الأخبار
أخبار إقليمية
إطلاق أسم (بهرام) على عدد من المواليد
إطلاق أسم (بهرام) على عدد من المواليد
إطلاق أسم (بهرام) على عدد من المواليد


لأنه واجه بشجاعة فائقة المجرمين بحقيقتهم
09-30-2013 11:17 PM
تم اطلاق اسم"بهرام" علي عدد من مواليد اليوم، اخرها كان بشندي أذا قام احد الآباء بتغير اسم ابنه المزمع (سمايته) غداً من مجاهد لبهرام، اعجابا بالزميل بهرام عبدالمنعم الصحفي بصحيفة اليوم التالي الذي وصف وزيرا الداخلية والاعلام ووالي الخرطوم بالكذابين خلال مؤتمر صحفي عقد اليوم الأثنين بقاعة الصداقة للحديث حول احداث الثورة الشعبية التي دخلت يومها السادس.


تعليقات 15 | إهداء 0 | زيارات 8914

التعليقات
#786537 [سيداحمد]
0.00/5 (0 صوت)

10-01-2013 05:04 PM
ياسلام يا ابناء وطني انتم جميلون بدون هذا الداء الكيزاني
يستاهل بهرام الشجاع الى الامام والقشة دي ماتعتر ليك وانتهيت من العجائز الكضابين ديل.
الى الامام لكنس الكيزان


#786250 [بهرام]
0.00/5 (0 صوت)

10-01-2013 01:36 PM
شكرآ اخي ابهرام علي الشجاعه ياريت لو كل السودانيه زيك


#786061 [أبو محمد]
0.00/5 (0 صوت)

10-01-2013 11:45 AM
كم أنت رائع ياوطني بلا مؤتمر


#785875 [علي باحش الدكوك]
0.00/5 (0 صوت)

10-01-2013 10:19 AM
مداخلة الصحفي الشجاع بهرام عبد المنعم كانت بمثابة الدبوس الذي خدش بالون الكذب المنتفخ بالغازات الحامضة. لذلك كانت ردة فعل نافخي البالون مضرية، أفقدتهم أحترام الداخل والخارج.
يبدو بأن المؤتمرات الصحفية الخصم اللدود لغلاة الانقاذ والمؤتمر الوطني، فظلوا منذ المؤتمر الصحفي لكبيرهم البشير يخرجون أكثر أنهزاما وحرجاً بعد أي مؤتمر صحفي يعقده قادتهم الكذبة والمنافقين.

التحية لهذا الصحفي الشجاع.


#785728 [مرقنا... وادسينا تاني]
5.00/5 (1 صوت)

10-01-2013 09:03 AM
موقف بطولي .. قولة حق ولكن حقيقة أساء الادب بمخاطبة لاتليق بصحفي محترم.. الصياغة الاخيرة للسؤال كانت جيدة ولكن ان يصفهم بالكذب ( كان اولي ان يقول لم تصدقوا علي الشعب)
ثانياً اعلم انكم تعلمون ان اسم بهرام اسم فارسي لملوك وطغاة فارس قبل الاسلام.. ان يصل حد الاعجاب لتسمية الابناء تيمناً به مش احسن نمرق الشارع بدل حركات نص نص دي
ورق ... ورق وجهاد في المدونات


#785654 [مخير]
0.00/5 (0 صوت)

10-01-2013 08:33 AM
كمال العجمى‏نشر في‏منتديات الحارة الرابعة‏
ستظل فى قلوبنا يا مصعب
صورة
صور اليوميات
تعالوا هنا يا أصدقاء .. خذوا (نصيبكم من الوجع) .. فلم يوجعني نص في الآونة الأخيرة كمثل هذا النص الذي خطه الأخ "حسام حيدر" لم أستطع حبس دموعي التي سالت لوحدها ..
مصعب أنت لم تمت .. أصدقائك يكتبون لك لأنك حيٌ هناك فوق السحاب .. فالناس لا تكتب للأموات .. صديقك يكتب إليك و يهذي ودموعه تنهمر هو يبكي بألم ويضحك بصوت عالٍ ويمسح دموعه في ذات الوقت كمن أصابه مسٌ من الجنون .. يمازحك مزاح الأصحاب للإصحاب .. يخاطب شعرك المبروم وسفنجتك المقلوبة وفردة شرابك (الكل واحدة من بلد) .. يغازل (سغالتك) و( بياختك).. حسام وأصدقاؤه يشتاقون إليك يا مصعب!
.. رد يا (لايوق) يا (غياظ) !!

هذا ماكتبه حسام حيدر :
__________
مصعب ..نهارك سعيد ..كيفك ياغالي أنت مشكلتك شنو ؟؟؟
أنا أوريك مشكلتك أنك جيت في زمن غلط ..
بس أنا عايز أعرف أنت سويت شنو بالضبط ؟؟!!
بس ساي كدة يعني جاك الرصاص ..؟!
أنت ذاتك لايوق ياخ ..
ماتقاطعني ..
جنك تقاطع ...بضحكاتك دي ..
ماتضحكني معاك ..
طوالي لابس سفنجتك الواحدة دي ماتغيرها أبداً ياخ أحسن منك إيدي (عبدالهادي) البيلبس جزم كل واحدة لونها براه ....ههههههههههههههه ..
تذكر يوم إيدي جاء لابس فردة خضراء ..وفردة صفراء وهو التوم بتاعه جو لابسين سوا ومبرمين شعرهم ..أنت صاحبهم ماعرفتهم ههههههههههههههههه ..
مقلبوك لكن ..
تذكر يوم حكيت لي نكتة أدروب وقعدت تضحك في أهلي ههههههههههههههههههههه ..... يامعفن ...
عارفك ساخر ...أنا ذاتي مستغرب الرصاص هد حيلك هنا كيف؟؟!!
بعدين الليلة النهارية زي الساعة 12 كدة جيت جنب جوته مالقيتك المهم ح أمشي وأجي راجع ..الليلة يومك علي ح أعزمك جبنة ظاااااااابطة ..طبعاً ماحصل عزمتك ..لكن الليلة أنت معزوم ..أوع تقول لي ماشي وفي شباب راجيني حركات المثقفاتية والفنانين دي ههههههههههههههه بتغيظك مش يلا أتغاظ ......
وعلي فكرة كل يوم ح أتكلم معاك لو مابزعجك ..
بزعجك مش ح أزعجك طيب..
__________
بواسطة: لؤى المستشار


ردود على مخير
United States [معروف] 10-01-2013 03:39 PM
الله يا لؤي لو ما خاف .. انت يا كا انت .. ديمه كلماتك بتهدني على ( طرطقة الاصابع ) لو ياكا انت كنا انا وانت على حد واحد ... معزوم انت وود مصطفى على جبنه تحت النيل عشان نمرق نلقى حال البلد معدول ..


#785582 [حقاني]
0.00/5 (0 صوت)

10-01-2013 07:18 AM
برهام صحفي معروف بمهنيته العالية وعمل بعدة صحف عربية وانجليزية في السودان وتقاريره فيها تميز وما قام به هو الشيء الطبيعي , علماً بأن الكثيرين من بني جلدته أصيبوا بالأذى خلال هذه المظاهرات نسبة لأغرارهم بالمال ومشاركتهم في مظاهرات لا ناقة لهم فيها ولا جمل, ولذا جاء حديثه صدقاً ومعبراً. وللأسف نحن السودانيون بنا من الهشاشة بأن نسمي بأسماء وبعد فترة نحاول تغيير هذا الاسم والدليل علي ذلك كثير , فلا تنساقوا بالعاطفة وتسمون باسم لا تعرفون مدلوله.


#785546 [الدنقلاوي]
0.00/5 (0 صوت)

10-01-2013 06:01 AM
قذف الصحفي العراقي بوش بالحذاء وأنت قذفت كل عصابة الإجرام بكل ما نفوسنا من غل وكره لهؤلاء المجرمين ... لقد واتتك الفرصة وكثورى حق لم تضيعها ليت كل من تتاج له فرصة في النيل من هؤلاء الانجاس لا يضيعها


#785478 [هديل]
4.00/5 (1 صوت)

10-01-2013 01:17 AM
رفعته راسنا ي بهرام فوق فوق , انت خير مثال للصحافة


#785477 [الرضي]
5.00/5 (1 صوت)

10-01-2013 01:03 AM
بهرام دا منو


ردود على الرضي
[hassan] 10-01-2013 04:54 AM
صحفي شجاع

United States [أســامة] 10-01-2013 03:50 AM
دا الرفع راسنا فوق

United States [Wd Canada] 10-01-2013 02:49 AM
بهرام دا ما بعرفوهو الرجال المايعين واشباه الرجال الزيك ... بهرام دا فارس ود فرسان ..واسد برجف الفيران الزى الفى المؤتمر الصحفى بتاع وزير الاعلام الجبان .. وبتاعين الشرطه القاعدين قدام ديل


#785470 [BIT MLOOK]
4.91/5 (9 صوت)

10-01-2013 12:43 AM
والله يا بهرام رفعت راسنا وقلت الما قدروا يقولوا الرعاع الحاضرين كلهم والله لو ما متزوج تعال ازوجك بنتي بت تقول للقمر قوم وانا اقعد محلك جمال وعلم وجواز اجنبى لانه زيك ده مافي ,راجل والله


ردود على BIT MLOOK
United States [مجرد سؤال] 10-01-2013 05:36 AM
قفلت عليه؟؟؟.
انت مسجله اسمك فوق .
عادي


#785460 [Omar Issa]
0.00/5 (0 صوت)

10-01-2013 12:22 AM
بهرام ما اشجعك,عبد العظيم ان شاء الله طيب


#785448 [احمد]
5.00/5 (3 صوت)

09-30-2013 11:57 PM
مع انو انا ما متزوج بس الليله لو جابو لي بت كان سميتا بهرام


ردود على احمد
[ابوايمن] 10-01-2013 04:53 PM
الشجاعه التى اظهرها بهرام حفظت ماء وجه الصحافه المستانسه مع الانقاذ اما حديثك اعتبره حسد لانو لا انت ولاامثالك الذين سلموا امرهم للانقاذ وباعو ضمائرهم لايستطعون قول الحق لان قلوبهم ماتت باكل الحرام ومال الشعب الذى يهرب بالملايين عبر مطا رات العالم وحصل عمار ابو الجاز فى دبى امكن تتحصل منو حاجه من العشرة مليون

[الدنقلاوي] 10-01-2013 06:08 AM
بكل الاحترام لبناتنا واخواتنا وامهاتنا (فبناتنا مهيرة ورجالنا بهرام) أقول ليك انت واحد ما محترم .. حقو لما المقام يكون مقام كلام رجال الزيك ده يخرس


#785444 [abdelaziim mekki]
0.00/5 (0 صوت)

09-30-2013 11:54 PM
والله دي فكره جميله

غايتو لو ربنا رزقني بولد

إن شاء الله سمه بهراااام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة