم و مدارسهم فقط .
و على أفراد شعبنا البطل كل في موقع عمله بعدم الإنتاج و إبطاء حركة العمل و التكاسل عن أداء العمل بصورة تعرفونها ... و على أفراد شعبنا عدم تسديد الغرامات و الرسوم و الضرائب و المخالفات ماعدا الضروري منها .
و نكرر على المحافظة على سلمية المظاهرات في حركات كر و فر دون الاحتكاك بكلاب النظام .
التحية لشهدائنا الأبطال الذين سقطوا دفاعا عن الوطن و شرف الوطن و إن دمائهم لن تضيع هدرا .
و نناشد بصورة كاملة الشرفاء في القوات المسلحة و الشرفاء في قوات الشرطة و جهاز الأمن عدم إطاعة الأوامر أو استعمال السلاح و القنابل ضد أهلهم أبناء الشعب البطل .
و في خطوة إستباقية جديدة نطالب كل الأخوة المغتربيين في كافة أنحاء العالم و خاصة في دول الخليج و المملكة العربية السعودية بعدم و أكرر بعدم دفع الرسوم القنصلية في الوقت الحاضر أو رسوم السفارات أو دفع أي رسوم معاملات و أوراق تجديد في السفارات و القنصليات . و نحن بصدد تقديم رسائل عاجلة جدا مننا و من المغتربين كل في بلد اغترابه لدى السلطات المعنية
و على كافة الأخوة المغتربيين التقيد بذلك ، و مخاطبة الدواوين الملكية و وزارات الداخلية و مناشدتهم بصورة عاجلة على مراعاتنا و مساعدتنا .
عدم إرسال أي تحويلات للسودان عن طريق القنوات الرسمية و إنما عند الضرورة عن طريق المحولين فقط حتى لا يعطى النظام أي موارد تحويل من المغتربين و يستجيب لقرارات الميثاق الذي يقوده مولانا قيادة جماعية لا حزبية ولا دينية و إنما لجنة وطنية من ذوي التنوقراط و ذوي الثقة و بنوده العشرين و التي تحت الصياغة القانونية مع الترحيب بكل شباب الأحزاب و القوة الوطنية و على وجه الخصوص ... جماعة نفير و جماعة قرفنا و الحواتة و شباب التغيير و الطلاب و الطالبات .

و عاش السودان حرا مستقلا
مولانا سيف الدولة ..
بصورة عاجلة ردا على تكتيكات مليشيات جماعة البشير
و جهابزة الشرطة و كلاب نافع و علي عثمان
و قبل ذلك ... التحية و الإجلال لأبناء مدني السني ... و نيالا الوطن .. و أسود أمدرمان العظيمة في أحياء الثورة و أمبدة و الشهداء و دار الأمير أبوروف الأبطال و في الخرطوم أبناء بري و الصحافة جنود الوطن ... و طلابنا الأماجد في المدارس و الجامعات ... و معلوماتنا تؤكد خروج عطبرة الحديد و النار و ثغر السودان بورسودان
و عليه ... نرجو من أبنائنا الطلاب الصغار في المدارس الدنيا و المتوسطة عدم الخروج في الشوارع و الإكتفاء فقط حفاظا على أرواحهم الغالية بترديد الأناشيد الوطنية داخل صفوفهم و مدارسهم فقط .
و على أفراد شعبنا البطل كل في موقع عمله بعدم الإنتاج و إبطاء حركة العمل و التكاسل عن أداء العمل بصورة تعرفونها ... و على أفراد شعبنا عدم تسديد الغرامات و الرسوم و الضرائب و المخالفات ماعدا الضروري منها .
و نكرر على المحافظة على سلمية المظاهرات في حركات كر و فر دون الاحتكاك بكلاب النظام .
التحية لشهدائنا الأبطال الذين سقطوا دفاعا عن الوطن و شرف الوطن و إن دمائهم لن تضيع هدرا .
و نناشد بصورة كاملة الشرفاء في القوات المسلحة و الشرفاء في قوات الشرطة و جهاز الأمن عدم إطاعة الأوامر أو استعمال السلاح و القنابل ضد أهلهم أبناء الشعب البطل .
و في خطوة إستباقية جديدة نطالب كل الأخوة المغتربيين في كافة أنحاء العالم و خاصة في دول الخليج و المملكة العربية السعودية بعدم و أكرر بعدم دفع الرسوم القنصلية في الوقت الحاضر أو رسوم السفارات أو دفع أي رسوم معاملات و أوراق تجديد في السفارات و القنصليات . و نحن بصدد تقديم رسائل عاجلة جدا مننا و من المغتربين كل في بلد اغترابه لدى السلطات المعنية
و على كافة الأخوة المغتربيين التقيد بذلك ، و مخاطبة الدواوين الملكية و وزارات الداخلية و مناشدتهم بصورة عاجلة على مراعاتنا و مساعدتنا .
عدم إرسال أي تحويلات للسودان عن طريق القنوات الرسمية و إنما عند الضرورة عن طريق المحولين فقط حتى لا يعطى النظام أي موارد تحويل من المغتربين و يستجيب لقرارات الميثاق الذي يقوده مولانا قيادة جماعية لا حزبية ولا دينية و إنما لجنة وطنية من ذوي التنوقراط و ذوي الثقة و بنوده العشرين و التي تحت الصياغة القانونية مع الترحيب بكل شباب الأحزاب و القوة الوطنية و على وجه الخصوص ... جماعة نفير و جماعة قرفنا و الحواتة و شباب التغيير و الطلاب و الطالبات .

و عاش السودان حرا مستقلا


ردود على أبو عبدالله
European Union [نص صديري] 09-25-2013 05:59 AM
مولانا سيف الدولة قدم درس عصر مجاني لمحرري الراكوبة والشتات
فقد حاولنا تنبيههم ان هذه الاخبار مدسوسة من قبل النظام ليسيل لها لعاب المغتربين ويرسلو دولارتهم وتصيد الانقاذ في الماء الذي عكرته بقصد وذكاء ولو انتبهتم لكلام البشير حول الدولار وسعره ستفهمون مغزى الخدعة
نتمنى الحميع الالتزام بنصائح مولانا سيف الدولة التي اوردها المعلق وعلى المحررين عدم نشر اسعاره يمكن الاشار بكلمات مثال ضعف سعره او بنسب مئوية فقط


#775589 [السيل الجارف]
0.00/5 (0 صوت)

09-24-2013 11:52 PM
تعالوا فد مرة افتحوا فروع لبنك السودان فى دول المهجر وخلوا كمان المغتربين يستلموا رواتبهم من هذا الفروع وبعد داك على كيفكم اخدوا العايزنوا والباقى اعطوه المتغرب ما قبل كده قلتوا حاتفرضوا رسوم لدول الاستقدام غباء غباء مضحك


#775565 [أهل العوض]
0.00/5 (0 صوت)

09-24-2013 11:29 PM
هل يعقل أن يدعم المغتربين نظام الكيزان الأنجاس ولو بدولار واحد؟؟؟؟ أبد وطبعا لا لأنهم أصلا طفشوا من البلد هربا من جحيم نظام الكيزان!!!!!!!!!!


#775445 [صابر]
5.00/5 (1 صوت)

09-24-2013 10:16 PM
هل أصبح للمغتربين فائض لتحويله عبر بنوك الحكومة؟
وماذا جنى المغتربون من تحويل أموالهم بالقنوات المصرفية.
أبناء المغتربين يدرسون بالدولار وفي القبول الخاص مهما كانت النسب التي تحصلوا عليها إلا النذر القليل.
محاصرة المغتربين وإرغامهم على عدم العودة للبلاد بخلق العراقيل والنظر إليهم دائما كبقرة حلوب دون ترك شوية علف لكي تنتج الحليب.


#775353 [إبن السودان البار ***]
5.00/5 (2 صوت)

09-24-2013 09:33 PM
ما أظن في مغترب مفتح حايرسل عن طريق البنوك والكيزان العندهم مطبعة الجنيه السوداني بيدفعوا سعر أعلي من البنوك في السوق الأسود الذي يدلع ويسمي السوق الموازي ؟؟؟ فيستحسن أن تركز الحكومة علي القلع من ستات الشاي وأطفال الدرداقة لتحسين ميزانيتها ؟؟؟ وتخطط ليها أراضي بدون خدمات وتبيعها للمغتربين الطيبين ؟؟؟ وتعمل ليها مشروع مغري أكثر من مشروع سندس وتضحك علي المغتربين الطيبين والأفندية كما ضحك عليهم فني المجاري والواعظ الديني حالياًالصافي جعفر ؟؟؟ وأقترح تسمية المشروع الجديد ( جنة عدن ) وأرشح له رئيساً دكتور الأسنان الطفل المعجزة مصطفي عثمان إسماعيل لأنه متمرس في قلع الأسنان فحا يكون حريف جداً في القلع من المغتربين ؟؟؟ والثورة في الطريق ؟؟؟


#775182 [مؤيد]
0.00/5 (0 صوت)

09-24-2013 07:20 PM
يا جماعة الله الامين ونائبه موظفين دولة وليس لهم أى صلاحية فى الجهاز الجوازات الزكاة الضرائب وهلم جرا كلها تبع الحكومة ما تبع الجهاز .. الجهاز يدير الارض فقط وياخذ عليها رسوم خدمات .. فأذن ما هم فاعلون ..


#775145 [هيثم صالح سليمان صالح]
5.00/5 (2 صوت)

09-24-2013 06:59 PM
ياجماعة لو مزكرين زمان كان في حاجة بسموها التحويل الالزامي وهو تحويل اجباري على المغتربين
المهم حولت مبلغ سبعمائة ريال سعودي ولمن مشيت السودان بعد حوالي 7 شهور مشيت البنك عشان استلم قروشي قسما بالله فجعت بالمبلغ الزهيد الما بيعادل 100 ريال الاداني ليهو موظف البنك سالتو قلت ليهو انت غلطان قال لي انحنا اديناك بالسعر القديم يعني وقت تحويلي للمبلغ من السعودية علما بان الريال سعره ثابت والله على ما اقول شهيد .
وعشان كدا نصيحة اخوية ما تدو الكيزان ريال ولا درهم واحد


#775143 [طفشان]
0.00/5 (0 صوت)

09-24-2013 06:59 PM
هاك الدولار ده؟؟؟؟؟؟


#775138 [طفشان]
0.00/5 (0 صوت)

09-24-2013 06:56 PM
هاك الدولار ده.


#775066 [ابودانى]
0.00/5 (0 صوت)

09-24-2013 06:20 PM
رئس جهاز المغتربين وفور وصوله للخرطوم انشا مؤسسة خاصة مهمتها تنفيذ كل احتفالات الحكومة والمؤتمر والجبهة-- وحفلات الوزارات والمؤتمرات التى لا حصر لها وشريكه عبد اللطيف بتاع التعدين الفاسد ---ولن يستطيع مغترب ان يتعامل بثقة مع اى شى يصدؤ-ر عن طريق كرار التهامى-- الذى مازالت مؤسسته فى الرياض تمارس تحويلات المغتربين وباتنين جنيه للريال--- فاى مسئول هذا--؟واستعان بصديق عمره الذى كان يعمل فى الجبيل ليعمل معه نائبا لرئس الجهاز---يريد الله ان يجمع الفاسدين بالفاسدين ونساله ان يخسف بهم جميعا


#774940 [السر احمد اللازم]
5.00/5 (1 صوت)

09-24-2013 05:26 PM
انتظروا سوف نقوم بالتحويل ولكنها سوف تكون للانتفاضة والى ثورة الشعب متى كان الجهاز ومتى كانت الحكومة الام الرؤؤم للمغترب الان تلتفت اليه طمعا فى ماله الذى سوف يكون هذه المرة وبالا عليهم


#774892 [شكاك]
5.00/5 (4 صوت)

09-24-2013 04:50 PM
سمح انتظروا المغتربين يحولوا ههههههههههههههههههه
ياكيزان ياحرامية وعينكم قوية ماتفرضوا في الناس العبط
والغبااااءءء ،انتو لو رفعتوا السعر 10000 للريال في الموازي ببقى 15000
عشان كدا تحويل ماااافي من الاخوة المغتربين برة ليكم،تاني بس كدا لمن تقولو الررووووب
صحي انتو ماقلتوا روووب عديل كدا هسي .
انجاس هيا ارحلوا عن السلطة كدا كدا حاترحلوا يا سلميا ولا رجااالة حاترحلوا وحاتشوفوا
الكلام دا في الايام الجاية ،ضفر وعصر كدا لمن تعرفوا حاجة ،حاجة عمركم ماسمعتوا بيها


#774865 [محمد]
3.00/5 (2 صوت)

09-24-2013 04:31 PM
السودان يمر ب ازمه اقتصاديه وليس عيب ان تتكاتف جهود المغتربين لدلك مثلا عدد الاطباء السودانين غي السعوديه فقط 10 الاف طبيب افترض سنويا يحولو 50 الف دولار يساوي نصف مليار دولارسنويا


ردود على محمد
United States [التويجري] 09-24-2013 08:08 PM
ازمة في......الباقي انت عارفو .وسبب الازمة طبعا المواطن المسكين .ياخي طلعتو عينا وفقدنا الثقة في أي كوز ولو اخوك ود امك وابوك.يعني كل مرة تعاينو للعند غيركم ياخي المغتربين ضايقتوهم وشردتوهم من بلدهم دايرين يثقو فيكم.ياناس ماتخجلو طلعتو........

[احمد] 09-24-2013 06:41 PM
لو تنازل كل فرد منهم بعربة من اللاندكروزرات التي اصبح كل من هب ودب من ضباط جهاز الامن بحيازته واحده منهم لعادل هذا اضعاف تحويلات ال 10 الف طبيب الذي تتحدث عنه

United States [اب برندي] 09-24-2013 06:00 PM
يامحمد

United States [الحران] 09-24-2013 05:48 PM
يا اخينا خلي الكيزان يتكاتفو مع نفسهم و يجيبو قروشنا البره المليارات دي بتجي في شهر ,,, قوم لف بالله نتكاتف بتاعت فنيلتك والله ريال واحد ما يشوفوهو الكيزان ديل


#774844 [أبو أشرف]
5.00/5 (2 صوت)

09-24-2013 04:17 PM
هذا الجهاز ليس للمغتربين فهو جهاز لجباية الضرائب وغيرها منالأتاوات التي يتم تحصيلها من شقاء وعرق المغتربين .
ما ذا قدم هذا الجهاز للمغتربين وليسأل الأخ كرار والأخ كرم الله أنفسهم ما ذا قدَّم لهم الجهاز عندما كانوا مغتربين بالرياض ؟؟؟؟؟؟!!!! .
نرجو الرد على السؤال / وشكراً .
كما أنني قد ذهبت إجازة في العام قبل الماضي ولمدة 2 يوم حاولت أن أقابل الأخ/ كرم الله في مكتبجهاز المغتربين لأنني معاق وأريد أن يساعدني في أعفاء أو على الأقل تخفيض بعض الرسوم ولكن للأسف والأسف الشديد حتى الجلوس على الأرض أمام بوابة مكاتبهم الفخمة جداً جاءت سكرتيرة الأخ كرم الله وتسمي هدي الرشيد وقالت لحارس الأمن لا تدع هخذا الرجل يجلس في هذا المكان ؟؟؟ّّّّ!!!!! عجباً وأحسست كأني جالس أمام منزلها وأريد أن أشحدمنها شئ وأخذت بعضي وذهبت للبيت .
هل تعلم هذة البنت بأن مبني هذا الجهاز وكل العاملين فيه يتسولون مرتباتهم وحوافزهم من عرق وكد المغترب المسكين أتقوا الله يا إبن التهامي ونائبه وكل من يعملون في هذا الجهاز إلاَّّ من رحم ربي وأريدأشيد بالذين يعملون في قسم العلاقات العامة وعلى رأسهم مديرة القسمالأستاذة/ علياء وجميع زميلاتها وزملائها فأنهم يقدمون كافة الخدمات النتاحة لهم لكل من طرق باب مكتبهم فهولاء أسأل الله لهم التوفيق وأن يبارك لهم في أموالهم وأرزاقهم وصحتهم وعافيتهم وأن يكثر الله من أمثالهم ليخدموا أبناء وطنهم على الوجه المطلوب .


#774831 [ياسر عبد الوهاب]
5.00/5 (3 صوت)

09-24-2013 04:10 PM
والله انا جاتني فكره يا فار المسيد.....ادونا ارقام حساباتكم في ماليزيا ويويسرا انت وجماعتك...انحنا نحول ليكم السته مليار مباشرة بدل ما نحولها بنك السودان بعدين تحولوها للخارج تاني..علي الاقل نوفر ليكم.. في حق التحويل..فكرة تجنن موش يا بشبش؟؟ وابو ريالة..
ده نحنا العندنا ريالة..

بره بره يا بشير... بره بره يا عوير
الي دينهاق يا عولاق


#774801 [aldufar]
0.00/5 (0 صوت)

09-24-2013 04:01 PM
جهاز المغتربين اكل من قروشنا مليارات والحساب يوم الحساب ثم ماذا قدمت الحكومة للمغترب هل اعطته فرصة ان يدخل سيارة بربع الجمرك او منحته قطعة ارض مميزة حتى التلفزيون والثلاجة للبيت الجمارك بتأخذ حقها كامل وبمشي وين الله اعلم لجيوب الحرامية وسويتو عمارات بقروش المغتربين وركبتوا عربات والمغترب حافي 90% من المغتربين ماشين بارجلهم ليه الدول ما قدمت شيء للمغترب وقلتم ستعطوا سيارة معفية من الجمرك عند الخروج النهائي كذابين ودجالين عدة ناس خرج نهائي واخذ معه سيارة وفي بورتسودان دفعوهم على داير المليم انتم ناس دجالين حكومة كذابة من رئيسهم حتى غفيرهم .


#774796 [المسافر وحيداً]
0.00/5 (0 صوت)

09-24-2013 04:00 PM
يا جماعة الخير هو تاني زول عاقل برسل قروشوا للبجم الحرامية ديل مافي .. بس داير منكم طلب يا ناس الراكوبه الزول الخاتين صورتو فوووووووووق زي سواق البنطون ده ختوناليه كدي كدي صورة تعمل طمامما ناقصين ابو العفين


#774783 [كاك]
0.00/5 (0 صوت)

09-24-2013 03:56 PM
كرملة ولا خلف الله لمان انت وكرار كنتوا مغتربين في الرياض ليه كنتوا تحولوا ريالاتكم من عندا في السوق الاسود يادوب بقيتوا وطنيين


#774724 [حل مشكلة النقد الأجنبي]
0.00/5 (0 صوت)

09-24-2013 03:23 PM
هناك عدة خطوات يجب على الحكومية أن تتبعها لتبدي للمغترب حسن نواياها في إستعادة ثقته في تحويل مدخراته عبر القنوات الرسمية ( البنوك السودانية)
أن يمنح كل مغترب أعفاء جمركي لسيارة ملاكي إذا بلغت تحويلاته عبر البنوك السودانية الـ2000$
سنوياً.
شوفو القروش الحاتمطر عليكم وحتقولوا خلال أقل من عام بأن خزينة بنك السودان قد أكتفت من النقد الأجنبي وسيقفل باب التحويل.

والمنطق يقول لايمكن أن أخاطر بمدخرات دونما أن يكون هناك عائد مجدي


#774708 [منصور عبدالعاطي]
0.00/5 (0 صوت)

09-24-2013 03:14 PM
سبحان الله إلي متي ستظل عصابة المؤتمر الا وطني تستخف بعقول السودانيين مغتربين وغيرهم؟؟؟؟ هل بقي للشعب السوداني دليل واحد علي شئ قالته هذه العصابة الفاسدة وتحقق؟؟؟؟ كذب ثم كذب ثم كذب
إلي متي نعيش في بلاد الغير بعيد عن أوطاننا نقبل بكل شروط المذلة والإهانة من دول المهجر غصب عن انفنا والسبب شنو؟؟؟؟؟؟؟؟؟ أنو ما عندنا بلد تلمنا ونحن من اغني شعوب العالم موارد وخيرات ولكن من اتعس شعوب الأرض حظا في الحكام . السبب الرئيسي في غربتنا هو عصابة الحرامية تحار الدين المنافقين


#774689 [عملر جلال]
0.00/5 (0 صوت)

09-24-2013 03:08 PM
6000000000 اها هاكم ليها اتقسموها


#774587 [سامر المدنى]
5.00/5 (1 صوت)

09-24-2013 02:17 PM
تحويلات المغتربين إلى (6) مليار دولار سنوياً بسبب زيادة الهجرة إلى الخارج.

انت قايل المغتربين ديل عورا قدر ده ياحرامى؟


#774539 [فارس عبدالرحمن]
0.00/5 (0 صوت)

09-24-2013 01:57 PM
دى احلام زلوط معقول نحول مدخراتنا للحراميه واللصوص


#774511 [aldufar]
0.00/5 (0 صوت)

09-24-2013 01:30 PM
انتم يا حكومة اغبياء ما قدمت للمغتربين اي امتيازات وتحفيزات يا اخي في المطار لو المغترب شايل ليوه تلفزيون بجمركوه منه بقدر سعر شراؤه من السعودية انا واحد منهم خذت معي شاشة بلازما واشتريتها بمبلغ 1300ريال وعند حضوري للمطار بالخرطوم حلف بتاع الجمارك إلا ياخذ 925ريال واشهد الله على ذلك رفض انزل ريال واحد ، وعاوزين المغتربين يحولوا ليكم قروشهم وانتم كل يوم ترفعوا في البنزين والسكر والوقود لصالحكم وصالح مليشيات نافع والبشير وغيره لا لا والف لا ، كفاية قروش المواطن عملتم منها الفلل والعمارات والمطاعم في ماليزيا وفي الخرطوم لا ريال للحكومة مها عملت واذهبوا للجحيم ولانكم فشلتم في ادراة البلد منذ قدومكم للحكم وحتى اليوم كل وزير فاشل وحتى رئيسكم اول الفاشلين ؟


#774425 [SESE]
0.00/5 (0 صوت)

09-24-2013 12:37 PM
نعم سيقوم المغتربون بتحويل مدخراتهم ولكن لن يكن هناك وقت لكم حتى تلغفوها فكفاكم ما لغفتم وقد جاء الوقت الذي يقوم فيه المغتربيون بتقديم شئ لوطنهم واهليهم وقد "دوعلوكم" لأكثر من 25 سنة ايها المنافقون الكذابون تجار الدين......

ان عهدكم قد انتهى فارهبوا قبل ان يدرككم الطوفان.....


#774386 [الطاهر]
5.00/5 (2 صوت)

09-24-2013 12:19 PM
سلام للجميع
زمان كان في لعبة كوتشينة اسمها ( كش الولد ) الآس ياكل الآس والدو ياكل الدو وهكذا ماعدا الولد

ياكل الفي الواطة كلها عشان كدا العندو الولد ينتظر الفرصة المناسبة وتكون الواطة مليانة ثم

القيام بكش الورق، اسع الناس ديل راجينكم تختو قروشكم والبنوك تتملي وبعدين عينك ما تشوف الا

النور ويمارسو معاكم لعبة كش الولد ويقولو ليك لو داير قروشك بالجنيه وبالسعر الرسمي وقبل كدا

عملوها، لكن تاني تلقوها عند الغافل


#774354 [ياسر عبد الوهاب]
5.00/5 (4 صوت)

09-24-2013 12:00 PM
نحنا ما عندنا مانع نحول كل مدخراتنا الي بنك السودان مباشرة لكن بشرط ان يعيد فار المسيد واخوانه وزوجته وعصابة وتجار المؤتمر الوطني اموال الشعب التي كنزوها في ماليزيا ويتوقفوا فورا عن طبع الجنيهات السودانية ووقف شراء العملات الصعبة من السوق الاسود وتهربيها بالطائرات الي بنوك ماليزيا...ساعتها سيحول كل المغتربين اموالهم وحتي مرتباتهم الي بنك السودان دون اي ضمانات...


#774298 [ابونادين]
3.00/5 (3 صوت)

09-24-2013 11:28 AM
كثير من الدول الفاهمة تعتمد في ميزانياتها على تحويلات المغتربين. ما هي المحفزات لمغتربي السودان في ان يحولوا جهد عرقهم للسودان: هل هناك اعفاء جمركي لسيارة او منح لقطعة ارض سكنية في موقع متميز وبه خدمات؟. من غير هذا سيظل القطاع المصرفي غير الرسمي هو الملجأ الوحيد والفعاللتحويلات المغتربين..العبوا غيرهافالمسألة بسيطو ولا تحتاج لتفكير او شطارة.


ردود على ابونادين
United States [كاكا] 09-24-2013 02:39 PM
لم يأتي البشير أو صحفييه المسترزقين بذكر التجنيب وما يتم فيه وبه و الجبايات والنفايات والمكوس التي ما أنزل الله بها من سلطان والتي أذلت الأسر السودانية واربابها ولم ينادي أحدهم (لنهم لا يدفعونها أصلاً فهي مخصصة لغير أهل الواء والطاعة من الانتهازية والحرامية) بضرورة إلغائها بعد أن رفعت الدولة يدها من كل شئ غير اللغف والسف والسفه وسرقة أموال الغلاب!!! لماذا تستمر هذه الجباريات ووزير المالية يقول أن الزيادات الجديدة توفق الميزانية نفسها، ففأين ستذهب هذه الأموال (طبعاً حوافز ومخصصات ولغف جديي ورشاوي سياسية لناس أحمد بلال والدقير والسيسي ومسار وضياء بلال وراشد عبد الرحيم الكلب ومن يشبهونهم)، مؤتمر هزلي يشبه الهزل الذي بات يعيش فيه الشعب في ظل حكامه المواهيم السفهاء الذين يظنون أن حواء لم تلد مثلهم.. سحقاً وتباً لكم..


#774231 [المتجهجه بسبب الانفصال]
4.75/5 (3 صوت)

09-24-2013 10:39 AM
الإنقاذيون بعد فشلهم الاقتصادي المخزي ينجرون مصطلحات اقتصادية مضحكة

بقلم المتجهجه بسبب الانفصال:

إن أشطر الانقاذيين لهو أغبى السودانيين،، ولم يأت ذلك من فراغ وذلك بسبب أن الملة الانقاذية المرتدة عن الأعراف السودانية وبدأ الشعب يقاتلها حتى تفئ الى العرف السوداني لم تنفعهم العلوم التي تلقوها وذلك ببساطة لأنهم يقولون ما لا يفعلون بسبب الشخصية المزيفة التي يعيشونها بادعاء القيم والمثل علنا وممارسة ضدها في الخفاء بالتالي هم مجرد أغبياء ولو كان الناس يودون الحياة من خلال ممارسة الفجور وعدم الخوف من الله واللف والدوران والكذب كما يفعل الانقاذيون فهو أسهل السبل ولكن أغلب السودانيين يتبعون قيم الدين والعرف السليم (خذ العرف وأمر بالمعروف)، وليست الشطارة في استخدام اللف والدوران والكذب والنفاق وقديما قال سيدنا علي الذي خاض صراعا مثاليا رغم استخدام البعض اللف والدوران والكذب واغتيالات أتباعه بالسم المداف في العسل وطلب منه أتباعه استخدام الخدع بالمثل فقال لهم (( ليس معاوية بأدهى مني ولكنه رجل يكذب ويفجر)) وخيرا لي أن اهزم وأكون نبراسا يضيء السبيل،،

إني أجزم أن البشير ووزير مالية حزبه (المؤتمر الوطني) عندما جاءا للمؤتمر الصحفي جاءا خاليان الوفاض، ليس في جعبة أحدهم من شيء ليقولانه ولو مجرد منطق يقنع الناس بالزيادات ، وأملهم الوحيد كما قال البشير أن الناس في البداية سترفض الزيادات ولكنها ستمتص الصدمة بعد فترة ،، هذا هو أمل القوم أن يظل السودانيون راكزون لمباضعهم التي شوهت أجساد الوطن والمواطنين.


تحدث البشير حديث الإنسان غير المدرك لأحوال الناس وهو في خليجة نفسه يدرك تماما ما يجري وقد برع الرجل في ادعاء الوداعة وحب الشعب، ومن غرائب مصطلحاته التي استخدمها عندما قال له أحد الصحفيين تحدثتم عن دعم الشرائح الفقيرة من خلال مؤسسات الدعم الاجتماعي والاغلبية ليسوا موظفين فكيف يواجه اصحاب الاعمال والمهن الخاصة وهم الاغلبية هذه الزيادات وهم لا يحصلون على دعم مؤسسات الدعم الاجتماعي فرد عليه البشير دون أن يحك رأسه قائلا (( هذه الفئات يمكن أن توزن نفسها)) ..... توزن نفسها ... أي بمعنى البناء يزيد اليومية، عامل البناء يزيد يوميتو،، النجار يزيد مصنعيته،، الحداد يزيد مصنعيته وهلم جرا وبالتالي وحسب مصطلح الوزن الاقتصادي الجديد الذي دشنه البشير يكون حديثه عن أن المحروقات المدعومة يستفيد منها الاغنياء فقط أو الدول المجاورة بالتهريب كلام غير واقعي وتبرير واهي وما الاصرار على زيادة المحروقات وزعم رفع الدعم عنها إلا لأن عجلة الانتاج وقفت ( كرو) في السودان ولكنهم لا يريدون الافصاح عن ذلك.

ومن المصطلحات الاقتصادية المضحكة ما صرح به اليوم الدكتور كرم الله على عبدالرحمن الأمين العام لجهاز المغتربين بالإنابة ولا ندري ما هي الاعمال الحقيقية ناهيك عن تلك التي تكون بالانابة التي يقومان بها وما هي شئون المغتربين التي يرعيانها حيث قال ليس هناك حل للوضع الحالي والمستقبلي لمعافاة الإقتصاد السوداني غير اجتذاب تحويلات المغتربين بإعتبار أن أفضل إيراد للسودان هو جلب (الدولار الصفري) من خلال تحويلات المغتربين. الدولار الصفري أي بمعنى الدولار الذي يدخل على خزائن الدولة (الانقاذ) حلال بلال لا جهد ولا دق حجر دغش،، والغريبة أتى هذا التصريح بعد أن غمز البشير ولمز في المغتربين وقال ((نساءهم عايزات كل ما ينزلن السودان يغيرن دقة الذهب والمغترب بنفق في البد العايش فيهو )) وأضاف بأنه جرب الاغتراب وكان عندما يدخل المحل أصحاب المحل طوالي يجو عليهو ويقولوا ليهو نحن بنفضل السودانيين لأنو أمورهم ماهلة يعني لما يشتروا جلابية بتكون 6 متر وعمة 4 ونصف متر )) ولما يشترو توب نسائي بكون 6 متر ، طيب يا البشير يعني نغير زينا والنسوان يتركن لبس التياب عشان المغتربين يوفرو الدولار الصفر ، لبسن البناطلين جلدتوهن ، ختن الطرحة بدل التوب طاردتوهن فماذا تريدون من الناس يا ايتها المخلوقات اللزجة. ولكن الرئيس وجوقة المنتفعين يعلمون جيدا أن هذا الحديث مجرد تسلية وهزل في مؤتمر من المفروض أن يكون جاد، الم تلاحظو كيف كان مهدي ابراهيم يتبسم من كلام الرئيس في بعض اللقطات .

وبشأن المغتربين، ألم يأت الرئيس نبأ مشروع سندس المسمى بالاسم المقدس سدى،، أين يذهب دخل جهاز المغتربين الذي تبلغ عائداته الشهرية على الاقل من رسوم تأشيرة، ورسوم أورنيك تأشيرة، ورسوم ارنيك اعفاء من الخدمة الالزامية لسفرة واحدة، إضافة للضرائب والزكاة ورسوم خدمات وهي مبالغ لا تقل عن 300 دولار للفرد الواحد لأدنى وظيفة في الجواز ، وما شاء الله الجهاز ما في يوم بكون فاضي لدرجة أن الموظفات يتنرفزن في المراجعين وكأنهم جاءوا ليأخذوا لا ليعطوا ،، الانقاذ ارست ثقافة عدم العرفان والشكر والحمد وينطبق عليها المثل الخيل تجقلب والشكر لي حماد وهذا ينطبق على مصطلح (الدولار الصفر) يعني المغترب يكد ويجتهد وتوضع امامه العقبات وتأخذ منه السفارات والمطارات والمواني وفي النهاية يأتي الى جهاز شئون العاملين بالخارج ليدفع ما تبقى له وقبل مسيرة الدولار الصفري القاصدة جيوب الانقاذين من المفروض أن يكون المغترب حول ما قبل الفائض هذا عبر البنوك السودانية ،،، ومع ذلك يسمي هذا المتحذلق الدولار صفري ،، هذا هو نهج الانقاذ والانقاذيون يريدون الحكم دون تبعات الناس خدم وهم السادة . ولكن انتظروا يوم الانتفاضة الذي لا ريب فيه يوم يقول كل عضو مؤتمر وطني يا ريتني كنت ترابا ولم ينفعهم بمبان ولا دبابة وسيضع الشعب الموازين بالقسط والحساب بحجم ما (استنقذته) كل ذبابة، إن الانقاذ في شعبها مرتابة وبغطرستها ستنال أسوأ انواع العذابا وذلك بيد الشعب الذي صمت لا خوفا ولكن مدا لها ليظهر الخبيث من الطيب ثم تنطلق البلد بعد كنسهم مسرعة لها عجاجة،،،


ردود على المتجهجه بسبب الانفصال
[أبو أشرف] 09-24-2013 04:20 PM
هذا الجهاز ليس للمغتربين فهو جهاز لجباية الضرائب وغيرها منالأتاوات التي يتم تحصيلها من شقاء وعرق المغتربين .
ما ذا قدم هذا الجهاز للمغتربين وليسأل الأخ كرار والأخ كرم الله أنفسهم ما ذا قدَّم لهم الجهاز عندما كانوا مغتربين بالرياض ؟؟؟؟؟؟!!!! .
نرجو الرد على السؤال / وشكراً .
كما أنني قد ذهبت إجازة في العام قبل الماضي ولمدة 2 يوم حاولت أن أقابل الأخ/ كرم الله في مكتبجهاز المغتربين لأنني معاق وأريد أن يساعدني في أعفاء أو على الأقل تخفيض بعض الرسوم ولكن للأسف والأسف الشديد حتى الجلوس على الأرض أمام بوابة مكاتبهم الفخمة جداً جاءت سكرتيرة الأخ كرم الله وتسمي هدي الرشيد وقالت لحارس الأمن لا تدع هخذا الرجل يجلس في هذا المكان ؟؟؟ّّّّ!!!!! عجباً وأحسست كأني جالس أمام منزلها وأريد أن أشحدمنها شئ وأخذت بعضي وذهبت للبيت .
هل تعلم هذة البنت بأن مبني هذا الجهاز وكل العاملين فيه يتسولون مرتباتهم وحوافزهم من عرق وكد المغترب المسكين أتقوا الله يا إبن التهامي ونائبه وكل من يعملون في هذا الجهاز إلاَّّ من رحم ربي وأريدأشيد بالذين يعملون في قسم العلاقات العامة وعلى رأسهم مديرة القسمالأستاذة/ علياء وجميع زميلاتها وزملائها فأنهم يقدمون كافة الخدمات النتاحة لهم لكل من طرق باب مكتبهم فهولاء أسأل الله لهم التوفيق وأن يبارك لهم في أموالهم وأرزاقهم وصحتهم وعافيتهم وأن يكثر الله من أمثالهم ليخدموا أبناء وطنهم على الوجه المطلوب .

United States [sasa] 09-24-2013 03:19 PM
يا اخت او اخ كنت هؤلاء الاوباش الهمج لايفقهون ولايعون مايكتب من كنز المعلومات والتوجيهات فهم قوم سوبر فوق بنى البشر السودانيين ... فى ذمتكم هذا المدعو البشير يتحدث امس فى جوقته ويقول ماحيصل شئ فى امريكا الا تجمعات للمتظاهرين ومابسو شئ الا((( يفلقو))) فى ذمتكم هذا رئيس دولة كبقية بقية رؤساء الدول؟؟؟؟؟؟

هل على كرتى اسمنت وسيخ وزير خارجية!!!! هذا زير وليس وزير ... تفوووو على الانقاذ ومن والاها ومن سار فى ركبها ؟؟؟؟ تفو تفوو تفوو

هل اسود القلب والوجه على حقد عثمان رجل دولة ؟؟؟؟

هل وهل وهل وهل تفووووووووووووووووو

United States [محمد ميرغني بدري] 09-24-2013 11:50 AM
السلام عليكم ورحمة الله وبركاته
تعقيب على المتجهجهة بسبب الانفصال
اتمنى ان يعي الانقاذيون ماتقولين ويكون لهم ضمير ونخوة وهمة يعملون بها ان يتركو الحكم بعد هذا الحال الذي آلت اليه البلاد كنا نمني النفس بان يكون المؤتمر فرصة لايقاظ الضمائر التي ماتت من الظلم واكل اموال الناس بالباطل لكن ان يكون الهدف من المؤتمر الاستهتار بمشاعر الشعب السوداني والضحك والاستهتار والمسخرة التي يقوم بها الرئيس عيانا بيانا على الشعب السوداني واناه في الامارات يحترمون السودانيون لشراء كمية من الامتار للجلابية والعمة والثوب صدقني سينصلح حال هذه البلد اذا اعاد اشقاءوك ايها الرئيس عبدالله وعلي والعباس وعبدالباسط حمزة وغادة ساتي وعبدالعزيز عثمان وراس الرمح المنطلقة بسرعة الصاروخ وداد بابكر والتي عاست في الارض فسادا اذكم رائحة الانوف الاقتصاد السوداني يمكن في لحظة ان يكون في اعلى المستوى اذا اتت الاموال المجنبة في الوزارات وايقاف الحروب بسبب ميزانية وزارة الدفاع وجهاز الامن (70 - 80 ) % من ميزانية البلد والاهم الاهم الاهم احضار الاموال التي تم تهريبها الى الخارج عندها سيكون الاقتصاد في القمة القمة


#774224 [الــســيــف الــبــتــار]
0.00/5 (0 صوت)

09-24-2013 10:36 AM
تنفيذ توجيهات الرئيس بقت على اموال المعتربين والله أمركم عجيب بتين كان الرئيس بوجه الادارات و الوزارات و المصالح الحكوميه وتنفذ توجيهاته فورا ؟
لكن حبكم للمال السحت و البحث عن مخرج لازمتكم التى انتم السبب فيها بسياستكم الخرقاء و التجنيب و اللهط و ينود الصرف الا حصر لها والاستضافات لمؤتمرات ومجموعات من دول العالم المختلفه وتعقد فى الخرطوم و يتم الصرف عليها من مال الشعب المسكين الذى افقر و تسولتوا باسمنا ولن نطول منكم لا ابيض و لا احمر و عايزين نحول ليكم مدخراتنا وشى عمرنا بالبساطه دى ؟
يكفى اننا ندعم الاسرة الممتده بما يقدرنا عليه الله من مصاريف و مواد غذائيه و ادوية و كساء ومصروفات دراسيه وكله دا و يطلع عليها الجاهل رأس النظام و يقول أن المغترب يذهب الى السوق و يشترى الهدايا و الذهب و بالدين من أجل المظاهر و البوبار وارجع مديون ؟
شمسكم غابت و انتظروا العاقبة فى المسرات ...


#774222 [أبوعلي]
0.00/5 (0 صوت)

09-24-2013 10:35 AM
يا كرم الله ،الأمين علينا جدّا
كيف حالك وحساباتك وأخبار جيوبك واستثماراتك
وصلتنا توجيهات سيدك رقّاص الجمهوريّة
بس 6 مليارات فقط مو شويّة عليكم؟
حاضرون يا سيادة الأمين ، إنتو تأمروا وبس
أنا منّي مليار جنيه استرليني تستسروا به الحال
تحياتي لستك وداد وليك يا(ست كريمة) أمينةالمغتربين


#774218 [الغضنفر]
5.00/5 (1 صوت)

09-24-2013 10:34 AM
عبد الرحمن الخضر بعضمة لسانو أيام الأمطار و السيول قال إنو الشعب ما بيصدقنا.. يعني اعتراف

صريح بأنهم جميعاً أكذب من مسليمة..

ليه حنصدقم هسع ؟؟؟

قضيتوا عل اليابس و الرطب في البلد و قبلتوا على المغتربين الغلابة ؟؟

أتمنى أن يكون المغترب أكثر وعياً و أن لا يقع في هذا الفخ الماكر ... أبداً ... أبداً لا تصدقوا

هؤلاء السفلة. العندو قرش يحفظو بعيد عن أعين لصوص الإنقاذ .. أرجوكم


#774177 [yaser]
2.00/5 (1 صوت)

09-24-2013 10:11 AM
تابوها مملحه تكوسو ليها يابسه يا حثالة.


#774168 [Fato]
3.00/5 (2 صوت)

09-24-2013 10:07 AM
صحيح الأختشوا ماتوا كما يقول المثل السودانى.لقد طردتم أبناء الوطن وتحكرتوا أنتم وأسركم وكمان لاحقنهم فى دول أغترابهم عشان يحولوا ليكم أموالهم لا لكى تحلوا الضائقة المالية بل للهط ولغف تحويشاتهم واخرتها تقولوا له تأخذ بالسعر الذى نحدده نحن وذلك بعد ضمان وصول تحويل المغترب لجحوركم.حل الضائقة الأقتصادية ياسادة هو بأرجاع كل مانهبتوه من أموال الوطن وأحدد لكم أكبر خزينتين موجودات فى السودان الان وأكبر من خزائن بنك السودان(خزينة عوض الجاز وموجودة فى داخل فلتيه بشارع الستين وتحوى كل أنواع العملات وبالمليارات من دولارات وخلافه وخزينة قطبى المهدى المعروفة)هذه الخزائن معروفة للكل وهناك ماخفى أعظم فلو كنتم حريصين على أقتصاد الوطن لما توزعت أموال البترول والذهب فى خزائن بعينها.لا يوجد مغترب يضحى من أجل أن تعيشوا أنتم وأسركم وبقية شلة عصابتكم فالفيكم أتعرفت.


#774165 [ابواحمد]
5.00/5 (3 صوت)

09-24-2013 10:05 AM
اقول ليكم حاجة ياجماعة ..... اي مغترب برسل عبر بنوك الحكومة بيكون ساهم مساهمة قوية في البطش باهلنا الطيبين .... لانو ستستغل هذه التحويلات في شراء الاسلحة وعربات الشرطة والجيش والجزء الاكبر منها سيذهب لبطونهم .... الثقة اصبحت معدومة تماما مابين المواطن عموما وحكومة الكيزان .... حصلت معي شخصيا .... لدي حساب بالدولار رجعت في اجازة وذهبت للبنك لسحب المبلغ ... وذكر لي بان هنالك استمارة تملاء موضحا فيها المبلغ المراد سحبه , ثم ترسل هذه الاستمارة لمدير عام البنك للموافقة عليها؟؟؟؟؟؟ قروشي داير اسحبا دايره ليها موافقة مدير عام؟ طبعا وافقوا علي جزء بسيط جدا من المبلغ المطلوب ...والموافقة نفسها تتم بعد يومين او ثلاثة ايام ...يعني كل يوم تجي البنك تسال المدير وافق ولا لسه؟ ...... والله دي تجربة حصلت لي شخصيا ....


#774147 [تينا]
5.00/5 (2 صوت)

09-24-2013 09:55 AM
أول حاجة الغوا جهاز حلب المغتربين وسرحوا كل العاملين فيهو وخصوصا النساء العاملات زحمة ولابسات الرسمى ولما تجى فى الشباك اصرصرن ليك وشهن تقول جاى تشحدن والواحدة تلطعك فى الشباك وتمشى تتونس ولا تفطر وكأنو الواقف دا حيوان ما انسان أكرمكم الله وظاهر عليهن منعمات بفلوسنا دا غير نفيض جيوبك بالجد جهاز مذل للمغتربين بمعنى الكلمة


#774123 [الدماكي]
5.00/5 (1 صوت)

09-24-2013 09:45 AM
دي حكومة كذابة ما في اي زول يصدقهم ، قبل كدا استلوا على حسابات الناس ، وبقوا يدوهم بالقطارة، عشان كدا كنت ومعظم المغتربين لدينا حسابات في مصر وغيرها من الدول ، قال الدولة تستفيد من تحويلات المغتربين قال بالله ، تلقوها عند الغافل .


#774107 [حران أحمد]
5.00/5 (2 صوت)

09-24-2013 09:37 AM
هذه الحكومة لا تفهم إلا بعد الطوفان لو تركت المغتريون يحولون أموالهم بالعملة الحرة ويستلمونها بالعملة الحرة لفاضت العملات الحرة ونزلت أسعارها دون مشقة ودون تدخل من أحد وإستفادت من كد وجهد إبناء البلد فى الخارج إذا تعب من هم يالداخل ...ولكن من يثق فى سياساتها المتقلبة ووزرائها الجهلة الذين لا يعرفون أهمية ثقة المغترب فى قراراتهم ؟؟؟؟؟؟؟؟


#774081 [lwlawa]
4.00/5 (4 صوت)

09-24-2013 09:24 AM
يحولوها ليكم عشان تلغفوها ...؟؟!!..هاهاهاهاهاهاهاهاهاهاهاها....تلقوها عند الغافل..؟؟!!
اين مليارات البترول ..؟؟..ماذا فعلتم بها ..؟؟..مغترب مطرود من البلد شقيان يرسل ليك دولاراتو عشان تتمتع بيها انت السبب في هروبو من البلاد..؟؟!!


#774077 [ابوعمر]
1.00/5 (1 صوت)

09-24-2013 09:21 AM
شوفو لوعايزين ريالاتنا اسمحوا لاي مغترب بدخول سيارة دون جمارك والا 00000000000000


#774064 [مهاجر]
5.00/5 (1 صوت)

09-24-2013 09:14 AM
لو حولت لكم دولار الدنيا لن تفعل شئ وسط هذا الفساد وانعدام الاخلاق مجرد سؤال للدكتور نافع هل تتذكرون القبر .


#774062 [aldufar]
5.00/5 (1 صوت)

09-24-2013 09:11 AM
ما انتو ياحكومة ماعندكم عقل تفكروا بيوه الحمدلله كل الذين يشغلون مناصب سيادة ولاوزراء ليس فيكم عقول وبالدليل لم تسطتيعوا تسيير حال البلد منذ قدومكم للسلطة فانتم اجهل من جهلاء بدون شك فاشلين جميعا حكومة ووزراء كل الاخفاقات حصلت امام اعينكم ولا تعرفوا الخروج منها . فاتركوا الحكم بعد ان يتم محاسبتكم وتطبيق قانون من اين لك هذا على كل وزير وحتى الرئيس ؟ يا حكومة فاشلة.


#774011 [بت حبوبتها]
2.75/5 (5 صوت)

09-24-2013 08:30 AM
يا شباب الخرطوم, مع الثورة الإندلعت ونيابة عن جميع المغتربين, رجاء إستهدفوا جهاز المغتربين دة وعاملوه معاملتكم للقصر والبرلمان ودور حزب المؤتمر الوطني وفلل كافوري..لأنه العملها فينا نحن المغتربين ما بتتوصف .. بس قولوا معاي "حسبنا الله ونعم الوكيل"


#773997 [المغترب المغفل]
5.00/5 (4 صوت)

09-24-2013 08:10 AM
قال ( الدولار الصفري) قال يعني دولارات تلقوها باردة بدون أي تكاليف تشموها قدحة - هو انتوا فضلتوا حاجة للمغتربين عشان يحولوها والله تاني مافي أي تحويل إلا عن طريق السوق الموازي وليس القنوات الرسمية.


#773989 [الكنزي]
5.00/5 (3 صوت)

09-24-2013 08:04 AM
حكومة تعتمد علي تحويلات من تسببوا في طردهم !!!يا لبؤسكم و سفالتكم يا الانقاذ


ردود على الكنزي
European Union [هيثم] 09-24-2013 09:50 AM
نعم ورب الكعبة صدقت ايها الكنزي


#773981 [أبو عجورة]
5.00/5 (2 صوت)

09-24-2013 07:53 AM
الثقة معدومة بين المواطن والحكومة، وأول هذا الأمر هو الزيادات الأخيرة، وبيع المغتربين كثير من الأراضي المضروبة، لذلك لابد من تأكيدات مضمونة جدا (هى كيف ما عارف) لكن بقول ده حلم الجيعان، وربنا يكضب الشينة


#773978 [استقلال]
5.00/5 (2 صوت)

09-24-2013 07:49 AM
ههههههههههههه واخرتها يقولوا قرار بنك السودان تستلم عملة سودانية بسعر حسب مايربحهم ويخسرك والامر سبق ان جرب مع الحكومة لاصدق ولاقرار ثابت ولا هم غير نفسهم
نحن المغتربين نحول بالسوق الاسود حتى نقدر نتماشى مع نهبنا فى الموانى السودانية مذا قدمت الحكومة لمغترب له عشرات السنوات ابسط يشئ يقدر عليه المغترب يجيب سيارة يتعايش بها بعد عشرات الاسنين من الغربة مذا يجب فى الموانى من نظم وقوانين تحرم عليك ان تعيش حر جمارك خيالية موديلات السيارات بشروط تعجيزية
الان تجيب سيارة من الامارات اى موديل دخلها الى الميناء وتنزل مباشرة مقابل دفع 25 ميليون هذا دون الجمارك بس للدحول فقط
حتى لو قلت ترجع تتاجر بالسودان ياويلك من المسميات زوالرسوم التى تصابحك كل يوم
اتمنى ان تكون رحلة الريس كرحلة عام 1985 رحم الله النميرى لا


#773965 [جيانا ابراهيم]
5.00/5 (3 صوت)

09-24-2013 07:17 AM
عملتوا شنو للمغتربين عشان نحول ليكم بالدروب الرسمية ؟ ترفعوا لنا في الضرائب والزكاة سنويا تحلبونا حلبا....هل في موظف عندكم بدفع زكاة ولا ضرائب ؟ هل اعطيتونا اعفاء جمركي لسياره مش من حقنا امتلاك سياره زي ما انتم بتمتلكوا سيارات بالداخل ؟؟؟؟؟ تاكدوا لن ولن ولن نحول عن طريقكم ابدا لا بنوك لا صرافات واقعدوا احلموا بال6 مليارات دي ... حتي لو ضاعفتم سعركم دبل السوق الموازي لانكم قوم فاسدون ......اذهبوا للجحيم وتحويلاتنا من بعدكم سنرسلها لبلادنا باي سعر ......!


ردود على جيانا ابراهيم
United States [أبو أشرف] 09-24-2013 04:22 PM
هذا الجهاز ليس للمغتربين فهو جهاز لجباية الضرائب وغيرها منالأتاوات التي يتم تحصيلها من شقاء وعرق المغتربين .
ما ذا قدم هذا الجهاز للمغتربين وليسأل الأخ كرار والأخ كرم الله أنفسهم ما ذا قدَّم لهم الجهاز عندما كانوا مغتربين بالرياض ؟؟؟؟؟؟!!!! .
نرجو الرد على السؤال / وشكراً .
كما أنني قد ذهبت إجازة في العام قبل الماضي ولمدة 2 يوم حاولت أن أقابل الأخ/ كرم الله في مكتبجهاز المغتربين لأنني معاق وأريد أن يساعدني في أعفاء أو على الأقل تخفيض بعض الرسوم ولكن للأسف والأسف الشديد حتى الجلوس على الأرض أمام بوابة مكاتبهم الفخمة جداً جاءت سكرتيرة الأخ كرم الله وتسمي هدي الرشيد وقالت لحارس الأمن لا تدع هخذا الرجل يجلس في هذا المكان ؟؟؟ّّّّ!!!!! عجباً وأحسست كأني جالس أمام منزلها وأريد أن أشحدمنها شئ وأخذت بعضي وذهبت للبيت .
هل تعلم هذة البنت بأن مبني هذا الجهاز وكل العاملين فيه يتسولون مرتباتهم وحوافزهم من عرق وكد المغترب المسكين أتقوا الله يا إبن التهامي ونائبه وكل من يعملون في هذا الجهاز إلاَّّ من رحم ربي وأريدأشيد بالذين يعملون في قسم العلاقات العامة وعلى رأسهم مديرة القسمالأستاذة/ علياء وجميع زميلاتها وزملائها فأنهم يقدمون كافة الخدمات النتاحة لهم لكل من طرق باب مكتبهم فهولاء أسأل الله لهم التوفيق وأن يبارك لهم في أموالهم وأرزاقهم وصحتهم وعافيتهم وأن يكثر الله من أمثالهم ليخدموا أبناء وطنهم على الوجه المطلوب .


#773934 [الاشعرى]
4.88/5 (5 صوت)

09-24-2013 06:05 AM
هههههههههههههههههههههههههههههههها
والله ولاريال واحد مابنحولو عن طريق البنوك
شوفوها عند الغافل
انتو دايرين المغتربين يحولو ليكم قروشهم عشان تلغفوها هههههههههههة
رجعو ممتلكاتكم الموجودة بالخارج ياحرامية


#773916 [شفقان]
4.75/5 (6 صوت)

09-24-2013 04:56 AM
أطردوا أبناء البلد وأضطروهم للإغتراب بأعداد كبيرة كخطوة في سياسة الإصلاح الإقتصادي الذي من أولوياته توفير العملة الصعبة،عبر تحويلات المغتربين، لتمويل البذخ الذي تعيشه شلة اللصوص والمنتفعين والأذناب التابعة لهم.هذه المسخرة التي شاهدناها أمس على التلفزيون السوداني، وخفة دم الصحفيين الذي طرحوا أسئلة على مستوى خفة دمهم،مؤشر واضح على المستوى المنحط وإنعدام الضمير والجبن الذي وصلت إليه هذه النخب والمشهد بأكمله يدلل باننا شعب كرور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة