الأخبار
أخبار إقليمية
ملثمون يحرقون مبنى عفراء
ملثمون يحرقون مبنى عفراء



09-25-2013 03:33 PM
علمت الراكوبة ان ملثمين دخلوا وسط المحتجين الغاضبين من غلاء الأسعار وقاموا منذ قليل باحراق مبنى عفراء مول الشهير الخرطوم.
وعلق شهود عيان بأنهم لا يعرفون هوية هؤلاء الذين يحرصون على اشعال الحرائق، بينما يشارك مواطنين محتجون في اخمادها.


تعليقات 29 | إهداء 0 | زيارات 14857

التعليقات
#778915 [عبدالسلام حلاج]
0.00/5 (0 صوت)

09-26-2013 07:48 PM
التخريب يفقد الثورة مصداقيتها ويعتبر العالم اننا مجرد مخربين لا قضية لنا فعلينا بالسلمية ختى لو ضربتناالشرطة بالرصاص علينا ان نتعلم من الثورات الحولنا فنحن دعات تعمير وليس تخريب


#778370 [مجدي عزالدين]
0.00/5 (0 صوت)

09-26-2013 03:26 PM
عشان نلفت انتباه العالم لا بده من سقوط اكبر عدد ممكن من الشهداء


#777866 [السيد موسى البدرى]
0.00/5 (0 صوت)

09-26-2013 11:22 AM
ياجماعة البلد بلدنا لازم نحافظ عليها التخريب منبوز نرجو ان تكون المظاهرة سلمية


#777244 [الحازمي]
5.00/5 (3 صوت)

09-25-2013 11:47 PM
يا شباب
انتبهوا لشراك الكيزان
يحرضوا على التخريب لتخسر الثورة تعاطف و دعم الشارع و الرأي العام المحلي و الدولي
ومن ثم التهيئة لاستخدام القمع و القوة المفرطة و عندها لن تجدوا نصيرا
لا تجهضوا ثورتكم بأيديكم

لا للتخريب لا للتخريب لا للتخريب لا للتخريب لا للتخريب لا للتخريب لا للتخريب
لا للتخريب لا للتخريب لا للتخريب لا للتخريب لا للتخريب لا للتخريب لا للتخريب
للتخريب لا للتخريب لا للتخريب لا للتخريب


#777146 [خالد]
0.00/5 (0 صوت)

09-25-2013 10:32 PM
انا عاوز اعرف عفراء حقت الكيزان والمواطنون حرقوها ولا حقت المواطنون اللامنجية الملثمين حرقوها ؟


#777073 [ود الجاك]
0.00/5 (0 صوت)

09-25-2013 09:48 PM
نحن ولاد بلد واحد ويد وحده لا نيقز ولا جن احمر بقدر علينا ولو الناس اضامنت بنعرف نحمى نفسنا وبيوتنا واملاكنا المغتصبه ونرجع حقوقنا ونعبر عن حريتناالليها اربعه وعشرين سنه ماضقنه طعمه


#776948 [ابو البــــــــــــــــــــــنات]
5.00/5 (3 صوت)

09-25-2013 07:51 PM
المتظاهر الحق لايحرق ولايخرب بل يعبر عن الراى بكل وسائل التعبير المشروعه . اما المنتفعين هم الذين يحرقون ويخربون لانه ليس لهم وعى ادراكى بمايقومون به فهم حفنة من ماجؤرين ينفذون رغبات غيرهم .


ردود على ابو البــــــــــــــــــــــنات
United States [ابو البــــــــــــــــــــــنات] 09-26-2013 12:48 PM
ياسيدى بالطبع لكل شخص قنعاته التى يجب ان تتحترم حتى وان كنا نختلف معه. التخريب مرفوض مبدآ بغض النظر لمن يؤال ذلك . والثورى عندما يثور لحساسه بظلم وقع عليه وبالتاكيد من يكون احساسه كذلك لايمكن ان يظلم الاخرين او يرضى بظلمهم .

United States [quickly] 09-26-2013 02:09 AM
ليك زمن ماشفناك لكن عــارفنك كويــس من زمان متعاطف مع الكيزان وكنت بتستميت وانت بدافع عنهم انشاءالله تكون قناعاتك اتغيرت؟؟
لكن ان معاك في الحتة دي ضد الخراب لماسيكون ملك للشعب الســـوداني
لكن يجب ان تحرق وتدمر كل مقار المؤتمر الوثني التى تستخدم كبيوت اشباح ومباني ملشيات الكيزان (الدفاع الشعبي) اما فلل وقصور عمر البشكير في كافوري حوش بانقا دايرنها سليمة لنحولها الى ملاجئ للاطفال الايتام والمشردين الذين قتل ابائهم البشكير في جنوب كردفان والنيل الازرق والدارفور


#776892 [ثواااار مدني]
1.75/5 (6 صوت)

09-25-2013 07:14 PM
انتو ياالواعظيييييييييييييين ياوهم او موتمرجية كلااااااااب كل الممتلكان الحيوية ملك للموتمرجية ويجب حرقها وحرقهم


#776813 [راجع البنحلم بيهو يوماتي]
2.99/5 (9 صوت)

09-25-2013 06:25 PM
اذا كان الخبر صحيحآ..هناك فرضية واحدة عندي..كنت مارآ من هناك حوالي الساعة العاشرة صباحآ وقد رأيت بأم عيني قوات كبيرة من الشرطة والجيش وهي تحرس المركز التجاري فأذا صدق الخبر هذا يرجح عندي الفاعل هو من طرف الحكومة


#776771 [morgan]
4.87/5 (10 صوت)

09-25-2013 05:57 PM
ياعالم دي قروشنا حافظوا عليها ... بندفع ضرائب وزكاه وجبايات .. وبعدين الاملاك تعود للشعب


#776727 [محمد خليل]
4.00/5 (7 صوت)

09-25-2013 05:31 PM
لا لا لأي تخريب لأي ممتلكات عامة أو خاصة، حتي لو كانت ممتلكات كيزان لان ممتلكات الكيزان مصيرها المصادرة لصالح الشعب بعد انتصار الثورة بإذن الله فإذا خربناها ماذا سنصادر منهم بعد انتصار الثورة؟ و انتبهوا يا شباب الثورة للأمنجية المندسين وسط الثوار للقيام بتخريب و حرق الممتكلكات العامة و الخاصة لتشويه وجه الثورة، خلوا بالكم منهم و لا تسمحوا لهم بالتخريب.


#776722 [Abu Waael]
3.00/5 (4 صوت)

09-25-2013 05:26 PM
البيخربو وملثمين ديل علي الطلاق الكيزان الأمنجية ذات نفسهم بيعملو كده عشان يدوا نفسهم غطاء اخلاقي لقمع الثورة ........ والله العظيم ياها خستهم ودنائتهم وممكن يصلو لي أبعد من الحد ده ..... دي الميكيافيللية الترابية ذااااااااتا الله يسألني لا بتغباني ولا بتغباكم ياالمحروقين ومظلومين 24 سنة


#776714 [ابو نهال]
4.50/5 (4 صوت)

09-25-2013 05:18 PM
من يخرب فهو يخرب بيته

لانه سيرجع الى بيته ويضطر الى البحث عن الشرطة وبسط الامن الشامل لتحميه
من عصابات النيقرز


ردود على ابو نهال
United States [ساب البلد] 09-25-2013 10:37 PM
النقيرز هم بلطجية و رباطة النظام يا مغفل

United States [Zingar] 09-25-2013 07:31 PM
يا ابونهال إذا كان ده مستوى تعليقك الساذج السطحى الطفولى..عليك بألتزام الصمت فهو أكرم لك إن كنت تدرى.


#776695 [كيس الموز التحت السرير]
4.25/5 (5 صوت)

09-25-2013 04:54 PM
المتظاهرين ديل حاقدين ؟ لماذا الحرق والتكسير برضو ديل مواطنين فى سوق الله اكبر ؟ عيب والله عيب البعملوا فيهو ده ؟ أذا الشرطه استعملت القوه ليهم الحق .


ردود على كيس الموز التحت السرير
United States [الكارورى] 09-25-2013 08:15 PM
والله إنت فعلا كيس الموز التحت السرير يا عوير , يا قرد ,, أسكت بالله سكت حسك

United States [الشاكوش] 09-25-2013 06:20 PM
انت تقول ( أذا الشرطه استعملت القوه ليهم الحق . ) وهذا هو المطلوب من المندسين وسط المتظاهرين حتي يعطوا الشرطة الحق في ضربهم بالنار ... ودعوتك هذه هي الانهزامية .. طوالي رحت تقول ما يريدونه هم ...


#776690 [Kunta Kinte]
3.00/5 (4 صوت)

09-25-2013 04:49 PM
يا جماعة ماف زول بخرب غير ناس الحكومة المسألة واضحة جداً

عشان يدو شرعية لاستخدام القوة المفرطة لازم يعملو كدة ويقولو ديل ما متظاهرين بيعبرو عن رأيهم سلمياً ديل مخربين ..


ردود على Kunta Kinte
United States [Zingar] 09-25-2013 07:39 PM
الحبوب Kunta Kinte .....ياريت لو 1% من مستوى هذا الفهم بقدر عليهوا المسم نفسه كيس الموز التحت السرير...حتى الأسم سخيف زيو بس هو عايز يعمل فيها دمه خفيف.


#776664 [تايسون]
5.00/5 (6 صوت)

09-25-2013 04:17 PM
الثورة دى قامت كتعبير شعبى عن القرارات الاخيرة بتاعت رفع الدعم عن المحروقات و نحنا فى السودان ما شعب الله المختار ولا عايشين فى المدينة الفاضلة
كتير من الناس بتنادى بعدم التخريب
التخريب و حرق الطلمبات و السيارات نتيجة لغضب جماهيرى جماهير ثائرة من غير كنترول ومن غير قيادة

يا اما الاحزاب دى تفيق من غيبوبتها دى و تنظم و تقود الاحتجاجات السلمية
او الشباب فى التنظيمات الكبيرة يطلعو الجماهير للشارع و ينظمو نفسهم بى نفسم
يا اما تنتهى الثورة دى بتخريب الممتلكات العامة و كل زول يرجع بيتو و يستمر الكيزان فى الحكم من جديد فى وضع اسوء مما كان عليه


#776656 [dool]
5.00/5 (1 صوت)

09-25-2013 04:09 PM
المطلوب عدم المساس بالممتلكات العامة والخاصة ، لأن الحكومة زائلة والممتلكات للشعب ، وأى تصرف همجى كهذا سوف يعطى الطغاة الضوء الأخضر للقمع الدموى ، وقد ينسحب بعض الناس المخلصين من هكذا تصرفات الى جناح الحكومة . الحذر الحذر


#776646 [ابو الهول]
5.00/5 (2 صوت)

09-25-2013 03:59 PM
انتبهوا
ايها الشباب !!!!
انتبهوا
ايها الشباب ......انتبهوا
ايها الشباب
اجعلوها انتفاضة سلمية حضارية نظيفة
*************************************
اننا نعلم حجم الغضب
ومقدار ما حاق بالجميع من ظلم
مدى سنوات
ولكن انتبهوا
...بل وقوموا بالحفاظ على انتفاضتكم من امثال هؤلاء
فلتكن سلمية ...سلمية
ضد الفوضى والهمجية


#776641 [الحقيقة]
4.63/5 (4 صوت)

09-25-2013 03:56 PM
لا لا لتخريب الوطن نعم للسلميه


#776635 [الصادق صديق الصادقين]
2.50/5 (2 صوت)

09-25-2013 03:52 PM
الفاقد التربوي و ....


#776619 [سوداني]
5.00/5 (4 صوت)

09-25-2013 03:43 PM
تحية الي ابناء وطني الشرفاء .. كل ليل لابد له ان يزول وبعده تشرق شمس الحريه ..؟ نعم للثورة ضد الطغاة والمتجبرين .. ولكن الثوره لا تعني خراب للبلد ونهب ممتلكات العامه وتحطيمها ...؟ لاننا في هذه الحاله سنتساوي مع الكيزان في دمار وخراب البلد ويبقي مافي معني للثورة اذا نحن بنخرب البلد وننهب اهلها ....؟؟؟


#776613 [أبوفاطمة]
5.00/5 (3 صوت)

09-25-2013 03:40 PM
الموضوع واضح الحكومة بترتب لتقويض الثورة و ضرب المتظاهرين والثوار بالرصاص تحت زريعة التخريب وعزلهم عن الجماهير بان الذين يتظاهرون لديهم اجندة خارجية ... نرجوا الانتباه وتكوين لجان قيادية للقبض على هولاء وتسليمهم للشرطة بعد تفتيشهم واخذ بطاقاتهم الامنية ... ارجو اليقظة


#776609 [ابينا... ومرقنا عديل]
5.00/5 (4 صوت)

09-25-2013 03:40 PM
هلا هلا .. يا عبدالباسط داير تشيل قروش التأمين تااااني
هندستها يا هندسة


#776608 [خالد]
5.00/5 (4 صوت)

09-25-2013 03:39 PM
لا تخربوا انتوو احسن من كدة الكيزان بعملوا كده ،،،،،،،،،، نحن ما بنعمل كده وده شعارنا واي تخريب انا ما بعملوا انا همي القصر لا زم ادخلوا واحررا لبلد من طغمة الكيزان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة