الأخبار
أخبار إقليمية
دم الشباب مضروج كيف يستقيم الضُل مادام البلد معَوُج
دم الشباب مضروج كيف يستقيم الضُل مادام البلد معَوُج
دم الشباب مضروج كيف يستقيم الضُل مادام البلد معَوُج


09-27-2013 09:21 AM

كلمات: حسين شنقراي

كيف يستقيم الضُل
مادام البلد معَوُج
ريس يسيب الكل
يمشي يدخل لوج
وتَحِتْ القُلوب الذل
عصف الرياح الهوج
وتضيع يا البلد في ليل
مركب يشيلو الموج
------
واليوم علينا يطل
نائب رئيس أدروج
للشعب ضامر ذُل
راكب عليهو سروج
مهما يكل ويمل
ماراضي ليهو خروج
ما بهمو إيه ح يحل
طالما السكن في بروج
-------
حزنان عليك سودان
ضعت رحت التوج
حكموكا ديل كيزان
سرقوكا فوج في فوج
وأصحي الليلة يا إنسان
دم الشباب مضروج
وتزغرد عليو نسوان
خلطو الدماء بالروج
بلاد تتنفس البنبان
والدم بيسقي مروج
الليلة ليلة إسراء
والحرية تبقي عروج

[email protected]


تعليقات 2 | إهداء 0 | زيارات 2049

التعليقات
#780152 [عبدالله البروف]
0.00/5 (0 صوت)

09-27-2013 06:36 PM
الله الله عليك يا حسين شنقراي يا شاعر يا فنان
يا عالي الاحساس
الليلة ليلة اسراء والحرية تبقى عروج


ردود على عبدالله البروف
United States [حسين شنقراي] 09-27-2013 08:43 PM
Thanks Ya Ustaz
مقطع للرباطة
مارقين مارقين
ما بنطاطي
لا بنخاف شبيحة
ولا رباطي
الشعب عدوهو الواطي
ساكنين في
قصور والناس
في قطاطي
نافع ولابع
وعبدالعاطي
دي الثورة
بحر بنخوضو
والحرية أمامنا
شواطي


#779514 [راجي بزوغ الفجر]
0.00/5 (0 صوت)

09-27-2013 10:39 AM
يا ربي خلصنا من هؤلاء الكيزان خربوا علينا دينا و دنيانا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة