الأخبار
أخبار إقليمية
بيان من القائد منى اركو مناوى للشعب السودانى الثائر فى مدنه المختلفة
بيان من القائد منى اركو مناوى للشعب السودانى الثائر فى مدنه المختلفة



09-25-2013 12:56 PM
بيان من القائد منى اركو مناوى للشعب السودانى الثائر فى مدنه المختلفة

بسم الله الرحمن الرحيم

الى جماهير الشعب السودانى الثائر :

لقد ظللنا نتابع صلف وعنجهية قادة نظام المؤتمر الوطنى وسياساتهم الاقتصادية المفلسة الاخيرة والتى يحاولون من خلالها - و بلا جدوى - اصلاح الاحوال الاقتصادية المذرية التى اوجدتها هذه السياسات التراكمية من فساد ازكم الانوف وصرف حكومى بازغ و حروب عبثية فى دار فور والنيل الازرق وجبال النوبة ، ونتائج تلك السياسات والممارسات السالبة على المعاش اليومى للمواطن ، الى الدرجة التى استحال معه العيش تحت هذه الظروف ، وخاصة بعد القرارات الاخيرة بما سميت برفع الدعم عن الوقود والسلع الاخرى والتى ضاعفت الاسعار 100% فى سابقة غير مسبوقة ، مما جعل شعبنا ينتفض بعد ان نفد صبره وخرج فى مظاهرات هادرة .
وبهذه المناسبة تحى الحركة كل المواطنين الذين خرجوا يوم امس واليوم ، فى مدنى ، ، القضارف ، نيالا ، ودالحداد ، الحصاحيصا والكاملين وكل احياء العاصمة ، منها : برى – حى الشهداء امدرمان – امبدات – الثورات – وطلاب جامعتى الخرطوم والنيلين والذين تأهبوا للخروج اليوم رغم محاصرة شرطة النظام لهم ، كما نشيد بنقابة اطباء السودان لدعوتها الى التجمع يوم غد الاربعاء بمستشفى الخرطوم لتشكيل القوى الوطنية والدعوة الى العصيان المدنى .


ايها الشعب السودانى البطل :

اننا فى حركة تحرير السودان اذ نشيد بكل المواقف المشرفة لمختلف شرائح الشعب السودانى البطل ، يجب التأكيد على الآتى :


(1) حركة تحرير السودان ترى ان خروج الجماهير قد جاء فى وقته وهو امتداد للثورة المسلحة المستمرة ، وان عدم خروج الجماهير فى هذه الظروف قد تجعلها بين سدان الجوع الذى لا يزول ومطرقة البطش الامنى والذى يزول بالتأكيد بزوال النظام
(2) الحركة ترى ان ما يجرى الان هى مظاهرات سلمية وهى استحقاق شعبى دستورى والحركة تقف مع الشعب بشدة لممارسة حقه الدستورى ، لان الحركة ناضلت كل هذه الفترة من اجل الجماهير وقضاياها العادلة ولا تتدخر اى جهد للوقوف مع الشعب من اجل ازالة هذا النظام

(3) ان ما اٌتخذ من اجراءات بما سمى برفع الدعم هى عبارة عن استمرار لابادة جماعية بشكل آخر عن طريق التجويع ، لذا تهيب الحركة جماهيرها وجميع المواطنين بمختلف مدن السودان بالخروج للتظاهر السلمى ، وكما تناشد جميع النقابات و مكونات المجتمع المدني و المرأة و الطلاب و التجار والرعاة بالإسراع في الخروج لدعم إخوانهم فى المدن التي خرجت .

(4) تناشد الحركة القوات النظامية والجيش والشرطة والامن بالوقوف الى جانب رغبة الجماهير والامتناع عن مواجهتها بالسلاح ، وتحذر الحكومة و مليشياتها من استخدام اي عنف مفرط ضد المواطنين العزل ، كما تحذر بشدة استخدام الحكومة "للرباطة " حسب ما المح اليها والى الجزيرة الزبير طه فى مؤتمره الصحفى الاخير
(5) الحركة تنتهز فرصة اجتماعات الجمعية العامة للأمم المتحدة فى هذه الايام و تطالب جميع دول المجتمع الدولي ، وعلي رأسها الدول الدائمة العضوية فى مجلس الامن للتحرك لوقف ما يجري في السودان من قمع للمظاهرات و استمرار الإبادة الجماعية و التطهير العرقي في أقاليم السودان المتأثرة بالحرب -دارفور- جنوب كردفان - النيل الأزرق .
(6) واخيرا تهيب الحركة بكل ابناء وبنات الشعب السودانى فى الخارج بتنظيم مظاهرات امام سفارات النظام فى الدول المختلفة تضامنا مع الثورة التى انطلقت والتى لا رجعة منها .



المجد لشهداء ثورة السودان وعاجل الشفاء للجرحى

وثورة حتى النصر

منى اركو مناوى
رئيس حركة جيش تحرير السودان
الثلاثاء 24 سبتمبر 2013 م


تعليقات 18 | إهداء 0 | زيارات 9121

التعليقات
#776947 [ابو احمد]
5.00/5 (1 صوت)

09-25-2013 07:51 PM
انت واحد من الحكومة ومطلوب القبض عليك من قبل الشعب ويجب حجب كل من شارك فى النظام الشعب لن ينسى واذا كان موقع الراكوبة يريد لنفسه مكانة فى قلب الشعب بعد نجاح الثورة فليسقط مثل هؤلاء من الان


#776937 [الرزيقي]
5.00/5 (1 صوت)

09-25-2013 07:41 PM
الكلام ده من راسك ولا من كراسك


#776928 [سوداني خايف علي بلده]
5.00/5 (1 صوت)

09-25-2013 07:37 PM
مافي فرق بينك وبينم يامناوي كلكم كلاب وقالوا ابيض الكلب نجس
ديل قريب ده ماكنته خاتي يدك معاهم نحنه مادايرين ناس عندهم علاقه بي اي حكومه من حكومات السودان
الفاتت وله الحاليه لانهم كلهم سبب نكثة البلد
الثوره ثوره شعب ماعشان تجي انته وامثالك تلقوها بااااااااارده


#776749 [ياسر احمد]
5.00/5 (2 صوت)

09-25-2013 05:43 PM
الناس ما طلعت عشان سيادتك تدلي لينا بيان الناس طلعت عشان قرفت منكم كلكم وانتو والحكومة وجهان لعملة وااااااااااحدة وانتو لو صحي قلبكم علينا ما كنتا بتكتلونا وتنهبونا وتشردونا
شكرا ليكم واحتفظوا بي بياناتكم وكلاماتكم ووسخكم لي نفسكم


#776510 [الفجر]
5.00/5 (1 صوت)

09-25-2013 02:42 PM
100%


#776495 [مجتبي الصادق]
4.75/5 (3 صوت)

09-25-2013 02:28 PM
واحلاتي دي يا ناس الله ( او كما تقول حبوباتنا)

الشعب السوداني دا أوعا من انو يطلع علي أكتافو كل من هب ودب ولا عشان يرضع من شطرو كل طالب سلطة ومال...
انت يا مناوي الناس ديل القروش الادوك ليها كملت ولا لسة ؟؟؟

مرحبا بمناوي كفرد من أفراد الشعب السوداني ... لكن هذه الثورة السلمية يقودها الشعب وسيخرج من صلبها ومن رحمها رجال الزمن المعافي القادم بإذن الله...


#776488 [محمد حجازي]
5.00/5 (3 صوت)

09-25-2013 02:22 PM
اولا فسر لناحركة تحرير السودان تحرر السودان من ايه
ثانيا سبب الغلا وضنك العيش أنتم سبب فيه كل الحكومات التى حكمت السودان تنفق 90في المائة من قوت الشعب في محاربة الحركات المسلحة والتمر باالله عليك من السبب في فقر المواطن السوداني


#776449 [العقرب]
5.00/5 (3 صوت)

09-25-2013 01:55 PM
بال مناوى بلا قرف .. خلاص جيتو جاريين ببياناتكم واوهامكم .. دى ثورة الشعب وما تدخلوا فيها لانه الناس كارهاكم انتم اكثر من الحكومة.. عشان الناس ماتهبطو من همتها ابعدوا منهم وبلا تدخل معاكم.. الحكومة مكروهاوغير مرغوب فيها 100 مرة وانتم 1000 مرة .. ابعدوا مننا ونحن قادرين على استمرار الثورة ..واى تدخل او احتواء منكم حينهى الثورة ..قال بيان قال..


#776441 [gomma gamma]
5.00/5 (1 صوت)

09-25-2013 01:49 PM
وين المحامين وين الاطباء وين المعلمين وين العمال وين الموظفين وين الشعب السودانى وين وين الملاين وين وين حزب الامة وين وين الصادق المهدى وين حتى التنظير بتاعك وين ومولانى و جزبة الترلة وين وين تجمع المعارضة و الخط الاحمر وين الميادين و الساحات بتسال قادة المعارضة وين . يا ندى القلعة اخرجى و اهتفى الشعب العربى وين وين وين الملاين وين عشان تساندو الشعب السودانى لان القيادة سافرت لندن يا قادات المعارض المسلحة يجب اشعال كل الجبهات مع ثورة الجماهير حتى تتشت و تشل حركة الكيزان


#776439 [محمد الاسد]
5.00/5 (2 صوت)

09-25-2013 01:48 PM
اولا نحن ما عملنا الثورة دي عشان يجي ناطيلنا واحد زي مناوي ساكي مصلحتو ومصلحة الوسخين المعاهو نحن ثورتنا من اجل اسقاط نظام فاسد واحلال نظام يخدم مصالح السودان ككل
اما ناس اركو مناوي وناس محمد نور فلا مكان لهم بيننااخر الزمن دايرين يمشونا حيوانات زيهم


#776421 [real sudanes]
4.75/5 (3 صوت)

09-25-2013 01:42 PM
كلنا مع الثوره والتغير ولكن امثال هذا العميل الذي تدعونه بالقائد.... وامثاله لن يكونو البديل ابدا هذه ثورة الشعب السوداني اجمع وليست ثورة هذه الكلاب الضاله .


#776380 [محمد]
5.00/5 (4 صوت)

09-25-2013 01:21 PM
انت فرقك من البشير شنو اي زول رفع السلاح وبي سببو الناس ماتت خاين


#776370 [ابو علي]
5.00/5 (4 صوت)

09-25-2013 01:17 PM
ثورتنا ثورة شعب لا ثورة تمرد يامني ابتعد انت واعوانك عنها عندما حاربت انت لم تحارب من اجل مبداء بل حاربت من اجل سلطه فأنت مثلهم تماما ابتعد عنها ابتعد عنها .
الان الكلمة كلمتنا نحن الشعب


#776351 [USAMA]
5.00/5 (1 صوت)

09-25-2013 01:08 PM
بوركتم و نصركم و نصرنا الله..
نريد مثل هذه الخطابات من جميع مكونات الثوار، حتى يحس المواطن بأنكم منه و هو منكم و هدفكم واحد و أزالة عدم الثقة الذي زرعة المجرمون بينكم و بين اهلكم ، لابد ان يفهم المواطن ان السودان سيعود للجيمع دون تفريق بعد زوال هذه الطغمة الجائرة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة