الأخبار
أخبار إقليمية
نداء عاجل من الجبهة الوطنية العريضة الي السودانيين والسودانيات في بلاد المهجر
نداء عاجل من الجبهة الوطنية العريضة الي السودانيين والسودانيات في بلاد المهجر



10-06-2013 06:54 PM
نداء عاجل من الجبهة الوطنية العريضة الي السودانيين والسودانيات في بلاد المهجر

لقد خرج جلكم من السودان رفضاً للنظام الشمولي القاهر. فترك بعضكم الوطن في عهد النظام المايوي الشمولي وهاجر جلكم في عهد الانقاذ الطاغوتي ولا يمكن ان تنسوا او تتناسوا المأسي التي يعيشها اهلكم الذين فارقتموهم وهم تحت نير الظلم والجوع والفاقة والقهر والقتل والتعذيب.
لقد اسهم جلكم في كشف جرائم النظام عبر وسائل الاعلام وبعلاقاتكم الممتده في الدول التي استقبلتكم واحسنت ضيافتكم وشعبنا قطعاًّ يعلم ذلك ويقدره لكم.
ما نطلبه منكم الان بسيط وسهل. فالشعب الان في مرحله المخاض الثوري يقاتل اعزلاً الا من ايمان راسخ يحتمية زوال هذا النظام وهو يتعرض للقتل بالمئات والاعتقال بالالوف والتعذيب الهمجي ما يفوق الوصف يتقدمهم الشباب والشابات. ولا بد للثورة ان تتواصل وتتصاعد. فهذه هي الجوله الاخيره في نضالات شعبنا من اجل استرداد حريته وديمقراطيته وكرامته وعزته.
ان السودانيين والسودانيات في دول المهجر يفوق اعدادهم عدة ملايين ولكل منكم اهله وذووه وجيرانه ومعارفه ان لم يكن كيانه السياسي. فلو خاطب كل فرد منكم هؤلاء للمشاركه الفاعله في ملحمه الشعب النضاليه هذه الايام فسوف يكون المشاركون بالملايين وليس بالمئات او الالوف.
ولا نحسب اننا نطلب منكم ما لا تستطيعون ولتكن هذه رسالة موجهه الي كل فرد منكم والي كل رجل او امرأة منكم في أي من بلاد الدنيا التي هاجرتم اليها.
هذا نداء توجهه الجبهة الوطنية العريضة الي كل سوداني لا يزال يفخر او حتي يحس بالانتماء للوطن.

علي محمود حسنين
رئيس الجبهة الوطنية العريضة
الاحد 6/10/2013


تعليقات 36 | إهداء 0 | زيارات 5038

التعليقات
#793020 [أبوقرجة]
0.00/5 (0 صوت)

10-07-2013 09:28 AM
الله أكبر يا سيد حسنين ... هذا كلام جميل والله العظيم سنقوم بذلك وندعوا للتظاهر كل أهلنا وجيراننا ...


#792918 [مقترب د1]
0.00/5 (0 صوت)

10-07-2013 08:07 AM
هههههه تناشد المهاجرين دليل واضح للكزب لوكان في ظلم لطلعو الناس من تلقاء انفسهم اسل الله ان يحفظ السودان من المخربين الكزابين امسالكم


ردود على مقترب د1
[زهير نديم] 10-07-2013 11:56 AM
إنت إما تكون عميان أو غبي أو معتوه أو مع الجماعة ديل .


#792877 [سرحة]
0.00/5 (0 صوت)

10-07-2013 06:07 AM
ولماذا أيها القاضي المناضل لا تدعوا أهلنا بالخارج والجاليات وخصوصا الجالية السودانية بالخليج
الأمتناع عن دفع الضرائب ولو لفترة بسيطة,وأين الهاكرز السوداني لماذا لايهكرون نظام بنك ام درمان أو نظام جهاز المغتربين!!!


#792844 [نوباتيا]
0.00/5 (0 صوت)

10-07-2013 03:08 AM
اخوتي اهل الغرب :
نعلم جيداً كم كرهتم اخوانكم الشماليين من جراء الكوارث التى احلت بكم من ظلم الكيزان وكم نعتمونا بالالفاظ العنصرية مثل جلابي والجلابي والكوز وجهان لعملة واحدة فهاهم الجلابة يثبتون لكم انهم بريئين كل البراء من هؤلا القتلة الماجورين المدعويين بالجبهجية ورائيتم بام عيتكم كيف يقتل النظام ابناء الجلابة بالدم البارد ودن المبرر ولايحملون في ايديهم حتى عصا .. وكان مبرر البشير في قتل اهلى بدارفور بانهم حملو السلاح واصبحو خارجين من القانون وماهو مبرر البشير الان في قتل شباب فقط لانهم قالو له لا وخرجوا هاتفين ( سقطط يا كيزان ) ( ياخرطوم ثوري ثوري لن يحكمنا لص كافوري ) فهل هذه الكلمات البسيطة تستحق ان يحمل قناص مدفعه لكى يصوب بها للقائل في راسه او صدره ..
اخوتى بغرب السودان :
اننا نعلم بالظلم الذي حل لكم واننا برئين منه براءه الذئب من ابن يعقوب ولكننا ظلننا ملتزمين الصمت طول هذه الفترة لاننا اذا تفوهنا بكلمة سيحصل لنا في قرانا كما حصل بقراكم التى ابديت .
فانكم رايتم بام عينكم ماذا حدث لنا بالخرطوم ومدني وعطبرة حينما خرج اهلنا السودانيين في مسيرة سلمية فقط اخرجو لهم قناصين وبلطجية وجنجويد باللاندكروزرات وحاثوا في الارض فسادا . انكم رائيتموهم بام اعينكم في مقاطع الفديو المنتشرة ولذلك اننى ادوعكم لكى نوحد الصفوف وتكون ثورتنا واحدة ونترك التعليقات باللغة الانجلزية جانبا لانها تتطمس الهوية السودانية واذا اردتم الهوية الحقيقة فالتتكلموا النوبية فهذه هى لغة السودان ارض الذهب .. واننا نعلم تماما بان السودان ليس لغته الاصل العربية وحتى جداتى لايعرفون كلمة من اللغة العربية ولكن العربية لغة الاسلام اصبحت لغتنا الاولي ابينا ام رضينا ويكفينا فخراُ بان خاتم الانبيا عربي .
ارجو من اخوتى بغرب السودان بعد ان تبين لكم بان كل السودان الان دارفور وان شهداء ثورة 22 سبتمبر يمثلون كل اطياف السودان ولذلك نرجو منكم ترك الجهوية والعنصرية بعيدا والعمل اولاً للتخلص من هذا الافة الخبيثة المدعوة بالكيزان من الحكم بكل السبل لانهم لايمثلون قبيلةبعينها بل هم لايشبهون السوداني الطيب ولذلك قال الطيب صالح من اين اتى هؤلا ؟ وبعد القضا عليهم بكل الطرق نعمل سويا لاعادة هيبة السودان وتوحيده وبناه دون النظر الى قبيلة بعينها والقبيلة فقط السودان لكى نفوت الفرصة لصعاليق الانقاذ بان لايدخلونا في حمام دم كما فعلو بكم في ايقاع
القبائل ببعضها واذكر بانهم اوقعوا قبيلتين دارفورية في نزاع بئر ذهب .

واخيرا ليس اخرا نرجو من كل سوداني مخلص ان يتبرا من الانحياز لقبيلة معينة وان يعمل لصالح السودان فقط لان السودان يوحد والقبيلة تفرق ويكفى ان الجنوبيين فصلوا دولتهم من اجل القبيلة فهل تريدو خمسون جنوباً بالسودان .

رماة الحدق


#792728 [صلى على النبى]
0.00/5 (0 صوت)

10-07-2013 12:05 AM
ناس يوسف وعنبر ديل واضح انهم عارفين بعملو فى شنو تبا لهم ولكن يجب ان لا ننصاع لاهدافهم الدنيئه وشغل المنبر بالردود عليهم وياريت الاداره تنتبه ايضا و ما تعرض تعليقاتهم الماجورين عليها دى نعم ديمقراطيا مع الكل بس ما نكون عبيطين كمان الراكوبة خاصة بالشرفاء فقط لا غير ونرجو ان يكون دا اخر رد على اولاد الحرام ديل


ردود على صلى على النبى
[Game Over] 10-07-2013 07:32 AM
ياخي الكلام الكتبه عنبر الطيب ده ما كلام واعي ومقبول جدا - الراجل بايد الجبهة الثورية وبنتقد الاحزاب القذرة , المشكلة وين؟ ده نفس رايي وازيدك كمان الترابي والصادق والميرغني ديل تحت جزمتي


[عنبر عمر الطيب]

0.00/5 (0 صوت)

10-06-2013 06:58 PM
انت يا علي محمود حسنين ما دام انت رئيس الجبهة الثورية فلا داعي للخروج الي الشارع لاسقاط الحكومة وانا لست جبهجيا ولا حزبيا ولكن اقول لك بالفم المليان والله نار البشير ولا جنة الجبهة الثورية وذلك ما دمت انت وامثالك الترابي والمهدي والميرغني علي راس الجبهة الثورية اما عن هجرتنا للخارج والبحث في المعيشة الكريمة فكانت البداية من زمن حكم الاحزاب وفي عهدكم انقسم الشعب الي وطني اتحادى والثاني الي حزب امة والاخر الي اخوان مسلمين وكانت التعيينات في الوظائف حسب انتماء الشخص للحزب وارجو ثم ارجو ثم ارجو اتركونا واتركوا الشباب يحكموا البلد فانت والثلاثي وصلتوا ارزل العمر وشوفوا ليكم مسجد وباقي عمركم خلوه لربكم يا ارزل رؤوس الحزبية وداسين انفسكم في بيوتكم والشباب يموتوا ليكم عشان تجوا وتلقوها جاهزة وتنطوا تاني علي رقابنا

[عنبر عمر الطيب]

ردود على عنبر عمر الطيب
[عنبر عمر الطيب] 10-06-2013 10:52 PM
يا اخوتي انا اعتذر للغلطة غير المقصودة وانا هنا اقصد ( الجبهة الوطنية ) وليست - الجبهة الثورية - وانا قلبا وقالبا مع الجبهة الثورية .. ولكم العتبي حتي ترضوا


#792717 [محمد الحسن]
0.00/5 (0 صوت)

10-06-2013 11:55 PM
لا بد لناان نفر بابناء بري هؤلاء الاشاوس الذين ظلوا يواجهون الطغيان وجبروته بكل رجاله وبساله غير ابهين بالحصار المضروب عليهم ورغم ازيز الرصاص ودخان الغاز وقف ابناء بري رجالا ونساءا خلف هؤلاء الثوار الاحرار .. والخزي والعار لكل الجبناء المختبئين خلف بيوتهم في كل الاحياء التي لم تخرج .. اخرجوا وسجلوا موقف كابناء بري الاوفياء.


#792642 [sabile]
5.00/5 (1 صوت)

10-06-2013 10:57 PM
حملة مقاطعة صلاة العيد خلف السيدين الصادق والميرغني احتجاجا على مواقفهم الضبابية والجبانة من ثورة 23 سبتمبر


ردود على sabile
United States [مؤثمر وطني قال] 10-06-2013 11:31 PM
يا أخي حرام عليك عايز حكومة تجار الدين تقعد لحد العيد البعيد داك


#792630 [Mohamed Moja]
0.00/5 (0 صوت)

10-06-2013 10:47 PM
بدون قتل وموت,عصيان مدني سلمي وكل السودانيين يوقفوا وما يمشوا الشغل,يوم عطلة واحد بخسر الحكومة كتير جدا,وإذا بقت عدة ايام بتشل الحكومة وبراها بتقع.
وقفوا العمل في جميع مرافق الدولة ونشوف ناس الحكومة بمشوا وين.


#792561 [DR SAMI ALI]
0.00/5 (0 صوت)

10-06-2013 10:05 PM
شكرا لكل من ساهم من اهلنا في البراري وتبا ياعلي محمود لرفيقكم العجوز الفاسدمحمد عثمان الميرغني لحبه للدنيا تبا له عابد الدينار وشكرا لك وللقابضين علي الجمر ولعنة الله علي القاتلين كلاب الامن ونافع


#792538 [ثائر بن ثائر الثوري]
0.00/5 (0 صوت)

10-06-2013 09:54 PM
القمع لا يفيدكم في شئ.. ماذا افاد القذافي و زين العابدين و مبارك وبشار و من قبلهم ؟؟؟
افسحوا المجال للشعب لكي يتنفس و يعبر ,,, الم تعلموا يا رؤوس المؤتمر الوطنى أنكم بالمظاهرات او غيرها لم تعيشون أكثر من 10 سنوات كحد اعلى لعمر البشرية ؟ كم عمرك ياعمر و كم عمرك يا علي و نافع و غيرهم؟ المؤكد ان غالبية الشعب السوداني لا يرغبون فيكم ,لكن اذا فعلا انتم تحبونهم و تحبون السودان عليكم بالتنازل عن حكم البلاد بكل شرف الى حكومة انتقالية وبهذا تكونوا حفظتم السودان و تحسب لكم انجازا كبيرا خلال حكمكم للبلاد, صدقونى الفرحة التى ستصيب الشعب من هذا القرار سوف ينسيهم مجازركم و اخفاقاتكم و ظلمكم ... دعو الناس يفرحون بالعيد و بإستقالاتكم بدلا ان يأتي الفرح بعد حزن بالسلاح و الدبابات و هو بيين امام اعينوكم و تعلمون كيف تقوم الثورات, تبدأ بعدد قليل من الافراد ثم تكبر يوما بعد يوم و الذي يلهب الثورة و يزيد في اشتعالها وقود يعرف بال(القمع)كلما زاد القمع كلما ازدات اشتعلاً...الموضوع أبسط مما يتخيله إن عادي (فشلتم و ادارة البلاد و هذا حظكم حاولتم و حاولتم ولكن الله ارد لكم الفشل و الدليل واضح امامكم و الفشل ليس عيبا , الحل ان تستقيلوا جميعا في يوم واحد و سوف يأتي الشعب السودان بمن يريده و كفى الله شر القتال و الإقتتال )و الله ما دايرة تنظير كتير و لا قمع وقتل و امن و مظاهرات و بمبان . فقط يحتاج رجال يتنازلوا للرجال تانيين يجربوا حكم السودان .
وشكرا


#792526 [د/نادر]
0.00/5 (0 صوت)

10-06-2013 09:47 PM
انا اقول بالواضح لا خيار لديهمولدينا الا الخروج خلاص لا فول لا بوش


#792512 [محمد شرف]
0.00/5 (0 صوت)

10-06-2013 09:29 PM
قد كان وسيتجدد الدعوة يا مولانا ولكن لا تعتقدوا عن هذا النظام القاهر يستسلم بسهولة او يمشي ببساطة


#792503 [nagatabuzaid]
0.00/5 (0 صوت)

10-06-2013 09:22 PM
رد على يوسف اقول ليك ( كر ) ولا ( جر ) وما عارفة الخناذير بطردوهم باى كلمة رغم انى فى بلد بها خنازير كثير لكن ما عايشة وسطهم اها اختار كر ولا جر ؟؟


#792450 [جاك بلانص]
5.00/5 (5 صوت)

10-06-2013 08:15 PM
انت يا استاذ علي اذا عايز تعمل لينا شىء فعلا يكون مؤثر ويفتح باب للتغيير
استثمر علاقاتك واعمل على تاجير قناة تلفزيونية تخصص للمعارضة وهو موضوع
ليس بالصعوبة حيث توجد في لندن ستديوهات وقنوات يمكن ايجار البث منها باليوم
او بالشهر وبتكلفة عادية يمكن لسودانيي الشتات القيام بها .. يعني ما محتاجين
اجهزة ولا ديكور ولا غيره بس كادر بشري للتشغيل وهم متوفرين بلندن يمكن
ايجارهم ايضا . الاعلام هو ما تحتاجه الانتفاضة ..


ردود على جاك بلانص
European Union [جاك بلانص] 10-07-2013 03:37 PM
يا اخ سوداني .. انا قدمت الاقتراح بعد ما استفسرت عن الموضوع لانو انا بعمل في الاعلام ..
انا ما بقدر اقوم بشىء ما عندي استطاعة اعملو لاني موجود في الخليج وموضوعنا في لندن .. البقدر عليهو
اساهم ماديا ومجال استشارات واستثمار علاقات . الايجار السنوي في حدود 100000 دولار يمكن
نزيد او تنقص .. اي شخص موجود في لندن ممكن يسال ونتواصل على الراكوبة . بس الموضوع عايز
جهة تتبناه حتى لانتهم باننا انتهازيين .. في النهاية المادة هي كل المطلوب .

United States [انا سوداني] 10-06-2013 09:14 PM
كلنا يا جاك بتاعين كلام ساكت النظام دا اتمكن لانهم عندهم كودار بتعمل ويؤمنوا بيتوجهم جتى لو لسلطة ومال مكنوا نفسهم، المعارضة رجل مع الحاكومة ورجل مع الشعب ، ودي مشكلة المنافق اسواء من الكافر درجات ، خلونا نكون عملين بالكي بورد نفسوا القاعد عليهوا جيب عناوين استديوهات ، واعمل الحجز وانشروا في الراكوبة ورينا ايجار الاستديو وايجار الناس كم ورقم الحسابات وشوف بعدين.. ما كل واحد يتكل على التاني.

United States [maha bit samira] 10-06-2013 09:08 PM
اوافقك الراى يا اخى فإقتراحك يتألق بالوجاهة فمن يتاظهرون ضد النظام هم اهلنا ولا يحتاجون منا الى دعوة للخروج, وما تحتاجه المرحلة هو اعلام ثورى يدعم الشارع الثائر, ونحن على اهبة الاستعداد لتمويل فضائية الثورة فليتحرك على محمود حسنين والجالية السودانية بلندن فى هذا الاتجاه وبأسرع مايمكن....ومن هنا اوجه النداء الى كل السودانيات والسودانيين فى دول الاتحاد الاوربى بتقديم الدعم المادى والمعنوى لتنفيذ هذا المطلب الثورى...والمجد للشهداء والمجد للشرفاء والمجد للآلاف تهدر فى الشوارع كالسيول يدك زاحفها قلاع الكبت والظلم الطويل...


#792449 [اسد البرارى السم الهارى]
0.00/5 (0 صوت)

10-06-2013 08:15 PM
سيرو ونحن معكم واهلنا فى البراري وكل اهل السودان خلفكم


#792446 [اسد البرارى السم الهارى]
0.00/5 (0 صوت)

10-06-2013 08:14 PM
نعم نحن معكم


#792442 [zee]
0.00/5 (0 صوت)

10-06-2013 08:09 PM
التحية لك يا أستاذ علي محمود حسنين و انت من البداية كان موقفك واضح و مُشرف جدا و هذا مايحتاجه الوطن الآن. على كل المهاجريين في الدول الغربية و العربية و غيرها الإستجابة إلى نداء هذا البطل.
, أخيرا ستعود الديمقراطية لا محالة


#792433 [يوسف]
0.00/5 (0 صوت)

10-06-2013 07:59 PM
لم نخرج للاسباب التي ذكرتها وليس لدينا اي مشكلة مع النظام لذلك لا تزعجونا
ولو انتو عندكم مشكلة حلوها بعيد عنا


ردود على يوسف
United States [ثائر] 10-07-2013 09:18 AM
أسأل الله الواحد الأحد أن يدمرك بمثل ما تريد ان تدمر البلاد والعباد ....الله يأذيك و نشكيك لى الله ......الله لا يكسبك صحة ولا عافية لانك تريد أن تأذى هذا الشعب المغلوب على امره.....يا المسمى نفسك يوسف

United States [maha bit samira] 10-06-2013 10:10 PM
يا أخ يوسف يحق لك ان تتحدث عن نفسك ,اللهم إلا اذا كان استخدامك لصغة الجمع من باب تفخيم الذات..اما انا فخرجت للاسباب المذكورة اعلاه, ومشكلتى مع النظام ليست شخصية بحته ولكنه الرفض التام لسياسة هذا النظام, ومن اجل السودان, ومن المزعج حقا ان تكون مواطن سودانى لايحس بمشاكل وطنه, سنحل المشكلة رضيت ام ابيت,لأن المشكلة ليست فقط زوال النظام بل شفاء امثالك من داءالجهل السياسى وعدم المسئولية تجاه الوطن ومرض الانانية...شفاك الله.ياهذا , فلا انا عابد ماعبدتم ولا انتم تعبدون ما اعبد لكم دينكم ولى دين.

[hassan] 10-06-2013 10:01 PM
ده من الجداد المهجن بالالكترون، ربنا لا يكسبكم دنيا ولا آخره يا خاين والله نوعك ده المفروض يولعوا بيهو صاج العواسه يا ديوث يا عديم النخوه والوطنيه ، من لم يغير علي كرامة بلدو طبعا لا يغير علي عرضوا .

[more] 10-06-2013 09:39 PM
اخرص يكلب النظام.....اصلو زول يقول ماعندي مشكلة مع الحكومة دي الي يكون كلب من كلبه ورامين ليه عضمه من بقايا هم.........اخرص واطلع براء راكوبتنا لانهاء راكوبت الاحرار والشرفاء.....امشئ يكلب انفث سمومك ووشخك ده في الانتباها وله قناة الجزيرة او في اي من الوسخ الإعلامي الآخر

European Union [المهاجر] 10-06-2013 09:33 PM
First of all you are one of the evil who belong to Omar Elbasheer. Therefore, you do not have the right to speak on behalf of all Sudanese people. I beg to Allah everyone who encourage Omar elbasheer, will suffer in this earth before the day of judgement.

[واحد قرفان جدا] 10-06-2013 08:53 PM
اكيد من المنتفعين ... بلا يخمك


#792430 [عنبر عمر الطيب]
0.00/5 (0 صوت)

10-06-2013 07:58 PM
انت يا علي محمود حسنين ما دام انت رئيس الجبهة الثورية فلا داعي للخروج الي الشارع لاسقاط الحكومة وانا لست جبهجيا ولا حزبيا ولكن اقول لك بالفم المليان والله نار البشير ولا جنة الجبهة الثورية وذلك ما دمت انت وامثالك الترابي والمهدي والميرغني علي راس الجبهة الثورية اما عن هجرتنا للخارج والبحث في المعيشة الكريمة فكانت البداية من زمن حكم الاحزاب وفي عهدكم انقسم الشعب الي وطني اتحادى والثاني الي حزب امة والاخر الي اخوان مسلمين وكانت التعيينات في الوظائف حسب انتماء الشخص للحزب وارجو ثم ارجو ثم ارجو اتركونا واتركوا الشباب يحكموا البلد فانت والثلاثي وصلتوا ارزل العمر وشوفوا ليكم مسجد وباقي عمركم خلوه لربكم يا ارزل رؤوس الحزبية وداسين انفسكم في بيوتكم والشباب يموتوا ليكم عشان تجوا وتلقوها جاهزة وتنطوا تاني علي رقابنا


ردود على عنبر عمر الطيب
[عنبر عمر الطيب] 10-06-2013 11:52 PM
يا اخوتي انا اعتذر للغلطة غير المقصودة وانا هنا اقصد ( الجبهة الوطنية ) وليست - الجبهة الثورية - وانا قلبا وقالبا مع الجبهة الثورية .. ولكم العتبي حتي ترضوا .

European Union [Amer] 10-06-2013 09:53 PM
يا عنبر ممكن توريني عنبرك ده عنبر شنو لانو كلامك زي كلام الزول الراميو جمل او رايح ليهو

United States [بعشوم] 10-06-2013 08:48 PM
ده كلام شنو ده ؟؟ زي مشي الجداد في العجين .. الجاب الجبهة الثورية للمهدي والترابي والميرغني شنو ؟؟ والقال ليم منو هو رئيس الجبهة الثورية ؟!
يااااا عنبر انشاءالله انتا طيب


#792428 [انا سوداني]
0.00/5 (0 صوت)

10-06-2013 07:57 PM
كل شي يجب ان يتم في النور ، من انتم اذا عندكم رسالة وضحوها الان وبكل شفافية ولو توجد اي محاذير فانتم ليس اهل لها، الشعب سئم من الاستغلال ، هل كان يعقل ان سوداني يده تمتد الي اغاثة اخيه ، هل كان بيننا سوداني يغتال الناس ، وهل هناك سوداني قناص يقنص الشعب الاعزل ، هل هناك سوداني يعزب ويغتصب الناس ، ويقتلون الناس بدم بارد ، هؤلاء سودانيون من بطون سودانية ، عندما تحدث جريمة بشعة ياتوا بذكر سوداني فيه يهب كل الناس وينفوا هذا حبشي وهذا تشادي وهذا .. الان عرفنا ان هناك سودانيين شواذ في كل شي ، نحن جاهزين معاول للبناء والتغيير ولا نثق في اي احدغير الله نساله ان يولي امر البلاد من فيهوا صلاح .


#792425 [نكتة حلوة]
0.00/5 (0 صوت)

10-06-2013 07:55 PM
فنوقف المصاريف لمدة شهر لكى يخرج المضحيين من اجلهم


ردود على نكتة حلوة
European Union [سن ألفيل] 10-06-2013 09:34 PM
دي مانكتة دي الحقيقة والله تسلم


#792423 [الليل]
0.00/5 (0 صوت)

10-06-2013 07:54 PM
لقد اصبت فالثوره في حوجه لكل سوداني داخل الوطن او خارجه. معارض بقلمه او لسانه او ماله او قلبه .فان النظام يترنح ويلفظ انفاسه الاخيره. علي الرغم من محاولات بعض الدول كقطره بث بعض الدولارات في خزينته ليتعافى . ولكن هيهات.


#792421 [جاك بلانص]
0.00/5 (0 صوت)

10-06-2013 07:51 PM
انت يا استاذ علي اذا عايز تعمل لينا شىء فعلا يكون مؤثر ويفتح باب للتغيير
استثمر علاقاتك واعمل على تاجير قناة تلفزيونية تخصص للمعارضة وهو موضوع
ليس بالصعوبة حيث توجد في لندن ستديوهات وقنوات يمكن ايجار البث منها باليوم
او بالشهر وبتكلفة عادية يمكن لسودانيي الشتات القيام بها .. يعني ما محتاجين
اجهزة ولا ديكور ولا غيره بس كادر بشري للتشغيل وهم متوفرين بلندن يمكن
ايجارهم ايضا . الاعلام هو ما تحتاجه الانتفاضة ..


#792420 [كاسترو عبدالحميد]
5.00/5 (1 صوت)

10-06-2013 07:50 PM
نعم لهذا لنـداء وهو يؤكد أن السودانيون فى الخارج والداخـل جـسما واحـدا وبأذن الله قـبل نهاية هـذا العام يزول هـذا النظام الفاسـد والله غـير غافل عـن ما يحـدث وسوف ينزع منهم الملك كما ورد فى القرآن الكريم لأنهم خانوا الأمانة وخانوا الله بادعائهم بأنهم يحكمون لأرساء شريعة الله وكل من يكذب عـلى الله مصيره المذلة والأنكسار.


ردود على كاسترو عبدالحميد
[زول هندي] 10-07-2013 10:59 AM
عبدالحميد كاسترو
لك التحيه ايها المناضل
غدا سيفر بني كوز بالمئات يحملون ما خف حمله
غدا سيتزاحمون على كل منافذ الهروب
غدا سيدفعون الملايين لحجز مقعد في طائره تاخذهم بعيدا
غدا سيدسون رؤوسهم في الرمال حينما يحيط بهم الثوار
غدا سينقشع الجراد والقمل والضفادع عن وطني فيغدو جميلا
غدا ترجع الفرحه وتعم البهجه يرفرف الامل وتحلو الحياه
غدا احلى
غدا احلى
غدا احلى


#792411 [vip]
0.00/5 (0 صوت)

10-06-2013 07:34 PM
اما انتم فمطالبون بانشاء قناة فضائية اليست ايضا سهلة وبسيطه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة