الأخبار
أخبار إقليمية
عصابات النقرز تحرق منزلاً وتثير الرعب في الفتيحاب
عصابات النقرز تحرق منزلاً وتثير الرعب في الفتيحاب



09-24-2013 07:47 AM
الخرطوم: صبري جبور :

أثارت مجموعة مكونة من (20) شخصاً من عصابات النيقرز الرعب في أنحاء واسعة من منطقة الفتيحاب، وقاموا بحرق أحد المنازل بالشقلة والاعتداء على المواطنين، وقذف المنازل بالحجارة ولاذوا بالفرار، وقال شهود عيان ومواطنون بأحياء الفتيحاب والشقلة إنهم يعانون من انتشار عصابات النيقرز والسرقات الليلية، داعين الجهات المختصة للقضاء على هذه العصابات لأنها أصبحت مهدداً لأمن المواطنين ، مشيرين إلى أن هناك مجموعات مكونة من عشرات الأشخاص مسلحة بالأسلحة البيضاء تنشط قبل منتصف الليل وتقوم بنهب وترويع المواطنين والاعتداء عليهم، وفي ذات السياق تعرض عدد من المنازل إلى سرقات ليلية متفرقة.

اخر لحظة


تعليقات 7 | إهداء 0 | زيارات 4235

التعليقات
#775611 [PANDA]
0.00/5 (0 صوت)

09-25-2013 12:11 AM
تطبيق حد الحرابة هو الحل
مش هى دولة اسلامية
او المواطنين يقتلو من يعتدى على ديارهم و مالهم و عرضهم
و اصلا لانسان بموت فى كده


#774481 [كركاب]
0.00/5 (0 صوت)

09-24-2013 01:15 PM
والله يا كتاحه كلام مظبوط ودا الحاصل ..اضافه بسيطه
وحكاية الجرجره دى اسكت ساكت انت عارف العساكر بيشتروا نقاط التفتيش، من الامباشه فى الطرق السريعه،ليه لان عدادتها كبيرة ،يدوروا فى بتاع لورى محمل بضاعه يسرحوا بيه كدة للفجر
ام حكايه سرقه كانت عربيه او حاجه تانيه ، بالاضافه لكلامك فى حكايه تأجير امجاد او تشوف واحد من اصاحباك عندو عربيه تفتشوا سوا، وطبعا السجائر والعضه فطور وغضه والشغله تمشى ليها كم يوم
وتبقى فيها صحوبيه وشنو يافرده والقرقره،
وينسوا موضوع العربيه المسروقه،، فى الاخر تجد نفسك انت الماشى مع الحراميه


#774325 [ابو الدقيق]
5.00/5 (1 صوت)

09-24-2013 11:40 AM
وناس العصابات ديل ما يمشوا على كافورى ولا على المنشية محل التماسيح ولا ديل محروسين وديلك خلوهم فى الصقيعة


#774255 [الكتاحة]
0.00/5 (0 صوت)

09-24-2013 10:57 AM
توزيعات الشرطة:أدارات التحصيل (مرور,جمارك,سجل مدني)80% مكافة شغب 15%مباحث وتأمين وحرس صيد وخلافه 5% يعني المنتظر الشرطة تحرسه واطاته أصبحت لكن العايزها تنهبه يمشي يبلغ عن سرقة أونهب يادوبك المتحري فطر وكيس أولاده أتملاء وهاك ياجرجرة عربية مافي أجر لينا أمجاد ولا أقول ليك الصول فلان عنده تاكسي والله ياعمك مافطرنا والمحصلة أنك حاتخسر ثمن مفقوداتك مرتين وأنصحك أي مفقودات أقل من 1000جنيه أسأل الله العوض.


ردود على الكتاحة
United States [ود الدلنج] 09-24-2013 11:33 AM
كلامك صاح أنا واحد من المجربين ، لكن وقفت الجرجرة بعد أول مشوار ، ولغيت البلاغ بعد ما تأخرت على شغلي ثلاث ساعات


#774207 [سعاد صالح التني]
5.00/5 (2 صوت)

09-24-2013 10:25 AM
لمن لايعلم عصابات النقرز عصابات كونها وأسسها شرطة وجهاز أمن الرقاص الفاشل لترويع وتخويف ونهب وقتل المواطنين اذلالا لهم حتي يشعر المواطنيين بانهم مكشوفين أمنيا وانه لاظهير ولا مغيث لهم الا البشير الرقاص الفاشل وشرطته وجهاز أمنه.!!!!!


#774067 [سايكو]
0.00/5 (0 صوت)

09-24-2013 09:15 AM
الصعاليق بتاعين الشرطه رجألتهم بس مع المتظأهرين السلميين العزل ، و الغوغأء ماخدين حريتهم يسرقوا ينهبوا يحرقوا ما مشكله ما دام ما بستهدفوا النظأم !!!!!


#774045 [الفراهيدي]
5.00/5 (2 صوت)

09-24-2013 08:58 AM
يا جماعة عصابة شنو البتخلي الناس غير آمنين في منازلهم بعد يوم طويل ومرهق كداً في توفير لقمة العيش.؟ طبعاً الحكومة ما ممكن تعمل أي حاجة في هذا الشأن لأنه ببساطة ما بهما الناس تموت ولا تحيا لكن المواطنين في إماكنهم ترصد هذه العصابات وقتل أفرادها واحدا بعد الآخر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة