الأخبار
أخبار إقليمية
البنك المركزي: المضاربة في سوق النقد الأجنبي غير مبررة ولا تستند الي طلب حقيقي
البنك المركزي: المضاربة في سوق النقد الأجنبي غير مبررة ولا تستند الي طلب حقيقي
البنك المركزي: المضاربة في سوق النقد الأجنبي غير مبررة ولا تستند الي طلب حقيقي


09-25-2013 06:24 AM
(سونا) أوضح المعتصم عبدالله الفكي مدير الادارة العامة للخدمات التنفيذية لبنك السودان - انه وفي اطار سياساته الهادفة الي تحقيق الاستقرار الاقتصادي ، فقد ظل بنك السودان المركزي يتابع بشكل يومي حركة سوق النقد الاجنبي حيث تلاحظ ان هنالك ارتفاعاً في سعر صرف الجنيه السوداني نتيجة لمضاربات في سوق النقد الاجنبي لا تستند الي طلب حقيقي علي النقد الاجنبي وهو امر غير متسق مع المعطيات الاقتصادية الآنية و التي تشير الي ارتفاع ايرادات النقد الاجنبي خاصة بعد الانفراج الذي حدث في العلاقات الاقتصادية مع دولة جنوب السودان و تدفق بترول جنوب السودان عبر الانابيب السودانية و ما ترتب علي ذلك من حصول البنك المركزي علي المزيد من النقد الاجنبي و تحسن ارصدته الخارجية.
وأضاف االفكي أن بنك السودان المركزي قد قام اليوم بضخ مبالغ مقدرة للمصارف التجارية لمقابلة التزامات عملائها المستوردين وأنه سيتوالى هذا الضخ خلال الفترة القادمة .


تعليقات 4 | إهداء 0 | زيارات 2474

التعليقات
#776590 [المتجهجه بسبب الانفصال]
0.00/5 (0 صوت)

09-25-2013 03:30 PM
يا جماعة مافي بنك مركزي ولا يحزنون مدير مكتب البشير سحب 20 مليون كأنوا سحب ليهو كليقة قصب من كاروا ولمن علي عثمان زعل البشير قال ليهو المبلغ ده أوجه صرفو معلومة أمش شوف ليك شغلة أقضاها ،،، ده بنككم المركزي يا جماعة مافي أي مؤسسات مالية الكيزان مؤسساتهم المالية هي المدورة وانتو قايلين البلد دي وقفت ليه ما وقفت عشان الكلام ده ،، والبشير البليد بدل يحل المشكلة مع جماعتو المكوشين على الثروة عايز يحل ليهم مشكلتم على حساب الشعب السوداني،،


#776176 [المتغرب وطافش]
0.00/5 (0 صوت)

09-25-2013 11:24 AM
يااخوان والله هذه الحكومة ومنسوبيها من اقتصادين من القمة الى القاع وزير مالية ومحافظ بنك السودان ورؤساء لجان عبارة عن عصابة استمرأت الكذب واستنفدت كل حيلة ووسيلة فى القش والاستهبال . كلنا يعرف ان البنك المركزى وجوكية الحكومة هم المحتكرين للسوق السوداء فكيف بالله عليكم يكون سعر الدولار فى البنوك التجارية والصرافات 5500 وسعر دولار الجمارك اعلى منه بمئتين جنيه 5700.
(وأضاف االفكي أن بنك السودان المركزي قد قام اليوم بضخ مبالغ مقدرة للمصارف التجارية لمقابلة التزامات عملائها المستوردين وأنه سيتوالى هذا الضخ خلال الفترة القادمة ). ورينا المستوردين ديل منو وحيستوردوا شنو , اذا كان الدواء المنقذ للحياة لم تفتحوا له اعتمادات بالسعر الرسمى للبنوك الذى هو الى الان مامعروف كم. وكلنا يعرف انه فى مسئول انقاذى اقتصادى كبيرصرح كذبا بان السعر التجارى حيكون 7500. اظن اسمه الماحى خلف الله .
والفرق شنو بين 8و 8500و7500 كلها قريبة من بعضها وحيتجاوزها بعد يومين ثلاثة .
و أوضح المعتصم عبدالله الفكي ( فقد ظل بنك السودان المركزي يتابع بشكل يومي حركة سوق النقد الاجنبي حيث تلاحظ ان هنالك ارتفاعاً في سعر صرف الجنيه السوداني نتيجة لمضاربات في سوق النقد الاجنبي لا تستند الي طلب حقيقي علي النقد الاجنبي).


#776139 [ابوزول]
0.00/5 (0 صوت)

09-25-2013 11:08 AM
السبب في ارتفاع الدولار انو الكيزان بيجولوا في قروشهم لتهريبها للخارج استدادا للكسح


#775796 [أسد النيل الصافي]
0.00/5 (0 صوت)

09-25-2013 07:24 AM
دي مشكلتنا.. البنك المركزي لا فاهم سياسة ولا إقتصاد..

هو البنك المركزي ما عارف إنه المضاربة معناها تحقيق مكاسب عن طريق الشراء والبيع، من نفس الجهة... طيب ما يورينا أسماء الصرافات الشغالة جزر في السوق... ما يورينا أسماء الناس العمالة تشيل قروشها لماليزيا عن طريق دبي..

هو البنك المركزي مش عارف إنه الإضطرابات السياسية.. بتخلي الناس تخاف.. وبتفقد الناس الثقة في العملة... وخاصة الناس المعاها قروش كتيييييرة .. وخاصة الناس الجايباها بالسرقة والنهيبة..

حسبي الله ونعم الوكيل. ولك الله يا بلد........



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة